Detaljregulering for Fjæra kai, del av gnr. 101, bnr. 1-3, 5-8 og 49 - ENDRING

Transkript

1 Detaljregulering for Fjæra kai - ENDRING 27. oktober 2015 Detaljregulering for Fjæra kai, del av gnr. 101, bnr. 1-3, 5-8 og 49 - ENDRING Plan-ID: Etne kommune Planomtale med ROS-analyse

2 1

3 Tittel: Detaljregulering for Fjæra kai del av gnr. 101, bnr. 1-3, 5-8 og 49 ENDRING Etne kommune Prosjektnr.: 2136 Forfattar: Sarah Fagertun Eggereide Nina Skjerping Rapportdato: Oppdragsleiar: Nina Skjerping Oppdragsgjevar: Marine Harvest Norway AS Kontaktperson/referanse: Ketil Pettersen Samandrag: Planområdet ligg i tettstaden Fjæra, inst i Åkrafjorden, i Etne kommune i Hordaland. Endring av detaljreguleringa er sett i samanheng med Marine Harvest Norway AS si etablering av nytt settefiskanlegg i området. Det er behov for ny kai som brønnbåtar kan leggja til, og eit hamnebygg som inneheld mellom anna utstyr for pumping av smolt om bord i brønnbåt og sjøvassinntak. Eksisterande kai er planlagd vidareført. Planframlegget har fokus på dei endringane som er planlagt. Dette omfattar etablering av ny kai, nytt hamnebygg og ei lita utviding av vegen ved fagverksbrua, samt å gjera trafikkøya i krysset overkøyrbar. Når det gjeld resten av planområdet vert planen frå 2007 vidareført. Relevante fagtema er skildra i planomtalen, og konsekvensane er vurdert med omsyn til endringane i planen. Det er vurdert at konsekvensane av planframlegget samla sett vil vera akseptable. Det er gjennomført ROS-analyse med fokus på endringane i planen. Dei fleste forholda er akseptable med føresetnad at tiltaka vert gjennomført i samsvar med lover og reglar, men det er avdekka forhold som utan tiltak ligg i gul sone. Ein må vera spesielt medviten om risiko knytt til havnivåstigning, stormflo og sterk vind ved prosjektering og oppfølging av tiltaka. I tillegg må det etablerast gode rutinar for levering av fisk for å hindre rømming av fisk pga. teknisk eller menneskeleg svikt. Emneord: Fjæra, settefisk, kai Fylke: Hordaland Kommune: Etne Side 2

4 Innhald 1 Innleiing Føremål med planarbeidet Lokalisering og avgrensing av planområdet Organisering, medverknad og planprosess Tiltakshavar Saksgang/framdrift/medverknad Gjeldande planstatus Skildring av planframlegget Dagens situasjon og planlagt situasjon Føremål: Kai Kombinert føremål: Turisme/kontor/lager/industri (TKLI) Føremål: Køyreveg og annan veggrunn Føremål: Rasteplass Omsynssone: Frisikt (H140) Konsekvensvurdering Landskap og estetikk Veg- og trafikksituasjon Folkehelse, lokalsamfunn og nærmiljø Naturmangfald Strandsone og friluftsliv Kulturminne og kulturmiljø Samfunnsmessige tilhøve, verdiskaping og sysselsetting Samfunnstryggleik og beredskap ROS-analyse Farekategoriar som skal vurderast: ROS-analyse Merknadar til planen Vedlegg Side 3

5 1 Innleiing 1.1 Føremål med planarbeidet Endring av detaljreguleringa er sett i samanheng med Marine Harvest Norway AS (MHN) si etablering av nytt settefiskanlegg i Fjæra i Etne kommune. For å kunne nytta det nye anlegget optimalt må ein ha god tilgang sjøvegen. Det må vera mogleg for brønnbåtar å leggja til og laste smolt for uttransport til sjøanlegg. Eksisterande kai er ikkje eigna til trafikk med brønnbåt, så ein ynskjer difor å etablera ny trygg kai med noko anna orientering enn eksisterande kai. Den nye kaien skal vera privat eigd, men vert lagt til rette for offentleg bruk. I tilknyting til den nye kaien er det behov for etablering av eit hamnebygg som inneheld mellom anna sjøpumpestasjon, utsleppskum, utstyr og koplingssystem for pumping av smolt om bord i brønnbåt. Eksisterande kai er planlagt vidareført. Planframlegget har fokus på dei endringane som er planlagt. Dette omfattar etablering av ny kai, nytt hamnebygg og ei utviding av vegen ved fagverksbrua, samt å gjera trafikkøya i krysset overkøyrbar. Når det gjeld resten av planområdet vert planen frå 2007 vidareført. Endringane omfattar heile gamle Fjæra kai planen, og denne er oppdatert i samsvar med nasjonal produktspesifikasjon. Dette gjer at føresegnene også er endra i samsvar med plankartet. Hovudtrekka i føresegnene er vidareført som i gamal plan (frå 2007). 1.2 Lokalisering og avgrensing av planområdet Planområdet ligg i tettstaden Fjæra, inst i Åkrafjorden, i Etne kommune i Hordaland. Figur 1 Lokalisering av planområdet med plankart og oversiktskart. Side 4

6 2 Organisering, medverknad og planprosess 2.1 Tiltakshavar Tiltakshavar er Marine Harvest Norway AS. Marine Harvest Norway AS er det største oppdrettsselskapet i Noreg med over 1600 tilsette. Selskapet dekker heile verdikjeda frå fôrproduksjon til stamfisk, rogn, matfisk, foredling og distribusjon til sal. Marine Harvest Norway AS har verksemder langs heile norskekysten frå Flekkefjord i Agder til Kvænangen i Troms. Selskapet er ein del av konsernet Marine Harvest ASA som har verksemder i 24 land. Det globale hovudkontoret ligg i Bergen. Marine Harvest Norway AS er i gang med å byggja eit nytt settefiskanlegg i Fjæra. Den føreliggande endringa av detaljreguleringa må sjåast i samband med denne utbygginga. Utførande plankonsulent er Akvator AS. Akvator AS er eit rådgjevande konsulentselskap med hovudkontor på Stord. Selskapet tilbyr tenester innan fagområda akvakultur, prosjekt- og byggeleiing, bygg- og konstruksjonsteknikk, elektroteknikk, VA-teknikk, samfunns- og arealplanlegging og vegplanlegging. 2.2 Saksgang/framdrift/medverknad Det er gjennomført oppstartsmøte med Etne kommune 24. juni Planarbeidet er vurdert i høve til konsekvensforskrifta, og ein ser ikkje at det er behov for planprogram og konsekvensutgreiing, då planen er ei mindre endring for mindre tiltak. Oppstartsmeldinga vart annonsert i avisa Grannar. Høyringsperioden var til Oppstartsmeldinga vart også sendt i brevform til grunneigarar, tilgrensande naboar, offentleg mynde og andre interesselag/organisasjonar. Det kom totalt 7 innspel til oppstartsmeldinga til planen. Merknadane og kommentarar frå tiltakshavar er summert opp i kapittel Gjeldande planstatus Det aktuelle området er i dag omfatta av reguleringsplan frå 2007 (Figur 2). Plangrensa for planframlegget samsvarer med planområdet frå Figur 2 Eksisterande reguleringsplan for Fjæra kai frå Kjelde: Side 5

