Rv. 55 Gang- og sykkelveg Fardal-Ylvisåker. Saksutgreiing REGULERINGSPLAN. Saksutgreiing etter 1.gang offentleg ettersyn Sogndal Kommune

Transkript

1 REGULERINGSPLAN Saksutgreiing Ruthild Oertel Rv. 55 Gang- og sykkelveg Fardal-Ylvisåker Saksutgreiing etter 1.gang offentleg ettersyn Sogndal Kommune Region vest Leikanger, R.vegktr 27.oktober 2014

2 Forord Etter avtale med Sogndal kommune varsla Statens vegvesen i juni 2013 om oppstart av arbeid med reguleringsplan for gang- og sykkelveg mellom Fardal og Ylvisåker, i Sogndal kommune. Tiltaka i reguleringsplanen sikrar at det kan byggast gang- og sykkelveg på strekninga og korleis dette skal løysast i høve til tilgrensande areal og eigedomar. Etter avtale med Songdal kommune varsla Statens vegvesen i desember 2013 om utvida planområde i Fardal for å sikre areal til avkøyrsle og mogeleg bustad. Utvidinga var ut i sjøen. Statens vegvesen har i dialog med Sogndal kommune utarbeidd forslag til reguleringsplan. Planforslaget låg ute til offentleg ettersyn frå 4.juli til 29.august Det kom inn 14 merknader til høyring av planen. Desse ligg ved. I tillegg gav landbruksavdelinga hjå Sogndal kommune eit innspel i ettertid. Dette ligg også ved. Etter offentleg ettersyn har det vore dialog med kommunen på nokre av innspela. Dokumenta ligg ved. Merknadar til planforslaget og dialog med kommunen gir grunnlag for revisjon av reguleringsplan slik det går fram av kapittel 5. Reguleringsplan-teikningane R1, R2, R3, R4 og R5 er endra slik kapittelet viser. Føresegnene er endra slik det går fram i kapittel 5. Saksutgreiinga ligg ved revidert planforslag som vert lagt ut til offentleg ettersyn, datert

3 Innhald Forord Generelt Varsel om offentleg ettersyn Referat av merknadane med Statens vegvesen sine innstillingar...5 Dokument nr. 166, frå NVE...5 Dokument nr. 173 frå Kystverket...6 Dokument nr. 174 frå Silje Katrin Ylvisåker Venes...6 Dokument nr. 175 frå Eldar Venes...7 Dokument nr. 175 frå Gjermund Venes, Einar Venes og Arlin Grepstad Venes...8 Dokument nr. 176 frå Ingar Hagen...8 Dokument nr 177 frå Olav Helge Ylvisåker og Mona Kristin Ylvisåker Øvereng...9 Dokument nr 178 frå Svein Jarle Slinde Dokument nr 179 frå Renate Brynjulfsen Ugulen og Eirik Ese Dokument nr. 180 frå Gunnlaug Fimreite og Eirik Eikeberg Dokument nr. 181 frå Magnar Eggum Sterri Dokument nr. 182 frå grunneigarane til gards- og grendavegen til Ylvisåker Dokument nr. 183 frå Anne Gro Fredheim og Odd Terje Tangen Dokument nr. 185, frå Bjørg Ylvisåker Pedersen Dokument nr. 186 frå Fylkesmannen i Sogn og Fjordane Dokument nr. 189, frå landbruksavdelinga hjå Sogndal kommune Dialog i samband med revisjon av reguleringsplan Dokument nr.189, frå kommunen Dokument nr. 191, frå Sogndal kommune Dokument nr. 192, frå Sogndal kommune Dokument nr. 193 til Sogndal kommune frå Statens vegvesen Dokument nr. 195, frå Eldar Venes og Sogndal kommune Dokument nr. 197, referat frå møte mellom Statens vegvesen og Sogndal kommune Forslag til endringar på reguleringsplanen Omsynssone rasfare Endre til formål Næring i Fardalsståi Naust i Fardal Utvide område ved båtstøer, i Fardal Justering av privat avkøyrsle i Fardal av omsyn til drift Justering av privat avkøyrsle i Fardal av omsyn til framkomst Storleik på ny driftsbygning på Ylvisåker Endre felles gang- og sykkelveg til offentleg gang- og sykkelveg ned til Nesavegen

4 6. Innspel til endringar som ikkje vert imøtekomme Ny tilkomst til område mellom elveløpa i Fardal Utforming av offentleg areal i Fardalsståi Unngå å rive bustad i Fardal med andre vegløysingar Annan plassering for nausttomt til Eldar Venes Strandlinje Parkeringsplassar i Fardal Tilkomst til eigedom i Fardal Strand i staden for båtstø i Fardal Tett rekkverk i Fardal Tilkomst til sjøbu/garasje i Fardal Carport i Fardal Rekkjefølgjebestemmelse gang- og sykkelvegar på Ylvisåker Mur i staden for fylling, på Ylvisåker Flytte krysset på Ylvisåker Tilkomst til gardbruk på Ylvisåker Tiltak på og ved eigedomar Mur i Fardalsståi Tilkomst til leilegheit i Ståi Parkering i anleggsperioden, i Fardalsståi Farge på rekkverk Rekkverk inne på eigedom i Fardalsståi Anlegg i grunnen og handtering av overflatevatn Tilkomst til strand og naust i Fardal Skjerming mot innsyn og krav til estetisk utforming Heving av sjøbotn i båtstø Parkeringsplass ved Storekleivi Andre innspel Omlegging av rv. 55 gjennom Ylvisåker Kostnadsvurderingar Sakshandsaming Arbeidsavtale Flytting av hus Omlegging av riksveg gjennom Fardal Vedlikehald og oreigning av gs-veg ned til Nesavegen Oppsummering og konklusjon

5 Vedlegg: Innspel til offentleg ettersyn Dialog med kommunen før revisjon av plan 4

6 1. Generelt I Statens vegvesen sitt arkivsystem har denne saka dokument nr Under denne saka ligg alle dokument vedrørande arbeidet med reguleringsplanen, inkludert utgåande og inngåande brev. Sist i dette dokumentet ligg kopiar av breva med merknader til offentleg ettersyn av planen, nummererte i høve til dokumentnr. dei har i Statens vegvesen sitt arkiv. Varsle om planoppstart og innspel til dette går fram av planomtalen til reguleringsplanen. 2. Varsel om offentleg ettersyn Etter semje med Sogndal kommune er handsaming av reguleringsplanen overført til Statens vegvesen etter 3-7. Det betyr at Statens vegvesen har organiserer planarbeidet, utarbeider og fremjar planforslag. I tråd med 3-7 la Statens vegvesen planforslag ute til offentleg ettersyn frå 4.juli til 29.august Dette vart annonsert i Sogn avis. Det vart sendt ut brev til alle kjende grunneigarar og til offentlege instansar. 3. Referat av merknadane med Statens vegvesen sine innstillingar Dokument nr. 166, frå NVE NVE peikar på at faresonekart for skred utarbeidd av NGI viser at deler av planområdet er utsett for snøskred og steinsprang. Sidan planen har med bustadområder meiner NVE at desse skredutsatte områda må synast som omsynssone i plankartet med tilhøyrande føresegner som sikrar tilstrekkeleg trygghet. NVE peikar spesielt på nytt hus på erstatningstomt for eksisterande hus som vert rive. Huset kan ikkje setjast opp dersom tomta ligg innanfor skredfarleg område. NVE rår til at skredfarlege område vert synt som omsynssone i planen. Til omsynssonene må det være føresegner som forbyr eller set krav til sikring ved tiltak i skredsikkheitsklasse S2/S3 i TEK Statens vegvesen sine innstillingar: Faresonekart for skred viser område som kan være utsett for snø- og steinskred, funne ut frå terrengformene i området. Heile planområdet ligg innanfor denne sona. Dette er eit aktsemdområde. Faresonekart for steinsprang viser område som kan være utsett for steinsprang, funne ut frå terrengformene i området. Heile planområdet med unntak av ved Fardalsståi ligg innanfor denne sona. For å finne faktisk skredfare må det gjerast geologiske vurderingar på staden. Dette vert ikkje gjennomført for denne reguleringsplanen, men må gjennomførast av tiltakshavar som skal sette opp nye bygningar innanfor planområdet. Omsynssone for skredfarlege område vert teke inn i plankarta, for heile planområdet med deling ved Fardalsståi slik at området som ikkje har fare for steinsprang vert eige område. Det vert ein ny paragraf 8.4 i føresegnene: «8.4.1 Fareområdet H310_1 er aktsemdområde for snø- og steinskred og utlaupsområde for steinsprang. Innanfor fareområdet er 5

7 tiltakshavar for bygningsområde ansvarleg for å dokumentere at området er sikra mot ras før nye tiltak kan setjast i verk og at ROS-analyse er gjennomført i tråd med kommuneplanen 1-7 a.» «8.4.2 Fareområdet H310_2 er aktsemdområde for snø- og steinskred. Innanfor fareområdet er tiltakshavar for bygningsområde ansvarleg for å dokumentere at området er sikra mot ras før nye tiltak kan setjast i verk og at ROS-analyse er gjennomført i tråd med kommuneplanen 1-7 a.» Dokument nr. 173 frå Kystverket Kystverket har ingen merknader til planforslaget Dokument nr. 174 frå Silje Katrin Ylvisåker Venes 1. Grunneigar ynskjer at området ved den gamle butikken vert regulert som næringsområde, i tråd med faktisk bruk. 2. Silje Venes opplyser at muren ved bustadhuset svingar som i dag, i ein halvboge. Ho ynskjer at ny mur vert strekt heilt fram til stolpane på inngangspartiet til huset. 3. Dei trur inngangspartiet til leilegheita på Sagi må endrast og ber om skisse på området. Dei ynskjer at naudsynte endringar vert gjennomført før veganlegget vert starta av omsyn til sikkerheita til dei som bru her. 4. På næringsområdet finn dei at det vert meir rygging enn tidlegare og dette arealet vert mindre enn i dag. Venes ynskjer difor tilkomst til området mellom elveutløpa, midt på brua. Dei meiner dette vil minske trafikk på gåande gjennom næringsområdet. 5. Dei ynskjer avklaring på korleis dei skal få nytte område i anleggsperioden og kvar dei skal parkere. 6. Silje Venes ynskjer at rekkverket får mørk farge. Dei viser som eksempel til rekkverket ved Hagelin. 7. Dei peikar på at rekkverk som står ved den gamle butikken bør skiftast ut. Dei ynskjer tilsvarande rekkverk som på gang- og sykkelvegen. 8. Dei meiner det er teikna inn rekkverk framom den gamle butikken. Dei meiner dette ikkje har vore planen tidlegare, men at prosjektet skulle avsluttast i Staai. 9. Silje Venes peikar på at det ligg eit vatningsanlegg/gammalt fonteneuttak i vegen ned til Sagi. Dette må det takast omsyn til ved regulering. 10. Dei ber om at grøfta ovanfor riksvegen vert utbetra slik at det ikkje renn vatn over vegen og ned til lageret når elva har stor vassføring. Statens vegvesen sine innstillingar: 1. Området vert regulert til næringsområde i tråd med kommunen si innstilling, sjå dokument nr 189, punkt 3. Der avkøyrsla kryssar gang- og sykkelvegen og offentleg vegareal vert det regulert til felles veg. Det skal inn eit nytt punkt i føresegnene som sikrar vegrett til alle eigedomane i næringsområdet. Det skal inn nytt punkt

8 «Eigedomane 69/8,16, 69/62 og 69/8 har rett til å køyre til sine eigedomar over området N1. Eigedom 69/16 har rett til gangbar tilkomst over næringsområde N1.» 2. Statens vegvesen merkar seg innspelet. Tekniske detaljar vert avklara i byggeplanlegginga før anleggsstart. 3. Det er behov for meir detaljerte vurderingar for å avklare om trapp til inngang til leilegheita må byggast om. Det vert teke stilling til slike detaljar i samband med byggeplanlegging før anleggsstart, sjå kap 7.12, side 22 i planomtalen. 4. Det er særs liten trafikk til området mellom elvane. Det er også uheldig med opning i brurekkverk. Løysinga vert difor ikkje tilrådd. 5. Det er behov for areal til anleggsområde og til å bygge ny bru. Som minimum vert næringsområdet som er med i reguleringsplanen brukt til riggområde for å bygge ny bru. Statens vegvesen har merka seg innspelet. Detaljar for bruk av området vert avklara i byggeplanlegginga og ved anleggsstart. 6. Tilrådd farge og rekkverksløysing er i tråd med Venes sine ynskjer, sjå planomtalen kapittel Dersom trafikkarealet framom butikken vert redusert med rabatt mot vegen, vil manøvrering av bilar komme nærare ein mur med eit dårleg rekkverk. Dette bør i tilfelle erstattast med køyresterk løysing som rekkverk eller avvisande kantstein. 8. Dette arealet er del av området som det vart varsla å utarbeide reguleringsplan for. 9. Statens vegvesen merkar seg innspelet. Tekniske detaljar vert avklara i byggeplanlegginga før anleggsstart. 10. Statens vegvesen har merka seg innspelet. Dokument nr. 175 frå Eldar Venes 1. Eldar Venes meiner han fekk regulert inn nausttomt før reguleringsplanen vart lagt ut og grunnprøvane i sjøen var tekne. Fordi grunntilhøva der han har planlagt naustet er vanskelege slik at oppføring av naustet her vert dyrt og upraktisk ynskjer han å sette opp naust på steinfylling der grunntilhøva tillèt det. Han viser til at han i dag har 20 meter tørt land på fjøre sjø der det enkelt kunne setjast opp naust med opptrekk for båt på steinfylling. 2. Han peikar på at han i dag har 61 meter strandlinje som kan nyttast til båtopptrekk, bading og bålplass. Han ynskjer planen utforma slik at det vert igjen strand med slikt formål. Han viser til tilsvarande ordningar for dei andre eigedomane. 3. Eldar Venes peikar på at han har gjesteparkering langs riksvegen der innkøyring til gangvegen er planlagt. Han vil ha løysing for å behalde 4 parkeringsplassar i dette området. 4. Venes peikar på problem med to tette stikkveiter som går under rv. 55. Ved flaum og store nedbørsmengder kjem det vatn inn i hage og kjellar. 7

9 5. Han har oppfatta at tilkomst til naust og strand vert planlagt seinare. Statens vegvesen sine innstillingar: 1. Venes har etter dialog med kommunen fått inn nytt område for naust i reguleringsplanen, sjå dokument nr. 191 frå Sogndal kommune. Statens vegvesen rår kommunen frå å etablere slik tomt med steinfylling, sjå epost til kommunen i dokument nr Fyllinga går teoretisk til kote -20 som gir at det er vanskeleg å utføre stabiliserande tiltak. Sogndal kommune rår grunneigar til å halde på tomt slik den er i plan som har vore på høyring, sjå dokument nr Grunneigar er samd, sjå dokument nr Avkøyrsla frå gang- og sykkelvegen fører veganlegget på fylling så langt ut i sjøen at heile strandlinja til denne eigedomen vert fylt ned. Fordi sjøbotn utanfor er så bratt, er det ikkje mogeleg å reetablere strand på denne strekninga. Det er difor ikkje mogeleg å utforme planen slik at det vert igjen strand på hans eigedom. Stien i fyllinga vert bygt som planlagt. 3. Det ligg igjen gammal veggrunn utanfor riksvegen, der det vert parkert i dag. Dette arealet er eigd av Statens vegvesen. Dette er difor ikkje bruk eller areal Venes har rett på å få erstatta. Det er ikkje mogeleg å lage nye parkeringsplassar i dette området. 4. Statens vegvesen merkar seg innspelet. Tekniske detaljar vert avklara i byggeplanlegginga før anleggsstart. 5. Tilkomst til strand er ikkje aktuelt sidan her ikkje vert igjen strand. Det er planlagt ein sti i vegfyllinga. Den vises på teikning C4 som ligg ved planen. Det er naturleg å føre den fram til eventuelt naust eller la den være gjennomgåande i vegfyllinga dersom naust ikkje vert bygt. Det vert opning i rekkverket for eventuelt naust, for direkte gangtilkomst frå gang- og sykkelvegen. Dokument nr. 175 frå Gjermund Venes, Einar Venes og Arlin Grepstad Venes 6. Dei ynskjer kvalitetssikring av tilkomst for personbilar til og frå garasjane på helling og plass til å manøvrere personbilar. 7. Grunneigarane ynskjer lagt til rette for gjesteparkering tilsvarande det dei har i dag. Statens vegvesen sine innstillingar: 6. Høgdeskilnad mellom ny gang- og sykkelveg og naust som vert nytta til garasjar er innanfor krav til vertikal linjeføring. Det er minimum 6,2 meter frå bygningane til vegkant. Dette stettar krav til snuareal for parkeringsplass som er rettvinkla på veg. 7. Arealet framom bygningane kan ikkje nyttast til parkering fordi det vil hindre sikt for bilar som skal til og frå garasjane. Det er ikkje areal langs gang- og sykkelvegen som kan erstatte dette arealet. Dokument nr. 176 frå Ingar Hagen Ingar Hagen finn at avkøyrsle til hans eigedom ikkje kan nyttast. Det er ikkje mogeleg å rygga med hengar gjennom dei to svingane på avkøyrsla. Han ynskjer avkøyrsla utforma slik vedlagde teikning viser. Han meiner denne løysinga gir god sikt mot sør, ved gangvegen og at avkøyrsla får stigning 15 % dersom vegen vert heva lenger nede. 8

10 Han peikar på bruken av denne avkøyrsla til transport av frukt, naust som vert nytta til å lagre materiale, slåmaskin, plentraktor med hengar, jordfres og anna hageutstyr. Båten vert lånt bort i periodar og vert då frakta på hengar. Vedlagt brevet frå Ingar Hagen var ei teikning der anna løysing for tilkomst var skissert. Løysinga er tilsvarande som for naboeigedom 79/3 med ei lomme langs gs-vegen og veg ned frå denne. Statens vegvesen sine innstillingar: Dette er vurdert tidlegare som eit av alternative tilkomstar til denne eigedomen. Da var det lagt til grunn at naudsynt tilkomst var minste type landbruksmaskin, for drift av frukthagen. Tilkomst for anna bruk slik det kjem fram no, var ukjent. Svingradius på tilkomstvegen var difor i høve til anteke behov. Ynskja vegløysing vart lagt vekk fordi den vart for bratt. Løysing i reguleringsplan med vinkelrett påkøyring er og å føretrekke der dette er mogeleg å få til. Vi er samd med Ingar Hagen i at avkøyrsla i forslag til reguleringsplan ikkje kan køyrast med bil med hengar på grunn av kurvene og bredda på vegen. Detaljert prosjektering løysing for avkøyrsle Ingar Hagen ynskjer viser at denne vil få eit fall på over 22%. Manøvrering av bil med hengar ned til denne vegen vil krevje rygging på gangog sykkelvegen. Det er lite ynskjeleg. Løysinga vert difor ikkje tilrådd. I staden viser forslag til reguleringsplan ei lomme ved kurva som kan brukast til å manøvrere på når det er trong for å komme ned til naustet med større køyretøy. Dokument nr 177 frå Olav Helge Ylvisåker og Mona Kristin Ylvisåker Øvereng 1. Ylvisåker viser til tidlegare felles innspel frå grunneigarane på Ylvisåker, vedlegg nr 15 i planomtalen, der dei kom med forslag til endringar. Grunneigarane bad i det dokumentet om at rv. 55 vart flytta og lista opp fordeler og ulemper med dette. Ylvisåker meiner at gang- og sykkelvegen såleis ikkje vert dyrare, men auka kostander med omlegging på 8,5 mill.kr. går til oppgradering av riksvegen. Dei er usamd i påstanden om at midlar frå gang- og sykkelveg vert brukt til riksveg når gang- og sykkelveg vert del av prosjektet, sjølv med å bygge om riksveg samtidig. Dei stiller spørsmål til om riksveg på denne strekninga kan byggast om rimelegare. Ylvisåker trur vegmidlar vert spart ved å bygge veg og gang- og sykkelveg samtidig. På bakgrunn av dette ver dei om at alternativ med å legge om riksvegen vert valt da det totalt sett er rimelegare og gir mindre negative konsekvensar for bebuarane. 2. Ylvisåker stiller spørsmål til kor sikre kalkylane er og om underlaget vert lagt fram. Dei spør om kostnader for grunnerverv og erstatning for bygningar er med i kalkylane. Det er eit masseunderskot på prosjektet. Kalkylen er oppgitt å ha feilmargin på 10 %. Dei meiner denne feilmarginen kan jamne ut skilnaden mellom alternativa. 3. Ylvisåker meiner det er gjort sakshandsamingsfeil fordi det ikkje er konsekvensutgreidd å bygge ned 2260 m2 av deira jordbruksareal, som er nær 10 % av deira dyrka mark på heimebø. Dette meiner dei må også sjåast i samanheng med andel av bruket, som vesentleg. Dei krev difor at planen vert forkasta og at det må gjennomførast konsekvensutgreiing som omfattar alle sider av tiltaket. Innspela nedanfor er knytt til forslag til reguleringsplan, som dei ser seg nøydde til å kommentere sjølv om dei er usamd i løysingane. 9

11 4. Grunneigarane meiner det ikkje er trong for gang- og sykkelveg ned til felles grendeveg. Dei meiner denne vegen er unødig nedbygging av dyrka mark og spør om dette kan forsvarast i høve gjeldande regelverk. Dersom gang- og sykkelvegen berre skal byggast fram til grendavegen ynskjer dei at gs-vegen vert lagt inntil riksvegen og at gang- og sykkelveg langs riksvegen vert fjerna. Ved seinare vidareføring av gang- og sykkelvegen langs riksvegen til krysset til Ylvisåker kan gs-vegen lett hevast og koplinga ned til grendavegen kan takast vekk. 5. Ylvisåker finn det urimeleg at vegen ned til grendavegen vert regulert til privat veg eigd av grunneigarane i området. Såleis finn dei å verte pålagt eigedomsansvaret for ein offentleg veg dei ikkje vil ha. Dei spør om dette er lovleg reguleringspraksis, å opne ein felles veg for allmenn bruk utan avtale med grunneigarane av vegen. Dei krev at vegen vert offentleg. 6. Dei meiner føresegnene må gjerast tydelegare med omsyn til bruk av mur for å spare areal og skjerming mot innsyn og strenge og generelle krav til estetisk utforming. 7. Dei meiner det må stillast krav til detaljerte avtalar med kvar enkelt grunneigar før arbeid i marka kan starte. 8. Ylvisåker meiner at storleik på driftsbygningen må aukast frå 200 til 300 ms2, da det er grunnflata til eksisterande driftsbygning. Dei peikar på at det er lagt opp til tilkomst til 2 etasjar. Eksisterande driftsbygning har tilkomst til 3 etasjar. 9. Dei ynskjer at planen opnar for privat tilkomst tilpassa drifta arealet og terrenget, og med rett utforma tilkopling til rv. 55. Dei ynskjer å stå fritt til korleis privat veg og tilkomst vert utforma og plassert i staden for detaljert fastlagt slik planforslaget viser. Konklusjon frå Ylvisåker: Dei ber kommunestyret om å pålegge Statens vegvesen å utarbeide nye planar som dei meiner er meir heilskaplege og framtidsretta. Dei vil også invitere bestemmande myndighet til synfaring og ynskjer taletid når planen skal handsamast. De føreset at den beste, mest framtidsretta og mest heilskaplege løysinga vert valt. Statens vegvesen sine innstillingar: 1. Statens vegvesen viser til svar gitt til tidlegare innspel til å legge om riksvegen samtidig som gang- og sykkelvegen vert bygt, sjå kapittel 6 i planomtalen. 2. Når det vert rekna kostnader for veganlegg i samband med reguleringsplanar er det krav til 10 % nøyaktighet. Dette vart oppfylt for kostnadsvurderingane til dette prosjektet, Underlaget til kostnadsvurderingane er entrepriser. Desse kan ikkje offentleggjerast av omsyn til entreprenørane som har gitt disse prisane. Kostnadane for grunnerverv og erstatning er også med, basert på erfaringstal frå andre prosjekt. Alternativet med å legge om vegen vart rekna samtidig som vi rekna på gang- og sykkelvegen slik at feilmargin på 10 % ikkje gir kostnadsskilnad på dei to alternativa, men slår likt ut for begge alternativa. 3. Vi viser til vurdering av om reguleringsplanen utløyser krav til konsekvensutgreiing, omtala i kapittel 3.2 i planomtalen. Storleik på omdisponering av areal vist i planomtalen er for både utmark, beite og innmark der omdisponering av innmark er ca m2. Heile bruket har totalt ca m2 innmark, utmark og beite der innmarka er på ca m2. Såleis finn vi at omdisponering frå innmark til vegformål vert ca. 3%. Når veganlegg skal utvidast inn på og gjennom landbruksområde er det ein konsekvens at 10

12 landbruksområde vert omdisponert. Vår vurdering er difor at tiltaka i reguleringsplanen ikkje utløyser krav til konsekvensutgreiing fordi tiltaket er i tråd med kommuneplan og ikkje fører til større omdisponering av dyrka mark ut over det som ligg føre av at tiltaket er med i kommuneplan. 4. Hovudmålet med reguleringsplanen er gang- og sykkelveg mellom Fardal og Ylvisåker, ut til krysset til Ylvisåker. Gang- og sykkelveg ned til grendavegen er med som kopling mot denne vegen og eigedomane i dette området. Den gir kortare veg til skulen og betre kopling til gang- og sykkelveg og busslomme for dei som bur langs Nesavegen, sjå meir utdjupande svar til dokument nr Dersom gang- og sykkelvegen ned til Nesavegen vert bygt må også gang- og sykkelvegen langs riksvegen byggast til busslomma. Det er også ynskje om eit busskur ved busslomma. Såleis må begge vegane byggast fram til busslomma for alternativet med gang- og sykkelveg ned til Nesavegen. 5. Kommunen har gitt innspel om at gang- og sykkelveg ned til Nesavegen skal regulerast til offentleg gang- og sykkelveg, sjå dokument nr Dette vert lagt inn i det nye planforslaget. 6. Det er ikkje krav til å skjerme mot innsyn langs gardsbruk utanom dersom det er krav til støyskjerming og støyskjerm samtidig fungerer som innsynsskjerm. Det er ikkje krav til støyskjerming forbi Ylvisåker sin eigedom. Det går fram av kapittel 7.23 «Ytre Miljøplan» at det skal nyttast naturstein til muring. I føresegnene 3-2 står det at krav i YM-planen skal følgjast opp. Såleis er planen klar på at det skal nyttast naturstein. Unntak vil være der terrenget er for bratt eller ved bru, der må det nyttast betong. Såleis finn vi at planen set krav til estetikk, saman med kapittel 7.19 «Landskapstilpasning». 7. Når reguleringsplanen er vedteken og det er gitt vegløyving, vil Statens vegvesen ta kontakt med den enkelte grunneigar for forhandling med sikte på minneleg avtale. Dersom det ikkje vert semje, vert erstatninga fastsatt ved skjønn. Erstatning vert fastsett etter vanlege ekspropriasjonsrettslege prinsipp. 8. Statens vegvesen har ingen innvendingar mot at bygget vert bygt større. Kommunen er har ingen innvendingar mot at bygget vert større, sjå dokument nr Reguleringsplanen vert endra slik at bygning kan bli inntil 300 m2. 9. Statens vegvesen ynskjer avkøyrsle inn på rv. 5 plasserast der planen viser og med standard utforming i avkøyrsla. Vi held fast på at reguleringsplanen viser løysing for vegar på eigedomen fordi vi er pliktige å kople til eksisterande tilkomstar når eksisterande vegsystem vert endra. Dokument nr 178 frå Svein Jarle Slinde 1. Slinde ber om at innspelet om å legge om rv. 55 gjennom Ylvisåker vert vurdert på nytt. Han meiner det ikkje stemmer at det vert dyrare å bygge veg samtidig med gang- og sykkelvegen. Han grunngir dette med to rundar med reguleringsplan, to rundar med utlysing for å finne entreprenør til prosjekta, unødig innløysing av hus, eigedomar og jordbruksareal. Han meiner og trafikkavviklinga vert billegare ved å bygge veg og gangog sykkelveg samtidig sidan trafikken dermed kan gå på den gamle vegen medan den nye vert bygt. Deretter kan gang- og sykkelvegen byggast på areal til eksisterande riksveg. 11

13 Han viser til at det er informert om at vegen på sikt skal utbetrast. Han etterspør forklaring på at det faktisk er billegare å bygge dette samtidig. I tillegg gir utbetring av vegen 80 km/t frå Ølmheim til Fardal. 2. Slinde ynskjer at rabatten langs hans eigedom vert smalare og at det vert nytta mur i staden for fylling. Såleis taper han mindre jordbruksareal. 3. Han viser til tidlegare innspel om å flytte avkøyrsla til Ylvisåker lenger mot Fardal for å betre sikt i krysset. Han viser til at det er funne at sikta vert god nok dersom skog vert rydda. Slinde stiller spørsmål til om grinda ned til Statoil hindrar sikt. 4. Slinde viser til at det på møte med Statens vegvesen vart avtala at det skulle regulerast rett til å køyre over nabo fram til eigedom 79/14, i Fardal. Det vart lagt fram teikningar som viste veg heilt fram til hans eigedom. Slinde sitt innspel på møtet var at veg heilt fram ikkje var naudsynt. Han ynskjer rett til å køyre over naboeigedom ved eventuell bygging av naust på eigedomen. Forslag til reguleringsplan viser gangbar ferdsel. Grunneigar aksepterer ikkje denne løysinga. Statens vegvesen sine innstillingar 1. Det er gitt midlar til å bygge gang- og sykkelveg som trygg skuleveg mellom Fardal og Yvlisåker. Det ligg ikkje inne midlar til å bygge om riksvegen. 2. Ved 60 km/t kan breidda på rabatten reduserast til 1,5 meter. Statens vegvesen ynskjer breiare rabatt fordi vegstrekninga er slik at farten kan være høgare enn 60 km/t. Som prinsipp vert det nytta mur mot hagar og gardstun, for å redusere ulemper nær bustadhus. Det vert også nytta mur der terrenget er så bratt at løysingane krev dette. Det ligg ikkje gardstun nær vegen og terrenget er relativt slakt. Det vert difor halde fast på å ikkje nytte mur her. 3. Ei siktlinje som går 6 meter inn i avkøyrsla og 150 meter mot sør viser at grinda og bygga til Statoil ikkje er sikthindrande. Statens vegvesen finn såleis at sikt vert god nok dersom vegetasjon vert fjerna. Vi held difor fast på at det ikkje er behov for å flytte krysset for å oppnå siktkrava til krysset. 4. Målet var å søke å finne løysing for avkøyrsle til eigedomen Slinde eig i Fardal. Det vart diskutert ei løysing på møtet med Slinde slik han oppfatta det. Av omsyn til drift av frukthagen som slik transport skulle skje på er løysinga funne som lite ynskjeleg da det kunne ført til skade på tre, eventuelt å etablere køyreveg i strandsone. Løysinga vart difor ikkje med i reguleringsplanen. Løysing dersom Slinde skal bygge naust er å stå på gangog sykkelvegen og heise materiale ned til sin eigedom. Dokument nr 179 frå Renate Brynjulfsen Ugulen og Eirik Ese 1. Grunneigarane informerer om at dei nyleg har kjøpt huset. Dei presiserer at dei brukar bygningen ved sjøen til garasje. Dei ynskjer å fortsette med dette. Dei ber om justering av gang- og sykkelvegløysingane for å få betre plass og mindre stigning ved inn- og utkøyring til garasjen. Justering dei foreslår er å legge gang- og sykkelvegen nærare riksvegen forbi deira eigedom og å senke gang- og sykkelvegen eller heve garasjen. Ugulen og Ese reknar med at porten må endrast på grunn av brattare stigning framom sidehengsla portar og auka ulempe i høve vintervedlikehald til vegen. 12

14 2. Ugulen og Ese kan akseptere at sjøbotn i deira båtstø vert heva. Dette vil auke deira nytteverdi av området som båtstø. Såleis finn dei at synlege kloakkleidningar vert dekka til. Dei ber om at overflateskikt med sjøgras nær land vert teke vare på og lagt tilbake oppå fyllmassane. 3. Dei ynskjer innlagt straum frå bustadhuset på andre sida av vegen til garasje/sjøbu. Dei spør om dette kan leggast i trekkerøyr i riksvegen der det naturleg vert mogeleg. Grunneigarane ynskjer dette som del av kompensasjon for ulemper ved veganlegget. Statens vegvesen sine innstillingar 1. Stigning mellom ny gang- og sykkelveg og bygningen stettar ikkje krav til vertikal linjeføring for avkøyrsle inn på veg. Det er ikkje mogeleg å endre på gang- og sykkelvegen. Det krev ombygging av bygget for at det skal få slik funksjon. Sjølv om det er andre garasjar knytt til bustader på andre sida av riksvegen er det ynskjeleg at nye garasjar ligg ved bustad, på andre sida av riksvegen. Statens vegvesen er difor i mot å gi avkøyrsle til dette bygget, sjølv om det vert bygt om til å stette krav. Bygget får gangtilkomst til gang- og sykkelvegen slik planforslaget viser. Stenging av lovleg avkøyrsle utløyser erstatningskrav etter veglova 41 3.ledd. Erstatningsspørsmål vert teke stilling til i grunnervervet med den enkelte, og erstatninga vert fastsett etter vanlege ekspropriasjonsrettslege prinsipp. 2. Reguleringsplanen legg opp til heving av sjøbotn for å oppnå same utforming på båtstøa som i dag, etter at gang- og sykkelvegen er bygt over deler av støa. Overflateskiktet vert ikkje teke vare på. Ny vegetasjon vil naturleg vekse inn over tid. 3. Slik søknad må sendast til kommunen. Dokument nr. 180 frå Gunnlaug Fimreite og Eirik Eikeberg 1. Fimreite og Eikeberg er samd i at båtstøa dei eig skal fyllast opp og hevast til båtopplagringsplass slik planen legg opp til. Dei ynskjer ikkje at båtstø dei eig med nabo skal fyllast opp til slik bruk, men at den vert naturleg strand som i dag. Dei ynskjer tilkomst ned til begge områda, med trapp. 2. Dei ynskjer at oppfylte området mellom båtstøene vert flytta ut i sjøen, med mur. Utvidinga må være tilsvarande det som går tapt med gang- og sykkelvegen. Dei peikar på at dette er formidla tidlegare. Dei meiner grunntilhøva er gode nok i dette området til slik utfylling. 3. Grunneigarane ynskjer at støyskjerm vert forlenga til opning i rekkverket ned til oppfylt område. Såleis unngår dei at snø vert brøytt ned på båt i båtstøa. Statens vegvesen sine innstillingar 1. Vi ynskjer ikkje å imøtekomme å ikkje fylle opp båtstøa som har to eigarar. Bakgrunnen er at nabo ynskjer slik bruk, sjå dokument nr Tilkomst til området vert slik planomtalen skildrar. 13

15 2. Ønska utfylling er ikkje med i planen. Ønska steinmolo bygt vidare ut i sjøen er i eit område med gode grunntilhøve og der det er bygt liknande moloar lenger ute tidlegare. Reguleringsplanen vert endra til å ta med dette tiltaket. 3. Støyskjerm er betongrekkverket på 0,5 meter som har støydempande effekt og difor er lagt til grunn i støyberekningane. Denne ligg mellom veg og gangveg. Det er i tillegg ein skjerm forbi huset på eigedom 79/26 som skal hindre snø ned mot inngangsparti og at personar kan bevege seg der sjølv når brøyting pågår. Det er truleg denne skjermen dei ynskjer forlenga. Statens vegvesen ynskjer ikkje å imøtekomme dette sidan farten på brøyteutstyr på gs-vegen er så låg. Dokument nr. 181 frå Magnar Eggum Sterri 1. Sterri finn at hans eigedom vert rasert at planforslaget og at bustaden hans skal rivast. Han meiner dette er fordi gang- og sykkelvegen skal nyttast til bilveg. Han peikar på at det ikkje var bilveg som skal planleggast. Han ber om at det vert funne løysingar også forbi hans eigedom slik at huset kan stå. Sterri meiner dette også vert eit billegare alternativ. Han spør om hans hus må rivast for å få plass til busstopp og køyreveg på gs-vegen. 2. Sterri krev at Statens vegvesen kostar å flytte huset og håpar kommunen til setje det som krav i reguleringsplanen. 3. Sterri ber om andre løysingar slik at eksisterande veg kan nyttast til gang- og sykkelveg, som for eksempel tunnel. 4. Sterri stiller spørsmål til om det er samfunnsnytting å bruke 47.mill.kr på gang- og sykkelveg til mindre enn 50 brukarar. 5. Grunneigar ber om synfaring med rette oppdaterte opplysningar. Statens vegvesen sine innstillingar 1. Både bustadhuset til Sterri og bygningen på eigedom 79/26 lenger sør ligg nær riksvegen. Det er skilnad på eigedomane ved at Sterri sin eigedom er svært liten. Ein bustadeigedom bør eige areal rundt bustadhuset og bør ha parkeringsplass. Det er plass mellom riksveg og bygning å bruke same løysing som for eigedom 79/26, men avstanden vert mindre enn 0,5 meter mellom gang- og sykkelveg og huset, dersom gangvegen vert justert slik Sterri ber om og det vert sett opp betongrekkverk forbi huset. Parkeringsplassen til Sterri er på sørsida av huset. Eksisterande bustadhus står så nær gang- og sykkelveg at det ikkje vert sikt ved utkøyring frå denne plassen. Ønska løysing med å la huset stå gir at parkering på eigedomen ikkje vert mulig både på grunn av sikt og fordi det ikkje vert mulig å svinge inn på plassen pga. fysisk hinder (betongrekkverk). Eigedomen har ikkje anna areal som kan nyttast til parkering. Det er heller ikkje tilgjengeleg areal innanfor reguleringsplanen som kan gi slik parkering. 14

16 Busstopp er i god avstand til Sterri sin eigedom og påverka såleis ikkje forslag til løysing. Sjølv om gang- og sykkelvegen ikkje var køyreveg er det samla sett ikkje tilrådeleg å la huset stå fordi bygningen kjem svært nær veganlegget og eigedomen vert utan parkeringsplass. Statens vegvesen held difor fast på at eksisterande bustadhus må rivast. 2. Reguleringsplanen fastset arealbruk. Krav til økonomisk kompensasjon kan ikkje fastsetjast i reguleringsplan. Statens vegvesen opparbeider ikkje det regulerte bustadområdet ut i sjøen. Erstatning vert gitt etter vanlege ekspropriasjonsrettslege prinsipp, anten ved minneleg avtale eller ved skjønn, dersom det ikkje vert semje. 3. Det er gitt midlar til å bygge gang- og sykkelveg som trygg skuleveg mellom Fardal og Yvlisåker. Det ligg ikkje inne midlar til å bygge om riksvegen. 4. Sjå svar ovanfor 4. Vi finn at det ikkje er avdekka nye opplysningar i samband med høyring av planen som fører til behov for ny synfaring. Dokument nr. 182 frå grunneigarane til gards- og grendavegen til Ylvisåker Grunneigarane peikar på at grendavegen Nesavegen er ein gammal gards- og grendaveg til eigedomane på Ylvisåker. Dei peikar på at også Sogndal kommune er medeigar i vegen. Dei ynskjer ikkje gang- og sykkelvegen som fører ned til Nesavegen. Grunneigarane finn det heilt uaktuelt å ha ansvar for eller halde ved like gang- og sykkelveg ned til Nesavegen, slik det år fram av kapittel 7.26 i planomtalen. Dei meiner denne gang- og sykkelvegen må vere offentleg ansvar. Statens vegvesen sine innstillingar For bebuarane langs Nesavegen vert det ikkje kopling opp til busslomme eller gang- og sykkelveg som i dag fordi høgdeskilnad og mur vil hindre dette. Etter innspel frå kommunen og på bakgrunn av nye vurderingar, sjå dokument nr. 189 rår Statens vegvesen difor til at koplinga ned til Nesavegen skal byggast. Etter innspel frå kommunen vert gs-vegkoplinga ned til Nesavegen regulert til offentleg gangog sykkelveg. Såleis vert det offentleg ansvar å halde ved like denne vegen. Dokument nr. 183 frå Anne Gro Fredheim og Odd Terje Tangen Grunneigarane ynskjer meir presisering av handtering av overflatevatnet på utforming av gang- og sykkelveg slik at vatn ikkje renn mot huset. Dei ber om løysingar for at snøbrøyting ikkje skal skade hus og parkerte bilar da det blir liten avstand til veganlegget. Dei peikar på fysiske hinder eller fartsdempande tiltak. Dei ynskjer at det vert lagt til rett for å seinare gi løyve til carport-tak over parkeringsplassane i sør. 15

17 Statens vegvesen sine innstillingar Vi finn at det truleg er noko lite areal til å ta hand om overflatevatn i grøfta mellom mur og deira avkøyrsle ned til eigedomen. Sjølv om brøyting på gang- og sykkelvegen skjer med liten fart slik at snø berre vert flytta til sides kan snø havne i avkøyrsla der bilar står parkert. Av omsyn til vedlikehald og sikt langs gangvegen er det ikkje ynskjeleg med fysiske hinder. Avkøyrsla i nytt planforslag er difor flytta lenger vekk frå muren. Såleis vert det betre plass til å ta hand om overflatevatn og til snø frå brøyting. Ulempen er at avkøyrsla vert noko høgare der den endar nede i hagen. Dette vil krevje noko meir omfattande løysingar for å bygge gangløysingar ned til hagen og fram til huset. Parkeringsplassane i sør på denne eigedomen får ca. 2 meter avstand til muren til gang- og sykkelvegen. Det er ikkje aktuelt å tillate carport nærare enn 4 meter til gang- og sykkelvegen av omsyn til drift og vedlikehald av veganlegget inkludert muren. Dersom kommunen tillèt oppsetting at carport lenger vekke frå veganlegget kan det søkast om dispensasjon frå byggegrensa til riksvegen, som er 50 meter. Dokument nr. 185, frå Bjørg Ylvisåker Pedersen 1. Pedersen ynskjer at oppsida av eigedomen kan nyttast til uteområde når avkøyrsla til riksvegen vert stengt, inkludert støyskjerming. 2. Grunneigar ynskjer gjesteparkeringsplassar som gir minst mogeleg inngrep i hagen og med god skjerming mot vegen 3. Pedersen ynskjer innsynsskjerming mot gang- og sykkelvegen som for eksempel gjerde eller plantar. Dersom busker mot gang- og sykkelvegen vert fjerna ynskjer ho at desse vert erstatta Statens vegvesen sine innstillingar 1. I kapittel 7.16 «Støy» står det at eksisterande bustader i raud støysone bør vurderast vidare for å finne om støynivå er så høgt at det er krav om tiltak. Aktuell løysing dersom det er krav til tiltak på denne eigedomen er støyskjerm. Løysing og plassering vert i tilfelle planlagt i samband med byggeplanlegging og i dialog med grunneigar. 2. Det er ikkje plass til parkering langs gang- og sykkelvegn fordi bilane vil redusere sikt for veganlegget. Det er ikkje løyst i detalj korleis parkeringsplass vert utforma inne på eigedomen, inkludert gjesteparkering. Dette vert gjort i samband med byggeplanlegging og i dialog med grunneigar. 3. Statens vegvesen har merka seg innspelet. Det vert teke stilling til slike detaljar i samband med byggeplanlegging og i dialog med grunneigar, sjå kapittel 7.12 og 7.19 i planomtalen. Dokument nr. 186 frå Fylkesmannen i Sogn og Fjordane Fylkesmannen har ingen vesentlege merknader til planen. 16

