ÅRSMELDING 2007 Sogn fjordsymjeklubb

Transkript

1 ÅRSMELDING 2007 Sogn fjordsymjeklubb 1

2 INNHALD Innleiing...3 Stifting av Sogn fjordsymjeklubb...3 Vedtekter Føremål: Medlemmer Stemmerett og høve til å verte vald Kontingent Godtgjersle for tillitsvalde Årsmøte Leiing av årsmøtet Stemmegjeving på årsmøtet Årsmøtet sine oppgåver Ekstraordinære årsmøte Styret...6 Styret...6 Medlemskap...6 Aktivitetar...7 Vintersymjing i Finland...7 Kjeringi Open Kajakktrening...8 Sommarprogram...9 Aurlandsfjorden på langs...9 Sognefjord Swim Festival Felles aktivitetar knytt til festivalen...11 Konkurransane...12 Skilpadde Challenge...16 Julebord...16 Adventbading...17 IT satsing...17 Økonomi...18 Anbefalingar for

3 Innleiing Kjære medlem og samarbeidspartnar! Denne årsmeldinga markerer Sogn fjordsymjeklubbs første bursdag. Her finn du både interessante skildringar om klubbens aktivitetar i 2007, men også mykje nyttig informasjon om klubben sin organisering. Det har vore eit spanande svangerskap og fødsel for Sogn fjordsymjeklubb. Ideen blei planta allereie i 2004 da dei første fjordsymjarane byrja å bykse ut i fjorden sommar som vinter. Under svangerskapet blei det arrangert ulike fjordaktivitetar og to vellukka festivalar i 2005 og I 2007 da aktivitetane hadde vakse seg stort var tida inne for ein unik fødsel. På avslutningsmøtet for Sognefjord Swim Festival 2006 blei alle ansvarlege for festivalen frå Leikanger, Feios, Balestrand og Sogndal einige om at ei sjølvstendig juridisk eining måtte stiftast for å drive Sognefjord Swim Festival vidare. Eit stiftingsmøte blei annonsert i Sogn Avis og invitasjonar blei sendt ut til alle som hadde vore involvert i utvikling av Sognefjord Swim Festival. Den 22. februar 2007 vart Sogn fjordsymjeklubb stifta på Sognefjord Hotell i Leikanger. For å vite meir om korleis det har gått første året: Sett deg i ein god stol, tenk på fjorden og les vidare! Beste fjordhelsing Sarah Jane Hails Styreleiar Sogn fjordsymjeklubb Stifting av Sogn fjordsymjeklubb Til stades som stiftarar den 22. februar 2007 var Knut Moen, Kristine Håland, Peter Hage, Ole Johnny Feidje, Roger Gåserud, Torbjørn Hasund, Guttorm Flatabø, Simone Stibbe, Sarah Jane Hails, Torill Felde og Torbjørn Dale. Stifting av Sogn fjordsymjeklubb Følgjande vedtekter blei stiftingsdokumentet for Sogn fjordsymjeklubb: 3

4 Vedtekter 1 Føremål: Sogn fjordsymjeklubb skal vere ein interesseorganisasjon for fjordentusiastar som vil jobbe aktivt for å etablere, utvikle og reklamere for friluftsymjing generelt (og fjordsymjing spesielt), kajakkpadling og andre fjordbaserte aktivitetar. Sogn fjordsymjeklubb skal arrangere og utvikle Sognefjord Swim Festival og liknande arrangement. Organisasjonen har som mål å auke kunnskap om fjordtilhøva og vil jobbe for at fjorden vert teken i bruk på ein positiv, sosial og miljøvenleg måte. 2 Organisatorisk tilknyting Sogn fjordsymjeklubb er ein frittståande interesseorganisasjon 1. 3 Medlemmer Alle som vil at fjorden skal takast i bruk for å utvikle friluftsymjing, kajakkpadling og andre fjordbaserte aktivitetar. 4 Stemmerett og høve til å verte vald Alle medlemmer har stemmerett og kan veljast til tillitsverv i laget. 5 Kontingent Kontingenten vert fastsett av årsmøtet og skal betalast på forskot. Medlemmer som skuldar kontingent for meir enn eitt år, har ikkje stemmerett eller andre rettar, og kan av styret strykast som medlem av laget. Vert ein medlem stroke, kan han ikkje takast opp igjen før skyldig kontingent er betalt. 6 Godtgjersle for tillitsvalde Tillitsvalde kan ta imot rimeleg honorar for sitt arbeid samt refusjon for faktiske utgifter, inkludert tapt inntekt. Utgifter til godtgjersle og refusjon for faktiske utgifter skal gå fram av budsjett og rekneskap, og godkjennast av årsmøtet. 7 Årsmøte Årsmøtet, som skal haldast kvart år innan utgangen av februar månad, er Sogn fjordsymjeklubb sitt høgste mynde. Årsmøtet skal kallast inn av styret med minst ein månads varsel, direkte til medlemmene eller ved kunngjering i pressa. Forslag som skal handsamast på årsmøtet skal vere sendt til styret seinast 2 veker for årsmøtet. Fullstendig sakliste må vere tilgjengeleg for medlemmene seinast 1 veke før årsmøtet. Alle medlemmer kan møte på årsmøtet. Årsmøtet kan invitere andre personar og/eller media til å vere til stades. Årsmøtet er vedtaksført med den mengd vedtaksføre medlemmer som møter. Ingen har meir enn ei stemme, og stemmegjeving kan ikkje skje ved fullmakt. Årsmøtet kan ikkje handsame framlegg om vedtektsendring som ikkje er oppført på saklista seinast ei veke før årsmøtet. Andre saker kan handsamast og avgjerast når 2/3 av dei frammøtte krev det. Slik avgjerd kan berre takast i samband med godkjenning av sakliste. 1 Per i dag har Norges svømmeforbund ikkje openvatnsymjing eller fjordsymjing som symjeaktivitet i deira verksemd. Sogn fjordsymjeklubb har medlemer frå fleire kommunar, og er dermed ikkje knytte til eit enkelt lokalt idrettslag. 4

