JØLSTER KOMMUNE Kommunestyret. Møteinnkalling

Transkript

1 JØLSTER KOMMUNE Kommunestyret Møtedato: Møtestad: Kommunehuset Møtetid: Kl Møteinnkalling Varamedlemar Innkallinga vert sendt både til varamedlemar og ein del andre mottakarar til orientering. Varamedlemar møter berre etter nærare innkalling. Når du må melde forfall Dersom du ikkje kan møte, må du så snart som råd kontakte tenestekontoret (tlf eller Då kallar administrasjonen inn vara for deg. Når du er ugild i ei sak Det er kvar medlem som tek opp spørsmålet men utvalet sjølv som bestemmer om du er ugild. Dersom du meiner du kan vere ugild i ei sak, avklarar du med partigruppa/gruppeleiar om det er aktuelt med vara. Du finn meir om reglane om ugildskap i forvaltningslova Sakliste Sak nr. Saktittel 036/08 Referatsaker 037/08 Tertialrapport /08 Busetting av flyktningar /08 Kommunedelplan for hytter og fritidsbusetnad Jølster kommune Gerd Dvergsdal ordførar

2 Jølster kommune Saksutgreiing SAKSGANG Styre, utval, komite m.m. Møtedato Saksnr Sakshands. Kommunestyret /08 SRØ Sakshandsamar: Svanhild Røkenes Referatsaker Vedlegg: Arkiv: FE-, FA- Arkivsaknr 08/911 Rådmannen sitt framlegg til vedtak: Referatsakene vert tekne til orientering.

3 Jølster kommune Saksutgreiing SAKSGANG Styre, utval, komite m.m. Møtedato Saksnr Sakshands. Formannskapet /08 AHE Kommunestyret /08 AHE Sakshandsamar: Arnar Helgheim Tertialrapport Vedlegg: Arkiv: FE-210, FA- Arkivsaknr 08/882 Saksutgreiing: Tenesteleiarane har no laga prognoser for sine område der lønsoppgjeret og ferievikarar er med. Prognose Ansv Ansvar - tekst R08 pr sept B08 pr sept 1.tertial 2. Tertial 120 Økonomi-og personalleiar Rådgjevar oppvekst Rektor Skei skule Rektor Vassenden skule Rektor kulturskule Leiar Skei barnehage Leiar Langhaugane barnehage Rådgjevar helse- og sosial Leiande helsesøster Leiande fysioterapeut Psykiatrisk sjukepleiar Sosialleiar Sosialkonsulent Leiar for heimetenesta, Skei Leiar for omsorgssenter, Skei Rettleiar, Heimly Leiar for heimetenesta, Vassenden Leiar for omsorgssenter, Vassenden Rådgjevar plan- og næring Biblioteksjef Leiar plan og bygg Leiar drift/kommunalteknikk Leiar næring og miljø Finansielle føremål

4 Budsjettert underskotsdekking Prognose, underskotsdekking Finansielle føremål Under ansvar 900, vert det høgare renteutgifter enn budsjettert. Samstundes vert overføringar frå avgiftsområda, rentekompensasjon og byggelånsrente frå investeringar høgare. I tillegg, skal vi inntektsføre eit premieavvik vedk. pensjon på dette ansvarsområdet. I sum, forventar vi dermed at området kjem ut som budsjettert. Kommentar til avvik Økonomi- og personalleiar Kostnadar med IKT-samarbeid inkludert rekneskapssystem er budsjettert for lågt. Rådgjevar oppvekst/kultur Forventa sprekk på ,-. Denne er svært usikker og det er framleis von om at budsjettet kan halde. Grunnen til usikkerheita er auke i enkelttimar som må dekkast her og kostnadar med PALS-prosjekt på Vassenden skule. Langhaugane barnehage På grunn av høgt sjukefråvere, varslar leiaren om ei venta overskriding på rundt Skei skule Prognosa er vesentleg forverra. Bakgrunnen er blant anna auke i enkelttimar og ein feil i budsjettgrunnnlaget frå sentraladministrasjonen der ei av stillingane som skulle vore 100%, har vorte rekna med 50%. Vidare når ein ikkje budsjetterte inntekter blant ann for utleige av lokale. Ferietilbodet i skulefritidsordninga fekk høgare lønsutgifter enn budsjettert. Vassenden skule Framleis høgt sjukefråver. Nytilsette lærarar viser seg å ha høgare utdanning og lenger ansiennitet enn det som vart lagt inn i budsjettet. Fagleg er dette gunstig, men budsjettmessig gir det høgare utgifter. Skulen reduserer vikarbruken så langt som mogeleg og unngår innkjøp som kan vente. I tillegg, sparer ein inn ved reduksjon i inspektørstillinga fram til fast inspektør tek til att etter permisjon. Rådgjevar helse og sosial Avvika gjeld i hovudsak legetenesta. Her er det ein del store enkeltpostar som gjer det vanskeleg å lage prognose. Det ser ut til at kostnad med legevikar, spesielt i sommar har vorte dyrare enn budsjettet tek høgde for. Sosialleiar Betre prognose enn første tertial. Auka utgifter til enkelttiltak gir avvik. Heimetensta Skei Lønsutgifter blir høgare enn budsjettert og ikkje dekka inn ved refusjonar. Innleige av vikarar og innkjøp vert på eit minimum. Skei omosrgssenter Vesentleg høgare avvik enn første tertial. Kostnad med overtid for bakvakter. I arbeidet med tertialrapporten, har leiaren berekna konkrete kostnadar med lønsvekst. Denne slår inn både

5 for faste tilsette og vikarar. Berre for fast tilsette, viser det seg at veksten er om lag kr høgare enn det som er kompensert frå samla lønspott. Innleige av vikarar og innkjøp vert på eit minimum. Blant anna er aktivitørstilling halden ledig i andre halvår for å redusere overskridinga. Heimly Høgare avvik enn første tertial. Usikker prognose som kan bli noko betre. Heimetenesta Vassenden Om lag som budsjettert. Kan bli betre, avhengig av statstilskot. Vassenden omsorgssenter Vesentleg høgare avvik enn første tertial. Udekka kring som følgje av lønsoppgjeret. Innleige av vikarar og innkjøp vert på eit minimum. Generelt Detaljgjennomgangen som tenesteleiarane har gjort, viser at lønsoppgjeret i realiteten vert vesentleg dyrare enn kalkylene som var gjort ut frå overordna tal. Av ei overskriding på nær 3,0 millionar, skuldast mellom 1,5 og 2 millionar lønsoppgjeret. Berekningar ut frå overordna tal, viste ein venta manko på kring 0,9 millionar. Rådmannen har orientert tenesteeiningane om at det er innkjøps- og tilsetjingsstopp i andre halvår Det betyr at alle innkjøp som kan vente, skal utsetjast og at einingane skal halde ledige alle stillingar som kan stå unytta. Samstundes er signalet at grunnbemanninga er den same som planlagt t.d. for råmetimetal og turnusar. Tenesteeiningane har fått melding om at det ikkje blir tilleggsløyvingar og at alle må gjere naudsynte tiltak for å komme innanfor budsjettet. Det er likevel ikkje realistisk at vi greier den budsjetterte underskotsdekkinga på 4,6 millionar. Konsekvensen er at resten må dekkast i Tala og detaljarbeidet viser nok også at drifta generelt ligg for høgt i høve til totale inntekter. Skal kommunen få økonomisk handlefridom, må det gjerast konkrete nedskjeringar i kommande budsjett og økonomiplan. Talet på stillingar i kommuneorganisasjonen må venteleg reduserast dersom vi skal greie ei slik målsetjing. Rådmannen sitt framlegg til vedtak: Tertialrapporten vert teken til orientering. Handsaming i Formannskapet : Oddmund Klakegg gjekk frå som ugild, Marit Flatjord møtte i saka Formannskapet drøfta saka. Rådmannen sitt framlegg til vedtak vart samrøystes vedteke. FSK-047/08 Vedtak:

