Det vert med dette kalla inn til / gjort kjent med møte i Oppvekstutvalet

Transkript

1 Tokke kommune Møteinnkalling Til medlemene i Oppvekstutvalet Det vert med dette kalla inn til / gjort kjent med møte i Oppvekstutvalet Møtestad: Kommunestyresalen, Kommunehuset Dato: Tid: 09:00 Dersom De ikkje kan møte, ber ein om at De melder frå til sentralbordet snarast råd. Vararepresentantane møter berre etter nærare innkalling. Orienteringssaker: 1. Kantine for Tokke skule 2. Oppsummering av besøksrunde v/ utvalsleiar Drøftingssak: 1. Venteliste og barnehagetilbod knytta til Dalen barnehage sjå vedlagte notat Finn Arne Askje Leiar Ingeborg Hetland Konsulent

2 Saksliste Utvalssaksnr PS 12/4 PS 12/5 Innhald Politiske saker til handsaming Ny Dalen barnehage Fritt skuleval i Tokke kommune Lukka

3 Tokke kommune Arkiv: 614 Saksnr.: 2011/14-7 Saksbeh.: Tone Midtbø Direkte tlf.: Dato: Saksframlegg Utval Utvalssak Møtedato Oppvekstutvalet 12/ Kommunestyret 12/ Ny Dalen barnehage Saksdokument: Saksutgreiing: Gjeldande vedtak Det er vedtak i skulestruktursaka frå hausten 2010 om at den nye barnehagen på Dalen skal dimensjonerast med 5 avdelingar og 90 plassar. Vidare vart vedtaket i byggekomiteen elles legge opp til standard normtal for innvendig areal og bornehagen dimensjonerast for 90 plassar. Bygging av ny barnehage skal lysast ut som ein totalentreprise. Arbeidet med å utarbeide kravspesifikasjon/anbodsgrunnlag er i gang. Talet på plassar og arealnorm Dalen barnehage har i dag 90 plassar fordelt på fem avdelingar. To avdelingar er plassert på Tangane i kvar sin kommunale bustad. Tre avdelingar er plassert i Norigardsvegen. Det er i dag venteliste ved Dalen barnehage. Dersom ein bygger ny barnehage for 90 plassar gjev det inga auka kapasitet i barnehagen. 90 plassar er ikkje det same som 90 born. Den sentrale norma ( DKKD- Rundskriv F-08/2006 (Merknadar til lov. 10 Godkjenning, s 40 ) for bygging av barnehagar er:

4 "Veiledende norm for barns lekeareal inne er 4 kvadratmeter netto per barn over tre år og om lag 1/3 mer per barn under tre år. Utearealet i barnehagen bør være om lag seks ganger så stort som leke- og oppholdsarealet inne. Til dette arealet regnes ikke parkeringsplass, tilkjørselsveier og lignende." Tokke Kommune har ein arealnorm (vedteke av Tokke kommunestyrestyre i sak 07/038) som seier at det skal vere eit leike- og opphaldsareal på 4,5 m2 pr barn frå 3-6 år og 9 m2 pr barn frå 1-3 år. Born under tre år tel altså to plassar. Vinje kommune har ein arealnorm med leike- og opphaldsareal på 4 m2 pr. barn over tre år og 8 m2 pr. barn under tre år. I Vinje tel barn under tre år to plassar. Seljord kommune har ein arealnorm med leike- og opphaldsareal på 4 m2 pr. barn over tre år og 6 m2 pr. barn under tre år. Dette betyr at barn under tre år tel 1,5 plass. Tokke kommune har altså ein romslegare arealnorm enn den sentrale norma. Det har vore eit føremon fordi arealet i gamle barnehagar vert dårlegare utnytta enn nybygde spesialtilpassa barnehagar. Ved bygging av ein ny barnehage får ein utnytta arealet på ein mye betre måte. Ein bør vurdere om ein bør dispensere frå Tokke kommune sin arealnorm. Argumenter