K-POSTEN. Les meir side 2. Les meir side 11. Les meir side 13. ÅRGANG 18, NUMMER 5 Desember EM Vektløfting Kjempeløft for Naustdal

Transkript

1 INFORMASJON FRÅ NAUSTDAL KOMMUNE. K-POSTEN ÅRGANG 18, NUMMER 5 Desember 2015 Flyktningekonsulenten presenterer seg. Det er på tide å presentere seg: Eg heiter Hilde Gartland og er tilsett som flyktningkonsulent i Naustdal kommune Les meir side 2 BOK PÅ DØRA- biblioteket rett heim til deg! Har du problemer med å komme på biblioteket sjølv? Årsaka kan vere så mangt; sjukdom, alder, glatt føre Naustdal bibliotek og Naustdal frivilligsentral kan tilby deg bøker levert på døra! Ta kontakt med Britt Kringlen, Naustdal bibliotel tlf: eller Torill Hukset, Naustdal frivilligsentral tlf: Tilbodet er gratis. 1 HUSK NISSEMARSJEN 2015 Møt opp på NBU 17. desember og vær med på Nissemarsjen! Les meir side 13 EM Vektløfting Kjempeløft for Naustdal April 2016 arrangerer Tambarskjelvar IL EM i vektløfting. Det er venta at 550 utøvarar og leiarar kjem til Naustdal og Førde under meisterskapen. Les meir side 11 BOK OG HANDARBEIDSKAFÈ Vi starter opp igjen med bok og handarbeidskafè i Januar, sjekk Firda for tidspunkt. Biblioteket ynskjer alle ei riktig GOD JUL og eit GODT NYTT ÅR!

2 Flyktningekonsulenten presenterer seg. Det er på tide å presentere seg: Eg heiter Hilde Gartland og er tilsett som flyktningkonsulent i Naustdal kommune frå 1.juli i år. Bakgrunnen for det er at kommunestyret i vår vedtok å stille seg positiv til IMDi si oppmoding om å busette flyktningar til kommunen. IMDi står for Integrerings- og Mangfaldsdirektoratet og det er dei som har kontakt med Naustdal kommune om personar som er aktuelle å busette. Det sit meir enn 5000 personar i asylmottak rundt omkring i landet vårt, som har eit anerkjent behov for vern og som er gjeve opphald i landet. Det er desse vi som busettingskommune blir oppmoda om å vere med å busette. Flyktningtenesta arbeider hardt med å busette 16 personar i 2015 og neste år skal det og busettast 16 personar. For å greie det har vi behov for bustader. Kommunen har kjøpt ei leilegheit sentralt i Naustdal kor det no har flytta inn ein familie frå Syria. Dei tidlegare barnehagelokala «Loffen» blir bygd om til leilegheiter og bukollektiv til busetting av flyktningar. Dei som blir busett der vil med tida trenge eigne leilegheiter og hus, så om du har noko til leige som med tida blir ledig, er det berre å ta kontakt med servicetorget på kommunen eller ta direkte kontakt med meg for ein prat. Noko anna som har vore viktig for å greie å busette no før jul har vore uvurderleg innsats frå frivillige personar. Det er så kjekt når personar tek kontakt fordi dei har lyst til å engasjere seg. Det set eg veldig pris på. Eg har og nytta Frivilligsentralen og ikkje minst arbeidsgruppa til kommunen. Dei kan eg ikkje klare meg utan! Når flyktningane har flytta til Naustdal skal dei i gong med eit kvalifiseringsløp retta mot utdanning og /eller arbeid. Det aller viktigaste som skal til er å lære seg det norske språket, difor startar dei i Introduksjonsprogrammet for nykomne flyktningar ved Førde Norsksenter. Der skal dei ha undervisning i norsk og samfunnsfag på fulltid, normalt i ein periode på to år. Dei blir då lønna av kommunen frå det integreringstilskotet kommunen får ved busetting. For den enkelte utgjer det 2G pr år, minus skatt. Dei betalar sjølv husleige, strøm, internett, mat, kle osv. Så lenge dei er i Introduksjonsprogrammet har dei fulltids arbeid med det, og det er viktig å ha noko fast å gå til, noko som definera rutinar og struktur i ei elles ukjend tilvære. Å lære norsk på skulebenken er ein ting, ein annan ting er å kunne få praktisere språket i møte med det norske og nordmenn. Korleis kan vi gje dei høve til det? Dei skal integrere seg i det norske, men det er ikkje enkelt om vi ikkje gjev dei 2

