Utval Møtedato Utvalssak Planutvalet / Alle bustadområde i gjeldande arealplan skal i utgangspunktet vurderast vidareført.

Transkript

1 VESTNES KOMMUNE Saksframlegg Arkiv: 140 Arkivsaksnr.: 2013/676 Saksbehandlar: Jan Rune Jacobsen Dato: Kommuneplan Arealdel Utval Møtedato Utvalssak Planutvalet /2013 Saksprotokoll i Planutvalet Vedtak: 1. Alle bustadområde i gjeldande arealplan skal i utgangspunktet vurderast vidareført. 2. Nye bustadområde som bør vurderast tatt inn i ny arealplan: Sollia i Fiksdal, Nerås, Skavneset, Riseplassen, Remmem, Misfjordskogen, Flate, Kyrkjesylte, Daugstad og Vike. 3. Planutvalet utfordrar Vestnes Næringsforum til gjennom sine medlemmar å kome med forslag til utviding av eksisterande næringsareal og nye næringsareal, herunder også forslag til område der steinmassar frå Møreaksen kan nyttast til oppbygging eller utfylling av nye område. Frist Planutvalet ber adm.sjefen v/landbruk- og miljøavdelinga avklare eventuelle konfliktar knytt til forslag om nye bustadområde etc. Vidare avklare om Vestnes kan ha potensiale for å sette i gang eit prosjekt med å få nytt liv i tomme hus. 5. Planutvalet ber Barnerepresentanten organisere medverknad frå barn og unge med tanke på barnetrakkregistreringar, innspel om gode friområde, møteplassar o.a. 6. Planutvalet ber adm.sjefen v/folkehelsegruppa evaluere gjeldande plan og kome med forslag til nye turløyper og grøne lunger i den nye planen.

2 Behandling: Framlegg til vedtak utarbeidd i møte; 1. Alle bustadområde i gjeldande arealplan skal i utgangspunktet vurderast vidareført. 2. Nye bustadområde som bør vurderast tatt inn i ny arealplan: Sollia i Fiksdal, Nerås, Skavneset, Riseplassen, Remmem, Misfjordskogen, Flate, Kyrkjesylte, Daugstad og Vike. 3.Planutvalet utfordrar Vestnes Næringsforum til gjennom sine medlemmar å kome med forslag til utviding av eksisterande næringsareal og nye næringsareal, herunder også forslag til område der steinmassar frå Møreaksen kan nyttast til oppbygging eller utfylling av nye område. Frist Planutvalet ber adm.sjefen v/landbruk- og miljøavdelinga avklare eventuelle konfliktar knytt til forslag om nye bustadområde etc. Vidare avklare om Vestnes kan ha potensiale for å sette i gang eit prosjekt med å få nytt liv i tomme hus. 5. Planutvalet ber Barnerepresentanten organisere medverknad frå barn og unge med tanke på barnetrakkregistreringar, innspel om gode friområde, møteplassar o.a. 6. Planutvalet ber adm.sjefen v/folkehelsegruppa evaluere gjeldande plan og kome med forslag til nye turløyper og grøne lunger i den nye planen. Avrøysting: Framlegg til vedtak utarbeidd i møte vart samrøystes vedteken. Administrasjonssjefen si innstilling 1. Bustadområde som bør vidareførast i ny arealplan: 2. Bustadområde som bør vurderast tatt ut i ny arealplan: 3. Nye bustadområde som bør vurderast tatt inn i ny arealplan: 4. Planutvalet utfordrar Vestnes Næringsforum til gjennom sine medlemmar å kome med forslag til utviding av eksisterande næringsareal og nye næringsareal, herunder også forslag til område der steinmassar frå Møreaksen kan nyttast til oppbygging eller utfylling av nye område. Frist..?. 5. Planutvalet ber adm.sjefen v/landbruk- og miljøavdelinga kome med innspel om dei viktigaste landbruksområda og avklare eventuelle konfliktar knytt til forslag om nye bustadområde etc. Vidare avklare om Vestnes kan ha potensiale for å sette i gang eit prosjekt med å få nytt liv i tomme hus. 6. Planutvalet ber Barnerepresentanten organisere medverknad frå barn og unge med tanke på barnetrakkregistreringar, innspel om gode friområde, møteplassar o.a. 7. Planutvalet ber adm.sjefen v/folkehelsegruppa evaluere gjeldande plan og kome med forslag til nye turløyper og grøne lunger i den nye planen. SAKSUTGREIING:

3 Bakgrunn: Vedtak om oppstart av ny kommuneplan for Vestnes vart gjort i desember Planprogram er vedtatt i juni 2013 og Planutvalet skal vere styringsgruppe for arbeidet med ny arealdel av kommuneplanen. Samfunnsdelen av kommuneplanen er eit overordna strategisk dokument, som skal gi føringar til arealdelen. Her er formannskapet styringsgruppe. Det er såleis naturleg at samfunnsdelen blir vedtatt først, men det er ikkje noko i vegen for at desse 2 delane blir arbeidd med parallelt. Arealplanen skal omfatte alt areal i kommunen, og vise samanhengen mellom framtidig samfunnsutvikling og bruk/vern av areal. Gjeldande kommuneplan er tilgjengeleg på kommunens nettsider Vurdering: Tresfjordbrua og Møreaksen skaper nye samferdselsmønster, som vil påverke utviklinga i Vestnes. Kommunens strategisk beliggande posisjon Midt i blinken blir med dette styrka. Planprogrammet for ny kommuneplan tek til orde for å utnytte dette gjennom 3 strategiar: 1. Legge til rette for å styrke Vestnes sin rolle som bukommune for arbeidsmarknadane i regionen. 2. Styrke rollen som vertskommune for næringslivsaktørar som finn vår strategiske plassering attraktiv. 3. Styrke Helland som strategisk plassert handelssentrum mellom Moa og Molde. Punkt 3 heng nøye saman med dei 2 andre. Her vil pågåande plan- og designkonkurranse for Helland sentrum leie fram til ei ny reguleringsplan for kommunesenteret. Dette går som eigen prosess, og blir derfor ikkje vidare kommentert no. Etter adm.sjefen si vurdering er det også viktig å kome i gang og få framdrift i arbeidet med arealplanen. Som ein start er det særleg aktuelt å tenke på kva for bustadområde og næringsområde vi skal satse på i åra frametter, samt vurdere dei innspela som alt er registrert. Ein del av dei er vedlagt. I tillegg kan det vere aktuelt for Planutvalet å gje ordre til oppstart av nødvendige utgreiingar, som t.d. gjeld landbruk, natur og miljø, barn og unge, og folkehelse. Nye bustadområde: Vestnes kommune har mottatt mange innspel om nye bustadområde: I Fiksdal, på Bårdsneset, Nerås, langs Buktavegen, i Åsbygda, på Flate og i Tresfjord. I tillegg har planutvalet behandla saker som gjeld mulege bustadområde på Hagneset og Remmem. Adm.sjefen vurderer stoda for bustadområde frå Gjermundnes til Rekdal slik: 1. Gjermundnes/Vikebukt har avklart store areal til ny bustadbygging i gjeldande kommuneplan (B20). Dette bør vidareførast. Som kvalitetssikring bør planutvalet vurdere om grensene for desse områda er praktisk dregne. 2. Daugstad-området treng tilrettelegging av fleire bustadområde. Gjeldande plan viser eit stort område, B16, som adm.sjefen no vurderer som lite realistisk pga store kostnader med framføring av infrastruktur. Når E136 blir omlagt, bør det vere aktuelt å vurdere attraktivt plasserte mindre huskrullar nærare dagens europaveg, samt mulege utvidingar kring eksisterande infrastruktur. 3. Tresfjord har fortsatt stor regulert reserve i Sylteråket, men her er det bere område B12 og kanskje B13 som er aktuelle. Det er tidlegare gjort vedtak om å stoppe vidare utbygging vestover. Dette fordi slik utbygging er rekna for å vere lite attraktiv. I staden har vi registrert ønske om nytt bustadfelt ved museet, B14, og fortetting nordaust for kyrkja. Manglande infrastruktur for avløp er ei utfordring på denne sida av Tressa. Slik er det også vidare oppover bygda på Hage-sida, der det i gjeldande plan er vist mulegheit for spreidd bustadbygging i LNF-område. 4. Området Skorgenes Brastadskiftet har relativt store ledige bustadområde i gjeldande plan (B11 m.m.), som kan tilknytast eksisterande infrastruktur. Med tanke på at

4 Kjelbotnkrysset truleg blir stengt og at Heggelia ikkje lenger blir gjennomfartsveg, er det aktuelt å vurdere både grensene og nye vegtilkomstar for desse bustadområda. 5. På Remmem er det i gjeldande plan vist nytt bustadareal i Remmemsråket, B10. Planutvalet har tidlegare vurdert endring av arealformålet på gnr 44 bnr 1 (FF5 på Sand-garden) på nytt, jf vedlagt vedtak og skisse. 6. På Helland er det vist nytt bustadfelt B9 (Ramberget). Dette arealet er seld til private ubyggarar, som er i startgropa med reguleringsprosessen. I tillegg er stikkord som bustader i sentrum og fortetting aktuelle tema i dette området. Det bør også vurderast om ny plan skal vise meir bustadareal mellom fylkesvegen og Flatevågen innover mot Misfjorden. På Flate er det ønske om nokre små nye bustadområde ved fylkesvegen. I dette området er det avgjerande å ha gode avløpsordningar, for å sikre Flatevågen mot forureining. 7. Nord for Vestnesstraumen viser gjeldande plan eit stort nytt område rundt Åslia (B7). Her er føresett vesentleg omlegging av vegtilkomst. Det må vurderast om dette er realistisk. Vi har i tillegg mottatt innspel frå grunneigarar vest for Åsbygda Panorama, med ønske om bustad- og hytteområde. Grunneigaren på Rise-plassen, utanfor Vorpeneset, ønsker dette arealet til bustader og vurderer det ikkje lenger som aktuelt til landbruk. På nordsida av Hagneset er det i gjeldande plan eit mindre bustadområde som manglar vegløysing. Dett bør løysast i ny plan. 8. På Nerås bør det vere mest aktuelt å legge nye bustadområde i tilknyting til eksisterande avløpsanlegg på Neråsneset. I tillegg er det ønske om utvikling av bustadfelt på gnr 57 bnr 14 og 30 nærare Vik. Her er det ikkje avløpsanlegg frå før. 9. I Tomrefjorden viser gjeldande plan 2 relativt store nye bustadområde på Bårdsneset og 1 på Vik (B3, B4 og B5). Desse bør etter adm.sjefen si vurdering vidareførast, eventuelt med ei vurdering av grensene. Bårdsneset er svært sentralt og ligg rett nedanfor skulen. Utfordringa her er å finne ei god løysing for avkjørsel i samarbeid med Statens vegvesen. Det nye arealet på Vik vil også vere svært sentralt, berre ca 1 km ifrå det påtenkte krysset med ny E39 Møreaksen. 10. I Fiksdal sleit vi ved førre revisjon av kommuneplanen med å finne eigna areal for framtidig bustadbygging. Dett er no i ferd med å løyse seg, ved at grunneigarar i lag med private interessentar er i ferd med å regulere eit stort og sentralt bustadområde mellom fylkesvegen og sjøen. Dette må byggast inn i den nye arealplanen. 11. På Rekdal vurderer ikkje adm.sjefen det som aktuelt med nytt bustadfelt, men det kan vurderast utvidingar av eksisterande felt og vidareføre mulegheita for spreidd busetnad. Næringsområde Det kan vere lurt å ta høgde for at Møreaksen kjem i ikkje alt for fjern framtid. Då peikar området rundt det planlagde krysset E39 x Fv661 på Vik seg ut som naturleg å utvikle vidare som næringsareal. Med Møreaksen er det også naturleg å tenke nytt når det gjeld arealbruk på Furneset. Når 3 mill m 3 steinmassar skal ut av Møreaksen - tunnelen, må dette bli betrakta som ein ressurs og ikkje eit problem. Det blir derfor ei stor oppgåve å finne løysingar på korleis desse massane kan brukast på samfunnsnyttig vis. Med tanke på å legge til rette for ekspansjon for eksisterande verksemder er det aktuelt å utvide næringsområda ved Langneset, Rekdal Industrier, Langstein, Vestnesbukta, Remmem, Skorgen, Sessneset, Krogset. I arbeidet med planlegging av nye næringsområde er det naturleg med tett kontakt mot næringslivet for å avdekke behova og samarbeide om løysingane. Adm.sjefen meiner det er naturleg å utfordre Vestnes Næringsforum i dette arbeidet. Landbruk, natur og miljø Arealplanen skal ikkje berre legge til rette for ny arealbruk, men også avklare kva område ein vil verne av landbruksareal, av omsyn til biologisk mangfald, vilt, friluftsliv, landskap osv. Det kan derfor vere nyttig, som ein del av framdrifta i starten på planarbeidet, om adm.sjefen v/landbruk- og miljøavdelinga avklarar kva som er det viktigaste landbruksarealet. Bondelaget er også ein naturleg medspelar her. Likeins bør adm.sjefen søke å få tidleg avdekka eventuelle

5 konfliktar av omsyn til biologisk mangfald, etc. i nye område som blir foreslått. Eit anna tema er å avklare om Vestnes kan ha potensiale for å sette i gang eit prosjekt ala Nesset med å få nytt liv i tomme hus. Barn og unge Godt oppvekstmiljø for barn og unge er viktig. På dette temaet kan det vere aktuelt å utfordre Barnerepresentanten til å etablere god medverknad. Barnetrakkregistreringar er aktuelt, likeins å få innspel på gode friområde, møteplassar etc. Fokehelse Use it or loose it heiter i eit engelsk visdomsord om kroppen vår. I folkehelsesamanheng er de derfor eit poeng å legge til for at alle grupper av menneske kan både få frisk luft og rørt seg. Sidan det ikkje er alle som kan springe på fjelltoppar, bør det i arealdelen også leggast opp til å sikre turløyper og grøne lunger i nærområda der folk bur. Mykje er vist i gjeldande arealplan, men her kan det truleg vere nyttig å utfordre folkehelsegruppa i kommunen til både å evaluere gjeldande plan og kome med forslag til den nye planen. Særutskrift til: Formannskapet Vestnes Næringsforum Landbruks-/Miljøavdelinga Barnerepresentanten Folkehelsegruppa Vedlegg: 1 Planprogram 2 Innspill til rullering av kommuneplan areal Vestnes kommune 3 innspill arealplan Vestnes kommune - 48_1 4 Gnr 52 bnr 32 - Søknad om bruksendring - endring til bolig- og fritidsboligformål 5 Situasjonsplan 6 Gnr 52 bnr 1 - Søknad om bruksendring - endring til boligformål 7 Situasjonsplan 8 Gnr 67 bnr 1 - Søknad om tilrettelegging for hytter på teig 9 Foto 10 Situasjonsplan 11 Gnr 50 bnr 1 Skavneset - innspel til rullering av arealplan 12 Utkast til råd om naust i kommuneplan og reguleringsplan - Kopi av brev frå Fylkesmannen i Møre og Romsdal datert Kommuneplan arealdel og samfunnsdel - fråsegn til melding om oppstart og høyring av planprogram 14 Kommuneplan samfunnsdel og arealdel - fråsegn ved oppstart og forslag til planprogram 15 Høringsuttalelse på ny kommunedelplan 16 Nerås gnr 57 bnr Nerås kart gnr 57 bnr Remmem, vedtak gnr 44 bnr 1 19 Remmem, skisse gnr 44 bnr 1 20 Innspel til kommuneplan 21 Søknad om endring av eksisterande udyrka innmarksareal til fritidsareal 22 Kopi av møtebok - sak 544/1975