SAKSPAPIR. Arkiv: N-138 Objekt: OPPRETTING AV KOMMUNALT SELSKAP FOR EIGE OG DRIFT AV KOMMUNALE UTLEIGEBUSTADER

Transkript

1 SUND KOMMUNE SAKSPAPIR Styre, komite, utval Møtedato Saknr Sbh Formannskapet /04 GIS Kommunestyret /04 GIS Kommunestyret /04 GIS Kommunestyret /04 KAB Saksansvarleg Gerhard Inge Storebø Arkiv: N-138 Objekt: ArkivsakID OPPRETTING AV KOMMUNALT SELSKAP FOR EIGE OG DRIFT AV KOMMUNALE UTLEIGEBUSTADER Dokumentliste: 1. Referat frå møte i avgiftsgruppa Advokatpartner ANS Vedr. bustadstifting i Sund. Nr T Jp.dato Avsendar/Mottakar Tittel 2 I Advokatpartner ASN BUSTADSTIFTING I SUND 3 3 U I I Nina Glesnes m.fl. KOMMUNALT AS - UTLEIGEBUSTADER - INNKALLING TIL MØTE Styret i Sund Eigedom AS REFERAT FRÅ MØTE Nordaudit ANS TILBOD RÅDGJEVINGSTENESTER FOR AKSJESELSKAP UTLEIGEBUSTADER Saksutgreiing: Avgiftsgruppa fekk i oppdrag frå kommunestyret å vurdera framtidig organisering av Kommunale utleigebustader. Gruppa si tilråding er oppsummert i referat frå møte I vedteke budsjett for 2004 er det lagt til grunn at kommunale utleigebustader vert overført til eige selskap og at selskapet får eit økonomisk ansvar knytt til den vidare drifta av bustadene. Vurdering: Avgiftsgruppa vurderte ulike organisasjonsformer for framtidig drift av kommunale utleigebustader. Gruppa vurderte og samarbeid med Fjell.

2 I si tilråding har avgiftsgruppa tilrådd å satsa på aksjeselskapsforma. Det er lagt vekt på at kommunen som eigar då vil ha direkt styring med selskapet gjennom val av styrerepresentantane. Det er forutsett at selskapet ikkje skal betala utbyte til eigarane. Slik sett vil aksjeselskapet koma likt ut med ei stifting for det som gjeld skattereglar og avgiftsspørsmål. Kommunen har gjort seg røynsler med etablering og drift av aksjeselskap gjennom opprettinga av Sund Vatn og Avlaup a.s. og Sund Energi a.s. Slik sett vil sjølve opprettinga av selskapet vera greit å få på plass. Selskapet vil få som hovudoppgåve å driva eksisterande og nye utleige bustader som Sund kommune har medverka til å få bygt. Dei prioriterte behova som skal dekkast og vidare kommunal satsing på dette feltet går fram av Bustadsosial plan vedteken av Sund kommunestyre På same måte som då Sund VA a.s. vart skipa, vil det vera greit å få utarbeidd ei detaljert samarbeidsavtale som avklarar kommunen sine forventningar til selskapet si drift. Selskapet som avtalepart må trkkjast inn i utarbeidinga av ei slik avtale. Selskapet må og vera med på ei drøfting om dei økonomiske rammene som skal fastsetjast ved overdraging av eksisterande bustader til ny eigar. I budsjett 2004 er det føresetnader om at overdraginga skal skje til marknadspris. Økonomiske konsekvensar: Avgiftsgruppa såg for seg at det nye selskapet måtte få husleigeinntekter som sikra økonomisk balanse i høve til ei forsvarleg, god drift av eigedomane. Det vil nok innebera at husleigenivået vil auka i høve til det noverande. Kommunen kan koma til å måtta yta hjelp til leigetakarar som står svakt økonomisk. Reglane i husleigelova må fylgjast sjølv om eigartilhøvet vert endra. Det vert tilrådd å fastsetja aksjekapitalen til kr i første omgang. Denne summen er ikkje innarbeidd i budsjett Summen må dekkast med bruk av fondsmidlar. Tilråding til vedtak: 1. Sund kommunestyre vedtek å oppretta eit nytt aksjeselskap som skal eiga og driva utleigebustader i samsvar med kommunen sine mål slik dei kjem fram i Bustadsosial plan -vedteken Det skal utarbeidast vedtekter for selskapet. 2. Aksjekapitalen vert fastsett til kr og vert finansiert ved bruk av fondsmidlar. 3. Sund kommunestyre vert generalforsmling for selskapet. 4. Som styremedlemmer vert desse valde: 1.. (styreleiar)

3 5 Det skal opprettast ei samarbeidsavtale mellom Sund kommune og selskapet. Avtala skal godkjennast av kommunestyret FORMANNSKAPET F-005/04 Framlegg frå formannskapet: Pkt. 1, 2, 3 og 5 vert vedtekne i samsvar med tilrådinga. Pkt. 4 vert utsett til kommunestyremøtet KOMMUNESTYRET Arne Dåvøy, KRF, gjorde framlegg om utsetjing av saka på grunn av at det manglar opplysningar som avgiftsgruppa ba om på møte Utsetjingsframlegget vart teke opp til røysting, og fall med 10 røyster. Høgre v/irgen Vilhelmsen gjorde framlegg om desse styremedlemene: 1. Nina Glesnes - styreleiar 2. Vibeke Berge 3. Nils Kåre Skoge 4. Kjetil Klepsvik 5. Jan Rune Skoge Framlegg frå KRF v/arne Dåvøy: Sund kommunestyre vedtek at driftsavdelinga får eit samla ansvar for dei kommunale bygga. Forvaltningsstyret kan vera referansegruppe. Ordføraren gjorde framlegg om følgjande tillegg til pkt. 5: Forhandlingar om samarbeidsavtalen vert ført av rådmannen og 3 politisk valde repr. Som politiske representantar vert valde: Irgen Vilhelmsen, Nancy Sæle og Arne Dåvøy. Det vart røysta alternativt over pkt. 1 i tilrådinga og KRF sitt framlegg. Tilrådinga fekk 15 røyster, KRF sitt framlegg 10 røyster. Pkt. 2 i tilrådinga vart vedteke med 20 mot 5 røyster Pkt. 3 vart vedteke samrøystes Pkt. 4: Høgre sitt framlegg vart vedteke samrøystes Pkt. 5 vart vedteke samrøystes med ordføraren sitt tilleggsframlegg. K-005/04 Vedtak: 1. Sund kommunestyre vedtek å oppretta eit nytt aksjeselskap som skal eiga og driva utleigebustader i samsvar med kommunen sine mål slik dei kjem fram i Bustadsosial plan

4 - vedteken Det skal utarbeidast vedtekter for selskapet. 2. Aksjekapitalen vert fastsett til kr og vert finansiert ved bruk av fondsmidlar. 3. Sund kommunestyre vert generalforsamling for selskapet. 4. Som styremedlemmer vert desse valde: 1. Nina Glesnes - styreleiar 2. Vibeke Berge 3. Nils Kåre Skoge 4. Kjetil Klepsvik 5. Jan Rune Skoge 5. Det skal opprettast ei samarbeidsavtale mellom Sund kommune og selskapet. Avtala skal godkjennast av kommunestyret. Forhandlingar om samarbeidsavtalen vert ført av rådmannen og 3 politisk valde repr. Som politiske representantar vert valde: Irgen Vilhelmsen, Nancy Sæle og Arne Dåvøy. NYE OPPLYSNINGAR I SAKA Saksutgreiing: Dei valde representantane til styret i det nye selskapet og dei politiske representantane kommunestyret peika ut til å vera med på tingingar om samarbeidsavtale med det nye selskapet har hatt 3 drøftingsmøte. Det er semje om å venta med det endelege arbeidet med samarbeidsavtale mellom kommunen og selskapet til selskapet har fått på plass eigen administrasjon. Det er semje om at dei økonomiske føresetnadene i kommunebudsjettet for 2004 ikkje kan leggjast til grunn for drifta av selskapet dersom selskapet berre skal driva med kommunale utleigebustader slik mandatet i sak K005/04 legg opp til. Det er semje om eit utkast til vedtekter for det nye selskapet. Styret i selskapet har laga eit oppsett på kva leigesatsar det er rimeleg å leggja til grunn for vidare økonomiske vurderingar av drifta til selskapet. Kommuneadministrasjonen vil med utgangspunkt i desse satsane vurdera i kva omfang det kan verta aktuelt med økonomisk hjelp frå kommunen for at leigetakarane skal makta å betala husleiga. Vurdering: Rådmannen ser at føresetnadene i budsjett for 2004 i høve til overføring av utleigebustadene til eige selskap ikkje held, dersom selskapet skal byggja opp ein eigen administrasjon i høve til dei oppgåvene som ligg i mandatet. Andre organisasjonsmodellar som samarbeid med Fjell kommune, eller eit utvida verksemdsområde for selskapet er så langt ikkje utgreidde. Rådmannen meiner difor at selskapet raskt må få tilført administrative ressursar slik at det økonomiske grunnlaget for drifta av det nye selskapet kan verta vidare utgreidd. I ein første fase vil ressursbruken i selskapet direkte påverka føresetnadene i kommunen sitt budsjett for Så pressa som budsjettsituasjonen i Sund er, må det vera eit mål å avgrensa denne

5 ressursbruken i første fase. Ei løysing kan vera at selskapet leiger administrative tenester hjå Sund kommune og utfyller med innleige av konsulenttenester. Vidare meiner rådmannen at det kan vera aktuelt å laga ei første samarbeidsavtale mellom selskapet og kommunen, som sikrar god drift av bustadene og ei vidareføring av planlagde utbyggingstiltak fram til eit meir langsiktig økonomisk grunnlag for selskapet er avklara. Tilråding til vedtak: 1. Sund kommunestyre vedtek at selskapet Sund Eigedom a.s. vert skipa. Ordføraren får fullmakt til å representera kommunen som eigar i samband med skipinga. 2. Sund kommunestyre godkjenner framlegg til vedtekter for Sund Eigedom a.s. 3. Sund kommunestyre bed om at det vert arbeidd vidare med det langsiktige økonomiske grunnlaget for drifta av selskapet. 4. Sund kommunestyre bed om at det vert laga ei førebels samarbeidsavtale mellom Sund kommune og Sund Eigedom a.s. for drift og utbygging av utleigebustader KOMMUNESTYRET Etter gruppemøte, gjorde AP v/ivar Steinsland framlegg om utsetjing av saka til neste møte (31.03.), og at administrasjonen sender ut nødvendig dokumentasjon vedk. selskapsforma kommunalt føretak. Utsetjingsframlegget vart vedteke samrøystes. K-026/04 Vedtak: Saka vert utsett til neste kommunestyremøte ( ). Administrasjonen får i oppdrag å leggja fram nødvendig dokumentasjon vedk. selskapsforma kommunalt føretak. NYE OPPLYSNINGAR I SAKA Nye vedlegg: 1) Utdrag av kommunelova lovreglar for kommunale føretak (kap. 11) 2) Forskrift om årsbudsjett, årsrekneskap og årsberetning for kommunale føretak 3) Framlegg til vedtekter for kommunalt føretak (Sund Eigedom KF). 4) Døme på utrekning av bustønad i høve til husleigesatsar Saksutgreiing: Kommunalt føretak (KF) tilsvarer den organisasjonsforma som før vart kalla kommunal bedrift.

6 Kommunalt føretak er regulert i kommunelova kap 11 som har overskrifta Kommunalt og fylkeskommunalt foretak. Lovendringa vart vedteken våren 1999 og gjort gjeldande m.v.f Lova inneheld paragrafar om: KF sitt verkeområde Oppretting av KF Vedtekter Kommunal og fylkeskommunal leiing Samansetting av styret Valperiode for styremedlemane Styret sitt mynde Styremøter Vedtak som må godkjennast av kommunestyret eller fylkestinget Dagleg leiing Mynde til dagleg leiar Tilhøvet til administrasjonen for øvrig i kommunen eller fylkeskommunen Representasjon Overskriding av representasjonsretten Føresegner for årsrekneskap etter rekneskapslova Hovudskilnaden på AS og KF er at ved KF er føretaket framleis ein del av kommunen. Føremålet med KF var å gje kommunen/fylkeskommunen muligheit til å organisera verksemda på ein ny og meir sjølvstendig måte i forhold til resten av kommunen. Slik organisering er primært meint for verksemder som er sjølvfinansierande eller av meir forretningsmessig karakter. Føretaket er ikkje eit eige rettssubjekt og vil såleis vera ein del av kommunen sin økonomi og må få budsjett og økonomiplan vedteken i kommunestyret. Føretaket skal ha ein relativ sjølvstendig stilling innanfor kommunen.og skal m.a.: Registrerast i Føretaksregisteret Styret veljast av kommunestyret for 2 år. Styremedlemmer kan skiftast ut i perioden. Vedtektene kan fastsetje at 1/3 av medlemene skal veljast mellom dei tilsette Styret tilset dagleg leiar Styret og dagleg leiar har mynde til å binda kommunen innanfor føretaket sitt føremål, vedtekter og budsjett (i utgangspunktet same mynde som styret i eit AS. Avgrensingar må koma fram i vedtektene) Styret har utvida mynde i forhold til andre utval Styremøta er i utgangspunktet lukka Dagleg leiar er underlagt styret og ikkje administrasjonssjefen (rådmannen). Rådmannen har såleis ikkje instruksjonsmynde over dagleg leiar. Adm. sjefen kan imidlertid vedta utsett iverksetting av vedtak og leggja slike saker fram for kommunestyret (utsetjande veto). Den viktigaste skilnaden i høve til aksjeselskap er at selskapet ikkje har avgrensa risiko. Det kan heller ikkje slåast konkurs, slik eit AS kan. Selskapsforma betyr at risikoen er den same som for kommunen sjølv. I praksis betyr det at slike selskap opptar lån på same vilkår som kommunen (normalt ca 1 % lågare enn for AS).

7 I offisielle lånegjeldstatistikkar og KOSTRA viser ikkje ei slik gjeld som kommunal lånegjeld, då det der berre er kommunekassa si gjeld som viser. Når fylkesmannen vurderer lånegjeld, tel dette med. Dersom kommunen går med underskott eit år og KF med overskott, vert rekneskapa sett under eitt og overskottet kan nyttast til å redusera/dekka underskottet. Har KF underskott og kommunen overskott, kan det bli snakk om tilskott/lån til føretaket. Kommunestyret vil i realiteten vera ei Generalforsamling for selskapet og kan såleis utøva ei meir direkte styring enn generalforsamlinga i eit AS. Ved overføring av eigedomsverdiar frå kommunen til eit kommunalt føretak, slepp ein å betala dokumentavgift (2,5%), slik ein må ved overføring til eit AS. Føretaket vil heller ikkje koma i skatteposisjon. Vurdering: Ut frå det som kom fram under kommunestyredebatten, vert berre nytt framlegg til vedtekter kommentert. Namnet Sund Eigedom AS er frå før nytta av to selskap. Det vert difor gjort framlegg om namnet Sund Eigedom KF. Når det gjeld utkast til vedtekter som vart lagt fram for AS, så må dei justerast ein del i samband med oppretting av KF. Dette skuldast hovudsakleg at aksjelova gjev klare reglar for drift og ansvar for eit AS. Kommunelova kap. 11 har detaljerte reglar om drift av kommunale føretak, er det neppe grunnlag for å detaljera vedtektene i stor grad. Det som minimum må vera med i vedtektene er: - Namn på føretaket - Føremål - Forretningskommune - Tal på styremedlemer - Anna som etter lov må vedtektsfestast Ting som særleg treng drøftast er kor vidt møta skal gå for opne dører, jfr 8 siste setning. Kommunelova 68 nr 5 seier at møta skal vera lukka om ikkje kommunestyret seier noko anna. Meiner kommunestyret at styremøta skal vera opne, må dette framgå av vedtektene. Når det gjeld tilsette sin representasjon i styret, kan det koma krav om dette etter kommunelova 65.nr 3. Dette er ikkje aktuelt i første omgang, då det kun er dagleg leiar som skal tilsetjast og vedkomande kan ikkje sitja i styret. Talet på styrerepresentantar bør også vedtektsfestast. Kommunestyret har tidlegare vald 5 til styret i det påtenkte AS. Rådmannen kan ikkje sjå at det er grunn til å endra på dette. Kommunelova sine reglar for sakshandsaming i folkevalde organ (kap. 6) gjeld ikkje for kommunale føretak, med unntak av (som gjeld høvestalsval/fleirtalsval). Når det gjeld rekneskapsførsel og revisjon, høyrer dette naturleg heime i kommunen. Tilråding til vedtak: 1 Sund kommunestyre vedtek at selskapet Sund Eigedom KF vert skipa..

