Øystre Slidre kommune Sektor for kultur, utvikling og næring 2940 Heggenes

Transkript

1 Øystre Slidre kommune Sektor for kultur, utvikling og næring 2940 Heggenes Til medlemmer i Kultur-, utvikling- og næringsnemnda Kultur-, utvikling- og næringsnemnda har møte på Tingvang kl Sakliste: Sak 0049/05 REFERAT OG MELDINGAR Sak 0050/05 Unntatt offentlighet 5 KULTURPRISEN 2005 Sak 0051/05 SØKNAD OM PROSJEKTTILSKOTT Sak 0052/05 REVIDERING AV KOMMUNEDELPLAN FOR IDRETT OG FYSISK AKTIVITET Sak 0053/05 GNR 7 BNR 22 SØKNAD OM FRÅDELING AV HYTTE M/TOMT PÅ HEIMRE HEDALSSTØLEN. KLAGEBEHANDLING PÅ AVSLAG ETTER JORDLOVA. Sak 0054/05 GNR. 28, BNR. 3. GEIR STEINAR PAULSRUD. TILBYGG PÅ RAUANGSTØLEN. DEFINISJON AV BYGG. NY BEHANDLING. Sak 0055/05 GNR 3 BNR 878 ELSE FLAATEN VONHOLM - OMDISPONERING AV EIGEDOM Sak 0056/05 Sak 0057/05 GEBYRREGULATIV KULTUR, UTVIKLING OG NÆRING STØLSPLAN - DEFINERING OG AVGRENSNING AV LANGSTØLSTØLSOMRÅDE Med helsing for leiaren Odd J. Ånsløkken frå Ringebu kommune kjem på planutvalsmøte kl Han skal orientere om samarbeidsløysingar kommune/privat for vass- og avlaupssystem i hytteområder. KUN-nemnda vert invitert til å delta på orienteringa. Dei som kan, vert registrerte på møtet i dag. Internt drøftingsnotat av 7/9-05 ligg vedlagt. Tlf.: Arkiv: Direkte tlf.: Vår ref.: Fax: liv.moen@oystre-slidre.kommune.no

2 Øystre Slidre kommune 2940 Heggenes Sak nr. 0049/05 REFERAT OG MELDINGAR Ark.: Arkivsaksnr.: 05/01391 Styre / råd / utval Møtedato Saknr. Kultur-, utvikling- og næringsnemnda /05 Saksbehandler: Erik Gjerdalen Utskrift til: Ingen. 1. Referat frå møte i KUN, (vedlagt) 2. Referat av delegerte saker (vedlagt) 3. Jordbrukssjefen orienterer om Landbruk Pluss/jordlova, samt om førebuing til registrering/omsetting av ubebodde gardsbruk som potensielle bustadeigedommar 4. Forslag til møteplan Rådmannen legg saka fram for nemnda for kultur, utvikling og næring med slikt forslag til vedtak: 1. Nemnda godkjenner pkt. 1 i referatet 2. Nemnda tek andre referat til orientering. Tlf.: Arkiv: Direkte tlf.: Vår ref.: Fax: erik.gjerdalen@oystre-slidre.kommune.no

3 Øystre Slidre kommune 2940 Heggenes Sak nr. 0050/05 KULTURPRISEN 2005 Ark.: 076 Arkivsaksnr.: 05/01394 Unntatt offentlighet 5 Styre / råd / utval Møtedato Saknr. Kultur-, utvikling- og næringsnemnda /05 Saksbehandler: Anne Karen Strand Moen Utskrift til: Vedlegg: Bakgrunn for saka Nemnda for kultur, utvikling og næring skal avgjere kven som får kulturprisen i Saksopplysningar Nemnda for kultur, utvikling og næring vedtok den vedtekter for kulturprisen i Øystre Slidre Kommune. I tråd med vedtektene, vart innbyggjarane i kommunen, gjennom avisa Valdres oppmoda om å kome med framlegg til kandidatar. Teksten i utlysinga var som følgjer. KULTURPRISEN 2005 Øystre Slidre kommune sin kulturpris kan gis til person(ar) eller lag som har utmerka seg særskilt på eitt eller fleire område innan det utvida kulturomgrepet. Innbyggjarane i Øystre Slidre kommune blir med dette oppmoda om å kome med framlegg til kandidatar til kulturprisen for Framlegget, med grunngjeving, må sendast til Øystre Slidre Kommune, sektor for kultur, utvikling og næring innan 21.november Kulturkonsulenten. Tidlegare har kulturprisen gått til følgjande personar / organisasjonar: 1991: Ingebjørg Skattebu og Olav Hegge 1992: Anna Fuglesteg 1993: Melleheim Ungdomslag 1994: Erling Stordal 1995:Knut Sigbjørn Lien 1996: Øystre Slidre Sanglag Tlf.: Arkiv: 076 Direkte tlf.: Vår ref.: Fax: anne.s.moen@oystre-slidre.kommune.no

4 Sak 0050/ : Øystre Slidre Idrettslag 1998: Gudbrand A. Skattebu 2001: Jørgen Røine, post mortem 2002: Tordis Røyne 2003: Sigurd Bolstad 2004: Magnus Sandberg Det har kome fire framlegg til kulturpriskandidatar for 2005: Vurdering Medlemmane i nemnda blir bedt om å vurdere dei framlegga som har kome. Saka blir lagt fram utan framlegg til vedtak.

5 Øystre Slidre kommune 2940 Heggenes Sak nr. 0051/05 SØKNAD OM PROSJEKTTILSKOTT Ark.: 223 Arkivsaksnr.: 05/01365 Styre / råd / utval Møtedato Saknr. Kultur-, utvikling- og næringsnemnda /05 Saksbehandler: Anne Karen Strand Moen Utskrift til: kommunekassa, revisjonen, NFU-Øystre Slidre lokallag v. Ola S. Hegge, Øystre Slidre idrettslag v. Bjørn Magne Berge, Valdres Plankekøyrarlag v. Jørgen Ueland og Randsfjordmuseene AS v. Per Morset Bakgrunn for saka Nemnda for kultur, utvikling og næring skal behandle seks søknader om prosjekttilskott. Saksopplysningar Det har kome fem søknader om prosjekttilskott. 1) Søknad frå NFU Øystre Slidre lokallag om kr ,- til gjennomføring av festkveld for sine medlemmar. Det blir servering av juletallerken, dans og sosialt samver. Kostnad på prosjektet er kr ,-. 2) Søknad om støtte til etablering av terreng-sykkelløype på Beitostølen. Dagleg leiar av Øystre Slidre idrettslag, Bjørn Magne Berge, søkjer om kr ,- til arbeidet med å sikre området, fjerne steiner og røter m.v. Arbeidet vart utført av Andreas Dahl i august / september og det vart oppretta ei sykkelgruppe på om lag ungdommar i alderen år. Per i dag er dei ikkje organisert, men driv på eige initiativ. 3) Søknad frå Valdres Plankekøyrarlag om støtte til bygging av miniramp på Beitostølen. Plankekøyrarlaget tok kontakt med Sørre Beito sameige og fekk tillating til å sette opp ein såkalla miniramp bak turistinformasjonsbygget. Rampen er på om lag 8 x 6 meter. Kostnaden vart på kr ,- inkl. dugnadsinnsats. Rampen blir brukt til rullebrett og som barmarkstrening for snøbrettklubben sine medlemmar. 4) Søknad frå Øystre Slidre idrettslag om støtte til utstyr på styrketreningsrommet på Storefoss. Øystre Slidre idrettslag v. friidrettsgruppa fekk kr ,- til utstyr i styrketreningsrommet i vinter. Dei søkjer no om støtte til innkjøp av fleire apparat. Tlf.: Arkiv: 223 Direkte tlf.: Vår ref.: Fax: anne.s.moen@oystre-slidre.kommune.no

6 Sak 0051/05 5) Søknad frå Per Morset i Randsfjordmuseene AS om støtte til bokprosjekt om fjernsetring. Magnus Sandberg har samla stoff om emnet i over 50 år og har teke kontakt med Randsfjordmuseene AS for å få hjelp til å gje ut stoffet i bokform. Boka vil ta for seg ulik emne innanfor stølslivet og vil vere i sal frå oktober Vurdering Søknaden frå dei psykisk utviklingshemma blir innvilga, då dette er ei prioritert gruppe. Rådmannen vil rose dugnadsånden og pågangsmotet til sykkelentusiastane på Beitostølen! Terrengsykling har blitt populært og er ein aktivitet kommunen ynskjer å støtte opp om. For å kunne gje tilskott, må vi ha litt meir informasjon om prosjektet. Gruppa må óg organisere seg og opprette ein eigen konto. Alternativet vil vere å opprette sykkelgruppa som ei undergruppe i Øystre Slidre idrettslag. Valdres Plankekøyrarlag hadde planar om å søkje spelemidlar. Då dette arealet er regulert til parkering og det er kommunen som leiger dette av Sørre Beito Sameige, ynskjer ikkje rådmannen å sende søknad om spelemidlar. Han vil i staden gje dei eit større tilskott for å kompensere bortfall av spelemidlar. Kommunen vil vurdere om rampen bør flyttast til ein annan stad, då det kan vere behov for å disponere arealet under Ridderrennet og Fjellmaraton. Rogne idrettslag har fått kr ,- til apparat og kr ,- til låsesystem i styrkerommet på Solhaug. Å oppgradere styrketreningsromma, er i tråd med fysak-satsinga og tiltaket er også nemnt i kommunedelplanen som eit av satsingsområda for å leggje til rette for fysisk aktivitet. Kommunen vil oppfordre idrettslaget til å gjere tilbodet meir kjent blant idrettslaget sine medlemmar og til å lage gode reglar og rutiner for nøklar og bruk av rommet. Magnus Sandberg mottok Øystre Slidre kommune sin kulturpris i 2004 og er ein ressurs når det gjeld m.a. verneverdig handverk, gamle bygg og landbruksfaglege spørsmål. At han no ynskjer å gje ut ei bok om fjernsetring, er spennande. Vi ynskjer Randsfjordmuseene AS lukke til med prosjektet. Rådmannen legg saka fram for nemnda for kultur, utvikling og næring med slikt forslag til vedtak: 1. NFU-Øystre Slidre lokallag får kr ,- i støtte til sosial festkveld. Beløpet blir overført konto nr og belasta konto Terrengsykkelgruppa får inntil kr ,- i tilskott. Beløpet blir utbetalt under føresetnad av at gruppa kan gje kommunen meir deljert informasjon og at dei organiserer seg. Beløpet blir belasta konto nr Valdres Plankekøyrarlag får kr ,- til oppsetting av miniramp på Beitostølen. Beløpet blir overført konto nr og belasta konto Øystre Slidre idrettslag får kr ,- til innkjøp av utstyr på styrketreningsrommet på Storefoss. Beløpet blir overført konto nr og belasta konto Randsfjordmuseene AS får kr. kr ,- til trykking av bok om fjernsetring. Beløpet blir overført konto nr og belasta konto

7 Øystre Slidre kommune 2940 Heggenes Sak nr. 0052/05 REVIDERING AV KOMMUNEDELPLAN FOR IDRETT OG FYSISK AKTIVITET Ark.: 143 Arkivsaksnr.: 05/00677 Styre / råd / utval Møtedato Saknr. Kultur-, utvikling- og næringsnemnda /05 Kultur-, utvikling- og næringsnemnda /05 Kultur-, utvikling- og næringsnemnda /05 Kommunestyret / Saksbehandler: Anne Karen Strand Moen Utskrift til: Øystre Slidre idrettsråd v. Geir Melbye, stiftinga Idrettens Hus, Øystre Slidre idrettslag, Beitostølen Helsesportsenter og idrettskonsulent i Oppland fylkeskommune, Lars Gotaas. Vedlegg: Kommunedelplan for idrett og fysisk aktivitet Bakgrunn for saka Kommunedelplan for idrett og fysisk aktivitet er revidert etter Plan- og bygningslova og blir lagt fram til behandling i nemnda for kultur, utvikling og næring. Saksopplysningar Departementet sett krav til kommunane om at handlingsprogrammet skal reviderast kvart år, medan heile kommunedelplanen skal rullerast ein gong kvar kommunestyreperiode. Kommunedelplanen er eit verktøy for å styre utbygging av anlegg og område for friluftsliv i kommunen. Handlingsplanen skal óg innehalde ein plan over aktivitet. Då vi er Fysakkommune, er det i tillegg naturleg å inkludere denne handlingsplanen. Kommunedelplanen skal danne grunnlag for kommunen sin prioritering av søknader om tilskott til idrettsanlegg og nærmiljøanlegg og tilskott til aktivitet. Det er ein føresetnad for å få tildelt spelemidlar, at prosjektet er prioritert i planen. Prosessen med revidering av planen tok til i juni, då det vart sendt ut melding til lokale lag og foreiningar. Kun-nemnda gjorde vedtak om oppstart av planprosessen i møte og kunngjering om oppstart vart offentleggjort gjennom annonse i avisa Valdres Det er sett ned ei arbeidsgruppe som har arbeidd med målsetting, prioritert handlingsprogram og prioritering av nye aktivitetstiltak. Gruppa har bestått av følgjande medlemmar: Trond Mørstad (ungdomsrepresentant), Berit Helle (ØSIL), Stig Aastveit (Rogne idrettslag) og Kristoffer Lerhol (skyttarlaga). Kulturkonsulenten har vore sekretær. Gruppa har hatt tre møte Tlf.: Arkiv: 143 Direkte tlf.: Vår ref.: Fax: anne.s.moen@oystre-slidre.kommune.no

