MØTEINNKALLING Tysnes kommune

Transkript

1 MØTEINNKALLING : ARBEIDSMILJØUTVALET Møtestad : Rådhuset : Tid : SAKLISTE: saknr. Arkivsaknr. Tittel PS 10/10 10/244 INTERNKONTROLL - HANDLINGSPLANAR 2010 PS 11/10 10/526 ÅRSRAPPORT OVER VERNE- OG MILJØARBEIDET FOR 2009 PS 12/10 09/363 KARTLEGGJING AV UØNSKA DELTID PS 13/10 08/561 ARBEIDSMILJØUTVAL PS 14/10 10/536 A OPPLÆRINGSPLAN HELSE- OG SOSIALETATEN 2010 PS 15/10 10/535 OPPLÆRINGSPLAN - SKULEETATEN 2010 PS 16/10 09/1178 AVVIKSMELDINGAR PS 17/10 09/1179 ARBEIDSMILJØUTVALET - YMSE

2 18 10/ Saksnummer PS 10/10 INTERNKONTROLL - HANDLINGSPLANAR 2010 Vedlegg: 1. Skriv til verneleiarar og verneombod dagsett Handlingsplan for HMT arbeid Tysnes skule 3. Handlingsplan for HMT arbeid Uggdal skule 4. Handlingsplan og HMT årsrapport Lunde skule 5. Handlingsplan for HMT Dagsenter for pu 6. Handlingsplan for HMT Bustader for pu i Vågsmarka 7. Handlingsplan for HMT Bustader for pu i Uggdal 8. Handlingsplan for HMT Open omsorg 9. Handlingsplan for HMT Tysnes sjukeheim 10. Handlingsplan for HMT Rådhuset 11. Handlingsplan for HMT Reinhaldstenesta på Rådhuset 12. Handlingsplan for HMT Onarheim barnehage 13. Handlingsplan for HMT Myklestad og Vågsmarka barnehage 14. Handlingsplan for HMT Lunde barnehage SAKSUTGREIING: Det vert vist til internkontrollhandboka del II kap. 11 G der det står følgjande om handlingsplanar: Etter gjennomgang av arbeidsmiljølova, føresegner, IK-runde og ev. møter må tiltak verta vurdert. Småting det er lett å gjera noko me, vert utført. Meir tidkrevjande saker, men ikkje større enn at avdeling sjølv kan handtera dei, vert ført i prioritert rekkjefølgje på ein handlingsplan for avdelinga. Det er viktig at problema vert prioritert, og at det er funne gode løysingar før handlingsplanen vert sett opp. Handlingsplanane skal årleg sendast arbeidsmiljøutvalet og etatsjef innan 1. mars. Større saker som avdelinga ikkje sjølv kan klare å gjennomføra, må takast opp gjennom den årlege prosessen med årsbudsjett og økonomiplan. For at AMU skal få eit best mogleg utgangspunkt for vurdering av planane vil me referera nokre punkt som kanskje er særskilt relevante ved det einskilde verneområdet:

3 19 1. Verneområde open omsorg Det er positivt at det for året 2010 er utarbeidd ein sams plan for open omsorg og at det ikkje lenger er skilje mellom heimehjelpstenesta og heimesjukepleia. Planen tek opp punkt knytt til fysisk arbeidsmiljø og ulike organisatoriske tiltak for å betra arbeidsmiljøet. Det er positivt at ein i planen legg fram konkrete tiltak knytt til betre opplæring av tilsette. Dei fleste tiltaka på planen kan løysast gjennom interne tiltak i avdelinga eller innan etaten. Av større tiltak nemner me framlegg om ein ny leasingbil. 2. Verneområde Tysnes sjukeheim I verneområdet er det sett eit ganske breitt fokus på psykososialt arbeidsmiljø, det er positivt, men det bør vera eit mål å konkretisera dette litt meir i planen for komande år. Utover dette er verneplanen for 2010 i første rekkje knytt til ulike fysiske arbeidsmiljøfaktorar, nokre av desse vert ivareteke innan rammene av verneområde og etaten, medan nokre vert spelt inn til arbeidet med ein ny sjukeheim. I planen kan det med fordel presiserast kven som er ansvarleg for gjennomføring av tiltak i verneområde, dette gjeld sjølv om arbeidet faktisk må utførast av andre. 3. Verneområde - Bustader for pu i Vågsmarka I hovudsak er det sett fokus på organisatoriske tilhøve ved dette verneområdet. Medarbeidarsamtalar og innhald i personalmøte er punkt under styrking av arbeidsmiljøet. Det vert elles vist til behov for å betra arbeidet med prosedyrar og retningsliner. Punkta kan konkretiserast noko meir og det bør setjast opp dato for kva tid tiltaket skal vera gjennomført, eventuelt kva tid tiltaket skal vera evaluert. Tiltaka som er lagt i planen bør kunna la seg løysa innanfor avdelinga sine ressursrammer. 4. Verneområde Bustader for pu i Uggdal og dagsenter Det er levert to planar for dette verneområdet. Ved bustader for pu i Uggdal er det eit fokus på å unngå slitasjeskader som følgje av tunge løft i samband med stell. Det er også sett fokus på psykososialt arbeidsmiljø, men dette punktet kan følgjast opp med meir konkrete tiltak. Ved dagsenter for pu er det sett eitt breitt fokus på psykososialt arbeidsmiljø, men også her kan det vera ønskjeleg med meir konkrete tiltak for å oppretthalda eit godt arbeidsmiljø. Opplæring i handsaming av utagerande brukarar er eit tema som er sett på planen og noko me kanskje bør ta opp på tvers av verneområda.

4 20 Alle verneområda som er knytt til arbeid med psykisk utviklingshemma tek opp brann og evakuering som eit punkt. Tiltaka i planen bør kunna la seg løysa innan avdelinga sine eigne ressursrammer. 5. Verneområde Rådhuset Det er levert to verneplanar for dette verneområde, den eine planen er frå reinhaldstenesta, denne planen tek i første rekkje opp problemstillingar som let seg løysa innanfor avdelinga sine eigne budsjettråmer. I planen for Rådhuset er det skilt mellom psykososiale og organisatoriske tilhøve. Psykososiale og organisatoriske tiltak tek opp samarbeid og behov for opplæring ved innføring av nye system og andre endringar. Når det gjeld fysiske tilhøve er det nokre tilhøve som kan løysast innan dagens ressursrammer, det gjeld mellom anna tilhøve knytt til låsing av dører, ventilasjon og varmeregulering, reinhald, skilting og problem med tinging av møterom. Det er også teke opp tilhøve som inneber større arbeid knytt til ombygging av eksisterande kontorløysingar, dette gjeld skule- og helse- og sosialkontoret, psykisk helseteneste og helsestasjon der kontorløysingar vert opplevd som mindre tilfredsstillande. Låsing av hovuddør er p.t. teke ut av HMT planen, då det vart innført ny rulleringsordning. Det kan vera aktuelt å ta opp att dette dersom det er mogleg å få automatisk tidsstyring av dør, p.t. er det vurdert til å vera ei for dårleg løysing med omsyn til tryggleik. 6. Verneområde Onarheim skule og barnehage Ut frå at det no er ei omfattande rehabilitering på dette verneområde er det semje om at det ikkje vert utarbeidd handlingsplan før dette arbeidet er ferdig. Det er likevel utarbeidd verneplan for Onarheim barnehage, tiltaka her er av ein slik karakter at dei kan gjennomførast innan eigne rammer. 7. Verneområde Vågsmarka og Myklestad barnehage Fjerning av snø/istappar frå tak og måking av snø er tiltak som er ført opp. Det er sendt brev om dette, men det vert vist til at barnehagane ikkje har fått svar. 8. Verneområde Lunde skule og barnehage Det er levert ein verneplan for verneområdet, i tilegg er det levert ein HMT årsrapport. Dette er positivt då HMT årsrapporten gjev ei grei gjennomgang av tiltaka frå førre år og kan i tillegg verka til å gjera arbeidet med tiltaksplanen litt meir spissa. På Lunde skule er det peika på ulike fysiske tilhøve. Dei fleste av tiltaka let seg gjennomføra innan eigne rammer.

5 21 I Lunde barnehage er det stort sett tiltak som let seg gjennomføra innan eigne rammer, me merkjer oss problemstillinga med farleg kjellartrapp. 9. Verneområde Reksteren skule og barnehage Reksteren barnehage er mellombels nedlagt, det er ikkje motteke verneplan for Reksteren skule. 10. Verneområde Uggdal skule Planen for verneområde tek opp både fysiske og psykososiale tilhøve ved arbeidsmiljøet. Verdibasert leiing er eit av tiltaka som er teke opp for å betra det psykososiale arbeidsmiljøet, det er interessant for AMU å få nærare tilbakemelding om effekten av eit slikt tiltak. Det er også teke opp eit punkt som er knytt til utskifting av arbeidsstokken, det kan vera ei utfordring for den einskilde arbeidsplass at einskilde tilsette søkjer seg over til anna arbeid i verksemda og her må me søkja å finna gode løysingar for heile verksemda vår, me kan likevel ikkje stenge for tilsette som ønskjer andre utfordringar. Ved overflytting av personell så skjer ikkje det utan drøftingar med fagetat og i regelen den einskilde arbeidsplass, for at skal ta sitt ansvar som IA verksemd så må omstillingsprosessar styrast frå eit overordna nivå. Dei fysiske tilhøva som vert teke opp er i hovudsak mindre omfattande arbeid som i noko grad kan løysast innan eksisterande rammer. 11. Verneområde Tysnes skule Ein del av tiltaka ved Tysnes skule er større byggtekniske tilhøve som må vurderast opp mot økonomiplan. Fleire av tiltaka er av ein slik karakter at dei vil krevja prioritering i økonomiplanen. Når det gjeld psykososiale tilhøve er plan for fysisk og psykisk vald ennå ikkje på plass, det er heller ikkje plan for konflikthandtering. I planen er det lagt opp til at dette skal vera på plass innan 1. august d.å. Planane bør leggjast fram for AMU. Generelt om planane Planane held jamt over god kvalitet, det er positivt at fleire arbeidsplassar no også har fokusert på organisatoriske tilhøve ved arbeidsmiljøet. AMU sitt vedtak i 2009 om at verneplanar skulle ta opp både fysiske og psykososiale faktorar er ikkje fylgt godt nok opp i alle verneområda. Det er berre eit fåtal av verneområda som har ført opp talet på tilsette. Svært mange av tiltaka som er ført opp er av ein slik karakter og eit slikt omfang at det er realistisk å få gjennomført dei i samsvar med plan. AMU har ei kontroll- og overvåkningsrolle i høve til arbeidsmiljøet og det er positivt at også dei tiltaka som kan gjennomførast innan eigne rammer vert lagt fram for AMU.

6 22 Det er framleis ei utfordring å få fram prioriteringar mellom ulike tiltak i planane, det er også ei utfordring at me av og til gløymer at den som er ansvarleg for tiltak må vera ein person innan verneområde eller innan eigen etat. INNSTILLING FRÅ RÅDMANNEN: Arbeidsmiljøutvalet tek HMT handlingsplanane til orientering. Arbeidsmiljøutvalet ber om større tiltak vert vurdert i samband med budsjett og økonomiplan. Arbeidsmiljøutvalet ber om å få tilsendt handlingsplan for fysisk og psykisk vald og handlingsplan for handsaming av konfliktar ved Tysnes skule når desse ligg føre. Arbeidsmiljøutvalet merkjer seg at det ved dagsenter for pu er teke inn eit tiltak knytt til opplæring i handsaming av utagerande brukarar, dette er eit tiltak som kan vera interessant å samkøyra med andre deler av verksemda. Arbeidsmiljøutvalet ber om at det vert gjort turvande avklaringar med omsyn til snøbrøyting og liknande mellom landbruk- og teknisk etat og barnehagane, så framt dette ikkje allereie er gjort. Arbeidsmiljøutvalet merkjer seg HMT årsrapport frå Lunde skule og ber om bruk av slike rapportar vert vurdert som eit punkt i IK systemet. Arbeidsmiljøutvalet ber om at manglande verneplanar vert lagt fram i neste møte. VEDTAK I : I samsvar med innstilling.

7 23 10/ Saksnummer PS 11/10 ÅRSRAPPORT OVER VERNE- OG MILJØARBEIDET FOR 2009 Vedlegg: 1. Årsrapport over verne og miljøarbeid 2009 SAKSUTGREIING: Arbeidsmiljøutvalet skal kvart år laga rapport om si verksemd, jf. arbeidsmiljølova 7-2, nr. 6. Arbeidstilsynet har gjeve ut ei oversikt over kva rapporten bør innehalda, men kvar enkelt verksemd står fritt til å avgjera korleis rapporten skal verta utarbeidd. Me har såleis høve til å skreddarsy årsrapporten slik me føler det høver best for vår verksemd. Rapporten skal sendast til verksemda sitt styrande organ, arbeidstakarorganisasjonane og oppbevarast i verksemda for å verta synt til Arbeidstilsynet dersom dei bed om det. Eit systematisk HMT arbeid er viktig for å få eit redusert sjukefråvær, ein arbeidsplass som førebyggjer ulykker og yrkessjukdommar, og ikkje minst eit godt arbeidsmiljø basert på trivsel for den enkelte medarbeidar. Årsrapporten over verne- og miljøarbeidet er ein del av eit slikt arbeid. INNSTILLING FRÅ RÅDMANNEN: Arbeidsmiljøutvalet vedtek årsrapporten for verne- og miljøarbeidet for 2009 slik han ligg føre. VEDTAK I : I samsvar med innstilling.

8 24 09/ Saksnummer PS 12/10 KARTLEGGJING AV UØNSKA DELTID Vedlegg: 1. Kartlegging av uønska deltid informasjon til tilsette 2. Spørjeskjema 3. Hovuddtrekk i undersøkinga SAKSUTGREIING: I samband med kompetansekartlegginga som vart gjennomført i 2009 vart det sendt ut ei undersøking om uønska deltid. Undersøkinga gjekk til alle tilsette, men det var lagt opp til at det berre er tilsette som opplever uønska deltid som svarer. Undersøkinga er i første rekkje eit forsøk på å få betre innsikt i problemstillingar knytt til uønska deltid for at me skal kunne gjera tiltak som reduserer omfanget. Undersøkinga verkar ikkje i seg sjølv til å redusera omfanget, men har vore nytta mellom anna i vurdering i skipingssaker og i lysing av stillingar. INNSTILLING FRÅ RÅDMANNEN: Arbeidsmiljøutvalet merkjer seg hovudfunna i kartlegging av uønska deltid. VEDTAK I : I samsvar med innstilling.

9 25 08/ Saksnummer PS 13/10 ARBEIDSMILJØUTVAL SAKSUTGREIING: Noverande leiar og nestleiar vart vald på møte , for ein periode på 2 år. Det inneber at det no må veljast ny leiar og nestleiar. I arbeidsmiljølova 7-1 nr 4 heiter det at: " Lederen for utvalget velges vekselsvis av arbeidsgiverens og arbeidstakernes representanter. Det er no arbeidsgjevar sin tur til å ha leiar for utvalet, representantane frå arbeidsgjevasida må velja leiar og nestleiar mellom medlemmene i AMU. AMU må velja ein person frå arbeidstakarsida som saman med leiar utgjer arbeidsutvalet i AMU, personalrådgjevaren er sekretær for utvalet. AMU fastset oppgåver og mynde for arbeidsutvalet. Dei som vert vald vil ha verva frå og med 1. juni 2010 til og med 31. mai HANDSAMING I : Helge Hauge gjorde følgjande framlegg til vedtak: Rådmannen vert valt til leiar av AMU til og med Einar Aslaksen vert valt til nestleiar av AMU til og med VEDTAK I : Rådmannen vert valt til leiar av AMU til og med Einar Aslaksen vert valt til nestleiar av AMU til og med

10 26 10/ A - Saksnummer PS 14/10 OPPLÆRINGSPLAN HELSE- OG SOSIALETATEN 2010 SAKSUTGREIING: for oppvekst og omsorg gjorde følgjande vedtak i PS 10/10: Følgjande opplæringstiltak innan helse- og sosialetaten vert prioriterte så langt statstilskot og kommunebudsjett strekk til: Avdelingsovergripande Kurs n.d.g. samhandlingsreforma Landsmøte og konferanse i regi av Norsk Helse- og velferdsforbund Brannvernleiarkurs for byggherren Lov om pasientrettar 4 A Internkurs Herre i eige liv v/lege Wilhelmsen Internkurs i : arbeidsmiljø/kommunikasjon, brukarmedverknad/helsepersonelllova/pasientrettar/etiske standarder Helseavdelinga Legekontoret Opplæring i data/powerpoint internt kurs våren 2010 Oppfølgingskurs i Infodoc Helsestasjon Helsesøsterutdanning ved Høgskulen i Bergen ferdig for 1 personell Oppfølgingskurs i Infodoc Fysioterapitenesta Område med behov for kompetanseheving: førebygging/tiltak ift overvekt blant barn og unge, svimmelhet og balanseproblemer, ortopedi generelt, auka kjennskap til normal motorisk utvikling og korleis ein kan nytte dette i behandling av barn med

11 27 ulik grad av motorisk avvik, geriatri generelt, teknikkar for motivasjon til auka fysisk aktivitet hjå eldre og trening og oppfølging ift menneske med psykisk liding Kurs i balanse, testing og trening Kurs ved Hjelpemiddelsentralen, rullestolar og aktuelle hjelpemiddel (gratis kurs) Ergoterapi Vidare opplæring i Cosdoc journalsystem, m.a. i hjelpemiddelmodulen også for å få optimal tverrfagleg effekt av systemet Sortimentskurs på Hjelpemiddelsentralen vurdere kurs i høve oppdateringsbehov/tilgjengelege kurs (desse kursa plar vera gratis) Kognitiv kartlegging / demens Bustadtilrettelegging oppdatering Elektronisk arkiv Barnevernstenesta Kvello-kurset seminarrekke over 2009 og 2010, arrangert av Buf-etat for alle kommunale barneverntenester Ekstern rettleiing Prosjekt elekronisk arkiv i barnevernet Pleie- og omsorgsavdelinga 1-2vekers hospitering for arbeidstakarar i pleie- og omsorgsavdelinga ved Stord sjukehus, jfr. samarbeidsavtale mellom Helse Fonna og kommunane 1 lærling ved TAF Helse ved Fusa vidaregåande skule. Søkje midlar frå Kompetanseløftet lærling i omsorgsarbeidarfaget over 2 år, Erldreomsorgens ABC, prosjekt over 4 år i regi av Aldring & Helse, 16 deltakarar, oppstart januar 2009 Grunnkurs/oppfrisking legemiddelhandsaming, for helsefagarbeidarar Tverrfagleg vidareutdanning rehabilitering v/høgskulen i Bergen, 2 tilsette, ferdig våren Søkje midlar frå kompetanseløftet 2015 Vidareutdanning/etterutdanning i kreftsjukepleie, heil/deltid, 60 studiepoeng viss kompetanse-/kursmidlar til dette. Kostnad for studiet kr , i tillegg kjem studieavgift, utgifter til litteratur og studietur. Tilbodet vert kjent slik at fleire kan søkje og me prioriterer ein. Søkje midlar frå kompetanseløftet Diverse kurs i fagtema: demens, psykiatri, hjerte/kar, apopleksia, omsorg v/livets slutt, smertebehandling og miljøarbeid Kurs med tema: dokumentasjon/pleieplan, diverse lovverk, tvang/samtykke og kvalitet/internkontroll Temadag, bruk av PEG sonde og kateter i regi av Helse Fonna, 3 deltakarar Grunnleggjande førstehjelp Reinhaldsmetodar Tenester til psykisk utviklingshemma (bustader og dagsenter) Kurs frå habiliteringstenesta m.a. handtering av utagerande åtferd Rettleiing Teambuilding

12 28 Førstehjelpskurs Psykisk helseteneste Grunnkurs i rusproblematikk Introduksjonskurs i mentaliseringsbasert behandling i regi av Bergensklinikkene Personleghetsforstyrrelser og ruslidelser i regi av Bergensklinikkene Verdensdagen for psykisk helse Psykisk helse i skulen, eit prosjekt ved Tysnes skule Cippy eit kurs i barnehagane på Tysnes Bedriftshelseteneste Diverse kurs for dagleg leiar og bedriftslege innan fagfeltet. INNSTILLING FRÅ RÅDMANNEN: Arbeidsmiljøutvalet merkjer seg opplæringsplanen for helse- og sosialetaten HANDSAMING I : Helse- og sosialsjefen informerte om internkurset "Herre i eige liv" som skal gjennomførast til hausten, primært er kurset for tilsette i helse- og sosialetaten, men det er nokre restplassar som andre kan delta på. VEDTAK I : I samsvar med innstilling.

13 29 10/ Saksnummer PS 15/10 OPPLÆRINGSPLAN - SKULEETATEN 2010 Vedlegg: 1. Kompetanseutviklingsplan for - skuledel SAKSUTGREIING: AMU har tidlegare gjort vedtak om at dei ønskjer kompetanseplan også for andre etatar enn helse- og sosialetaten til handsaming. for oppvekst og omsorg gjorde i sak PS 13/10 slikt vedtak: et godkjenner Kompetanseutviklingsplan for. Skuledel slik han ligg føre. INNSTILLING FRÅ RÅDMANNEN: Arbeidsmiljøutvalet merkjer seg kompetanseutviklingsplan for skuledel. VEDTAK I : I samsvar med innstilling.

14 30 09/ Saksnummer PS 16/10 AVVIKSMELDINGAR SAKSUTGREIING: Avviksmeldingar som er komne inn hittil i 2010 vert lagt fram i møte. INNSTILLING FRÅ RÅDMANNEN: Arbeidsmiljøutvalet tek innkomne avviksmeldingar til orientering. VEDTAK I : I samsvar med innstilling.

15 31 09/ Saksnummer PS 17/10 YMSE May Britt Aarvik Skaten ber om at informasjonsflyt i samband med ny barnehage vert teke opp som drøftingssak på neste møte. Det vert bede om at saksdokumenta vert sendt ut tidlegare og at det vert fastlagt ein møteplan for AMU sine møter. Rådmannen orienterte om røynsle i arbeidet i den sentrale varslingsgruppa. Ordninga med anonym varsling fungerer ikkje tilfredsstillande, nokre varsel ber meir preg av mobbing og det er ikkje oppbyggjeleg for organisasjonen. AMU ber om at det vert lagt fram ei sak der ordninga med anonym varsling vert teke opp til vurdering.