SUND KOMMUNE DETALJREGULERING. REGULERINGSFØRESEGNER FOR GOLTA NÆRINGSOMRÅDE Jf. plan og bygningslova (pbl.) 12-7

Transkript

1 SUND KOMMUNE DETALJREGULERING REGULERINGSFØRESEGNER FOR GOLTA NÆRINGSOMRÅDE Jf. plan og bygningslova (pbl.) 12-7 Saksnr.: 16/1045 Nasjonal arealplan-id: Vedteken: 1 INTENSJONAR I PLANEN Føremål med reguleringsplanen er å sikre areal for ei tilpassa landbasert oppdrettsverksemd på Golta. Reguleringsplanen er knytt til areal som i kommuneplanens arealdel er vist som næringsområde og utviding etter vedtatt planprogram. Viktig i saka er ei samla teknisk tilrettelegging som skal ta med nødvendig bølgjevern, i samsvar med tilråding i frå SINTEF (2015). Tilrettelegging og høgder på utbyggingsareal, med bølgjevern, skal løysast med bruk av lokale steinmassar i planområdet. Ved gjennomføring av regulerte tiltak skal ein ta omsyn til kystlandskapet og naturmiljøet på staden. Eit vilkår er at transport med varer og produkt til og frå anlegget skal vere sjøorientert, dvs. meir enn 70% over sjø, og mindre enn 30% over veg. 2 FELLESFØRESEGNER 2.1 Dokumentasjon ved søknad om tiltak Ved søknad om tiltak skal det liggje føre; 1. Energiplan, som skal angi dokumentasjon av energibehov for verksemda/arealet, bruk av sjøvarme med importløysingar for «grøn» energi, trasé for sjøkablar, med mogleg opprusting av anna energinett i kommunen, og opplegg ved kai for landstraum til båtar.. 2. Godkjend VA-rammeplan 3. Overordna plan for heilskapleg gjennomføring, med teikningar i høveleg målestokk og dokumenterte dimensjonar på konkrete tiltak. Planen skal gjere greie for rekkjefølgje i teknisk tilrettelegging av heile næringsarealet med interne vegar, parkering, kai, eksisterande molo, bølgjevern, ev. murar, trapper, rampar og gjerder, samt dokumentasjon på vurdering av sikringstiltak i samband med høge skjeringar. Alle tiltak skal vere illustrert og vise fjernverknad, sett frå sjø og nærområdet på land. Avtale om utbetring av regulert offentleg veg og fortau skal ligge føre. 4. Skildring av aktuell næringsverksemd på staden, inkludert råstoff inn, produkt ut, type avfall, tilførte kjemiske stoff som skal nyttast i produksjonen, bygningar, transportbehov og transportløysingar på sjø og land, samt parkering på eiga grunn. Produksjon skal skje innandørs. Det må gjerast greie for at verksemda ikkje er i konflikt med andre verksemder i området. 5. Godkjend søknad om næringsverksemda etter forureiningslova og anna aktuelt regelverk, om bruk av ferskvatn, sjøvatn-, reinsing- og utslepp til sjø og luft m.m. Løyver etter sektorlovverk skal liggja føre før søknad om tiltak etter plan- og bygningslova kan handsamast. 6. Dokumentasjon på faglege kvalifikasjonar, innanfor prosjekterande og/eller utførande innanfor tiltaksområda arkitektur, samt veg, uteareal og landskapsutforming skal ligge ved søknad om tiltak. Det skal for desse fagområda ligge føre referansar på gjennomførde tiltak i eksponerte/utsette kystlandskap. 2.2 Overvatn Reint regn- og overflatevatn skal førast til sjø i grøft og røyr. 1

2 2.3 VA-rammeplan Ved søknad om tiltak skal det liggje føre ein godkjend VA-rammeplan for området som er tilpassa dei aktuelle næringsverksemdene i planområdet. Rammeplanen skal vera i samsvar med VA-normen i Sund kommune. 2.5 Arkitektur, estetikk og kvalitet Næringsbygg skal ha ein tydleg industriell oppbygging og karakter. Materialar i bygg skal ikkje ha reflekterande eigenskapar, og fargesetting av bygg skal vere i nyansar av grått. Bøljevern (BAS2-5) skal ha ei utforming og kvalitet som saman med grøntstrukturen (G1-3) gir eit naturleg uttrykk og sikrar ei heilskapleg landskapsramme i området. Retningslinjer for estetisk utforming i Sund kommune skal føljast. Større skilt på bygningar skal ikkje vera synlege i frå sjøsida. Lys på området skal vera avgrensa til nødvendig arbeidslys. 2.6 Utnyttingsgrad, byggjegrenser og byggjehøgder Utnyttingsgrad, byggjegrenser og byggjehøgder er vist på plankartet. 2.7 Utfylling i sjø Ved utfylling må ein sørge for å nytte reine og lokale massar. 2.8 Støy Støy i anleggsperioden skal vere i samsvar med Retningslinje for behandling av støy i arealplanlegging T Verksemd innanfor planområdet skal stette krav til støy i byggteknisk forskrift, og vera i samsvar med Retningslinje for behandling av støy i arealplanlegging T Ved tvil eller naboklage skal tiltakseigar syte for dekkjande målingar av støy, ev. med etterfølgjande tiltak som fører til nødvendig reduksjon av støynivået i frå produksjonsanlegget. 2.9 Universell utforming/tilgjenge Prinsipp om universell utforming skal leggast til grunn for utforming av uteareal og tilkomstsoner, jf. gjeldande teknisk forskrift Hamne- og farvasslova Tiltak i sjø som kjem inn under hamne- og farvasslova skal i tillegg til ev. godkjenning etter plan- og bygningslova, godkjennast av hamnemynde. 3 REKKJEFØLGJEKRAV 3.1 Utbetring av regulert offentleg veg skal vera gjennomført før godkjenning av bygg innanfor BN1 og BN2. Dette gjeld o_sv1 og 2, SF fortau, SPP parkeringsplassar, samt kombinert føremål SKF veg/fortau. SV9 skal opparbeidast samstundes som veg o_sv Teknisk tilrettelegging av BN1 og BN2 med veg, VA, overvatn, straum, lyssetting etc. og etablering av bøljevern (BAS2-5), som ein samla operasjon, skal vera utført før oppføring av bygningar innanfor BN1 og BN2, jf. 2.1 punkt 3 om Overordna plan for heilskapleg gjennomføring. 2

3 3.3 Det er unntak frå krava 3.1 og 3.2 for etablering av eit mindre testanlegg innanfor BN1 som grenser til offentleg køyreveg. Bygget skal ikkje vera til hinder for framtidig utvikling av næringsområdet. Utbygginga skal sikrast mot bølgjekrefter. Dimensjonering av sikringa skal dokumenterast i byggesøknaden, og tiltaket skal vera etablert før oppføring av testanlegget. 4 EIGARFORM 4.1 Følgjande areal skal vere offentlege: o_bas1 Andre særskilt angitte bygningar og anlegg - molo o_sv1-2 Veg o_sf Fortau o_svg Annan veggrunn grøntareal o_skf Kombinert føremål veg og fortau o_vfe Ferdsel o_vhs Hamneområde i sjø 4.2 Følgjande areal skal vera private: BA Bygningar og anlegg BN Næringsbygningar BUN Naust BAS2-5 Andre særskilt angitte bygningar og anlegg - bølgjevern SV3-9 Veg SK Kai SPP Parkeringsplassar G Grøntstruktur L LNFR for landbruk LS LNFR for spreidd bustadbygging 5 BYGNINGAR OG ANLEGG, jf. pbl nr Bygningar og anlegg, BA Delar av eksisterande bygg ved o_sv1 er regulert til føremålet. Det er føresett at deler av bygget skal rivast som del av oppgradering av veg o_sv1. Det er tillate å etablere ny bygning med tilsvarande bruk innanfor byggegrensa, som erstatning for eksisterande bygning. 5.2 Område for næringsbygningar, BN Området skal nyttast til verksemd med landbasert oppdrett med tilhøyrande funksjonar som energisentral, tekniske rom, laboratoria, forskings- og publikumslokale, kontor, personalrom med garderobar, wc dusjanlegg, vaskeri og andre sidefunksjonar Tekniske komponentar som t.d. takhatt, ventilasjon, og andre mindre installasjonar kan vera inntil 2 meter høgare enn maksimal byggehøgd Det er tillate med høge skjeringar i området, der nye skjeringar må undersøkast i høve til behov for sikring (bolting og nett). Sikringstiltaka må dokumenterast og godkjennast i samband med søknad om tiltak. Nye skjeringar skal sikrast med gjerde på topp. 5.3 Område for naust, BUN Det kan byggast maksimalt 4 nye naust innanfor området. Maks BYA er sett til 40 m 2, med maksimal mønehøgde 5,5 meter. Høgde skal målast i frå terrengnivå under bygning. Bygget skal maksimalt en etasje. Naust skal førast opp med saltak og takvinkel mellom grader. 3

4 Takutstikk meir enn 1 meter utanfor fasadeliv, altan/balkong/terrasser e.l. og arker/takoppløft e.l., med unntak av vindehus, er ikkje tillate. Areal av vindaugsflate skal ikkje overstige 3 % av hovudplanets bruksareal Plassering av nye naust skal ikkje hindra fri ferdsel. Det er ikkje tillate med nokon form for gjerde eller stengsel rundt nausta. 5.4 Andre særskilt angitte bygningar og anlegg, BAS o_bas1 - molo Området omfattar eksisterande molo. Det er tillate med vedlikehald og forsterkningar av anlegget BAS2-5 - bølgjevern Området skal nyttast til å etablere bølgjevern. Topp på bølgjeverna er vist i plankartet som planeringshøgde. Areal i sjø kan fyllast ut, med tilhøyrande sikring. Bølgjevern skal prosjekterast av teknisk sakkunnig slik at anlegget skal tole sjø og bølgjer. 6 SAMFERDSELSANLEGG OG TEKNISK INFRASTRUKTUR, jf. pbl nr Veg, SV Vegnettet er fastsett i planen og skal opparbeidast i samsvar med denne. Asfaltert vegbreidd går fram vegprofil i plankartet. O_SV1 og 2 omfattar eksisterande kommunalveg Goltavegen. SV3-9 er private avkøyringar og køyrevegar. Det skal sikrast tilkomst til eigedommar utanfor planområdet ved oppgradering av veg o_sv1 og Fortau, o_sf Fortau skal opparbeidast i samsvar med plankartet, asfalterast og vere offentleg. 6.3 Annan veggrunn grøntareal, o_svg Innanfor føremålet er det høve til å setje opp anlegg for tekniske innretningar som høyrer vegen til, som leskur, støttemurar, rekkverk, lyssetting og grøfter. Vidare kan arealet nyttast til snølagring, avkøyrsler, skråningar og skjeringar. Innretningane skal ikkje vere i strid med siktkrav i frisiktsona. Områda avsett til anna veggrunn skal vere ordna/tilplanta for slik å handtere avrenning i frå veg og overvatn i planområdet. Skrentar skal sikrast. 6.4 Kai, SK Kaien skal opparbeidast i samsvar med plankartet, men mindre avvik i høve til plassering av kaikonstruksjon kan tillatast. Areal som ikkje vert disponert til kaiføremål er føresett brukt som tilstøytande føremål i sjø og/eller på land. Ferdig kaihøgde skal tilpassast planert areal på BN1, og vera maksimum kt. +3. Kaiområde skal forsynast med livredningsutstyr, og leider med lys. 6.5 Parkeringsplassar, SPP Innanfor arealføremålet skal det opparbeidast parkeringsplassar der asfaltert område går fram av plankartet. 4

5 6.6 Komb. føremål veg og fortau, o_skf Føremålet regulerer kombinert arealbruk fortau og veg. Opparbeiding av arealet skal sikre tilkomst frå o_sv1 og 2 til SV8-9, og kryssande gangtrafikk. 7 GRØNSTRUKTUR, jf. pbl nr Område for grøntstruktur, G Arealet utgjer eksisterande landformer som skal stå som naturleg terrengdekning av bygg, sett frå sjøen, og skal tene som eit naturleg bølgjevern. Det er ikkje tillate med større varige inngrep, med unntak av: - Det er tillate å ta i bruk areala i samband med anleggsarbeid for maskinar og som riggområde. - Det er tillate å etablere røyrgate i fjell for leidningar knytt til oppdrettsverksemda på BN1 og BN2. - Det er tillate å legge til rette for tilkomst for gåande til utsiktspunkt innanfor G2. 8 LANDBRUKS-, NATUR OG FRILUFTSOMRÅDER, jf. pbl nr LNFR for landbruk, L Areal er avsett til dette føremålet for å sikre areal til anlegg- og riggområde, jf Det kan gjennomførast nødvendige inngrep og anleggsarbeid for bygging av veganlegget. Kvar tids gjeldande kommuneplan sine føresegner og retningslinjer gjeld for desse områda. 8.2 LNFR for spreidd bustadbygging, LS Areal er avsett til dette føremålet for å sikre areal til anlegg- og riggområde, jf Det kan gjennomførast nødvendige inngrep og anleggsarbeid for bygging av veganlegget. Kvar tids gjeldande kommuneplan sine føresegner og retningslinjer gjeld for desse områda. 9 BRUK OG VERN AV SJØ OG VASSDRAG MED TILHØYRANDE STRANDSONE, jf. pbl nr Hamneområde i sjø, o_vhs Areal avsett til hamneområde i sjø skal sikre tilkomst til land. Området skal haldast ope og fritt for ferdsle i hamna og i kringliggande sjøområde. Det er ikkje tillate å setje not eller anna næringsfiske i denne sona. Fylling og fyllingsfot i frå bølgjevern kan etablerast innanfor areal avsett til VHS. 9.2 Ferdsel, o_vfe Området skal til ei kvar tid haldast ope og fritt for ferdsle. Fylling og fyllingsfot i frå bølgjevern kan etablerast innanfor areal avsett til VFE. 10 OMSYNSSONER, jf. pbl H140 Frisiktsone I frisiktsonene skal det til ei kvar tid vere fri sikt i ei høgd av 0,5 m over tilstøytande vegar sitt plan. 11 BESTEMMELSESOMRÅDE, jf. pbl Anlegg- og riggområde Området kan nyttast som anleggs- og riggområde i byggjeperioden. Det kan gjennomførast nødvendige inngrep og anleggsarbeid for bygging av veganlegget. Dette gjeld også lagring av massar, brakkerigg og lager, samt tilkomst for veganlegget. Etter at bygging av veganlegget er avslutta, skal området førast tilbake til den stand det var før anleggsstart. Områda skal ferdigstillast seinast 1 år etter at veganlegget er opna. Dato: