Detaljreguleringsplan. Gnr. 121, bnr. 3 m. fl. småbåthamn Nedre Røynstrand. Planomtale pbl 4-2. PlanID: Arkivsaknr: 10/79

Transkript

1 Side 1 av 29 GRANVIN HERAD Detaljreguleringsplan Gnr. 121, bnr. 3 m. fl. småbåthamn Nedre Røynstrand. Planomtale pbl 4-2 PlanID: Arkivsaknr: 10/79 Dato: 21. mai 2013

2 Side 2 av 29 Framlegg til detaljreguleringsplan for Gnr. 121, bnr. 3 m. fl. småbåthamn, Nedre Røynstrand, Granvin herad vert med dette lagt fram for Granvin herad til 1. gongs politisk handsaming. Planframlegget er heimla i plan- og bygningslova 12, og består av reguleringsplankart og føresegner dagsett 21. mai Planavgrensing går fram av reguleringsplankart PlanId Sjå vedleggsliste for andre dokument. Forslagsstillar: Granvin Båtlag 5736 Granvin Planarbeidet er utført av: Ing. Egil Ulvund AS Sætveithagen, 5627 Jondal Telefon: / E-post: eulvund@online.no Føretaksnr:

3 Side 3 av 29 VEDLEGGSLISTE. 1) Søknad om oppstart av planarbeid ) Formannskapet oppstartvedtak sak 059/ ) Melding om oppstart av planarbeid ) Melding om lest brev ) Statens vegvesen ) Kystverket ) Sven-Helge Pedersen ) Andres Seim ) Sidsel Berit Flesland m. fl ) NVE ) Hordaland fylkeskommune ) Fiskeridirektoratet ) Fylkesmannen miljøvernavdelinga ) Granvin Ungdomsråd ) Granvin Næringsforum ) Referat frå oppstartmøte ) Brev frå NVE ) Brev frå NVE ) Referat frå infomøte ) 2. gongs varsel om planarbeid annonsetekst ) 2. gongs varsel om planarbeid brev ) 2. gongs varsel om planarbeid adresseliste ) 2. gongs varsel om planarbeid illustrasjonskart ) NVE ) Ingebjørg Sandven ) Hordaland fylkeskommune ) Fylkesmannen ) Statens vegvesen ) Sven-Helge Pedersen ) Fiskeridirektoratet ) Advokatfirmaet Harris ) Granvin småbåthavn virkninger på naturmiljø Holtan ) Ørsta Marina Systems lokalitetsanalyse ) Geotest A/S skredfarevurdering ) Orientering og varsel om utvida planområde brev ) Orientering og varsel om utvida planområde adresseliste ) Orientering og varsel om utvida planområde reguleringsplanskisse ) Bergens sjøfartsmuseum ) Statens vegvesen ) Fylkesmannen ) NVE ) Sven-Helge Pedersen ) Geotest rapport ) Reguleringsplankart planid ) Reguleringsføresegner ) Risiko og sårbaranalyse ) Planomtale (dette dokument) ) Lengdeprofil KV1. 19) Tverrprofil KV1. 20) Lengdeprofil KV2. 21) Tverrprofil KV2.

4 Side 4 av 29 INNHALDSLISTE. 1.0 GENERELT. 1.1 Lokalisering Bakgrunn og føremål med planarbeidet Saksgang Søknad om oppstart av planarbeid Formannskapet oppstartvedtak Varsel om oppstart av planarbeid Merknadar og innspel frå 1. gongs varsel om oppstart av planarbeid Statens vegvesen Kystverket Sven-Helge Pedersen Andres Seim Kåre Flesland NVE Hordaland fylkeskommune Fiskeridirektoratet Region Vest Fylkesmannen forenkla tilbakemelding dagsett Granvin Ungdomsråd Granvin Næringsforum Oppstartmøte Dialog med NVE Informasjonsmøte Merknadar og innspel frå 2. gongs varsel om oppstart av planarbeid NVE Ingebjørg Sandven Hordaland fylkeskommune Fylkesmannen e-post Statens vegvesen Sven-Helge Pedersen e-post Planframlegg i samsvar med areal i kommuneplanen Planskisse i tilknyting til 1. gongs varsel om oppstart av planarb Planskisse i tilknyting til 2. gongs varsel om oppstart av planarb Utsnitt av planframlegg april Fiskeridirektoratet Region Vest Advokatfirmaet Harris v/ståle Eeg Nielsen Utvida planområde Merknadar og innspel til varsel om utvida planområde Bergens sjøfartsmuseum Statens vegvesen Fylkesmannen NVE Sven-Helge Pedersen TILHØVE TIL ANDRE PLANAR. 2.1 Kommuneplan Tilstøytande reguleringsplan 19

5 Side 5 av GRUNNEIGARTILHØVE 3.1 Grunneigarar innanfor og i tilknyting til planområdet SKILDRING AV PLANLØYSINGA 4.1 Planmaterialet - juridisk verknad Reguleringsføremål Reguleringsføremål areal Uthus/naust/badehus UN UN Køyreveg f_kv_ o_kv_2 Hamrevegen Gang- og sykkelveg Annan veggrunn - tekniske anlegg Landbruksføremål Småbåthamn Friluftsområde i sjø Ras- og skredfare Bandlegging etter reguleringsføresegner (PBL 12-7 nr. 2) Mellombels anleggsområde - riggplass Konsekvensar av planen. 5.1 Landskap Fjordlandskapet Båthamna utforming og materialbruk Universell utforming Konsekvensar for naboar Visuelt Noverande ferdsel Støy Ureining Tilflot til naust, kai, båtfeste m.m Trafikk Barn og unge Trafikk og parkeringstilhøve Kollektivtilbod og kollektivløysingar Kulturminne Friluftsaktivitet og strandsone Vurdering i høve til naturmangfaldslova Privat og offentleg servicetilbod Konsekvensar for næringsinteresser Landbruksinteresser Forureining Juridiske/økonomiske interesser for kommunen Infrastruktur 29

6 Side 6 av GENERELT 1.1 Lokalisering. Planområdet ligg på Nedre Røynstrand i Granvin herad, ca. 350 m sørvest for Granvin bruk på sørsida av Granvinsfjorden. Fig Oversiktskart Hardangerfjorden - Granvinsfjorden. 1.2 Bakgrunn og føremål med planarbeidet. Søknad om oppstart av detaljregulering for båthamn på Nedre Røynstrand gnr. 121, bnr. 1, 2 og 3 i Granvin herad vart handsama politisk i formannskapet i sak nr 059/10 den Om føremål med planarbeidet heiter det: "Føremålet med planarbeidet er å legge til rette for småbåthamn og rekreasjonsområde for ålmenta. Området skal innehalde plass for sjøsetting av båtar, toalettanlegg, parkeringsplassar, avfallsmottak og servicebygg som er nytt opp mote drift av anlegget. Vurdering av flaumsikringstiltak for Skreelva som går gjennom planområdet, er og eit viktig tema for planarbeidet." 1.3 Saksgang Søknad om oppstart av planarbeid. Søknad om oppstart av planarbeid for båthamn på nedre Røynstrand vart sendt av Granvin Båtlag v/hans Jakob Mæland til Granvin herad den Granvin Båtlag vart oppgjeven som forslagsstillar. Om føremålet med planen heiter det: "Føremålet med detaljreguleringsplanen med tilhøyrande reguleringsføresegner vert å regulera til småbåthamn og allmennyttig føremål (rekreasjonsområde). Det skal etablerast plass for sjøsetting av båtar, toalettanlegg, parkeringsplassar, avfallsmottak og servicebygg som er knytt opp mot drifta av anlegget. Sentralt i arbeidet vil også sikring og flaumtiltak for Skreelva vera tema." Formannskapet oppstartvedtak. I møte den sak FS-059/10 vart det gjort slikt vedtak: "Oppstart av planarbeid for båthamn på nedre Røynstrand gnr. 121 og bnr. 1, 2 og 3 i Granvin herad vert sendt på høyring og lagt ut til offentleg ettersyn jf. PBL Planen skal utarbeidast som ein detaljreguleringsplan jf PBL 12-

7 Side 7 av Føremålet med plaarbeidet er å legge til rette for ein småbåthamn og eit rekreasjonsområde for ålmenta. Det skal gjennomførast utgreiingar knytt til flaumelv, trafikk og parkering m.m. jf. saksutgreiinga. Merknadar og innspel skal sendast tiltakshavar Granvin Båtlag innan 15. januar 2011." Varsel om oppstart av planarbeid. Granvin herad varsla oppstart av arbeid med detaljreguleringsplan for småbåthamn på nedre Røynstrand den Det vart opplyst at merknadar og innspel til planarbeidet skal sendast tiltakshavar Granvin Båtlag v/hans Jakob Mæland, Eide, 5736 Granvin, innan Merknadar og innspel frå 1. gongs varsel om oppstart av planarbeid. Hovudtrekk frå innspela er lista opp nedanfor. Sjå vedlegg 3-1 til Statens vegvesen I vegvesenet sin merknad heiter det mellom anna: "Statens vegvesen minner om at universell utforming er eit nasjonalt mål. Likeeins er trafikktryggleik og tilhøve for mjuke trafikantar." Planleggjar sin kommentar: Universell utforming skal leggjast til grunn så langt råd er ved utforming av parkeringsplass, tilkomst til bryggjer og utforming av båtplass for rørslehemma Kystverket I Kystverket sin uttale til planarbeidet heiter det mellom anna: "For skipstrafikken er det avgjørende å ha gode muligheter for oppankring langs kysten. Kystverket har derfor kartlagt de viktigste ankringsplassene som ligger i tilknyting til havner og på strategiske steder langs farledene, og ivaretar disse i kommunal og fylkeskommunal planlegging. I Granvin har Kystverket registrert er ankringsområde innerst i fjorden som grenser direkte til planområdet. Ankringsområdet er også tatt inn i kommuneplanens arealdel. For Kystverket er det en sentral målsetning at de viktigste ankringsområdene holdes rene og kabler, rør, fortøyningsarrangementer m. v. slik at disse sikres for framtidig bruk for de som ferdes på sjøen. Vi krever derfor at det i reguleringsplanen utarbeides en planbestemmelse som fastsetter at småbåthavnen inkl. fortøyninger skal holdes utenfor ankringsområdet." Planleggjar sin kommentar: Planframlegget grensar til Kystverket sitt ankringsområde. Det ligg ein sjøkabel gjennom den sørlege delen av ankringsområdet som vil påverka bruken av denne delen av området. Båtlaget er pr. i dag i dialog med Kystverket om tilhøve kring forankring av hamneanlegget Sven-Helge Pedersen Viser til vedlagt kart der det er teikna inn eksisterande vassleidning og kollektorslange for varmepumpe, og ber om at dette vert vedlagt saka som merknad og vert teke omsyn til i det vidare planarbeidet Andres Seim I brevet frå Andres Seim heiter det mellom anna: "Dersom planane for båthamna vert realisert, er det klårt at hamna vert til stor ulempe for meg, familien min og for drifta av gardsbruket mitt. Difor er det naudsynt for meg å gå mot denne planen så tidleg i prosessen som mogeleg, slik at eg og andre med meg, slepp å få båthamna så nær innpå oss." Han peikar vidare på dei vanskane det er for drifta av gardsbruket med noverande trafikk på Hamrevegen, og at dette vil verta forsterka med trafikken til og frå den nye småbåthamna. Vidare peikar han på at det planlagte hamneområdet etter måten er stort, og at dimensjoneringa bør ta utgangspunkt i faktisk etterspurnad etter båtplasser hos innbyggjarane i Granvin og på Voss. Han hevdar at rett lokalitet for småbåthamn vil vera Djupevika. Han skriv vidare: "Av saksframlegget går det og fram at føremålet med planarbeidet er å leggje til rette for eit rekreasjonsområde for ålmenta med toalettanlegg, parkeringsplassar, avfallsmottak og

8 Side 8 av 29 servicebygg som deler av driftskonseptet. Vert planane realiserte, er det grunn til å frykta, om ikkje lovlause, så kaotiske tilstandar på godversdagar og i helgene med bilar og båthengjarar som vert parkerte opp langs gardsvegane eller på dei private områda langs sjøen." Han tykkjer ikkje at tilhøva ligg til rette for båthamn i Skredo, og ber om at kommunen vurderer på nytt lokaliteten i Djupevika som småbåthamn, og om ikkje Grandane kan gjera nytte som rekreasjonsområde for innbyggjarane og tilreisande. Planleggjar sin kommentar: Lokalisering av småbåthamna vart avgjort i arbeidet med kommuneplanen. I konsekvensutgreiinga som fylgjer kommuneplanen er området omtalt, det er gjort ein verdivurdering og ein konsekvensvurdering av endra arealbruk. Samla vurdering lyder slik: "Alternativt areal har vore kaiområdet og Djupevika. Det er lite gunstige vær- og straumtilhøve ved kaia, i tillegg ynskjer ein at denne skal oppretthaldast som ein djupvasskai. Djupevika har og vore vurdert, men på grunn av lang avstand til sentrum vart dette arealet rekna som mindre eigna. Tilhøva i Grytevika vert sett på som eigna, og på grunn av ynskje om gangavstand til sentrum har Grytevika utpeika seg som det beste alternativet. Det er viktig at området vert planlagt slik at også ålmenta kan nytta området." I tekstdelen heiter det mellom anna om småbåthamner: "Det har lenge vore tankar om å etablere småbåthamn i Granvin, både i sentrum og i Kvanndal. Fleire lokalitetar i sentrum har vore drøfta, og omsyn til lokale tilhøve som djupn, vind og straum er vurdert. Nærleiken til sentrum og nytt bustadareal var avgjerande for val av lokalisering i sentrum. Det er lagt til rette for at alle dei tre tettstadene ved sjøen skal få eigne småbåthamnar, noko som til saman vil vere med på å skape ny aktivitet for småbåtlivet i Granvin." I arbeidet med småbåthamna har det vore vanskeleg å finna eit høveleg rekreasjonsområde for ålmenta slik intensjonen var då planarbeidet starta. Problemstillinga har vore drøfta med heradet, som ikkje ynskjer å oppretthalda kravet, særleg på grunn av auke i trafikken som dette kan føra til Kåre Flesland Skriv på vegne av eigarar av gnr/bnr 121/1, 121/31, og 121/67 og 68. Peikar på at dei i tidlegare brev av saman med andre grunneigarar har gjeve uttrykk for skepsis og uro over dei skisserte planane og dei konsekvensane dei vil få. Dei hevdar at området som det no vert varsla oppstart av planarbeid for ikkje er i samsvar med kommuneplanen: "Av det arealet ein no har tenkt nytta, ligg berre ein liten del inne i den vedtekne planen. Ikkje minst vil sjøarealet få ein heilt annan karakter og visuell innflytelse enn det som vart sendt ut på høyring og seinare vedteke. Vi kan difor ikkje sjå at våre interesser er ivaretekne gjennom den høyringa som gjekk forut for kommuneplanen, fordi planen som no er komen på bordet ikkje i det heile liknar den vedtekne i Vi kan difor ikkje vera einige i at tiltaket er i tråd med intensjonane, og at full konsekvensutgreiing i samband med reguleringsarbeidet ikkje er nødvendig. Vi meiner at vår rett til å seia vår meining i samband med høyringa av kommuneplanen ikkje er ivareteken." Planleggjar sin kommentar: Krav om konsekvensutgreiing som har kome fram i planprosessen har vore drøfta med heradet, og det er heradet si haldning at planområdet er i samsvar med kommuneplanen og at det såleis ikkje er turvande med konsekvensutgreiing i samband med reguleringsplanarbeidet NVE I brevet set NVE fram krav om at det i samband med planarbeidet bør gjerast ei nærare vurdering av skredfaren knytt til Skredelva. Det bør og vurderast naudsynte sikringstiltak og/eller ev. alternativ plassering av båthamna. I tillegg til fare for flaumskred og sørpeskred i Skredelva bør fare for steinsprang og snøskred vurderast. Det skal leggjast til grunn sikkerheitsklasse S2 for båthamna. "Eventuelle fareområde må innarbeidast i planen og synast som omsynssone (jf. pbl 12-6) og ha tilhøyrande føresegner som sikrar akseptabel tryggleik før utbygging kan finna stad. Dersom det er

9 Side 9 av 29 trong for sikringstiltak eller restriksjonar på arealbruk for å oppnå tilstrekkelig tryggleik rår vi til at det aktuelle området vert teke inn i planen." "Dersom reguleringsplanen inneber tiltak eller inngrep som påverkar vassdrag eller grunnvatn, kan det føre til at NVE må vurdere tiltaket etter vassressurslova." Planleggjar sin kommentar: Planarbeidet vart varsla 1. gong den av Granvin herad, og omfatta då eit planområde aust for noverande planområde kring utlaupet av Skredelvi. Det vart opplyst av føremålet med planarbeidet var å leggje til rette for ei småbåthamn og eit rekreasjonsområde for ålemnta, og at det skulle gjennomførast utgreiingar knytt til flaumelv, trafikk og parkering m.m.. Det har vist seg i ettertid at tiltak mot flaum- og skredfare i dette området vil verta svært omfattande, og planområdet er difor i samråd med Granvin herad flytta vest for Skredelvi Hordaland fylkeskommune Fylkeskommunen opplyser at dei i si fråsegn gjev innspel til planarbeidet i hovudsak ut i frå regionale interesser nedfelt i fylkesplanen og regionale planar og som styresmakt innan fylkeskommunen sitt ansvarsområde. "Då saka omfattar areal i sjø vart den send over til Bergens Sjøfartsmuseum for uttale derfrå. Musèet kjenner ikkje til marine kulturminner i planområdet. Sjøområdet ved Eide i Granvin er eit prioritert marinarekologisk område, men ein kjenner ikkje til at planområdet har vore nytta som ankringsstad eller hamn i eldre tid. Det er òg ganske brådjupt på staden. Potensial for konflikt med verna marine kulturminne er difor etter Bergens Sjøfartsmuseum sitt syn avgrensa og dei har ingen merknadar til reguleringsarbeidet på noverande tidspunkt i planprosessen. Når det gjeld automatisk freda kulturminne eller andre verneverdige kulturminne på land i det aktuelle planområdet, så kjenner vi ikkje til slike og har difor ingen merknader på noverande stadium i planprosessen." Fiskeridirektoratet Region Vest Direktoratet skriv i si fråsegn: "Fiskeridirektoratet Region Vest kan ikke se at omsøkte etablering av småbåthavn vil representere noe større konfliktpotensial i forhold til bruk av sjøarealet i tilknyting til næringsmessig fiske og har derfor ingen merknader i saken." Fylkesmannen forenkla tilbakemelding dagsett I tilbakemeldinga heiter det mellom anna fylgjande: "Fylkesmannen legg til grunn at planarbeidet stort sett er i samsvar med overordna plan og at det ikkje er i strid med nasjonale føringar for arealpolitikken. Vi viser til merknadane på temasida vår om planlegging: Vi viser særleg til delane om "Oppstart" og "Detaljeringsnivå i reguleringsplanar". Vi ventar at desse signala vert lagt til grunn for det vidare planarbeidet. Dersom planarbeidet ved offentleg ettersyn viser seg å vere i strid med føringane nemnt over, vil Fylkesmannen vurdere å fremje motsegn mot planframlegget." Granvin Ungdomsråd. Granvin Ungdomsråd viser til sin uttale til kommunedelplan for Anlegg og område for idrett og friluftsliv : "Noko av det som ungdommane ynskjer skal vera med i planen er merkte turstiar med namn, fleire benker rundt om i bygda, opprustning av gamle jerbanelinja til tursti og planar om småbåthamn - med utstyr til forskjellige vannsportar t. d. stupetårn og vannsklie. Me i ungdomsrådet ser oss svært positive til alle desse ideane." Planleggjar sin kommentar: Med tanke på sikkerheit er det vanskeleg å kombinera vannsport med båttrafikken i tilknyting til småbåthamna. Tanken er god, men desse aktivitetane kan gjerne plasserast i sentrum?

10 Side 10 av Granvin Næringsforum I mail frå Granvin Næringsforum dagsett vert det uttalt: "Granvin Næringsforum ser positivt på prosjektet med småbåthamn i Granvin. Vi er sikker på at dette vil gje oss næringsvekst på sikt, og opne for muligheter med tilhøyrande aktiviteter. Vi var med på møte med Granvin Båtlag der styret informerte om prosjektet, her vart det lagt fram ein grundig gjennomgang av prosjektet. Vi ser og at styret i Granvin Båtlag har tatt hensyn til alle i saka, og spørsmål rundt sikring av "Skreo"." 1.5 Oppstartmøte. Oppstartmøte med Granvin herad vart halde Til stades var representantar frå Granvin herad, Granvin Båtlag og planleggjar. Det føreligg referat frå oppstartmøte (vedlegg 4). 1.6 Dialog med NVE. Granvin Båtlag og Granvin herad har heilt i frå starten av planprosessen peika på at sikkerheit i høve til Skreelva vil vera ein hovudutfordring i planarbeidet. Granvin Båtlag har engasjert geolog til å bistå i planarbeidet, og det vart i samråd med geologen utarbeidd skisser med framlegg til sikringstiltak som vart sendt til NVE for uttale. I brev dagsett frå NVE til planleggjar heiter det mellom anna: "NVE har tidlegare rådd til at ein ser nærare på alternative plasseringar for å unngå å kome i kontakt med Skredelvi. Ei plassering av ei ny større småbåhamn framfor ei flaumskredvifte er etter vårt syn å utfordre naturkreftene. Vi held difor fast på at kommunen bør vurdere ei anna plassering. Sjølv om ein har kome fram til tiltak som i teorien skal sikre tryggleik så vil tiltak som krev årleg vedlikehald vere både sårbare og kostbart. På grunn av venta klimaendringar må ein rekne med minst 20 % auke i flaumvassføring i løpet av dei neste år. Flaum- og sørpeskred i mindre bratte vassdrag er ein av dei skredtypane vi reknar med skal auke i frekvens framover og NVE legg vekt på å åtvare mot desse." Med bakgrunn i ovanståande og i samråd med Granvin herad vart planområdet flytta vest for Skredelvi. NVE vart orientert om dette i brev av , og gav tilsvar i brev dagsett til planleggjar. Her heiter det mellom anna: "Småbåthamna er no tenkt plassert i vestre kant av skredvifta og vestover. Ein eventuell ny planprosess for denne plasseringa vil ha same krav til dokumentasjon av trygglei mot skred og sikring som vi har påpeika knytt til den opphavelege plansaka. Vi vil likevel tru at oppgåva kan verte litt mindre utfordrande enn for opphaveleg plassering rett framfor skredvifta. Båthamna bør trekkast så langt vest som mogeleg. Sjølv om det ikkje skal etablerast bygg med varig personopphald vil vi rå til at tryggleiksklasse S2, jf TEK vert lagt til grunn for planlegginga. Ei småbåthamn av denne storleiken (95 plasser) vil i seg sjølv føre til vesentleg personopphald, samstundes som dei materielle verdiane er store." 1.7 Informasjonsmøte. Det vart halde informasjonsmøte om planarbeidet den på heradshuset i Granvin. Det var til stades representantar frå Granvin herad, Granvin Båtlag og planleggjar. Det føreligg referat frå informasjonsmøtet (vedlegg 7). 1.8 Merknadar og innspel frå 2. gongs varsel om oppstart av planarbeid. 2. gongs varsel om oppstart av planarbeid vart utsendt av planleggjar med frist for å koma med merknadar og innspel sett til Sjå vedlegg 8-1 til 8-4. Nedanfor er lista opp hovudtrekk frå innspela.

11 Side 11 av NVE I sitt innspel skriv NVE mellom anna: "Vi er nøgde med at den planlagde småbåthamna no vert plassert meir til sides for flaumskredvifta. Oppgåva med å etablere ei trygg småbåthamn vil truleg vere litt mindre utfordrande enn for den opphavelege plasseringa. Som vi uttalte i vårt førre brev (( ), er det same krav til dokumentasjon av tryggleik mot skred og sikring som var påpeika i innspel til 1. gang oppstartvarsel. Vi syner difor til dei nemnde breva frå oss, datert , og som våre innspel også til dette planarbeidet." Planleggjar sin kommentar: Båtlaget sin geolog, Geotest A/S, har vurdert skredfaren i høve til småbåthamna på den nye lokaliteten og sendt rapport om dette til NVE. I svarbrev frå NVE dagsett heiter det mellom anna: "Området er vurdert å vera trygt for snøskred under føresetnad av at skogen blir teken vare på i utløysingsområde for snøskred. Vi meiner då at planområdet bør omfatte denne skogen og at reguleringsplanen bør sette restriksjoner på hogst. Det aktuelle arealet der skog er ein føresetnad for tryggleiken treng difor kartfesting i skredfarerapporten." Planområdet er utvida sør for Hamrevegen til å omfatta område der skogen må takast vare på Ingebjørg Sandven Eigar av naust på gnr/bnr 121/26 Nedre Røynstrand. Ho har søkt om bruksendring for naustet til naust/hytte sidan 2006, men ikkje fått løyve. Ynskjer at bruksendring for naustet vert eit tema i planarbeidet. Planleggjar sin kommentar: Naustområdet ligg utanfor planområdet, slik at det er ikkje naturleg å ta opp denne problemstillinga i planarbeidet Hordaland fylkeskommune I sitt innspel skriv fylkeskommunen mellom anna: "Ved 2. gongs høyring er planområdet flytta vest for Skredelvi. I høve til arealet som er avsett i kommuneplanen er sjøområdet noko utvida for å etablere flytemolo, med båtplasser på innsida og parkering på fylling i sjø. Dett er vist på illustrasjonsplan. Det er lagt opp til ein kapasitet på om lag 100 båtar. Med så stort omfang vil det bli eit nokså dominerande innslag i fjordlandskapet inn mot sentrumsområdet. Hordaland fylkeskommune har eit godt samarbeid med Granvin herad om tettstadutvikling, og har også gitt økonomisk støtte til dette. Vi set vår lit til at det ved utforming av hamna vert lagt vekt på å finne gode løysingar som ikkje forringar landskapet. Illustrasjonsplanen viser overlapping mellom planområdet og ankringsområde frå Kystverket sitt kartgrunnlag. Vi føreset at dette vert klarert med Kystverket. På illustrasjonsplanen er vist friluftsområde i sjø som ei smal stripe vest for flytemoloen. Arealet innover på land ser ut til å vere heller bratt og ikkje lett tilgjengeleg. Dersom det skal kunne bli eit rekreasjonsområde i tråd med intensjonane for planarbeidet, må friluftsområdet tilretteleggjast slik at det vert attraktivt og lett tilgjengeleg." Planleggjar sin kommentar: I planframlegget er båthamna vist med ein kapasitet på 77 plasser, men dette vil variera avhengig av breidd på plassane. Den strekkjer seg m ut i sjøen frå noverande strandlinje, og har ei breidd på ca. 73 m. Bryggje 1 har flytehøgd ca. 0,6 m, medan bryggje 2 er lågare. På bryggjene vert det montert utstyr som fortøyningsbeslag, straumpullertar, slangestativ, redningsstiger og liknande. I eit fjordlandskap med lite bukter og viker vil eit slikt anlegg vera synleg sjølv på litt avstand. Ei småbåthamn er ein typisk sentrumsfunksjon, og sett både frå land og sjøen vil småbåthamna verta oppfatta av dei fleste som ein naturleg del av landskapsbiletet kring Granvin sentrum.

12 Side 12 av Fylkesmannen e-post I e-posten heiter det mellom anna: "Fylkesmannen gav uttale til oppstartvarselet i brev dagsett Vi ber om at dette vert teken med vidare i planarbeidet og har ingen andre merknader." Statens vegvesen I vegvesenet sin merknad heiter det mellom anna: "Statens vegvesen minner om at universell utforming er eit nasjonalt mål. Likeeins er trafikktryggleik og tilhøve for mjuke trafikantar, og me ber dykk vera særleg merksame for forholda til fv. 7." Sven-Helge Pedersen e-post I e-posten skriv Sven-Helge Pedersen mellom anna: "Vi viser til tidlegare uttalar og innspel i høve til etablering av småbåthamn på Røynstrand og ser ikkje at det framlagde utkastet på noko vis tek omsyn til grunneigarane og naboane sine merknadar i m. a. brev dagsett Vi viser og til våre merknader i samband med invitasjon til drøftingsmøte der vi peikar på at omfanget av tiltaket i framlegget ikkje er i samsvar med området som er sett av i kommuneplanen." Planleggjar sin kommentar: Planframlegg i samsvar med areal i kommuneplanen. Fig viser døme på planløysing der småbåthamna ligg innanfor føremålsgrensa i kommuneplanen. Løsyinga vil påverka på heile strandlinja som ligg innanfor flytemoloen (ca. 260 m). Tilflot til nausta og småbåthamna er vist frå nord, landgang i sørvest med gangveg frå parkeringsplassen. Båtlaget ynskjer ikkje å gå for denne løysinga av di hamna vil leggja beslag på ei lang strandlinje, tilflot til nausta vert endra, båthamna vert lite kompakt og det vert terrenginngrep frå gangvegen mellom parkeringsplassen og landgangen. Fig Planområde innanfor føremålsgrense i kommuneplanen.

13 Side 13 av Planskisse i tilknyting til 1. gongs varsel om oppstart av planarbeid. Planskisse i samsvar med 1. gongs varsel om oppstart av planarbeid utsendt av Granvin herad den , er vist i fig Mellom anna med bakgrunn i eit omfattande arbeid med sikring av Skredelvi vart dette planframlegget skrinlagt. Fig Planområde utanfor Skredelvi Planskisse i tilknyting til 2. gongs varsel om oppstart av planarbeid. Planskisse i samsvar med 2. gongs varsel om oppstart av planarbeid utsendt av Ing. Egil Ulvund A/S den Med bakgrunn i mellom anna mottekne merknadar og innspel til planarbeidet, omsyn til nausteigarar og landskapsomsyn kom Granvin båtlag med ynskje om ei noko redusert og kompakt båthamn i høve til planskisse i fig Dette munna ut i planløysing vist i fig

14 Side 14 av 29 Fig Planskisse frå 2. gongs varsel Utsnitt av planframlegg april Fig Plan småbåthamn april 2013.

15 Side 15 av 29 Fig er utsnitt av detaljreguleringsplan som er tenkt fremja til 1. gongs politisk handsaming med vedtak om utlegging til høyring og offentleg ettersyn. Med dette reduserte omfanget av småbåtanlegget vonar Granvin båtlag at båthamna kan verta å leva med for alle partar Fiskeridirektoratet Region Vest Direktoratet skriv i si fråsegn: " Fiskeridirektoratet Region Vest har ingen merknadar til oppstart av planarbeidet." Advokatfirmaet Harris v/ståle Eeg Nielsen Representerer Sven-Helge Pedersen/Gunn Olander, Ragnvald Pedersen/Anna Pedersen, Andres Seim, Torstein Hus, Sidsel Berit Flesland, Eirik Heming Arnetveit/Ingebjørg Arnetveit og Marit Kjerland. I brevet vert det vist til varsel om oppstart av privat regulering av Frist for å koma med merknad og innspel til planarbeidet er i varsel sett til Nielsen peikar i brevet mellom anna på at størstedelen av "planområde hamn" ligg utanfor område S1 avsett til småbåthamn i kommuneplanen, og at ein såleis ikkje kan hevda at planframlegget ligg innanfor "hovedtrekk og rammer" i gjeldande kommuneplan. Hevdar at dersom ein går ein vidare med planframlegget med det omfang det er varsla så vil dette utløyse krav om konsekvensutgreiing. Planleggjar sin kommentar: Viser til pkt og ovanfor. 1.9 Utvida planområde. Med bakgrunn i ovanståande har ein funne det turvande å endra planområdet i høve til 2. gongs varsel om planarbeid. Varsel om utvida planområde og orientering om planarbeidet vart utsendt av planleggjar med frist for å koma med merknadar og innspel sett til Sjå vedlegg 12-1 til Område avgrensa med raud stipla strek er frå 2. gongs varsel. Område med svart stipla strek er aktuelt planområde. Fig Utvida planområde.

16 Side 16 av Merknadar og innspel til varsel om utvida planområde. Frist for å koma med merknadar og innspel til varsel om utvida planområde var 10. mai Innan fristen kom det fylgjande merknadar og innspel: Bergens Sjøfartsmuseum I sitt brev skriv museet mellom anna: "Me kjenner ikkje til kulturminne i planområdet. Området ligg innanfor eit prioritert område for marinarkeologi, men me kjenner ikkje til at planområdet har vore nytta som ankringsstad eller hamn i eldre tid. Museet har derfor ingen merknadar til reguleringa." Statens vegvesen I sitt brev skriv Statens vegvesen mellom anna: "Statens vegvesen held fast ved våre merknader i skriv dagsett , og har elles ingen fleire merknader på noverande tidspunkt i planarbeidet." Fylkesmannen I e-post skriv fylkesmannen mellom anna: "Fylkesmannen gav uttale til oppstartvarselet i brev dagsett Vi ber om at dette vert teken med vidare i planarbeidet. Vi minner elles om at dei konsekvensane reguleringsplanen har for endra arealbruk skal vurderast i høve til naturmangfaldet, og at dette må koma tydeleg fram i planarbeidet, jf. naturmangfaldlova 7-12." Planleggjar sin kommentar: Naturmangfaldet er omtalt i rapport i vedlegg 9 (Virkninger på naturmiljø Holtan 2012) og i ROS-analyse. "Fylkesmannen gjer også merksam på at ROS-analysen må nytte akseptkriteria som er i tråd med byggteknisk forskrift (TEK 10). Analysen må vidare, som presisert i plan- og bygningslova, sjå på risiko både innanfor og utanfor planområde som kan påverke tiltaket, og eventuell risiko som følgje av tiltaket." Planleggjar sin kommentar: ROS-analysen er gjennomført med akseptkriteria utarabeidd av fylkesmannen i Hordaland NVE I sitt brev skriv NVE mellom anna: "NVE er nøgde med at planområdet i tråd med vår tilråding er utvida til å omfatta den skogen som er ein føresetnad for tryggleik mot snøskred. Som nemnd i tidlegare brev er det viktig at skredfarerapporten syner det aktuelle området på kart, og at tilsvarande område er markert på plankartet. Restriksjonanen kan gjevast som føresegn for det aktuelle området i PBL 12-7 nr. 2. Restriksjonane må vere fagleg forankra og konkrete slik at tryggleiken vert teken i vare." Planleggjar sin kommentar: Rapport om skredfarevurdering for småbåthamna dagsett utarbeidd av Geotest AS viser avgrensing mot småbåthamna av område med restriksjon på hogst av skog. Tilsvarande område er markert i plankartet som omsynssone H760_1 (bandlegging etter reguleringsføresegner 12-7 nr. 2). Sjå reguleringsføresegner pkt Sven-Helge Pedersen Brev til planleggjar frå Gunn Olander og Sven-Helge Pedersen som skriv på vegne av Anna og Ragnvald Pedersen, eigarar av gnr. 121, bnr. 3 og Gunn Olander og Sven-Helge Pedersen, eigarar av gnr. 121, bnr. 49. Det går fram av brevet at dei ikkje er samde i den plassering og det omfanget som båthamna har fått i planprosessen og at planen ikkje oppfyller krav om opparbeiding av rekreasjonsområde for ålmenta. I brevet heiter det mellom anna: "Tiltaket avvik i omfang og konsekvensar frå opphavleg slik at vi finn grunn til å gjere klart at berørte grunneigarar ikkje frivillig vil imøtekome tiltaket med noverande plassering og omfang. Vi ser difor at ei realisering av dette tiltaket i KPA berre kan løysast innan rimeleg tid og på ein god måte, om ein vender tilbake til opphavleg lokaliseringsstad og omfang. Det vil og gi høve til ei bevaring og fornuftig framtidig bruk av området i Vetlehagen."

17 Side 17 av 29 Planleggjar sin kommentar: Kva som har skjedd i samband med utarbeiding av kommuneplanen når det gjeld plassering av småbåthamna og dialog/tilbakemelding til grunneigarar har ikkje vore tema i planarbeidet. 1. gongs varsel om detaljreguleringsplan for småbåthamn vart utsendt av Granvin herad. Framlegg til reguleringsplan som no føreligg er utarbeidd etter drøftingar med og føringar frå Granvin Båtlag, og i samråd med Granvin herad. Båtlaget ynskjer no å framja planframlegget til 1. gongs politisk handsaming. Den politiske handsaminga lyt leggja vegen vidare for planframlegget. 2.0 TILHØVE TIL ANDRE PLANAR. 2.1 Kommuneplan. Kommuneplanen for Granvin vart godkjent av heradsstyret i møte den sak HS 14/09 med seinare endring i møte den sak HS 29/09. Utsnitt av kommuneplan er vist i fig Areal for småbåthamn på land og i sjø er område merka S1. Nord for S1 ligg Kystverket sitt ankringsområde. B3 er framtidig bustadområde som skal ha tilkomst via Hamrevegen og ny gang- og sykkelveg langs Hamrevegen. Fig Utsnitt av kommuneplan. Føresegner og retningslinjer frå kommuneplanen vedk. anna byggjeområde småbåthamn er vist nedanfor.

18 Side 18 av 29 I tilknyting til arbeidet med kommuneplanen vart det utarbeidd konsekvensutgreiing (KU) for nye utbyggjingsområder. KU for området på Nedre Røynstrand (Område 22. Grytevika (S1)) er vist nedanfor.

19 Side 19 av Tilstøytande reguleringsplan. Aust for planområdet ligg gjeldande reguleringsplan for Røynstrand frå Planen er tilgjengeleg på heradet si heimeside. 3.0 GRUNNEIGARTILHØVE 3.1 Grunneigarar innanfor og i tilknyting til planområdet. Desse er så langt ein kjenner til: Gnr/bnr Eigar Adresse 121/1 Annlaug Haugse Såkvitne Knut Såkvitne Ingebjørg Arnetveit Sidsel Berit Flesland Sjovat Røynstrand Hus Olav Røynstrand Nodlavegen 6, 5736 Granvin Nodlavegen 6, 5736 Granvin Nyresbaret 16, 5700 Voss Hamre, 5281 Valestrandsfossen Folkedal, 5736 Granvin Kvalrossveien 13, 4085 Hundvåg 121/2 Andres Seim Røynstrand, 5736 Granvin 121/3 Anna Marie Pedersen Ragnvald Martin Pedersen Industrivegen 7, 5736 Granvin Industrivegen 7, 5736 Granvin 121/2-3 Andres Seim Anna Marie Pedersen Ragnvald Martin Pedersen Røynstrand, 5736 Granvin Industrivegen 7, 5736 Granvin Industrivegen 7, 5736 Granvin 121/23 Agnar Viken Klevjarbakken Sande i Vestfold 121/26 Ingebjørg Sandven Nedre Børve, 5773 Hovland 121/28 Gro Kvamme Johnsen Berit Kvamme Dag Kvamme Slattum Terrasse 23 E, 1480 Slattum Pb. 35 Nesttun, 5852 Bergen Hovdenvegen 8, 5221 Nesttun 121/36 Magne Hjelmbrekke v/liv Hjelmebrekke Holdø, Torvvegen 6, 4352 Kleppe 121/40 Fred Hilding Jansson Safransgt. 24, Ander, Sverige 121/49 Gunn Olga Olander Sven-Helge Pedersen Røynstrand, 5736 Granvin Røynstrand, 5736 Granvin

20 Side 20 av SKILDRING AV PLANLØYSINGA Skildringa er knytt til: - Reguleringsplankart PlanID , dagsett 06. mai Føresegner dagsett 06. mai Planmaterialet - juridisk verknad Plankart og føresegner vil etter at planen er vedteken, vera juridisk bittande for arealbruken i området (i samsvar med plan- og bygningslova) og gje grunnlag for gjennomføring av planen. 4.2 Reguleringsføremål. Planområdet er regulert til fylgjande arealbruksføremål med heimel i LOV nr. 71 Lov om planlegging og byggesaksbehandling (plan- og bygningsloven - plandelen). Bebyggelse og anlegg (pbl 12-5 nr. 1) Uthus/naust/badehus. Samferdselsanlegg og teknisk infrastruktur (pbl 12-5 nr. 2) Køyreveg Gang- og sykkelveg Annan veggrunn - tekniske anlegg. Landbruks-, natur- og friluftsområder (pbl 12-5 nr. 5) Landbruksføremål. Bruk og vern av sjø og vassdrag (pbl 12-5 nr. 6) Småbåthamn Friluftsområde i sjø. Omsynssoner (pbl 12-6). a) Sikrings-, støy- og faresoner. a 3) Ras- og skredfare. d) Bandleggingssoner. Bandlegging etter reguleringsføresegner. Føresegner (pbl 12-7). Nr. 1. Bruk av areal. Mellombels anleggsområde - riggplass.

21 Side 21 av Reguleringsføremål areal. 4.4 Uthus/naust/badehus. Omfattar område UN1 og eksisterande naust UN UN1. Til bruk for båtlaget kan det innanfor byggjegrenser førast opp ein bygning til lagerføremål, toalett, miljøstasjon og annan bruk som naturleg fell inn under drift av båthamna. Største BYA = 60 m 2. Parkering skal ikkje medreknast i BYA. Bygningen skal ha utforming, materialbruk og fargebruk som er i harmoni med eksisterande bygningsmiljø i nærområdet. Største mønehøgd over gjennomsnittleg planert terreng er 5,5 m. Største gesimshøgd over gjennomsnittleg planert terreng er 4,0 m. Området skal avgrensast med natursteinsmurar. Gangtilkomst til bryggje 1 og til naust i vest frå parkeringsplassen kan liggja i området UN2. Område med eksisterande naust. Det kan opparbeidast tilkomst til naustet frå parkeringsplassen.

22 Side 22 av Køyreveg. Omfattar køyreveg f_kv_1 til småbåthamna køyreveg o_kv_2 Hamrevegen f_kv_1. KV_1 er felles køyreveg og parkeringsplass for småbåthamna og nausta på gnr/bnr 121/3, 121/23, 121/26 og 121/40. Vegen kan stengast med bom i avkøyrsla til Hamrevegen. Jf. reguleringsplan og vedlagte teikningar for lengde- og tverrprofil. Det er vist tilkomstveg frå aust av di høgdeskilnaden mellom Hamrevegen og landområdet til småbåthamna her er minst. Trafikkarealet, som skal ha plass til parkering, anna trafikkareal, slipp og båtopptrekk, er vist delvis på fylling i strandsona og delvis i skjering. Fylling mot sjøen er avgrensa av mur med murtopp på kote 2,0. Skråningsutslag i skjering er vist avgrensa med mur. Det er tenkt at alle murar skal utførast i naturstein. Sjå fig Profil 80. Fig Profil 80. På parkeringsplassen er det sett av plass til 22 bilar på oppmerka plasser, noko som tilsvarar om lag 0,25 parkeringsplass pr. båtplass og naust. Parkeringsplassen er felles for båthamna og nausteigarar. Det må opparbeidast tilkomst til naust i UN2 frå parkeringsplassen. Det skal vera god orden i småbåthamna. Bygg i UN1 skal nyttast som lagerplass. Det kan ikkje lagrast bryggjeelement, utriggarar eller anna på landområdet. Det er ikkje høve til båtopplag på land, langtidsparkering av båttilhengarar eller anna. Spyling av båt skal føregå i slippområdet der det skal vera system for oppfanging av fast stoff frå spyling. Det ligg til grunn i planen at uthuset markert i fig (i område for båtopptrekk/slipp) må rivast. Det vert opplyst at dette er eit nothengje som vart nytta til oppbevaring av felles kastenot, men at denne ikkje har vore i bruk sidan tidleg på 80-talet. Anleggsarbeid i samband med opparbeiding av parkeringsplassar og utbetring av Hamrevegen med gang- og sykkelveg skal utførast slik at eksisterande utløe og terrenget kring den inngår i ein naturleg heilskap i det ferdig opparbeidde området.

23 Side 23 av 29 Fig Uthus som skal rivast o_kv_2 Hamrevegen. Kommuneplanen legg føring for at det skal vera gang- og sykkelveg langs Hamrevegen frå sentrum og til eit framtidig bustadområde 100 m vest for planområdet. Gang- og sykkelvegen er føreslegen på oppsida av Hamrevegen slik at all utviding kjem inn i terrenget. Med bakgrunn i utstrekt bruk av naturstein langs landområdet til småbåthamna er det og føreslege at skråningar skal avgrensast med natursteinsmurar langs Hamrevegen. Generell profil går fram av fig Gang- og sykkelveg. Del av gang- og sykkelvegsamband mellom sentrum i Granvin og framtidig bustadområde B3 (i kommuneplanen) Annan veggrunn - tekniske anlegg. Omfattar areal til veggrøfter, frisiktsoner, fyllings- og skjeringsskråningar, murar, vegrekkverk m.m. langs køyrevegane. 4.6 Landbruksføremål. Omfattar område LNFL_1, LNFL_2 og LNFL_3. Skogsdrift i område LNFL_2 i bandlagt område skal leggjast opp slik at den generelle skredfaren i området ikkje aukar. 4.7 Småbåthamn. Regulert område i sjø på 7,8 daa som strekkjer seg frå land med ei breidd på 73 m og som skal nyttast til privat småbåthamn. Området er avgrensa i nord til Kystverket sitt ankringsområde slik det er vist i kommuneplanen for Granvin herad. Området kan byggjast ut med to flytebryggjer - bryggje 1 og bryggje 2. Bryggje 1 ligg ytterst og kan ha ei lengd på inntil 96 m, og skal vera flytemolo i betong med utriggarar berre på innsida. Bryggje 2, som kan ha ei leng på inntil 85 m, treng ikkje ha bylgjedempande verknad, og kan utførast i stål eller betong. Til saman 266 lengdemeter kaifront. Med gjennomsnittsbreidd senter/senter utriggar på 3,5 m vert det 76 båtplasser.

24 Side 24 av 29 I eit lite bygdesamfunn som Granvin vil hovudmengden av båtar truleg liggja mellom fot, og dei fleste av desse vert vinterlagra på land. Oppankring av småbåthamna vil for ein del koma utanfor det regulerte området avhengig av djupnetilhøve. I Kystverket sitt ankringsområdet skal ikkje det skraverte området som er vist på illustrasjon på reguleringsplankartet overskridast. 4.8 Friluftsområde i sjø. I kommuneplanen har vassarealet kring småbåthamna reguleringsføremål NFFF - "Vannareal for allmenn flerbruk". Arealbruken vest og aust for småbåthamna er ei vidareføring av dette føremålet vist som friluftsområde i sjø (6710). Anker og fortøyning til flytemolo og flytebryggjer i småbåthamna kan etablerast på eller kryssa sjøbotn i området i den grad det er turvande. 4.9 Ras- og skredfare. På NVE sine aktsemdkart ligg Grytevika i utlaupsområde for snøskred. Av Geotest AS vert området vurdert som trygt (sikkerheitsklasse S2 i TEK10) dersom snøen i utløysingsområde har god forankring i vegetasjon. Planområdet på oppsida av Hamrevegen er utvida med tanke på sikring/bevaring av vegetasjonen Bandlegging etter reguleringsføresegner (PBL 12-7 nr. 2). Skogsdrift i bandlagt område LNFL_2 skal leggjast opp slik at den generelle skredfaren i området ikkje aukar. Evt. snauhogst i området kan hindra gjennomføring av planen av di området då kan verta vurdert til ikkje å oppfylla kravet til sikkerheitsklasse S Mellombels anleggsområde - riggplass. Område som er sett av til føremålet er vist med stipla skravur på plankartet og ligg langs vegar og parkeringsplass. I området kan det gjerast mellombelse terrenginngrep som fjerning av masse til stabil skråningshelning i samband med muring, anleggsvegar og annan aktivitet knytt til anleggsarbeidet. Etter avslutta anleggsarbeid skal området setjast i stand slik at det kan nyttast til landbruksføremål. 5.0 Konsekvensar av planen. 5.1 Landskap Fjordlandskapet. I Norsk institutt for jord- og skogkartlegging (NIJOS) sin publikasjon Nasjonalt referansesystem for landskap, ligg Granvin i landskapsregion 23 Indre bygder på Vestlandet. Planområdet ligg i botnen av Granvinsfjorden som er ein sidearm til Hardangerfjorden. Munningen på den 500 m breie Granvinsfjorden ligg rett sør for Kvanndal og går i nordaustleg retning 9 km innover til kommunesenteret Granvin. På begge sider er det bratte fjellsider som stuper rett i fjorden med enkelte flatare parti imellom. Fjordlaupet er i hovudsak rettlinja utan større viker og bukter som peikar seg ut som naturlege hamneområder. Planområdet ligg på sørsida av fjorden rett før overgangen til den flate dalbotnen i kommunesenteret Granvin. I strandsona i det regulerte området er det etablert tiltak som naust, mindre kaianlegg til naust, båtar i bøye, veganlegg og deponering av rasmasse frå Skredelvi. Båthamna ligg ca. 300 m sørvest for bygningsmassen til Granvin bruk og 50 m nord for eksisterande bustadhus på gnr/bnr 121/ m

25 Side 25 av 29 sørvest for båthamna er det i kommuneplanen vist eit nytt bustadfelt (B3) på 33,5 daa - jf. fig I kommuneplanen er det vist gang- og sykkelveg frå sentrum til B3. Etablering av B3 og gang- og sykkelvegen gjer at området vil framstå som ein del av kommunesenteret Granvin, og båthamna vil liggja her som ein naturleg sentrumsfunksjon. Figur Oversiktsfoto planområde Båthamna utforming og materialbruk. Planen legg til rette for etablering av to flytebryggjer - ei med lengd inntil 96 m og ei med lengd inntil 85 m. Dette tilsvarar om lag dei to ytterste flytebryggjene i Jondal båthamn som har lengder på 90 og 78 m og 69 plasser. Sjå fig foto frå Jondal Båthamn teke 04. mai Det er stort sett "vinterbåtane" som ligg i hamna. Vinter i mai gjer at dei fleste ikkje har sjøsett. Fig viser den ytterste bryggja i Jondal (tilsv. bryggje 1 i Granvin) som er bylgjedempar i betong med breidd 3,5 m og totalhøgd 1,6 m med fribord 0,6 m. Påmontert utstyr er straumpullertar med lys, vasspostar, fortøyningsbeslag, lanterne, stativ med redningsbøye og flaggstong med vimpel. I Jondal er det gjestebryggje på utsida av flytemoloen, men ikkje faste plasser. Fig viser bryggje 2 i Jondal som tilsvarar bryggje 2 i Granvin. Dette er stålbryggje med tredekke og faste plasser både på utside og innside.

26 Side 26 av 29 Fig Jondal båthamn (tilsv. bryggje 1 og bryggje 2 i Granvin). Fig Jondal båthamn (tilsv. bryggje 1 i Granvin).

27 Side 27 av 29 Fig Jondal båthamn (tilsv. bryggje 2 i Granvin). 5.2 Universell utforming. Breidd og lengd på landgang skal i størst mogeleg grad tilpassast rørslehemma. Båtplass for rørslehemma kan tilretteleggjast med flytebryggjeelement i staden for utriggar. Det kan monterast personløftar (kran) i småbåtanlegget. 5.3 Konsekvensar for naboar. Eksisterande busetnad i og i tilknyting til planområdet er ei blanding av gardsbruk, bustader, fritidsbustader og naust Visuelt Inngrep i strandsona som fylgje av veg, parkering m. m. og sjølve hamneanlegget med båtar og dei aktivitetar som fylgjer av bruken av båthamna, vil vera ein stor endring av opplevelsen av fjordlandskapet for dei som bur her fast, men også for dei som har naust i området og fritidsaktivitetar knytt til det. Hamneanlegget vil vera godt synleg i den indre delen av Granvinsfjorden og endra den visuelle opplevinga av fjordlanskapet. Korleis ein opplever dette er individuelt. Det som nokon synest er spanande og interessant med auka aktivitet på fjorden, kan opplevast som negativt av andre Noverande ferdsel Mønster for ferdsel langs land vert endra lokalt av hamneanlegget som ligg ca m ut frå noverande strandlinje Støy Støy er omtalt i ROS-analysen Ureining Ureining er omtalt i ROS-analysen.

28 Side 28 av Tilflot til naust, kai, båtfeste m.m. Hamneanlegget ligg rett aust og nord for eksisterande naustområde. Ferdsel i området må tilpassa seg hamneanlegget, men elles kan ein ikkje sjå at tilflot til naust vert nemnande negativt påverka. Dette gjeld og naustet aust for hamneanlegget. Tilfloten til hamneanlegget vert frå nord mellom brygge 1 og bryggje 2, og aust for bryggje 2. Båtar i bøye utanfor naustområdet vil ikkje vera til hinder for bruken av småbåthamna. Båtar i bøye utanfor område UN2 må liggja slik at dei ikkje er til hinder for tilfloten til bryggje Trafikk. Trafikk er omtalt i ROS-analysen og punkt Barn og unge. Ein kjenner ikkje til at planområdet i dag har nemnande bruk av barn og unge. 5.5 Trafikk og parkeringstilhøve. Omtalt i punkt Trafikk til og frå småbåthamna vil vera størst i mai - august med ein topp i fellesferien. Erfaring viser at mindre båtar som kan fraktast på båthengar etter personbil for ein stor del vert vinterlagra på land. Biltrafikk utanom sesongen er stort sett avgrensa til tilsyn med båtar som ligg i sjøen og nokre ihuga fiskarar. 5.6 Kollektivtilbod og kollektivløysingar. Det er kollektivtilbod i Granvin sentrum. 5.7 Kulturminne. Omtalt i ROS-analyse. 5.8 Friluftsaktivitet og strandsone. Omtalt i ROS-analyse. 5.9 Vurdering i høve til naturmangfaldslova. Omtalt i rapport i vedlegg 9 (Virkninger på naturmiljø Holtan 2012) og i ROS-analyse Privat og offentleg servicetilbod. Småbåthamna ligg i gangavstand frå Granvin sentrum med dei servicetilbod som finst der Konsekvensar for næringsinteresser. Fiskeridirektoratet har ingen merknad til planarbeidet så langt. I samband med opparbeiding av tilkomstveg og landområde kan det verta nytta lokale firma. Drift av småbåthamna og innkjøp, drift og vedlikehald av fritidsbåtar kan koma det lokale næringslivet til gode dersom tilboda finst Landbruksinteresser. Landområdet som småbåthamna legg beslag på har ingen nemnande verdi som jordbruksland. På grunn av bandlegging av skogen i utløysingsområde for snøskred vil skogsdrift verta påverka av gjennomføring av planen Forureining. Omtalt i ROS-analyse.