MELDING PROSJEKTNR. DATO

Transkript

1 OMRÅDEREGULERING SYKKYLVEN SENTRUM PROSJEKTNR. DATO OPPSTARTS MELDING

2 Innhald side 1. Forord Innleiing Bakgrunn og målesetting med planarbeidet Plannivå og planområde Gjeldande planar Planprosess og medverknad Vurdering av krav til konsekvensutgreiing Krav i forskrifta Vurdering etter 4 vesentlege verknader for miljø og samfunn Konklusjon konsekvensutgreiing Vidare saksgang og framdriftplan Informasjon og medverknad i denne planprosessen Dagens situasjon i planområdet Bebyggelse og struktur Landskap og grønstruktur Trafikk Verneinteresser Planlagt arealbruk Grunnlag for planarbeidet Verknader av planen... 12

3 1. Forord Sykkylven kommune har starta eit arbeid med utvikling av Sykkylven sentrum, og arrangerte i 2012 i ein idekonkurranse med dette som tema. Kommunen vil no gå vidare i dette arbeidet, og startar opp ein reguleringsprosess for sentrum, med utgangspunkt i dei to vinnarprosjekta frå konkurransen. Planarbeidet blir utført av Plot arkitekter as, på vegne av og i samarbeid med Sykkylven kommune. Kontaktperson i kommunen er planleggar Njell Hoftun. Arealbruken for denne reguleringsplanen er avklart i overordna plan; kommuneplanen, og det er dermed ikkje krav om konsekvensutgreiing og planprogram. For å stimulere til ei brei drøfting om sentrumsutviklinga i ein tidleg fase, er det utarbeidd ei utfyllande oppstartsmelding, i form av dette dokumentet. Oppstartsmeldinga gir ei innføring i grunnlaget og rammene for planen, peikar på viktige problemstillingar, og seier noko om korleis dette er tenkt løyst i planen. Denne oppstartsmeldinga blir gjort tilgjengeleg i samband med varsel om oppstart av reguleringsarbeidet. Ålesund, Grete Valen Blindheim Sivilarkitekt MNAL 2

4 2. Innleiing 2.1 Bakgrunn og målesetting med planarbeidet I samband med utarbeiding av samfunnsplan for Sykkylven, kom sentrumsutvikling tidleg opp som eit viktig satsingsområde. Eit godt fungerande sentrum vart sett på som viktig for innbyggarane, for reiseliv og handelsutvikling, og for å gjere kommunen meir attraktiv som bustadkommune. Arbeidet med samfunnsplanen resulterte i ein arkitektkonkurranse om utvikling av sentrum. Her blei det delt premiering; 1. premie gjekk til «Med hjartet på rette staden», utarbeidd av Dronninga Landskap i samarbeid med Arkitektfirmaet C.F. Møller, ZENISK og Vista Analyse. 2.premie gjekk til «Sentrumsglede» utarbeidd av Lala Tøyen AS i samarbeid med Pir II og NIBR. Dei to vinnarprosjekta skal no legge grunnlaget for utarbeiding av ein ny reguleringsplan. Formålet med planarbeidet er å fastsette rammer for framtidig vekst og utvikling av Sykkylven sentrum. Viktige målsettingar er mellom anna å skape eit meir funksjonelt og attraktivt sentrum tilgjengeleg for alle, legge til rette for bustadutvikling og næringsliv, og forsterke den etablerte kvartalstrukturen. Vidare blir det viktig å legge til rette for betre kontakt mellom sentrum og sjøen, og som ein del av dette; at dagens fylkesveg på sikt kan utviklast til ei sentrumsgate. 2.2 Plannivå og planområde Planen blir utarbeidd som ei detaljregulering, innanfor området vist på illustrasjonen under. Det er førebels uklart kva omfang planen får på vestsida av fylkesvegen (sjøsida), men planen tek som eit minimum sikte på å avklare byggegrenser mot og avkjørsler frå fylkesvegen. Grenser for planområdet. 3

5 Til høgre ein illustrasjon frå 2. premien i arkitektkonkurransen; «Sentrumsglede». Under ein illustrasjon frå 1. premieforslaget; «Med hjartet på rette staden». 4