som talar for å nytte Tokkenorm Tokke kommune sin arealnorm med leike- og opphaldsareal på 4,5 m2 pr barn over tre år og 9 m2 pr barn frå 1-3 er viktig for dei eksisterande barnehagane fordi dei held til i bygg som ikkje i utgangspunktet er dimensjonera for barnehagedrift. Det er viktig å halde på Tokkenormen for dei eksisterande barnehagane, sjølv om ein vel å gå for standardnorm i ny barnehage. Tokkenormen er også eit kriterium som nyttast i rekruttering av førskulelærarar til Tokke, fordi det signaliserar betre arbeidsforhold. Det må også vurderas om det er hensiktsmessig eller utan betyding om ein skal operere med ein eller to normer i Tokke kommune. Argumenter som talar for å nytte standardnorm Tokke kommune sin arealnorm med leike- og opphaldsareal på 4,5 m2 pr barn over tre år og 9 m2 pr barn frå 1-3 får konsekvensar økonomisk og arealmessig. Ein barnehage dimensjonera for seks avdelingar (108 plassar; 3 småbarnsavd. og 3 store avd.) vil etter den sentrale norma verte ca. 900 m2 i bruksareal. Ved bygging etter Tokke sin arealnorm vil den verte større. Det er ønskjeleg å bygge barnehagen i eit plan. Dagens barnehagetomt er på ca m2. Ein ser at med dei krav til storleik på ute- og parkeringsareal som gjeld kan det verte trong for tilleggsareal til parkering mm. Rådmannen si tilråding: Dalen barnehage byggast ut for 108 plassar fordelt på seks avdelingar. Det nyttast standardnorm som er 4 m2 som leike og opphaldsareal for born over 3 år og 6 m2 som leike og opphaldsareal for born under 3 år.

5 Tokke kommune Arkiv: 151 Saksnr.: 2011/ Saksbeh.: Brit Houge Direkte tlf.: Dato: Saksframlegg Utval Utvalssak Møtedato Oppvekstutvalet 12/ Kommunestyret Fritt skuleval i Tokke kommune Vedlegg: 1 Utkast til kriteriar for friare skuleval i Tokke Saksdokument: KS sak 11/65 Budsjett 2012 Saksutgreiing: Fritt skuleval i Tokke kommune blei vedteke i formannskapet og i kommunestyret I kommunestyret blei det vedteke at oppvekstutvalet skal fylgje opp saka overfor kommunestyret. Vedtaket lød slik: Fritt skuleval i Tokke. Fritt skuleval for grunnskulen i Tokke blir innført frå Oppvekstutvalet kjem attende til kommunestyret med framlegg til retningsliner og vurdering av økonomiske konsekvensar av å innføre fritt skuleval. Frist for å legge fram ei innstilling til kommunestyret er Inndekning blir vurdert i samband med handsaming i kommunestyret etter Fritt skuleval vil medføre at ein opphever krinsgrensene slik at kommunen utgjer ein skulekrins. Det er sett nærare på kva erfaringar kommunar som har innført fritt skuleval har gjort. Nettsøk visar at fritt skuleval synast å vere meir utbrede når det gjeld vidaregåande skule enn grunnskulen. Det verkar vere få kommunar som har innført slik ordning eller som fortsatt har slik ordning i dag. Ålesund, Larvik, Stavanger, Haugesund, Klepp og Bergen er kommunar som har innført fritt skuleval (eller friare skuleval som er eit anna begrep som vert bruka). Tønsberg vedtok friere skolevalg i 2009, men har frå endra dette tilbake til gammal ordning. Begrunninga var den økonomiske stoda i kommunen, og trong for å vidareutvikle ein meir robust og kostnadseffektiv skulestruktur.

6 Kriteriane for dei som har innført ordninga er stort sett like. Det er særleg ungdomsskolane ordninga er retta inn mot, hos nokon også 1.klasse, sjølv om alle kommunane tillet skulebytte for alle dersom det ligg føre særskilte årsaker. I slike tilfelle vert også skyss dekka. Ein forskningsrapport frå 2005, skrive av Kjell Sunnevåg, forskningssjef ved Samfunns- og næringslivsforskning AS (SNF), visar til studier gjort i desse kommunane og nokre til, når det gjeld erfaringar ved innføring av brukervalg. Studien tek for seg både brukarval av pleie- og omsorgstenester og fritt skuleval, og diskuterar prinsipper og problematikk i høve til ordningane. Kjell Sunnevåg har skrive ein artikkel på grunnlag av forskningsrapporten, gjengjeve i magasinet Magma 1/2005 og kalla Hvorfor fritt skolevalg er kontroversielt. Argument frå artikkelen er gjengjeve i denne saka. Generelt om fritt skuleval Fritt skuleval er prinsipielt det same som fritt brukarval av omsorgstenester, og fungerar i praksis likt. Brukaren skal velje det tenestestedet han ynskjer å nytte. Eleven kan i samråd med foreldra- velje mellom ulike skuler, offentlege eller private, innafor eller eventuelt utanfor kommunen eller fylket. Alle elevar har rett til å gå på nærskulen sin, og treng ikkje å søkje om dette. Men har dei ynskje om å gå på ein annan skule, skal dei ha rett til det så lenge det er plass og det ikkje fører til ekstra kostnader som behov for ekstra bemanning m.v. I prinsippet skal pengane følgje eleven, slik at den skulen han flyttar frå får mindre pengar, mens den skulen han flyttar til, får auka sitt budsjett for å ta inn eleven. Små skular kan eventuelt få ein større bunnfinansiering for å motverke skalaulemper. For at foreldra og elevane skal få eit best mogleg grunnlag for å velje, visar forskaren til tilrådingar om at den einskilde skule sine resultater i høve til trivsel og karakterar skal vere offentlege og lett å få tak i for samanlikning. Tanken er at dette skal presse skulane til å levere betre kvalitet på sin undervisning. Nokon føresetnader må vere tilstades for at fritt skuleval skal verte realisert i praksis; det må vere ledig kapasitet ved skulane for at valmoglegheiten skal vere reell. For det andre må skulestruktur, skuleskyss og skuleskyssfinansiering vere slik at ikkje fysisk avstand vert begrensande for eleven sin valmoglegheit. Tidspunktet for val av skule må vere slik at det er mogleg for skulen/skuleeigar å planleggje og gjere endringar i elevmassen. Når ein skal lage rammer og retningsliner for ordninga, er det viktig å identifisere moglege uheldige verknader ordninga kan få, slik at ein kan førebu seg og vurdere tiltak mot konsekvensar ein vil prøve å unngå. Det kan sjå ut til å vere utfordringar med å rekne ut kva som er riktig beløp som skal fylgje ein elev som byttar skule. Her kan det vere greitt å søkje råd frå dei kommunane som har etablert ordninga hos seg, som t.d. Ålesund, Haugesund og Larvik. Det er og utfordringar knytta til å handtere overtallige lærarar ved skular som vert vald bort. Fritt skuleval kan føre til at enkelte skular må leggjast ned. Det kan vere bra fordi det kan vere eit signal om at kvaliteten er for dårleg. Samstundes kan det opplevast uheldig for dei som har denne skulen som sin føretrukne, men som må ta konsekvensen av dei val andre enkeltelevar har gjort ( som har ønskt seg til ein annan skule). I prinsippet har då ikkje dei eit fritt skuleval. Forskningsrapporten som det er vist til i denne saka, visar til at fritt skuleval kan føre til at ein får ein sortering av elevane i A- og B-skular. I ein situasjon der det er auka konkurranse mellom skulane kan det verte overfokusering på elevprestasjonar og skulen sine (elevane sine) karakterer. Dette kan ein til ein viss grad korrigere ved å setje klare krav til undervisningsinnhaldet.

7 Det kan og føre til segregering dersom mange elevar frå eit miljø søkjer saman. I ei årsmeldinga for ein av skulane i Klepp kommune heiter det Vi ser at ein effekt av fritt skuleval er at dette vanskeleggjer integrering. Alle elevar frå eks. Somalia ønskjer å gå på Kleppe skule. Dette er ikkje nokon god løysing då denne elevgruppa er såpass stor nå at dei klarer seg sosialt med å omgås kvarandre. Dette er uheldig både med tanke på å bli integrert i lokalsamfunnet og i lys av å bli god i norsk. Dette eksemplet er ikkje så relevant for Tokke kommune, men slike konsekvensar av fritt skuleval kan det vere greitt å vere merksam på. På den andre sida visar forskningsresultater også at fritt skuleval gjev ein positiv effektiviseringsgevinst. Dette synest særleg å gjelde i urbane områder. Undersøkinga som er gjort blant kommunane i Norge som har innført friare skuleval, har vist at det har vore ein del skepsis blant rektorar og lærarar. Dei har frykta at skulane kom til å samarbeide mindre og i mindre grad dele idear og utviklingsarbeid fordi dei kom i konkurranse med kvarandre. Dei har og vore opptatt av at ein må trekkje på skulefagleg kompetanse og involvere rektorane før og i gjennomføringsprosessen. Ein demokratisk prosess i organisasjonen og i høve til dei som vert berørt, vil gjere det lettare å få desse med når ordninga skal gjennomførast. Forankring er viktig. Det bør undersøkast nærare kva utslag ordninga har gjort på samarbeidet kontra konkurransen mellom skulane i desse kommunane. Retningsliner Kommunestyret har bede om at det vert utarbeida forslag til retningsliner. Det må utarbeidast eit sett med retningsliner som skal gjelde ordninga generelt, og så må det gjerast unnatak og utvide fristen for 2012, sidan saka fyrst kjem til handsaming i mars og ordninga skal fungere allereie denne hausten. Med bakgrunn i mellom anna Larvik og Ålesund sine reglar vert det foreslått retningsliner for ordninga. Forslaget fylgjer som vedlegg til saka. Økonomiske konsekvensar Ordninga med fritt eller friare skuleval vil ha økonomiske konsekvensar som kan vere til fordel eller ulempe for kommunen, på kortare eller lenger sikt. Slike konsekvensar kan vere: 1) At det vert oppretta nye klassar ved skular som blir vald framfor andre, dersom ein tillet og ynskjer dette 2) At ein ikkje klarar å rekne ut og overføre dekkande beløp som skal fylgje eleven slik at det blir ein skeivfordeling mellom skulane 3) At ein må handtere overtallighet blant lærarar i enkelte skular. Dette kan vere kostnadskrevjande i ein overgangsperiode dersom dei overtallige ikkje får nytt arbeid. 4) At skular som får for lågt elevtal kan bli lagt ned. Dette er ein konsekvens som kan gje innsparing på lenger sikt. 5) At ein får auka skysskostnader som anten dei føresette eller kommunen må ta. Dei fleste kommunane som praktiserer fritt skuleval, har gjort det klart at dei føresette sjølv må ta skysskostnadane dersom dei velgjer ein annan skule enn nærskulen. Dette gjeld med mindre det er særlege omsyn som gjer at eleven ikkje skal gå på sin nærskule, begrunna i sosiale forhold (t.d.mobbing) eller læringsmiljø. I slike tilfelle kan eleven få dekka skysskostnadene av kommunen. Ved å gjere det klart i retningslinene at friare skuleval ikkje kan innvilgast dersom det fører til auka kostnader for kommunen, vil ein sikre kommunen mot uønska og

8 ukontrollerbare økonomiske konsekvensar. Dette gjeld både organiseringa av klassar og finansiering av skyss. Rådmannen si tilråding: Rådmannen tilrår at ordninga med fritt skuleval vert gjennomført i høve til retningsliner som sikrar at kommunen ikkje får uønska og ukontrollerbare økonomiske konsekvensar. Skulane må setje av tid til å drøfte kva ordninga vil få å seie for samarbeidet mellom skulane, og korleis dei vil løyse arbeidet med ordninga skulane imellom, til beste for elevane. Ordninga evaluerast innan slik at ein får justert retningslinene før informasjon om ordninga skal sendast ut. Deretter vert ordninga grundigare evaluert ut frå pedagogiske, sosiale og økonomiske konsekvensar innan

9 Vedlegg til sak om fritt skuleval. Utkastet vil bli gjennomgått og kommentert av rektorar og tillitsvalde innan møte i Oppvekstutvalet Kommentarar og alternative forslag vil bli presentert i møtet. Utkast til kriteriar for friare skuleval i Tokke. 1.Alle elevar har etter loven rett til å gå på den skulen som er nærast heimen. Dette treng dei ikkje søkje om. Føresette som ynskjer at barnet deira skal byrje i 1.klasse på barnetrinnet på ein annan skule enn nærskulen, må søkje elektronisk eller skriftleg til skulen dei har vald innan 1.mars året før.( I 2012 er søknadsfristen 1.april. ) 2. Eleven kan og søkje om ny skule ved inntak til 8. trinn. Skulen kan då avvise elevar om dette vil føre til at ekstra klassar må opprettast. eller 2. Elevar kan velgje kva for ein av ungdomsskulane dei vil begynne på fra 8. trinn. 3. Det kan gjerast val undervegs i skuleløpet. Når føresette ynskjer at barnet skal byte skule, sender dei søknad elektronisk eller skriftleg til skulen der dei ynskjer plass. Rektor ved den skulen eleven søkjer seg til og skulen som eleven forlet, skal saman med skuleeigar avgjere saka ut frå ei heilskapleg vurdering. Det skal leggjast vekt på at eleven for eigen del vil ha ein klar føremon av å byte skule. 4. Elevar/føresette som velgjer ein annan skule enn den nærmaste, må sjølv betale ekstra skysskostnader. Elevar som har skyssrett til nærskulen, vil behalde skyssretten så lengje det ikkje førar til auka skysskostnader for kommunen. 5. Om det ikkje er plass ved ynskja skule, skal elevane få tilbod om plass ved alternativ skule i prioritert rekkefølge slik: a. Eleven har prioritet i forhold til nærleik til skulen. b. Syskjen gjeng ved same skule. c. Trong for spesiell tilretteleggjing er teke vare på ved ynskja skule. 6. Ordninga vert administrert av skulane. Skuleeiegar/Barneskulane informerar føresette om ordninga før skulestart. Barneskulane skal informere alle sine elevar på 7. trinn om ordninga innan 1. februar kvart år. Skjema for dei som vil melde at dei vil bruke ordninga må være fylt ut elektronisk eller levert tilbake innan 1. mars. Barneskulane sendar innkome meldingar vidare til den aktuelle ungdomsskulen. Svar til elevane skal liggje føre innan 15. mars frå ungdomsskulane. 7. Ordninga med friare skuleval evaluerast etter 1 år.

10 Notat Vår ref Sakshandsamar: Arkivkode: Dato: 2012/445-1 Ingeborg Hetland, A Til: Oppvekstutvalet Frå: Kst. kultur- og oppvekstsjef Brit Houge Venteliste og barnehagetilbod knytta til Dalen barnehage Ordførar ber oppvekstutvalet å vurdere om det skal fremjast sak for å gje eit barnehagetilbod på Dalen til familiar som står på venteliste. Tokke kommune har full barnehagedekning. Det er ledig kapasitet ved alle barnehagane med unnatak av Dalen barnehage. Det må difor gjerast ei politisk vurdering om ein skal gjere noko med ventelistesituasjonen no, slik at alle som ynskjer det, kan få tilbod om barnehageplass på Dalen. Tildeling av plassar Det er søking og opptak til barnehagane ein gong per år med frist 28.februar, og alle barn over 1 år som er fødd seinast i september året før, har krav på plass i påfølgjande barnehageår. (Barn som fyller ett år seinast innan utgangen av august det året det søkast om barnehageplass har rett på å få plass frå august same år.)barnehageåret startar i Dalen barnehage I Tokke har det vore praksis å gje barn plass etter kvart som dei fyller 1 år. I andre kommunar er det vanleg at det vert gjort opptak ein gong per år, og dei som ikkje får plass må då søkje neste år. Slik sett får foreldra i Tokke eit spesialtilpassa tilbod så lenge det er ledige plassar, og også før tiden. Venteliste Det er i dag tre familiar som står på venteliste til Dalen barnehage. Barna det gjeld har krav på plass frå hausten Dette dreier seg om full plass for to 1-åringar ( fyllar år i mars og mai), og utviding av plass frå tre dagar til full plass for det tredje barnet, som var 1 år i januar. Alle familiane er gjeve tilbod om plass ved ein av dei andre barnehagane i kommunen, men meiner at dette ikkje er tilfredsstillande på grunn av reiseveg. Dei ynskjer eit tilbod på Dalen og meiner at det er viktig i høve til jobb og val av bustadkommune. Ein fjerde familie som inntil nyleg har stått på fyrste plass på ventelista, har teke imot tilbod om plass for sin 1-åring i Byrte barnehage. Dalen barnehage Dalen barnehage er ei 5-avdelingsbarnehage, fordelt på 3 avdelingar i hovudbygget Dalen barnehage (hovudsakleg 3-5åringar) og 2 småbarnsavdelingar ( 1-2 år) på Tangane. Kvar avdeling har 18 plassar, og har ikkje kapasitet til å ta inn fleire barn. I sak om bygging av ny Dalen barnehage, som er til handsaming i dette møtet og i kommunestyret same dato, tilrår rådmannen at den nye barnehagen vert utvida til 6 fulle avdelingar og til saman 108 plassar, for å ta høgde for auka søking til Dalen barnehage i tida framover. Arealnormar Tokke nyttar ein romslegare arealnorm per barn enn det som er standard norm. Barnehageloven seier at ein minimum må rekne 4m2 leike- og opphaldsareal per barn frå 3-5 år, og minimum 6m2 per barn under 2 år. Barn under 2 år teljer 1,5 plassar. Tokke sin norm er på 4,5 m2 per barn frå 3-5 år, og 9m2 per barn under 2 år. Barn under 2 år teljer 2 plassar.

11 Den såkalla Tokkenormen er vedteke på grunn av at ein har nytta lokaler som ikkje har vore berekna til barnehagedrift og som ikkje får utnytta arealet sitt på same måte som ein spesialbygd barnehage. I saka om ny Dalen barnehage tilrår rådmannen at ein nyttar standardnorm for det nye bygget. Rådmannen vil tilrå at ein ikkje gjer om Tokkenormen på eksisterande barnehager, då dette vil gje mindre plass og eit kvalitetsmessig dårlegare tilbod til dei barna som har plass i barnehagen. Trong for bemanning Kvar avdeling er bemanna med 300 % stillingar, ein pedagogisk leiar i 100 % stilling, og 1-2 førskulelærarar, subsidiært assistentar. Dersom ein aukar antall plassar utover 18, utløyser dette eit krav om ny bemanning. Det må då tilsetjast ein pedagogisk leiar i 100 % stilling. ( og event 1-2 førskulelærarar, subsidiært assistentar. )Tokke kommune har eit vedtak som seier at alle assistentstillingar som blir ledige, skal gjerast om til førskulelærarstillingar opp til at Dalen barnehage har heimel til 500% førskulelærarstillingar. Event at nye stillingar blir lyst ut som dette, opp til same førskulelærardekking. Førskulelærarmangelen er stor også i Tokke som i resten av landet, og det er difor fleire stillingar der det er assistentar som er konstituerte som førskulelærarar. Kostnader Dersom ein aukar barnehagen med ei avdeling, vil dette gje lønskostnader til inntil 300% stillingar, og i størrelseorden 1,5 mill. I tillegg kjem eventuelle fysiske utbetringar av lokalet, driftsutgifter og tap av husleige. Utnytting av eksisterande arealer Det har frå foreldre vore stilt spørsmål om arealet i Dalen barnehage er godt nok utnytta, og om det er mogleg å rekne seg fram til at fleire barn kan få plass. Styrar ved Dalen barnehage har tidlegare rekna på kvadratmeter og utnytta plassen maksimalt for å klare å tilby 18 plassar i kvar avdeling. I dei tre avdelingane som ligg i kvar sin fløy i hovudbygget, er det rekna med fellesareal i annan del av barnehagen for å få reknestykket til å gå opp. Det fysiske arealet i kvar av dei tre avdelingane er faktisk litt mindre totalt enn det standard norm tilseier, men er lovleg ved at ein har rekna med kjøkken og fellesrom i den fjerde fløyen. Kvar av dei to småbarnsavdelingane på Tangane har 18 plassar og 9 barn kvar dag. Leike- og opphaldsareal er på ca 87m2. Einaste måten å få inn fleire barn her vil vere dersom ein gjer om arealnormen frå Tokkenorm til standard norm for ei av avdelingane. Det må i tilfelle vere eit politisk vedtak som endrar normen. Om ein går over 9 barn, må ein bemanne med 100% pedagogisk leiar (og event. to førskulelærarar.) Normen for ped.ledar er lovfesta og gjeld uansett Tokkenorm eller standardnorm. Frå eit barnehagefagleg synspunkt er det ikkje tilrådeleg å ta inn fleire på ei gruppe. Ein vil då operere med to ulike normer på eksisterande barnehager i Tokke, slik at ein gjev eit kvalitetsmessig dårlegare tilbod til nokon barn enn andre. Foreldra som får trangare areal for sine barn vil kunne klage og be om likeverdige forhold. Alternativt kan ein gjere om til standardnorm for alle eksisterande barnehager. Dette vil vere ei løysing som gjev dårlegare arbeidsvilkår for dei tilsette, ettersom arealane som nyttast ikkje er bygd for å vere barnehage. Både Tokke og Vinje har betre arealnormer enn standardnormen for eksisterande barnehager, og ein kan til ein viss grad frykte at ei endring i Tokke kan medverke til at personale føretrekkjer nabokommunen eller andre kommunar når dei skal velje arbeidsstad. Mogleg ny mellombels avdeling Dersom ein politisk ynskjer å gjere noko med ventelistesituasjonen på Dalen, kan dette gjerast ved å ta i bruk eit bustadhus som tidlegare har vore nytta som barnehage (Maurtua). Det ligg ved sida av dei to andre småbarnsavdelingane til Dalen Barnehage på Tangane. Det er no ledig for bruk. Dersom ein skal opprette ny avdeling no, vil dette

12 vere det fagleg best egna huset, og det er ikkje trong for kostnadskrevjande oppussing eller tilrettelegging. Dersom ein nyttar dette huset til ein 6.avdeling ved Dalen barnehage, løyser ein situasjonen for dei som har krav på plass frå hausten, og ein vil og ha kapasitet til å ta imot fleire barn etter kvart som nye søknader kjem. Dette forutset at ein får tak i personale med godkjend utdanning, og at ein politisk velgjer å finansiere ein 6.avdeling på Dalen framfor å nytte ledig kapasitet andre stader i kommunen. Trong for lokaler i byggeperioden Når nye Dalen barnehage skal byggjast, må 3 avdelingane flyttast ut til mellombels lokale. Løysingar for dette er til vurdering. Dersom ein skal nytte Maurtua til ein 6.avdeling, må det skaffast lokale til 3 avdelingar. Ei aktuell løysing er å nytte einebustaden på Moensjordet(Savuti) til ein avdeling, og leggje til rette for å ha to avdelingar på Kyrkjebø. Eit anna forslag som vert utreda økonomisk er å leige brakkeløsninger. Dette er dyrare enn å nytte eksisterande bygningar, men dersom ein kan plassere brakkane på Tangane vil alle avdelingane ved Dalen barnehage kunne vere i nærleiken av kvarandre, og lettare kunne bytte vakter og avlaste kvarandre. Rådmannen vil elles gjere merksam på at det å opprette ein ny avdeling samtidig som byggeperioden pågår, vil medføre ekstra arbeid med å skaffe personale, og følgje opp og drifte avdelinga. Innhaldet i dette notatet vil bli drøfta i leiarmøte i Oppvekstetaten , og synspunkt frå møtet vil bli presentert for utvalet. Styrar ved Dalen barnehage, Dagny Skjelbreid, vil vere til stades på Oppvekstutvalet sitt møte og svare på spørsmål. Dalen Brit Houge Kst kultur- og oppvekstsjef

13 Føremoner 1. Ved å opprette ein 6. avd ved Dalen barnehage, har ein alt oppretta det det som er behov for i byggesak om Dalen bhg 2. Dersom oppretta ein 6.avd i tilrettelagt bustad, vil ein samla ha ledig kapasitet til å ta imot fleire barn under og etter byggeperioden 3. Høgt servicenivå for innbyggjarane 4. Maurtua nærhet til andre småbarnsavdelingar 5. Ein får nytta hus som står ledige Ulemper 1. Pådrar seg lønskostnadar for inntil 3 fulle stillangar som følgje av at ein overstig 18 plassar 2. Vanskar med å rekruttere kvalifisert personale 3. Ein må skaffe alternative lokaler for 3 i staden for 2 avdelingar under byggeperioden. 4. Kostnader knytt til tilrettelegging av avdelingar, både den som vert den 6.avdelinga og dei lokalane som vert nytta i mellombels periode 5. Tap av leigeinntekt i kommunal bustad Nokon sentrale utklipp frå dagens Barnehagelova. 12. Samordnet opptaksprosess i kommunen Alle godkjente barnehager i kommunen skal samarbeide om opptak av barn. Kommunen skal legge til rette for en samordnet opptaksprosess, der det tas hensyn til barnehagenes mangfold og egenart. Brukernes ønsker og behov skal tillegges stor vekt ved selve opptaket. Ved en samordnet opptaksprosess skal likebehandling av barn og likebehandling av kommunale og private barnehager sikres. 12a. Rett til plass i barnehage Barn som fyller ett år senest innen utgangen av august det året det søkes om barnehageplass, har etter søknad rett til å få plass i barnehage fra august i samsvar med denne loven med forskrifter. Barnet har rett til plass i barnehage i den kommunen der det er bosatt. Kommunen skal ha minimum ett opptak i året. Søknadsfrist til opptaket fastsettes av kommunen I 18 gis departementet hjemmel til å fastsette utfyllende forskrifter om pedagogisk bemanning, dvs. fastsette en pedagognorm. Dette er gjort i forskrift om pedagogisk bemanning. I forskrift om pedagogisk bemanning er det stilt krav om at det skal være minimum én pedagogisk leder per barn når barna er over tre år og én pedagogisk leder per 7 9 barn når barna er under tre år og barnas daglige oppholdstid er over seks timer. Normen angir ikke størrelsen på barnegruppene. Det kan organiseres både større og mindre grupper hele eller deler av dagen eller uken