NYBYGG AUST. Rapport frå konseptfase. «Frå konsept til forprosjekt» November 2014

NYBYGG AUST Rapport frå konseptfase November 2014 «Frå konsept til forprosjekt»

PROSJEKTINFORMASJON Helse Førde har planlagt eit avlastingsbygg for framtidige utvidingar ved Sentralsjukehuset. Tiltaket er ein del av utviklingsplanen/arealplanen til Helse Førde. I tillegg har kommunane i indre Sunnfjord og Ytre Sogn gjennom Styringsgruppa i eit interkommunalt samarbeidsprosjekt (der Helse Førde også er med), handsama lokaliseringsspørsmålet knytt til eit framtidig lokalmedisinsk senter med funksjonar som legevakt, legevaktsentral, døgntilbod for øyeblikkeleg hjelp og overgrepsmottak. Styringsgruppa tilrådde med 17 mot 6 røyster å lokalisere dei interkommunale funksjonane til skissert nybygg ved Førde Sentralsjukehus. Det var lagt opp til politisk handsaming i deltakarkommunane og alle kommunane har gjort positive vedtak. Oppgåva i konseptfasen i prosjektet var å utgreie dei alternative løysingane på eit meir detaljert nivå. Vidare skulle konseptfasen utgreie korleis dei ulike alternativa er tilpassa helseføretaket si økonomiske bæreevne. Ut frå måla i Utviklingsplanen skal ein i konseptfasen anbefale val av alternativ til gjennomføring. Prosjektnamn Nybygg aust Prosjekteigar Administrerande direktør Jon Bolstad Prosjektleiar Direktør Drift og eigedom Kjell Inge Solhaug Deltakarar i prosjektet Direktør Drift og eigedom Viseadministrerande direktør Kommunane Universitetet i Bergen Samhandlingssjef Økonomirådgjevar Avdelingssjef Teknisk drift Nordplan, Arkitekt Føretaksverneombod Føretakstillitsvalt Oppstarttidspunkt : 08.10.2014 Kjell Inge Solhaug Vidar Vie Øystein Furnes, Helge Ulvestad, Arve Helle Gerd Meland Vidar Roseth Sjur Olav Sandal Terje Jan Nes Arild Waage Berit Hornnes Inger Johanne Sætenes/Randi Aven Sluttidspunkt : 31.12.2014 2

Innhaldsoversikt 1 Oppsummering og tilråding... 5 2 Bakgrunn generelt... 6 2.1 Grunnlag... 7 2.2 Hovudpunkt frå idèfaserapport... 7 2.2.1 Oversiktsskisse frå Idefaserapport... 8 2.2.2 Mandat for konseptfase... 9 2.2.3 Rammer for konseptfase... 10 2.2.4 Mål for konseptfase... 10 2.2.5 Delmål for konseptfase... 10 2.3 Hovudpunkt frå «Verksemdsmessig utviklingsplan i Helse Førde 2014»... 11 2.3.1 Oppsummering... 11 2.4 Organisering av konseptfasen... 11 2.5 Metode og datagrunnlag... 12 2.5.1 Interkommunal KAD med legevakt... 12 2.5.2 Avlastningsareal for gjennomføring av Arealplan ved FSS... 12 2.5.3 Erstatningsareal for leigd areal og brakker... 13 2.6 Status verksemd og bygg... 14 2.6.1 Verksemd... 14 2.6.2 Bygg... 14 3 Konseptfasen vurdering av alternativ... 19 3.1 O alternativet... 20 3.2 Felles forhold for vurderte alternativ... 20 3.2.1 Felles forhold ved utforming... 20 3.2.2 Spesifikke dimensjonerande føresetnader... 21 3.2.3 Funksjonsprogram... 21 3.2.4 Utstyrsbehov... 24 3.2.5 Overordna tekniske krav... 24 3.2.6 Driftsøkonomisk vurdering... 24 3.2.7 Vurdering av usikkerhet... 25 3.3 Alternativ 1 Eit bygg med 3 etasjar, hovudalternativ... 25 3.3.1 Løysing med illustrasjon... 26 3

3.3.2 Prosjektkostnad... 27 3.3.3 Økonomisk bæreevne og finansiering... 28 3.4 Alternativ 2 2 bygg 3+3 etasjer... 28 3.4.1 Løysing med illustrasjon... 29 3.4.2 Prosjektkostnad... 30 3.4.3 Økonomisk bæreevne og finansiering... 31 3.5 Alternativ 3 To bygg 3+2 etasjar... 31 3.5.1 Løysing med illustrasjon... 32 3.5.2 Prosjektkostnad... 32 3.5.3 Økonomisk bæreevne og finansiering... 33 3.6 Alternativ 4 To korte bygg 3+3 etasjar... 33 3.6.1 Løysing med illustrasjon... 34 3.6.2 Prosjektkostnad... 34 3.6.3 Økonomisk bæreevne og finansiering... 35 4 Evaluering og val av alternativ... 35 4.1.1 Oversikt investeringskostnadar samanstilt... 35 4.1.2 Kriterie for vurdering... 36 4.1.3 Rangering/vurdering... 37 4.2 Anbefaling... 37 5 Organisering og gjennomføring... 38 5.1 Mandat for forprosjektfase... 38 5.2 Framdriftsplan for forprosjekt og gjennomføring... 38 5.3 Kontrahering av prosjektering for forprosjektfase... 39 5.4 Organisering av forprosjektfase... 39 6 Vedlegg... 41 Skisseprosjekt alternativ 1... 41 Skisseprosjekt alternativ 2... 41 Skisseprosjekt alternativ 3... 41 Skisseprosjekt alternativ 4... 41 4