6 2.3 Gjeldande planar Kommunedelplan for utvida sentrumsområde frå 2010 gjeld for området, og blir lagt til grunn for dette planarbeidet. Planen viser blanda formål bustad/forretning/kontor for sentrum. I tillegg omfattar planen eit areal sett av til offentleg formål kring rådhuset, og eit blanda formål bustad/forretning/offentleg på sjøsida av fylkesvegen. Utsnitt av gjeldande kommunedelplan, grenser for reguleringsplanen markert med kvit linje. Planområdet markert på ei samanstilling av gjeldande reguleringsplanar. 5

7 Område B6, samt vegføring i nordre grense for dette området i kommunedelplanen er ikkje juridisk bindande, etter ei motsegn heimla i kulturminnelova. Meklingsresultatet konkluderte med vidare avklaring gjennom reguleringsplan, noko som vil bli gjort i denne planprosessen. Innanfor planområdet finn vi ei rekke eldre reguleringsplanar frå 70 og 80 talet. Desse vil bli erstatta av den nye reguleringsplanen. Mellom fylkesvegen og sjøen gjeld ein nyare reguleringsplan frå Planen omfattar fylkesvegen (tidlegare riksveg), og eit framtidig utviklingsområde for sentrum. Reguleringsformålet for byggeareala er bustad/forretning/kontor. 3. Planprosess og medverknad 3.1 Vurdering av krav til konsekvensutgreiing Krav i forskrifta For å kunne avgjere om planen inneber krav om konsekvensutgreiing, må innhaldet og omfanget av planen vurderast opp mot Forskrift om konsekvensutgreiing. Vedlegg II til forskrifta omtalar planar og tiltak som skal vurderast i samsvar med 4 i forskrifta. I følgje punkt 3 i vedlegg II skal utvikling av by og tettstadsområde vurderast etter 4. Dette gjeld for denne planen Vurdering etter 4 vesentlege verknader for miljø og samfunn Punkt a) Lokalisering i / konflikt med område med særleg verdifulle landskap, naturmiljø, kulturminne eller kulturmiljø. Vurdering: Planen kjem ikkje i konflikt med særleg verdifulle landskap, naturmiljø eller kulturmiljø. Planen vil vidareføre av den delen av kommunedelplanen som blei unntatt rettsverknad på grunn av konflikt med kulturminnelova, og kjem slik i konflikt med særleg verdifulle kulturminne. Kommune ønskjer utbygging og ny veg over delar av Auremarka. Det er utført konsekvensutgreiing innanfor dette temaet i samband med utarbeiding av kommuneplanen, og problemstillingane er kjente og klare. Det vil i planen bli lagt opp til utvida planomtale for temaet kulturminne. Det er ikkje vurdert som nødvendig å gjennomføre konsekvensutgreiing etter krava i forskrifta. Dette er også avklart med fylkeskommunen. Punkt b) Lokalisering i / konflikt med viktige inngrepsfrie naturområde, eller trussel mot trua/ prioriterte artar/naturtypar. Vurdering: Planen inneber ikkje slike konfliktar. Punkt c) Lokalisering i / konflikt med større friluftsområde, viktige vassdragsnære område, overordna grønnstruktur, og viktige friområde i byer og tettstader. Vurdering: Planen inneber ikkje slike konfliktar. Punkt d) Konflikt med gjeldande rikspolitiske bestemmelser, rikspolitiske retningslinjer eller statlige planretningslinjer/ planbestemmelser eller regionale planbestemmelser. Vurdering: Planen legg ikkje opp til slik konflikt. Punkt e) Konflikt med samiske næringar/ reindrift. Vurdering: Ikkje aktuelt her. Punkt f) Større omdisponering av landbruks, natur og friluftsareal. Vurdering: Planen inneber ikkje slike konfliktar. 6

