45 FLOTT FJELLTUR TILBAKE TIL ELFENBEINSKYSTEN

Transkript

1 42 REGIONLEDEREN 44 NYE UNGARBEIDERE 45 FLOTT FJELLTUR 47 DOBBEL MATSTASJON 48 PORTRETT Region nordvest MITT BIBELORD Å be er å ha ein fortruleg samtale med Gud. Som kristne må vi oppmuntre kvarandre til å be fordi det er eit privilegium, og ikkje noko vi må og skal gjere. I stille og bøn kan Gud vise oss sin storleik, fylle oss med fred og leie oss inn i oppgåver. I periodar kan det vere vanskeleg å setje ord på bønene og vite kva ein skal be om for å be rett. I Rom 8,26 skriv Paulus «.. Anden sjølv går i forbøn for oss, med sukk utan ord.» Det synest eg er godt å vite. Dette fordi eg til somme tider ber som ein fireåring med lang ønskeliste. Andre tider kjenner eg meg så maktlaus at eg ikkje veit korleis eg skal be. Eg ønskjer å oppmuntre oss alle til å be stadig, vere takknemlege i bøn og ha forventningar. EMILIE KNARDAL Besøksadresse: Myrabakken Næringssenter, Spjelkavikvn 132, 6010 Ålesund Postadresse: Postboks 7503 Spjelkavik, 6022 Ålesund TILBAKE TIL ELFENBEINSKYSTEN Jan Magnus Dybvik reiser tilbake til Elfenbeinskysten komande haust. Gamle kjende har vore viktige for å komme i kontakt med nye, seier han. Telefon: Opningstid: Mandag-fredag E-post: nordvest@nlm.no Internett: nlm.nonordvest Regionleiar og ansvarleg redaktør: Kåre Johan Lid Administrasjonsleiar: Anne-Marit Engås L E S M E I R S I D E 43 Ungleiar: Geir Henning Tunheim 41

2 LEIAR Regionleder Vegen og målet Regionstyret la strategien for NLM Region nordvest mot 2020 fram for årsmøtet i Torvikbukt i mai. Ordet strategi kjem frå militær kontekst, og er ein plan for korleis ein vil nå måla ein har. NLM sitt kall og mål er å utbreie Guds rike. Sagt med andre ord: at nye skal bli berga ved trua på Jesus, både i nabolaget og i folkegrupper. Strategien konkretiserer strategien Generalforsamlinga i NLM vedtok for arbeidet fram mot No handlar det i NLM Nordvest om korleis tilsette og frivillige saman ved Guds nåde kan sette dette ut i livet. Strategien legg føringar på prioriteringane i arbeidet vårt. Heile strategien finn du på NLM Nordvest si nettside. Her skal det handle om to punkt: Små fellesskap. Vi både trur og ønskjer at smågruppene i vårt arbeid kan vere ein god reiskap for at nye menneske skal få eit møte med Jesus. Både gjennom åndeleg og praktisk vegleiing ønskjer vi å motivere kvarandre til å vere tydelege kristne menneske i dei relasjonane vi har, og invitere menneske inn i små kristne fellesskap. Er gruppene opne og tek vel imot nye, svarar dei til noko alle menneske treng: Eit fellesskap der vi er til hjelp for kvarandre både åndeleg og menneskeleg. Misjonsfellesskap må ikkje likne på klubbar eller lukka interessegrupper, men ein stad vi lever ut kallet vi har fått av Jesus. Vidare treng også dei store forsamlingane mindre grupper, der kvar enkelt kan dele Guds ord og frå eige liv, eller bli bedt for. I Misjonssambandet har dei små 42 gruppene vore ein berebjelke og løfta utsendingar og ytremisjonsarbeidet i bøn og offer. Vi vil i NLM Nordvest og både støtte og etablere smågrupper i arbeidet vårt. Tillit til Guds Ord. Heile vår frelse og framtid kviler på at Bibelens ord er til å stole på. I vår tid er likevel dette svært omdiskutert langt inn i kristne miljø. Sidan heile vår