SYKKELTRASÉ VANGEN INNSPEL SENTRUMSPLAN

Transkript

1 SYKKELTRASÉ VANGEN INNSPEL SENTRUMSPLAN

2 Inn hald Intro Nettverk Puls Parkering Utforming Innspel BRUKET ARKITEKTUR AS, 2018 Prosjekt: 1816 Sykkeltrasé sentrum Dato: Author: Mari Myklebust Revisjon: 2/2018

3 In tro Voss sentrum + sykkeltrasé Voss sentrum ligg på ei flate, Vangen, mellom fjell, vatn og elv. Bustadområda ligg i bakkane rundt Vangen. Tilkomsten til sentrum har to viktige barrierar; togbanen og elva. For å nå både arbeidsplassar, togstasjon og idrettsanlegg må dei fleste kryssa sentrum, på langs eller på tvers. Sentrum kan ikkje sjåast på som ei barriere, men som syklande kan denne kryssinga opplevast som lite tilrettelagt. Voss er lite i utstrekning, det er berre ein kort sykkeltur frå bustadområda til sentrum, skule, jobb og tog. Ved å gjere det lettare å kome fram med sykkel, kan ein få ein større andel folk til å nytte sykkel som framkomstmiddel. Separate sykkelanlegg har potensiale for å betre sikkerheita og auke andelen som syklar. Tilstrekkeleg med plass, forkjøyrsregulering i kryss og ei utforming som førebygg konfliktar med motorkjøretøy, andre syklistar og fotgjengarar er viktig. Gjennomgående direkte forbindelsar vil ha positiv effekt på sikkerheit, tryggleiksfølelse, framkommelegheit og dermed og på kor mange som syklar*. 1 *kjelde: TØI rapport 1447/ Sammendrag: Separate sykkelanlegg i by: Effekter på sikkerhet, fremkommelighet,trygghetsfølelse og sykkelbruk. 2

4 Net tverk Hovudtras éar i nettverk To hovudtrasèar som byggjer vidare på eksisterande infrastruktur, og møtast ved jernbanestasjonen; 1. Trasè Vangen : samlar tilkomst frå aust (Hardangervegen og Strandavegen). 2, Trasè Sentralidrettsanlegg : samlar tilkomst frå søraust via ny bru over Vosso. Nettverket i mellom byggjer på noverande sykkelbruk. Dei to hovudtraseane gjer det enklare å fordele sykkeltrafikken til og frå større arbeidsplassar som skulane og tinghuset, samt idrettsanlegg og turområde i Prestegardsmoen. Vangsgata er hovudgata på Vangen. Butikkar og restaurantar/ kafèar nyttar også fortauet. Dette påverkar framkomsten for gåande og syklande. Gata trekk til seg mykje aktvititet - både gåande og køyrande. Uttrågata har høg trafikktettleik og er pr. i dag dei køyrande si hovudgate. Uttrågata er tidlegare vurdert (kommunal plan og Statens vegvesen) som beste løysing men er likevel vald vekk av ulike grunnar. Ein sykkeltrase i Vangsgata vil mogleg vera enklare å realisere, og vil samstundes byggje opp under utviklinga av Vangsgata som ei handels- og trivselsgate på dei mjuke trafikantane sine premissar. 3 4

5 Puls Intensitet + densitet Mange skal nå jobb og skule i tidsrommet Heimtransport etter skule og arbeid er fordelt utover eit vidare tidsintervall, frå om lag kl 14 til 17. På ettermiddag vil tettleik mellom syklistar vere meir spreidd. Både barneskule, ungomsskule og gymnas ligg slik at sentrum må kryssast på tvers for å kome fram. Nokre born syklar åleine, andre i følgje med vaksne. Vaksne i rushtida syklar aleine og oftast med høg fart til arbeid eller togstasjon. Prestegardsmoen er både turområde og idrettsanlegg. Ved større arrangement vil det vere mange som skal til og frå på same tid. Utforming av sykkeltrasé må ta i betraktning ulik intensitet og densitet på langs og tvers i nettverket. I tidsintervallane med høg andel syklistar på same tid, vil det og vere høg andel biltrafikk. 5 6