8 Punkt g) Gir vesentleg auke i talet på personar som blir utsett for stor påkjenning av luftforureining, støy eller lukt, eller kan føre til vesentleg forureining, klimagassutslepp eller stråling. Vurdering: Planen inneber ikkje slike konsekvensar. Punkt h) Medfører risiko for alvorlege ulykker, ras, skred og flom. Vurdering: Planen inneber ikkje slike konsekvensar. Punkt i) Kan få konsekvensar for folkehelsa eller helsa si fordeling. Vurdering: Planen inneber ikkje slike konsekvensar. Punkt j) Kan få vesentlege konsekvensar for tilgangen til uteområde, bygningar og tenester. Vurdering: Planen inneber ikkje slike konsekvensar. Punkt k) Kan få vesentlege miljøverknader i ein annan stat. Vurdering: Ikkje aktuelt her Konklusjon konsekvensutgreiing Det er ikkje vurdert å vere behov for konsekvensutgreiing i denne planprosessen. 3.2 Vidare saksgang og framdriftplan For planarbeidet er det lagt til grunn ei forventa framdrift slik det kjem fram av tabellen under. Fasar i planarbeidet Innhald og medverknad Utarbeiding og behandling Framdrift Oppstartsfase. Utarbeiding av oppstartsmelding. Innleiande møte. Vurdering av grunnlagsmateriale og planinnhald. Plot arkitekter/ Sykkylven kommune November 2013 januar 2014 Varsel om oppstart (4 veker) Sendast til grunneigarar og høyringsinstansar. Kunngjering. Møte med aktuelle partar. Sykkylven kommune (planmyndigheit) 5. februar 5. mars 2014 Arbeid med avklaringar, utarbeiding av planforslag Innsamling av kunnskap, utgreiingar/ vurderingar. Drøftingar med fagetatar og berørte partar. Utarbeiding av planforslag. Aktuelle partar, Plot arkitekter og Sykkylven kommune Mars juli 2014 Politisk behandling av planforslag Sykkylven kommune, planutvalet August 2014 Offentleg ettersyn av planforslaget (min 6 veker, pluss ferietid) Sendast grunneigarar og høyringsinstansar. Kunngjering. Sykkylven kommune September oktober 2014 Bearbeiding av planen Avklaringar med aktuelle partar. Behandling av merknadar Plot arkitekter/ Sykkylven kommune oktober 2014 januar 2015 Godkjenning av reguleringsplan Sykkylven kommune, kommunestyret Februar

9 Godkjenningstidspunktet er planlagt ut frå at det er tilstrekkeleg med eitt offentleg ettersyn av planen. Dersom det må gjerast vesentlege endringar i planen etter 1. gongs offentleg ettersyn, må planen ut til nytt offentleg ettersyn, eventuelt ei avgrensa høyring. 3.3 Informasjon og medverknad i denne planprosessen Plan og bygningslova stiller krav om at den som fremjar eit planforslag, skal legge til rette for medverknad. Planmyndigheita har vidare plikt til å sette i verk aktive tiltak for å få til medverknad. I samband med oppstart av planarbeidet blir det no sendt brev til alle grunneigarar innanfor planområdet, samt til høyringsinstansane. Oppstart blir kunngjort i Sykkylvsbladet og Sunnmørsposten, og det vil bli arbeidd for mediedekning av saka. Oppstartsmeldinga er tilgjengelig på kommunen si heimeside på Plot arkitekter si heimeside arkitekter.no, samt på servicetorget på rådhuset. Det vil bli halde eit folkemøtei kulturhuset , der oppstartsmeldinga vil bli presentert. Invitasjon til folkemøte er gitt i brevet som går ut i samband med oppstart av planarbeidet. Sentrale aktørar og myndigheiter vil bli kontakta og invitert til å kome med synspunkt og innspel til planprogrammet og det vidare reguleringsarbeidet. Det vil bli arrangert møter med aktuelle parter underveis i reguleringsarbeidet, samt opne informasjonsmøte i samband med offentleg ettersyn. 4. Dagens situasjon i planområdet 4.1 Bebyggelse og struktur Sykkylven sentrum opplevast kompakt og klarare definert enn i mange andre tettstadar, med dei grøne Auremarkane som avgrensing i nord og aust, og fylkesvegen som grense i vest. Sentrum har eit variert forretnings og tenestetilbod innanfor ein tradisjonell kvartalsstruktur, noko som gjer at området har mange kvalitetar for dei som bevegar seg på gateplan. Der strukturen er Sykkylven sentrum sett frå sjøsida. Fylkesvegen med tilhøyrande rundkjøringar dominerar i framgrunnen. Den grøne omramminga om sentrum, og dei grå flatene i sentrum er også tydeleg. 8

10 tett, dannar det seg klart avgrensa gaterom. Her vender dei fleste forretningane seg direkte ut mot gatene, og bidrar til eit attraktivt mangfald på gateplan. Bygningsmiljøet er lite heilskapleg, og sentrum har behov for ei arkitektonisk «oppstramming». 4.2 Landskap og grønstruktur Sentrum ligg i på ei flate ved fjorden, sør for Aureelva. Flata skrår svakt ned mot sjøen, og har frå naturen si side god sjøkontakt. Dette var også situasjonen for tettstaden i tidlegare år. Fylkesvegen og utfylling i sjø vanskeleggjer denne kontakten i dag. Sentrum er ramma inn av grøne område, men det er lite grønt inne i kvartalstrukturen. I delar av sentrum er det store asfalterte flater, som gir eit svært grått preg. 4.3 Trafikk Sentrum er prega av gjennomgangstrafikk på fylkesvegen, og veganlegget dominerer også visuelt. Trafikken kjem puljevis knytt til ferja på Aursnes, som har avgang kvart 20. minutt. Årsdøgnstrafikken (ÅDT) på fylkesvegen er Som gåande kan det i delar av planområdet opplevast utrygt å ferdast. Mange stader er gangareal ikkje klart definert, og utflytande asfalterte flater framstår som reine trafikkareal for bil. Det er behov for å rydde opp i parkeringssituasjonen i sentrum. Det er også behov for betre tilrettelegging for kollektivtrafikken. 4.4 Verneinteresser Planen omfattar areal med funn av fornminne mellom anna på Auremarka. I kommunedelplan for utvida sentrum (2010) er plansituasjonen for del av Auremarkane (B6 i plan) uavklara. I samsvar med mekling med Fylkesmannen blir arealet tatt med for avklaring gjennom reguleringsprosessen. Kartet viser dei mange arkeologiske lokalitetane i Sykkylven sentrum, markert med rune R, og tilhøyrande freda område, vist som rosa felt på kartet. Dei grå felta viser lokalitetar som tidlegare var freda. Kjelde: 9

11 5. Planlagt arealbruk 5.1 Grunnlag for planarbeidet Planarbeidet tar utgangspunkt i 1. og 2 premieforslaget i arkitektkonkurransen. Dei to forslaga har ulike kvalitetar som ein ønskjer å vidareføre inn i reguleringsplanen: Funksjonsblanding Ein ønskjer å legge til rette for fleire bustader i sentrum, og eit variert næringsliv. Dette er i tråd med arealbruken i kommunedelplanen. Fortetting av eksisterande sentrum og styrking av kvartalstrukturen Tilrettelegging for fortetting av sentrum er eit viktig tema i planen. 1. premieforslaget synleggjer eit stort potensiale for fortetting, basert på den etablerte kvartalstrukturen i sentrum. Omfanget av fortettinga må avklarast gjennom planarbeidet, men det er lagt til grunn at fortettinga ikkje blir fullt så massiv som i 1. premieforslaget. Fylkesvegen som gate Planen tek utgangspunkt i at fylkesvegen på sikt blir endra frå veg til gate, noko begge forslaga har vist. Dette inneber at bygg blir trekt nærare vegen, og at det blir arbeidd for å redusere barriæreverknaden av vegen. Dette er viktig for å få sentrum til å fungere godt med det framtidige utbyggingsområdet på sjøsida av fylkesvegen. 1. premieforslaget er vurdert å ha den mest gjennomarbeida løysinga, der fylkesvegen vert ein integrert del av den samla gatestrukturen. Omfang av endringane, og tidsperspektiv på endringane må avklarast gjennom planprosessen. Frå 1. premieforslaget «Med hjartet på rette staden». Frå 1. premieforslaget; nytt kryss med fylkesvegen som gate. Etablering av torg Det er ønskje om å etablere eit torg i sentrum; ein attraktiv samlingsstad for alle. Dei to forslaga viser ulike løysingar på dette. Det blir her tatt utgangspunkt i 2. premieforslaget, som viser torg/ gågate i Pilgata. Dette er vurdert å vere ei god lokalisering, godt skjerma for vind, og med eit volum som vil vere høveleg for sentrum. Samtidig opnar lokaliseringa for å oppretthalde Kyrkjevegen som ein gjennomgåande trafikkakse. Frå 2. premieforslaget «Sentrumsglede»; nytt torg/ gågate i Pilgata. 10

12 Eit torg i Pihlgata må kunne fungere som biltilkomst for nokre av dei tilgrensande eigedomane. Blanda arealbruk som gate/torg bør vurderast. I planprosessen bør det også vurderast om det skal opnast for torgfunksjonar i det indre gardsrommet i Nordea/Gjensidige kvartalet, som eit alternativ eller supplement til gatetorg. Interntrafikk Det blir lagt til grunn at Kyrkjevegen blir open for gjennomkjøring. Denne gata knyter seg naturleg opp til lokalvegnettet sørover. Vidare blir det lagt til grunn at omkøyringsmoglegheitene i ytterkant av sentrum skal oppretthaldast. Dette gir god fleksibilitet i vegnettet i sentrum. Begge forslaga viser ei forlenging av gata mellom Kyrkjevegen og Strandgata, ut til fylkesvegen. Planen vil ta utgangspunkt i at eit slikt nytt kryss på sikt kan etablerast, om lag der den sørlegaste rundkjøringa er i dag. Parkering Dei to vinnarforslaga viser ulike løysingar for parkering. 1. premieforslaget har lagt opp til gateparkering og parkeringskjellarar under nybygg i nord. Dette er vurdert som ei god løysing på sikt, men parkeringskjellarar er truleg økonomisk urealistisk på kort sikt. 2. premieforslaget viser eit samanhengande belte med opne parkeringsplassar i nord, som vil signalisere gode stopp moglegheiter for forbipasserande. Denne løysinga kan iverksettast med relativt enkle midlar. Planen vil ta utgangspunkt i eit slikt parkeringsbelte, kombinert ned gode moglegheiter for gateparkering. Planen må utformast slik at ein på sikt kan etablere bygg med parkeringskjellarar på dei opne trafikkareala. Frå 2. premieforslaget «Sentrumsglede»; situasjonsplan med parkeringsbelte mot nord og torg i Pilgata (blå markering). Frå 1. premieforslaget «Med hjartet på rette staden»; illustrasjon av gangstiar og passasjar. Løysingar for mjuke trafikkantar Begge forslaga viser gode og funksjonelle gangsamband, med klare skilje mellom gåande og biltrafikk. Dette vil vidareførast inn i reguleringsplanen. Grønnstruktur Begge forslaga foreslår å utvikle gardsromma inne i kvartala til grøne lunger, skjerma mot ver og vind. Vidare er det foreslått tilplanting av tre. Frå 1. premieforslaget; illustrasjon av grønstrukturen. 11

13 I tillegg vil planen fokusere på nokre tema som ikkje blei drøfta i arkitektkonkurransen: Kollektivtrafikk Det er planlagt ny bussterminal inn mot Auregata, sør for kyrkjeparken. Arealbruken kjem i konflikt med fornminne, men dette er langt på veg avklart gjennom ein tidlegare prosess. Utbygging og veg over Auremarka B6 Planen vil vidareføre av den delen av kommunedelplanen som blei unntatt rettsverknad på grunn av konflikt med kulturminnelova. Kommune ønskjer utbygging og ny veg over delar av Auremarka. Utbyggingsareal og veg er lagt inn i kommunedelplanen utan rettsverknad (område B6 og vegføring nord for dette). 6. Verknader av planen Planarbeidet er i hovudsak i samsvar med overordna plan, og utløyser ikkje krav om konsekvensutgreiing. Planen vil likevel i samsvar med krava i plan og bygningslova vurdere verknaden av planen innanfor aktuelle tema knytt til miljø og samfunn. Aktuelle tema er Sentrumsutvikling (bebyggelse, gaterom og torg, leikeareal, grønnstruktur og rekreasjon, tilgang til sjøen) Trafikk (trafikkavvikling, trafikktryggleik, forholdet til fylkesvegen, parkering, kollektivtrafikk, teknisk infrastruktur) Gåande og syklande (gangvegsystem, sykkeltrafikk, barn og unge, universell utforming) Samfunn (næringsliv, folkehelse, økonomiske forhold) Miljø (kulturminnevern, naturmiljø, støy, grunnforureining, luftforureining, energibehov og energiforbruk) Risiko og sårbarheitsvurdering 12