6 Tertialrapporten vert teken til orientering. Dokumentliste:

7 Jølster kommune Saksutgreiing SAKSGANG Styre, utval, komite m.m. Møtedato Saksnr Sakshands. Formannskapet /08 JBY Kommunestyret /08 JBY Sakshandsamar: Jostein By Busetting av flyktningar 2009 Vedlegg: Arkiv: FE-, FA-F30 Arkivsaknr 08/820 Vedlegg: Dok.dato Tittel Dok.ID Oppmoding om busetting av flyktningar i Brev av frå Integrerings- og mangfoldsdirektoratet Saksutgreiing: Integrerings- og mangfaldsdirektoratet (IMDI) har i brev av (jf. vedlegg) oppmoda Jølster kommune om å ta imot 15 flyktningar for fast busetjing i I tillegg kan det komme familiemedlemmer p.g.a. familiesameining ("familiegjenforening"). I møte fekk Jølster kommune førehandsinformasjon frå IMDI om den aktuelle oppmodinga. Oppmodinga no er sendt til ca. 200 kommunar. IMDI reknar med at det er behov for å busetje i alt flyktningar i Av desse ønskjer IMDI å busetje 205 i Sogn og Fjordane. Rådmannen tek her med eit forenkla oversyn over utviklinga på dette området sidan Jølster kommunestyre gjorde første vedtaket om busetjing av flyktningar. I møte gjorde Jølster kommunestyre følgjande vedtak: "1. Jølster kommune tek sikte på å kunne ta imot inntil 20 flyktningar for fast busetjing i 1999 og ytterlegare

8 inntil 10 i år 2000, primært familiar. 2. Det er ein føresetnad at det lukkast å finne tenlege bustader. 3. Rådmannen har fullmakt til å arbeide vidare med saka. Formannskapet har fullmakt til å ta endeleg avgjerd om grunnlaget for å gjere avtale om fast busetjing er til stades % stilling som flyktningkonsulent kan utlysast snarast, med atterhald om at fast busetjing vert iverksett (jf. m.a. føresetnaden i pkt. 2)." P.g.a. vanskar med å finne høvelege bustader, vart det ikkje motteke flyktningar i Formannskapet vedtok følgjande presisering: "1. Jølster formannskap stadfestar at kommunen tek sikte å ta imot flyktningar for fast busetjing. Med grunnlag i prinsippa i vedtaket i K-sak 42/99 vert det i første omgang lagt opp til å ta imot inntil 20 flyktningar i Jølster kommune vil disponere husværa i kommunalt bustadhus på Vassenden til føremålet. 3. Dersom samla bustadtilbod (frå private huseigarar i tillegg til dei aktuelle kommunale husværa) gir rom for det, kan talet på flyktningar auke til inntil 30 i Rådmannen har fullmakt til å arbeide vidare med iverksetjing av saka, i samsvar med vedtaket i denne saka og K-sak 42/99." I møte vedtok formannskapet at ein kunne gå inn i forhandlingar med ein eller fleire entreprenørar med sikte på å få bygd ei høveleg mengd tenlege husvære for flyktningar o.a., med særskilt tilskot frå Husbanken. Med grunnlag i årlege førespurnader i åra etter 2000, gav rådmannen t.o.m administrativt svar, basert på tidlegare vedtak i formannskap og kommunestyre, t.d. svaret på førespurnad om busetjing i 2004: "Pr. i dag har Jølster kommune busett 21 flyktningar. I tidlegare prinsippvedtak i kommunestyre og formannskap er det gitt rom for inntil 30 flyktningar innanfor dei første to tre åra. Ettersom vi framleis ligg godt innanfor denne ramma, er det grunnlag for å svare positivt på førespurnaden også for Jølster kommune vil dermed seie seg viljug til å busetje 10 flyktningar frå mottak og / eller kvoteflyktningar i Vi ønskjer primært å byggje vidare på dei nasjonalitets-, etnisitets- og språkgruppene som allereie er busett i kommunen, men stiller likevel ikkje krav om dette. Jølster kommune tek atterhald om kapasitet på bustadmarknaden og i kvalifiseringstilbodet. På generelt grunnlag kan UDI rekne med at Jølster kommune også seinare år vil stille seg positivt til vidare busetjing i alle fall inntil den vedtekne ramma på 30 er passert." Jølster har altså f.o.m teke imot flyktningar. Pr er det busett ca. 20 flyktningar i Jølster. Desse bur på Vassenden. Kommunen mottek statleg integreringstilskot for 15 av desse. Integreringstilskotet vert gitt, med årleg reduksjon i summen, i ein periode på i alt 5 år. 3 av dei av som er busette i Jølster, har vore her her så lenge at kommunen ikkje får integreringstilskot for dei, og nokre nærmar seg "5-årsgrensa". Rådmannen ser det slik at det no har gått så lang tid sidan siste gong tilsvarande førespurnad var handsama politisk, at det er naudsynt med politisk handsaming av den oppmodinga UDI no har sendt. I utgangspunktet meiner rådmannen at det er viktig at alle kommunane medverkar i "den nasjonale dugnaden" for å få fast busetjing av alle som har fått / vil få innvilga opphald i Noreg. Rådmannen meiner òg at det er naudsynt at både stat og kommunar legg til rette for at dei som får fast busetjing, får oppfølging slik at dei så snart som mogleg kan fungere godt i samfunnet - både med tanke på arbeid, skulegang, barnehage og generell integrering i lokalsamfunnet og storsamfunnet. For kommunar med svært stram økonomi er det likevel ikkje til å unngå at oppmodinga om å busetje flyktningar også vert vurdert i samanheng med både lovpålagde og sentralt og lokalt

9 prioriterte oppgåver. Dersom busetjing av flyktningar fører til at andre kommunale oppgåver får redusert omfang, vil det kunne føre til utilsikta og uønskt negative haldningar til flyktningane. Derfor er det avgjerande viktig at kommunane kan rekne med at slik busetjing ikkje fører til økonomiske utgifter for kommunen. Røynslene frå norske kommunar viser stor variasjon, både med omsyn til økonomiske konsekvensar for kommunane, graden av tilpassing / integrering, evne til å "stå på eigne bein" økonomisk for dei som er busette, og andre aktuelle tilhøve. Dersom Jølster kommune etter ei samla vurdering seier ja til å busetje 15 flyktningar i 2009, må vi likevel ta atterhald om å finne tenlege bustader. Kommunen må òg styrkje eiga bemanning for oppfølging. Dei siste åra har vi hatt 20 % stilling knytta til flyktningarbeid. Ettersom vi berre i liten grad har teke imot nye flyktningar, men hatt ein gradvis auke frå år til år p.g.a. familiesameining, har dette dekt dei viktigaste funksjonane. Dersom vi tek imot 15 nye flyktningar i 2009 (med evt. vidare auke p.g.a. familiesameining), må kapasiteten på "flyktningstillinga" aukast, slik at Jølster kommune har i alle fall 50% (kanskje helst 100 %) stilling som flyktningkonsulent frå busetjinga startar og nokre år framover. Pr. i dag frå kommunane i alt kr pr. flyktning som integreringstilskot i ein femårsperiode, fordelt med kr i år 1 og år 2, kr i år 3, kr i år 4 og kr i år 5. Ved familiesameining får kommunane tilsvarande årleg sum, men berre i 3 år. Det er grunn til å vente at summane vert auka i statsbudsjettet for Samla integreringstilskot for 15 flyktningar i 2009 vil etter "2008-sats" verte kr Isolert sett er dette ei stor overføring, men når vi ser nærare på kva integreringstilskotet skal dekkje, kan det vere altfor lite. Det er umogleg å lage eit korrekt årsbudsjett for kostnadene med busetjing av flyktningar, før kommunen veit nøyaktig korleis gruppa er samansett. Saman med flyktningkonsulenten har rådmannen vurdert / stipulert dei økonomiske konsekvensane ved evt. busetjing av 15 personar frå Vi har lagt inn som ein føresetnad at vi får familiar og ikkje einslege vaksne - som eit utrekningsgrunnlag 4 familiar med to vaksne i kvar. Dersom alle vaksne vert teke inn i introduksjonsprogram (med organisert opplegg for opplæring og arbeidstrening) frå starten av, har dei rett på introduksjonslønn på 2 G (= kr pr. år). Truleg er det behov for barnehageplass for nokre barn, som kommunen må hjelpe til å dekkje. Dersom ein familie ikkje har rett på introduksjonslønn, må kommunen rekne med å dekkje utgifter til husleige osv. I alle høve er det naudsynt å hjelpe til å dekkje eingongskostnader i samband med etableringa. For barn i skulealder er det særskilt statstilskot (kr pr. år pr. barn), men ein må vere budd på at dette ikkje dekkjer alle ekstrakostnadene ved skulen. Når flyktningane kan gå inn i vanleg, lønna arbeid, fell t.d. introduksjonslønna bort. Røynslene hittil i Jølster er at det har vore vanskelegare enn venta å få mange flyktningar over i lønna arbeid. Ved busetjinga frå 2000 har kommunen lagt til grunn at det av ulike årsaker var mest tenleg å samle flyktningane i Vassendenområdet - først og fremst p.g.a. nærleiken til norskopplæring og arbeidsmarknad i Førde. Denne gongen er det meir aktuelt å tenkje på Skei - av omsyn til presset på elevtalet ved Vassenden skule, og av di det kan vere lettare å finne / byggje bustader i Skei-området. Ulempene med avstanden til Førde kan kompenserast på andre måtar. Bustadmarknaden er ei utfordring. Det er ikkje lett å finne høvelege bustader til utleige i Jølster. Det kan vere aktuelt å få til eit samarbeid med lokale entreprenørar som kan byggje

10 gjennomgangsbustader med særskild støtte frå Husbanken. Gruppa som arbeider med bustadsosial handlingsplan er oppmoda om å vurdere også behovet for Røynslene viser at det kan vere tenleg om flyktningane er frå same land, men det bør likevel ikkje vere for stor konsentrasjon frå eitt einskilt land. Dei fleste Jølster har busett dei siste åra, er frå Somalia. Ved evt. busetjing i 2009 er det framleis ønskjeleg om alle kjem frå same land, men desse treng ikkje å vere frå same land som dei kommunen har frå før. Med alle dei atterhalda som må takast, meiner vi at det er økonomisk forsvarleg for Jølster kommune å ta imot 15 flyktningar i Rådmannen meiner at kommunen må kunne leggje inn desse føresetnadene: - Jølster kommune må få tildelt familiar og ikkje einslege flyktningar. Dette har samanheng både med økonomiske konsekvensar og bustadmarknaden. - Jølster kommune ber om at dei flyktningane som vert busette i 2009, kjem frå same land. - Kommunen må opprette 50 % % stilling som flyktningkonsulent, finansiert med det statlege integreringstilskotet. - Kommunen tek sikte på å finne bustader i Skei-området, evt. å få til avtale(r) med private om bygging av høvelege gjennomgangsbustader som også kan nyttast til dette føremålet. I denne omgang meiner rådmannen at saka er tilstrekkeleg opplyst til at Jølster formannskap og kommunestyre kan gjere prinsippvedtak om å seie ja til oppmodinga. Praktiske spørsmål, detaljar og innarbeiding i budsjett vert teke opp seinare. Rådmannen sitt framlegg til vedtak: 1. Jølster kommune er innstilt på å ta imot inntil 15 flyktningar for fast busetjing i Jølster kommune legg til grunn at kommunen får tildelt familiar, primært med same nasjonsbakgrunn. 3. Det er ein føresetnad at det lukkast å finne tenlege bustader. 4. Rådmannen har fullmakt til å arbeide vidare med saka. Formannskapet har fullmakt til å ta endeleg avgjerd om grunnlaget for å gjere avtale om fast busetjing er til stades % stilling som flyktningkonsulent kan utlysast, med atterhald om at fast busetjing vert iverksett. 6. Integreringstilskot og kostnader i samband med busetjinga, vert innarbeidde i budsjett Tilskot og kostnader til føremålet skal vere i balanse. Handsaming i Formannskapet : Rådmannen sitt framlegg til vedtak vart samrøystes vedteke. FSK-048/08 Vedtak:

11 1. Jølster kommune er innstilt på å ta imot inntil 15 flyktningar for fast busetjing i Jølster kommune legg til grunn at kommunen får tildelt familiar, primært med same nasjonsbakgrunn. 3. Det er ein føresetnad at det lukkast å finne tenlege bustader. 4. Rådmannen har fullmakt til å arbeide vidare med saka. Formannskapet har fullmakt til å ta endeleg avgjerd om grunnlaget for å gjere avtale om fast busetjing er til stades % stilling som flyktningkonsulent kan utlysast, med atterhald om at fast busetjing vert iverksett. 6. Integreringstilskot og kostnader i samband med busetjinga, vert innarbeidde i budsjett Tilskot og kostnader til føremålet skal vere i balanse. Dokumentliste: Nr T Dok.dato Avsendar/Mottakar Tittel 1 I Integrering- og mangfoldsdirektoratet Oppmoding om busetting av flyktningar i 2009

12 Jølster kommune Saksutgreiing SAKSGANG Styre, utval, komite m.m. Møtedato Saksnr Sakshands. Utval for Plan og Utvikling /08 AGN Kommunestyret /08 AGN Sakshandsamar: Anne Grete Nøttingnes Arkiv: FE-142, FA- Arkivsaknr 07/1157 Kommunedelplan for hytter og fritidsbusetnad Vedlegg: Kommunedelplanen (temaplan) med konsekvensutgreiing, skrifteleg del og kart Innspel til offentleg utlegging av kommunedelplan for hytte og fritidsbusetnad: Jølster skisenter mottatt Statensvegvesen mottatt Fylkesmannen mottatt Fylkeskommunen mottatt Saksutgreiing: Jølster kommune opplever eit press for å få avklart areal til bygging av hytter og fritidsbustader dette gjeld både regulerings- og dispensasjonssaker. Det kan vere alt frå ynskje om oppføring av ei hytte til større planar med eit stort omfang av hytter. Som døme kan nemnast planar for hyttebygging i samband med utbygging av Jølster skisenter i Bjørkelia samt fleire større og mindre planar langs sørsida av Jølstravatnet. Med grunnlag i auka omfang av hyttebygginga dei siste åra har kommunen no utarbeidd ein overordna plan for vidare utvikling av hyttebygging. Planen er ein temaplan som er tenkt nytta som retningsgjevande. Ved utlegging til offentleg ettersyn kom det inn 4 merknader. Desse er her gitt eit kort resymé av og svar frå Jølster Kommune. Jølster Skisenter Viktig å vere open for ei vidare utvikling av hyttebygging i Bjørkelia området. Samstundes er det viktig at vidare hyttebygging ikkje legg hindringar i vegen for ei vidare utbygging av alpinanlegget. Jølster Kommune Ynskjer å følgje utviklinga av dei allereie regulerte felta i Bjørkelia før dette området blir lagt inn som eit av dei positive områda for meir regulert hyttebygging. Dersom dette viser seg å

13 fylles opp i framtida og det blir behov for meir hyttebygging i området ser kommunen på dette som positivt og i tråd med planen. Det vil her vere naturleg at skisenteret sine interesser i området og vidare utvikling av alpinanlegget må stå i fokus. Vil sjå nærare på dette området ved rullering av arealdelen til kommuneplanen for Jølster. Sogn og Fjordane Fylkeskommune Kulturavdelinga har i dag kunnskap om freda kulturminne fleire stader i kommunen. Desse er ynskt tatt med i planen og lagt vekt på å ta omsyn til dei med særskild tanke på den visuelle utforminga og plasseringa i landskapet. Viser elles også til den nasjonale databasen Askeladden, men gjer merksam på at denne på ingen måte er uttømmande når det gjeld automatisk freda kulturminne. Kulturavdelinga må få oversendt alle detaljplanar til vurdering for potensiale for funn av automatisk freda kulturminne og eventuelle arkeologiske registreringar. Ved planlegging av nye hytter og fritidsbustader er det viktig å ta vare landskapselement som gamle uteløer, gardfjøser, ferdselsvegar og steingjerde, og det kulturmiljøet dei er ein del av. Bygging av nye hytter i stølsområde bør unngåast. Ynskjer meir eksakt informasjon om framtidig etablering av areal til hytter og fritidsbustader. Jølster Kommune Lagt inn automatisk freda kulturminne og anbefaling om bruk av Askeladden i planen. Alle detaljplanar vert sendt over. Lanskapselementa skal takast omsyn til, men kommunen ynskjer ikkje å nekte bygging av nye hytter i stølsområder. Kommunen vil vere restriktiv og vurdere dette i kvar enkelt tilfelle, dette for at det er viktig å halde liv i også halvvegs nedlagde støylar. Meir eksakt informasjon om framtidig etablering vil bli gitt i reguleringsplan samanheng og ved rullering av kommuneplanen for Jølster. Statens vegvesen Ingen merknader. Fylkesmannen i Sogn og Fjordane Det går ikkje fram av planframlegget i kva grad kommunen har gjort ei utsiling av private framlegg til hytteområde eller gjort endringar av lokalisering eller storleik av områda/kor mange hytter. Det er heller ikkje gjort konkret konsekvensutgreiing av dei ynskte hytteområda. Ynskjer difor å vente med konkrete vurderingar av enkelt områder til arealbruken vert fastlagt i arealdelen til kommuneplanen, med konsekvensutgreiing av nye hytteområde eller i samband med reguleringsplanarbeidet. Ser det som generelt viktig at det som bakgrunn for utlegging av byggjeområde for hytter i/ved stølsområda vert gjort ei nærare vurdering og rangering av stølsområda i høve til kor sårbare dei er for hyttebygging. Ser det også generelt som uheldig og konfliktfylt med vegbygging fram til stølsområde og hytter i fjellet. Jølster Kommune Kommunen har ikkje gjort noko vurdering av dei private framlegga, dette og konsekvensutgreiinga av desse vil bli gjort i reguleringsplan arbeidet. Eventuelt ved rullering av arealdelen til kommuneplanen for Jølster. Detaljplanane vil derfor bli sendt over på vanleg måte etter plan og bygningslova. Ei nærare vurdering og rangering av stølsområda vil ikkje bli gjort i denne temaplanen, men vil bli tatt vidare som eit nyttig forslag ved rullering av arealdelen til kommuneplanen. I planen går det fram at nye hytteområde er ynskt knyta til eksisterande veg.