1 Oppsummering og tilråding Helse Førde har planlagt eit avlastingsbygg for framtidige utvidingar ved Sentralsjukehuset. Tiltaket er ein del av utviklingsplanen/arealplanen til Helse Førde. I tillegg har kommunane i indre Sunnfjord og Ytre Sogn gått inn for å legge eit framtidig lokalmedisinsk senter med funksjonar som legevakt, legevaktsentral, døgntilbod for øyeblikkeleg hjelp og overgrepsmottak ved Førde sentralsjukehus. Konseptfasen er gjennomført med utgangspunkt i idèfaserapporten og med føringar frå gjeldande vedtak og overordna planar for utvikling av verksemda. Avlastningsbygget er i samband med arealplanen for sjukehuset vurdert som naudsynt for å kunne gjennomføre planlagde omstillingar og ombyggingar. Samhandling med kommunane er i tråd med føresetnadene i samhandlingsreforma og helseføretaket sin strategi. Prosessen har vore gjennomført i eit samarbeid med dei aktuelle eksterne interessentane. I konseptfasen har arealbehovet til alle interessentane vorte kvalitetssikra, og utarbeidd romprogram har vore gjennomgått/justert gjennom ulike brukargrupper. Ulike alternativ for bygningsmessig løysing som har vore vurderte går fram av rapporten. Vidare er investeringsbehov og finansieringsløysing utgreidd. I tillegg er eventuelle kostnadsdrivande synergiar kartlagt og vurdert. Det er i konseptfasen utarbeidd 4 alternative storleikar og utformingar av bygg på tomta aust for sjukehuset. Det største/dyraste er 2 bygg i 3 etasjar som er kostnadsrekna til 265 millionar kroner, medan det billigaste/minste er eit bygg med 3 etasjar som er kostnadsrekna til 139 millionar kroner. Det vert i rapporten konkludert med at Helse Førde bør gå vidare med alternativ 1 som er eit bygg på 3 etasjar med BTA på 2700 m2 og underliggande ope parkeringsareal på 600 m2. Bygget har ei kostnadseffektiv og fleksibel utforming og er tilrettelagd med 1000 m2 som sjukehusstandar og 1700 m2 med kontorstandard. Alternativet er kostnadsrekna til 139 millionar kroner, og det som har minst risiko i høve framdrift. Alle kjernefunksjonar i prosjektet, Interkommunal KAD med legevakt, rokkeringsareal for arealplan FSS og Universitetsbrakka er det funne plass til. Resten av arealprogrammet med LMS og BUP brakka er det ikkje funne rom for. Ved val av alternativ var det særleg 2 evalueringskriterier som vart vektlagt: Måloppnåing mot overordna arealplan og økonomisk bæreevne. Investeringsbeløpet på 139 millionar kroner er 105,5 millionar lågare enn det som er vedtatt i gjeldande langtidsbudsjett. Investeringa vil kunne gjennomførast innanfor Helse Førde sine investeringsrammer utan at det er behov for å ta opp lån. 5

2 Bakgrunn generelt Ifølgje rettleiaren «Tidligfaseplanlegging i sykehusprosjekter» frå Helsedirektoratet skal alle tiltak som er investeringsprosjekt byggje på ein overordna «utviklingsplan». «Plankart» for Helse Førde, med referanse til definisjonar i rettleiaren ser slik ut: Status for dei ulike overordna planane for nybygg aust er følgjande. Utviklingsplan Helse Førde: Denne skal ha i seg to hovuddokument, «verksemdsmessig utvikingsplan» og «bygningsmessig utviklingsplan». For status sjå etterfølgjande punkt. Verksemdsmessig utviklingsplan: Denne er no sluttført med oppsummering av «Helse Førde 2020 og tilhøyrande prosessar. Bygningsmessig utviklingsplan: Denne er for Helse Førde satt saman av geografiske arealplaner. Arealplan FSS og Arealplan NSH er ferdigstilt og Arealplan LSH er under arbeid. Arealplanar for øvrige geografiske lokasjonar er ikkje komne på plankartet Arealplan FSS: Denne er sluttført og gir forankring for Nybygg Aust Nybygg Aust: Dette prosjektet som no er ved sluttføring av konseptfase Som det går fram av plankartet må Nybygg Aust gjennomførast for at ein skal komme seg vidare med dei andre prosjekta som er definert i Arealplan for FSS Nybygg Aust har nødvendig forankring til overordna planverk. 6

2.1 Grunnlag I Helse Førde sin «Arealplan utviklingsplan for Førde sentralsjukehus 2020+", er det planlagt eit avlastningsbygg med tanke på omstrukturering til framtidig kapasitetsbehov. Helse Førde leiger i dag areal eksternt, fordelt på fleire lokasjonar i Førde. Ein ønskjer også å vurdere om dette kan samlast i sjølveigd bygningsmasse på sjukehusområdet. To brakker som i dag vert nytta har ei avgrensa levetid og må fasast ut innan 2020. Kommunane i Sunnfjord og ytre Sogn vil etablere eit samarbeid om felles legevakt, legevaktsentral og døgntilbod for øyeblikkeleg hjelp lokalisert til Førde, og kommunane ønskjer ei lokalisering ved Førde sentralsjukehus. Det er også ønskjeleg å planlegge for eit fylkesdekkande kommunalt overgrepsmottak i same området. I Helsedirektoratet sin rettleiar for planlegging er dei ulike fasane i rettleiaren er illustrert slik: For Nybygg Aust er det gjennomført idefase med tilhøyrande idefaserapport. Beslutningspunkt B2 er passert og arbeidet med konseptfasen starta i august 2014 Arbeidet med konseptfasen blir avslutta med denne rapporten, og det er ikkje lagt til grunn at KSK (ekstern kvalitetssikring konseptval) skal gjennomførast i prosjektet då forventa kostnad er vesentleg under 500 mill. Med denne rapporten vil prosjektet stå ved beslutningspunkt B3 for oppstart av forprosjekt. 2.2 Hovudpunkt frå idèfaserapport I «oppsummering og tilråding» i idefaserapporten står følgjande: Helse Førde har behov for avlastningsbygg, erstatning for mellombelse brakkeløysingar og leigde areal og i tillegg gode samhandlingsløysingar med andre aktørar. Gjennom ein idéfase er ulike alternative løysingar vurderte, og det er utgreidd eit nybygg som må konkretiserast vidare i ein konseptfase. Arbeidet i idéfasen er gjort på bakgrunn av gjeldande vedtak og overordna planar for utvikling av Helse Førde si verksemd. I tråd med føresetnadene i samhandlingsreforma og helseføretaket sin strategi, ønsker Helse Førde å imøtekome behov for sjukehusnære lokale til interkommunal legevakt, legevaktsentral, døgntilbod for øyeblikkeleg hjelp og overgrepsmottak. Vidare har Sogn og Fjordane fylkeskommune behov for nye og utvida lokale til tannhelsetenesta og ønskje om lokalisering i nærleiken av sjukehuset. Prosessen har vore gjennomført i eit samarbeid med dei aktuelle 7