8 Sak 0052/05 og har arrangert eit ope folkemøte der idrettskonsulenten i fylket orienterte om planprosessen og om spelemiddelordninga. 1.utkastet til plandokumentet vart behandla i Kun-nemnda og vart lagt ut til offentleg ettersyn i perioden Det har kome tre merknader. Merknad nr. 1 Oppland fylkeskommune v. Frode Sannum og Lars Godtaas Fylkeskommunen meiner vi har laga ein oversiktleg plan. Evalueringa av forrige plan er god og behovsvurderinga er grundig. Fylkeskommunen saknar fleire lågterskel aktivitetstiltak. Dei meiner vi må integrere Handlingsplan for Fysak i Kommunedelplanen. Dette blir begrunna med at - fleire tema overlappar kvarandre - vi får færre planar - det vil heve statusen til Fysak-planen - Fysak blir ein integrert del av kommunen sitt planverktøy Fylkeskommunen meiner óg at fleire av tiltaka i Barne- og ungdomsplanen bør bli trekt inn i Kommunedelplanen. Dei saknar kart og oversikt over anlegg (KRISS-registeret). Dette mangla i 1.utkastet som vart sendt ut. Konkrete kommentarar til handlingsplan for anlegg: - Ballbingen på Storefoss kan ikkje rekne med å få meir enn kr ,- i spelemidlar, då dei allereie har fått kr ,- til anlegget. Maks utbetaling til nærmiljøanlegg er kr ,-, så fremt det ikkje er snakk om fleire anleggs-einingar. - Rullestol- og sommarskiløypene på Beitostølen kan ikkje motta meir enn kr ,- i spelemidlar. Merknad nr. 2: Øystre Slidre idrettslag v. Bjørn Magne Berge og Terje Fossum Øystre Slidre idrettslag meiner det viktig at alle tiltak som er sett i gang blir fullført. Dei skriv vidare at dei vil leggje vekt på å etablere eit langsiktig samarbeid med kommunen om vedlikehald av eksisterande anlegg. Idrettslaget har tidlegare bedt kommunen om å finansiere ei 50 % stilling som vaktmeister på idrettsanlegga. Dei ber no om at kommunen tek endeleg stilling til saka. Øystre Slidre idrettslag ber om at kjøp av løypenettet med tilhøyrande fasilitetar blir lagt inn i handlingsplanen. Prisen er sett til kr ,-. Dei ber om at dette tiltaket ikkje skyv ut andre tiltak, som t.d. rullestol- og sommarskiløypene. Dei saknar ei konkret uttale frå kommunen om bygging av fleirbrukshall på Storefoss. Merknad nr. 3: Beitostølen Helsesportsenter v. Rolf Stalenget Beitostølen Helsesportsenter sendte inn kommentar til 1. utkastet av planen, poststempla den dagen fristen gjekk ut. Då idrettsrådet hadde møte dagen etterpå, var innspelet ikkje kome inn og idrettsrådet fekk ikkje vurdert dette saman med dei andre. Stalenget er lei for dette. Helsesportsenteret ynskjer å gjere noko med friidrettsanlegget og fotballbanen sin. Dei ber om at kommunen og idrettslaget vurderer eit samarbeid med dei om ei rehabilitering av eksisterande fotballbane, i staden for å byggje ny bane på skistadion.

9 Sak 0052/05 Merknad nr. 4: Stiftinga Idrettens Hus v. Trond Walstrøm Stiftinga Idrettens Hus ynskjer å orientere politikarane om arbeidet med Idrettens Hus med følgjande innspel: Stiftinga Idrettens Hus vart stifta med Trond Walstrøm som leiar. Stiftinga har tre representantar frå Øystre Slidre idrettslag, medan stiftarane har to. Stiftarane består av 17 bedriftar på Beitostølen, som gjennom avtalar har forplikta seg til å bidra med kr ,- per år i 12 år. Bygningsmassa på 700 m2 vart kjøpt av Rogne Bygg, Øystre Slidre installasjon og Nils Dale for kr ,- den Stiftinga har inngått leigeavtale med Øystre Slidre idrettslag om kontorlokale til dagleg leiar, arrangementskoordinator og til bruk under alle framtidige idrettsarrangement. I tillegg leiger Rogne Bygg og Øystre Slidre installasjon lokaler fram til sommaren 2006, då det nye bygget deira skal stå ferdig. Investeringsbudsjettet er på kr ,-. Stiftinga ynskjer å byggje ut garderobeanlegg, klubblokale, kontorlokale, terrasse mot skistadion, enkle pressefasilitetar m.v. Stiftinga har vore i møte med Kulturdepartementet og fått stadfesta at både kjøp og rehabilitering av bygningsmassa ligg innanfor regelverket og stiftinga kan derfor søkje om spelemidlar. Vurdering Rådmannen hadde planar å integrere Handlingsplan for Fysak i kommunedelplanen og tek fylkeskommunen sin kommentar til følgje. Fylkeskommunen er óg opptekne av at vi får integrert tiltaka i Barne- og ungdomsplanen. Her er følgjande tiltak aktuelle å leggje inn i Handlingsplan for anlegg: Utvikling av Furustrand-området. I Handlingsplan for aktivitet, blir følgjande tiltak lagt inn i planen: Fysak-satsinga, sommarskule med idrett og friluftsliv, støtte ungdom sine eigne initiativ til rusfrie arrangement, stimulere til opne familiearrangement og utvikle sosiale møteplassar i nærmiljøa. Fylkeskommunen sakna kart og oversikt over anlegg. Dette blir sjølvsagt lagt inn i planen. Øystre Slidre idrettslag ber om at kommunen legg inn kjøp av world cup løypene som nytt punkt i handlingsplanen. Dette blir teke til følgje. Vi fjerner sjølvsagt ikkje rullestol- og sommarskiløypene frå prioriteringslista, men idrettslaget vil ikkje få kommunalt tilskott til dette, då beløpet blir nytta på skiløypen. Idrettslaget ber om at kommunen finansierer ei 50 % stilling som vaktmeister. Rådmannen ynskjer ikkje å opprette fleire stillingar og avviser søknaden for Bygging av fleirbrukshall er ikkje teke med i Handlingsplan for anlegg og idrettslaget ba om å få ei konkret uttale til dette. Rådmannen ser på dette prosjektet som lite realistisk og ynskjer ikkje å leggje det inn i langtidsplanen før prosjektet blir meir konkretisert. Dette kan gjerast ved ny revidering om fire år. Beitostølen Helsesportsenter sitt ynskje om å rehabilitere friidrettsanlegg og fotballbane er diskutert i arbeidsgruppa som vart nedsett i samband med planprosessen. Gruppa var samd i

10 Sak 0052/05 at det ikkje vil vere aktuelt å bruke tid og pengar på å friidrettsanlegget, så lenge aktiviteten og interessa for friidrett er såpass låg. Vi ynskjer i staden å rehabilitere løpebanen i Rogne og leggje til rette for friidrettstrening her. Fotballbanen blir mykje brukt, både til trening og kampar og kommunen er positiv til å støtte eit rehabiliteringsprosjekt. Her bør helsesportsenteret og fotballgruppa i Øystre Slidre / Rogne inngå eit forpliktande samarbeid. Om rehabilitering av denne banen skal erstatte idrettslaget sine planar om kunstgrasbane på skistadion, blir opp til idrettslaget. Kommunen vel å leggje inn begge anlegga i planen. Idrettens Hus har motteke kr ,- i 2005 og kommunestyret har allereie løyvd ytterlegare kr ,-. Tiltaket er lagt inn som prioritet nr.4 i handlingsplanen og stiftinga kan søkje om spelemidlar i Dei første tiltaka i planen, er oppfølging av tidlegare søknader. Både Beito skyttarlag og Øystre Slidre skyttarlag har søkt tidlegare og fått godkjent sine søknader av fylkeskommunen. At kjøp av skiløypenettet kjem inn og erstattar Idrettens Hus på prioritet nr. 3, er i gjort i samråd med Øystre Slidre idrettslag og Stiftinga Idrettens Hus. I Handlingsplan for nærmiljøanlegg, er omdisponering av parkeringsareal på ØSBUS til balløkke sett opp som prioritet nr. 2. Dette vart gjort fordi barne- og ungdomsskulen treng meir areal for å kunne gjennomføre den daglege fysak-økta med 170 elevar. Det har blitt stilt spørjeteikn ved dette tiltaket, då arealet vart opparbeida med tanke på å utvide parkeringsplassen for lærarane. Dette var del av ein større plan som vart vedteken av kommunestyret i sak /01. I vedtaket står det at arbeidet skal vere sluttført i Prosjektet har ikkje blitt prioritert og Rådmannen meiner no at det vil vere meir hensiktsmessig å omdisponere arealet til balløkke. Dette vil vere i tråd med kommunen sin målsetting i fysak-arbeidet; å leggje til rette for fysisk aktivitet. Dersom det blir søkt om spelemidlar på ordninga for mindre kostnadskrevjande nærmiljøanlegg, vil kommunen forplikte seg til å nytte arealet som balløkke i min. 10 år. Dersom denne forpliktinga ikkje blir heldt, må evnt. spelemidlar betalast tilbake. Rådmannen rår nemnda for kultur, utvikling og næring til å legge saka fram for kommunestyret med slik innstilling 1. Kommunestyret vedtek Kommunedelplan for idrett og fysisk aktivitet med følgjande Handlingsprogram: Nærmiljøanlegg Prio År Anlegg Kostnad Eigenandel Spelemidlar Kommunalt tilskott 1 06 Kunstgras i ballbingen, *1 Storefoss Omdisponering av parkeringsareal v.øsbus *2 Tingvang til balløkke Nærmiljøanlegg v. Beito *1 skule

