Orientering om søking til vidaregåande opplæring skoleåret 2016/2017

Transkript

1 rundskriv nr. 17/15 Frå: Utdanningsavdelinga Til: Ungdomsskolane i Møre og Dei vidaregåande skolane i Møre og Oppfølgingstenesta i Møre og Dei private skolene i Møre og - Dato: Ref: /2015/062 Orientering om søking til vidaregåande opplæring skoleåret 2016/2017 Alle søkarane til vidaregåande opplæring skal fylle ut søknaden sin på nettstaden vigo.no. Det gjeld både dei som søkjer vidaregåande skole og formidling til læreplass i bedrift. Både søkarar som har behov for spesialundervisning og ordinære søkarar skal registrere søknaden sin på vigo.no. Ungdommar som ikkje registrerer søknaden sin på vigo.no vil bli kontakta av Oppfølgingstenesta (OT). OT har jf. opplæringslova 3-6 ansvar for å følgje opp ungdom som ikkje er i opplæring. Sjå meir om OT på vilbli.no Manglande fødsels- og personnummer Dei einaste som ikkje kan søke på vigo.no, er søkarar som manglar fødsels- og personnummer. Dei må ta kontakt med Utdanningsavdelinga, så skal dei få tilsendt eit søknadsskjema i papirutgåve. vigo.no vil vere open for søknadsregistrering frå og med onsdag 6. januar 2016, kl 09:00. Utdanningsavdelinga ber skolane sørgje for at dei av personalet som skal rettleie søkarane, får ein kopi av dette rundskrivet. Skolen må ta utgangspunkt i erfaringane frå tidlegare år, og sjølv bestemme korleis de vil legge til rette for at elevane skal få registrere søknaden sin. MinID vigo.no er knytt til ID-porten. Alle som har norsk personnummer, rett til vidaregåande opplæring og denne våren, og er innmeld som avgangselev frå ein grunnskole i Møre og, får i desember/januar tilsendt brev frå Skatteetaten med PIN-kodar for registrering av MinID. PIN-kodane til MinID er personlege og rådgjevar, andre ved skolen eller inntakskontoret har ikkje tilgang til kodane. Dei som ikkje har fått tilsendt PIN-kodebrevet kan bestille det på skatteetaten.no Postadresse: Postboks 2500, 6404 Molde Besøksadresse: Julsundvegen 9 Telefon: Telefaks: e-post: post@mrfylke.no

2 NB! Søkarar som har nytta MinID tidlegare får ikkje tilsendt nytt brev med PIN-kodar frå Skatteetaten. Dersom nokon har mista PIN-kodane sine må dei ta kontakt med brukarstøtta til MinID: eller telefon: Les meir om MinID på vilbli.no Tilbodshefte for 2016/2017 Tilbodsheftet for skoleåret 2016/2017 blir sendt til skolane direkte frå trykkeriet. Heftet gir generell informasjon om søknadsfristar, svarfristar, viktige adresser og oversikt over skoletilboda i Møre og fylke. Rettleiing til utfylling av søknadsskjemaet og anna viktig informasjon finn de på vilbli.no. Vel Møre og fylke og rådgivar øvst til høgre i bildet. Då kjem det opp ein eigen meny til venstre som er for rådgivarar. Sjå bildet under: Søknadsfristar Fristen for å registrere søknaden på vigo.no er 1. mars kl 23:59. Dette gjeld for alle ordinære søkarar til vidaregåande skole og alle som søkjer om formidling til lærebedrift. OBS! Det er viktig at alle elevar på Vg2 yrkesfag som ønskjer formidling til læreplass registrerer søknaden sin på vigo.no. Dette gjeld sjølv om dei har søkt om læreplass direkte til bedrifter, eller har skaffa seg læreplass på eiga hand. Dersom dei ikkje registrerer søknaden sin på vigo.no vil dei bli overført til OT fordi dei ikkje har søkt. Frist for søkarar med fortrinnsrett eller individuell vurdering er 1. februar kl 23:59. Merk også at søknadsfristen for lærekandidatar er 1. februar kl 23:59. Vedleggsskjema Dersom det skal fyllast ut vedleggsskjema finn søkarane desse på vigo.no. Ein kan også gå direkte inn på mrfylke.no/utdanning/inntak/vedleggsskjema. Vedleggsskjema må skrivast ut og naudsynt dokumentasjon leggjast ved, før dei vert sendt i posten til Utdanningsavdelinga.

3 Unntak: vedleggsskjema til Vg1 musikk/dans/drama, Vg1 idrettsfag, Vg1 studiespesialisering med toppidrett og til Vg1 YSK-tilbod skal sendast direkte til den skolen som søkaren har som sitt første skolealternativ. Minoritetsspråklege søkarar skal i tillegg til å registrere søknad på vigo.no også fylle ut eit vedleggsskjema for minoritetsspråklege søkarar. Med minoritetsspråkleg meiner vi søkarar med anna morsmål enn norsk, samisk, svensk eller dansk. Dette vedlegget skal følgje både ordinær søknad og eventuell søknad om fortrinnsrett eller individuell vurdering. Søkarar til Vg1 musikk/dans/drama skal sende inn eit vedleggsskjema der dei opplyser om kva hovudinstrument og biinstrument dei har. Skjemaet skal sendast til den skolen som står som første skoleønske til dette tilbodet. Skolen kan kalle inn dei som har Vg1 musikk, dans og drama som sitt 1. ønske til ei opptaksprøve. Det er frivillig å møte til opptaksprøve. Søkarar til Vg1 idrettsfag skal sende inn vedleggsskjema berre dersom dei ønskjer vurdering til inntak på idrettslege prestasjonar. Skolen som står som første ønske til dette tilbodet skal ha skjemaet. Søkarar til YSK-tilboda skal sende vedleggskjema direkte til den skolen dei har som første ønske til dette tilbodet. Søkarar til Vg1 studiespesialisering med toppidrett skal sende vedleggsskjema til den skolen dei har som første ønske på søknaden sin. B-skjema: Melding om tilretteleggingsbehov, B-skjema, er eit vedleggskjema til ein ordinær søknad, som skal nyttast av søkarar som ønsker å melde frå til skolen om behov for tilrettelegging som det bør takas omsyn til ved planlegging av opplæringa. Dette er ikkje ein søknad om spesialundervisning jf. opplæringslova 5-1, og det vert ikkje tildelt ekstra ressursar knytt til behova for tilrettelegging. 2 eksemplar av B-skjema og alle vedlegg skal sendast til Utdanningsavdelinga innan 1. mars. Utdanningsavdelinga vil levere B-skjema til dei vidaregåande skolane. R-skjema: Søkarar som av særlege grunnar må behandlast individuelt jf. forskrift til opplæringslova 6-25 og 6-38 skal nytte R-skjema. Skjemaet kan nyttast av: søkarar som er inne i eit behandlingsopplegg på grunn av psykiske vanskar, medisinske vanskar, rusproblematikk osv. søkarar som er under oppfølging av barnevernet, for eksempel plassert i institusjon eller i fosterheim, og av slike grunnar ikkje kan ta imot skoleplass utanfor eige distrikt mindreårige asylsøkarar som bur i asylmottak og difor ikkje kan ta imot skoleplass utanfor eige distrikt. Dokumentasjon frå behandlande instans, frå barnevern eller asylmottak må leggast ved. Reservasjonen gjeld berre plass på bestemt skole, ikkje utdanningsprogram eller programområde. A-skjema: Dei som søkjer om fortrinnsrett eller individuell vurdering, skal i tillegg til å registrere søknad på vigo.no sende A-skjema. Skjemaet ligg saman med andre vedleggsskjema på heimesida til fylket. OBS! Nytt av året er at A-skjema saman med all dokumentasjon skal sendast i 3 eksemplar til Utdanningsavdelinga.