eksterne interessentane. Gjennom prosessen er det avdekka føremoner og synergieffektar av eit slikt omfang at det er tilrådd å sjå alle dei nemnde behova og funksjonane i ein samanheng også i det vidare planleggingsarbeidet. I idèfasen har arealbehovet til alle interessentane vorte kartlagt, og det er utarbeidd eit romprogram for eit nybygg der desse behova er stetta. Vidare er investeringsbehov og finansieringsløysing utgreidd. Det vert konkludert med at det er eitt reelt alternativ for nybygg på Helse Førde sitt område som kan gå vidare til ein konseptfase. Dette ligg på eit område aust for dagens bygningsmasse der det i dag er parkeringsplassar og ei brakke utleigd til Universitetet i Bergen. Alternativet kan romme alle aktuelle funksjonar. Det gir ei god plassering og tenlege arealløysingar for partane, der ikkje minst behovet for effektiv transport av pasientar mellom kommunale tilbod og spesialisthelsetenesta er vektlagt. Løysinga gir stor grad av fleksibilitet med tanke på utbyggings-takt og dekking av nye framtidige behov for Helse Førde. Universitetet i Bergen får erstatnings-rom for dagens universitetsbrakke. Helse Førde ser det som svært viktig å kunne realisere denne løysinga, ikkje minst fordi den best kan sikre trygge og gode tenester for pasientane, god samhandling og i tillegg vesentlege økonomiske føremoner i eit samfunnsmessig perspektiv. Prinsippet som går vidare til konseptfasen er to lamellbygg på tre etasjar, som ved seinare behov vil kunne utvidast til tre bygg. Alternativet er på til saman 5 400 m 2 (900 m 2 i kvar etasje). Det har i tillegg ein parkeringskjellar på 2 000 m 2 med plass til 60 bilar. To etasjar er berekna med sjukehusstandard (lett), medan ein av etasjane er berekna med kontorstandard (TEK 10). Det er sett av eit areal på vel 1 000 m 2 til kommunale funksjonar og til tannhelsetenesta vel 1 100 m 2. Investeringa er kostnadsrekna til 244,5 mill kr ut frå erfaringstal for tilsvarande bygg. Til frådrag kjem årlege inntekter frå leigd areal, som dekker ein investeringskostnad på i alt ca 100 mill kr. Etter at idefaserapporten var ferdig har det kome melding frå Fylkeskommunen at dei definerte behova for den fylkeskommunale tannhelsetenesta må trekkjast ut av prosjektet på grunn av økonomi. Dette utgjorde 1100m2 og konseptfasen stod att med tilsvarande mindre definert arealbehov 2.2.1 Oversiktsskisse frå Idefaserapport På den etterfølgjande skisse er det vist det alternativet som skulle utgreiast vidare i konseptfaserapporten. Alternativet var utgreidd som 2 lamellar knytt saman med interne bruer og mot FSS på alle 3 etasjane. 8

2.2.2 Mandat for konseptfase Mandatet for konseptfasen går fram av idefaserapporten: Utgreiinga er viktig for å - løyse naudsynte arealbehov for Helse Førde på kort sikt og - kunne oppnå fleksibilitet og handlingsrom for utvikling av sjukehusarealet og tilpasse 9

tenestene til pasientrelaterte behov i eit lengre perspektiv. Vidare er oppgåva viktig for å kunne legge til rette for samhandling med kommunane og fylkeskommunen på ein god måte. Ikkje minst er det identifisert synergiar ved eit samarbeid med kommunane som er viktig for pasientane, som har vesentlege samfunnsmessige føremoner og som også vil vere eigna til å styrke grunnlaget for Førde sentralsjukehus. Kommunane har lagt dette løysingsalternativet til grunn for si planlegging og går inn for alternativet ved Førde sentralsjukehus for lokalisering av aktuelle kommunale funksjonar. Det er krav om at kommunale døgntilbod for øyeblikkeleg hjelp skal etablerast innan 01.01.16. Helse Førde vil kunne tilby ei mellombels løysing for kommunane i ein periode etter 01.01.16 i eksisterande sjukehusbygg, men dette vil vere krevjande og det er viktig at denne fasen vert som kort som mogleg. Det er difor svært viktig at Helse Førde klarer å følgje opp i høve dei arealbehova som er skisserte i denne rapporten og at prosessen vidare sikrar god framdrift. 2.2.3 Rammer for konseptfase Den vedtekne utviklingsplanen for areal ved Førde sentralsjukehus er ein viktig premiss for arbeidet og skal leggast til grunn. Prosjektet skal fokusere på effektiv arealbruk og sjå til at driftsmessige konsekvensar for Helse Førde som følgje av prosjektet kan løysast innanfor helseføretaket sine økonomiske rammer. Dei programmerte behova til kommunane, Universitetet i Bergen, Helse Førde og eventuelt tannhelsetenesta vil vere viktige rammer for konseptfasen i prosjektet. 2.2.4 Mål for konseptfase Ei tenleg arealløysing som legg til rette for utvikling av Helse Førde sine tenester og samhandlinga med andre aktørar. 2.2.5 Delmål for konseptfase Konkretisere arealløysing i «Nybygg aust» som kan møte Helse Førde sitt behov for avlastningsareal, erstatning for mellombelse brakker og leigde areal som bør utfasast og imøtekome behov frå kommunar og fylkeskommunen for sjukehusnære areal og samhandling med helseføretaket. Sikre ei byggløysing som kan romme aktuell verksemd, med tilstrekkeleg fleksibilitet og endringsevne for å fange opp eventuelle uføresette utviklingstrekk og framtidige behov. Få eit fagleg godt grunnlag som gir tilstrekkeleg tryggleik for at det alternativet som best oppfyller måla innanfor definerte rammer blir valt. Kvalitetssikre vurderingar av kostnader og finansiering. Utarbeide eit tilstrekkeleg grunnlag for å ta avgjerd om igangsetting av forprosjekt. 10