11 Sak 0052/05 *1= Anlegget har fått kr ,- i spelemidlar tidlegare. Maks. beløp per anleggseining for nærmiljøanlegg er kr ,- *2= Beløpet er verdien av dugnadsinnsats frå foreldre og barn og evnt. bruk av kommunal vaktmeister Følgjande anlegg er godkjent for prosjekttilskott i planperioden (utanom ramma på kr ,-). Nærmiljøanlegga kan få spelemidlar gjennom ordninga for mindre kostnadskrevjande nærmiljøanlegg. I uprioritert rekkefølgje: Skileik, Beitostølen. Investeringskostnad kr ,- Skileik, Storefoss. Investeringskostnad kr ,- Bygging av skaterampe, ØSBUS. Investeringskostnad kr ,- Rehab. 200m, Trudvang. Investeringskostnad kr ,- Ordinære anlegg / rehabilitering Prio År Anlegg Kostnad Eigenandel Spelemidlar Kommunalt tilskott 1 06 Elektroniske skiver, *1 Ø.Slidre skyttarlag * Innandørs skytebane, Beito Kjøp av world cup løypene, *3 lys og snøprod.anlegg Idrettens Hus Trinn1: kjøp av huset Trinn 2: rehab * Rehab. friidrettsanlegg, Rogne Støyskjerming, Ø.Slidre skyttarlag Rullestol- og sommarskiløype Rullestol- og sommarskiløype Rehab. klubbhus, Storefoss Klubbhus, Dalsåne Rehab. Rogne Grasbane Kunstgrasbane, Beitostølen (BHSS og/eller skistadion Lysløype, Rogne 0 *1 = Kommunen har gjeve kr. 90 i tilskott til prosjektet i 2005 *2 = Kommunen har gjeve kr. 130 i tilskott til prosjektet i 2004 og kr. 60 i *3= Kr ,- blir finansiert på annan måte

12 Sak 0052/05 *4= Kommunestyret løyvde kr. 110 til prosjektet ved rullering av handlingsplanen for 2005 og kr. 140 i 2006 ved rullering av handlingsplan for Utbetaling av kr ,- blir utsett til 2007, då kjøp av world cup løypene vil gå forbi Idrettens Hus i prioriteringslista. 2. Kr ,- blir lagt inn i budsjettet i åra , øyremerka kommunale tilskott til spelemiddelsøknader. 3. Det blir utbetalt tilskott til følgjande prosjekt i 2006: Nærmiljøanlegg: Kunstgras i ballbingen på Storefoss: kr ,- Ordinære anlegg: Elektroniske skiver, Øystre Slidre skyttarlag: kr ,- Innandørs skytebane i Beito: kr ,- Kjøp av world cup løypene på Beitostølen: kr ,- 4. Beløpa blir belasta konto og overført til utbyggjarane sine kontoar.

13 Øystre Slidre kommune 2940 Heggenes Sak nr. 0053/05 GNR 7 BNR 22. SØKNAD OM FRÅDELING AV HYTTE M/TOMT PÅ HEIMRE HEDALSSTØLEN. KLAGEBEHANDLING PÅ AVSLAG ETTER JORDLOVA. Ark.: EIGED 7/22 Arkivsaksnr.: 04/01301 Styre / råd / utval Møtedato Saknr. Kultur-, utvikling- og næringsnemnda /05 Kultur-, utvikling- og næringsnemnda /05 Saksbehandler: Sten Erik Knive Utskrift til: Fylkesmannen i Oppland, Serviceboks 2626 Lillehammer (vedl. saksdok.) Gerd Bakkene, 2950 Skammestein Vedlegg: Oversiktskart 1:6000 Detaljkart 1:2000 Temaplan for stølsområda definering og avgrensing av stølsområde Klage frå Gerd Anny Bakkene, datert inkl. 3 vedlegg Bakgrunn for saka I sak 0035/05 i KUN-nemnda nekta jordlovsfrådeling av ei hytte med tomt på stølen til garden Bakkene, gnr 7 bnr 22 på Heimre Hedalsstølen. Avslaget er påklaga av søkjar, Gerd Anny Bakkene. Saka vert difor lagt fram for KUN-nemnda som underinstans i denne type klagesaker. Dersom KUN-nemnda opprettheld tidlegare fatta vedtak, vert saka sendt Fylkesmannen i Oppland til klageavgjerd. Saksopplysningar Vi tek fyrst inn sak 0035/05 i KUN-nemnda i kursiv, før vi startar på kommentarar o.a. i klagesaka. Vedlegg: kartskisse Bakgrunn for saka Torstein Bakkene, 2950 Skammestein, har ved delingssøknad av søkt om å få dele frå ei hytte med tomt på stølen. Stølen ligg på Fetstøladn på Heimre Hedalsstølen. I og med at Torstein Bakkene gjekk bort i vinter, vil det no vere Gerd Bakkene som fremjar søknaden. Det er i søknaden opplyst at ein ønskjer at tomta som skal følgje hytta skal være på om lag 0,5 daa. Ved samtale med Torstein Bakkene og seinare Gerd Bakkene, har det kome fram at hytta Tlf.: Arkiv: EIGED 7/22 Direkte tlf.: Vår ref.: Fax: sten.erik.knive@oystre-slidre.kommune.no