14 Rådmannen sitt framlegg til vedtak: I samsvar med plan- og bygningslova 20-1, jamfør 20-4, vert kommunedelplanen for hytte og fritidsbusetnad med konsekvensutgreiing vedteken. Handsaming i Utval for Plan og Utvikling : Samrøystes i samsvar med tilrådinga. UPU-074/08 Vedtak: I samsvar med plan- og bygningslova 20-1, jamfør 20-4, vert kommunedelplanen for hytte og fritidsbusetnad med konsekvensutgreiing vedteken. Dokumentliste: Nr T Dok.dato Avsendar/Mottakar Tittel 1 U Fylkesmannen i Sogn og Fjordane; Kulturavdelinga Sogn og Fjordane Fylkeskommune; Sogn og Fjordane fylkeskommune; Statens Vegvesen Region Vest Kommunedelplan for hytter og fritidsbusetnad -plan program 2 I Ole Jonny Marifjæren Søknad om utlegging av hyttetomter for sal 3 I Fylkesmannen i Sogn og Fjordane Framlegg til planprogram knytt til kommunedelplan for hytte og fritidsbusetnad 4 I Statens Vegvesen Merknader til kommunedelplan for hytter og fritidsbusetnad - planprogram 6 I Knut Huus; Ann June Iversen Huus og Nils Huus Hyttefelt G7 B2/ G7 B4 med gnr 7 bnr 2 og gnr 7 bnr 4 5 I Jo Paulen Helgheim Hyttefelt G6 B1 på gnr 6 bnr 1 7 I Ragnhild Helgheim Søknad om omregulering av hyttefelt 9 U Kommuneplan for hytter og fritidsbusetnad 10 U Fylkesmannen i Sogn og Fjordane; Kulturavdelinga Sogn og Fjordane Fylkeskommune; Sogn og Fjordane fylkeskommune; Statens Vegvesen Region Vest Kommunedelplan for hytter og fritidsbustader -offentleg ettersyn

15 11 I Jølster Skisenter Kommunedelplan for hytter og fritidsbusetnad -fråsegn 12 I Kulturavdelinga Sogn og Fjordane Fylkeskommune Kommunedelplan for hytter og fritidshus 13 I Statens Vegvesen Region Vest Gjeld kommunedelplan for hytter og fritidsbustader - offentleg ettersyn 14 I Fylkesmannen i Sogn og Fjordane Fråsegn til føreslegen kommunedelplan for hytter og fritdsbustaderm i Jølster

16