5 8 Leiing av årsmøtet Årsmøtet skal leiast av vald møteleiar. Møteleiaren treng ikkje vere medlem av Sogn fjordsymjeklubb. 9 Stemmegjeving på årsmøtet Med mindre anna er bestemt skal eit vedtak for å vere gyldig vere gjort med alminneleg fleirtal av dei gitte stemmene. Blanke stemmer skal reknast som ikkje gitt. Om det ligg føre meir enn eitt forslag skal valet gjerast skriftleg. Berre føreslegne kandidatar kan førast opp på stemmesetelen. Skal fleire veljast ved same røysting, må stemmesetlane innehalde den mengd ulike kandidatar som det skal veljast ved røystinga. Stemmesetlar som er blanke, eller som inneheld ikkje føreslegne kandidatar, eller anna mengd kandidatar enn det som skal veljast, tel ikkje, og stemmene skal sjåast på som ikkje gjevne. Når eit val føregår enkeltvis og ein kandidat ikkje oppnår meir enn halvparten av dei gitte stemmene, skal det gjerast bunde omval mellom dei to kandidatane som har oppnådd flest stemmer. Er det ved omval stemmelikskap, skal valet avgjerast ved loddtrekking. Når det ved val skal veljast fleire ved ei røysting, må alle for å reknast som vald ha meir enn halvparten av dei gitte stemmene. Dette gjeld ikkje ved val av vararepresentantar. Om ikkje tilstrekkeleg mange kandidatar har oppnådd dette i første omgang, skal dei som har fått meir enn halvparten av stemmene reknast som valde. Deretter vert det gjort bunde omval mellom resten av kandidatane, og etter denne røystinga skal dei som har flest stemmer reknast som valde. 10 Årsmøtet sine oppgåver Årsmøtet skal: 1. Handsame Sogn fjordsymjeklubb si årsmelding. 2. Handsame Sogn fjordsymjeklubb sitt rekneskap i revidert stand. 3. Handsame innkomne forslag. 4. Fastsetje kontingent. 5. Vedta Sogn fjordsymjeklubb sitt budsjett. 6. Velje: a) leiar og nestleiar b) styremedlemmer c) kasserar d) sekretær e) varamedlemmer f) valnemnd. 11 Ekstraordinære årsmøte Ekstraordinære årsmøte vert halde når styret bestemmer det, eller minst ein tredjedel av medlemmene med stemmerett krev det. Det vert innkalla på same måte som for ordinære årsmøte, med minst 14 dagars varsel. Ekstraordinært årsmøte kan berre handsame og ta avgjerd i dei sakene som er kunngjorde i innkallinga 5

6 12 Styret 2 Sogn fjordsymjeklubb vert leia av styret (3 6 medlemmer) som er høgste mynde mellom årsmøta. Styret skal: 1. Setje i verk årsmøtet sine avgjerder. 2. Oppnemne etter behov komitear/utval/personar for særskilte oppgåver og utarbeide instruks for desse. 3. Administrere og føre naudsynt kontroll med Sogn fjordsymjeklubb sin økonomi i høve dei til einkvar tid gjeldande instruksar og bestemmingar. 4. Representere Sogn fjordsymjeklubb. Styret skal halde møte når leiaren krev det eller eit fleirtal av styremedlemane krev det. Styret er vedtaksført når eit fleirtal av styret sine medlemar er til stedes. Vedtak vert fatta med fleirtal av de gitte stemmene. Ved stemmelikskap tel møteleiarens stemme dobbelt. Styret Følgjande blei vald i styret for Sogn fjordsymjeklubb 2007: Leiar: Sarah Jane Hails Nestleiar: Ole Johnny Feidje Sekretær: Simone Stibbe Kasserar: Kristine Håland Styremedlem: Torbjørn Hasund Styremedlem: Ralph Krüger Varamedlem: Svein Røysum, Torbjørn Dale, Christian Gjeraker, Torill Felde Følgjande møte blei haldt: 22. februar 2007, Hermansverk, Leikanger 13. april, Feios, Vik 11. juni 2007, Dragsvik, Balestrand 11. september 2007, Hermansverk, Leikanger 13. november, Feios, Vik Medlemskap Knapt eitt år etter at Sogn fjordsymjeklubb vart stifta tel vi 54 medlemmar. Dei fordelar seg som følgjer: 25 frå Leikanger kommune 10 frå Sogndal kommune 8 frå Vik kommune 4 frå Balestrand kommune 7 utanfor Sogn 2 I stiftingsåret vert det første styret danna av stiftingsmøtet. Styret vert vald av alle stiftarar som er til stades. I stiftingsåret 2007 blir leiar, nestleiar og kasserar valde for 2 år. Andre styrerepresentantar vert valde inn for 1 år. Ved framtidige årsmøte blir alle som står på val, valde for 2 år. Slik sikrar ein seg mot at styret berre får uerfarne medlemmer. 6