14 Sak 0053/05 for mange år sedan vart gitt som ei gåve til dottera, men at dette ikkje vart formalisert på det tidpunktet. Saksopplysningar Våre opplysningar: Hytta som ønskjast frådelt ligg på stølseigedommen til garden Bakkene, gnr 7 bnr 22 på Fetstøladn på Heimre Hedalsstølen. Heimre Hedalsstølen er eit stølslag i aktiv drift, noko som mellom anna går fram av registreringane i stølsprosjektet. Heile stølsområdet ligg i LNF sone 1 i arealdelen til kommuneplanen for Øystre Slidre kommune. I samband med stølsprosjektet blir Heimre Hedalsstølen og Fetstøladn sett på som eit samanhengande stølslag. Stølen til gnr 7 bnr 22, Bakkene består av eit fulldyrka jorde på om lag 7 daa, sel, løe og fjøs, samt hytta som ønskjast frådelt. Hytta ligg i inntil vegen i nord-øystre del av stølsteigen, om lag 50 meter aust for stølstunet. Vurdering Om garden Bakkene, gnr 7 bnr 22: Etter det vi kjenner til består garden Bakkene av totalt fire teigar, fordelt på ein teig i Skammestein der sjølve garden ligg, ein smal skogteig som strekk seg frå Skammestein til Javnin, samt tre teigar ved Heimre Hedalsstølen. I LIB (landbrukets informasjonsbase, SLF) er garden oppførd med 74 daa jordbruksareal og 65 daa skog. Bruket har og ei mjølkekvote på i underkant av 50 tonn. Dei siste åra har garden og mjølkekvota vore med i Rudi-Bakkene samdrift. Stølen på Heimre Hedalsstølen har i denne tida ikkje vore brukt som mjølkestøl, men til beite og slått. Med tilhøyrande arealressursar, rettar, mjølkekvote, bygningar og støl har bruket eit klart ressurspotensial også for framtidig drift. Mjølkekvote og støl vurderast til å være to særs vesentlege delar av gardens ressursgrunnlag Om jordlova: Jordlova har mellom anna som føremål å leggje tilhøva slik til rette at jordviddene i landet med skog og fjell og alt som høyrer til (arealressursane), kan verte brukt på den måten som er mest gagnleg for samfunnet og dei som har yrket sitt i landbruket. Arealressursane bør disponerast på ein måte som gir ein tenleg, variert bruksstruktur ut frå samfunnsutviklinga i området, og med hovudvekt på omsynet til busetjing, arbeid og driftsmessig gode løysingar, jfr 1. Ein samfunnsgagnleg bruk inneber at ein tek omsyn til at ressursane skal disponerast ut frå framtidige generasjonar sine behov. Jordlova sin 12 inneheld eit generelt forbod mot å dela eigedomar som er eller kan nyttast til jord eller skogbruk. Det kan gjerst unnatak frå dette forbodet dersom samfunnsinteresser av stor vekt taler for det, eller deling er forsvarleg ut frå den avkastning eigedomen kan gi. Avkastninga, eller driftsgrunnlaget i høve til jordlova sin 12 er eigedomen sine totale ressursar i form av areal og rettar (sameige / jakt / fiske) og bygningar som kan nyttast til jordbruk eller skogbruk. Forbod mot deling i 12 skal hindre at eit bruk blir stykka opp eller

15 Sak 0053/05 på annan måte får redusert ressursgrunnlaget. Dette gjeld altså også jakt- fiske- og sameigerettar. Heimre Heddalsstølen ligg i LNF(landbruk- natur- og frilufts) -område i kommuneplanen sin arealdel. Stølsområda er der særskild ivaretatt for å hindre endra preg av kulturlandskapet og auka bruk til fritidsformål som kan vera til hinder eller muleg ulempe for landbruksaktivitet. Dette gjeld også mulegheitene for framtidig landbruksaktivitet. Frådeling og omdisponering til fritidsføremål slik som det er søkt om vil i tillegg til jordlovshandsaming også krevje dispensasjon frå kommuneplanen sin arealdel. Om KUN-nemnda finn å gi jordlovsløvye til frådeling, vil saka måtte handsamast vidare i kommunen sitt planutval tek avgjerd i spørsmålet om dispensasjon frå kommuneplanen sin arealdel. Kommunen har kompetanse til å ta avgjerd i frådelingssaker etter jordlova. I og med at dette er ei prinsipielt viktig sak i forhold til disponeringa av landbruket sine ressursar i aktive stølsområde, vert den fremma for kultur- utviklings- og næringsnemnda (KUN-nemnda). Om frådelinga ei hytte med tomt på Heimre Hedalsstølen: Ein vil leggje vekt på at eigedomen samla som ein landbrukseigedom med areal, kvote og støl, ressursmessig er ein middels stor landbrukseigedom etter Valdresmålestokk. Stølen vil utgjera ein vesentleg del av dette ressursgrunnlaget. Ei hytte på stølseigedomen vil kunne representere ei sikker og langsiktig inntektskjelde for bruket om ein ønskjer å leige den ut. Ein kan ikkje finne samfunnsinteresser av stor vekt som talar for ei frådeling som omsøkt. Ein vil snarare snu det til at samfunnsinteresser av ei viss vekt talar mot frådeling, ettersom ei frådeling vil kunne få negative konsekvensar for den aktuelle garden og stølslaget, og presedensverknad ovanfor andre stølslag. Frådeling av ei fritt omsetjeleg hytte med tomt slik som omsøkt, vil kunne føre til drifts- og miljømessige ulemper for seinare stølsdrift i området, både for stølen til 7/22 og for nabostølar. Dette vert grunngjeve både med at hytta i seg sjølv vert liggjande med fulldyrka mark og stølstun tett inn til seg, samt at hytta ligg i kjernen av eit aktivt stølslag der flest mogleg omsyn lyt takast for at stølsdrifta kan halde fram uhindra. Frådeling av ein del av stølen frå garden og omdisponering av denne til fritidsføremål er i strid med arealdelen av kommuneplanen og er isolert sett negativt i høve til dei landbruksinteresser jordlova skal ivareta. Ein kan ikkje sjå at det i denne saka vert oppnådd jordlovmessige fordelar med dette fråsalet i eit slikt omfang at ein bør fråvike det generelle forbodet mot frådeling frå stølar til hytter. I Øystre Slidre kommune kan det også tenkast at ei hytte som høyrer til stølen på garden i framtida kan nyttast til gardsturisme eller rein utleige, og på den måten gje eit viktig bidrag til avkastninga på bruket. Stølslaget sin nærleik til Beitostølen gjer det sannsynleg at evt. utleige av hytta vil kunne ha ein stor marknad. Nærleiken til Beitostølen gjer også at Heimre Hedalsstølen fort vil kunne verte eit pressområde for vidare utbygging av hytter om ein gir etter for prinsippet om ikkje å dele frå hytter frå stølar i aktive stølslag. Samtykke til deling kan gis dersom ein av følgjande to vilkår vert oppfylt: 1. Samfunnsinteresser av stor vekt taler for det, eller 2. Deling er forsvarleg ut frå omsynet til den avkastning eigedomen kan gi.