2.3 Hovudpunkt frå «Verksemdsmessig utviklingsplan i Helse Førde 2014» Det er utarbeidd verksemdsmessig utviklingsplan (vedlegg) som oppsummerer dei planprosessar, vedtak i Helse Førde i perioden 2009-2013 og status for 2014. Dokumentet er grunnlag for vidare planlegging av tenesteutviklinga og skal følgjast av ein bygningsmessig utviklingsplan. Det er føresett rullering av den verksemdsmessige utviklingsplanen i 2015 for tilpasning til ny strategiprosess «Helse Vest 2030.» Det har vore planlagt og dels gjennomført store strukturelle endringar i Helse Førde HF dei siste åra. Utviklinga føretaket er inne i, vil medføre behov for bygningsmessige investeringar i åra framover, både til nybygg og til rehabilitering/ombygging. Dette mellom anna på grunn av at delar av bygningsmassen er lite tidsmessig og nedsliten. 2.3.1 Oppsummering Den verksemdsmessige utviklingsplanen skildrar situasjonen i 2009, kalla «0-alternativet». Det vart vurdert tre alternative scenarier for funksjonsdeling og sjukehusstruktur. Helse Vest RHF vedtok i føretaksmøte mai 2011 ein fjerde modell (modell 4), som innebar vidareføring av eitt sentralsjukehus og to lokalsjukehus, med endra funksjonsfordeling mellom dei. Den vedtekne modellen (Modell 4) har sidan lege til grunn for prioriteringar og investeringar. Dei fleste vedtekne endringane er gjennomført per november 2014. Psykisk helsevern og rustenestene var ikkje omfatta av «Helse Førde 2020.» Bakgrunnen var at dei to områda hadde vore gjennom ein opptrappings- og utviklingsfase, og at strukturen innan psykisk helsevern i Helse Førde HF var evaluert som god. Det har likevel skjedd ei utvikling av tenestene, i samsvar med nasjonale og regionale føringar og utifrå dei behova ein har sett for å tilpasse. Denne «verksemdsmessig utviklingsplan i Helse Førde HF» oppsummerer prosessar og endringar i føretaket så langt, og er eit grunnlag for vidare utvikling og implementering av nytt planverk. 2.4 Organisering av konseptfasen Arbeidet var organisert gjennom ei prosjektgruppe som rapporterte til føretaksleiinga i Helse Førde og som nytta aktuelle støttetenester ved behov. Interkommunal KAD og legevakt har hatt ei eiga prosjektgruppe som har hatt dialog med arkitekt. Helse Førde har delteke i denne gruppa med to representantar Brukargruppe i Helse Førde har delteke i prosessen mot arkitekt med representantar frå alle aktuelle organisatoriske einingar som inngår i romprogrammet Framdrifta i prosjektet vart kontinuerleg rapportert til føretaksleiinga. Arbeidet vart gjort i god dialog og samarbeid med eksterne interessentar. Framlegg vart drøfta i prosjektgruppa og lagt fram for føretaksleiinga. Undervegs i konseptfasen kom ny direktør for Drift og Eigedom, Kjell Inge Solhaug, inn og erstatta Arild Fålun som prosjektleiar 11

Arild Waage frå Nordplan har vore med som arkitekt. 2.5 Metode og datagrunnlag Prosjektet har i konseptfasen vore drive fram som eit tradisjonelt skisseprosjekt ved hjelp av arkitekt. Det har i konseptfasen ikkje vore inne andre fagrådgjevarar enn arkitekt og kalkyle er utarbeidd som vurdert arealkalkyle med basis i pris pr m2 BTA. Følgjande areal er i konseptfasen definert som kjernefunksjon: Interkommunal KAD med legevakt. Avlastningsareal for gjennomføring av arealplan Følgjande areal er i konseptfasen definert som tilleggsfunksjon: Erstatningsareal for leigd areal og brakker Arealprogram er definerte som netto arealbehov og dette er løyst inn i dei ulike alternative skisseprosjekta med eit brutto areal som blir vesentleg større enn summen av nettoprogramma. 2.5.1 Interkommunal KAD med legevakt 12 kommunar i Sunnfjord og ytre Sogn har gjennomført eit felles prosjekt for å utgreie korleis ein skal møte intensjonane i samhandlingsreforma. Helse Førde har delteke i arbeidet. Gjennom prosjektet er det identifisert eit behov for interkommunalt samarbeid om legevakt, legevaktsentral, døgntilbod for øyeblikkeleg hjelp (5-7 senger) og overgrepsmottak (fylkesdekkande tilbod). Dette behovet blir vidare i denne rapporten namnsett med «Interkommunal KAD med legevakt». Kommunane har vedteke at aktuelle fellesfunksjonar skal lokaliserast til Førde og det er på basis av skisser frå idefase for Nybygg Aust vedteke i kommunane at ein ønskjer dette lagt inn i prosjektet ved FSS. I arbeidet med arealplanen for Førde sentralsjukehus, der også kommunane var involvert, vart det vurdert om det kunne vere mogleg å avsette areal til dei interkommunale funksjonane i eksisterande sjukehusbygg. I denne prosessen vart det avklara at det ikkje vil vere mogleg som ei permanent løysing ut frå Helse Førde sine eigne behov. Det er i prosessane konkludert med at det vil vere ei klar føremon om desse funksjonane kan ligge i tilknyting til Førde sentralsjukehus, med direkte tilkomst til støttefunksjonar m.v. på sjukehuset. Arealbehovet er fordelt slik : Legevakt/legevaktsentral: 200 m 2 Overgrepsmottak: 70 m 2 Døgntilbod for øyeblikkeleg hjelp: 210 m 2 2.5.2 Avlastningsareal for gjennomføring av Arealplan ved FSS Vedtak om modell for spesialisthelsetenesta i Helse Førde, med dei funksjonane som skal ligge til sentralsjukehuset, inneber behov for ombyggingar i hovudbygget ved FSS 12

Styret i Helse Førde vedtok i mai 2013 arealplan for Førde sentralsjukehus. Arealplanen består i hovudsak av ombygging og renovering av eksisterande bygningsmasse. Det var i prosessen med Arealplanen fokus på å få oppgradert dei område/funksjonar, som ikkje lever opp til den standarden som både tilsette og pasientar forventar. Alt areal i sentralblokka er pr i dag brukt til ulike sjukehusførmål. Skal det setjast i gang byggetiltak for oppgradering eller forandring av funksjonseiningar, trengs det «rokkerings-areal» for å kunne flytte på enkelte funksjonar i byggeperiodar. Som eit av dei første tiltaka i forbindelse med arealplanen, er det følgjeleg eit nødvendig tiltak med oppføring av eit tilbygg med ca. 600 700 m² BTA i tilknyting til sentralblokka. Med det vil ein oppnå nærleik til funksjonane i sentralblokka ved etablering av «skywalk» eller liknande i etasjeplan. Tilbygget skal ikkje tangere verneforhold ved sentralblokka. Avlastingsbygg for rokkeringsareal var opprinneleg lagt inn som eit eige bygg ved psykiatrisk klinikk. I arbeidet med «Nybygg aust» er arealet for avlastingsbygget teke med, fordi dette er sett som føremålstenleg både økonomisk og praktisk. Arealet er kvalitetssikra gjennom prosessar med berørte avdelingar, og generell konsekvensvurdering ut frå erfaringsgrunnlag. 2.5.3 Erstatningsareal for leigd areal og brakker I samband med arealplanen vart innsamla data nytta til systematiske berekningar av kapasitet og arealbehov og sidan brukt som støtte for utarbeiding av forslag til bygningsmessige endringar. I forbindelse med omrekning av aktivitet til kapasitet, låg det til grunn ei rekkje føresetnadar om utnyttingsgrad osv. Det vart teke utgangspunkt i andre tilsvarande prosjekt, samt føreteke justeringar slik at ein sikrar at framskrivning som er tilpassa dei lokale forhold i Helse Førde. Dei funksjonar som er lista opp under var det ikkje funne tilgjengeleg areal for i eksisterande bygningsmasse ved FSS, og det må finnast erstatningsareal for følgjande funksjonar: Vie Senter LMS, cirka 158 kvadratmeter Brakke ved høgskulen cirka 75 kvadratmeter BUP brakka ved psykiatrisk klinikk, cirka 217 kvadratmeter Universitetsbrakka, cirka 515 kvadratmete I brukarprosessen med «Brakke ved høgskulen» kom det fram at det var lite teneleg for forskningsmiljøet å flytte berre dei som var tilsett i Helse Førde (det var desse som låg inne i prosjektet med 75 m2). Dersom ein skulle flytte måtte også fellesskapet dei hadde med høgskulen flyttast, og dette var ein prosess som ein ikkje kunne starte dialog på i konseptfasen. Funksjon «Brakke ved høgskulen» er derfor teken ut av prosjektet og ikkje teikna inn i dei skisseprosjekta som er utarbeidd. 13