3 tilgong til og moglegheit til å forstå seg på oss, væremåten vår og kulturen vår. Vi har alle eit ansvar som medmenneske mot dei rundt oss. Dei nye tilflyttarane til kommunen treng og å føle at dei høyrer til her. Naustdalssamfunnet har teke godt imot dei første busette. Naboar og andre har engasjert seg og teke kontakt. Dette lovar særs godt for den neste busetjinga som er i veke 48. Om du har lyst til å ta ein prat om utleige av bustad er du velkommen til å ta kontakt. Ta og gjerne kontakt med meg om du har lyst til å engasjere deg for flyktningane. I lag kan vi finne ut korleis du kan bruke engasjementet ditt. Ynskjer dykk alle ei Gledeleg Jul! Helsing Hilde Gartland flyktningkonsulent- e-post: hilde.gartland@naustdal.kommune.no mobil: Skogfondkurs i Naustdal 8 februar Naustdal kommune inviterer til eit kveldskurs på 3 timar i bruk av skogfond. Kurset vert på kommunehuset i Naustdal 8 februar klokka , og kursleiar er Arnt Laukeland. Kurset er gratis og retta mot skogeigarar i Naustdal kommune. For dei som har planar om å byggje skogsveg ein gong i framtida, er kurset av spesiell interesse. Enkel servering. Påmelding fortløpande og seinast innan 15 januar til skogbrukansvarleg Henning Malones, tel , henning.malones@naustdal.kommune.no Litt om skogfond: Alle skogeigarar må ved sal av skogvirke setje av midlar til skogfond. Skogeigaren kan sjølv avgjere kor mykje som skal setjast på fond. Minstesats er 4 %, den maksimale satsen er 40 %. Å velje riktig sats er viktig med tanke på investeringsbehovet i skogkultur, veganlegg, m.m. Riktig sats kan gje deg stor økonomisk fordel. Kurset vil også kort omhandle gjennomsnittslikning i skogbruket. Meir om skogfond kan du lese på skogfond.no Velkomen til skogfagleg påfyll om eit viktig kunnskapsområde! FORVALTNING OG STELL AV KOMMUNALE FRIOMRÅDE- RETNINGSLINJE Naustdal kommune forvaltar fleire friområde rundt om i kommunen. Denne retningslinja gjeld særskilt for dei kommunale friområda i regulerte byggefelt. Desse byr på utfordringar ved at skog veks til, og det oppstår behov for tynning og hogst. Naboar til friområda kan ha ulik meining om korleis områda skal sjå ut. ( snauhogst/tynning/ ikkje hogst ) Det er viktig at alle partar vert einige om felles mål for friområdet, så langt råd er. Kommunen har regelmessig fått spørsmål om hogst/rydding i friområda. Slike spørsmål er blitt avklart ved synfaring saman med naboar til områda, der ein har kome fram til ei plan for det som skal gjerast. Altså: Det viktige er at alle som grensar inn til området kjenner til og er einige om kva som skal gjerast, kven som skal gjere det, og at kommunen som eigar godkjenner tiltaket. Har du spørsmål om tiltak i kommunale friområde, ta kontakt med Naustdal kommune v/ fagleiar Henning Malones, tlf , e-post henning.malones@naustdal.kommune.no 3