6 Parke ring Differensiert Med varierande intensitet og densitet er det trong for å differensiere tal og lokalisering av sykkelparkering. Det må spreiast geografisk, der dei vil bli brukt, altså knytt til ulike aktivitetar. Skular, togstasjon og større arbeidsplassar krev større kapasitet. Det same vil gjelde sentralidrettsanlegget. Her kan dei spreiast geografisk då aktivitetane i anlegget ikkje er knytt til eitt punkt, men mange soner. Til dømes kan dei etablerast ved dei ulike tilkomstane og sentralt slik at dei er lett tilgjengelege. Sykkelparkering i sentrum vil nyttast i arbeidstida, men og utover ettermiddag og helg. På same måte som med idrettsanlegget er ikkje sentrum eit punkt men ei utstrekt sone med fleire intressepunkt for brukarane. Fleire stader med sykkelparkering med ferre plassar vil betre høva for syklande. 7 8

7 Utfo rming Vestom kyrkja I dagens situasjon ( 1 ) vert det sykla i veg og på fortau. Gule liner syner kor folk sykler i dag. Rosa linjer syner kor folk går. Ein tofelts sykkelveg langs nordsida av Vangsgata ( 2 ), frå jerbanestasjonen kan samla sykkeltrafikken slik at ein får ferre punkt og soner med kryssande bruk. (1) 9 (2) 10

8 Vangsgata Vangsgata er eit tosidig gateløp ( 3 ), med fortau på begge sider, to køyrefelt og parkering langs sørsida. Mellom fortau og bilar er det etablert ei sone med enkeltståande tre. Ved å gjere Vangsgata om til einvegskøyrd veg (4 ), får ein frigjort areal til sykkelveg. Fortau og vegetasjonssone er uendra. Bilar frå ein retning gir eit ryddigare trafikkbilete og ferre kryssituasjonar mellom ulike typar trafikantar. Det bør utførast ei trafikkanalyse i samband med val av retning for einvegskøyring. ( 3 ) ( 4 ) 11 12

9 Sverresplass Sverresplass er ein krysssituasjon mellom Vangsgata/Strandavegen og Uttrågata ( 5). Fleire retningar, og tosidige gateløp gjer mange val for syklistar. Gule linjer syner kvar folk vel å sykle i dag, rosa linjer kvar folk går. Sverresplass er nyleg opprusta med gode areal til opphald med benkar og sykkelparkering. Ein sykkeltrasé her ( 6 ). må ha ei løysing som senkar farten. Traséen er lagt slik at ein har gang og opphaldsareal på begge sider. Frå Sverresplass går traséen i einsretta retningar på begge sider av Strandavegen og Uttrågata. (5) 13 (6) 14

10 Uttrågata Uttrågata er riksveg, med fortau på begge sider, og lysregulert kryss på Sverresplass. Gata har to køyrefelt og parkering på begge sider ( 7 ). Uttrågata har breidde til å etablere einsretta sykkelfelt på kvar side av vegen ( 8 ). Dette er den enklaste og minst plasskrevjande løysinga i situasjon der ein har biltrafikk i to retningar. Forslag syner sykkelfelt frå Sverresplass mot Hardangervegen. Ved busshaldeplass må ein ha ei løysing som reduserer fart, her vist med utgangspunkt i løysing frå Sykkelhandboka til Statens Vegvesen. ( 7 ) ( 8 ) 15 16

11 Framtidsvurderingar - kryssing av elva Dette forslaget til sykkeltraséar tek for seg området frå Langebrua ( Hotel Jarl ) til jernbanestasjonen. Tilkomsten til Voss sentrum frå aust krev ekstra merksemd for å finne ei god løysing. Eksisterande infrastruktur, bruene over Vosso, har ikkje nok bredde til å legge til rette for sykkelfelt. Over Langabrua er det fortau på begge sider. Fortau på nordsida har ei bredde på om lag 1,3 meter, medan fortau på sørsida har ei bredde på 2,4 m. Mange gåande og syklande kryssar brua. Det vil vere naudsynt med separate sykkelfelt, og helst tovegs. For å få det til må brua byggast på i breidden eller ein må etablere ein ny separat sykkelbru. Ein sykkeltrasé langs jernabanebrua kan og vere ein moglegheit. Den vil då koblast til Hardangervegen og krysse bakromma mellom Uttrågata og Strandavegen og møte trasé frå Sverresplass nedst i Strandavegen. Ei slik løysing vil gje eit strekke utan kryassande biltrafikk

12 Inn spel Sykkeltraséar gjennom Voss sentrum Voss kommunestyre har vedteke å setje i gang arbeidet med sentrumsplan Voss. På bakgrunn av føringar som gjeld mogeleg folketalsauke ønskjer kommunen å leggje til rette for ei framtidsretta sentrumsutvikling. I tillegg er det gjort rikspolitiske vedtak om forbetring av bil- og jernbanesambandet mellom Bergen og Voss. Dette vil i framtida gjere det meir attraktivt å bu på Voss og arbeide i Bergen eller omvendt. Av klima- og miljøomsyn er det i kommunestyret gjeve uttrykk for at folkeauken i hovudsak bør skje gjennom fortetting i sentrumsområdet og i mindre grad gjennom spreidd bustadbygging utanfor sentrum. Det betyr at dei som i framtida m.a. er avhengige av å dagpendle mellom Voss og Bergen skal kunne nå Knutepunkt Voss (jernbanestasjonen) ved å gå eller sykle. Sett frå Voss naturvernlag sin synsstad vil det vera heilt avgjerande for ei vellukka sentrumsutvikling at det skal vere mogeleg å kome seg gjennom Voss sentrum på ein godt tilrettelagd og attraktiv sykkeltrasé. Slik er det ikkje i dag og me meiner at det er viktig for ei vellukka og miljøvenleg tettstadutvikling at sykkeltraséane får sin rettmessige plass i vidareutvikling av tettstaden Vossevangen. Dei positive langsiktige klimaeffektane av eit slikt tiltak er vel dokumenterte. Frå Sykkelhåndboka Håndbok V122 Statens Vegvesen, vert det m.a. saksa følgjande: Alle byar og tettstader med over 5000 innbyggjarar bør ha eit hovudnett for sykkeltrafikken. Eit hovudnett for sykkeltrafikken vil ofte følgje hovudvegane fordi dei til vanleg er dei naturlege trafikkorridorane også for dei syklande. Det må vurderast i kvart einskild tilfelle om dette er ei god løysing for dei syklande, då nabogater eller heilt andre traséar kan vere betre. For at det skal vere lett å kome fram på sykkelnettet, er det ein fordel å velje sykkelfelt eller sykkelveg med fortau som sikrar skiljet mellom syklande og andre trafikantar. For å få fleire til å velje sykkel er det viktig å lage anlegg som er attraktive, funksjonelle, sikre og universelt utforma. Sykkelen tek liten plass og er eit eigna transportmiddel i byar og tettstader. Ein delvis overgang frå bil til sykkel gjev reduksjon i CO2-utslepp, mindre støy og eit trivelegare nærmiljø. Sykling gjev positive helseeffektar og fleire sykkelreiser vil ut frå ein samfunnsøkonomisk vurdering vere lønsamt. For å skape gode vilkår for sykkeltrafikken er det nødvendig å planleggje samanhengande nett. Einskapleg utforming og få systemskifte over lengre strekningar vil gje sikre løysingar og gjere at det vert lettare å kome fram. Voss naturvernlag har samarbeidd med Bruket Arkitektur AS for å skissere og visualisere to mogelege sykkeltraséar gjennom Voss sentrum fram til Knutepunkt Voss. Etter beste evne er det det teke omsyn til retningsliner og krav i Statens Vegvesen sine rettleiingar når det gjeld utforming av sykkelfelt, sykkelveg og kryssløysingar. Det er vidare teke omsyn til tilrådde fartsavgrensingar, tilrådd årsdøgntrafikk (ÅDT) og buffersonar der biltrafikk og sykkeltrafikk kjem i nærleiken av kvarandre. I innspelet er det vidare skissert nokre punkt for avkøyringar til dei store arbeidsplassane og skulane i sentrum der mange har sykkelen som einaste framkomstmiddel. Hovudformålet med dette innspelet er likevel «å rydde plass» til to mogelege sykkeltraséar gjennom Voss sentrum og det vert opp til det vidare arbeidet i Sentrumsplan Voss å tilpasse eit funksjonelt tversgåande sykkelnett. På bakgrunn av overnemnde tilrådingar og statlege rettleiingar er det foreslått å gjere Vangsgata einvegskøyrd. Det er førebels ikkje nokon eintydig konklusjon i kva retning trafikken bør gå. Me vonar at innspelet vert vel motteke og ser fram til ev. å diskutere omfang og vidare utvikling av innspelet

13 bruket.no 2018