2.6 Status verksemd og bygg 2.6.1 Verksemd Sidan avslutninga av arbeidet med utarbeiding av «Modellar for Helse Førde 2020», dvs. avgjerda om modell 4 som utgangspunkt for det vidare arbeidet, er det gjennomført ei rekke tiltak for å implementere modellen. Nedanstående avsnitt oppsummerer dei vesentlegaste tiltaka i relasjon til modell 4 sidan avslutninga av strategiarbeidet i 2009, og gir eit overblikk over aktuell status for arbeidet med å peike på retninga for prioriteringar og investeringar fram mot 2020 for Helse Førde. 2.6.1.1 Organisering/struktur Opptaksområde for Helse Førde og den overordna organiseringa (Kirurgisk klinikk, Medisinsk klinikk, Psykisk helsevern) er uendra sidan 2009. Dette gjeld både somatikk og psykiatri. Sjukehuset i Florø er likevel seld. Men dette har ingen betydning i relasjon til den planlagte funksjonsfordelinga, sidan all aktivitet i Florø er oppretthalden, berre i andre lokale. 2.6.1.2 Folketal og demografisk utvikling Folketalet og den demografiske utviklinga forventast å vere som omtalt i utviklingsplanen, dvs. at det vert forventa moderat auke i folketalet, men ein betydeleg større andel av eldre. 2.6.1.3 Økonomi Sidan 2009 er det iverksett ei rekke økonomi-optimerande tiltak, slik at Helse Førde var i økonomisk balanse i 2012, og helseføretaket har etter dette hatt betre kontroll på økonomien og unngått underskot. Det er likevel ønskjeleg å betre den økonomiske situasjonen ytterlegare for i større grad å kunne finansiere naudsynte investeringar med eigne midlar. 2.6.1.4 Lokalisering av funksjoner I dag er pasientbehandlinga fordelt på seks lokasjonar. Helse Førde HF dekker ca. 90 % av spesialisthelsetenestebehovet i sjukehusområdet. Dei siste ca. 10 % vert behandla i andre regionar. Sjukehuset i Volda som ligg i Helse Møre og Romsdal har lokalsjukehusfunksjon for fødande i Nordfjord. Førde har 190 somatiske senger, Lærdal har 15 senger og Nordfjord har 18 senger. Samla er det 96 senger innen psykisk helsevern i Helse Førde. 2.6.2 Bygg 2.6.2.1 Kartlegging og status for bygningsmasse ved Helse Førde I 2011 utarbeidde ingeniørselskapet Multiconsult ei «Kartlegging av bygningsmassen ifm. strategisk og taktisk planlegging» for Helse Førde, der alle bygningar i Helse Førde vart vurderte. Undersøkingane belyste tilstanden for alle bygg eigd av helseføretaket i forhold til byggkonstruksjon, tekniske installasjonar, fleksibilitet, kor eigna dei var for framtidig bruk og oppgraderingsbehov. Utdrag frå rapporten om FSS (Familiehuset som er omtalt i rapporten er rive): «Kartlagt bygningsmasse ved FSS utgjør i overkant av 48 000 m2 BTA fordelt på 9 bygninger. Det tilsvarer 52 % av det totale arealet [i helseforetaket]. 14

Hovedbygget utgjør 72 % av den samlede bygningsmassen ved FSS. Den tekniske tilstanden for dette bygget er utilfredsstillende, der alle hovedkomponentene med unntak av elkraft har dårlig tilstand (1,8-2,1). Den dårlige tekniske tilstanden fører til et høyt oppgraderingsbehov på 344 millioner kroner, som tilsvarer 9 900 kr/m2. Dette er ca 85 % av det totale behovet ved FSS. Det gjøres oppmerksom på at av de 344 millionene er oppgraderingsbehovet for de presserende forholdene, dvs. MÅ-tiltak, på til sammen 55 millioner kroner. Av de øvrige bygningene er bygningene Familiehuset, Modulbygg nord (BUP) og Psykiatribygget vurdert å ha utilfredsstillende tilstand. Resten av bygningene representerer en svært god bygningsmasse teknisk sett. Med unntak av Teknisk sentral og UPH har de fire andre bygningene [Sentralblokken, AMK-tilbygget, Påbygg 2000 og psykiatribygget] god mulighet til å endre planløsning og endre bruk til annen funksjon. Hovedbygget som utgjør halvparten av bygningsmassen ved helseforetaket har relativt dårlig teknisk tilstand, men tilpasningsdyktigheten er veldig bra. Dette gjør bygget levedyktig og bør dermed satses på.» Totalt viser rapporten eit samla oppgraderingsbehov på ca. 401 mill. kroner. Dette skuldast i stor grad behov for teknisk oppgradering. Mange av tiltaka som det er gjort framlegg om i arealplanen vil føre til ei meir eller mindre stor ombygging av funksjonsområda. Teknisk oppgradering vil det difor vere naturlig å gjennomføre samtidig. Investeringsbehovet nemnt i kapittel 8 inkluderer difor ein del oppgraderingsbehov. Det må likevel reknast med oppgraderingsbehov i tillegg for område som ikke vert konkret berørt av arealplanen. 15

2.6.2.2 Verneplan Delar av Førde sentralsjukehus er verna i samband med forskrift om fredning av statens kulturhistoriske eiendommer/landsverneplan for helsesektoren. Landsverneplanen for helsesektoren vart vedteken i februar 2012. Det er utarbeidd ein forvaltningsplan for Helse Førde hausten 2013, og denne vert teken omsyn til gjennom tilhøyrande prosedyre for eventuelle tiltak. 16