18 Dokument nr. 189, frå landbruksavdelinga hjå Sogndal kommune 1. Landbruksavdelinga finn at det er liten skilnad på nedbygging av jord om trase vert lagt på vest- eller austsida av riksvegen. 2. Landbruksavdelinga tilrår at parsellen ned Nesavegen ikkje vert bygt dersom gang- og sykkelvegen vert bygt heilt fram til krysset til Ylvisåker. Dette vil hindre at dyrka jord vert bygt ned i større omfang enn naudsynt. 3. Generelt meiner landbruksavdelinga at det bør vurderast å redusere avstand mellom veg og gang- og sykkelveg for å redusere nedbygging av dyrkingsjord. Dei aksepterer verdien av samfunnsnytta ved tiltaket som større enn nedbygging av dyrka jord. Statens vegvesen sine innstillingar 2. Sjå vurdering og svar til punkt 2 nedanfor 3. Sjå vurderingar og svar til dokument nr. 178, punkt nr. 2 17

19 4. Dialog i samband med revisjon av reguleringsplan Dokument nr.189, frå kommunen 1. Kommunen finn at det ikkje er automatikk i at Eldar Venes får setje opp naust etter gjeldande reguleringsplan, som er arealdel til kommuneplanen. Kommunen er samd i at Venes får sette opp naust som ei forlenging av steinfylling for gang- og sykkelvegen der tilhøva legg til rett for det. Venes skal på førehand indikere kva areal som er aktuelt. Føresegner vert som i første høyringsdokument, for eitt naust. 2. Dersom gang- og sykkelvegen ikkje vert ført heilt fram til kryss til Ylvisåker tilrår kommunen at gang- og sykkelveg ned til Nesavegen vert etablert som teikna i planframlegget. Dette for å skape rett stigning og tilgjenge for alle brukarar. Dersom gang- og sykkelvegen langs riksvegen vert ført fram til kryss til Ylvisåker tilrår kommunen at gang- og sykkelvegen ned til Nesavegen ikkje vert etablert. Begge alternativa bør være med i planframlegget med rekkjefølgjebestemmelse som sikrar at det eine alternativet utelukkar det andre. Kommunen ynskjer avklara om Statens vegvesen oreignar grunn for begge alternativa. Kommunen tek ansvar for vedlikehald av Nesavegen inkludert alternativet med gang og sykkelveg ned til Nesavegen. 3. Kommunen meiner vegareal innanfor næringsområdet i Ståi kan regulerast til Næringsområde i staden for felles veg. 4. Kommunen har ingen innvendingar mot at driftsbygning på eigedomen til Olav Helge Ylvisåker vert bygt større. Dei meiner Ylvisåker bør komme med konkret innspel til Statens vegvesen på storleik på grunnflate. Statens vegvesen sine innstillingar 1. Statens vegvesen føreset at kommunen har dialog med Eldar Venes for å avklare kvar tomt for naust skal plasserast og at løysingane er slik at offentleg veggrunn ikkje vert skada. Dialog er gjennomført, sjå 175, punkt 1. Konklusjon er at tomt blir som i planframlegget som har vore på høyring. 2. Eit viktig prinsipp for funksjonalitet til gang- og sykkelvegsystem er kortaste veg. Å ferdast på gs-veg langs riksvegen til kryss til Ylvisåker gir 115 meter lenger veg til skulen (auka frå 335 til 450 m) enn å gå via Nesavegen. Såleis gir koplinga vesentleg kortare veg. Gang- og sykkelvegen langs riksvegen forbi koplinga ned til Nesavegen vert 3,5 til 4 meter høgare enn terrenget nedanfor. Høgdeskilnad vert bygt som mur av omsyn til landbruksarealet nedanfor. Det vert dermed ikkje mogeleg å komme opp til gang- og sykkelveg eller busslomme frå Nesavegen utan gs-koplinga for dei som bur langs Nesavegen. Dei må gå runden til krysset ved Ylvisåker som er mange gonger lenger. Statens vegvesen er difor etter nye vurderingar usamd med kommunen i at koplinga ned til Nesavegen kan takast ut dersom gang- og sykkelvegen til kryss til Ylvisåker vert bygt. 18

20 Statens vegvesen rår difor frå å legge rekkjefølgjebestemmelse på at koplinga ned til Nesavegen ikkje skal byggast dersom gs-vegen vert bygt ut til kryss med Ylvisåker. For å ha heimel til å oreigne grunn vert formål på gang- og sykkelvegen ned til Nesavegen endra frå felles gang- og sykkelveg til offentleg gang- og sykkelveg, sjå kommunen sitt innspel i dokument nr Punkta under 5.4 og 5.7 vert teke ut. 3. Reguleringsplanen vert endra til at felles vegar i Ståi vert regulert til Næringsområde slik grunneigane ynskjer og i tråd med tilråding frå kommunen. I føresegnene punkt må tekst slettast «via felles veg f_kv16». 4. Ylvisåker har meldt inn at han grunnflate på driftsbygningen på 300 m2, sjå innspel i dokument nr. 177, punkt nr. 8. Føresegnene punkt vert endra til at bygningen kan ha maksimal grunnflate 300 m2. Dokument nr. 191, frå Sogndal kommune Med grunnlag i Eldar Venes sitt ynskje gir Sogndal kommune nytt framlegg til lokalisering av nausttomta hans, på bakgrunn av Venes sitt innspel, sjå dokument nr. 175, punkt nr. 1. Vedlagt Sogndal kommune sitt dokument var skisse som viser forslag til ny plassering. I forslag til føresegn frå kommunen vert nausttomt tilrådd å være på minst kote 2.2. Statens vegvesen si innstilling: På bakgrunn av Eldar Venes sitt innspel går vi ut i frå at han ynskjer tomta etablert på fylling i sjø, da han ynskja ny plassering fordi dette ikkje var mogeleg der tomta var plassert i planforslaget. Plassering slik kommunen har avtala med Venes er ikkje å tilrå, som tomt på fylling i sjøen. Fyllinga kjem i området med grunntilhøve som er krevjande å fylle på. Fyllinga går teoretisk til kote -20 som gir at det er vanskeleg å utføre stabiliserande tiltak. Dokument nr. 192, frå Sogndal kommune Kommunen informerer om at det var ei mistyding frå deira side at gang- og sykkelveg ned til Nesavegen vart regulert til felles veg. Ved eventuell etablering meiner dei parsellen må kjøpast/oreignast til offentleg grunn. Rett formål på vegen er dermed offentleg gang- og sykkelveg. Statens vegvesen si innstilling: Felles gang- og sykkelveg ned til Nesavegen vert endra i tråd med kommunen si innstilling til offentleg gang- og sykkelveg. Dokument nr. 193 til Sogndal kommune frå Statens vegvesen Venes har ikkje naust i området i dag. Statens vegvesen gir tilbakemelding til kommunen om at avtala ny plassering for nausttomt til Eldar Venes truleg ikkje er å tilrå, som tomt på fylling i sjø. Fyllinga kjem i området med grunntilhøve som er krevjande å fylle på. Fyllinga går djupt under overflata på sjøen, som gir at det er vanskeleg å utføre stabiliserande tiltak. 19

21 Dersom kommunen framleis ynskjer å finne nausttomt til Venes føreset Statens vegvesen at ny løysing har avklara geotekniske tilhøve og har vurdert risiko og sårbarhet for naust, ny gang- og sykkelveg og for riksveg. Opparbeiding av nausttomt er ikkje del av gangvegprosjektet og vert ikkje utført av Statens vegvesen. Dokument nr. 195, frå Eldar Venes og Sogndal kommune Sogndal kommune informerer Eldar Venes om at det må gjennomførast geotekniske undersøkingar samt vurdering av risiko- og sårbarhet på ny nausttomt før den kan takast inn i reguleringsplanen. Dei opplyser om at dette må Venes sjølv gjennomføre. Kommunen rår til at nausttomta vert regulert som i første planframlegg. Venes sitt innspel på bakgrunn av dette er at nausttomt vert som i første planframlegg. Statens vegvesen si innstilling Naust vert som i planforslaget som har vore på høyring. Dokument nr. 197, referat frå møte mellom Statens vegvesen og Sogndal kommune Møtet vart halde for å gå gjennom forslag til revidert reguleringsplan, før offentleg ettersyn av planen. Kopling ned til Nesavegen vert regulert til offentleg gang- og sykkelveg. Statens vegvesen rår frå rekkjefølgjebestemmelse knytt til vegen fordi mur forbi Nesavegen blir så høg at det ikkje vert mogeleg å komme frå grendavegen til busslomme eller gs-veg. Koplinga vert bygt som del av Statens vegvesen sitt gang- og sykkelvegprosjekt. Fareområde Ras- og skredfare vert delt i to område fordi Fardalsståi ikkje er fareområde for steinsprang. Heile området er aktsemdområde for snø- og steinskred. Dette gjeld for formål bygningsområde som har strengare krav til rassikring enn veganlegg. Det skal gå fram av føresegnene at det berre kan setjast opp eit naust på eigedomen til Eldar Venes. Deler av området der naustet skal stå skal endrast frå «Blanda annan veggrunn og småbåtanlegg» til «Blanda annan veggrunn og bygg». Det skal føyast til i punkt Område a_bah er bustad eller naust. Det vert eit nytt punkt i føresegnene for dette formålet. «Område a_bah5 kan nyttast til å setje opp naustet knytt til område a_un4. Oppføring av naustet skal stette krava i punkt 4.3.3». Det skal føyast til i saksutgreiinga at stien i fyllinga vert bygt som planlagt, til Eldar Venes. Steinmolo som skal utvidast ut i sjøen vert regulert til del av område for småbåtanlegg. 20

22 5. Forslag til endringar på reguleringsplanen Gang- og sykkelveg Fardal - Ylvisåker Dette kapitlet summerer opp forslag til endringar på reguleringsplanen, etter offentleg ettersyn av reguleringsplanen og etter dialog med Sogndal kommune. Omsynssone rasfare NVE rår til at skredfarleg område vert synt som omsynssone i planen, sjå dokument nr Statens vegvesen rår til følgjande endring på reguleringsplanen: Nye punkt under 8.4 i føresegnene: Fareområdet H310_1 er aktsemdområde for snø- og steinskred og utlaupsområde for steinsprang. Innanfor fareområdet er tiltakshavar for bygningsområde ansvarleg for å dokumentere at området er sikra mot ras før nye tiltak kan setjast i verk og at ROSanalyse er gjennomført i tråd med kommuneplanen 1-7 a Fareområdet H310_2 er aktsemdområde for snø- og steinskred. Innanfor fareområdet er tiltakshavar for bygningsområde ansvarleg for å dokumentere at området er sikra mot ras før nye tiltak kan setjast i verk og at ROS-analyse er gjennomført i tråd med kommuneplanen 1-7 a. Endringar på teikningar: Omsynssona Fareområde (pbl 11-8a) Skredfare og steinsprang H310 på heile planområdet delt i to soner i Fardalsståi. Endre til formål Næring i Fardalsståi Grunneigarane ynskjer at området ved den gamle butikken vert regulert til næring i staden for felles vegareal, sjå dokument nr. 174, punkt 1. Kommunen er samd i dette, sjå dokument nr. 189, punkt nr. 3. Nytt punkt i føresegnene sikrar vegrett til felles veg f_kv17: Den felles vegen f_kv16 er tilkomst til alle eigedomane i næringsområde a_n1 og bustaden på eigedom 69/62. Nytt punkt 4.2.1: Formål under 4.2 inn under dette punktet Nytt punkt Eigedomane 69/8,16, 69/62 og 69/8 har rett til fri fredsel over næringsområdet til sine eigedomar. Eigedom 69/16 har rett til fri gangbar ferdsel over næringsområdet til sin eigedom. Endringar på teikning Felles veg F_kv16 og deler av felles veg F_KV17 vert endra til Næring a_n1. Naust i Fardal Kommunen presiserer at det berre kan setjast opp eit naust, sjå dokument nr Deler av område a_saa3 vert endra til «Blanda annan veggrunn og bygg». Tillegg i føresegnene punkt 4.3.3, understreka: Område a_un4 kan nyttast til eit naust. 21

23 Tillegg i punkt 4.4.1, understreka: Område a_bah er bustad eller naust. Nytt punkt Gang- og sykkelveg Fardal - Ylvisåker Område a_bah5 kan nyttast til å setje opp naustet knytt til område a_un4. Det er ikkje løyve til å gjere inngrep eller legge fylling på dette arealet som kan skade eller endre det offentlege veganlegget. Oppføring av naustet skal stette krava i punkt Endring på teikning R5 Deler av området der naustet skal stå skal endrast frå «Blanda annan veggrunn og småbåtanlegg» til «Blanda annan veggrunn og bygg» a_bah5. Utvide område ved båtstøer, i Fardal Fimreite og Eikeberg ynskjer at eit område mellom to båtstøer vert bygt vidare ut i sjøen som ein kompensasjon for det som går tapt på grunn av vegtiltaket. Ønske steinmolo murt ut i sjø vert lagt inn i det nye planframlegget. Tillegg i føresegner i punkt 7.1.1, understreka: På desse områda kan det gjerast tiltak for å oppretthalde eksisterande bruk som småbåtanlegg, opptrekk for båtar og molo. Endring på teikning R4 Området a_sh1 «Småbåtanlegg» vert utvida. Justering av privat avkøyrsle i Fardal av omsyn til drift Anne Gro Fredheim og Odd Terje Tangen stiller spørsmål ved handtering av overflatevatn og ulemper med brøyting så nær parkering, sjå dokument nr På bakgrunn av deira innspel vert avkøyrsla flytta lenger vekk frå mur for å skaffe rom til å ta hand om overflatevatn og til snølagring. Endring på teikning R4 Veg a_kv12 er flytte lenger vekk frå offentleg gang- og sykkelveg og arealet mellom avkøyrsla og gang- og sykkelveg er regulert til annan offentleg veggrunn. Endring på teikning D3 Justering av veg og lengdeprofil til veg på grunn av endra løysing på avkøyrsle. Justering av privat avkøyrsle i Fardal av omsyn til framkomst Ingar Hagen ynskjer avkøyrsla utforma slik teikning vedlagt hans innspel viser, sjå dokument nr Han meiner denne løysinga gir god sikt mot sør, ved gangvegen og at avkøyrsla får stigning 15 % dersom vegen vert heva lenger nede. Han peikar på bruken av denne vegen til blant anna bil med båthengar og transport av frukt og at forslag til veg i reguleringsplan ikkje kan nyttast til denne bruken. Detaljert prosjektering av ønska avkøyrsle viser at denne vil få eit fall på over 22%. Manøvrering av bil med hengar ned til denne vegen vil krevje rygging på gang- og sykkelvegen. Det er lite ynskjeleg. Løysinga vert difor ikkje tilrådd. Statens vegvesen er samd med Ingar Hagen i at avkøyrsla i forslag til reguleringsplan ikkje kan køyrast med bil med hengar på grunn av kurvene og bredda på vegen. Avkøyrsla er difor endra noko slik at kurva er noko større og det er ein snuhammar i kurva. Såleis vert det mogeleg å komme til naustet. 22

24 Endring på teikning R4: Gang- og sykkelveg Fardal - Ylvisåker Felles veg f_kv14 får endra geometri med justering av kurva og snuhammar i kurva. Endring på teikning D3 Justering av veg og lengdeprofil til veg på grunn av endra løysing på avkøyrsle. Storleik på ny driftsbygning på Ylvisåker Ylvisåker ynskjer driftsbygningen auka til 300 m2, da han meiner dette er i tråd med storleik på eksisterande driftsbygning, sjå dokument nr. 177, punkt nr. 8. Dei peikar på at ny driftsbygning får tilkomst til 2 etasjar medan eksisterande bygning har tilkomst til 3 etasjar. Kommunen har ingen innvendigar mot å auke storleik på driftsbygninga, sjå dokument nr Endring i føresegner punkt 6.1.2, understreka: Maksimal grunnflate på bygningen er 300 m2 Endre felles gang- og sykkelveg til offentleg gang- og sykkelveg ned til Nesavegen Olav Helge Ylvisåker og Mona Kristin Ylvisåker Øvereng meiner det ikkje er trong for gangog sykkelveg ned til felles grendaveg Nesavegen, sjå dokument nr. 177, punkt nr. 4. Dersom gang- og sykkelvegen berre skal byggast fram til Nesavegen ynskjer dei at gs-vegen vert lagt inntil riksvegen og at gang- og sykkelveg langs riksvegen vert fjerna. Ved seinare vidareføring av gang- og sykkelvegen langs riksvegen til krysset til Ylvisåker meiner dei gsvegen lett kan hevast og koplinga ned til grendavegen kan takast vekk. Ylvisåker finn det urimeleg at vegen ned til grendavegen vert regulert til privat veg eigd av grunneigarane i området, sjå dokument nr. 177, punkt nr. 5. Såleis finn dei å verte pålagt eigedomsansvaret for ein offentleg veg dei ikkje vil ha. Dei spør om det er lovleg reguleringspraksis å opne ein felles veg for allmenn bruk utan avtale med grunneigarane av vegen. Dei krev at vegen vert offentleg. Grunneigarane til gards- og grendavegen på Ylvisåker ynskjer ikkje gang- og sykkelveg ned til Nesavegen som felles veg, sjå dokument nr Dei finn det uaktuelt at dei skal ha ansvar for og halde ved like slik veg. Dei meiner denne vegen må være offentleg ansvar. Sogndal kommunen informerer om at gang- og sykkelveg ned til Nesavegen skal regulerast til offentleg veg, sjå dokument nr På bakgrunn av innspel frå kommunen vert formål på gang- og sykkelveg ned til Nesavegen endra til offentleg formål. Endringa i føresegnene: Slette punkta under 5.4 som gjeld felles gang- og sykkelveg Justere nummerering på punkta vidare 5 Slette punkt for felles veggrunn knytt til felles gang- og sykkelveg på Ylvisåker. Nytt punkt «Offentleg gang- og sykkelveg skal være køyreveg til eigedom 79/17 på Ylvisåker via privat køyreveg a_kv4.» 23

25 Endringar på teikning R2 Endre «felles gang- og sykkelveg» til «offentleg gang- og sykkelveg», for vegen ned til Nesavegen. Endre «annan felles veggrunn» til «annan veggrunn-offentleg» på vegarealet langs gang- og sykkelvegen ned til Nesavegen. 24

26 6. Innspel til endringar som ikkje vert imøtekomme Dette kapitlet oppsummerer innspel til endringar på reguleringsplanen som Statens vegvesen ikkje tilrår å gjennomføre. Ny tilkomst til område mellom elveløpa i Fardal Grunneigarane i Fardalsståi ynskjer tilkomst til dette området fordi dei meiner det vil minske trafikk av gåande gjennom næringsområdet, sjå dokument nr. 174, punkt nr. 4. Løysinga er ikkje tilrådd fordi det er svært liten trafikk over næringsområdet til dette arealet og det er uheldig med opning i brurekkverket. Utforming av offentleg areal i Fardalsståi Grunneigarane i Fardalsståi meiner at prosjektet tidlegare var avslutta i Ståi, utan tiltak framom butikken, sjå dokument nr. 174, punkt nr. 8. Dette området vart varsla som del av reguleringsplanen, ved planoppstart. Grunneigar er såleis varsla om at reguleringsplan kan bli utarbeidd for dette området. Unngå å rive bustad i Fardal med andre vegløysingar Sterri ber om andre løysingar slik at huset ikkje treng rivast, med smalare gang- og sykkelveg, sjå dokument nr. 181, punkt nr.1. Samla finn Statens vegvesen at huset må rivast fordi bygningen kjem svært nær veganlegget og det ikkje vert parkeringsplass til eigedomen. Annan plassering for nausttomt til Eldar Venes Eldar Venes ynskjer å sette opp naust der grunntilhøva tillèt steinfylling, sjå dokument nr. 175, punkt nr. 1. Kommunen gav innspel til endra plassering etter dialog med Eldar Venes, sjå dokument nr Statens vegvesen rår frå kommunen sitt forslag til plassering da steinfylling er i eit område med grunntilhøve som er krevjande å fylle på, sjå dokument nr Kommunen rår grunneigar til å halde på opprinneleg løysing, sjå dokument nr Venes seier seg samd i dette. Strandlinje Eldar Venes ynskjer planen utforma slik at det vert igjen strandlinje på hans eigedom som kan nyttast til båtopptrekk, bading og bålplass, sjå dokument nr. 175, punkt nr. 2. Gang- og sykkelvegen med avkøyrsle til riksvegen ligg på denne eigedomen. Det fører til at heile stranda på denne eigedomen vert lagt under fylling. Fordi sjøbotn utanfor er så bratt, er det ikkje mogeleg å reetablere strand på denne strekninga. Det er difor ikkje mogeleg å utforme planen slik at det vert igjen strand på hans eigedom. Parkeringsplassar i Fardal Eldar Venes ynskjer 4 parkeringsplassar i området langs riksvegen der det vert parkert i dag, sjå dokument nr. 175, punkt nr. 3. Dette skjer på gammal veggrunn som er eigd av Statens vegvesen. Dette er difor ikkje bruk eller areal Venes har rett på å få erstatta. Det er ikkje mogeleg å lage nye parkeringsplassar i dette området. 25

27 Gjermund Venes, Einar Venes og Arlin Grepstad Venes ynskjer lagt til rette for gjesteparkering tilsvarande det dei har i dag, sjå dokument nr. 175, punkt nr. 7. Dette vert ikkje imøtekomme da arealet framom bygningane ikkje kan nyttast til parkering fordi det vil hindre sikt for bilar som skal til og frå garasjane. Det er ikkje areal langs gang- og sykkelvegen som kan erstatte dette arealet. Tilkomst til eigedom i Fardal Svein Jarle Slinde aksepterer ikkje løysinga i reguleringsplanen med gangbar tilkomst til eigedomen han eig, nede ved sjøen i Fardal, sjå dokument nr. 178, punkt nr. 4. Han peikar på at det tidlegare er avtala rett til å køyre fram til eigedomen, over naboeigedom ved eventuell bygging av naust. Av omsyn til drift av frukthagen som slik transport skulle skje på er løysing med rett til køyrbar tilkomst over denne eigedomen ikkje med i planforslaget. Dersom Slinde skal bygge naust vert løysinga å heise materale ned frå gang- og sykkelvegen. Strand i staden for båtstø i Fardal Fimreite og Eikeberg ynskjer ikkje at båtstø dei eig med nabo skal fyllast opp til slik bruk, men at den vert naturleg strand som i dag, sjå dokument nr. 180, punkt nr. 1. Ynsket vert ikkje imøtekomme fordi nabo som eig andre del av båtstøa ynskjer tiltaket. Tett rekkverk i Fardal Fimreite og Eikeberg ynskjer at tett rekkverk forbi nabohus vert forlenga til forbi deira båtstø, sjå dokument nr. 180, punkt nr. 3. Den tette skjermen er foreslått som ei løysing for å skjerme ned mot huset sør for båtstøa slik at personar kan bevege seg der sjølv når brøyting pågår. Det er ikkje ønskelig å forlenge skjermen for å hindre snø ned på båtstø. Tilkomst til sjøbu/garasje i Fardal Ugulen og Ese informerer om at dei nyleg har kjøpt eigedomen, sjå dokument nr Dei ynskjer å nytte sjøbua til garasje, sjå dokument nr. 179, punkt nr. 1. Dei ber om justering av gang- og sykkelvegløysingane for betre tilpassing til inn- og utkøyring frå garasjen. Dei foreslår å legge gang- og sykkelvegen nærare riksvegen forbi deira eigedom og å senke gangog sykkelvegen eller heve garasjen. Ugulen og Ese reknar med at porten må endrast på grunn av brattare stigning framom sidehengsla portar og auka ulempe i høve vintervedlikehald til vegen. Statens vegvesen er mot å gi avkøyrsle til dette bygget, sjølv om det vert bygt om til å stette krav, sjå meir grunngitt svar til dokument nr Bygget får gangtilkomst til gang- og sykkelvegen slik planforslaget viser. Stenging av lovleg avkøyrsle utløyser erstatningskrav etter veglova 41 3.ledd. Erstatningsspørsmål vert teke stilling til i grunnervervet med den enkelte, og erstatninga vert fastsett etter vanlege ekspropriasjonsrettslege prinsipp. Carport i Fardal Anne Gro Fredheim og Odd Terje Tangen ynskjer at planen legg til rette for seinare å gi løyve til å sette opp carport, sjå dokument nr

28 Statens vegvesen krev at carport står minst 4 meter frå gang- og sykkelvegen. Dersom kommunen tillèt oppsetting av carport kan det søkast om dispensasjon frå byggegrensa til riksvegen. Rekkjefølgjebestemmelse gang- og sykkelvegar på Ylvisåker Sogndal kommune rår til at det ikkje vert to gang- og sykkelvegar på denne strekninga, sjå dokument nr. 189, punkt nr. 2 og grunneigarane i området ynskjer ikkje koplinga ned til Nesavegen, sjå dokument nr. 177, punkt 4 og dokument nr Kommunen ynskjer dette sikra gjennom rekkjefølgjebestemmelsar i føresegnene til reguleringsplanen, sjå dokument nr. 189, punkt nr. 2. Hovudmålet med reguleringsplanen er gang- og sykkelveg mellom Fardal og Ylvisåker, ut til krysset til Ylvisåker. Gang- og sykkelveg ned til Nesavegen er med som kopling mot denne vegen og kortare veg til skulen og eigedomane i dette området. Av omsyn til funksjonalitet held Statens vegvesen fast på at koplinga bør byggast sjølv om gang- og sykkelveg vert bygt ut til Ylvisåker, sjå svar til dokument nr. 189, punkt nr. 2. Statens vegvesen rår til at koplinga ned til Nesavegen vert bygt utan rekkjefølgjebestemmelse fordi koplinga er viktig, sjå dokument nr Mur i staden for fylling, på Ylvisåker Svein Jarle Slinde ynskjer at rabatten vert smalare og at det vert nytta mur i staden for fylling langs hans eigedom, sjå dokument nr. 178, punkt nr. 2. Statens vegvesen ynskjer ikkje å redusere breidda på rabatten av omsyn til tryggleik for mjuke trafikantar. Prinsipp for når det vert nytta mur slår ikkje ut for denne eigedomen. Statens vegvesen held difor fast på ikkje å nytte mur på denne eigedomen. Flytte krysset på Ylvisåker Svein Jarle Slinde viser til tidlegare innspel om å flytte avkøyrsla til Ylvisåker lenger mot Fardal for å betre sikt i krysset, sjå dokument nr. 178, punkt nr. 3. Han viser til at det er funne at sikta vert god nok dersom skog vert rydda. Slinde stiller spørsmål til om grinda ned til Statoil hindrar sikt. Statens vegvesen finn at sikt vert god nok dersom vegetasjon vert fjerna. Vi held difor fast på at det ikkje er behov for å flytte krysset for å oppnå siktkrava til krysset. Tilkomst til gardbruk på Ylvisåker Ylvisåker ynskjer å stå fritt til å utforme privat veg og tilkomst til rv. 55 i staden for at dette er detaljert regulert, sjå dokument nr. 177, punkt nr. 9. Dei føreset at avkøyrsla vert rett utforma inn på riksvegen. Statens vegvesen ynskjer avkøyrsle inn på rv. 5 plasserast der planen viser og med standard utforming i avkøyrsla. Vi held fast på at reguleringsplanen viser løysing for vegar på eigedomen fordi vi er pliktige å kople til eksisterande tilkomstar når eksisterande vegsystem vert endra. 27

29 7. Tiltak på og ved eigedomar Gang- og sykkelveg Fardal - Ylvisåker Ein del av innspela er ønska tiltak og avklaringar på eigedomane som ikkje er del av reguleringsplanen. Desse går fram av dette kapitlet. Statens vegvesen merkar seg innspela. Tekniske detaljar som naturleg høyrer saman med veganlegget vert avklara i byggeplanlegginga før anleggsstart. Mur i Fardalsståi Grunneigarane i Ståi ynskjer at muren ved bustadhuset skal svinge slik som i dag og at muren vert strekt heilt fram til portstolpane, sjå dokument nr Tilkomst til leilegheit i Ståi Grunneigarane i Ståi trur at inngangspartiet til leilegheita på Sagi må endrast og ynskjer at naudsynte endringar vert gjennomført før veganlegget vert starta, sjå dokument nr. 174, punkt nr. 3. Parkering i anleggsperioden, i Fardalsståi Grunneigarane ynskjer å få avklara korleis dei får nytte området i anleggsperioden og kvar dei skal parkere, sjå dokument nr. 174, punkt nr. 5. Områda som er med i reguleringsplanen kan brukast til mellombels anleggsområde og næringsområdet skal brukast til riggområde for å bygge ny bru. Farge på rekkverk Grunneigarane i Fardalsståi ynskjer at rekkverket får mørk farge, tilsvarande som rekkverket ved Hagelin, sjå dokument nr. 174, punkt nr. 6. Dette er i tråd med planlagd løysing. Rekkverk inne på eigedom i Fardalsståi Grunneigarane ynskjer å byte ut rekkverk ved butikken til tilsvarande rekkverk som på gangog sykkelvegen, sjå dokument nr. 174, punkt nr. 7. Anlegg i grunnen og handtering av overflatevatn Det ligg eit vatningsanlegg / gammalt fonteneuttak i vegen ned til Sagi. Grunneigarane ber om at dette vert teke omsyn til ved regulering, sjå dokument nr. 174, punkt nr. 9. Grunneigarane i Fardalsståi peikar på at grøfta ovanfor riksvegen, nord for Fardalselva, ikkje har god nok kapasitet når elva har stor vassføring. Dei ber om at grøfta vert utbetra, sjå dokument nr. 174, punkt nr. 10. Eldar Venes, sjå dokument nr. 175, punkt nr. 4, peikar på at det er to stikkveiter som går under rv. 55. Når det er flaum og stor nedbør har desse for dårleg kapasitet slik at det kjem vatn inn i hage og kjellar. Ese og Ugulen ynskjer innlagt straum i garasje/sjøbu. Dei spør om dette kan gjennomførast i samband med veganlegget og som del av deira kompensasjon, sjå dokument. Nr Tilkomst til strand og naust i Fardal Eldar Venes har oppfatta at tilkomst til strand og naust vert planlagt seinare, sjå dokument nr. 175 punkt nr. 5. Statens vegvesen meiner tilkomst til strand ikkje er aktuelt sidan her ikkje vert igjen strand. Det er planlagt ein sti i vegfyllinga. Eventuelt naust får gangtilkomst direkte frå gang- og sykkelvegen. 28

30 Gjermund, Einar og Arlin Venes ynskjer kvalitetssikring av tilkomst for personbilar til og frå garasjane på helling og plass til å manøvrere personbilar, sjå dokument nr. 175, punkt nr. 6. Høgdeskilnad mellom ny gang- og sykkelveg og naust som vert nytta til garasjar er innanfor krav til vertikal linjeføring. Det er minimum 6,2 meter frå bygningane til vegkant. Dette stettar krav til snuareal for parkeringsplass som er rettvinkla på veg. Fimreite og Eikeberg ynskjer trapp ned til strand, sjå dokument nr. 180, punkt nr. 1. Tilkomst til stranda vert slik planomtalen skildrar det, med trapp eller rampe. Skjerming mot innsyn og krav til estetisk utforming Ylvisåker meiner føresegnene må gjerast tydelegare med omsyn til bruk av mur for å spare areal og skjerming mot innsyn og strenge og generelle krav til estetisk utforming, sjå dokument nr. 177, punkt nr. 6. Det er ikkje krav til støyskjerming forbi Ylvisåker sin eigedom. Det er heller ikkje krav til innsynsskjerm. Det går fram av kapittel 7.23 «Ytre Miljøplan» at det skal nyttast naturstein til muring. I føresegnene 3-2 står det at krav i YM-planen skal følgjast opp. Såleis er planen klar på at det skal nyttast naturstein. Unntak vil være der terrenget er for bratt eller ved bru, der må det nyttast betong. Såleis finn vi at planen set krav til estetikk, saman med kapittel 7.19 «Landskapstilpasning». Bjørg Ylvisåker Pedersen ynskjer skjerming av eigedomen med støyskjerm og innsynsskjerm, sjå dokument nr. 185, punkt nr. 1 og nr. 3. Ho ynskjer også at planter som vert fjerna vert erstatta. Statens vegvesen har merka seg innspelet. Det vert teke stilling til slike detaljar i samband med byggeplanlegging og i dialog med grunneigar. Heving av sjøbotn i båtstø Ugulen og Ese kan akseptere at sjøbotn i deira båtstø vert heva, sjå dokument nr. 179, punkt nr. 2. Dette vil auke deira nytteverdi av området som båtstø og synlege kloakkleidningar vert dekka til. Dei ber om at overflateskikt med sjøgras nær land vert teke vare på og lagt tilbake oppå fyllmassane. Reguleringsplanen legg opp til heving av sjøbotn for å oppnå same utforming på båtstøa som i dag, etter at gang- og sykkelvegen er bygt over deler av støa. Overflatesjiktet vert ikkje teke vare på. Ny vegetasjon vil naturleg vekse inn over tid. Parkeringsplass ved Storekleivi Bjørg Ylvisåker Pedersen ynskjer gjesteparkeringsplassar som gir minst mogeleg inngrep i hagen og med god skjerming mot vegen. Det er ikkje plass til parkering langs gang- og sykkelvegn fordi bilane vil redusere sikt for veganlegget. Det er ikkje løyst i detalj korleis parkeringsplass vert utforma inne på eigedomen, inkludert gjesteparkering. Dette vert gjort i samband med byggeplanlegging og i dialog med grunneigar. 29

31 8. Andre innspel I dette kapitlet er det lista opp meir overordna spørsmål eller spørsmål som ikkje vedkjem verken endringar på reguleringsplan eller tiltak på sjølve eigedomane. Omlegging av rv. 55 gjennom Ylvisåker Ylvisåker viser i dokument nr. 177, punkt nr. 1 til tidlegare felles innspel frå grunneigarane på Ylvisåker, vedlegg nr 15 i planomtalen, der dei kom med forslag til endringar. Grunneigarane bad i det dokumentet om at rv. 55 vart flytta og lista opp fordeler og ulemper med dette. Ylvisåker trur vegmidlar vert spart ved å bygge veg og gang- og sykkelveg samtidig. På bakgrunn av dette ber dei om at alternativ med å legge om riksvegen vert valt da det totalt sett er rimelegare og gir mindre negative konsekvensar for bebuarane. Ylvisåker ber om at kommunestyret pålegg Statens vegvesen å utarbeide nye planar som dei meiner er meir heilskaplege og framtidsretta. De føreset at den beste, mest framtidsretta og mest heilskaplege løysinga vert valt, sjå dokument nr. 177 «Konklusjon frå Ylvisåker». Svein Jarle Slinde ber om at innspelet om å legge om rv. 55 gjennom Ylvisåker vert vurdert på nytt, sjå dokument nr. 178, punkt nr. 1. Han meiner det totalt sett er ikkje vert dyrare å bygge veg samtidig med gang- og sykkelvegen. Han viser til at det er informert om at vegen på sikt skal utbetrast. Han etterspør forklaring på at det faktisk er billegare å bygge dette samtidig. I tillegg gir utbetring av vegen 80 km/t frå Ølmheim til Fardal. Det er gitt midlar til å bygge gang- og sykkelveg som trygg skuleveg mellom Fardal og Yvlisåker. Det ligg ikkje inne midlar til å bygge om riksvegen. Statens vegvesen viser elles til svar gitt til tidlegare innspel til å legge om riksvegen samtidig som gang- og sykkelvegen vert bygt, sjå kapittel 6 i planomtalen. Kostnadsvurderingar Ylvisåker stiller spørsmål til kor sikre kalkylane er og om underlaget vert lagt fram, sjå dokument nr. 177, punkt nr. 2. Dei spør om kostnader for grunnerverv og erstatning for bygningar er med i kalkylane. Dei peikar på at det er eit masseunderskot på prosjektet. Kalkylen er oppgitt å ha feilmargin på 10 %. Dei meiner denne feilmarginen kan jamne ut skilnaden mellom alternativa. 2. Når Statens vegvesen reknar kostnader for veganlegg i samband med reguleringsplanar er det krav til 10 % nøyaktighet. Dette vart oppfylt for kostnadsvurderingane til dette prosjektet, Underlaget til kostnadsvurderingane er entrepriser. Desse kan ikkje offentleggjerast av omsyn til entreprenørane som har gitt disse prisane. Kostnadane for grunnerverv og erstatning er også med, basert på erfaringstal frå andre prosjekt. Alternativet med å legge om vegen vart rekna samtidig som vi rekna på gang- og sykkelvegen slik at feilmargin på 10 % ikkje gir kostnadsskilnad på dei to alternativa, men slår likt ut for begge alternativa. Sakshandsaming Ylvisåker meiner det er gjort sakshandsamingsfeil fordi det ikkje er konsekvensutgreidd å bygge ned 2260 m2 av deira jordbruksareal, som er nær 10 % av deira dyrka mark på heimebø, sjå dokument nr Dette meiner dei må også sjåast i samanheng med andel av bruket, som vesentleg. Dei krev difor at planen vert forkasta og at det må gjennomførast konsekvensutgreiing som omfattar alle sider av tiltaket. Statens vegvesen er ikkje samd i dette. Vi finn at det er ca. 3 % av dyrka mark på dei to parsellane til dette bruket som vert bygt ned. Tiltaket er med i kommunedelplan med 30

32 gang- og sykkelveg langs riksveg, gjennom landbruksområde. Vår vurdering er difor at tiltaka i reguleringsplanen ikkje utløyser krav til konsekvensutgreiing fordi tiltaket er i tråd med kommuneplan og ikkje fører til større omdisponering av dyrka mark ut over det som ligg føre av at tiltaket er med i kommuneplan. Arbeidsavtale Ylvisåker meiner det må stillast krav til detaljerte avtalar med kvar enkelt grunneigar før arbeid i marka startar, sjå dokument nr. 177, punkt nr. 7. Når reguleringsplanen er vedteken og det er gitt vegløyving, vil Statens vegvesen ta kontakt med den enkelte grunneigar for forhandling med sikte på minneleg avtale. Dersom det ikkje vert semje, vert erstatninga fastsatt ved skjønn. Erstatning vert fastsett etter vanlege ekspropriasjonsrettslege prinsipp. Flytting av hus Sterri krev at Statens vegvesen kostar å flytte huset og håpar kommunen vil setje krav til dette i reguleringsplanen, sjå dokument nr. 181, punkt nr. 2 Reguleringsplanen fastset arealbruk. Krav til økonomisk kompensasjon kan ikkje fastsetjast i reguleringsplan. Statens vegvesen opparbeider ikkje det regulerte bustadområdet ut i sjøen. Erstatning vert gitt etter vanlege ekspropriasjonsrettslege prinsipp, anten ved minneleg avtale eller ved skjønn, dersom det ikkje vert semje. Omlegging av riksveg gjennom Fardal Sterri ber om andre løysingar gjennom Fardal for riksvegen som for eksempel tunnel slik at eksisterande veg kan nyttast til gang- og sykkelveg, sjå dokument nr. 181, punkt nr. 3. Det er gitt midlar til å bygge gang- og sykkelveg som trygg skuleveg mellom Fardal og Yvlisåker. Det ligg ikkje inne midlar til å bygge om riksvegen. Vedlikehald og oreigning av gs-veg ned til Nesavegen Sjå dok nr.189 frå kommunen, punkt nr. 2. Kommunen tek ansvar for vedlikehald av nesavegen inkludert alternativet med gang- og sykkelveg ned til Nesavegen. 31

33 9. Oppsummering og konklusjon Gang- og sykkelveg Fardal - Ylvisåker Det kom inn merknader frå grunneigarane der dei bad om andre løysingar på planen. Statens vegvesen tilrår å endre planen på 8 punkt, sjå kapittel 5. Det går fram av dette dokumentet dialog med kommunen på nokre av endringane. Kapittel 6 inneheld innspela på ønska endringar frå grunneigarar som Statens vegvesen ikkje rår til å etterkomme. Årsaken er grunngjeve for kvart innspel. Det er også gitt ein del innspel på ønske tiltak på og ved eigedomar som ikkje krev handsaming eller endring av reguleringsplanen. Desse går fram av kapittel 7. Tekniske detaljar som naturleg er ein del av veganlegget vert avklara i byggeplanlegginga før anleggsstart. Det er stilt ein del spørsmål som ikkje gjeld reguleringsplanen. Desse går fram av kapittel 8. Konklusjon: Statens vegvesen legg revidert planforslag ut til nytt offentleg ettersyn der planen er endra på 7 punkt slik det går fram av kapittel 5. 32

34 Dokument nr. 166, frå NVE 33

35 Dokument nr. 173, frå Kystverket Gang- og sykkelveg Fardal - Ylvisåker 34

36 Dokument nr. 174, frå Silje Katrin Ylvisåker Venes Gang- og sykkelveg Fardal - Ylvisåker 35

37 Dokument nr. 175, frå Eldar Venes, Gjermund Venes, Einar Venes og Arlin Grepstad Venes 36

38 Fortset dokument nr

39 Dokument nr. 176, frå Ingar Hagen Gang- og sykkelveg Fardal - Ylvisåker 38

40 Vedlegg til dokument nr. 176, frå Ingar Hagen Gang- og sykkelveg Fardal - Ylvisåker 39

41 Dokument nr. 177, frå Olav Helge Ylvisåker og Mona Kristin Ylvisåker Øvereng 40

42 Fortset dokument nr. 177, frå Olav Helge Ylvisåker og Mona Kristin Ylvisåker Øvereng 41

43 Fortset dokument nr. 177, frå Olav Helge Ylvisåker og Mona Kristin Ylvisåker Øvereng 42

44 Dokument nr. 178, frå Svein Jarle Slinde Gang- og sykkelveg Fardal - Ylvisåker 43

45 Fortset dokument nr. 178, frå Svein Jarle Slinde Gang- og sykkelveg Fardal - Ylvisåker 44

46 Dokument nr. 179, frå Renate Brynjulfsen Ugulen og Eirik Ese 45

47 Dokument nr. 180, frå Gunnlaug Fimreite og Eirik Eikeberg Gang- og sykkelveg Fardal - Ylvisåker 46

48 Dokument nr. 181, frå Magnar Eggum Sterri Gang- og sykkelveg Fardal - Ylvisåker 47

49 Dokument nr. 182, frå grunneigarane til gards- og grendavegen til Ylvisåker 48

50 Dokument nr. 183, frå Anne Gro Fredheim og Odd Terje Tangen 49

51 Dokument nr. 185, frå Bjørg Ylvisåker Pedersen Gang- og sykkelveg Fardal - Ylvisåker 50

52 Dokument nr. 186, frå Fylkesmannen i Sogn og Fjordane Gang- og sykkelveg Fardal - Ylvisåker 51

53 Dokument nr. 189, frå Sogndal kommune Gang- og sykkelveg Fardal - Ylvisåker 52

54 Fortset dokument nr. 189, frå Sogndal kommune 53

55 Dokument nr. 189, frå landbruksavdelinga hjå Sogndal kommune 54

56 Fortset dokument nr. 189, frå landbruksavdelinga hjå Sogndal kommune 55

57 Dokument nr.191 frå Sogndal kommune Gang- og sykkelveg Fardal - Ylvisåker 56

58 Vedlegg til dokument nr. 191, frå Sogndal kommune Gang- og sykkelveg Fardal - Ylvisåker 57