7 Aktivitetar Vintersymjing i Finland Null gradar i vatn og minus 25 i lufta perfekte forhold for vintersymjing i Finland Vi var fem som sette oss i bilen til Terje Eggum og køyrde til Gardermoen den 8. februar 2007: Sarah Hails, Simone Stibbe, Terje Eggum, Torill Felde og Torbjørn Hasund. Vi vart mottekne på flyplassen i Helsingfors av Mariia Yrjö-Koskinen som køyrde oss til familiens gods utanfor Helsingfors. Dagen etterpå køyrde vi saman med Mariia til Ellivuori der den finske meisterskapen i vintersymjing fann stad. Arenaen var ved eit hotell / hytteområde i skogen, og bana var skoren ut av isen i eit vatn like ved! Det var stor stemning med om lag 1000 deltakarar. Temperaturen fredagen var 20 minus i lufta og issjuklane hang på banetaua! Berre Sarah var tøff nok til å delta den kvelden. Dagen etter, på laurdag var også Terje, Simone og Torbjørn med i individuelle konkurransar, søndagen stilte vi alle som det norske landslaget i stafett. Kjeringi Open 2007 Sogn fjordsymjeklubb stilte den 21. april 2007 med to lag på Kjeringi Open, Leikanger. Laga Fjordkrystallane og Fjordflyers gjorde ein mykje godt innsats for symjeklubben på denne flotte aprildagen. I målområdet var det sett opp ein klubbstand, der det blant anna vart arrangert teiknekonkurranse for dei små, og informasjon om symjefestivalen og medlemskap vart gjeven. Klubben var med på å gjere Kjeringi Open - slagordet frå fjell til fjord til ein realitet ved å opne symjesesongen innunder same arrangement. King of the Channel og heidersgjest, Kevin Murphy, var den som offisielt stod for opninga av symjesesongen. 20 symjarar, både store og små, kasta seg ut i fjorden, og dermed var starten, på det som skulle bli eit godt symjeår, unnagjort. 7

8 Kevin Murphy King of the Channel stod for opninga av fjordsymjesesongen. Kajakktrening Kajakkpadling var også eit vesentlig element i klubben sine aktivitetar i Om våren ble det halde eit kurs i eskimorulle i samarbeid med Moreld AS i symjehallen i Sogndal. Det ble halde der grunna den kalde temperaturen i fjorden, (å ligge hengande med hovudet under kajakken i fleire minutt kan føre til langvarige skader). Kurset hadde 6 deltakarar og blei leia av Ralph Kruger. Kurs i kajakkpadling på Esefjorden, Balestrand I løpet av sommaren haldt kursa fram i ekte forhold med bølgjer, vind og vær ute på fjorden. Ei rekke kurs ble tilbodne til dei som skulle stille som kajakkbuddyar til kryssinga, til deltakarar av «Kajakk Challenge» og til einkvar som ønska å få eit betre grunnlag for sikker havkajakkpadling. Kurs ble halde av guidar Sigrid Henjum og Ervin Mejia frå Moreld AS i Balestrand, Solvorn og Leikanger. 8

9 Sommarprogram Glade medlemmer av Sogn fjordsymjeklubb samla ved Kvamsøy. I tillegg til førebuing til festivalen, vart sommaren brukt til symjing i fjorden. I Balestrand starta symjesesongen den 28.april med eit blomsterbad i samarbeid med Blomstertunet i Balestrand. Fire fargerike damer frå Sogn fjordsymjeklubb markerte høvet ved å ta ein symjetur i det 10 grader friske vatnet i Esefjorden. Med flotte hårdekorasjonar på hovudet. Dei fekk selskap av ein ung og sprek mann, Andreas Bjerk, som også likar seg godt i fjorden. I Vik vart det arrangert ein symjetur over Vikjabukti. Bernt Skogsrud og Sarah Jane Hails tok utfordringa, med Turid Oppedal som kajakkfølgje. Bernt viste seg å vere ein god kandidat til årets Sognefjord Challenge. Kvalifisering til Sognefjord Challenge vart arrangert også i Balestrand. Marit Haram Vannes, med dobbelkajakkfylgje Christian Gjeraker og Simone Stibbe, klarte turen fint. Sarah Jane Hails naut også symjeturen i det friske vatnet, med kajakkfylgje Terje Målsnes. Kvamsøy i Balestrand var neste symjetur på programmet, der symjedistansen var 1,5 kilometer. Det handla om å symja rundt to øyar: Vesle Kvamsøyna og Store Kvamsøyna. 14 fjordentusiaster vart med. Yngste symjar var Andreas Bjerk (11), frå Balestrand. Etter fysisk utfalding i førsteklasses vatn samla selskapet seg i strandkanten, og det blei grilling, hugnad og song. Ein sommardag til vart nytt i og ved Eidfjorden, Sogndal. Alle blei oppfordra til å symje så langt dei kunne langs land, leda av langdistansesymjar og klubbmedlem Sønnøve Cirotzki. Ein distanse på ca. 2 kilometer kvar var symd den dagen. På ein av sommaren sine mindre solrike dagar blei den årlege kryssinga "Fimreite over" gjennomført. Dette var ei skikkelig prøve i straum og vind for nybyrjar Terje Eggum, men han klarte seg fint guida av 2 tøffe og erfarne fjordjenter. Simone Stibbe og Sarah Jane Hails var med på dugnadsarbeidet til Leikangers velforeining for Fylkemannsgarden i vår. Jord blei raka og plen sådd, for at det skulle bli fint til sommaren. Og det blei det; kvar søndag blei Fylkesmannsstrondi møteplassen for fjordsymjarar med fleire, med grilling ved fjorden. Aurlandsfjorden på langs I 2007 sumde to av klubbens medlemmar Aurlandsfjorden på langs. Først dame ute var Sønnøve Cirotzki som sumde innover fjorden over tre dagar den juli i vatn 9