2.6.2.3 Utviklingsplanen for areal ved FSS Å utarbeide ein samla arealplan for Førde sentralsjukehus hadde til føremål - saman med dei respektive planane for verksemda å framskaffe eit godt grunnlag for å fastlegge strategiar for det helsefaglege tenestetilbodet til befolkninga som kjem inn under Helse Førde sitt område, og å sikre samanhengen mellom ønskt tenestetilbod og bygningsmessige tiltak. Helse Førde skal såleis kunne tilpasse bygningar og anlegg best mogeleg, basert på funksjonalitet og den fleksibilitet planane gjev til føretaket sine noverande og fremtidige behov, basert på krav om god pasientbehandling og forsvarleg investeringsøkonomi. Arealplanen vedkjem Førde sentralsjukehus (FSS) samt Psykiatrisk klinikk i Førde. Meir spesifikt vedkjem arealplanen følgjande område: FSS, plan 01, poliklinikker, FSS, plan 02, AAM, FSS, Høgblokka og Påbygg 2000 FSS, Psykiatrisk klinikk Arealplanen for Førde Sentralsjukehus inneheld ein altomfattande analyse av dei forventa framtidige aktivitetane og kapasiteten innanfor dei enkelte behandlingskategoriane. I tillegg ønskte ein å gjere ei vurdering av dei eksisterande lokalitetane med forslag til endringar sett i forhold til dei framtidige behov. Arealplanen skulle sikre at det var ein heilskapleg plan for nybygg/ombyggingar ved Førde sentralsjukehus. Arealplanen omhandla utvikling av den eksisterende bygningsmassen på Førde Sentralsjukehus og gjev anbefalingar for nybygg og tilbygg i nærområdet til sjukehuset. Ein føresetnad var at tomter som ikke var eigd av helseføretaket i dag skulle tileignast etter behov. 2.6.2.4 Utbyggingspotensiale Sentralblokka vil også i framtida ha ei sentral rolle i behandlingskapasiteten ved Førde sentralsjukehus. Tilpasningsdyktigheten bygningen har og tilgjengelige fasilitetar gjer at ei kvar utvikling ved FSS vil skje rundt og i tilknytning til sentralblokka. Trass i at ein stor del av sjukehusområdet er freda, er det framleis fleire muligheter til å utvide bygningsmassen rundt sentralblokka. Ved bygging av nytt prehospitalt bygg nytt bygg for naudstraumsforsyning, begge ferdigstilte i 2014, har ein alt nytta desse muligheitene. Ein avgrensande faktor er flaumområdet rundt sjukehuset. Store delar av området sør for sentralblokka og det nye prehospitale bygget ligg så lågt at desse ikkje kan nyttast for utbygging av vitale funksjonar for helseføretaket. Areala kan likevel brukast t.d. til parkering eller opparbeida uteområde. Også området nord for UPH er avgrensa av flaumområdet. Gjeldande reguleringsplan viser byggegrensene nøyaktig. Utbyggingsareala har såleis ein viss verdi. Areala må nyttast med omhu. Arealet for sentralblokka kan eventuell knyttast til hovudkomplekset via ei bru i forlenginga av «glasgata» i 1. etasje av lågblokka. Eit lite areal aust for teknisk sentral kan koblast til sentralblokka via kulvert i underetasje. Heile området aust for lågblokka kan koblast til hovudbygget på fleire måtar via 17

bruer i 2. eller 3. etasje eller kulvertar til underetasjen. Særleg dette området har ein høg verdi for framtidig utvikling ved Førde sentralsjukehus. Aust for UPH-bygninga står det att ei smal stripe mellom veg og flaumområde der det kan plasserast bygg uavhengig av sentralblokka. Figur nedanfor viser skjematisk i kva område det er aktuelt å bygge ut. Figuren viser plassering av nytt prehospitalt bygg sørvest for hovudkomplekset. Ved den tidlegare helikopterbasen ved akuttinnkøyringa er det også høve til å plassere eit bygg som ikkje treng direkte kontakt til hovudkomplekset. Psykiatribygninga har avgrensa utbyggingsmuligheter på bakkeplan. Konstruksjonen er likevel dimensjonert slik at det ville vere mogleg å bygge på ein etasje om dette er naudsynt. Det vil også vere mogleg å bygge på ein etasje på sentralblokka ved dagens radiologisk eining. Det finst også planar om å bygge på ein etasje på teknisk sentral i det området der delar av kjøleanlegget var plassert inntil nyleg. Utbyggingsmuligheter ved Førde Sentralsjukehus 2.6.2.5 Sentralblokk Sentralblokka er hovudbygget ved Førde sentralsjukehus og omfattar ca. 35 000 m² BTA. Den er oppført i slutten av 1970-talet og vart åpna i 1979. Sentralblokka huser dei fleste delar av den somatiske behandlingskapasiteten ved FSS og er strukturert i ein låg og «flat» del for behandling og støttefunksjonar og ein «høg» del (4. 9. etasje = høyblokk) der alle sengepostar er samla. Konstruksjon og interiør er tidstypisk, og difor vart bygget freda i samband med landsverneplanen for helsesektoren. Konstruksjonen er prega av funksjonelle og rasjonelle grunntankar, men refererer til bygge- og arealstandardar frå 1970-talet. Den rasjonelle grunnstrukturen har ein forholdsvis god tilpasningsdyktighet, men standarden fører til at ein må forvente kompromiss i forhold til dagens ønskje om standard ved oppgradering / ombygging av bygget. Bærekonstruksjonen med todelte søyler og eit aks-raster på 6,3 x 6,3 meter avgrenser 18

høvet til å tilpasse til ønskde romstorleikar og liknande. Nokre stader vart bygningen bygd om på eit senare tidspunkt, men store område er framleis som opprinneleg oppført. Det er tydeleg at bygningen treng eit teknisk løft, noko også Multiconsult-rapporten peiker på. 2.6.2.6 Påbygg 2000 Påbygget på den låge delen av sentralblokka som fekk namnet «påbygg 2000» vart ferdig i 2006 og inneheld ca. 4 250 m² BTA. Denne delen inneheld fleire behandlingskapasitetar og ein del støttefunksjonar som supplerer sentralblokka.naturlig nok er denne delen mest oppdatert i forhold til dagens standardar. Konstruktivt og teknisk er det ingen tydelege behov for tiltak. 2.6.2.7 Brakkebygg øst/kontorbygg UIB og høgskule Dette modulbygget vart oppført i 1999 og står rett ved hovudinngangen til sentralblokka og den freda parken ved sjukehuset. Bygningen omfatter ca. 760 m² med kontor og lokale for Universitetet i Bergen (UIB), og er knytt til sentralblokka via ei bru i 2. etasje. Bygget er ikkje omtalt i arealplanen. Rapporten frå Multiconsult konkluderer med at bygget ikkje har nokon langvarig verdi. På sikt må det reknast med at bygget må erstattast eller at areala må realiserast på anna vis. I tillegg gir ikkje bygget hovedinngangspartiet til FSS noko fordelaktig preg. Arealet brakkebygget er oppført på inneber eit verdifullt utvidingsområde for sjukehuset i framtida og det er i og ved dette området Nybygg Aust er planlagt. 2.6.2.8 Psykiatribygningen Psykiatribygningen vart ferdig i 1989 og inneheld ca. 4 250 m² BTA. Som namnet seier inneheld bygningen store delar av pleie- og behandlingskapasiteten til vaksenpsykiatrien ved FSS. I forhold til den 10 år eldre sentralblokka er tilstanden til bygningen forholdsvis dårleg. Det virker som om psykiatribygningen alt i dag har same oppgraderingsbehov som sentralblokka. Konsulentgruppa meiner at bygningen ikkje er særleg eigna for dagens bruk. Planløysinga svarer ikkje godt nok til utfordringane i vaksenpsykiatrien og arbeidsforholda til personalet skulle ha vore betre, særleg i pleiedelen av bygget. 3 Konseptfasen vurdering av alternativ I mandatet frå idefasen var det gitt eit alternativ som skulle bearbeidast vidare i konseptfasen Arealprogrammet for prosjektet har vorte endra etter avslutta idefase med at fylkeskommunen sin tannhelsedel er trekt ut av prosjektet Dette har ført til at opprinneleg konsept ikkje var fullt utnytta og det er derfor utgreidd 4 ulike alternativ for å sjå korleis denne verdifulle tomten kan nyttast på best mogeleg måte Ettersom dei 4 alternativa er variantar av eit hovudalternativ frå idefasen, har vi i rapporten valt å samle felles forhold i felles punkt i rapporten 19

I samsvar med mandatet frå idefaserapporten har det i konseptfasen vore arbeidd med variantar og omfang av det alternativet som var definert. 3.1 O alternativet I samsvar med veiledar skal 0-alternativ utgreiast Alternativet å vidareføre dagens planar og løysingar, dvs ikkje imøtekome ønskje frå kommunane eller sette i verk tiltak ut frå eigne behov, har vore vurdert. Dette vil innebere bygningsmessige løysingar og ein arealbruk ved Helse Førde som ikkje legg til rette for å oppfylle intensjonane i overordna strategiar og vedteken struktur for helseføretaket. Vedteken arealplan identifiserer og grunngir behov for endringar og for at det i denne samanhengen må byggjast eit avlastningsbygg for å få gjennomført naudsynte omstillingar. Vidare har ein behov for erstatning for mellombelse brakkeløysingar, og det vil ha gunstige effektar å kunne samle i eige bygg verksemd som i dag er lagt til leigde lokale og spreidd på fleire lokasjonar. Ved 0-alternativet vil ein heller ikkje kunne imøtekome ønskje frå viktige samarbeidspartnarar og på same måten legge til rette for god samhandling, nyttiggjering av synergieffektar og gjennom det trygge og gode løysingar for pasientar og brukarar. Det vil og vere andre, samfunnsøkonomiske vinstar som ein ikkje vil oppnå, t.d. i form av minst mogleg behov for transport av pasientar mellom kommunale tilbod og spesialisthelsetenesta. 3.2 Felles forhold for vurderte alternativ 3.2.1 Framdrift arealplan Førde sentralsjukehus Avlastingsarealet er eit heilt sentralt element for gjennomføring av arealplanen for Førde sentralsjukehus. Arealet kjem aller først i ein lang serie med ombyggingar og tiltak. Det er vedteke at avlastingsarealet skal leggast inn i eit permanent bygg og ikkje i eit mellombels bygg. Dette framstår som ein rett bruk av midlar, men permanent bygg fører til noko lenger byggetid. Framdrifta av arealplanen er dermed i stor grad avhengig av rask framdrift og ferdigstilling av nybygg aust. Ei vurdering i prosjektet har vore knytt til lånefinansiering, for å unngå forseinkingar av arealplanen, utover ferdigstilling av nybygg aust. Det er eit strengt regime for lånefinansiering av sjukehusprosjekt. Vurderinga i konseptfasen er at framdrifta av både nybygg aust, og dermed også arealplanen, er sikrast viss bygginga kan skje uavhengig av lånefinansiering. Føretaket må, parallelt med framdrift på nybygg aust, arbeide med finansiering av heile arealplan Førde sentralsjukehus. 20

3.2.2 Felles forhold ved utforming Ambulansetilkomst er frå underetasje / parkeringsnivået. Ambulanse til sjukehuset og til Interkommunal legevakt nyttar same avkøyring frå hovudvegen. Denne tilkomsten ligg og nær helikopterlandingsplassen. Prosjektet legg opp til at Sentralsjukehuset etablerer ein parkeringskjellar for bilar og syklar. Dette vil vere effektiv nærparkering for tilsette. Modulsystemet i bygget legg opp til at det kan innreiast blanda funksjonar i samsvar med behovet til Helse Førde og eventuelle nye funksjonar for interkommunal legevakt. Gangbruer, trapper og heisar knyter effektivt saman eksisterande og nye plan. Konstruksjonsmodulen for anlegget er basert på økonomiske spenn, 12 meter huldekker på tvers av bygningskroppane og 7,2 meter mellom søylene i yttervegg. Ingen søyler inne i bygget. Fasaden vert delt inn med tanke på gode dagslysforhold og mogleg romindeling med 1200 mm som minste eining. Vindu mot sør, aust og vest får utvendige solgardiner. Konstruksjonsmodulen gir god utnytting av areala både i parkeringsetasjane og i helsebyggetasjane. For alternativ 1, -2 og -3 medfører utforming og plassering av bygg at Univeristetsbrakka må rivast/flyttast før byggearbeida startar. Dette er lagt inn i kalkylen som del av prosjektkostnadane for dei respektive alternativa. 3.2.3 Spesifikke dimensjonerande føresetnader For å utnytte den verdfulle tomta er det lagt føringar i prosjektet slik at areal som i første runde blir nytta til kontorfunksjonar skal kunne byggast om til sjukehusfunksjon innanfor den ytre geometri som er valt. Det er derfor lagt opp til bygg med breidde 12 meter slik at ein kan ha god korridor + djupne for sengerom på begge sider av gangen. Perkeringskjellar er opna opp slik at det blir open parkering under bygga med stor grad av dagslys ned mellom og rundt bygga. Dette reduserer byggekostnadane og gir større fleksibilitet til å kunne omdisponere arealet frå parkering til anna bruksareal på eit seinare tidspunkt Grunnforholda på tomta er leire og ein må rekne med fundamentering med peling til fjell. I samband med forprosjektet må flaumnivå på tomta vurderast 3.2.4 Funksjonsprogram Prosjektet har i konseptfasen vore drive fram som eit tradisjonelt skisseprosjekt ved hjelp av arkitekt. Det har i konseptfasen ikkje vore inne andre fagrådgjevarar enn arkitekt (Nordplan) Følgjande areal er i konseptfasen definert som kjernefunksjon: 21