4 Problem med julegåver? Det er alltid nokon det er vanskelig å finne julegåver til. Biblioteket har svaret til dei som har alt. Kva med å kjøpe noko lokalt. Biblioteket sel lokale trykte produkter. Naustdalskalenderen 2016 kr: 150,00 Naustdal sogeskrift 2015 kr: 200,00 «Godt mot» av Jens Vesterheim kr: 300,00 Dei som er medlemmer i sogelaget får kjøpt fleire hefter for medlemspris. Flott gåve til utflytte Naustedølar!!!! Spiren Babysong: Song, musikk og rytmar for dei minste. Du får friska opp gamle songar og lære nye. Her får alle synge med den stemma dei har. Samvær og samspel mellom barn og forelder er viktig, men det skal òg vere ein møtestad for dei vaksne. Datoar for våren: 20. januar, 3. februar, 17. februar, 2. mars, 16. mars, 6. april, 20. april. Alle dagar frå Meir informasjon finn de på Naustdal kommune si heimeside, under fana Kyrkja. Familiemiddag. Velkommen til god middag og triveleg fellesskap på Naustdal kyrkjelydshus. Middagsservering frå kl Samling for heile familien. Datoar for våren: 26. januar, 23. februar, 29.mars, 26.april. Juletrefest. Det skjer i Naustdal: 2. januar kl vert det juletrefest for heile kyrkjelyden på kyrkjelydshuset. Det vert leikar, mat og gang rundt juletreet. Du som er 7 år vil få ein invitasjon i posten. NB. Påmelding: Send ein sms til med tal på personar innan kl. 14. dagen før. Meir informasjon finn de på Naustdal kommune si heimeside, under fana Kyrkja. Tårnagenthelg. 23. og 24. januar er det igjen klart for Tårnagenthelg. Alle 8-åringar får invitasjon til agentoppdrag i Naustdal kyrkje laurdag kveld, og til gudsteneste søndag. 4

5 5. 7. klasse leir. Leiren vert på Skilbrei mars. Informasjon kjem i posten til alle i aktuell alder. Bibelundervisning for vaksne held fram. Tema for samlingane er Jesus. Forteljinga om Jesus slik vi kjenner den frå Bibelen. Forteljingane Jesus sjølv fortalde. Livet Jesus levde. Kva Jesu liv har fått å bety for kyrkja i verda og for oss i dag. Forteljinga om håp. Korleis Jesus møter oss i song og musikk. Jesus; Kven var han og kven er han? Og du, kven seier du at Jesus er? Samlingane vert på Kyrkjelydshuset i Naustdal onsdagar frå klokka og startar med eit enkelt kveldsmåltid. Møta er opne for alle. Datoar: 20.januar / 10.februar / 2.mars. Arrangørgruppe på vegne av Naustdal sokneråd: Rigmor Frøyen / Einar Skudal / Ingvald Andersen Frøyen Flaskeinnsamling veke 1 9. klasse ved Naustdal barne- og ungdomsskule skal ha flaskeinnsamling første veka etter nyttår. Inntekta går til Polentur. Takk for alle bidrag. Gudstenester i jula: Naustdal kyrkje Julaftan desember kl Familiegudsteneste, julespel, Naustdal barnekor deltek. 1. juledag desember kl Høgtidsgudsteneste med nattverd. Vevring kyrkje: Julaftan desember kl Familiegudsteneste, julespel, Vevring barnekor deltek. 2. juledag 26. desember kl Høgtidsgudsteneste med nattverd. Utsalg ved Gardsbøen Aktivitetssenter, Tunavegen 2. Salg av heimelaga tennbriketter, fuglemat, ryer, sitteunderlag mm. 7 Desember, 10,15-13,30 14 desember, 10,15-13,30 4 Januar, 10,15-13,30 18 jaunuar, 10,15-13,30 Ved andre tider 5 eller spørsmål kontakt Linn Cecilie

