SAMLA SAKSFRAMSTILLING

Transkript

1 Side 1 SAMLA SAKSFRAMSTILLING Arkivsak: 10/ /14 Saksbeh.: Arkivkode: Saksnr.: Utval Møtedato 18/14 Formannskap/ plan og økonomi /14 Kommunestyret Kjersti Næss Finne PLAN soneinndeling SAMLA SAK - REGULERINGSENDRING FOR SKJERVE - OMRÅDEREGULERINGSPLAN, PLANID GODKJENNING AV PLAN Administrasjonen si innstilling: I medhald av plan- og bygningslova godkjenner Kommunestyret områdereguleringsplan Skjerve, planid , slik det går fram av plankart, føresegner og planomtale sist revidert Formannskap/ plan og økonomi den sak 18/14 Behandling i møte: Administrasjonen si innstilling vart samrøystes tilrådd. Tilråding: I medhald av plan- og bygningslova godkjenner Kommunestyret områdereguleringsplan Skjerve, planid , slik det går fram av plankart, føresegner og planomtale sist revidert Kommunestyret den sak 20/14 Behandling i møte: Repr. Tove Østlie la fram saka på vegne av utval for formannskap/plan og økonomi. Røysting: Tilrådinga frå utval for formannskap/plan og økonomi vart samrøystes vedteken. Vedtak: I medhald av plan- og bygningslova godkjenner Kommunestyret områdereguleringsplan Skjerve, planid , slik det går fram av plankart, føresegner og planomtale sist revidert Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * er vedlegg i saka. * : Planomtale m/vedlegg, føresegner, kart, ROS-analyse utarbeida av Voss kommune *Innspel offentleg ettersyn:

2 Side 2 Hordaland fylkeskommune, kultur- og idrettsavdelinga , , , e-post Jernbaneverket, Statens vegvesen, region vest, Fylkesmannen i Hordaland, Norges vassdrags- og energidirektorat, , * Skifte Eiendom, e-post : Vedr. plandokument Skjerve - Voss kommune Plandokument og vedlegg til saka ligg på Voss kommune si heimeside under kunngjeringar; Har de problem med å opne dokument på heimesida, ta kontakt med planavdelinga på tlf , eller send e-post til zehra.causevic@voss.kommune.no 3. SAMANDRAG AV SAKA: Områdereguleringsplan for Skjerve, planid , har vore ute til offentleg ettersyn, og planen vert no fremja for 2. gangs behandling og godkjenning. Det har kome 5 merknader frå offentlege instansar til planforslaget. NVE fremja motsegn på grunn av at skredfarleg område ikkje var synt som omsynssone i plankartet. Hordaland fylkeskommune satte krav om kulturminneundersøking. Dette vart gjennomført våren 2013, og omsyn til kulturminneinteresser er avklart gjennom ein dialog med fylkeskommunen i etterkant. I tillegg er det lagt inn omsynssone med tilhøyrande føresegner for ras- og skredfare, og NVE har oppheva si motsegn. Grunnlaget for eigengodkjenning av planen er difor til stades. I tillegg til endringar av planforslaget i tråd med innspel frå NVE og Hordaland fylkeskommune, er det på bakgrunn av innspel frå Forsvarsbygg Skifte Eiendom lagt inn 4 nye faresoner med restriksjonar på ferdsle, bruk av ild m.m. Voss kommune står som tiltakshavar og fremjer planforslaget. Føremålet med planarbeidet er å tilrettelegge for ny veg mellom Bjørke og Tverrberg, og å utvide skytebaneføremålet saman med ei justering av planføresegnene, i tråd med behov avdekka ved detaljprosjektering av Skytebaneanlegget. Administrasjonen rår til at revidert framlegg for områdereguleringsplan for Skjerve, vert godkjent. 4. FAKTA OM SAKA: Bakgrunn for saka I samband med godkjenning av reguleringsplan for Skjerve, P-ID 08016, vedtatt i Voss kommunestyre , sak 71/09, vart det opna for at kommunen skulle regulere inn ny veg frå Bjørke til Tverrberg når interessentar og grunneigarar fremja ynskje om dette. Eit slikt ynskje vart fremja hausten Under detaljprosjektering av skytebaneanlegget kom det fram behov for endringar av planen frå 2009, mellom anna for eit større arenaområde. Voss skyttarlag kom difor hausten 2010 med eit ynskje om å få utvida område regulert til idrettsanlegg. I tillegg foreslo dei ei endring av planføresegnene når det gjeld hogst og skog. På bakgrunn av dette vart det starta ein reguleringsplanprosess. Voss kommune står som tiltakshavar, og har gjennomført planarbeidet. Voss skyttarlag har levert materiell knytt til skytebaneanlegget, og vegtraseen er utarbeidd av Næringsavdelinga i samarbeid med fylkesmannen si landbruksavdeling.

3 Side 3 Planprosess Det vart meldt oppstart av reguleringsendring for Skjerve i FPL-sak 9/11 den Det kom 5 innspel/merknader til oppstartsmeldinga Det vart gjennomført ei felles synfaring om vegtraséen med interessentane Det har også vore gjennomført drøftingsmøte med Skyttarlaget undervegs, og Voss skyttarlag har skaffa underlagsdokument til utvidinga av skytebaneføremålet, og dokumentasjon på støy og visuell skjerming i samband med utarbeiding av planen. Desse dokumenta ligg som vedlegg til planomtalen. FPL vedtok å legge planen ut til offentleg ettersyn den , og planen var ute til høyring frå til Det kom tilsaman 5 innspel til planforslaget etter offentleg ettersyn, mellom anna motsegn frå NVE. Motsegn frå NVE vart trekt i brev datert Det har vore ein dialog med Forsvarsbygg Skifte Eigedom, om område som tidlegare har vore nytta som militære skytefelt. På bakgrunn av dette er 4 nye faresoner med restriksjonar på ferdsle, bruk av ild m.m. lagt inn i planen, jf e-post datert Føremål med planarbeidet I samband med oppstart av reguleringsendringa vart det definert ei målsetting med planarbeidet: - utviding av område for idrettsanlegg med ca 30 daa, for å tilpasse området til bygging av arenaområde, skyteanlegg med støyvoll m.m. - vegtrase for landbruksveg frå Bjørke til Tverrberg - forslag om endring av planføresegn vedkomande hogst og skog Utover desse endringane er føremål og innhald i reguleringsplanen frå 2009 vidareført; sikre fleirbruksverdiar, verneverdiar og kulturminne Sledasteinen, og samtidig gje grunnlag for utbygging av eit skytebaneanlegg. Planområdet og eigedomstilhøve Planen omfattar eigedom gnr 92, bnr 40 som Voss kommune overtok av Forsvaret i Området rundt skytebaneanlegget er leigd ut til Voss skyttarlag gjennom ein avtale på 40 år. Planområdet er i tillegg utvida litt i forhold til planen frå 2009, for å ivareta vegutbygginga. Del av gnr 156, bnr 1 mot Tverrberg og del av gnr 158, bnr 1 mot Bjørke er difor med i planen. Planområdet består av eit skytebaneanlegg, kulturlandskap, skog i brattlendt terreng og eit vassdragsbelte i området mellom Raundalselva, Bjørke og Tverrberg. Tilhøve til andre planar

4 Side 4 I gjeldande kommuneplan ligg område avsett til idrettsanlegg. Areal som er utvida utover reguleringsplanen frå 2009 ligg i hovudsak som LNF-område i kommuneplanen, men del av vegtraseen mot Tverrberg går gjennom område som er avsett til 20 nye fritidsbustader i kommuneplanen. Ved endeleg godkjenning av reguleringsplanen som no vert fremja, vil denne erstatte planen som vart vedtatt for området i Tilgrensande reguleringsplanar er Kyrkjeteigen, planid som ligg på motsett side av Raundalselva og Bjørkemoen, planid som ligg sørvest for planområdet. I tillegg pågår det eit omfattande planarbeid med ein ny områdereguleringsplan for Bømoen. Innhald i planen I planen er det avsett eit 114 daa stor område til skytebaneføremål. Området ligg i den sørvestlege delen og er opparbeidd med faste skytebanar og tilhøyrande fasilitetar. Det er avsett ein korridor med føremål køyreveg gjennom planområdet. Innafor dette arealet kan det etablerast ein 4 meter brei veg, i tråd med vegklasse 3 og 4 i vegnormalen for landbruksveger. Vegen er definert som ein felles privat veg, og skal kunne nyttast som landbruksveg og ny tilkomstveg til gardane Tverrberg og Selheim og for stølane i Håraldsdalen og Tverbergsdalen. Det er sett ulike krav til dokumentasjon i samband med søknad om vegbygging, mellom anna geoteknisk vurdering av skredfare og behov for sikringstiltak. Vegen skal handsamast etter Forskrift om planlegging og godkjenning av veier for landbruksformål. I tillegg ligg ein liten parsell av den kommunale vegen Bjørkemoen, og brua over Raundalselva som tilhøyrer Bømoen AS, som vegføremål i planen. Innafor hovudkategorien Landbruk, natur og friluftsliv er underkategoriane landbruk, friluftsliv og naturvern avsett i planen. Området med kulturlandskap nærast skytebaneanlegget er avsett til friluftsføremål, og frå skoggrensa og oppover er arealet avsett til landbruksføremål. Eit belte på 100 meter langs Raundalselva er avsett til naturvernføremål for å ivareta vassdragsbeltet mest mogleg urørt. Ved Skytebanearenaen er dette belte ned mot 30 meter for å få passa inn skytebanane. Dette er areal som har vore nytta til skytebaneføremål i lang tid. Raundalselva er avsett til Friluftsområde i sjø og vassdrag. Omsynssoner Det er avsett til saman 6 ulike omsynssoner i planen, og nokre av desse er overlappande. Faresone - ras- og skredfare dekker store deler av plankartet med unntak av den sørvstlege delen ned mot skytebaneanlegget. Her er det ikkje tillat å gjennomføre tiltak utan at det ligg føre ei geoteknisk vurdering. Det er avsett fire område som faresone - brann-/eksplosjonsfare. Dette er område som ikkje er rydda og klarert etter Forsvaret sine aktivitetar. Innafor områda er det restriksjonar på ferdsle,

5 Side 5 bålbrenning, open ild og tiltak eller aktivitet som fører til graving eller anna påverknad av grunnen. Det er dei tre minste områda (H_350_2, 3 og 4) som har dei strengastre restriksjonane, mellom anna på ferdsle. Planen er at to av desse områda (H_350_3 og 4), som også ligg nærast vegen gjennom området, skal bli klarert av Forsvarsbygg Skifte Eiendom sommaren Det er sett krav i føresegnene om at dei aktuelle områda skal vere merka og skilta i terrenget innan utgangen av Over skytebaneanlegget, område avsett til friluftsføremål og deler av område avsett til landbruk er det lagt ei faresone skytebane. Avgrensing av området er sett ut i frå behovet for tilstrekkeleg bakgrunnsareal i samband med bruk av feltskytebaner, og skal ved bruk varslast etter gjeldande forskrift. Det er avsett eit større område av den mest verdifulle edellauvskogen som omsynssone landskap. Innafor dette området skal det takast særskild omsyn til vegetasjon og terreng, og med unntak av landbruksvegen er det ikkje opna for tiltak i dette området. Til slutt er det avsett to ulike omsynssoner knytt til kulturminne-interessene i området. Dei automatisk freda kulturminne er bandlagt etter lov om kulturminner, og det er ikkje tillate med inngrep i eller rundt desse. Det er lagt ein buffersone rundt kulturminna, som er avsett til omsynssone - kulturmiljø, der det heller ikkje er opna for tiltak utover normal skøtsel utan særskild godkjenning av kulturminnemyndigheitene. Rekkefølgjekrav Det er knytt rekkefølgjekrav til at tiltaksplan for miljøopprydding i området skal vera godkjent av miljøvernmyndigheit før ombygging eller bygging av nye anlegg i området vert sett i gang. I tillegg er det krav om etablering av støydempingstiltak, godkjend vassforsyning og avløpsordning før skytebaneanlegget vert teke i bruk. Det er og knytt krav til dokumentasjon av rassikringstiltak før det kan gjevast ferdigstillingsløyve for landbruksvegen. Rekkefølgjekrav er omtalt i føresegnene pkt 4.6. Utgreiingar og ROS-analyse Det ligg føre ei ROS-analyse, utgreiingar knytt til støy (Sweco-rapport ), ein rapport over kulturhistoriske registreringar (Hordaland fylkeskommune 8/13) og ei skredfarevurdering (Cowi ). I tillegg har Forsvarsbygg Skifte Eigedom utarbeidd ein tilstandsrapport som mellom anna gjeld planområdet (Faktaark Bømoen og Skjerve skyte- og øvingsfelt, Forsvarsbygg Skifte Eigedom). Det er avdekka mogleg risiko knytt til naturgitte tilhøve som ekstreme nedbørs- og snømengder, mogleg steinsprang, sårbart landskap med verdifull vegetasjon og kulturminne, støy, anlegg og aktivitetar, og eksplosjonsfare som gir begrensingar i ferdsle og bruk av nokre av områda. I planen er det lagt inn omsynssoner med krav og restriksjonar i tilhøyrande føresegner, og risiko er vurdert som akseptabel.

6 Side 6 5. ADMINISTRASJONEN SI VURDERING: Det kom 5 merknader til planen i samband med offentleg ettersyn. I tillegg har vi hatt ein dialog med Forsvarsbygg Skifte Eigedom, om fire faresoner knytt til brann/ekspolosjon. Innspel ligg som vedlegg til planen, samtidig som dei er oppsummert og kommentert i planomtalen kapittel 7. Det viktigaste innhaldet er referert og eventuelt kommentert under. Hordaland fylkeskommune, kultur- og idrettsavdelinga, Viser til at området har ein kjent kulturminnelokalitet og at området har potensiale for fleire kulturminnespor. Krev ei kulturminneundersøking i området, og ber difor om utsett høyringsfrist på kulturminnefagleg fråsegn i saka. Administrasjonen si vurdering: Fylkeskommunen sin uttale i saka saman med rapport frå kulturminneundersøkingane vart oversendt kommunen den Det vart avdekka 3 nye gravrøyser og moglege ristningar på ein større steinblokk attmed eksisterande traktorveg. Det vart konkludert med at veglinja måtte flyttast litt i området ved Sledasteinen. Revidert forslag til vegtrase og omsynssoner vart sendt Hordaland fylkeskommune hausten Hordaland fylkeskommune kom med tilbakemelding om planføresegner og omsynssoner i e-post den , og kulturminneinteressene vart endeleg avklart i planen. Fylkesmannen i Hordaland Viser til at støy er eit sentralt element i planen, og at støyskjermande tiltak som støyvoller og støyskjermar bør merkast i planen og effekten bør dokumenterast. Har ikkje merknader til planen utover dette. Administrasjonen si vurdering: Skytebaneanlegget er bygd ferdig samtidig med at områdeplanen er utarbeidd, og det har foregått ei parallell handsaming av dette tiltaket som ei byggesak. I samband med byggesaka er det lagt fram detaljerte teikningar for utforming og oppbygging av støyskjerming. Ein har difor vurdert det som tilstrekkeleg å sikre krav til støyskjerming gjennom planføresegner, og det er ikkje gjort endringar i planen på bakgrunn av innspelet. Norges Vassdrags- og energidirektorat, : Fremjar motsegn til planen på grunn av at skredfarleg område ikkje er synt i plankartet som omsynssone. Viser til rettleiaren Skogsveger og skredfare med tanke på vilkår for vegbygginga, evnt. som føresegner til omsynssone skred. Administrasjonen si vurdering: Det er lagt inn aktsemdområde for for snø- og skredfare som faresone ras- og skredfare, i plankartet. I føresegnene er det sett krav til geoteknisk vurdering av skredfaren mot landbruksvegen før utbygging, og krav til eventuell trong for sikring, jf pkt 4.2, og 4.6. På bakgrunn av endringane i plankart og føresegner har NVE trekt motsegna, jf brev datert Jernbaneverket, og Statens vegvesen, region vest, , har ingen merknader til planframlegget. Forsvarsbygg Skifte Eiendom

7 Side 7 Hausten 2013 vart ein gjort kjend med ein tilstandsvurdering for Bømoen og Skjerve, utarbeidd på vegne av Forsvarsbygg Skifte Eigedom. Den viser område innafor reguleringsplanen for Skjerve, som ikkje er klarert for fri bruk av ålmenta. På bakgrunn av dette er det lagt inn fire faresoner for brann-/eksplosjonsfare, med restriksjonar på ferdsle, bålbrenning m.m. jf kapittel 7.2 i planomtalen og føresegnene pkt Skifte Eiendom har avklart innhaldet i planen i e-post Nytt vegnamn Det er foreslått at den nye landbruksvegen gjennom området skal heite Sledasteinsvegen. Dette vert sendt på høyring til stadnamnkonsulenten, og vil bli tatt opp til endeleg godkjenning i ei samlesak for adressering/nye vegnam så snart som mogleg. Endringar i planen etter offentleg ettersyn Kulturminne: Nye omsynssoner er lagt inn i tråd med ny informasjon i samband med kulturminneundersøkingane i området. I tillegg er veglinja forbi Sledasteinen flytta noko, for å redusere konflikt med kulturminneinteresser. Omsynssone for kulturmiljø og bandleggingssone etter kulturminnelova er lagt inn i plankartet, og har fått tilhøyrande føresegner jf. pkt og Ras/skred: Det er lagt inn faresone for ras- og skredfare i plankartet, med tilhøyrande føresegner med krav om geoteknisk dokumentasjon og vurdering før bygging av landbruksveg, jf. pkt 4.2 og Det er sett krav om dokumentasjon av at rassikringstiltak er gjennomført som tilrådd, før det vert gitt ferdigstillingsløyve for landbruksvegen, jf pkt 4.6 i føresegnene. Forsvarsinteresser: På grunn av manglande klarering etter Forsvaret sine aktivitetar innafor planområdet, er det lagt inn fire faresoner for brann-/eksplosjonsfare, med restriksjonar på ferdsle, bålbrenning m.m. Jf. føresegnene punkt Konklusjon: Områdereguleringsplan for Skjerve føl opp Kommunestyrevedtak i sak 71/09, som opna for å regulere inn ny veg mellom Bjørke og Tverrberg. I tillegg er området for skytebaneanlegget tilpassa utbyggingsbehovet. Endringane knytt til skyteanlegget har vore ukomplisert å få på plass. Det har knytt seg fleire interessekonfliktar til veganlegget, og det har vore utfordrande å finne ein tilfredsstillande vegtrasé, og samtidig ivareta dei andre interessane i området. I denne samanheng har Næringsavdelinga i samarbeid med fylkesmannen og veginteressentane gjort ein god jobb med å tilpasse vegen. Det har vore dialog med Hordaland fylkeskommune v/kultur- og idrettsavdelinga undervegs, slik at ein i fellesskap har funne ei tilfredsstillande løysing. Det har også vore god dialog med NVE vedkomande skredfare, og no i siste fase Forsvarsbygg Skifte Eigedom, slik at alle omsyn har kome med i planen i form av ulike omsyns-, fare, og bandleggingssoner. Administrasjonen meiner at slik planen no ligg føre, legg den til rette for både ny landbruksveg og aktivitetar knytt til skytebaneanlegget, samtidig som den ivaretek landskap, vassdrag, kulturminne og mogleg risiko knytt til skred og tidlegare forsvarsaktivitetar. Administrasjonen tilrår at områdereguleringsplan for Skjerve med plandokument sist revidert vert godkjent.