16 Sak 0053/05 Om ingen av vilkåra er oppfylt, må søknaden avslåas. Er derimot eit eller begge vilkår oppfylt, gir ikkje dette søkjaren noko absolutt krav på å få delingssamtykke. Dersom deling ikkje er forsvarleg ut frå omsynet til eigedomens avkastning, vil det i utgangpunktet ikkje være lovleg høve til å gi delingssamtykke, jfr. rundskriv M-34/1995 LD. I forhold til denne konkrete delingssøknaden konkluderast det med at frådelinga av bruket sine ressursar ikkje vil vera driftsøkonomisk forsvarleg og at ein ikkje kan sjå at samfunnsinteresser av stor vekt talar for deling. Det faktum at det er inngått ein privatsrettsleg avtale om at hytta skal overdragast til dotter av eigar, kan ikkje sjåast å ha nokon innverknad på utfallet av delingssøknaden. Rådmannen legg saka fram for kultur-, utvikling og næringsnemda med slikt forslag til vedtak Sektornemnd for KUN vil med heimel i jordlova sin 9 og 12 jamført med 1, avslå å dele ein hytte med tomt frå stølen til garden Bakkene, gnr 7 bnr 22 på Heimre Hedalsstølen slik som skissert i søknaden. Dette er grunngjeve med at kommunen ønskjer å føre ein streng politikk med omsyn til oppretting av fritidseigedomar i aktive stølsområde, samt at frådelinga av bruket sine resursar ikkje vil vera driftsøkonomisk forsvarleg, at ein ikkje kan sjå at samfunnsinteresser av stor vekt talar for deling, og at det kan oppstå drifts- og miljømessige ulemper for landbruket ved ei frådeling. Behandling i Kultur, utvikling- og næringsnemnda Forslag til vedtak vart samrøystes vedteke. VEDTAK: Sektornemnd for KUN vil med heimel i jordlova sin 9 og 12 jamført med 1, avslå å dele ein hytte med tomt frå stølen til garden Bakkene, gnr 7 bnr 22 på Heimre Hedalsstølen slik som skissert i søknaden. Dette er grunngjeve med at kommunen ønskjer å føre ein streng politikk med omsyn til oppretting av fritidseigedomar i aktive stølsområde, samt at frådelinga av bruket sine resursar ikkje vil vera driftsøkonomisk forsvarleg, at ein ikkje kan sjå at samfunnsinteresser av stor vekt talar for deling, og at det kan oppstå drifts- og miljømessige ulemper for landbruket ved ei frådeling. Her startar klagebehandlinga: Vurdering Om retten til å klage: Klaga er gjort på eit enkeltvedtak, og er sett fram i rett tid av nokon som har klagerett. Klaga utløyser dermed klagebehandling. Om moment i sjølve klaga: Klager seier seg ueinig i at ei frådeling fører til oppretting av ein fritidseigedom, ettersom bygget har vore i bruk som hytte sidan det vart bygd fyrst på 1940-talet. Kommunen seier seg

17 Sak 0053/05 sams i at hytta har vore brukt som fritidsbustad, men det har heile tida vore ein fritidsbustad som har stått inne på arealet til og tilhøyrt ein landbrukseigedom. Skal hytta delast frå, må det opprettast ein eigen eigedom som vil måtte omdisponerast til fritidseigedom. Klager seier at standarden på hytta er for låg til at den kan leigast ut, og at utleige difor ikkje kan reknast som nokon inntektskjelde for bruket. Ein veit likevel at det generelt er stor etterspørsel etter utleigehytter i kommunen, både i områda ikring Beitostølen og i andre delar av kommunen. Beitostølen Booking Service, som er ein stor formidlar av utleige på og ikring Beitostølen, opplyser at dei får mykje pågang også frå folk som er interessert i mindre og lågstandard hytter (til dømes utan innlagd vatn og med utedo). Dette gjeld både i nærleik til Beitostølen og i områda lengre frå. At hytta ligg i eller i nærleiken av eit stølsområde eller kulturlandskapet ikring, vert av mange rekna som eit pluss. Om eigar av hytta finn det interessant og rekningssvarande, kan sjølvsagt også standarden på hytta til ein viss grad hevast ved ein oppussing, noko som igjen kan føre til høgare utleigepris. Alt i alt står kommunen difor fast på at utleige av hytta må sjåast på som ein konkret og pårekneleg inntektskjelde for bruket i lang tid framover. Kommunen beklagar at det vart oppgjeve feil storleik på mjølkekvota. Dette var tal kommunen fekk oppgjeve ved telefon til Tine. Ein beklagar også at ein ikkje fekk med fiskebua ved Vinstern under eigedomsopplysningane om garden. Ein kan likevel ikkje sjå at dette, storleiken på mjølkekvota eller det faktum at samdrifta bruket er med i vert oppløyst ved nyttår, gjev mindre grunnlag for å oppretthalde kommunens avslag på frådelingssøknaden. Ein vil snarare hevde at om garden vert ståande utanom samdrift og med ei kvote i underkant av 40 tonn, så vil moglege tilleggsinntekter som til dømes utleige av hytta på stølen kunne utgjere eit endå viktigare bidrag til drift og vedlikehald av garden. I klaga vert det sagt at hytta og uthuset står på udyrka mark og at den ikkje skal vera ein fritt omsetteleg eigedom. Ved fleire anledningar har området vore synfare, sist seint på sumaren Kommunens oppfatning er at hytta og uthuset står på eit lite inngjerda hjørne av det fulldyrka stølsjordet på stølen, altså på landbruksareal. Einkvar fritidseigedom som opprettast og delast frå ein landbrukseigedom vil i prinsippet vere ein fritt omsetteleg eigedom. Dette vil også gjelde hytta på stølsjordet til gnr 7 bnr 22. Om det gjerast privatrettslege avtalar om forkjøpsrett o.l. vil ikkje etter kommunens meining ha vesentleg innverknad på utfallet av jordlovsbehandlinga. Det vesentlege poenget er at det opprettast ein eigedom som skiljast frå driftseininga for all framtid. Det langsiktige omsynet til bruket og stølsområdet på lang sikt er her særs viktig. At hytta i praksis ligg inne på stølsjordet gjer at det framtidige konfliktpotensialet fritidsbruk vs. landbruksdrift kan bli monaleg, sjølv om hytta er gjerda inn. Dette gjeld konfliktar både i samband med beitedyr og i samband med slått/jordarbeiding av stølsjordet. I følgje kommunens omfattande registreringar i samband med stølsprosjektet, er det totalt 62 bygg i området Okshovdstøladn-Heimre Hedalsstølen-Fetstøladn. Av dette er 33 landbruksbygg og 29 hytter (her også medrekna den aktuelle hytta på gnr 7 bnr 22). Dette

18 Sak 0053/05 gjev ein hytteandel på 47%. Ein stor del av hyttene er i området lang vegen, aust for Nøbbamyre og opp til Javninhaugen, som avmerka på vedlegg 1 i klagebrevet frå søkjar. Dette er hytter som vart frådelt og oppretta som fritidseigedomar på og 60-talet. Dei seinare åra har det ikkje vore kommunens politikk å opprette nye fritidseigedomar i aktive stølslag, og ein har hatt strengare praksis når det gjeld utbygging på eksisterande fritidseigedomar innan stølslag enn utanom. I klagen vert det påpekt at kommunen i fleire saker har gjeve løyve til mellom anna frådeling av gardstun og kårbustader. I mange av desse sakene dreier dette seg då om bruksrasjonalisering, med andre ord så kalla frivillig fråsal av alt landbruksareal. Dette er gjeve løyve til i det ein ser klåre samfunnsmessige fordelar med å få styrka ikringliggande bruk ved at dei få tilført tilleggsjord, medan opphavleg eigar av bruket vert sittande att med tunet som ein bustadeigedom. I den grad stølar har vore delt frå bruk, har det stort sett vore gjort i samband med bruksrasjonalisering. I tilfeller der kårbustader har vore delt frå, har omsyn til busetnad gjort at den samfunnsmessige verdien av å dele frå kårhuset og dermed opprette ein ny og fritt omsetteleg bustadeigedom, har vore sett på som større enn det driftsmessige tapet for bruket. I denne saka kan ein ikkje sjå at det vert oppnådd samfunnmessige fordelar ved å opprette og dele frå ein fritidseigedom der hytta står. Avslutningsvis seiast det i klagebrevet at politikarane må vera konsekvente i vedtaka dei gjer og ikkje godta argumentasjon om at nærleiken til Beitostølen talar i mot frådeling i dette tilfelle. Det argumenterast med at det må vera likebehandling uavhengig av kvar i kommunen bruket ligg, og om stølslaget er aktivt og med i stølsprosjektet eller ikkje. I arealdelen til kommuneplanen for Øystre Slidre kommune er stølsområde særbehandla på fleire måtar: 1) Å nekte frådeling til, og bygging/utviding av, fritidseigedom i stølsområde, er delegert ned til rådmannen. 2) Retningslinjene for arealdelen seier at det skal utarbeidast eit temakart som grunnlag for forvaltninga av stølsområda. Dette temakartet er nå utarbeida på grunnlag av informasjonen samla inn under stølsprosjektet. Temakartet med påfølgjande retningslinjer for forvaltning av stølsområda leggjast fram for politisk behandling før jul. 3) Arealdelen inneheld også retningslinjer som seier at bygging av hytter nær stølsområde ikkje er tillate. Kommunen har dei seinaste åra lagt ned store ressursar i stølsprosjektet i Øystre Slidre. Dette er eit prosjekt som omfattar detaljert kartlegging av alle stølsområde i heile kommunen. Dette for å få eit godt dokumentert grunnlag for vidare drift, forvaltning og næringsutvikling innan stølsområda, eit særs viktig satsingsområde for landbruket i kommunen både nå og i framtida. Satsinga er også gjenspeila i kommunens tiltaksstrategiar for landbruket, og i prioriteringa av SMIL-midlar. Det er eit stadig veksande medvete både innan landbruksnæringa, annan næring og politikarar og administrasjon i kommunen om den særstillinga Øystre Slidre kommune ved å være det som kanskje er Noregs største og mest aktive stølskommune. Ein ser og at det på regional