6 Konsertar i Naustdal kyrkje: 2015: Søndag kl , julekonsert v/bergen Unge Strykekvartett. Mandag kl , kulturskulekonsert. Torsdag kl , julekonsert v/ Førde musikklag m/solist og Naustdal skulemusikk. Søndag kl , felleskonsert v/songlaget, spelemannslaget og kantor I.Schüren. 2016: Søndag kl , konsert v/norges korforbund Sogn og Fjordane. Laurdag , Opera i kyrkja v/ Opera Nordfjord og solistar. 6

7 NAUSTDAL FRIVILLIGSENTRAL Ein-til-ein tenester. Ein-til-ein tenestene er tilbod om hjelp til ulike gjeremål som du vanlegvis greier sjølv, men som du av ulike årsaker kan trenge hjelp til. Arbeidet er gratis, mot at du betalar den frivillige for nødvendige utlegg som t.d. bensinutgifter. Eksempel på tenester: Handle varer. Køyring i diverse ærend. Følgjeteneste. Småreparasjonar. Turvenn/besøksvenn. Råd/rettleiing. Skriving av brev/kort. Måndagskafè. Kafè i 1.etg. på Kyrkjelydshuset kl kvar måndag med kaffi/te, vaflar og smørbrød. Velkommen innom! Måndag 14.desember kl blir det juleavslutning med julekaker og vi syng julesongar. Kafèen opnar igjen måndag 4.januar Sosialt samvere på Nillestova. Kvar tysdag og torsdag kl , for alle pensjonistar og eldre i kommunen. Tilbodet inneheld kvar gong: Føremiddags-kaffi med nysteikte vaflar, trim, sosialt samvær, høve til å kjøpe middag. Enkelte gonger er det: Framsyning av film/bilete på storskjerm, Bingo, «Vi syng i lag», eller Seniordans. Deltaking på Nillestova kostar kr.40,- pr. gong, middag kr.75,-, Bingo kr.10,-. Treng du skyss til/frå, ta kontakt med Frivilligsentralen. Siste gong før jul er torsdag 10.desember. Nillestova startar opp igjen tysdag 5.januar Seniornett Naustdal. Dataklubb for seniorar i 2. høgda på Kyrkjelydshuset kvar fredag kl Midt i økta tar vi pause og går på kafè i 1.etg. Følg med på «Det skjer» i Firda om tema. Klubben har også eiga heimeside: ogn_og_fjordane/naustdal Vel møtt til ei triveleg stund ved datamaskina i lag for både nybegynnar og vidarekomne! Serviceskyssen frå Fjorden kan nyttast. Påmelding til Naustdal Taxi innan kl 20 dagen før. Siste gong før jul blir fredag 11.desember. Dataklubben startar opp igjen 8.januar Kurs i nettbrett og smarttelefon v/ Telenor i veke 4, 2016: Har du lyst til å lære meir om alt som finst i den digitale verda? Vi inviterer til mobilog nettbrettkurs for nybegynnarar, med mykje praktisk øving. Her får du hjelp til å komme i gang og lære meir om smart og nyttig bruk av ditt nettbrett eller smarttelefon. Bli med oss på ein spennande og inspirerande dag, helt gratis! Dette er eit kurs laga for dei som er heilt nybegynnar. Men også for deg som har brukt smarttelefon eller nettbrett ei stund, og som gjerne skulle visst om dei smarte knepa for å få meir ut av terminalen din, som det kallast på fagspråket. Det blir teke sikte på to kurs onsdag 27. og/eller torsdag 28.januar. Kursa blir på dagtid kl og Det er plass til 15 personar på kvart kurs. Påmelding / meir info til Frivilligsentralen tlf / måndag-fredag Aktivitetskafè på kyrkjelydshuset. Aktivitetskafèen er eit samarbeid i prosjektet «Helsefremjande eldre i Naustdal». Kafèen er open kvar torsdag kl , og inneheld følgjande aktivitetar: 10.00: Boccia : Trening ved fysioterapeut i kommunehuskjellaren : Trim v/ fysioterapeut i «nye-salen».