tru og vårt oppdrag er forankra i Guds ord som er sanning, vil regionstyret at arbeidet vårt både står på og formidlar ei frimodig tillit til Guds ord. Sidan 2012 har difor forkynninga vore i fokus gjennom undervisningsopplegget «Levande tru Bibelen i Livet». «Vi både trur og ønskjer at smågruppene i vårt arbeid kan vere ein god reiskap.» Vidare har regionen sidan byrjinga av 2015 arbeidd i staben for at forkynninga skal nå inn til fleire. Vi har sett søkelyset på forkynninga si innhald og form. Vi ønskjer at den både skal vere bibelnær og livsnær. Men vi har også merksemd på korleis vi konkret kan nå nye menneske med kristen forkynning. Dette i ei tid då vi må erkjenne at mange finn det lite aktuelt å møte opp på våre møte for å høyre Guds Ord. La oss be om Guds leiing slik at vi kan vere reiskap i Guds hand slik til at nye menneske kjem til tru i vårt arbeid. Marius og Karoline Bergersen reiste i sommar til Japan som misjonærar for NLM. Karoline har tilknytning til NLM FOTO: STEFFEN STENSLAND Region nordvest NYTT OM NAMN Frå august byrja Miriam Nordbø og Synne Marie Ulstein i 80 prosent stillingar som barne- og ungdomsarbeidarar. Halldis B. Volle er tilsett i 20 prosent vikariat som barne- og familiearbeidar i Ålesund Misjonsforsamling. Før sumaren slutta Andreas Furnes og Katrine Numme i sine stillingar. Hege Dalhaug har redusert stilling i NLM til 20 prosent stilling. Kåre Johan Lid har sagt opp si stilling som regionleiar frå november. Rekrutteringsprosessen for å tilsette ny regionleiar er i gang, og regionstyreleiar Svein Dalen trur at ny regionleiar kan vere på plass om ikkje lenge. Japanmisjonær Inger Valbø kom heim etter periode som misjonær i Japan, og reiser komande år for å forkynne og formidle frå misjonsarbeidet. Desse misjonærane har reist ut: Karoline og Marius Bergersen til Japan. Jan Magnus Dybvik, og i slutten av september også Ann-Helen og Oscar Nordbø til Elfenbeinskysten. Desse utsendingane kom heim: Kjersti og Frank Olav Haug med borna Josefine, August og Johan frå Mongolia. Britt Jorun Dalseth saman med Joseph frå Aust-Afrika. NEDGANG I GAVEINNTEKTER I slutten av juli ligger vi kroner under gavebudsjettet, og kroner under fjorårets tall. Fra januar til juli har det kommet inn 4,6 millioner kroner i gaver til NLM fra Region nordvest. Det totale gavebehovet for 2016 er på 12,05 millioner. Vi takker alle som er med i givertjeneste! Kanskje er det noen som kan øke sitt beløp, eller noen nye som kan gi? Vær med og bidra til de 7,5 millionene som trengs i løpet av høsten. Da kan vi fortsette arbeidet både i regionen og i de land vi har sendt misjonærer til. ANNE-MARIT ENGÅS

3 VÅR UTSENDING»» Jan Magnus Dybvik har hatt fleire periodar som misjonær i Vest-Afrika.»» Han er gift med Soili og dei kom heim sist i 2013.»» Det neste året skal Jan Magnus vere i Elfenbenskysten i bolkar, og fylje opp kyrkja og lokale leiarar.»» Han skal også arbeide med bibelundervisning. Den lokale pastoren som NLM samarbeidar med i Elfenbeinskysten, reiste med Jan Magnus til ein stad der han har arbeidd tidligare. Det vart et oppmuntrande møte. FOTO: JAN MAGNUS DYBVIK GAMLE KJENTE OPNAR NYE DØRER Nyleg kom eg tilbake frå ein seks vekers tur til Elfenbeinskysten. Det var tre år sidan sist og kjekt å møte igjen gamle kjente og å vere saman med dei kristne i Mahouland. TEKST: JAN MAGNUS DYBVIK, ELFENBEINSKYSTEN Ein søndag på marknadsdagen i Ouaninou møtte eg to gamle kjente: Mory og Moussa. Det er storarta å møte igjen personar du ikkje har sett på fleire år og slik også med desse. På 1990-tallet besøkte vi regelmessig landsbyen deira som ligg langt inn i bushen. Vi drog med bil på ein veg som knapt var brukbar for bil. Vi hadde møte der i fleire år og fortalde bibelhistorier. TO TRUFASTE UNGE. Særleg to ungdommar var trufaste: nemleg Moussa og Mory. Moussa var positiv til kristendommen allereie då, men det var vanskeleg for han å bli ein kristen, fordi så lenge han var ung og avhengig av å spise hos foreldra, kunne han ikkje bli ein kristen. Han var redd for å bli kasta ut av familien. Ein dag, om lag 15 år seinare, kom Moussa på terrassen min i Ouaninou for å helse. Han er framleis positiv til kristendommen, men faren hans er imam i landsbyen, og dermed er det ikkje lett for Moussa å bli ein kristen. Eg spurde han om vi på nytt kunne kome til landsbyen deira og fortelje bibelhistorier. Vi var hjerteleg velkomne. Mory sa det same. «Moussa og Mory ønskte oss på nytt velkomne til å ha kristne møte i landsbyen deira der omtrent alle er muslimar.» ØNSKA VELKOMMEN. Fredag 3. juni drog vår nasjonale pastor og eg på motorsykkel til landsbyen for å helse og førebu oppstart. For meg var det første gong på 15 år å kome tilbake til landsbyen, og vi blei godt tatt imot. Både Moussa og Mory er i dag gift, dei har to koner kvar og omtrent ti barn. På 90-tallet var dei blant dei yngste i landsbyen, i dag er dei blant dei godt vaksne i ein elles liten landsby. Bror til Mory er landsbysjef. Vi helste på han og på imamen, faren til Moussa. Dei ønskte oss på nytt velkomne til å ha kristne møte i landsbyen deira, ein landsby der omtrent alle er muslimar. Vi gjorde avtale om å ha møte fredagar. Vår pastor og ein til vil starte og besøke denne landsbyen i desse dagar. For nokre år sidan hadde imamen opp søkt vår pastor, Pierre, og bedt han om å be for han, fordi han var i nød for eitkvart. Alt dette viser at landsbyen er ganske open for forkynning av evangeliet. Kunne de vere med å be for Moussa og Mory, for familiane deira og for landsbyen at dei kunne høyre, forstå og begynne å tru på evangeliet? 43

4 NYE UNG ARBEIDERE Synne Marie Langstøyl Ulstein (20) og Miriam Johanna Nordbø (26) er nye ungarbeidere i regionen. Regionutsyn har tatt en prat om den første tiden i NLM Nordvest. TEKST: GEIR HENNING TUNHEIM 1 Hvorfor sa dere ja til å jobbe som ungarbeider i NLM Nordvest? MIRIAM: Det var fordi jeg kjente en lyst til det og hadde tenkt på det en stund, og det passet godt i forhold til tidspunkt. Jeg hadde lyst til å engasjere meg mer i menighetsarbeid og kjente at det var noe som jeg ønsket å prioritere nå. SYNNE: Jeg har tenkt på denne jobben siden jeg gikk på barneskolen. Jeg visste jeg ville ha et år som ungdomsarbeider en gang, og når denne jobben dukket opp i høst søkte jeg på den på tross av at jeg alt hadde søkt på studie. Når jeg fikk tilbudet om ett års vikariat, greide jeg ikke å si nei. 2 Hva ser dere mest frem til med å jobbe som ungarbeidere? MIRIAM: Jeg gleder meg til å reise på leir og oppleve barna trygge i den settingen, og å få