19 Sak 0053/05 basis blir lagt merke til fordelane Valdres kan ha ved å være Noregs kanskje mest aktive stølsregion. I tillegg viser Regionalt miljøprogram for Oppland at Fylkesmannen legg stor vekt på å styrke og bevare drift og kulturlandskap knytt til stølsdrifta ved hjelp av både faglege og økonomiske virkemidlar. Dette er og i tråd med visjonar innan Landbruk pluss, der tilrettelegging for småskalaproduksjon, tilleggsnæring og verdiskaping utover tradisjonell landbruksdrift blir sett på som viktig, ikkje minst for landbruket i fjellbygdene. Kommunen meiner altså at ein har solid fagleg bakgrunn for å prioritere forvaltninga av stølsområda og kulturlandskapet tilknytt dei, på ein annan måte enn resten av LNF-områda i kommunen. I samband med kartlegginga av stølsområda vil ein samla miljømessig vurdering av stølsmiljøet føre til at Okshovdstøladn-Heimre Hedalsstølen- Fetstøladn sannsynligvis blir liggande i eit større samanhengande kulturlandskapsområde med levande stølsmiljø. Dette området er kategorisert som eit A-område med høgste verdi. Ein frådeling av hytte frå landbrukseigedom til eigen fritidseigedom i eit slikt område vil i tillegg til lokalt tap og potensielle ulemper for bruket, også kunne verke som prinsippvedtak i forhold til andre liknande saker innan andre stølsområde. For å oppsummere ser ein difor ikkje at klagen frå søkar har tilført saka nye moment som får administrasjonen til å tilrå endring av KUN-nemnda sitt opphavlege vedtak. Rådmannen legg saka fram for nemnda for kultur, utvikling og næring med slikt forslag til vedtak: Nemnda for kultur, utvikling og næring finn ikkje at klaga frå Gerd Bakkene har tilført saka nye moment som gjer at vedtaket om avslag om frådeling av hytte på gnr 7 bnr 22 skal endrast. Saka vert oversendt Fylkesmannen i Oppland til klagebehandling.

20 Øystre Slidre kommune 2940 Heggenes Sak nr. 0054/05 GNR. 28, BNR. 3. GEIR STEINAR PAULSRUD. TILBYGG PÅ RAUANGSTØLEN. DEFINISJON AV BYGG. NY BEHANDLING. Ark.: L42 Arkivsaksnr.: 05/00828 Styre / råd / utval Møtedato Saknr. Kultur-, utvikling- og næringsnemnda /05 Kultur-, utvikling- og næringsnemnda /05 Saksbehandler: Erik Gjerdalen Utskrift til: Geir Steinar Paulsrud, 2940 Heggenes Planutvalet, her, til ref. Vedlegg: Ingen. Bakgrunn for saka Nemnda for KUN fyrstegongsbehandla som sak 36/05 den ei byggemelding frå Geir Steinar Paulsrud, vedk. tilbygg til sel/hytte på gnr. 28, bnr. 3, Rauangstølen. Nemnda for KUN vedtok å sette saka ut til neste møte. Saka vert difor lagt fram pånytt. Saksopplysningar Vi tek fyrst inn teksten til sak 37/05 i kursiv, før vi startar omtale ved ny behandling: Vedlegg: Teikningar av grunnplan og fasader eksisterande og tilbygd sel/hytte Oversiktskart Oversiktsbilete Bakgrunn for saka Geir Steinar Paulsrud har søkt om tilbygg til sel/hytte på støl for gnr. 28, bnr. 3, Rauangstølen. Det kan vere tvil om bygget skal definerast som driftsbygning etter plan- og bygningslova eller om bygget skal ha status som fritidsbustad. Saka vert difor lagt fram for nemnda for KUN til vurdering. Saksopplysningar Tlf.: Arkiv: L42 Direkte tlf.: Vår ref.: Fax: erik.gjerdalen@oystre-slidre.kommune.no

21 Sak 0054/05 Selet til gnr. 28, bnr. 3, på Rauangstølen er om lag 58 kvm. stort. Tilbygget har eit BYA (bebygd areal) på om lag 55 kvm. Totalt vil BYA på bygget bli på om lag 113 kvm. BYA. Det er i tillegg eit stølsfjøs på eigedommen. Fagavdeling for næring og miljø har gjeve følgjande uttale til søknaden: Meldt bygg vurderast med bakgrunn i driftsstatus på bruket ikkje å koma inn under definisjon av nødvendige bygg i landbruket, dvs. etablering av meldt bygg må sjåast på som etablering av fritidsbygg. Stølane på Selstølshøgda, dvs. Rauangstølen og Selstølen, utgjer etter vår vurdering i kulturmiljøsamanheng eitt område. Med bakgrunn i at det er aktiv drift på ein av stølane (29/6) som er nabostøl, og at bygningsmiljøet i dag hvudsakeleg har stølspreg, er vår vurdering at området bør definerast som stølsområde. Rauangstølen hadde i tillegg drift på ein støl så seint som i Bygga på 28/3 ligg eksponert til også høve til vegbiletet. Dette fører til at eit bygg med areal og utforming som i meldinga etter vår vurdering i endå større grad vil bryta homogeniteten/heilskapen i bygningsmiljøet. Vurdering For å ta der formelle fyrst: Definerer nemnda for KUN at søknaden er eit næringsbygg etter plan- og bygningslovas 81, vil nemnda ha avgjerdsmynde i saka. Dersom nemnda ikkje finn at bygget er landbruksbygg men må sjåast på som fritidsbygg, vil tilbyggssøknaden vere avhengig av dispensasjon frå bygge- og deleforbodet i Arealdelen, og saka må oversendast planutvalet for behandling der. Heimearealet til gnr. 28/3 er bortleigd, slik at det ikkje er eige drift på eigedommen i dag. Ut frå dagens driftssituasjon på bruket er det isolert sett ikkje behov for eit større sel på stølen enn det som er der i dag. Selstølen er den einaste stølen som tilhøyrer eigedommen. Tidlegare har kommunen ført ein praksis med at landbrukseigedommar har fått bygge nytt/utvide eksisterande sel innanfor akseptable storleikar, uavhengig av driftsforma på eigedommen ved søknadstidspunktet. Noko av grunnlaget for ei liberal haldning til å godkjenne sel har vore at nye/utvida sel er ein ressurs for eigedommen totalt sett, som fylgjer bruket også i framtida. Det har imidlertid vore handheva strengt ved å nekte å godkjenne fleire bygg for varig opphald på stølar som ikkje kan dokumentere behovet for fleire bueiningar. Ei situasjonsbetinga godkjenning av sel ut frå drifta ved søknadstidspunktet kan og verke nokså tilfeldig frå sak til sak. Det kan vere eigedommar der det ved søknadstidspunktet er t.d. mjølkeproduksjon med behov for relativt store sel, men ein har ingen garanti for at denne driftsforma vil vare ved på bruket så lenge eit stort sel varer. I motsett fall kan det vere bruk som ikkje har dyrehald/bruk for sel ved søknadstidspunktet, men som startar opp att med dyrehald t.d. etter eit generasjonsskifte. Nemnda for KUN hadde i sak 21/04 den ein prinsippdiskusjon der konklusjonen var at den liberale haldninga som kommunen har ført når det gjaldt å akseptere sel som landbruksbygg skulle halde fram, sjølv om dette strir imot eindel sentrale forskrifter og tolkingar.

22 Sak 0054/05 Vi kan ikkje sjå at det er rett på eit generelt grunnlag å definere stølshus som fritidsbygg. Skal stølar som ikkje er i aktiv bruk definerast som fritidsbygg i jordlovs- og plan- /bygningslovssamanheng, vil det vere vanskeleg å forklare folk at dei ikkje kan få dele frå stølshus når dei ikkje er å sjå på som næringsbygg. Planutvalet har og gjeve signal om at dei kjem til å endre grensa for storleiken på fritidshus i stølsområder ved behandling av dispensasjonssøknader, utan at det er definert kor ei øvre grense skal gå. Det er etter vårt syn noko inkonsekvent behandling dersom ein eigedom har støl med sel og fjøs, men ikkje får bygge/utvide eksisterande sel, men får dette godkjent dersom søknaden vert behandla som fritidsbustad. Vi er samde med næring og miljø si uttale når det gjeld områdeavgrensingane om at Selstølen og Rauangstølen må sjåast under eitt iallefall fram til stølsprosjektet er opplest og vedteke med noko klårare kriterier for kva som skal vere stølsområde og kva som fell utanom. At selet ligg eksponert til i høve til stølsvegen og innsyn på avstand er det heller ikkje tvil om. Men spørsmålet er om omsøkte bygg skil seg noko vesentleg meir ut i naturen enn eksisterande sel gjer. Bygget vil trass alt ikkje bli høgare enn dagens sel, om enn med noko større bygningsmasse. Rådmannen legg saka fram for nemnda for kultur, utvikling og næring med slikt forslag til vedtak: Nemnda for KUN står fast på at etablerte stølar skal definerast som landbruksbygg i samsvar med 81 i plan- og bygningslova, og at det framleis skal vere ei liberal haldning til godkjenning av utviding/nybygg av sel på stølar. Slike godkjenningar skal ikkje, utan i heilt spesielle situasjonar, omfatte meir enn ei bueining. Når det gjeld vurdering av storleik på bygg, krav til estetikk m.v. for stølshus, vil dette måtte vere i samsvar med ei godkjent plan for stølsområda. Nemnda for KUN vil, på grunnlag av tidlegare praksis med godkjenning av sel som 81- bygg, godkjenne at sel til gnr. 28, bnr. 3, på Rauangstølen, får tilbygg som omsøkt. Handsaming av byggesaka er ei administrativ oppgåve. Behandling i Kultur-, utvikling- og næringsnemnda Gunvor Hegge foreslo å utsette saka til neste møte. Forslaget frå Gunvor Hegge vart samrøystes vedteke. VEDTAK: Saka vert utsett til neste møte. Ny vurdering:

23 Sak 0054/05 Sidan førre behandling har det ikkje skjedd dei store endringane i stølsprosjektet. Vi legg difor saka fram att til ny behandling med same forslag til vedtak som tidlegare. Rådmannen legg saka fram for nemnda for kultur, utvikling og næring med slikt forslag til vedtak: Nemnda for KUN står fast på at etablerte stølar skal definerast som landbruksbygg i samsvar med 81 i plan- og bygningslova, og at det framleis skal vere ei liberal haldning til godkjenning av utviding/nybygg av sel på stølar. Slike godkjenningar skal ikkje, utan i heilt spesielle situasjonar, omfatte meir enn ei bueining. Når det gjeld vurdering av storleik på bygg, krav til estetikk m.v. for stølshus, vil dette måtte vere i samsvar med ei godkjent plan for stølsområda. Nemnda for KUN vil, på grunnlag av tidlegare praksis med godkjenning av sel som 81- bygg, godkjenne at sel til gnr. 28, bnr. 3, på Rauangstølen, får tilbygg som omsøkt. Handsaming av byggesaka er ei administrativ oppgåve. Ein gjer merksam på at det er høve til å klage på vedtaket, jamfør Forvaltningslova. Klagefristen er 3 veker frå det tidspunktet meldinga om vedtaket er komme fram til klagar. Evt. klage skal setjast fram skriftleg til Øystre Slidre kommune, vise til kva for vedtak det vert klaga over og kva for endring ein ynskjer i vedtaket. Kommunen kan gje nærare rettleiing om framgangsmåten ved klage. Partar har rett til å sjå dokumenta i saka, jamfør Forvaltningslova 18 og 19.

24 Øystre Slidre kommune 2940 Heggenes Sak nr. 0055/05 GNR 3 BNR 878. ELSE FLAATEN VONHOLM - OMDISPONERING AV EIGEDOM Ark.: EIGED 3/878 Arkivsaksnr.: 05/01280 Styre / råd / utval Møtedato Saknr. Kultur-, utvikling- og næringsnemnda /05 Saksbehandler: Hans Kristian Syversen Utskrift til: Else Flaaten Vonholm og Øyvind Vonholm Vestre vei 45 B, 1397 NESØYA Bakgrunn for saka: Else Flaaten Vonholm og Øyvind Vonholm søker i brev datert om å omdisponere eigedom gnr. 3, bnr.878 med bygg frå bustad til fritidsbustad. Saksopplysningar Eigedomen gnr. 3, bnr. 878, Grønebakkin 5, Beitostølen (tidl. gnr. 3, bnr. 304, fnr 7) ble etablert i 1978 og det ble same år gjeve byggeløyve for oppføring av eit bustadhus på eigedomen. Utbygginga skjedde i samsvar med då gjeldande reguleringsplan for Beitostølen ( 1975-planen ) der Menkelie var vist som bustadområde. I kommunedelplanen for Beito-Beitostølen-Garli revidert 1996 vart område H15 (Menkelie) gjeve farge byggeområde for hytter. Dette er stadfesta på nytt i no gjeldande kommunedelplan. Det er utarbeidd reguleringsplan for området B.31 Menkelie vedtake Eigedomen inngår også der i byggeområde for hytter. Vurdering Søknaden om omdisponering frå bustad (byggtype 111, einebustad) til fritidsbustad (byggtype 161 fritidsbustad) er kurant og heilt i samsvar med endring av gjeldande regulering for området. Tlf.: Arkiv: EIGED 3/878 Direkte tlf.: Vår ref.: Fax: hans.kristian.syversen@oystre-slidre.kommune.no