Møteinnkalling for Administrasjonsutval

Transkript

1 3692 Sauland Møteinnkalling for Administrasjonsutval Møtedato: Møtestad: Kommunehuset,Formannskapssalen Møtetid: Kl. 08:00 Merk Tida! Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf , slik at varamedlem kan bli kalla inn. Stad Sauland, Olav Tho leiar Sakliste Sak nr. Saktittel 001/11 DELEGASJONSSAK 002/11 REFERATSAKER 003/11 KLAGE PÅ VEDTAK - SØKNAD OM PERMISJON

2 Styre, råd, utval Møtedato Saknummer Sakshandsamar Administrasjonsutval /11 IL Saksansvarleg: Ingebjørg Landsverk Arkiv: K1-033 Arkivnr.: 11/1062 DELEGASJONSSAK FADM-001/ : PERMISJON - KRISTIN I. WÅLE VEDTAK 1. Kristin I. Wåle gis ulønna foreldrepermisjon i medhald av AML 12-5 (2) i perioden Kristin I. Wåle gis ulønna permisjon og TILRÅDING Delegasjonssakene blir teke til etterretning slik dei ligg føre.

3 Styre, råd, utval Møtedato Saknummer Sakshandsamar Administrasjonsutval /11 IL Saksansvarleg: Ingebjørg Landsverk Arkiv: K1-033 Arkivnr.: 11/1063 REFERATSAKER Nr Dok.ID T Dok.dato Avs./Mott. Tittel 1 10/2254 I organisasjonssjefen RETNINGSLINER FOR FAST GODTGJERSLE FOR BILHALD 2 11/3788 I organisasjonssjefen RUTINE VED KORRIGERING AV PENSJON I TID TILRÅDING Referatsakene blir teke til etterretning slik dei ligg føre.

4 Styre, råd, utval Møtedato Saknummer Sakshandsamar Administrasjonsutval /11 BR Saksansvarleg: Bjørn Rugaas Arkiv: K1-460 Arkivnr.: 11/753 KLAGE PÅ VEDTAK - SØKNAD OM PERMISJON Dokument i saka: Nr T Dok.dato Avsendar/Mottakar Tittel 1 I Wenche Engebretsen SØKNAD OM PERMISJON 2 U Wenche Engebretsen SØKNAD OM PERMISJON 4 I Svein Tore Engene UTGÅR 3 I Utdanningsforbundet i Hjartdal VEDR. PERMISJONSSØKNAD W. ENGEBRETSEN 5 I Wenche Engebretsen KLAGE PÅ PERMISJONSSØKNAD 6 I Wenche Engebretsen OPPSEIING Vedlagde dokument: Dokument nr. 1,2, 3 4 Aktuelle lover, forskrifter, avtaler m.m.: Hjartdal kommune, permisjonsreglement. Saksgang: Administrasjonsutvalet vedtek. Bakgrunn for saka: Wenche Engebretsen søkjer i brev av om permisjon frå stilling som inspektør ved Sauland skule, fordi ho takkar ja til fast stilling som rektor ved Heddal Ungdomsskule. I brev av sender rådmannen v/ kommunalsjef for kultur og oppvekst svar på søknaden, der permisjonssøknaden vert avslegen med heimel i permisjonsreglementet del 5 pkt 8. Ein syner i svaret til reglementet, der det heiter: Som hovudregel vert det ikkje innvilga permisjon ved overgang til ny fast stilling i eller utanfor kommunen. Permisjon kan vurderast viss det gjeld eit vikariat/engasjement som kan gje arbeidstakaren ei fagleg utvikling som er nyttig for kommunen. Føresetnaden vil då vere at eventuell permisjon ikkje fører med seg unødig belastning for arbeidsstaden sine driftsoppgåver Avslag på søknaden vert grunngjeve med at ein etter ei totalvurdering og i samråd med næraste overordna og rådmannen finn ikkje å kunne innvilge søknaden.

5 I brev av bed Utdanningsforbundet v. hovudtillitsvald om at saka drøftast i administrasjonsutvalet. I brev av påklagar Wenche Engebretsen avslag på søknad om permisjon I brev av seier Wenche Engebretsen opp stillinga med verknad frå med atterhald om at dersom klage på vedtak imøtekomast, trekkjer ho oppseiinga attende. Vurdering: I klaga frå Wenche Engebretsen blir det vist til søknaden. Det kjem difor ikkje fram nye opplysningar i klaga som ikkje blei vurdert da søknaden blei handsama. Vurderinga i klagesaka gjentek difor det som var grunnlag for avslaget på permisjonssøknaden. Bakgrunnen for avslaget er permisjonsreglementet, del 5, pkt 8. Hovudregelen er at det ikkje blir gitt permisjon ved overgang til fast stilling. Wenche Engebretsen har fått tilbod om ei fast stilling. Permisjonsreglementet seier ikkje noko om kva som skal til for at hovudregelen skal fråvikast. Ved vikariat/engasjement kan permisjon vurderast viss det gjev arbeidstakaren fagleg utvikling som er nyttig for kommunen. Rådmannen les dette som at permisjon ved overgang til faste stillingar skal vurderast strengare enn permisjon i samband med vikariat/engasjement. Som eit minimum skal permisjon gje ei fagleg utvikling som er nyttig for kommunen. Rådmannen ser det som lite truleg at ein arbeidstakar som får ei fast stilling på eit høgare nivå kjem tilbake til sin opphavelege stilling. Kommunen har da ingen nytte av at permisjon blir gitt. Wenche Engebretsen grunngir sin permisjonssøknad med at ny stilling vil gi erfaring som ho eventuelt kan ha nytte av seinare i jobben på Sauland skule. Søkjar vikarierte som rektor ved Sauland skule hausten Når ho kort tid etterpå søkjer ein tilsvarande fast stilling finn rådmannen at det ikkje er synleggjort at ho vil kome tilbake til inspektørstillinga etter eit års permisjon. Ho har allereie tilegna seg rektorerfaring og veit kva ho går til når ho søkte stillinga. Ved handsaming av permisjonssøknaden vurderte arbeidsgjevar om det ville vere ein fordel for kommunen om det blei gitt permisjon. Søknaden kom rett før skuleåret slutta. Det kan vere uheldig å lyse ut ei stilling midt på sommaren. Det naturlege i denne saka vil vere å vente med ei utlysing til etter ferien og finne interne løysingar inntil ny fast person er på plass. Etter at permisjonen blei avslegen har rektor kome med ønskje om at ein nyttar den situasjonen som har oppstått til å vurdere kva som er hensiktsmessig leiarstruktur ved skulen. Det neste skuleåret vil difor bli nytta til å vurdere om ein skal halde fram med inspektørstillinga eller om den skal avløysast med til dømes ei ordning med teamleiarar. Dersom det siste vert resultatet har ikkje Wenche Engebretsen nokon inspektørstilling å kome tilbake til. Ein permisjon vil i dette høvet avgrense kommunen sin mogelegheit for omstilling. Utdanningsforbundet har i brevet der dei bed om at saka blir drøfta i administrasjonsutvalet peika på at det er urettmessig at permisjon ikkje vert imøtekomen fordi søkjaren har arbeidd i kommunen i 28 år. Hovudtillitsvalde uttaler følgjande: i det minste som en takk for lang og tro teneste. Det blir peika på at handhevinga av personalreglementet i denne saka er dårleg personalpolitikk. Det er ikkje noko i permisjonsreglementet som syner til at lang og tro teneste er eit vilkår for å få permisjon, eller at permisjon er ei påskjønning for lang og tro teneste. Kommunen har eit gåvereglement som regulerer slik påskjønning. Rådmannen meiner at ei føreseieleg og tydeleg praktisering av permisjonsreglementet er god personalpolitikk. Det er viktig for organisasjonen som heilskap og dermed for den einskilde arbeidstakar at vårt rekrutteringsgrunnlag i minst mogleg grad er tufta på vikarstillingar.

6 Det må leggjast til at Hjartdal kommune er svært nøgd med søkjaren sin innsats gjennom 28 år. I samband med oppseiinga frå arbeidstakaren har kommunen komen ho i møte ved å akseptere 5 ½ vekes oppseiingstid i staden for 3 månadar. Dette har arbeidsgjevar gjort for at Wenche Engebretsen skal få mogelegheit til å starte i rektorstillinga ved Heddal ungdomsskule i samband med oppstart av nytt skuleår. Rådmannen finn ikkje at det er mye moment eller vurderingar i saka som endrar tiglegare konklusjon. Rådmannen tilrår derfor at klaga ikkje blir tatt til følgje. RÅDMANNEN TILRÅR: 1. Klage frå Wenche Engebretsen på avslag i søknad om permisjon blir ikkje imøtekomen. 2. Avslaget grunngjevast med at søknaden ikkje kjem inn under vilkåra i permisjonsreglementet, og at klaga ikkje inneheld nye opplysningar.

7