8 2 Sund kommunestyre godkjenner framlegg til vedtekter for Sund Eigedom KF. 3 Sund kommunestyre ber om at det vert arbeidd vidare med det langsiktige økonomiske grunnlaget for drifta av selskapet. 4. Sund kommunestyre ber om at det vert laga ei førebels samarbeidsavtale mellom Sund kommune og Sund Eigedom KF for drift og utbygging av utleigebustader. 5. Vedtektene tek til å gjelda 1. april KOMMUNESTYRET Ivar Steinsland ba kommunestyret drøfta ev. ugildskap for Nina Glesnes. Etter drøfting av spørsmålet, gjorde kommunestyret med 19 mot 4 røyster vedtak om at representanten ikkje er ugild i saka. Framlegg frå AP/Høgre v/ivar Steinsland: 1. Namnet på selskapet vert Sund Eigedomsutvikling KF 2. Vedtektene 4, 1. setning vert endra til: Verksemda sitt føremål er å stå for utbygging, innkjøp, utleige, drift, vedlikehald og ev. sal av kommunale bustader samt anna verksemd i tilknyting til dette. 3. Vedtektene 5 får flg. tillegg: 2 av styremedlemene skal vera frå næringslivet. Styret sine møte vert haldne for opne dører, jfr. Kl. 68 pkt. 5. Framlegg frå ordføraren til 5 i vedtektene: Funksjonstida for styremedlemene vert 4 år. Arne Dåvøy gjorde framlegg om eit nytt punkt i tilrådinga (pkt. 6): Etter 2 år skal styresamansetjinga for selskapet vurderast på nytt. Det vart røysta punktvis over tilrådinga og endringsframlegga. Til slutt vart føreteke ny røysting over samansetjing av styret og val av leiar og nestleiar for føretaket. Pkt. 1: Vedteke samr. med den endring at namnet på selskapet vert Sund Eigedomsutvikling KF. Pkt. 2: Vedteke samr. med AP/H og ordføraren sine framlegg til endringar. Pkt. 3: Vedteke samr. Pkt. 4: Vedteke samr. Pkt. 5: Vedteke samr. Pkt. 6: Arne Dåvøy sitt framlegg vedteke samr. Val av styremedlemer vart vedteke samr. i tråd med vedtaket i K.sak 005/04. Som styreleiar vart samr. vald Nina Glesnes. Som nestleiar vart samr. vald Nils Kåre Skoge.

9 K-045/04 Vedtak: 1. Sund kommunestyre vedtek at selskapet Sund Eigedomsutvikling KF vert skipa. 2. Sund kommunestyre godkjenner framlegg til vedtekter for Sund Eigedomsutvikling KF, med endringar som vedtekne ovanfor. 3. Sund kommunestyre ber om at det vert arbeidd vidare med det langsiktige økonomiske grunnlaget for drifta av selskapet. 4. Sund kommunestyre ber om at det vert laga ei førebels samarbeidsavtale mellom Sund kommune og Sund Eigedomsutvikling KF for drift og utbygging av utleigebustader. 5. Vedtektene tek til å gjelda 1. april Etter 2 år skal styresamansetjinga for selskapet vurderast på nytt. 7. Som styremedlemer vert valde: Nina Glesnes Nils Kåre Skoge Vibeke Berge Kjetil Klepsvik Jan Rune Skoge 8. Som styreleiar vert vald Nina Glesnes, som nestleiar vert vald Nils Kåre Skoge. Rett utskrift Dato: Kopi til: Gerhard Inge Storebø for oppf. Styreleiar Nina Glesnes