8 12.00: «Vi syng i lag» - med den stemma vi har. Sal av smørbrød, vaflar, tebrød og lefse i kafèen. Det går serviceskyss frå Dalen og sentrumsområdet, pris kr 25,- kvar veg. Hugs å melde deg på til Naustdal Taxi innan kl 20 dagen før. I tillegg til å vere med på aktivitetar og kafè er det mogeleg å nytte skyssen til å handle, gå til frisør, besøkje offentlege kontor, bank, post og meir. Siste gong med Aktivitetskafè før jul blir 10.desember med Luciafeiring, sjå eigen info. Torsdag 17.des blir det kun kafè Aktivitetskafèen opnar igjen 7.januar i det nye året. Drosjeruter fredagar til Rampen. Naustdal Ungdomsråd, i samarbeid med Frivilligsentralen og Sogn & Fjordane Fylkeskommune tilbyr drosjerute frå Fjorden og Dalen til Rampen Ungdomsklubb fredagar, for ungdommar år. Rutene går frå Horne og Svoa/Fimland ca. kl Retur frå Rampen kl Påmelding på Facebook før kl kvelden før. Du må oppgje namn og adresse (kvar du vil gå på ruta) og om du skal vere med tur/retur eller berre ein veg. Ruta går ved minimun 3 påmelde. Pris kr 25,- kvar veg. Det er viktig at ruta blir brukt for at vi skal få behalde den! Ung Kultur Møtest 2016 (UKM) Mønstring for ungdommar år, blir arrangert i Førdehuset saman med UKM Førde, søndag 6.mars -16. Påmelding og meir info på Påmeldinga opnar 1.desember Ein kan delta i alt! Sceneinnslag som Dans, Song, Musikk, Foto, Video, Band, Klassisk musikk, Folkemusikk, Sjonglering, Teater, Akrobatikk, Litteratur (dikt/forteljing) og meir. Ein kan også delta med utstilling: Kunst, Maleri, Teikning, Fotografi og meir. For å bli god til 6.mars neste år er det berre å setje i gong! Meld deg på - Vis kva du kan! Strøsand til eldre. Det blir også denne vinteren høve til å hente sand ved kommunehuset for eldre/uføre. Spann med sand kan hentast i gangen inn til kommunehuset på kvardagar kl Treng du hjelp til å hente sand og/eller til strøing, ta kontakt med Frivilligsentralen. Sanden er gitt av Stein Torald Vonen. Vi ber om at du leverer embalasjen i retur, evt. at du tar med eige spann og tømmer sanden over. Julaftan i Førde Kyrkjetun. Det blir som tidlegare år arrangert julefeiring i Førde Kyrkjetun, der også deltakarar og frivillige frå Naustdal kan vere med. Tilstellinga tek til kl Det vert servert tradisjonell norsk julemiddag, og det vert julesongar, julekaker og små gåver. Det er gratis å delta på Julaftan, men arrangørane er avhengige av inntekt, og tar gjerne imot eit bidrag. Påmelding til Kyrkjekontoret i Førde eller til Frivilligsentralen i Førde Kan du tenkje deg å bli med i Frivilligsentralen? Ta kontakt!! Du bestemmer sjølv: - kva du ynskjer å gjere - kor tid du kan bidra - kor mykje tid du vil bruke Du inngår ingen langsiktig avtale, synest du det er givande held du fram. 8