10 med lav temperatur på 9-14 grader. Neste mann ute var britar Kevin Murphy som sumde utover fjorden i eitt den 13. august Temperaturen i vatn under Kevins symjetur var grader. Begge symjarar viste imponerande fysisk og psykisk innsats. Sogn fjordsymjeklubb vil i framtida vere godkjenningsinstans for slike symjeturar. Sønnøve Cirotzki ein unik fjordsymjar Kevin Murphy på symjeveg ut Aurlandsfjorden Sognefjord Swim Festival Sognefjord Swim Festival blei arrangert for tredje gang i 2007, med Sogn fjordsymjeklubb som formell eigar og ansvarleg arrangør av festivalen. Festivalens hovudmål blei først teikna under planlegging av festivalen i 2004 og skildrar at festivalen skal: ha fokus på og fremme symjing, kajakkpadling og tryggleik i vatn. fremme reiseliv i regionen trekke publisitet til regionen, og fremme Sognefjorden som merkevare auka samarbeidet på tvers av kommunegrenser, og vise at fjorden ikkje skilje, men er til felles glede fremme lokal kultur, mat og moro Arbeidet med å arrangere festivalen er omfattande, og eit utal dugnadstimar er lagt ned i arbeidet. Festivalen er eit samarbeidsprosjekt som omfattar fleire kommunar: Leikanger, Balestrand og Vik. For å lede arbeidet ble det tilsatt ein festivalkoordinator i 20 % stilling frå mai til september. Kvar arena har ansvar for planlegging og gjennomføring av aktivitetane innanfor sine geografiske grenser. Festivalkoordinator står for samordning av programmet, samt koordinering av felles aktivitetar og festivalkontoret. Økonomi, marknadsføring og IKT-arbeidet er handtert sentralt av festivalkontoret. 3 For meir detaljert informasjon om Sognefjord Swim Festival 2007 enn det som beskrives her kan man lese festivalens slutt- og evalueringsrapporter. Ta kontakt med styret dersom du ønskjer ein kopi av disse dokumenta. 10

11 Sogn Fjordsymjeklubb - skal arrangere Sognefjord Swim Festival og utvikle andre fjordbaserte aktivitetar i Sogn. - har som mål å auke kunnskap om fjorden og jobbe for at fjorden takast aktivt i bruk på ein positiv, sosial og miljøvenleg måte. Styre: Styreleiar & styremedlemmar, valgt ved årsmøte der alle medlemmar er invitert, vedtektsansvar Medlemmer: alle som vil være med uavhengig av andre verv og medlemskap. Medlemskontingent Sognefjord Swim Festival skal ha fokus på symjing, kajakkpadling og tryggleik i vatn - skal fremja reiseliv i regionen, - skal trekka publisitet til regionen, og fremja Sognefjorden som merkevare, - skal auka samarbeidet på tvers av kommunegrenser, og visa at fjorden ikke skil, men er til felles glede, - skal fremja lokal kultur, mat, og moro, Målgrupper: fastbuande og tilreisande fra inn- og utlandet Festivalkontor Festivalkoordinator og administrasjonsansvarlege for Marknadsføring & Design Informasjon & Teknologi Økonomi Arena 1 Arenaansvarleg og aktivitetsansvarlege t.d. fjordsymjing, tryggleik transport, underhaldning, servering, osv. Arena 2 Arenaansvarleg og aktivitetsansvarlege t.d. fjordsymjing, tryggleik transport, underhaldning, servering, osv. Arena 3 Arenaansvarleg og aktivitetsansvarlege t.d. fjordsymjing, tryggleik transport, underhaldning, servering, osv. Fig: Modell for organisering av Sognefjord Swim Festival 2007 Felles aktivitetar knytt til festivalen I 2007 ble det satt ekstra fokus på utvikling av festivalen for å fremme lokale mat- og opplevingsverksemder. Følgjande tiltak blei gjennomført: Festivalavis Det blei laga ein flott festivalavis Fjordblikk. Avisa informerte om både festivalen og klubbens aktivitetar, men også om bygdeliv og historie langs fjorden. Ho haldt eit høgt kvalitetsnivå med profesjonelt oppsett og god artikkelskriving. Avisa blei distribuert i hele Sogn som bilag til Sogn Avis. Festivalpass Ei ordning med festivalpass blei utprøvd i Passet gav festivaldeltakarar gode tilbod på mat, transport og underhaldningstilbod under festivalen, og profilerte lokale opplevingsverksemder. Dette var eit kjempeflott tilbod, men det var trist at festivalpasset ikkje slo an med lokale folk. Det var eit bra tilbod for tilreisande, som ofte gjerne vil betale ein sum og sleppe å tenke meir på pengar. Men til tross for at mange gode lokale bedrifter hadde knytt seg opp til avtalen, ble festivalpasset ikkje den inntektskjelda det vart budsjettert med. Men dei fine armbanda gav ein proff vri på festivalen. Fjordmat Sognefjord Swim Festival vil fremje turisme som tek vare på, og forbetrar miljø, arv og kultur i og ved Sognefjorden. Mat og drikke er viktige sider av kulturen, og i 2007 ville vi invitere folk til å smake på nokre av dei beste lokale produkta frå Sogn. Det blei grilling ved fjorden i Feios med den lokale kokken Paul Townsend som serverte grilla kjøt saman med lokalt produsert salat og 11

12 poteter. Alm Gard med Laurien Geerse og Guus Morel tilbaud sin iskrem produsert av lokal frukt. På Nokkaneset stod grilla fisk og fersk frukt på menyen på dagtid og smakfull fiskesuppe med reker på kvelden. På søndagen i Balestrand kunne deltakarane smake på litt av kvart bl.a. Balholm saft, Menes Laks, og bringebær frå lokale fruktdyrkarar. Fjordtransport Norway Fjord Cruise gjorde ein suveren jobb med å sikre båtskyss under heile festivalen mellom alle tre arenaer for publikum og deltakarar. Dette var arrangert som eit alternativ til å køyre bil mellom arrangementa, og for å bruke fjorden og lokalmiljøet på eit meir aktivt og miljøvenleg vis. Fjordunderholdning og kultur: Faglige foredrag med værekspert Eli Kari Gjengedal, fjordekspert Torbjørn Dale, og langdistansesymjarane Kevin Murphy og Sønnøve Cirotzki. Konsertar med Tor Talle, danseførestillingar med Intakt frå Leikanger og Eternity frå Balestrand, kunst og fotoutstillingar frå lokale kunstnarar og fotografer Cecilie Lie Larsen, Janne Nes, Erik Hoel, eit artig tangloppesirkus, filmvisningar på Friberg Kino, og til og med ein gudsteneste ved fjorden. Desse innslaga blei ein del av festivalprogrammet viktige element for å skape ei god festivalstemning og som viste fram det beste av lokale underholdningstalent og kultur. Festivallotteri: Eit lotteri blei organisert for første gangen under festivalen. Gode premiar fekk loddsalet til å bli et populært innslag. Det var bra sal i Leikanger, Sogndal og Balestrand På grunn av sein levering av enkelte loddbøker blei ein ekstratrekning tatt i etterkant av festivalen. Marknadsføring: På grunn av avgrensa midlar satsa festivalen på pressemeldingar og medieinteresse framfor kostbart profileringsmateriale og annonser for å marknadsføre festivalen. I 2007 lønna dette seg; festivalen blei vist med to innslag på NRK både før og etter festivalen. Sognefjord Challenge - deltakar Ole Morten Fardal blei intervjua på direkten på NRK Sommaråpent. I tillegg blei det laga gode radioreportasjar og avisartiklar, festivalen blei omtalt på norske og utanlandske nettstadar, bl.a. UDs nettsider. God kontakt med HUTC - kringkasting frå Storbritannia sikra filmopptak for REUTERS. Festivalen har ein grafisk design som er basert på teikningar og motiv i akvarell utvikla av Janne Nes. Desse vert tilpassa for bruk på festivalens trykksaker. Festivalskjorter gir god profilering. Konkurransane Kayak Challenge 12

13 Start på Kayak challenge 2007 ved Pilaviki, Leikanger med internasjonale deltakarar. Kayak Challenge er ei kajakktevling med start ved Pilaviki, Hermansverk med mål på sørsida av fjorden ved Feios. Konkurransen var ein viktig del av kveldsprogrammet. Sigrid Henjum stod for organiseringa. Som aller første organiserte kryssing av fjorden i havkajakk blei den mottatt veldig positivt både av deltakarar og publikum. Fint vær gav gode tilhøve. Konkurransen hadde bra deltaking med 27 konkurrentar i to klasser: EXPRESS og CRUISE. Etter samlinga på Feios padla 3 padlarar tilbake til Leikanger på eige initiativ. Ein av padlarane kantra på kryssinga heim. Dei ringte til arrangørane og blei plukka opp og tekne hand om av transportbåten og tekne i land. Sjølv om padlarane sine handlingar ikkje var arrangørane sitt ansvar, blei hendinga ei viktig erfaring som må takast høgde for i vidare planlegging. Fjordkampen Fjordkampen er ein vassleik der to deltakarar skal komme seg frå land og ut til ein bøye ved hjelp av eit flytedyr. Når dei er utkomne skal dei byte blass og symje til land. Då skal dei skyte på bøyen. Den som treff først har vunne. Sognefjord Challenge, i år med satelittsporing av deltakarane Dagen rann med fint ver, men utover morgonkvisten blåste det opp. Vi var ikkje veldig langt frå å gå over på alternativ avvikling, men vi valde å starte. På den flotte arenaen på Feios, no med ny kai for landsetjing av publikum og symjarar, var det god stemning. Torbjørn Dale hadde vore ute og målt mellom anna temperaturen, den låg på rundt 15. Ute på den opne fjorden vart dei symjarane møtte av tøffe tilhøve. I tillegg til temperaturen var bølgjene ei utfordring, både for symjarar og padlarar. For oss på land på Nokkaneset var vertilhøva gode. Burgerane til Stein var enda betre, og stemninga var god. Etterkvart kom symjarane i land, slitne, kalde og veldig nøgde. 13

14 Finsk Mariia Yrjö Koskinen og kajakkfølgje David Parmentier kryssar Sognefjorden Nytt av året var at vi fekk låne 33 saueklavar med GPS-mottakar av Telespor AS som vi monterte i transportbrønnen på kajakkane. Slik kunne vi følgje padlarane / symjarane på ein skjerm på land. Etter ein del prøving og feiling både praktisk og datateknisk fekk vi det til. På ein storskjerm i eit telt nede på Nokkaneset hadde me visning. Dette fungerte glimrande, og mange var innom for å sjå utviklinga av løpet på fjorden. Mini challenge (Tjugum-Holmen, 400 m) I alt 38 registrerte personar, derav 9 utlendingar, kryssa fjorden i år. Det var ein jamn kjønnsfordeling med 17 jenter/kvinner og 21 gutar/menn. Mengd deltakarar var lågare enn i fjor. Dette kan henge saman med både at været var noko dårlegare, og at fjorden var litt kaldare i år (ca 16,5-16,9 C) enn i fjor (ca 18,8-19,0 C). Familien Kvalheim stilte med både den eldste symjaren, og festivalens første rørslehemma fjordsymjar. Gruppe Aldersklasse Mengd Kråkebolle 8-11 år 5 Sjøstjerne år 10 Villaks år 2 Steinbit år 5 Nise år 7 Kval år 8 Kvalross Sum 38 14

15 Ein deltakar braut løpet grunna brystsmerter. Redningsapparatet fungerte bra og vedkomande kom vel frå hendinga. Mange personar frå Balestrand stod for gjennomføringa av arrangementet. Mykje fungerte bra, men evalueringa viser rom for visse forbetringar. Temperatur og saltholdighet Tjugum-Holmen (ca 0,3 m) 12. aug 07 (kl 1355) Saltholdighet (pro mille), temperatur (C), Sal. 6 Temp Tjugum (240) - Holmen (440) (en måling pr 2 sek) Fjordstafetten Denne konkurransen blei eit flott høgdepunkt i dagens aktivitetar i Balestrand. Det var godt koordinert av flinke KRIK-ungdom. Baneinndelingar, donert til festivalen av Høyangerbadet, blei strekt på tvers av moloen ved Kviknes hotell. Seks lag deltok i symjestafetten der 4 x 50 meter tilbakeleggast. Det var to klassar; AKTIV for dei konkurransehungrige og CHILL for dei som var med mest for moro skuld. I tillegg vart det premiert for beste kostyme og beste heiagjeng. Fjordstafetten foran Kviknes Hotell, Balestrand 15

16 Skilpadde Challenge I oktober hoppa for tredje gong ivrige fjordentusiastar i Sognefjorden for å finne havet sin skatt under Fruktbare Dagar i Leikanger. Det var 11 deltakarar som trossa både vêr, vind og den 10-gradar kalde fjorden. Fem av dei fann ein tannpirk i eplet dei plukka i fjorden og vann dermed havet sin skatt. Etter den oppfriskande dukkerten var det koseleg varmt i både basseng og badstove, og dei barske symjarane fekk kreftane att med rømmegraut og spekemat på Sognefjord hotell. På eplejakt i fjorden under Skilpadde Challenge ved Sognefjord Hotell, Leikanger Julebord I år vart det arrangert julebord i Feios ungdomshus. Det vart servert tradisjonell julemat av Vikja. Når maten var ferdig vart det utdeling av prisen Årets fjordelskar som i år vart Leif Eikeland frå Feios. Etter maten var det levende musikk av Rolf Olsen. Leif Eikeland bygd en kai til Sognefjord Swim Festival og blei kara til årets fjordelskar 16

17 Adventbading Interessa for fjordbading på vinterstid har i vinter vore stor. Det vart arrangert Adventbading på tre av adventsundagane. Dette vart meir og meir populært, og 3. sundagen vart badstova på Knausen fylt opp med tretten fjordbadarar. Rundt halvparten var då debutantar. Dette vart til og med meldt om i lokalavisa! Treningane etter nyttår vart også velbesøkte, og 8 medlemmar vil representere Sogn fjordsymjeklubb og Noreg under VM i vinterbading i London februar IT satsing Klubben har ansvar for domenet I utgangspunkt blei nettstaden vår utvikla for å formidle informasjon om festivalen, men det er også brukt for å formidle om klubben og de andre aktivitetane våre. Nettstaden er laget av teknisk utviklar og klubbmedlem Knut Moen. Det er ein godt strukturert, oversiktleg nettstad med fin design. Nettsidene er både på norsk og engelsk. Nettstaden vår er utviklet med omsyn til WAI - krav for at det skal vere ein tilgjengeleg nettstad også for menneske med funksjonshemmingar. I 2006 har me berre statistikk frå mai. Vi kan difor ikkje samanlikna 2007 med heile For dei månadane me kan samanlikna, ser me ein auke i trafikken. Dei høgaste trafikktala har me i dei tre månaden fram til festivalen. Auken i trafikken viser at festivalen har fått meir merksemd i år enn i fjor Mengd sidevisningar på fjordswim.no fordelt på månadar I fjor publiserte me 32 informasjonssider om festivalen, 25 nyheiter og biletgalleri frå festivalen. Det er meir enn me publiserte året før. På søkemotorane er me plasserte øvst for dei merkenamna som er mest relevante for oss. Unntaket er bokmålsordet fjordsvømming der fjordswim.no kjem opp som nummer 2 eller 3. For søkeuttrykket Mini Challenge er det ein større konkurranse frå nettstadar. Fjordswim.no kjem nedst i førstesida til søkeresultat. 17

18 Søkeutrykk Plassering Google.no Plassering Sesam.no Fjordswim 1 1 Fjord swimming 1 1 Fjordsymjing 1 1 Fjordsvømming 3 2 Sognefjord 1 1 Challenge Mini Challenge 6 6 Sognefjord 6 - Fjord - - Synlegleiken på søkemotorane pr 5. februar 2008 Økonomi INNTEKTER 2007 Midlar og tilskot AKTIVITETSBASERT REKNESKAP FOR 2007 Budsjett Rekneskap Sponsormidlar Private Offentlege tilskot Kommunale Fylkeskommunale Sum midlar og tilskot Inntekter frå operasjonelle aktivitetar Festival Felles Feios 0* 0* Leikanger Balestrand Sum festival Andre aktivitetar Kjeringi Open, Skilpadde challenge, vintersymjing, Fjordswim ekspedisjonar 0 0 Sum andre aktivitetar 0 0 Administrative innbetalingar Renteinntekter, skatterefusjon Sum administrativestøtte/innbetalinger Sum inntekter KOSTNADER 2007 Kostnadar til operasjonelle aktiviteter Festival Felles ,27 Feios Leikanger ,5 Balestrand ,5 Sum festival ,27 Andre aktiviteter Kjeringi, Skilpadde challenge, vintersymjing, fjordswim ekspedisjoner Sum andre aktiviteter Administrasjonskostnadar Prosjektleder lønn & sos.omkostn, møteutgifter, telefon & porto, rekvisita, IT, m.m Sum administrasjonskostnader

19 Sum forbrukte midlar ,27 ÅRETS AKTIVITETSRESULTAT ,73 I BANKEN i brukskonto 95219,12 i sparekonto skattetrekkskonto 4827,65 SUM ,77 BOKFØRT Inngåande balanse 1.januar 45530,07 Innbetalte krav Årets resultat 59440,73 Utgåande balanse ,8 Påløpende krav/innbetalingar knytte til aktivitetar i 2007 (utbetalast i 2008) , (frå S og Fj. fylkeskommune Årsresultatet er positivt. Festivalen har vore hovudaktiviteten til klubben i 2007, og dominerer såleis rekneskapen. I 2007 søkte klubben om offentlege midlar og fekk bra respons, her under prosjektmidlar frå fylkeskommunen sitt program Opplevingsnæringar. Dugnadskostnadene er ikkje blitt førde opp i rekneskapen, men med utvikling og vekst i festivalaktivitetar blei det produsert fleire dugnadstimar i 2007 enn året før. Minst 4600 dugnadstimar er lagde ned i arbeidet med fjorårets festival. Det representerer ein verdi på ca kroner (150 kroner timen). Sponsemidlar frå private bedrifter blei det mindre av i fjor, men til gjengjeld blei inntektene på annonsesal i festivalavisa Fjordblikk veldig bra. Salet styrka eiga finansiering av festivalen med ca kroner. Gode produktsponsingsavtaler bidrog også positivt til dekning av klubbens og festivalens innkjøp: Visit Sognefjord sponsa badekåper til vintersymjinga i London, Leikanger Næringshage støtta leige av festivalkontor på Gamlehotellet og SPEEDO sponsa både premiar og badehetter til ein verdi av minst NOK. Sognefjord Hotell har sponsa aktivitetane til klubben heile året. Totalt omfatta sponsa produkt ein verdi på ca kroner. Mange lokale samarbeidspartnarar, som dreg nytte av å støtte festivalen, ytte også gratis eller sponsa tenester. Under festivalen fekk klubben til dømes gratis disponera Sognefjord Hotell og Kvikne`s Hotell sine uteområde. På Borlaug blei det bygd ein kai til Sognefjord Challenge av Leif Eikeland, utan finansielle krav til klubben. Dei som støtta festivalen er lista under: Sogn Avis Speedo Vik kommune Leikanger kommune Balestrand kommune Sogndal kommune Telespor Sognefjord hotell Sogn og fjordane fylkeskommune Flåm utvikling Norway Fjord Cruise Sognefjord akvarium Leikanger næringshage Fjord1 Moreld AS Skald forlag Mika Osland havbruk Sognekraft AS Alm Gard Is Ani bil Balestrand Bondebær Balestrand bygdahus Balestrand pensjonistlag Balestrand småbåtlag Balestrand menighet Balholm Mosteri Cecilie Lie Larsen Dansegruppa Intakt Eternity dansegruppe Dixielanders Esebygg Feios bygdelag Feiosbui 19

20 Friberg kino J.E.B. Service Janne Nes KRIK Menes Røykelaks Raco Reklame AS Rødekors Hjelpekorps Balestrand Rødekors Hjelpekorps Leikanger Skromlehjulet dukketeater Sogndal symjegruppe Sogndal dykkerklubb Sognefjord Reiseliv BA Terje Eggum Photography Tor Talle Vikja kjøtt If forsikring Sinner solbriller Kviknes hotell Ekstremsportveko Voss Høyangerbadet Indre Sogn kystlag Eli Kari Gjengedal Asplan viak Anders og Leif Eikeland Erik Hoel Felles kostnader for festivalen omfattar utgifter knytt til marknadsføring og felles festivalprodukt som trykksaker, profileringsprodukt, festivalpass, fjordtransport, dugnadsarrangement og forsikring. Utlegg og kostnader på kvar arena er ført opp i rekneskapen. Bra deltaking på Sognefjord Challenge og Kayak Challenge bidrog til finansiering av konkurransane som er førde opp som poster under Leikanger arena, men som også krov arbeidsinnsats frå Feios arena. *Under festivalen blei dugnadsarrangementet i Feios på fredag eit gratis tilbod, følgjeleg slik at ingen inntekter til festivalen viser i rekneskapen. Dårlig vær på søndag førte til låg deltaking i konkurransane i Balestrand og dermed lægre inntekter frå deltakaravgifter enn det som var budsjettert. I Balestrand og Leikanger blei sikringsutstyr til ein verdi av NOK kjøpt inn av Sogn fjordsymjeklubb og donert til lokale Røde Kors Hjelpekorps ( NOK til kvar). Donasjonen var ein takk for positivt samarbeid mellom hjelpekorpsa og festivalen, utstyret er til bruk under festivalen og i hjelpekorpsa sine øvrige klubbaktivitetar. Administrasjonskostnadane i rekneskapen gjeld løn og sosiale kostnader for festivalkoordinator, som heldt ein 20 % prosjektleiarstilling i fire månader. Andre administrative kostnadar gjeld porto og telefonutgifter. Overskotet frå 2007 vert brukt til vidareutvikling av Sognefjord Swim Festival og klubben sine aktivitetar. Anbefalingar for 2008 Mykje arbeid er lagt ned i 2007 både med den formelle stiftinga av Sogn fjordsymjeklubb, men også med arrangering av klubbens aktivitetar. Interessa for våre aktivitetar frå inn- og utland veks. Sognefjord Swim Festival er eit etterspurt produkt. Det er allereie meldt interesse for den neste festivalen vår frå Russland, Færøyane, Finland, Oslo og Bergen. Styret er einige i at på dette tidspunktet er det viktig at klubben vår er ein sterk organisasjon og at arbeidet med festivalen er godt forankra for å kunne støtte vidare vekst. Styret vil dermed foreslå at neste festival vert arrangert i 2009, og at 2008 vert brukt som eit konsolideringsår der vi arbeidar strategisk med planlegging, organisering og finansiering av festivalen, samt sikre klubbens og festivalens langsiktige utvikling. Klubben sine aktivitetar skal utviklast som kvalitetsprodukt. Difor anbefaler styret at i tillegg til eksisterande tiltak og rutinar, skal følgjande jobbast med framover: STRATEGISK ORGANISASJONSUTVIKLING 20

21 Halde fram med styrking av klubbens aktivitetar i dei lokale bygdene Balestrand, Vik, Feios, Sogndal, m.fl. Halde fokus på følgjande verdiar: Nyskapande - å gjere det umulige mulig Tryggleik Kvalitet Moro Miljøbevisstheit Venskap Dugnad Lokal forankring Samarbeid Inkluderande Åpenheit Stå på vilje where there s a will, there s a way Rette seg mot målgruppene: eventyrsøkjande, naturelskarar, symje- og kajakkinteresserte, ekte opplevingsturistar, internasjonale og lokale utforskarar i alle aldrar. NETTVERKSBYGGING Etablere samarbeid og dyrke konstruktiv støtte frå andre idretts-, symje-, og kajakk organisasjonar i inn- og utland. Ta opp kontakten med Norges svømmeforbund invitere dei til å vurdere oppretting av åpenvatnsymjing og fjordsymjing som ny grein innanfor symjing i Noreg. Følgje opp med Innovativ Fjordturisme for etablering av forum for nettverksbygging og erfaringsveksling blant festivalarrangørar på Vestlandet med internasjonale målgrupper, t.d. Ekstremsportveko på Voss. Søk om representasjonsmidlar for nettverksbygging og andre internasjonale utviklingstiltak, t.d. med IWSA International Winter Swimming Association. UTVIKLING AV SOGNEFJORD SWIM FESTIVAL Sognefjord Swim Festival skal vere ein felles dugnad som: har fokus på, og fremje symjing, kajakkpadling og tryggleik i fjorden fremme reiseliv i regionen fremme Sognefjorden som merkevare med fokus på lokal kultur og miljø aukar samarbeidet lokalt, nasjonalt og internasjonalt og knyt folk saman Inviter medlemmer og arenaer til å utarbeide aktivitetsplanar som vert levert inn til vurdering av styret i Sogn fjordsymjeklubb innan ein viss dato. Planar må inkludere forslag til tiltak, organisering, budsjett og mannskap. Utvikle festivalen utan å tære på lokale ressursar og dugnadsinnsats. Ta ein gjennomgang av festivalorganisering for å sikre effektive og gode dugnadsvilkår for alle. Holde gløden oppe! Sørg for oppretting av ein prosentstilling for prosjektleiar/lag Rekrutter festivalkoordinator, arenaansvarlige og eventuelt fleire medhjelparar. Bruk gjerne annonse på relaterte nettstader og Sogn Avis: Vil du være med og jobbe som frivillig under Sognefjord Swim Festival? Kompetanseoverføring og opplæring av hjelparar må setjast i verk for å sikre kvalitet i alle aktivitetar knytt til festivalen. Rekrutter matansvarleg for festivalen, med fokus på oppretting av kontaktar med lokale produsentar, f.eks. NBG PRODUKTUTVIKLING 21

22 Oppfølging av myndigheitene med oppfordring til at dei legg til rette for symjing i fjorden, t.d. badstue og garderobefasilitetar. Offentleg satsing på fjorden som fritidsarena. Bruk sommar og vinterprogram til utprøving av nye aktivitetar og idear. Hold fokus på kreativitet, moro og tryggleik i utvikling av nye og eksisterande aktivitetar, t.d. vintersymjing, ein 10 kilometer langdistanse, lagstafett langs land for eksempel frå Feios til Vangsnes; Fridtjof Challenge, 12 kilometer kajakkstafett frå Hella til Leikanger Kvinnefoss Kayak Relay. Førestilling/konkurransar med fokus på kajakkdugleik (balanse/rull/redning), osv. KOMPETANSEOVERFØRING Dokumenter klubbens arbeid, for eksempel lag Festivalboka med dokumentasjon av arbeidet med å planlegge, gjennomføre og evaluere Sognefjord Swim Festival. Samordne dokumenter og filer - felles filserver, arkiv, innkjøp av eigen harddisk. Inviter til ansvarstaking blant medlemmer og medarbeidarar, at de etablerer gode rutinar og reglement for aktivitetar som sikrar kvalitet og tryggleik. Prøv trainee/assistent ordningar. Tryggleikstrening og redningsøvingar i fjorden KOMMUNIKASJON Lage eit prosjekt for å utvikle ein brukarvenleg nettbasert publiseringsverktøy for Vurdere informasjonsflyt på kvart ledd Utvikle gode kommunikasjonsverktøy og iverksetje rutinar for god informasjonsformidling og samarbeid, internt og eksternt FINANSIERING Sikre økonomiske ressursar og langsiktige sponsoravtalar Sats på sponsorar som er i tråd med klubbens verdiar, slik at festivalen kan utviklast som eit kvalitetsprodukt Jobbe for overkomelige kostnader for utanlandske deltakarar og tilreisande; informasjon og samarbeid med reiselivsaktørar. Saman arbeider vi for ei opplevingsrik framtid ved, på og i fjorden! Har du lyst til å vite meir om Sogn fjordsymjeklubb og våre aktivitetar? Sjå eller send ein e-post til sogn@fjordswim.no Leikanger, 14. februar

23 23