vitne om Jesus. Det blir og kjekt å få bli kjent med barn og ledere i arbeidet. Så gleder jeg meg til å begynne arbeidet med KRASP Nord. 44 SYNNE: Jeg gleder meg til å kunne få være i et arbeid der jeg kan få bety noe for andre og gi Miriam Johanna Nordbø (t.v.) og Synne Marie Langstøyl Ulstein er nyansatt som ungarbeidere i regionen. dem verdens beste budskap. Det er kjekt å få en mulighet til å gå med det budskapet Gud har gitt oss. 3 Det er temmelig brede oppgaver dere går inn i. Er det noe dere gruer dere til? MIRIAM: Ja, jeg er litt spent på det å stå foran folk og tale. Og så blir det spennende om jeg finner frem til alle plasser jeg skal til, siden jeg er dårlig i geografi. SYNNE: Jeg er spent på å reise på barnehagebesøk og det å følge opp småbarnsgrupper. Det er et arbeid jeg ikke er vant til. Jeg trives foreløpig best med ungdommer, men det skal bli bra å få utfordret seg selv på det området. 4 Hva er deres inntrykk av NLM Nordvest til nå? MIRIAM: Det er et veldig godt inntrykk. Det virker som en god plass å arbeide, og det er et sted man er opptatt av å se hverandre og opptatt av mennesker. Det er et variert arbeid i regionen, og veldig mange frivillige som står på, noe vi oppdager på en spesiell måte som ansatt. SYNNE: NLM er en organisasjon som tar vare på de ansatte. Det er et trygt og godt nettverk, god opplæring og mange gode resurser å benytte seg av. Jeg opplever å bli sett, og føler meg veldig velsignet over å få ha en jobb med slike kollegaer.

5 Gode kurs- og selskapslokaler Ta kontakt! Solhøgda leirsted, Ålvundfjord, Vestheim ungdoms-senter, Vestnes, Lepsøy misjonssenter, Lepsøy, Rjånes ungdomssenter, Ørsta, Fargehandel Jernvarer Ovnerpeiserscanjøtul Johan R. Sunde 6037 Eidsnes Tlf Fax Sve Gravferdsbyrå REGIONUTSYN OG NETT Etter omlegginga av Utsyn i sommar, vert det nye «regionutsyn» utgjeve fire gongar i året, mot i seks nummer tidlegare. Talet på regionsider er også redusert til sju sider. Samstundes er den faste spalten «NLM rundt» i Utsyn open for stoff også frå Region nordvest i alle nummer av bladet. I tråd med utviklinga med medie vanane våre, vert nettsidene til regionen viktigare og brukt meir aktivt i informasjonsarbeidet. Vi viser til nlm.nonordvest og Facebook-sida til NLM Region nordvest. Her vert lagt ut fleire saker kvar veke. Velkomen til å fylgje oss både i regionutsyn og på nett. Per Arne Sve 6200 Stranda Telefon: Cafe Bistro AS Futurasenteret i Kristiansund. Alltid hjemmelaget mat. Har du smakt den gode Ridderosten fra Tresfjord? Ei gruppe frå Topp 3 på veg mot Kjerringa. FOTO: TRU SÅ FAST SOM FJELL FAX: Tlf ELNESVÅGEN (TORGET 68) Ti.-to , fr.-lø KRISTIANSUND, VÅGEVEIEN 10 To.-fr , lø ÅLESUND, BRUSDALSVEIEN 216 On.-fr , lø ØRSTA, VOLDAVEGEN 20 ti.-fr , lø Turklare og forventningsfulle møtte deltakarane fram fredag 2. september til «Topp 3» Dei kom frå heile Region nordvest og frå andre delar av landet, klare for tre spreke turar, avslappa stemning og kristent fellesskap. Turar til Bergehornet (1054 moh), Grøtdalstindane (1331 moh) og Kjerringa (1130 moh) vart gjennomført i varierande ver og sikt, utan at det øydela gleda over å vere saman på tur. Med herlege måltid, ideell lokalisering og badestamp, er Rjånes Ungdomssenter ein strålande basecamp for turar i Sunnmørsalpane. Åndeleg fokus og fellesskap fekk leirdeltakarane ved livsnær forkynning frå Jan Helge Aarseth, der det vart vist at Jesus er den faste grunnen for vår tru og vårt liv. Topp er sett av på planen september. 45