4 Opplæringskontrakt/unntak frå opplæringsordninga: Det er eit eige vedleggsskjema for dei som søkjer opplæringskontrakt eller lærekontrakt med unntak frå opplæringsordninga. Det er eit felles vedleggsskjema. Ein må difor huske å krysse av for kva ordning ein søkjer øvst i skjemaet. Søkarar til lærefag som har skaffa seg læreplass sjølv: Søkarar til lærefag som har skaffa seg læreplass sjølv, skal i tillegg til å registere søknaden sin på vigo.no sende inn eit vedleggsskjema (melding om avtalt læreplass), som må vere underskrive og stempla av bedrifta det er inngått avtale med. Skjemaet finn de på vår heimeside: Vigo Skole Skolane har eit ansvar for at elevane ved skolen har fylt ut søknaden sin. Kor lenge de skal følgje med i prosessen med søking for den enkelte elev, må de bli einige om ved skolen. Vigo Skole er eit verktøy for skolane til å følgje med på søkinga til sine elevar. Rådgivarene i oppfølgingstenesta har også tilgang til å følgje med ungdomane som er registrert i eigen OT-enhet. Web-adressa til Vigo Skole er Her får de informasjon om inntekne elevar, ventelister, søkarstatistikk på skolenivå, søknadsstatus samt opplastingsportal for avgangselevar og karakterar for elevar i ungdomsskolane. Alle vidaregåande skolar og ungdomsskolar har fått tildelt ein administrator ved skolen som kan opprette brukarar ved eigen skole. Det er opp til rektor ved skolen å vurdere kven ved skolen som bør ha tilgang til Vigo Skole. Dersom de har spørsmål om bruk av Vigo Skole kan de sende e-post til: inntak@mrfylke.no Tilbod om skoleplass Svar på søknaden kjem ca. 7. juli. Svarfristen er 14. juli Søkarane som har registrert mobiltelefonnummer på søknaden sin vil få melding via SMS, om at dei kan logge seg inn på vigo.no for å sjå kva tilbod/ventelisteplass dei har fått. Svar på tilbodet skal registrerast på vigo.no. Det vert sendt ut purring i posten for dei som ikkje har svart innan svarfristen 14. juli. Dei som ikkje har oppgjeve mobiltelefonnummer får svarkort i posten som før. OBS! Alle som har PIN-kodar til MinID kan gå inn på vigo.no frå ca. 7. juli, sjølv om dei ikkje har fått melding om inntak på SMS, eller har fått svarkort i posten. Utdanningsavdelinga ber skolane om å informere elevane om at dei må huske å svare innan svarfristen 14. juli på vigo.no. Dei som har fått tilsendt svarkort i posten må sende inn svarkortet innan svarfristen. Søkarane må også huske å svare sjølv om dei berre får tilbod om å stå på venteliste. Dersom Utdanningsavdelinga ikkje har fått svaret innan fristen, mister søkaren plassen/ventelisteplassen. Førehandssvar Vi rår søkarar som reiser bort i den perioden svaret kjem om å registrere førehandssvar på vigo.no. Dette kan gjerast frå 2. mars til 1. juli. Alle som søkjer vidaregåande opplæring ved fylkeskommunale skolar kan registrere førehandssvar. Dei som har registrert førehandssvar får ikkje SMS om at inntaket er klart, men dei vil frå og med 7. juli kunne sjå

5 på vigo.no kva tilbod dei har fått, og at dei ikkje treng å svare, fordi dei har registrert førehandssvar. Dei kan endre svaret sitt dersom dei ønskjer det. Dei som legg inn førehandssvar svarer ja til tilbodet dei får, og ja til å stå på venteliste dersom dei ikkje får tilbod om sitt første ønske. Dersom dei er nøgd med tilbodet dei får på eit lågare ønske i 1. inntaket, må dei gå inn og takke nei til å stå på venteliste til høgare ønske. Dersom dei ikkje gjer det vil dei vere med i 2. inntaket til høgare ønsker. Får dei plass på eit av sine høgare ønsker fell plassen dei fikk i 1. inntaket bort. Vi opplever kvar sommar at mange minoritetsspråklege søkarar reiser til sitt heimland med det same skolen sluttar i juni, og mister skoleplassen fordi dei ikkje har svart. Det er fint om skolane kan vere ekstra merksame på førehandssvar for minoritetsspråklege elevar. Med helsing Geir Løkhaug seksjonleiar Laila H. T. Nielsen rådgivar Gjenpart: Fylkesrådmannen Fylkesordføraren Lærarorganisasjonane Utdanningsutvalet Yrkesopplæringsnemnda