7 Planområdet grensar til eksisterande reguleringsplan for Fjæra settefiskanlegg frå 2010 (Figur 3). Figur 3 Område for planframlegget er vist til venstre, avgrensa med gul og svart stipla linje. Planområdet til høgre er detaljplan for Fjæra settefiskanlegg frå Side 6

8 3 Skildring av planframlegget Planområdet fordeler seg slik på følgjande føremål: Føremål SOSI-kode Areal (da),ca nr. 1 Bygningar og anlegg Forretningar ,07 Bustad/forretning/kontor ,74 Turisme/næring (turisme/kontor/lager/industri) ,91 Sum areal denne kategori 1, nr. 2 Samferdselsanlegg og teknisk infrastruktur Veg ,63 Gang-/sykkelveg (2) ,48 Annan veggrunn teknisk anlegg ,59 Annan veggrunn grøntareal (8) ,04 Kai (2) ,71 Rasteplass ,17 Sum areal denne kategori 7, nr. 5 Landbruks-, natur- og friluftsføremål og reindrift Friluftsføremål ,67 Sum areal denne kategori 0, nr. 6 Bruk og vern av sjø og vassdrag, med tilhøyrande strandsone Ferdsel ,91 Hamneområde i sjø ,97 Småbåthamn (2) ,38 Friluftsområde i sjø og vassdrag (2) ,89 Sum areal denne kategori 16,15 Totalt alle kategoriar 26, Dagens situasjon og planlagt situasjon Det ligg i dag to hus i planområdet. Det eine vert nytta som bustad. Det andre er eit uthus som står i tilknyting til eksisterande kai. Planområdet består elles av deler av E134, vegkryss, rasteplass og småbåthamn. Området grensar til sjø i nord, nordvest og nordaust, og til elvemunning i aust. I sør grensar planområdet til E134. Flyfoto (Figur 4 under) viser dagens situasjon i planområdet. Side 7

9 Figur 4 Flyfoto over planområdet. Kjelde: (flyfoto datert juli 2013) Settefiskanlegget i Fjæra må kunne disponere kaianlegg med tilstrekkeleg styrke, breidde og djupne i kaifront, slik at brønnbåt kan leggje til og laste smolt for uttransport til sjøanlegg. Fisken skal transporterast frå settefiskanlegget ned til kaianlegget i røyr som skal leggast i eit grøfteanlegg langs E134. Etne kommune har allereie gitt dispensasjon for dette tiltaket. Ei oversikt over kaiområdet og visuell avstand til det planlagde settefiskanlegget er vist i Figur 5. Uttransport av smolt vil vera hovudføremålet med kaianlegget, men kaien kan òg nyttast til andre føremål, som til dømes transport av varer og utstyr inn til settefiskanlegget. Figur 5 Flyfoto som viser eksisterande kai, og området der settefiskanlegget skal byggast (markert med raud sirkel). Området der den nye kaien og hamnebygget er planlagd er markert med blå sirkel. Kjelde: Espen Mills, 2009 Opphaveleg var det planlagt å nytta den eksisterande kaien til uttransport av smolt. Det er fleire grunnar til at ein har gått vekk frå ei slik løysing, mellom anna følgjande: Side 8

10 - Plasseringa av eksisterande kai er ugunstig med tanke på storleiken på dagens brønnbåtar. Kaien må ligga lenger mot nord og med ei anna orientering av kaifronten. Det vert då lettare å unngå å kome for langt inn mot land og småbåthamna med baugen. - Fundamentering og restlevetid for eksisterande kai er usikker, og MHN ynskjer ikkje å ta risikoen det er å byggja på det eksisterande. - MHN har behov for eit bygg nært inntil kaien. Dette hamnebygget vil innehalda sjøvasspumpestasjon, utsleppskum og utstyr/koplingssystem for pumping av smolt om bord i brønnbåt. Bygget vil stikka djupt, og det ville vore fare for undergraving av fundamentering for eksisterande kai dersom denne hadde blitt nytta. Ei oversikt over den planlagde nye kaien og hamnebygget er gitt i Figur 6. Dette er ein illustrasjon, og det vil kunna koma endringar i plassering av hamnebygget. Figur 6 Illustrasjon av planlagt situasjon, med ny kai og nytt hamnebygg. Det vil kunna koma endringar i plassering av hamnebygget. Dei arealmessige konsekvensane av endringa, samanlikna med eksisterande plan vil vera følgjande: - Etablering av føremålet «Kai 2» gjer at «Hameområde i sjø» vert mindre, medan føremålet «veg» vert litt større, for å sikre veg fram til den nye kaien. - Endra form på føremålet «Turisme/næring» pga. lokalisering av ny kai og eit nytt hamnebygg som må vera ved kaien, men arealet er tilnærma uendra. Dette har ført til at ein har måtte ta litt av tidlegare areal regulert som rasteplass. - Regulert «Rasteplass» ut på spissen av kaiområdet vert snevra litt inn og flytta over til austsida på grunn av lokalisering av nytt hamnebygg ved ny kai. Arealet vert litt redusert, men ein har i planframlegget sikra gangtilkomst til spissen av kaiområdet. - Ei utviding av vegen vest for fagverksbrua, for å betra framkome for trailerar. Side 9

11 Når det gjeld resten av planområdet er det i hovudsak ikkje gjort endringar her. I rasteplassområdet er det lagt opningar for at ein kan etablera toalett innafor føremålet. Den gamle Fjæra kai planen var etablert etter PBL Nytt planframlegg går etter PBL Dette gjer at føremåla til dels har endra fargar og påskriftnamn samanlikna med den gamle planen. Grunnkart i NN2000 er nytta i plankartet. For ei samanlikning av dei to plankarta, sjå Figur 7. Figur 7 Plankartet frå 2007 til venstre, nytt plankart til høgre Føremål: Kai Ny kai «Kai 2» er regulert inn i planen. Arealføremålet er på ca. 375 m 2, og dette arealet inkluderer også fundamentering av kaianlegget på land. Fundamentet vil vera under bakkenivå og dekka med grus/asfalt. Sjølve kaien vil ha dimensjonar 16,6X15 m. Den nye kaien vert planert på minimum kote 1,9 moh. Det er sikra vegtilkomst fram til kaien. Kaien vil ha privat eigarform. Ei oversikt over planlagt ny kai er vist i Figur 6. Detaljar i utforminga er gitt i Figur 8. Det kan koma endringar i samband med detaljprosjekteringa. Figur 8 Detaljar i utforminga av ny kai. Det kan bli endringar i utforminga. Eksisterande kai («Kai 1») i planområdet er vidareført. Side 10

12 3.1.2 Kombinert føremål: Turisme/kontor/lager/industri (Turisme/næring) Føremålet er endra i form og er blitt flytta vestover, men total arealet er tilnærma likt som i planen frå 2007 (om lag 0,9 daa). Endringa skuldast etablering av nytt hamnebygg og ny kai. Hamnebygget skal mellom anna innehalda sjøvasspumpestasjon, utsleppskum og utstyr/koplingssystem for pumping av smolt om bord i brønnbåt. Sjå Figur 9 for ein illustrasjon av det planlagde bygget. Det vil kunna bli justeringar i form og storleik på bygget. Byggegrense i føremålet er vist i plankart. Mot elva er byggegrensa totalt 5 m og til spissen av odden 10,5 m. I området ved nytt hamnebygg er byggegrense sett i føremålsgrensa for å sikre optimal plassering av nybygget. I hovudsak er den nye byggegrensa ei vidareføring av byggegrensa i planen frå Maksimal mønehøgd innanfor føremålet er 5,5 m over planert terreng og maksimal utnyttingsgrad er 40 % (%-BYA). Dette er ei vidareføring frå Føresegnene opnar for at området kan planerast på maksimum kote + 2,5. Figur 9 Illustrasjon av det planlagde hamnebygget. Det vil kunna koma endringar i form og storleik på bygget Føremål: Køyreveg og annan veggrunn Vegstrukturen i reguleringsplanen vil i hovudsak bli vidareført. I samband med vurderingar knytt til tilkomst til Fjæra settefiskanlegg har ein sett nærmare på detaljutforming av eksisterande kryss til E134. I hovudsak kan krysset vera slik det er bygd, men ein bør utvida vegarealet ved påkøyring til fagverksbrua, samt lage trafikkøya i krysset ved E134 overkøyrbar. Detaljplanar på dette vart sendt Statens vegvesen for godkjenning i 2014 (sjå Figur 10 for detaljar). I planframlegget har ein valt å ta med seg disse to endringane. Side 11

13 Figur 10 Planlagde endringar i trafikkøy i krysset ut mot E134 og utviding av vegen ved fagverksbrua. Eksisterande kai har toppdekke på kote + 1,4 moh., og ny kai vert regulert til minimum kote +1,9 moh. Vegarealet mellom kaiane må planerast slik at ein sikrar tilfredsstillande tilkomst til kaiane. Vegarealet må også tilpassast slik at ein sikrar tilfredstillande tilkomst til rasteplass og føremålet Turisme/næring Føremål: Rasteplass Arealet aust og nordaust i planområdet er regulert til rasteplass. Moglegheita til å gå ut til spissen av odden er no flytta over til austsida samanlikna med plan frå Byggjegrensa på 5 m frå elvekanten som ligg inne i planen frå 2007 er vidareført. Storleiken og forma på føremålet Rasteplass er litt redusert grunna etablering av ny kai og oppretthaldinga av arealstorleiken på føremålet Turisme/næring frå planen i Det er opna for at det kan etablerast toalett innanfor føremålet Omsynssone: Frisikt (H140) Frisiktslinjer er vist i plankartet etter krav i SVV sine «håndbøker». På areal som er veg/vegtilknytta er det ikkje vist frisiktsoner. Ein har sikra dette gjennom føresegn 4.6. I føremålet «Friluftsformål» (LF) er det vist omsynssone frisikt (H140). I frisiktsona skal det vera fri for fysiske og visuelle hindringar høgare enn 0,5 m over tilstøytande vegar plan. Side 12

14 4 Konsekvensvurdering Planarbeidet er vurdert i høve til konsekvensforskrifta, og ein ser ikkje at det er behov for planprogram og konsekvensutgreiing. Sjølv om det ikkje er krav om konsekvensutgreiing vil relevante fagtema verta skildra i planomtalen. Konsekvensane er vurdert med omsyn til endringane i planen. 4.1 Landskap og estetikk For å gi ei mest mogleg nøytral vurdering av landskapet, vil temaet verta skildra med omsyn til estetikk, heilskap og mangfald. Det er eit nasjonalt mål at utarbeiding og gjennomføring av planar skal skje med omsyn til landskap og terreng. I den europeiske landskapskonvensjonen er landskap definert som: et område, slik folk oppfatter det, hvis særpreg er et resultat av påvirkningen fra og samspillet mellom naturlige og/eller menneskelige faktorer (Nordens landskap 2003). At eit variert og innhaldsrikt landskap har høg verdi har samanheng med ei rekkje forhold, mellom anna stadkvalitet, bu- og levevilkår, kulturminne/ kulturmiljø, kulturlandskap, friluftsliv og eit stadig viktigare reiseliv. Landskapet er samansett av ei rekkje fysiske komponentar forma av naturprosessar og av menneskeleg inngrep og aktivitet. Landskapet rommar difor både natur og kultur. Landskapet sin verdi vil i stor grad også vere knytt til opplevinga av det, både som fysisk og kulturelt landskap. Hordaland fylkeskommune har kartlagt landskapstypane i Hordaland. Fjæra ligg i landskapstype Midtre bygder på Vestlandet, og er klassifisert som Trange og dyptskårne fjordarmer. Nord for Fjæra er landskapstypen Breene å finna, og områda sør for Fjæra er klassifisert som Lågfjellet i Sør-Noreg. Fleire typar landskap over korte distansar skapar mangfald og diversitet i landskapet. Åkrafjorden er prega av fjellområde som stuper bratt ned i sjøen. Korte avstandar mellom fjell og sjø gir landskapet sin spesielle karakter. Store område kring Åkrafjorden er kategorisert som inngrepsfrie område (INON, Direktoratet for naturforvaltning). Inngrepsfrie naturområde er definert som område som ligg meir enn ein kilometer i luftlinje frå tyngre tekniske inngrep. Eksisterande inngrep gjer at området i Fjæra er definert som inngrepsnært. Tiltak i planområdet vil ikkje endra omfanget av inngrepsfri natur. Planframlegget vil ikkje medføra store endringar samanlikna med dagens situasjon. Kaifronten på den gamle kaien vil ikkje verta endra. Det er ikkje planlagt større inngrep, og inntrykket av planområdet vert ikkje endra. Eit forslag til nytt hamnebygg på ca. 40 m 2 (storleik er enno uavklart), og med ein mønehøgde rett i overkant av 4 meter, vil dette bygget ha uttrykk som eit uthus/kaibygg/naust. Eit slikt bygg vil passa godt inn på kaiområdet utan å verka ruvande eller dominerande i landskapet. Planen vil ikkje medføra store konsekvensar for landskap og estetikk i området. Eksisterande kai vil framleis kunne nyttast ved etablering av ny kai. 4.2 Veg- og trafikksituasjon Vegstrukturen og kryssløysinga i Fjæra har ein sett nærmare på i samband med utbetring og ny tilkomst til Fjæra settefiskanlegg. I hovudsak kan krysset vera slik det er utforma i dag, men ein bør utvida vegarealet ved påkøyring til fagverksbrua, samt lage trafikkøya i krysset ved E134 overkøyrbar. Den planlagde utbetringa vil betra tilkomsten for større køyretøy som kjem frå E134 og skal til settefiskanlegget. Side 13

15 Det er hovudsakleg i anleggsperioden det vil vera mykje trafikk med større køyretøy til settefiskanlegget. Når ein kjem over i driftsfasen vil tungtrafikken vera avgrensa til om lag to trailerar per veke, for leveransar av fôr og gass til anlegget. Det vil heller ikkje vera ein stor auke i personbiltrafikk i krysset når ein er komen over i driftsfasen til anlegget. Det vil vera avgrensa trafikk til og frå kaiområdet. Fisken vert transportert ned til hamnebygget gjennom røyr under bakkenivå, og det vil difor ikkje vera naudsynt med transport med større køyretøy på kaiområdet i samband med levering av fisk til brønnbåt. Kaien kan verta brukt til transport av ulike varer inn til settefiskanlegget. Det er god plass for å snu for større køyretøy på området som er regulert som køyreveg (radius 12,5 meter). Planen vil ikkje medføra store endringar i veg- og trafikksituasjonen i området. Eksisterande avkjørsel frå E134, busslomme og gang- og sykkelveg vert vidareført i planen 4.3 Folkehelse, lokalsamfunn og nærmiljø Folkehelse dreier seg om summen av dei faktorar som påverkar vår helsetilstand. Folkehelse omfattar tema knytt til folkehelsearbeid, lokalsamfunn/nærmiljø, oppvekst/læring, arbeid/arbeidsplassar og aktivitet/sosial deltaking. Planen vil i hovudsak ikkje endra bruken av kaiområdet samanlikna med dagens situasjon. I hamnebygget som er planlagd på kaien er det avsett eit lite rom i det nordaustlege hjørnet av bygget som kan disponerast av bygda ved behov (hamnedagar etc.). Dette etter nærmare avtale med MHN. Auka aktivitet, både på kaiområdet og som ei følgje av etablering av settefiskanlegget vil verka positivt i ei bygd som opplever ein stadig reduksjon i folketal (om lag 25 % reduksjon i folketal dei siste 10 åra). I Fjæra grunnkrins er det i tillegg ei forskyving mot eldre aldersklassar. Bygda har få innbyggjarar i etableringsfasen, og tilsvarande lågt tal på barn og ungdom. Det er grunn til å tru at all ny aktivitet vil verka positivt og skapa optimisme i bygda. Planen vil medverka til ei positiv effekt på lokalsamfunn og nærmiljø, gjennom tilrettelegging for auka aktivitet i Fjæra. 4.4 Naturmangfald I samband med reguleringsplanen for settefiskanlegget i Fjæra frå 2010 vart det utarbeidd tre rapportar innan tema naturmangfald (biologisk mangfald, hydrologi, fisk og ferskvassbiologi og marine forhold). Rapportane vil òg dels vera dekkande for planen for Fjæra kai. Det er ikkje registrert verdifulle naturtypar i området. Fugle- og pattedyrfaunaen er ordinær og omfattar berre artar som er vanleg førekomande i regionen. Det er ikkje påvist verdifulle viltområde, og det er ingen naturverninteresser knytt til planområdet eller nærområda rundt. Når det gjeld raudlisteartar er det registrert streifindivid av hubro (sterkt trua) haust- og vinterstid i området. Dei planlagde tiltaka vil ikkje ha verknadar for streifindivid av hubro. Side 14

16 Fjæraelva har bestandar av anadrom fisk. Elva har ein anadrom strekning på ca. 1,1 km. Dei viktigaste gyteområda finst i nedre del av elva, men det er òg spreidde mindre gyteområde i øvre del av den lakseførande strekninga. I følge lakseregisteret til Miljødirektoratet er laksebestanden i Fjæraelva kategorisert som «svært dårlig», medan sjøaurebestanden er kategorisert som «hensynskrevende». Rømt oppdrettslaks er, i tillegg til lakselus, kategorisert som ein avgjerande påverknadsfaktor for tilstanden for villaks i elva. Når det gjeld det marine miljø er det registrert prioritert naturtype tareskog av sukkertare innerst i Åkrafjorden. Sukkertareskog har i dei seinare åra vore i tilbakegang. Lokalitetar med små tareskogområde vert vurdert som lokalt viktige (verdi C), med liten til middels verdi. Området der den nye kaien skal plasserast ligg i ytterkanten av ein registrert førekomst av høvringstang. Denne arten stod på raudlista i 2006 (kategori NT-nær trua), men vart i 2010 vurdert til å vera i god og levedyktig stand, og flytta til kategori LC-livskraftig. Det er registrert eit noko fattig arts- og individmangfald av hardbunnsflora og - fauna i området, og artane er vanlege og representative for distriktet. Bløtbunnsfauna i Åkrafjorden har eit rikt arts og individmangfald som er vanlege og representative for distriktet og gis liten verdi. I området frå Mosnes til den indre delen av Åkrafjorden er registrert eit større gyteområde for torsk. Dette er vurdert å ha middels verdi (verdi B). Bestanden av kysttorsk har avtatt kontinuerleg sidan 1994 og det er viktig å ivareta slike område. Ein ser det slik at naturmangfaldslova 8 (kunnskapsgrunnlaget) er stetta i høve til kravet om at kunnskapsgrunnlaget skal stå i eit rimeleg forhold til saken/planen sin karakter og risiko for skade på naturmangfaldet. Mest truleg vert kaien plassert på pålar på eksisterande fylling, slik at det ikkje vert naudsynt med sprenging eller fylling i sjø. Ei eventuell utfylling vil kunna medføra potensiale for avrenning av finpartikulært materiale. Omfanget av eit eventuelt utfyllings- eller sprengingsarbeid, og avstanden til registrerte verdiar tilseier at tiltaka truleg ikkje vil gi ein negativ konsekvens på naturmangfaldet. Dersom det vert aktuelt med utfylling- eller sprengingsarbeid må detaljprosjekteringa ta omsyn til denne problemstillinga. Dersom det vert aktuelt med utfylling eller sprenging i sjø i samband med etablering av den nye kaien, vil dette kunna påverka biologisk mangfald i nærområdet til tiltaksområdet. Desse eventuelle konsekvensane vil likevel vera avgrensa i tid til anleggsperioden. Det er ikkje planlagt tiltak i den delen av planområdet som grensar til Fjæraelva. Det er dermed lite truleg at anleggsverksemda vil medføra konsekvensar på fiskebestandane i elva. Planen legg til rette for etablering av ny kai og hamnebygg som skal nyttast i samband med levering av fisk frå settefiskanlegget til brønnbåtar. Det må leggast til grunn at overføringa av fisk frå anlegg/hamnebygg til brønnbåt skjer etter gjeldande krav og kontrollrutinar, og at risikoen for at det skal rømma fisk er låg. Etableringa av Fjæra settefiskanlegg, og det prinsipielle i at det vert tillate etablering av eit settefiskanlegg i tilknyting til eit anadromt vassdrag er godkjent på departementsnivå i samband med reguleringsplanprosessen i Ut frå tileigna og eksisterande kunnskap er det grunn til å tru at konsekvensane av planframlegget vil vera avgrensa. Etter ei vurdering etter naturmangfaldlova 8-12 vurderer ein derfor at planframlegget og utbygging i tråd med dette vil medføra akseptabel påverknad på naturmangfaldet. 4.5 Strandsone og friluftsliv Sjøområda i planområdet ligg innanfor eit område som er verdisett til C, registrert regionalt friluftsområde (FM og HFK 2008, område for friluftsliv). Området strekk seg frå Rullestadvatnet i eit belte langs Fjæraelva og eit lengre stykke ut Åkrafjorden, sjå Figur 11. Området sine verdiar er i stor grad knytt til fjorden, strandsona og vassdraget gjennom fiske, fangst, landskap og kulturhistorie. Sjøområda i og i nærleiken av planområdet er ikkje registrert som fiskeplassar i Fiskeridirektoratet sin database. Fjæraelva er ei anadrom elv, men har ikkje vore viktig i høve fangstresultat dei seinare åra. Det vert fiska langs heile elvestrekket, men dei gode fiskeplassane er i hovudsak i øvre del av vassdraget. Side 15

17 Figur 11. Registrert regionalt friluftsområde er vist som skravert område. Planområdet ligg innanfor den raude sirkelen. Det er i dag tilgjenge for allmenta på kaiområdet. Planen vil ikkje endra på dette. I planen frå 2007 er det regulert inn ein gangveg (føremål rasteplass) langs vestsida av kaien ut til spissen av odden. Gangvegen er flytta til austsida av området i denne planen, men tilkomsten til odden er vidareført. Odden vil no ha ei direkte kopling til rasteplassen og friluftsområda i sjø og på land, som alle ligg i den austlege delen av planområdet. Dei planlagde tiltaka (ny kai og nytt hamnebygg) vil verka lite privatiserande, og vil verta nytta i næringssamanheng i kortare tidsperiodar fordelt utover året. Kaien og hamnebygget vil stort sett berre nyttast av Marine Harvest Norway når det er anløp av brønnbåt, og eventuelt i samband med anløp av båtar som kjem med andre typar varer. Det er estimert at det ved full produksjon på anlegget vil vera om lag 20 anløp med brønnbåt per år. Brønnbåtane vil kunna koma til alle tider på døgnet, og vil ha ei liggetid på 4-5 timar. Dette betyr at det er snakk om få og korte periodar i løpet av eit år at kaien er i bruk til næringsføremål. MHN og Etne kommune vil inngå ein avtale om felles bruk av ny kai. Planframlegget vil ikkje endra på tilhøva kring fiske i vassdraget. Småbåthamna vil bli vidareført slik den ligg i planen frå Planframlegget vil ikkje endra attraktiviteten, bruksmoglegheita eller vera ein barriere for ferdsel og oppleving i området. Eksisterande småbåthamn i Fjæra. Side 16

18 4.6 Kulturminne og kulturmiljø Det er ikkje registrert automatisk freda kulturminne i planområdet eller i nærområdet. Det er seks SEFRAK-registrerte bygg frå tidleg og slutten av 1800-talet i nedre del av Fjæra. Det opne landskapet rundt elvemunningen gjer det naturleg å sjå heile området som grensar til planområdet i aust samla som eit kulturmiljø. Det er ikkje planlagt tiltak som vil gi negative visuelle verknadar på dette kulturmiljøet, og planframlegget vil ikkje ha negative konsekvensar for kulturmiljøet i området. 4.7 Samfunnsmessige tilhøve, verdiskaping og sysselsetting Planframlegget er ein direkte konsekvens av etableringa av settefiskanlegget i Fjæra, og må sjåast i direkte samanheng med dette. Etableringa vil medføra fleire arbeidsplassar, og gje ringverknadar for lokalsamfunnet. Sysselsetjinga er knytt direkte til to hovudfasar, byggjefase og driftsfase. Dette vil òg gjelda for planframlegget, i samband med bygging og drift av kai og hamnebygg. Åkrafjorden er eit regionalt viktig turistområde, som er rik på natur- og kulturhistorie. Den største turistattraksjonen i Åkrafjorden er Langfoss, som er kåra til eit av dei ti vakraste fossefalla i verda. Fossen ligg innerst i Åkrafjorden, og avstanden er kort inn til Fjæra. Andre viktige attraksjonar i nærområdet til Fjæra inkluderer jettegrytene og den gamle postvegen i Rullestadjuvet, Eikemostølen og garden Eljarvik. Det vert arrangert ei rekkje pakkeopplevingar i området om sommaren, mellom anna fjordcruise. Det vert òg arrangert ein årleg fiskefestival i Fjæra. Etablering av ny og større kai i planområdet opnar for anløp av større båtar til Fjæra. Dette kan gi potensiale for auka turisme i Fjæraområdet. Ein godt tilrettelagt rasteplass i planområdet vil òg kunna leggja til rette for turistar i nærområdet. Side 17

19 5 Samfunnstryggleik og beredskap 5.1 ROS-analyse Målsetjinga med denne analysen er å laga ei oversikt som avdekkjer risiko og sårbarheit som følgjer av planutkastet. Vidare skal ROS-analysen identifisere avbøtande tiltak som reduserer eller eliminerer uakseptabel risiko. Analysen er delt i to fasar 1. Siling av reell fare (sjekkliste). Alle hendingane har akseptabel risiko og ytterlegare vurderingar er ikkje gjennomført 2. ROS-analyse av hendingar/situasjonar med reel fare (ROS-analyse) Analysen er utført i samsvar med Veileder for kommunal risiko- og sårbarhetsanalyser utgitt av Direktoratet for sivilt beredskap (2010, rev. 2011). ROS-analysen tek utgangspunkt i akseptkriterium for Etne kommune ( ) og Teknisk forskrift (TEK10). Krav i forskrift og kommuneplan er implementert og nytta som bakgrunnsinformasjon i høve til sannsyn og konsekvens (metode), men også i høve til detaljert planlegging og bygging. Risiko er knytt til uønska hendingar og deira usikkerheit til om hendinga inntreff (sannsyn/frekvens) og omfang (konsekvens). Sannsyn og konsekvens av ulike hendingar gir som produkt, risikoen som ei hending representerer. Det er viktig å finne mogeleg tiltak for å redusera risiko og sårbarheit til akseptabel risiko. Slike tiltak kan vera både førebyggjande og skadereduserande. Førebyggande tiltak skal hindre at ei uønska hending skjer og skadeførebyggande tiltak skal minske skadane når ei uønska hending har skjedd. Følgjande føresetnadar vert lagt til grunn for denne analysen: Analysen er avgrensa til arealet innanfor plangrensa og influensområde Analysen har fokus på dei nye tiltaka som endring i detaljreguleringa opnar opp for. Analysen fokuserer på verknadar av framtidig endra arealbruk, og eksisterande verksemder som har direkte påverknad på tiltaket Analysen føresett at gjeldande lovverk og krav vert stetta i prosjekterings- og anleggsarbeid Analysen føreset at kommunal beredskap er teke i vare, og at turvande utstyr, kompetanse og ressursar er tilstade Analysen omfattar ikkje tilsikta (overlagte) handlingar slik som hærverk og sabotasje Gjennomgang av mogelege uønska hendingar er gjort med utgangspunkt i framlagt planforslag. Analysen er gjennomført for å kartleggje risikobilete som følgje av planlagde endringar innan og nær planområdet. Som akseptkriterium har ein lagt til grunn: Ikkje akseptabelt Moglegvis akseptabelt Akseptabelt Uakseptabel risiko. Må undersøkast gjennom meir detaljerte analyser (for eventuelt å avkrefte risiko eller avklare moglege risikoreduserande tiltak). Tiltak kan gjennomførast for å redusera risikoen. Kost-nyttevurdering av risikoreduserande tiltak. Akseptabel risiko i utgangspunktet. Risikoreduserande tiltak gjennomførast når det er mogleg ut frå økonomiske og praktiske vurderingar. Sannsyn og konsekvensar Risiko er knytt til uønska hendingar og deira usikkerheit til om hendinga inntreff (sannsyn/frekvens) og omfang (konsekvens). Side 18

20 Tabell 1. Konsekvens. Følgjande tema kytt til planframlegget vert vurdert i høve potensiell risiko: Liv og helse. Ytre miljø. Materielle verdiar. Grenseverdiane er kategorisert som følgjer: Storleik på omfang Grad Menneske (liv, helse) Ytre miljø (luft, vatn, jord) Samla verdi på materielle skadar i nok. Katastrofe K5 Meir enn 5 omkomne Svært omfattande øydeleggingar på større areal med varige Varig skadar på infrastruktur/ skadar for meir enn Kritisk K4 2-4 omkomne og alvorlege personskadar Alvorleg K3 1 omkommen og alvorlege personskadar Liten konsekvens K2 Inntil 2 alvorlege personskadar Ufarleg K1 Mindre skadar som normalt lækjer seg sjølv konsekvensar for ytre miljø Svært omfattande øydeleggingar på mindre areal med varige konsekvensar for ytre miljø Alvorleg skade på areal, kan utbetrast med tiltak Noko skade på ytre miljø som kan utbetrast på kort sikt Lita eller ingen innverknad på ytre miljø, små skadar som kan utbetrast innan relativt kort tid Infrastrukturen er nede over lang tid, med fare for liv/skadar for mellom til Infrastrukturen er nede over kort tid, med fare for liv/skadar for mellom til Infrastrukturen er ute av drift over tid, utan fare for liv og helse/skadar for til Det er korte brot i infrastrukturen, utan fare for noko liv eller helse/skadar for inntil Tabell 2. Sannsyn: Estimering av sannsyn skal ta utgangspunkt i moglege årsakar til dei uønska hendingane og med kva frekvens dei kan ventast å opptre. Grenseverdiane er kategorisert som følgjer: Sannsynsklasse Kor ofte kan ein vente hendingar: S1 Svært sannsynleg Meir enn 1 hending per 20 år. S2 - Mykje sannsynleg Mindre enn 1 hending per 20 år, men minst ei hending per 100 år. S3 - Middels sannsynleg Mindre enn 1 hending per 100 år, men minst 1 hending per 200 år. S4 - Noko sannsynleg Mindre enn 1 hending per 200 år, men minst 1 hending per 1000 år. S5 - Lite sannsynleg Mindre enn 1 hending per 1000 år, men minst 1 hending per 5000 år. S6 - Usannsynleg Mindre enn 1 hending per 5000 år Tabell 3. Risikomatrisa har tre soner; grøn, gul og raud. Inndelinga med koding finn ein igjen i tabell 1 og 2. Side 19

21 5.1.1 Farekategoriar som skal vurderast: Det er laga ei sjekkliste ut i frå liste med farekategoriar i «ROS analysemal for arealplansamanheng i Etne kommune», ut i frå om dei er aktuelle å kartleggja eller ikkje. Hending/situasjon: Aktuelt? Kommentar Naturbaserte farar Ja Nei Er området utsett for eller kan planen medføra risiko for: Radon X TEK10 set krav til at alle bygg med varig opphald skal sikrast mot radon. Hamnebygget er ein stor kum for transport av fisk til båtar og ikkje ein arbeidsplass. Bygget vert lite nytta. Viltpåkjørslar X Jordskjelv X Nye tiltak i planframlegget inkluderer ikkje bygg med varig opphald. Menneske- og Ja Nei verksemdbaserte farar: Kan planen få konsekvensar for eller kan planområdet verta påverka av: Ureining i luft, vatn eller grunn X Det er ikkje planlagt for verksemder som skapar ny fare for utslepp av kjemikalium eller anna forureining utover dagens bruk. Samlokalisering X IKT X Tungtransport med farleg gods X Det er ikkje planlagt for tungtransport med farleg gods knytt til dei nye tiltaka i planen. Terrorisme (hamner) X Det er ikkje grunn til å tru at planområdet vil vera eit aktuelt mål Eksplosjonsfare knytt til industri X for terrorisme Det er ikkje eksisterande verksemder i nærområdet til planområdet som utgjer spesiell eksplosjonsfare ROS-analyse Potensiell risiko, før tiltak: Emne / Årsak Hending /forhold Liv og helse Materielle verdiar Ytre miljø Merknadar Tiltak (avbøtande og risikoreduserande) Ekstrem vêr Sterk vind Skade på bygg / infrastruktur Stormflod/springflod Ekstrem nedbør Skade på bygg / infrastruktur S3/K2 S2/K2 S4/K1 Nye tiltak skal dimensjonerast for å tåla ytre miljøkrefter (byggeforskrift). Eksisterande kai ligg på om lag kote 1,4. Den nye kaien er planlagd på kote 1,9. Dimensjonering av bygg, kai og fylling skal tåla ytre miljøkrefter (byggeforskrift). Det er ikkje registrert at området er spesielt utsett for ekstreme nedbørsmengder. Det er ikkje grunn til å tru at tilhøve til nedbør er annleis enn andre stadar i kommunen. Utbygginga skal stetta krav sett i TEK10. Side 20

22 Flaum / skred Flaum i elv, 200.årsflaumløp -Utgraving av grunn, vatn inn på tiltaksområdet Dambrot -Utgraving av grunn, vatn inn på tiltaksområdet Skred frå fjell Skade på bygg og kai Brann Brannfare Brann i enkelt bygning Brann i bygning som spreier seg til andre bygg innanfor planområdet Brann i bygning som kan spreie seg utanfor planområdet Verksemder i nærområdet med fare for brann/eksplosjon S4/K1 S4/K2 S5/K1 S5/K2 S5/K2 S5/K2 S4/K1 S4/K2 S5/K1 S5/K2 S5/K1 S5/K1 I følgje vasslinjeberekning gjort i Dalelva i 2010 av Sweco ligg planområdet ikkje flaumsone for 200-årsflaum. Det er føreslått å plassera damanlegget ved Rullestadvatnet i konsekvensklasse 0 (ubetydelige brotkonsekvensar, brot vil ikkje medføre fare for skade av betydning på menneske, miljø eller eigedom). Planområdet ligg i aktsemdområde for steinsprang, snøskred og jord- og flaumskred, jf. NVE. NGI har gjennomført skredfarevurdering for dei nye tiltaka i planen. Konklusjonen er at desse ligg utanfor faresone for sikkerhetsklasse S2 i PBL TEK10. Bygningar skal dimensjonerast og prosjekterast i samsvar med bygnings- og brannforskrifter. Den næraste brannstasjonen (målt i tid) er i Etne. Det er ikkje planlagt bygg med varig opphald for dei nye tiltaka i planområdet, og det er relativt lang avstand til næraste bygg. Tiltak: Tilstrekkeleg vassmengd til sløkkevatn. Det må sikrast god tilkomst for utrykkingsmateriell. Bygningar skal dimensjonerast og prosjekterast i samsvar med bygnings- og brannforskrifter. Den næraste brannstasjonen (målt i tid) er i Etne. Planområdet består i hovudsak av planert og asfaltert areal, og det er forholdsvis lang avstand til både skogkledde område og næraste bebyggelse. Tiltak: Tilstrekkeleg vassmengd til sløkkevatn. Det må sikrast god tilkomst for utrykkingsmateriell. Det er ingen verksemder i nærområdet som utgjer ein risiko for anlegget i høve til brann/eksplosjon. Forureining - grunn/vatn/luft Lukt frå avløpsvatn i fjorden Avløp til sjø frå settefiskanlegget, forureining av fjord, smittefare Støy frå brønnbåtar og hamnebygg S2/K1 S2/K1 S3/K1 S4/K2 Lukt frå settefiskanlegg kan førekoma frå avløp. Anlegget har eksisterande utsleppsløyve. Utsleppsmynde set krav og vilkår. For å bøta på eventuelle luktproblem skal avløpsvatnet ha mekanisk og biologisk reinsing. Slammet skal inaktiverast, og oppbevaring og transport av slam skal skje i lukka behaldarar. Anlegget har eksisterande utsleppsløyve. Utsleppsmynde set krav og vilkår. Ein føreset at dette tilseier ingen risiko i høve forureining av fjorden. Avløpsvatnet frå resirkuleringsanlegget skal ha mekanisk og biologisk reinsing. Det vil vera støy frå pumper i hamnebygget. Bygget skal støyisolerast i samsvar med gjeldande krav. Ved levering av fisk vil det vera støy frå pumper og brønnbåt. Bruken av kaien vil vera sporadisk (brønnbåtar og evt. andre leveransar). Det er ca 60 m avstand frå den planlagde kaien/hamnebygget og eksisterande bustadhus. Side 21

23 Trafikkfare Trafikkulukke på veg innanfor planområdet S4/K2 S4/K2 Ulukke ved avkjøring til fylkesveg E134 Anna /spesielle hendingar Klimaendring Havnivåstigning Fall i sjø Rømming av fisk i samband med overføring til brønnbåt Bortfall av straum eller vatn Ulukke med fritidsbåt og kai/brønnbåt S4/K2 S4/K2 S4/K2 S3/K2 S5/K1 S5/K1 S4/K1 S4/K2 S4/K2 Dei nye planlagde tiltaka i planen vil ikkje medføra store endringar i trafikk i planområdet. Planen sikrar tilhøva etter gjeldande normer og krav. Dei nye planlagde tiltaka vil ikkje medføra endring i trafikktilhøva i krysset ut mot E134. Det er difor ingen grunn til å tru at risikoen for ulukke i krysset vert endra som ei følgje av planen. Berekna havstigning for Etne kommune (målepunkt Etne) er 24 cm i 2050 (relativt til 2000), og 75 cm i 2100 (relativt til 2000). 100 års stormflo i år 2100 er berekna til 228 cm (relativt til NN1954). Den nye kaien og hamnebygget er planlagd planert på kote +1,9. Kaien tåler periodevis overfløyming. Dimensjonering av kai og fylling skal tåla ytre miljøkrefter (byggeforskrift). Arealet ved sjø vil verta nytta til ulike aktivitetar knytt til leveransar. Redningsbøye skal vera lett tilgjengeleg ved kaien, og det skal monterast minst to leiderar/stigar eller trapper på kaiområdet. Lasting til brønnbåt vert overvaka. Dimensjonering, fall og pumping i samband med overføring av fisk til brønnbåt må prosjekterast i detalj. Kontrollrutinar av transportrøyr ved levering av fisk. Fisk som vert transportert i brønnbåt skal vera i lukka rom. Det er ikkje planlagt for samfunnsviktige funksjonar med akutt behov for straum eller vatn innanfor dei nye tiltaka i planområdet. Kaien og småbåthamna er lokalisert med avstand slik at det er liten kollisjonsrisiko. Kaien må markerast godt. I ROS-analysen er det vurdert ulike hendingar og situasjonar. Dei aller fleste forholda er akseptable med føresetnad at tiltaka vert gjennomført i samsvar med lover og reglar (t.d. PBL og TEK 10). For dei fleste tema sikrar planen for nye tiltak etter gjeldande normer og krav. Det er ikkje avdekka forhold der førebyggande eller skadereduserande tiltak må gjennomførast (rød sone). Det er avdekka forhold som utan tiltak ligg i gul sone. Ein må vera spesielt medviten om risiko knytt til havnivåstigning, stormflo og sterk vind ved prosjektering og oppfølging av tiltaka. I tillegg må det etablerast gode rutinar for levering av fisk for å hindre rømming av fisk pga. teknisk eller menneskeleg svikt. Alle hendingar vil verta akseptable, grøn sone, dersom tiltak vert følgt opp. Planframlegget vurdert til å ha akseptabel risiko. Side 22

24 6 Merknadar til planen Alle innspel/merknadar som kom inn i samband med melding om oppstart er samanfatta og kommentert i tabell under. Innspela er sortert etter dato. Oppstartsmelding med høyringsfrist: 30. september 2015 Person/etat, dato Kommentarar frå tiltakshavar Innspel til melding om oppstart Fylkesmannen i Hordaland, FM legg til grunn at planarbeidet er i samsvar med overordna plan, og at det ikkje er i strid med nasjonale føringar for arealpolitikken. Det vert vidare påpeika at det er krav om ROS-analyse, at risikotilhøve skal merkast på kartet med omsynssone, og at krav til risikoreduserande tiltak skal gå fram av planføresegnene. Det er utarbeidd ROS-analyse. Det er ikkje kartlagt risikotilhøve som krev omsynssone på kartet eller risikoreduserande tiltak. Mattilsynet, Det kjem ikkje fram tilhøve i varselet som krev sakshandsaming frå Mattilsynet si side. Kystverket vest, Kystverket har ingen merknad til igangsetting av planarbeidet. Det må takast med i føresegnene at tiltak som fell inn under hamne- og farvasslova 27 (til dømes kaiar, brygger, bruer m.m.) skal godkjennast av hamnemynde. Etne kommune er her rette vedkomande. Kystverket ber om å få planforslaget til uttale når dette føreligg. Fjæra båtforening, Båtforeininga er opptatt av at ei så stor utbygging i ei lita grend må gje ein del tilbake til oppsitjarar og bygda dei no etablerer seg i. 1 Føresegner. Det må utarbeidast nye føresegner for planen, og desse må sendast på høyring. 2 Bygningar. Planen og bygningen må omfatta eit rom for toalett/dusj. Anlegget skal kunna opnast etter behov, og dei som «opnar» anlegget tek driftsansvaret den tida det er ope. 3 Gamle kaiarealet. Arealet på gamlekaien må løftast i høgde med ny kai. Kaifront på gamlekai blir flytta ut på linje med ny kaifront. Dette arealet (og areal mellom ny og gamal kai) kan gjerne ha tredekke som er gangareal, og ikkje for tunge bilar. Dette skal òg gjelde arealet mellom ny og gamal kai. 4 Bruk og leige av ny kai. Ved bruk av den nye kaien kan det krevjast inn kaileige. Leiga skal i hovudsak tilfalla eit driftsfond som skal nyttast til drift og vedlikehald av uteareal på området (offentleg del) samt gamal kaidel. Midlane vert disponert av Etne kommune og partar på området. Merknaden er tatt til orientering. Kommentar angåande reguleringsføresegnene blir tatt til følgje. MHN meiner at den store utbygginga som føregår vil gi vesentleg tilbake til kommunen, bygda og lokalsamfunnet for øvrig. MHN meiner dette faktisk skjer gjennom bygging av ny og sikker kai, og at det vert stilt rom til disposisjon for bygda. Vilkår for utbygginga er fastsett gjennom ein omfattande reguleringsprosess. Tiltaka og utforming er drøfta med grunneigarane til kaiområdet. Kommentarar til dei enkelte punkt: 1. Føresegner: Føresegner vil bli utarbeidd og vil følgja plandokumenta på normal høyring av reguleringsplanen. 2. Bygningar: MHN er i prinsippet positive til at det vert etablert toalett-/dusjanlegg på kaiområdet, og planen opnar for dette innanfor føremåla rasteplass og turisme/kontor/lager/industri. MHN ynskjer ikkje å etablera toalett-/dusjanlegg i det planlagde hamnebygget. MHN ønskjer heller ikkje å ha ansvar for den overordna drifta av eit slikt anlegg. Merknaden vert ikkje tatt til følgje. 3. Gamle kaiarealet: MHN ser det føreslåtte tiltaket som uheldig med omsyn til manøvrering av båtar. Tiltaket er ikkje ønskjeleg av MHN, og merknaden vert såleis ikkje tatt til følgje. 4. Bruk og leige av ny kai: MHN har i dialog med Etne kommune gitt uttrykk for aksept for Side 23

25 5 Estetiske krav. I føresegner til planen skal det innarbeidast krav til høgd på bygningar, kaifront på gamal ny kai, og materialval for installasjonar og bygningar. Statens vegvesen, Ber utbyggar drøfte spørsmålet om det vil bli ein auke i trafikken i kryss ut mot E134. Vert det aktuelt med ein auke i trafikken i krysset vil Statens vegvesen vurdera ei utbetring av krysset. Ei eventuell utbetring må utbyggar pårekna å måtte koste. NVE, NVE kjenner ikkje til i kva grad skredfare vart vurdert då gjeldande plan vart utarbeidd og vedteken i Aktsemdkart på NVE Atlas syner at planområdet ligg innanfor aktsemdområde for fleire skredtypar. Dersom skredfare ikkje er kartlagt før, må det gjerast no. Vurdering av skredfare må utførast av nokon med tilstrekkeleg fagleg kompetanse, og skredfarevurderinga må underleggast kontroll av sidemann eller uavhengig part. Det må definerast faresonegrenser i samsvar med tryggleikskrava i TEK10, evt. fareområde må innarbeidast i planen (omsynssone) og ha tilhøyrande føresegner som sikrar akseptabel tryggleik før utbygging kan finne stad. Dersom det er trong for sikringstiltak eller restriksjonar på arealbruk for å oppnå tilstrekkeleg tryggleik rår vi til at det aktuelle området vert teke inn i planen. Hordaland fylkeskommune, Planområdet grensar til det regionale friluftsområdet Åkrafjorden, og omfattar areal i strandsona. Strandsona er ein avgrensa ressurs der det er viktig at omsynet til ålmenn tilgjenge vert sterkt vektlagt. Ber om at ein har omsyn til dette i prosessen vidare. Ber vidare om at planarbeidet legg særleg vekt på arkitektur og estetikk, barn og unges interesser, friluftsliv, folkehelse, landskap, kulturminne, strandsone, universell utforming. innkrevjing av avgift, samt foreslått nokre rammer for dette. MHN og Etne kommune vil inngå ein avtale som vil regulera bruken av den nye kaien. 5. Estetiske krav: Ny kai vert utforma for å dekke sitt føremål på beste mogleg måte. Hamnebygget er utforma etter kontakt med grunneigarar lokalt. MHN fylgjer føringane frå den gamle planen og som er blitt vidareført i den nye. Det er i punkt 4.2 i planomtalen gitt ei vurdering på bruken av krysset. Basert på dette vil ein gjera små justeringar på krysset. Dette er vidareført i plankartet. NGI har vurdert dei nye tiltaka i planframlegget (kai og hamnebygg) med omsyn til skredfare. Den nye kaien og hamnebygget ligg utanfor faresone for sikkerhetsklasse 2 (PBL TEK10) for alle typar skred. Planarbeidet har vurdert disse tema i den grad dei er relevante. Friluftsliv, strandsone og tilgjenge for allmenta er tema som er handsama i kapittelet om konsekvensvurdering av planframlegget. Side 24

26 7 Vedlegg Plankart datert Føresegner datert Vedlegg: 1. Notat frå NGI vert ettersendt 2. Innspel til oppstartsmelding 3. Oppstartsmelding 4. Sjekklister Side 25

27 Sæ Stord Tlf.: Epost: Side 26