9 Eventuelle utgifter med arbeidet vil bli dekka. Vi har årleg festleg samkome for dei frivillige medarbeidarane våre i november, og om våren arrangerer vi hyggjeleg dagstur. Naustdal Frivilligsentral: Kontor: 2.etg. på kommunehuset. Kontortid: Måndag - fredag Tlf: / E-post: frivilligsentralen@naustdal.kommune.no Postadr.: Naustdal Frivilligsentral, Postboks 43, 6806 Naustdal Heimeside: Torill Hukset, dagleg leiar. Hugs å bruke SERVICESKYSSE N!! Er som ei VANLEG BUSSRUTE, for alle aldersgrupper! Ruta kan nyttast til handling, gå til frisør, på kafè, besøkje offentlege kontor, post, bank, besøkje vener, og meir. Ruta blir utført med taxi, og kostar kr 25,- kvar veg. Meld deg på til Naustdal Taxi, tlf , seinast kl. 20:00 dagen før ruta skal gå. Dette for at drosjeeigar skal vite kvar han skal køyre, og kunne planlegge kor stor bil som må nyttast. Serviceskyssen går på desse dagane heile året, unnateke raude dagar : Onsdag: Sentrumsområdet Naustdal sentrum Start Helgås kl tar med passasjerar i byggjefeltet Naustdal sentrum ca kl Retur frå Naustdal kl Stopp Helgås ca kl Torsdag: Dalen Naustdal Sentrum Start Svoa kl Slettemark Ullaland Byrkjeflot Åse Naustdal sentrum ca kl Retur frå Naustdal kl Stopp Svoa ca kl Fredag: Fjorden Naustdal sentrum Start Horne kl Vassbotnen Helle- Naustdal sentrum ca kl Retur frå Naustdal kl Stopp Horne ca kl DET ER VIKTIG AT SERVICESKYSSEN BLIR BRUKT, ELLES KAN DEN BLI NEDLAGT!! Har du spørsmål om skyssordninga kan du ringe det same nummeret, , eventuelt til Frivilligsentralen tlf , eller service-kontoret på kommunen, tlf Serviceskyssen er eit samarbeid med Sogn og Fjordane Fylkeskommune som bidreg med tilskot til ordninga. ************** Open Kafè på Kyrkjelydshuset: Måndag : Onsdag: Sal av middag frå kl Torsdag: Fredag: Laurdag: Kafé-vertar: Naustdal Kyrkjelydshus Onsdagskafèen Frivillige organisasjonar i Naustdal Prosjektet Helsefremjande eldre Frivilligsentralen 9

10 Luciafest på tvers av generasjonar Vi tek opp ein gammal tradisjon, og inviterer deg som er pensjonist til Luciafeiring, i lag med dei eldste borna i Naustdal Idrettsbarnehage. Feiringa er på Kyrkjelydshuset 10.desember, kl Program: Luciaopptog og song v/idrettsbarnehagen Opplesing/Lucia fortelijng Allsong Kaffi, kaker/lussekattar Velkommen til ei hyggjeleg førjulsstund! Serviceskyss frå heile kommunen. Påmelding til Naustdal Taxi på , innan kl dagen før. Arr.: Prosjekt helsefremjande eldre/naustdal Pensjonistlag og Naustdal Idrettsbarnehage. Naustdal Sogeskrift. Naustdal Sogelag er i år 25 år, og feirar seg sjølv med å gje ut eit ekstra tjukt sogeskrift. Det er mykje variert stoff i skriftet. Ein kan lese ein del om krigen, Naustdal songlag 125 år, Horstadstølen under krigen, Torbjørg Marie Veien si stilebok, Ein kan sjå eit brev sendt til NS, ein kan lese om Oddlaug Kvammen, Aslaug Fimland, Anne Pernille Simensdotter, Lidvald Stubhaug, Rise Fimland og Inga Grytten. Det er historier om gamle traktoren til Audun Håland og Folkemusikk og spelemenn i Naustdal og ikkje minst ei historie skrive på dialekt. Vi meiner det skal være stoff for ein kvar smak. Det er mykje bilete i heftet. Heftet kan kjøpas fleire plassar: Askvoll: Joker Kvammen Florø: Flora bibliotek Førde: Domus og Narvesen Handelshuset Vevring: Fjordbutikken AS Kalland: Joker Naustdal Naustdal: Exstra Naustdal og Naustdal bibliotek Vi håper alle vil finne noko av interesse i årets skrift. Viss nokon har lyst å skrive til sogeskriftet ta kontakt med skriftstyret v/britt Kringlen eller Aase Skaaden Erdal, det kan være korte eller lange stykkje. Ingenting er for lite til å skrive om, kanskje ei morosam historie eller ein person ein ynskjer å heidre. Håper det er nokon frå heile kommunen som kan bidra, viktig at vi har stoff frå alle kriker og kroker i vår langstrakte kommune. Vi skulle gjerne hatt meir stoff frå Vevring området også Kan du ikkje skrive det ned sjølv kan sogelaget være behjelpelig med det. Ikkje vær beskjeden ta kontakt. Sogelaget vil ynskje alle ei riktig GOD JUL og eit GODT NYTT ÅR. 10

11 EM Vektløfting Kjempeløft for Naustdal April 2016 arrangerer Tambarskjelvar IL EM i vektløfting. Det er venta at 550 utøvarar og leiarar kjem til Naustdal og Førde under meisterskapen. Utøvarane vil nytte Naustdalshallen og vektløftarfasilitetane der til trening i forkant av konkurransane, mens sjølve EM arrangementet vil foregå i Førdehuset. Oppgraderinga som no er i gang i Naustdalshallen kjem som resultat av at Tambarskjelvar IL fekk tildelt meisterskapen og er eit synleg prov på dei positive effektane meisterskapen vil ha for Naustdal og Sunnfjord. I tillegg til utbygginga vil også overskotet frå EM gå tilbake til arrangørane. - Dette er bokstavleg talt eit kjempeløft for Tambarskjelvar IL og Naustdal, og vi har behov for frivillige både i forkant og under meisterskapen. Vi har bruk for personar i alle aldrar til mange ulike oppgåver i forbindelse med EM, seier leiar i Tambarskjelvar IL Dag- Rune Mallasvik. På nettsida til EM kan du registrere deg som frivillig. Følg også EM på Facebook for å følgje med på aktuelle nyheiter knytt til EM. Fakta EM 2016 vert arrangert i Førde og Naustdal April Tambarskjelvar IL er teknisk arrangør for arrangementet i samarbeid med Norges Vektløftarforbund og fleire andre idrettslag. Deltakarar frå 45 nasjonar vil konkurrere i totalt 15 vektklassar for damer og herrar. Det er venta 550 utøvarar, leiarar, trenarar, og funksjonærar til Sunnfjord i forbindelse med arrangementet. Meisterskapen vil bli sendt på TV i 55 land. TV-sendingane har eit potensiale for å nå 50 millionar TV- sjåarar. EM 2016 vil fungere som kvalifisering til OL i Rio For Europeiske løftarar vil dette være den siste sjansen ein har til å kvalifisere seg til OL. I forkant av meisterskapen vil det europeiske vektløftarforbundet arrangere sin årlege konferanse i Førde. Tambarskjelvar IL EM Vektløfting JULEKONSERT I NAUSTDAL KYRKJE. Årets julekonsert vert søndag 20.desember klokka I tillegg til Naustdal Songlag, deltek Jentekoret og Spelemannslaget, og Imke Schüren spelar orgel. Kom og bli med og syng nokre av dei kjære julesongane våre, og la julefreden få seinke seg i lag med gode og flinke song- og musikkaktørar i bygda! Hjarteleg velkomen! 11

12 Ragnhild kjem igjen! Ragnhild Sannes frå Naustdal og Bergen Unge Strykekvartett inviterer til klassisk julekonsert i Naustdal kyrkje, den 13. desember kl. 16. Musikk av Bach, Schubert, Tchaikovsky m.m. Bergen Unge Strykekvartett er ny og består av profesjonelle, klassiske musikarar som i dag er busette i Bergen: Siri Einen, fiolin Māra Šmiukše, fiolin Ingrid Eriksen, bratsj Ragnhild Sannes, cello Jule-og Nyttårsfest ved Naustdal sjukeheim. Naustdal Pensjonistlag lager til den årlege jule-og nyttårsfesten på sjukeheimen i Naustdal den 10. januar 2016 kl Naustdal songlag deltek Det blir Andakt Mat og kaffi (Det blir litt matpengar.) Alle er hjarteleg velkomne. Satsar på at det vert ein del snø i vinter! Åsmunds Skiskule 2016 startar opp måndag den 4. januar kl i skileikanlegget i Instedalen i Naustdal Det vert skiskule (skileik) på måndagar i heile januar, februar og mars. Skiskulen er for alle frå om lag fire år og oppover. Alle er velkomne! Inngang kr 200/100. Born gratis. Mest leik og øving, litt instruksjon og rettleiing! I bakkar, på flate, i løype, og ute i skogen! Skiskulen er ein del av barneidretten og idrettsskulen til Tambarskjelvar. Pris for dei som ikkje er med der, er 300 kr med 50 kr i søskenrabatt. Påmelding med alder, e-post og mobil til: Beste helsing Åsmund Berthelsen asmund.berthelsen@icloud.com eller innan fredag 18. desember 12 Meir om Instedalen skianlegg og skiskule på

13 Nissemarsjen 2015 Tradisjonen tru arrangerer Tambarskjelvar barneidretten, nissemarsj 17. desember, i samarbeid med Sparebanken Sogn og fjordane. Avgang frå NBU kl 18. Arrangementet er ope for alle barn i Naustdal, om du er med på idrett eller ikkje. Ta på deg nisselue, refleks og lykt og bli med på marsjen gjennom Naustdal sentrum. Vi avsluttar ved bankbygget, der sparebanken har ope hus og spanderer graut. Vi håpar nissen kjem med medaljar og gåver slik han har gjort før om åra. Velkomen! 13

14 14

15 Ski- og orienteringsgruppa i Tambarskjelvar Skikarusellen (langrenn) 2016 Søndag 10/ Påmelding kl Start kl Klassisk Telenorkarusell Søndag 17/ Påmelding kl Start kl Fristil Telenorkarusell Søndag 24/ Påmelding kl Start kl Klassisk Telenorkarusell Søndag 31/ Påmelding kl Start kl Fristil Søndag 7/ Påmelding kl Start kl Klassisk Mandag 22/ Påmelding kl Start kl Fristil Telenorkarusell Søndag 28/ Instiaden. Klassisk Søndag 20/ Påmelding Start Fristil Lagsmeisterskap. Alle renna går i Instedalen Skianlegg. Instiaden 2016 Sundag 28. februar frå kl Skimoro og leik for store og små i Instedalen Skianlegg. Matservering og skifest! Arrangørar: Von 4H, Instedalen Skianlegg, Åsmunds skiskule, Dalen Tur og Trimlag (DTTL) og Instedalen Bygdekvinnelag. 15

16 TELEFONLISTE FOR NAUSTDAL! Kommunehuset: (Plan og næring, Kultur, service, tekniskdrif, rådmann) Legesenteret: Legesenterer v/akutt behov: Legesenteret etter 15.30: Helsesøster: Jordmor: Tannlege: Heimesjukepleien: Fysioterapi: Psykisk helse: Naustdal Sjukeheim: Politi: Brann: Kyrkjekontoret: Biblioteket: Brøytevaktnummer Naustdal kommune : (gjeld i perioden 01. des 31. mars) Frivilligsentralen: / Naustdal Rødekors Hjelpekorps SKULER. Naustdal barne og Ungdomsskule: Naustdal barne og Ungdomskule avd. Horstad NBU, SFO Horstad Vevring: BARNEHAGAR. Naustdal Idrettsbarnehage as Lunden: Vevring: