HANDLINGSPLAN REGIONALT FORSKINGSFOND VESTLANDET. Vedteke av styret 29 mai 2012

Transkript

1 HANDLINGSPLAN REGIONALT FORSKINGSFOND VESTLANDET 2012 Vedteke av styret 29 mai 2012

2 1 OVERORDNA FØRINGAR 1.1 Formålet med regionale forskingsfond Kunnskapsdepartementet har fastsett at formålet med regionale forskingsfond er å Styrke forsking for regional innovasjon og regional utvikling Mobilisere til auka FoU-innsats i regionane Bidra til auka forskingskvalitet og utvikling av gode og konkurransedyktige FoU-miljø i regionane Skape utviklings- og læringsarenaer der regionale erfaringar kan verte drøfta i relasjon til nasjonal og internasjonal kunnskap og aktivitet. Sørgje for tett samspill mellom aktivitet i regionane og deira relasjon til andre nasjonale og internasjonale programmer og aktivitetar 1.2 Regional politisk bestilling Fylkestinga i Hordaland, Rogaland og Sogn og Fjordane vedtok alle i oktober 2009 ei bestilling til styret for Regionalt forskingsfond Vestlandet. Denne bestillinga er grunnlaget for handlingsplanen. Dei viktigaste føringane er referert under. 1.3 Forsking innan prioriterte Vestnorske tema Fylkestinga på Vestlandet ønskjer å medverke til bærekraftig og kunnskapsbasert utvikling av særlege vestnorske ressursar, med vekt på: 1. Energi og maritim sektor, 2. Bærekraftig matproduksjon - grøn og marin sektor 3. Reiseliv 4. Offentlege utviklingsoppgåver på Vestlandet, med vekt på tema som A) Offentleg regional arbeid med næringsutvikling og omstilling B) Riktig kompetanse C) Klimatilpassing og samfunnsberedskap D) Regionalt ansvar for folkehelse E) Fornying av offentleg sektor Det er fremja ei rekke konkrete forslag til forskingstema knytt til kvart område. 1.4 Nokre tematiske tilleggsfokus Frå fylkestinget i Sogn og Fjordane vart det i tillegg ønske om fokus på a) Forsking kring landbruket sine samfunnsmessige oppgåver knytt til produksjon av både mat, kulturlandskap og samfunnsgode som til dømes betyr mykje for reiseliv og b) Politikkutforming som gjev vederlag for produksjon av fellesgodar. Frå fylkestinget i Hordaland vart det i tillegg vedteke eit ønske om ei forsterka prioritering av forsking på kompetanse og kompetanseutvikling, Klimaforsking og Næringslivsforsking. Desse er vurdert i arbeidet med handlingsplanen. 1.5 Prioritering av søknadstype Ordninga med Regionale forskingsfond er knytt til eit sett med søknadstypar. Fylkestinga rår til at ein dei første åra særleg legg vekt på å nytte seg av a) Regional kvalifiseringsstønad forprosjekt b) Regionale bedriftsprosjekt og c) Regionale offentlege prosjekt Fylkestinga vurderer det vidare slik at ordninga med Regionale problemstillingar i nasjonale program er interessant å vurdere der det er klare regionale problemstillingar som ikkje når fram i dei nasjonale forskingsprogramma. Fylkestinga rår vidare til at ein skal nytte ordningane Regionale forskarprosjekt 1

3 og Regionale instituttprosjekt med varsemd den første tida. Dei prioriterte søknadstypane er nærare omtala i handlingsplanen. 1.6 Tidslengde for handlingsplanen Dette er den tredje handlingsplanen for RFF Vestlandet. Den første planen gjaldt for to år ( ), men med fokus på første året (2010). Den andre planen gjaldt for Dette fordi ein i oppstartsfasen vurderte det å vere vanskeleg å gi føringar for arbeidet meir enn eit år fram i tid. Årets framlegg til handlingsplan er også berre for eit år. Det skuldast i hovudsak at fylkestinga vil veta ny bestilling til styret frå FONDSAVSETNING OG BUDSJETTRAMME Ordninga med regionale forskingsfond vert finansierast gjennom avkastninga frå ei fondsavsetning på 6 milliardar kroner som Stortinget vedtok i Statsbudsjettet for Gjennom statsbudsjetta vil Stortinget årleg fastsette summen som kvart forskingsfond kan disponere Disponibelt beløp i 2012 (heile 1000) Viser sak (Årsmelding) og tilskotsbrevet frå Kunnskapsdepartementet ( - sentrale dokument), som til saman gir slikt grunnlag for å berekne disponibelt beløp i 2012: Tekst Inn ut Disponibelt Kunnskapsdepartementet Disponibelt frå Sett av til administrasjon (styresak ) Saldo Det er ikkje fastsett beløp frå 15 % potten for 2012 som kan nyttast av Regionalt forskingsfond Vestlandet. Slike midlar vil vere knytt til ei nærare avklaring av prinsippa for denne ordninga (sjå styresak 13 12). Disponibelt beløp for utlysingar frå Regionalt forskingsfond Vestlandet i 2012 er på dette grunnlaget kr Tidspunkt for utlysingar i 2012 Regionalt forskingsfond Vestlandet vil ha følgjande utlysing i 2012 Forprosjekt/Regional kvalifiseringsstønad Det vil bli lagt til rette for ei fleksibel og tilnærma løpande utlysing. Søknadene skal til behandling i styret, som vil ha møte i oktober og i desember For å oppnå ei tilfredsstillande søknadsbehandling inn mot styremøta vert det hausten 2012 fremja 2 konkrete datoar som søkjar må rekke for at søknaden kan kome opp på neste styremøte. Søknad som ikkje når ein slik dato vert først behandla på neste møte. Følgjande datoar vil gjelde hausten 2012: 5 september for behandling av søknader i styremøte 24 oktober 17 oktober - for behandling i styremøte 4 desember Når ny bestilling ligg til grunn for handlingsplanen 2013, vil det bli lagt opp til lengre rekke med søknadsfristar og for heile året. Hovudprosjekt Utlysinga klar innan midten av juni med søknadsfrist 5 september. Styrebehandling 18 desember. Utlysing blir publisert på 2

4 3 Innhaldet i utlysinga krav og kriterium Kunnskapsdepartementet har pålagt dei regionale forskingsfonda å forme utlysingane sine innan eit regelverk utvikla i samarbeid med Noregs forskingsråd. Dette betyr at fonda skal velje mellom nokre fastsette rammer kalla søknadstypar der det på førehand er definert eit sett med formelle reglar som bestemmer oppsettet av søknaden, nokre fastsette vurderingskriterium og ein behandlingsprosedyre som t.d. bestemmer kven som skal verte involvert i vurderinga av søknaden. Det er opp til kvart fond å velje mellom søknadstypane. Det er også til ein viss grad opning for å leggje til regionale føringar. Regionalt forskingsfond Vestlandet vil i 2012 lyse ut midlar innan følgjande tre søknadstypar og med desse regionale føringane: 3.1 Regional kvalifiseringsstøtte - forprosjektmidlar Målet med kvalifiseringsstøtte er å utvikle FoU-prosjekt som kan kvalifisere til vidare støtte frå relevante ordningar. Regionale føringar til ein søknad om Regional kvalifiseringsstøtte skal i 2012 være: Støtte gis med inntil kr per prosjekt for ein periode på inntil 12 månader Prosjektansvarleg for søknader inn mot hovudtema a) Mat, b) Energi- og maritim sektoren og c) Reiseliv skal vere ei bedrift eller eit konsortium av bedrifter lokalisert innanfor fondet sitt geografiske område. Med nemninga konsortium av bedrifter vert det inkludert ulike samarbeidsformer der bedrifter er involvert, men der prosjektansvarleg søkjar alltid må vere registrert med organisasjonsnummer. Søknader frå SMB-bedrifter som samarbeider med FoU-miljø vil bli prioritert. Prosjektansvarleg for søknader inn mot hovudtema Offentlege utviklingsoppgåver skal vere ein organisasjon innan kommunal sektor innanfor fondet sitt geografiske område Kostnader som normalt gir grunnlag for støtte er relevante prosjektkostnader som personalkostnader, kjøp av FoU-tenester og andre relevante kostnader. Prosjektansvarleg og eventuelle samarbeidspartnarar innan tema Bærekraftig matproduksjon, Energi- og maritim finansierer minimum 50% av prosjektkostnadene. Prosjektansvarleg og eventuelle samarbeidspartnarar innan tema Offentlege utviklingsoppgåver finansierer minimum 30% av prosjektkostnadene. Ingen utstyrskostnader vert dekka. Søknadsskjema, andre krav og vurderingskriterium tek utgangspunkt i det felles settet av reglar for søknadstypen som er utarbeidd i samarbeid mellom dei regionale forskingsfonda og Noregs forskingsråd. 3.2 Regionale bedriftsprosjekt Regionale bedriftsprosjekt skal styrke FoU-aktiviteten i bedrifter innanfor fondet sitt geografiske område og innan prioriterte satsingsområde. Til å søkje ordninga inviterer Regionalt forskingsfond Vestlandet enkeltbedrifter med FoUerfaring, enkeltbedrifter i samarbeid med FoU-institusjonar, konsortium av bedrifter eller konsortium av bedrifter i samarbeid med FoU-institusjonar. Med nemninga konsortium av bedrifter vert det inkludert ulike samarbeidsformer der bedrifter er involvert, men der prosjektansvarleg søkjar alltid må vere registrert med organisasjonsnummer. Prosjekt der SMBbedrifter samarbeider med FoU-miljø vil bli prioritert. 3

5 Regionale føringar til ein søknad om Regionale bedriftsprosjekt skal i 2012 være: Regionale bedriftsprosjekt skal ta utgangspunkt i strategisk viktige problemstillingar for bedriftene og utløyse FoU-aktivitet som spesielt bidrar til forskingsdriven innovasjon og bærekraftig verdiskaping. Bedriftene som søker, kan på fritt grunnlag kunne velje kva FoU-miljø dei ønskjer å samarbeide med også utan omsyn til geografisk tilhøyre. Kostnader som normalt gir grunnlag for støtte er relevante prosjektkostnader som personalkostnader, kjøp av eksterne FoU-tjenester, eitt eller fleire stipend og direkte prosjektutgifter. Det er ønskjeleg dersom muleg om søkjer legg til rette for å nytte Næringsphd-ordninga til Forskingsrådet. Prosjekta er av 1-3 års tidslengde Tilskotsramme: Regionalt forskingsfond Vestlandet legg til grunn at prosjekta vert finansiert saman med ordninga for Skattefunn der dette er mogeleg. Søkjar pliktar på dette grunnlaget å vurdere Skattefunn potensiale for det aktuelle prosjektet i søknaden til Regionalt forskingsfond Vestlandet. Ordninga med regionale forskingsfond er notifisert i ESA etter reglar for statsstøtte. Regionalt forskingsfond Vestlandet legg på dette grunnlag til grunn at stønad frå Skattefunn saman med stønad frå Regionalt forskingsfond Vestlandet maksimalt kan utgjere inntil 50 % av dei samla prosjektkostnadene. Dersom det ligg føre eit potensiale for å nytte ordninga med Skattefunn vil Regionalt forskingsfond Vestlandet kunne dekkje inntil 35 % av godkjende kostnader i prosjektet. Dersom potensiale for å nytte ordninga med Skattefunn ikkje ligg føre vil Regionalt forskingsfond Vestlandet kunne dekkje inntil 50% av godkjende kostnader til prosjektet. Godkjende prosjekt vil kunne få inntil 0,5-1.0 millionar kroner per år i stønad. Søknadsskjema, krav og vurderingskriterium elles tek utgangspunkt i det felles settet av reglar for søknadstypen som er utarbeidd i samarbeid mellom dei regionale forskingsfonda og Noregs forskingsråd. 3.3 Regionale offentlige prosjekt Regionalt forskingsfond Vestlandet har som målsetnad å styrke kommunal sektor som bestillar og brukar av forskingsresultat. Det er derfor viktig at kommunal sektor kjenner eigarskap til forskingsprosjekta og at det ligg føre ein god plan for å nyttiggjere seg resultat av forskinga inn mot eigne ansvarsområde. For oppnå dette må det skapast gode alliansar. Regionalt forskingsfond Vestlandet ønskjer å stimulere til breie alliansar leia frå kommunal sektor. Særleg vil ein peike på at regional stat ofte vil vere ein viktig og relevant samarbeidspart i slike alliansar. Næringsliv og frivillige aktørar er og sentrale alliansepartnarar, avhengig av tema og problemstilling. Kommunal sektor har i liten grad sjølv forskingskompetanse. Ein velluka forskingsprosess krev allianse mellom kommunal sektor som bestillar/brukar og eit relevant forskingsmiljø med god kompetanse på det aktuelle tematiske område. 4

6 Prosjektansvarleg søkjar skal alltid vere ein kommune, ein fylkeskommune eller ein samanslutning av slike. Søkjar må være lokalisert innanfor fondet sitt geografiske område. Verksemder som søkjer, kan på fritt grunnlag velje kva FoU-miljø, bedrifter eller organisasjonar dei ønskjer å samarbeide med, uavhengig av geografisk plassering. Regionale føringar til ein søknad om Regionale offentlege prosjekt skal i 2012 være: Prosjekt av 1-3 års tidslengde. Prosjektansvarlig er ein kommune, ein fylkeskommune eller ein samanslutning av slike lokalisert innanfor fondet sitt geografiske område. Prosjektansvarleg søkjar må alltid vere registrert med organisasjonsnummer. Kostnader som normalt gir grunnlag for støtte er relevante prosjektkostnader som personalkostnader, kjøp av eksterne FoU-tenester, eitt eller fleire stipend og direkte prosjektutgifter. Tilskotsramme: Regionalt forskingsfond Vestlandet kan dekkje inntil 70 % av godkjende kostnader i prosjektet. Godkjende prosjekt vil kunne få inntil 0,5 1,0 mill per år i stønad. Søknadsskjema, krav og vurderingskriterium elles tek utgangspunkt i det felles settet av reglar for søknadstypen som er utarbeidd i samarbeid mellom dei regionale forskingsfonda og Noregs forskingsråd. 4 TEMATISKE PRIORITERINGAR FOR UTLYSING AV MIDLAR i 2012 Styret i Regionalt forskingsfond Vestlandet har innan ramma av fylkestinga si bestilling valt å gi følgjande prioritering for utlysing av midlar for Hovudføringar i prioritering av tema Styret i Regionalt forskingsfond Vestlandet vurderer det slik at ein skal prioritere eit relativt avgrensa tal tema kvart år, og at kvart finansiert forskingsprosjekt skal kunne gi ny kunnskap om viktige forskingsutfordringar på Vestlandet. Styret legg vekt på at fondet årleg skal kunne endre prioritering og utlysing av forskingstema innan den politiske bestillinga frå fylkestinga. Men styret er også oppteke av å vere langsiktig, og slik gje potensielle søkjarar høve til å arbeide med grunnleggjande utvikling av prosjektidear over noko tid. Av denne grunn er mykje av den tematiske hovudstrukturen i handlingsplanen for 2012 ei vidareføring av planen frå 2011, men med nokre viktige endringar. Også i 2012 skal løyvingar frå fondet i hovudsakleg gå til a) Regional kvalifiseringsstønad forprosjektmidlar som kan få fram gode problemstillingar for komande forskingssøknader. Det bør også vere fokus på å bygge relasjonar og knyte band mellom ulike miljø for å styrke forskingsinnsatsen. b) Regionale bedriftsprosjekt og regionale offentlege prosjekt med vekt på Vestnorske problemstillingar. 5

7 Det vert vidare vurdert som viktig at Regionalt forskingsfond Vestlandet skal framstå med sjølvstendig identitet og med fokus på eigne saker og tema. Fondet skal ikkje ha preg av å vere ei tilleggsfinansiering eller ei ankeordning for søknader som ikkje har nådd fram i andre ordningar. 4.2 Forskingstema for utlysing i 2012 Forslaget til prioriterte tema tek utgangspunkt i bestillinga frå fylkestinga og den generelle vurderinga frå avsnittet over. Fire hovudtema vil bli prioritert for året Dette er A) Bærekraftig matproduksjon grøn og marin sektor. B) Energi og maritim sektor. C) Offentlege utviklingsoppgåver på Vestlandet. D) Reiseliv. Avsnitta under gir detaljert skildring av kvart tema. TEMA A: BÆREKRAFTIG MATPRODUKSJON GRØN OG MARIN SEKTOR Utlysing av midlar til kvalifiseringsstønad/forprosjekt og hovudprosjekt 1) Bruk av råstoff, dyrefôr og fokus på god dyre- og fiskehelse Regionalt forskingsfond Vestlandet ønskjer å stø opp under forsking som kan stimulere ny bruk av råstoff frå blå og grøn sektor. Forholdet mellom mat og helse er mellom dei tema som er aktuelle. Vidare ønskjer fondet å stimulere til ny kunnskap om korleis dyre- og fiskefôr kan vidareutviklast på ein slik måte at det gir miljøvenleg produksjon, utvikling av nye produkt og medverkar til å sikre god dyre- og fiskehelse. 2) Ny teknologi innan akvakulturnæringa Regionalt forskingsfond Vestlandet ønskjer fokus på ny teknologi innan akvakulturnæringa. Det er særleg ønskje om fokus på ny kunnskap knytt til landbaserte anlegg eller anlegg lengre ut i havet, som begge vil kunne redusere påverknad av oppdrett på villfisk i fjordane og slik gi ei meir berekraftig næring. 3) Råvareproduksjon og nye produksjonsprosessar Regionalt forskingsfond Vestlandet ønskjer å stø forskingsprosjekt som kan styrke kunnskapsplattforma og innovasjonsevna innan industriell gastronomi, arealbruk og råvareproduksjon under krevjande naturtilfelle og kulinarisk differensiering til det beste for norsk matproduksjon. Det er viktig å stimulere til prosessoptimalisering i heile verdikjeda. Vidare ønskjer fondet å stø opp om forsking innan område som ulike produktkvalitetar og nye teknologiske prosessar knytt til produksjon av mat t.d. for å hindra plantesjukdom. Med utgangspunkt i Vestnorske råvarer kan ein innan desse områda rette søkjelys på kvalitetsfremjande forsking både innan grøn og blå sektor. 6

8 TEMA B: ENERGI OG MARITIM SEKTOR Utlysing av midlar til kvalifiseringsstønad/forprosjekt og hovudprosjekt 1) Optimalisering innan olje- og gassindustrien Det er mange store forskingsmessige og kunnskapsintensive utfordringar knytt til den vidare utviklinga av energiproduksjon på norsk sokkel. Eksempelvis er bore- og brønnteknologi eit avgjørande og framtidsretta teknologiområde med stort verdiskapingspotensial for vidareutvikling av petroleumsverksemda. Viktige forskingstema i denne samanheng er utvikling av meir kostnadseffektive leitekonsept for å finne nye ressursar, haleproduksjon (hente ut mest mulig olje / gass frå reservoara), samt miljø og teknologiutvikling. 2) Energieffektivisering, miljøteknologi og ny fornybar energi Regionalt forskingsfond Vestlandet ønskjer i 2012 å oppretthalde fokuset på optimalisering av energibruk både for maritim sektor og landbasert aktivitet - samt korleis ulike energiberarar kan spele saman. Det er behov for meir kunnskap om føresetnadene for å utvikle forholdet mellom den langreiste energien og den kortreiste energien. Dette kan til dømes vere nye tekniske miljøløysingar i forhold til produksjon, transport, lagring og bruk av energi samt meir optimal/effektiv drift av skip og ustyr. Regionalt forskingsfond ønskjer vidare å stø forsking knytt til teknologiutvikling innan tema som geotermisk energi, bioenergi, solseller og andre former for ny fornybar energi 3) Subsea Olje- og gassproduksjon skjer i aukande grad basert på produksjonsanlegg under vatn. Dette har ført til eit aukande behov for maritime tenester knytt til installasjon, intervensjon og vedlikehald av slike anlegg under vatn. Denne utviklinga representerer ei interessant samanknyting av oljeog gassnæringa og dei maritime næringane på Vestlandet. Vestlandet har særlege føresetnader for å utvikle kompetanse, produkt og system som kan gi auka produksjonsmessig effektivitet, samtidig som det vert lagt stor vekt på sikkerheit og risikostyring. 4) Offshore vind Regionalt forskingsfond ønskjer å oppretthalde fokuset på problemstillingar innan offshore vindkraft. Det vert lagt spesiell vekt på prosjekt som bidrar til ei meir økonomisk berekraftig utbygging av offshore vind. Forskingsprosjekt som målsett eller bidrar til utvikling av kommersielle produkt og tenester innanfor følgjande område vil bli prioritert: - Spesialfartøy for offshore vind - Løysingar/utstyr knytt til effektivisering av marine operasjonar relatert til installasjon og drift - Fundamenter for offshore vindturbinar (botnfaste og flytande) - Løysingar/infrastruktur knytt til kraftoverføring frå vindparken til land - Vindressursar/vindklima - Optimalisering av kraftproduksjon samt produksjonsvarsling - Miljøstudie og miljøpåverknad relatert til offshore vind - Testfelt for offshore vind 7

9 TEMA C OFFENTLEGE UTVIKLINGSOPPGÅVER Regionalt forskingsfond Vestlandet har som målsetnad å styrke kommunal sektor som bestillar og brukar av forskingsresultat. Det er derfor viktig at kommunal sektor kjenner eigarskap til forskingsprosjekta og at det ligg føre ein god plan for å nyttiggjere seg resultat av forskinga inn mot eigne ansvarsområde. For oppnå dette må det skapast gode alliansar. Regionalt forskingsfond Vestlandet ønskjer å stimulere til breie alliansar leia frå kommunal sektor. Dei prioriterte perspektiv og tema i satsinga er særleg meint å rette seg inn mot dei kommunale ansvarsområda som krev løysing av fleire offentlege aktørar og/eller samarbeid med private og andre aktørar. Særleg vil ein peike på at næringsliv, regional stat og frivillige aktørar vil vere viktige og relevante samarbeidspartar i slike alliansar. Kommunal sektor har i liten grad sjølv forskingskompetanse. Ein velluka forskingsprosjekt krev allianse mellom kommunal sektor som bestillar/brukar og eit relevant forskingsmiljø med god kompetanse på det aktuelle tematiske område. Prosjektansvarleg søkjar skal alltid vere ein kommune, ein fylkeskommune eller ein samanslutning av slike. Søkjar må være lokalisert innanfor fondet sitt geografiske område. Verksemder som søkjer, kan på fritt grunnlag velje kva FoU-miljø eller private bedrifter/organisasjonar dei ønskjer å samarbeide med, uavhengig av geografisk plassering. Sentrale perspektiv Forskinga skal bidra til ei kunnskapsbasert utvikling, innovasjon, kvalitetsheving og effektivisering i sentrale kommunale ansvarsområde gjennom iverksetting og bruk av forsking.. Fokus vil vere på ansvarsområda til kommunal sektor (primærkommunar og fylkeskommunar), med fokus på oppgåver som kan verte løyst av offentlege og/eller private aktørar etter bestilling frå kommunal sektor. Det er også særleg ønskjeleg med forsking som kan gi ny kunnskap om korleis mellomrommet mellom eksisterande strukturer, tenester og aktørar kan verte forbetra for å skape nye samspill, innovasjon, kvalitetsheving og effektivisering. Tema Fem tematiske område skal liggje til grunn for Regionalt forskingsfond Vestlandet sitt arbeidet med forsking innan ansvarsområda til kommunal sektor. Kvart tema vert nærare presentert i teksten under. a. Folkehelse i alt Med omsorg for innbyggjarane frå vogge til grav er kommunal sektor oppteken av god folkehelse som ein avgjerande ressursfaktor i alle livets fasar. Helsekvalitet påverkar alle dei dominerande kommunale ansvarsområde. Helsefremmande arbeid, primærhelseteneste, eldreomsorg og ei rekkje oppgåver i samspelet med spesialhelsetenesta er mellom dei tema som pregar den kommunale kvardagen. Ein befolkning ved god helse er viktig for innbyggjarane sin livskvalitet og av stor verknad for den økonomiske situasjonen og forvaltninga i kommunesektoren. I høve den nye folkehelselova 20 og 21 og 6 har kommunar og fylkeskommunar forpliktingar om å samordne med plan og bygningslova. Det er behov for ny kunnskap som kan bidra til å styrke kvaliteten og effektiviteten på kommunal sektor sitt arbeid med folkehelse. Sentrale spørsmål er korleis ein betre kan forstå og utvikle kommunesektoren si rolle innan den samla helseforvaltning og korleis kommunal sektor på ein betre måte kan utvikle sine faglege ressursar og ansvarsområde i relasjon til andre i den samla helseforvaltninga. 8

10 b. Tidleg innsats i eit livsløpsperspektiv «Tidleg innsats» er eit perspektiv som sett førebygging fremst i staden for behandling og reperasjon. Alle dei framtidige kommunale velferdstenestene treng dette perspektivet, ikkje berre knytt til skole og velferd, men også ansvarsområde som planlegging og samferdsel. Kommunane treng aktiv, utviklingsretta forsking som ber dette perspektivet i premissane sine. c. Rolle og ansvar i utdanningssamfunnet/kompetansesamfunnet Kommunal sektor har samansette og komplekse rollar i utdanningssamfunnet: som undervisnings- og skuleeigarar med ansvar for læringsresultata for elevane, som arbeidsgjevarar for undervisningspersonalet og dermed ansvarlege for at desse har rett kompetanse m.v. Dialogen mellom praksisfelta i kommunar og fylkeskommunar, institusjonane som utdannar profesjonsutøvarar og dei miljøa som skal forska på desse, er enno uutvikla. Kompetansemonopola innanfor dei store tenesteområda omsorg/helse og barn/skule kan være ei utfordring der meir mangfald og variasjon tvinger seg fram av omsyn til kravet om betre kvalitet og meir robuste tenester. Prosjekt som koplar seg opp mot slike perspektiv regionalt, og som siktar seg inn på å oppnå betre kommunale tenester og synergiar gjennom m.a. tettare nettverkssamarbeid, vil verta prioriterte under dette temaområdet. d. Samfunnsutviklarrolla Kommunesektoren er pålagt eit ansvar som lokal og regional utviklingsaktør. I spennet mellom lovpålagde og sjølvstyrde ansvarsområde vert rolla som samfunnsutviklar mange gonger sett under press både med omsyn til graden av merksemd og tilgjengelege ressursar. Primærkommunane har ansvar for arealforvaltning til det beste for næringsliv og lokalsamfunnet elles. Livskvalitet og gode lokalsamfunn vert stimuler av forhold som tilrettelagde sosiale møteplassar, lokalt tilpassa infrastruktur, tilrettelegging for kultur, barn, unge og eldre og eit veltilpassa system for samferdsle. Det er vesentleg å styrke kvalitet og effektivitet i tilrettelegging av samspelet mellom sosial, økonomisk og miljømessig utviklingsprosessar. Det er ønskjeleg med ny kunnskap som kan styrke kommunal sektor si rolle som samfunnsutviklar, Særleg er det ønskjeleg med forsking som kan styrke kommunen som tilretteleggar for berekraftige lokalsamfunn. e. Meir robust organisasjon Krava om kvalitet, effektivitet og innovasjon i kommunale ansvarsområde krev ein robust organisasjon. Det er store krav til kompetanse, allokering av ressursar og godt samspel mellom involverte aktørar for å lukkast. Det er behov for ny kunnskap som kan medverke til å utvikle robuste organisasjonsmodellar tilpassa dei endringar som vert kravd av kommunal sektor. Stikkord er fornying av offentleg sektor, evne til å møte forvaltningsreformer og kapasitet til å samarbeide med aktørar innan privat sektor. 9

11 TEMA D REISELIV Utlysing av midlar til kvalifiseringsstønad/forprosjekt og hovudprosjekt Målsettinga for den samlende innsatsen i eiselivet er å bidra til ei meir heilskapleg og berekraftig reiselivsutvikling for næringa og å framskaffe forsking som bidrar til å styrke reiselivsnæringen strukturelt, miljømessig og økonomisk. Reiselivet er viktig for Vestlandet og er den tredje største næringa målt i arbeidsplassar. Samstundes har næringa særlege utfordringar i forhold til lønnsemd og det er manglande kunnskap om den totale verdiskapinga som reiselivet bidrar til i samfunnet. Dersom næringa skal utvikle seg vidare er det sentralt med forsking og at næringa tek i bruk ny kunnskap. Det er derfor ønskelig med eit overordna fokus på forsking som rettar seg mot å styrke næringa si lønnsemd og berekraft. Det er ønskje om å få belyst følgjande sentrale spørsmål som er av nasjonal interesse, men med særlig relevans for reiselivsnæringen på Vestlandet. Verdiskaping og lønnsemd i reiselivet a. Verdiskaping og reiseliv. Kva verdiskaping bidrar reiselivet med i forhold til eiga næring, i forhold til lokalsamfunn og i forhold til samfunnet som heilskap? b. Turisten som verdiskapar. Kva turistar gir mest verdi i form av omsetting, lønnsemd og verdiskaping mellom anna knytt opp mot ulike typar attraksjon, destinasjons- og reisemålsutvikling og kombinasjonar av slike. c. Ulike ferieformer. Tematurisme og økonomisk effekt. Kva samfunnsøkonomisk effekt gir tematurisme (adventure travel) som reiselivsform? Er dette ei riktig satsing i tida framover? Heilskapleg reiselivsutvikling - frå produkt til marknad fokus på IKT og sosiale media a. Teknologi og nye media. Korleis IKT betre bidra til å kople produkt til marknaden? b. Mobile løysingar. Det er behov for å bringe fram ny kunnskap om bruk av nye mobile løysingar. c. Korleis kan IKT bidra til økt marknadskunnskap og kunnskap om forbrukaråtferd og igjen bidra til meir målretta marknadsføring samt produktutvikling og produkttilpassing? 10

12 5 MIDLAR FOR FORDELING TIL SAMARBEIDS- PROSJEKT I REGIONANE ( 15 % POTTEN ) Ordninga med midlar frå 15 % potten er under endring, og Kunnskapsdepartementet har bedt regionane om eit innspel til nye prinsipp for ordninga. Regionane skal drøfte dette innspelet i eit møte 31 mai Styret for Regionalt forskingsfond Vestlandet vil delta aktivt i utviklinga av 15 % potten, slik at ordninga vert ein god ressursbase for finansiering av forskingsprosjekt med verknad for Vestlandet. 6 TEMA, SØKNADSTYPE, STØNADSVOLUM OG OPERATIVE MÅL 6.1 Fordeling av midlane i 2012 Regionalt forskingsfond Vestlandet gjennomførte i 2011 ei førehandsdeling av midlar til kvart av dei fire utlysingsområda. Det er ikkje lagt opp til liknande praksis i 2012, men berre ei fordeling mellom hovudprosjekt og forprosjekt/kvalifiseringsstønad. Ordninga betyr at alle søknader om hovudprosjekt konkurrer med kvarandre og tilsvarande for søknader om forprosjekt/kvalifiseringsstønad. Det er også i år lagt opp til at alle prosjekt som får tilsegn om stønad i 2012 vert finansiert av midlar frå budsjettet for 2012, slik at framtidige midlar ikkje vert bundne opp. Fordelinga mellom forprosjekt/kvalifiseringsstønad og hovudprosjekt vert i 2012 slik: Føremål Avsett til forprosjekt/kvalifiseringsstønad i inntil 30 prosjekt med kr i stønad kvar. Avsett til hovudprosjekt i maksimalt 3 millionar kr i stønad per prosjekt Sum Kr Kr Totalt til fordeling i 2012 Kr Regionalt forskingsfond Vestlandet ønskjer å få fram 2-3 nye hovudprosjekt med høg kvalitet og regional relevans innan kvart av dei fire temaområda i handlingsplanen. 6.2 Operative mål Regional kvalifiseringsstønad er verktøy for å kome i gang med prosjektutviklinga. Regionalt forskingsfond Vestlandet ønskjer inntil 30 gode forprosjekt fordelt på dei fire prioriterte hovudtema. Vidare er det ønskjeleg med 7-10 ordinære prosjekt retta inn mot regionale bedrifter eller regionale offentlege tema med lengde inntil 1 3 år. Regionalt forskingsfond Vestlandet skal arbeide med å utvile gode indikatorar på prosjektnivå for å vurdere resultat og effekt av det regionale forskingsfondet. 11