6 DOBBEL MATSTASJON Averøy mannsforeining er ei foreining tilslutta NLM Region nordvest og har seks faste medlemmer. Samlingane går på rundgang i heimane, og dei møtest ein onsdag i månaden til mat, bibel og bøn. TEKST OG FOTO: LARS PETTER ØDEGÅRD Gladgjengen i sofakroken. Frå venstre ser vi Jan Olav Solbakk, Svein Erik Sørdal, Andreas Smenes, Roger Gjessing FOTO: LARS PETTER ØDEGÅRD og Hans Futsæther. Den nydelige lukta av karri og koriander siv ut i oppkøyringa i Sveggesundet. Eg vert tatt godt imot av Ruth og Jan Olav Solbakk, og vi går til spisebordet i stova der dei andre karane sit. Vi startar alltid med måltidsfellesskapet seier dei. Eg forsyner meg med kyllingsuppe og kvitlauksbrød. På mange måtar er vi ein dobbel matstasjon, der vi får næring for både kropp og sjel, seier leiar Svein Erik Sørdal. Den orientalske suppa vart særs godt motteke, saman med eplekake og krem til dessert. Diskusjonen går livleg rundt kaffibordet. Me snakkar om laust og fast og om det meste som ligg oss på hjartet. Politikk og samfunn er det som går att hjå dei fleste, og det er mange som vil ha ordet. Etterkvart bryt vi praten og går frå spisebordet til sofagruppa. 46 LETTARE Å DELE. No startar andre del av matstasjonen i mannsforeininga. Alle i gruppa går på bedehuset til vanleg, så vi spør kvifor dei ser behov for eit slikt kristent fellesskap. Det fellesskapet vi har her i mannsforeininga kan ikkje direkte samanliknast med det vi får på bedehuset. Vi treng begge deler. Der NORDVESTS STRATEGI MOT 2020»» Åpne og nære felleskap»» Vi vil starte 25 nye livsnære smågrupper for ulike aldrar der vi møter Gud og kvarandre.»» Vi vil styrke og utvikle dei eksisterande smågruppene i alle område av regionen.»» Vi vil at smågruppene skal vere eit av våre fremste reiskap for å nå nye med Jesus.»» Vi vil at våre smågrupper skal fremme ansvar for misjon til dei minst nådde. «Denne gruppa har ein nærleik, openheit og tryggleik» har me gjerne litt meir undervisning, medan i mannsforeininga vår samtaler vi med kvarandre og kjem fram med ulike synsvinklar på bibeltekstane vi les igjennom. Vi er fyrst og fremst ei bibelstudiegruppe og eit bønefellesskap. Kva er den viktigaste grunnen til at de søkjer eit mindre fellesskap? Denne gruppa har ein nærleik, openheit og tryggleik som er vanskeleg i større fellesskap. Her er det lettare å dele det som kan opplevast tøft og vi ber mykje for kvarandre. I tillegg har vi kome nærare kvarandre etter at vi starta å gå saman i gruppa, både åndeleg og sosialt, seier Sørdal. ENDER ALLTID PÅ GOLGATA. Kva er dei største ønska og visjonane de har til gruppa framover? Vi har vel eit håp at vi alle har helse til å kome saman for å be og lese Bibelen. Vårt aller største håp er at me igjennom denne gruppa får inspirert kvarandre til å få med fleire på himmelvegen. Og så er det sjølvsagt at vi fortset å ha det kjekt i lag saman. For i løpet av kveldane er vi innom både kristenliv og dagligliv og nokon gongar vert det kanskje i overkant med sidespor, men vi ender alltid opp på Golgata til slutt, seier sidemannen.

7 ASLAUG SMOGE»» 70 år, bur i Valldal. Pensjonist.»» Ho vaks opp på ein fjellgard på Smoge og i Oalsbygda før familien flytta til Hellesylt»» Fekk kongens fortenestemedalje i 2012.»» Har arbeidd på Valldal sjukeheim sidan 1972.»» Vart kristen i «Eg opplevde at Jesus møtte meg på ein spesiell måte i hytta den kvelden.» «DÅ MØTTE GUD MEG» Heilt sidan ho var barn har ho visst at trua på Jesus var viktig. Men ho utsette trua, fram til ho ein dag vart kristen i Jesus er med meg i kvardagen, det har eg erfart, seier Aslaug Smoge. TEKST OG FOTO: MARGARETH ENGÅS Familien hennar var kristen, faren las til dei frå Bibelen og ho gjekk på søndagsskule og i barnekor. Men i ungdomstida mi fekk eg andre interesser og kom vekk i frå trua. Besteforeldra mine var tydelege kristne, og kvar jul fekk eg julekort frå dei der det stod: «Gi ditt hjarte til Jesus». Eg visste at tru var viktig, og dersom eg ikkje skulle gå fortapt måtte eg bli frelst, men eg utsette det, fortel Aslaug Smoge (70). I 1970 var det teltmøte i Valldal med Gunnar Hamnøy, Inge Ulstein, Per Ove Aarseth og ein frå Longva. Då eg såg plakatane vart eg irritert. Eg tenkte at no blir det eit mas om å gå på møte. Likevel gjekk ho på møtet. På veg ut frå møtet, tok Gunnar Hamnøy meg i handa og sa: «Er du frelst?» Eg svara: «Nei». Han sa: «Vil ikkje du bli det?». Så tok han meg inn i teltet og ba for meg, seier ho. Etter det rekna ho seg som kristen og fortsette å gå på møte. Vi var tre damer som vart frelst gjennom desse teltmøta, og då Gunnar Hamnøy kom att på hausten starta vi foreining. EIT NYTT OPPDRAG. Er det hendingar som har vore spesielt betydningsfulle for livet med Jesus? Vi såg ein film på foreining ein kveld nokre år etter at eg vart ein kristen. I filmen sa Jesus: «Heretter skal du fange menneske». Det var som om han såg direkte på meg. Eg hugsar fortsatt augene og ansiktet hans. Eg vart full av gråt. Etter det fekk eg eit kjærleiksforhold til Jesus og eit nærare forhold som eg har hatt med meg heilt til i dag. To år etter eg vart ein kristen spurde Arne Lingås om eg ville ta over søndagsskulen. Då tenkte eg: «Kven er eg? Eg er ikkje god nok til å gjere noko slikt?» Eg ba over det og leita i Bibelen etter svar, fortel ho. Då fekk ho ordet frå Openberringa 3,8: «Eg veit om gjerningane dine. Sjå eg har sett framfor deg ei opna dør, som ingen kan stengja. For du har lita kraft, og du har halde fast på mitt ord og ikkje fornekta mitt namn.» Då sa eg ja og heldt på med søndagsskule i 25 år, sier Smoge. BRAKK RYGGEN, ÅLEINE. I 1998 ramla Smoge ned frå eit hyttetak og brakk ryggen. Ho var åleine, men fekk krabba seg inn i senga. Eg hadde sterke smerter og var utan telefon. Då eg skrudde på radioen vart det sendt ei andakt med bibelordet frå Jesaja 41,10 som seier: «Frykt ikkje, for eg er med deg» Då sovna eg. Ut på natta kom brørne mine og fekk meg til sjukehus. Eg opplevde at Jesus møtte meg på ein spesiell måte i hytta den kvelden, seier ho. Kva er viktigast for livet med Jesus i dag? Jesus er med meg i kvardagen, det har eg erfart. Eg kan leggje alle suter over på han. Han held si hand over meg også i dag, 45 år etter at eg vart kristen. Eg likar godt å reise til Smoge der eg har god tid til å lese og be. Det treng eg. Eg ber for dei rundt meg, at dei må oppdage Jesus og hans ord. 47