Interkommunal KAD med legevakt. Avlastningsareal for gjennomføring av arealplan Følgjande areal er i konseptfasen definert som tilleggsfunksjon: Erstatningsareal for leigd areal og brakker Arealprogram er definerte som netto arealbehov og dette er løyst inn i dei ulike alternative skisseprosjekta med eit brutto areal som blir vesentleg større enn summen av nettoprogramma. For tre av alternativa, alternativ 1, -2 og -3, har løysingane ført til at området der «Universitetsbrakka» står blir del av den tomten som må nyttast, og for desse løysingane må «Universitetsbrakka inngå som ein del av kjernefunksjonen i prosjektet. Romprogram for Interkommunal KAD med legevakt og helse Førde i etterfølgjande tabellar. 22

Funksjonsprogram for Interkommunal KAD med legevakt 23

Helse Førde funksjonsprogram 3.2.5 Utstyrsbehov Med dei funksjonane som ligg i romprogrammet er det vurdert som hensiktsmessig at arealvurderingar med tilhøyrande kostnadsanslag for utstyr skal nyttast som arbeidsmåte i konseptfasen. Det er pr. dato ikkje nokon avtale eller intensjonsavtale mellom Interkommunal KAD med legevakt og Helse Førde HF, men det er lagt til grunn at det vil vere mest hensiktsmessig å leige ut lokala med inventar. Det er derfor teke med utstyr og innreiing også for utleigeareal i dei kalkylane som er utarbeidd. 3.2.6 Overordna tekniske krav For kontorfunksjonar og bygget generelt er det lagt generelle forskriftsmessige krav i samsvar med TEK 10 til grunn. I kalkylesamanheng er det lagt til grunn lett sjukehusstandard for dei delane som skal inneha sengerom eller er knytt opp mot legevaktsenteret. Med dei funksjonane som ligg i romprogrammet er det vurdert som hensiktsmessig at arealvurderingar med tilhøyrande kostnadsanslag skal nyttast som arbeidsmåte i konseptfasen 3.2.7 Kapitalkostnadar Det er ikkje rekna i detalj på effektane for renter og avskrivingar, men her er det store skilnadar på det billegaste og det dyraste alternativet. Eit svært konservativt anslag viser at skilnaden utgjer vel seks millionar kroner. 3.2.8 Driftsøkonomisk vurdering Alle 4 alternativ som er utgreidd vil påføre Helse Førde auka drifts- og vedlikehaldskostnadar for det rokkeringsarealet/avlastingsarealet som er lagt inn i prosjektet. Dette arealet er lagt inn med 24

ca 700 m2, og med ein brutto/netto faktor på 1,9 gir dette ca. 1300 m2. Etter erfaring kan driftskostnaden setjast lik 550 kr/m2/år og dette gir ei årleg auke i driftsutgiftene på kr 715 000 pr år. Det øvrige arealet i prosjektet er utleigeareal eller erstatning for eksisterande areal og påverkar ikkje dei reine driftskostnadane. 3.2.9 Vurdering av usikkerhet Prosjektet har kalkyleusikkerhet på nivå som er vanleg i skisseprosjektfase/konseptfase. Utarbeidde kalkylar frå arkitekt har lagt inn marginar med 10% for prosjektreserver og marginar, og dette er eit nivå på linje med vanleg praksis. Brukardialogar kan medføre stor kostnadskonsekvens dersom desse ikkje er sluttført på ein god måte i forprosjektfasen. Med dei dialogane som er gjennomført i idefase og konseptfase så er prosjektet godt rusta til forprosjektfasen. Det er viktig å komme i gang med forprosjektfasen etter dei planlagde terminane slik at brukardialogar i forprosjektfasen ikkje blir lidande. Grunnforhold er vanlegvis ein stor usikkerhetsfaktor, men for dette prosjektet er det kjente grunnforhold som er rekna med i konseptfasen sine kalkylar. Delar av bygget skal leigast ut til Interkommunal KAD med legevakt. Det er gjennomført avklarande møter og fatta politiske vedtak i eigarkommunar. Det kan vere usikkerhet knytt til tolking av dei dialogane som har vore. For å redusere denne risikoen og skape godt samarbeidsklima bør det utarbeidast ei intensjonsavtale som avklarar rammer for etablering av konkret avtale. 3.3 Alternativ 1 Eit bygg med 3 etasjar, hovudalternativ Utforming og plassering av bygget på tomta medfører riving av universitetsbrakka før byggestart. For dette alternativet har vi berre plass til definerte kjernefunksjonar i funksjonsprogrammet + areal i Universitetsbrakka: Interkommunal KAD med legevakt. (Heile funksjonsprogram for Interkommunal KAD med legevakt) Avlastningsareal for gjennomføring av arealplan ( i funksjonsprogrammet for HF kalla «Areal for avlasting (rokkeringsareal)») Universitetsbrakka ( i funksjonsprogrammet for HF kalla «Overlegekontor frå uni brakka» og «UIB») Øvrig arealprogram i funksjonsprogrammet til Helse Førde er ikkje definert som kjernefunksjon for prosjektet og kan ikkje løysest innanfor eit bygg på 3 etasjar. Prosjektet kan realiserast i samsvar med dei dialogar som har vore med brukargrupper i ide- og konseptfase for dei areal/funksjonar som er definert inn i løysinga Bygget er, etter føringar i prosjektet, kostnadseffektivt utforma og legg til rette for framtidig 25

vidareutvikling av bygningsmassen med inntil 2 ekstra tilsvarande bygg på tomta. Situasjonsplanen viser plassering av nytt bygg for Helse Førde med Interkommunal legevakt og generelle helsebyggfunksjonar. Bygget er planlagt med tre etasjar pluss U etg for parkering. Tekniske rom er på nivå 4. Aksonometrien under viser den funksjonelle samanhengen mellom eksisterande og nytt. Interkommunal legevakt er plassert på plan 1, same nivå som første etasje i sentralsjukehuset. Begge har direkte tilkomst frå bakkeplanet. Interkommunal legevakt og eksisterande poliklinikkar ligg på same plan. Dei er effektivt forbundne internt med gangbru. Tilkomsten for pasientar til interkommunal legevakt er like ved hovudinngangen til sjukehuset og kan nåast med bil og buss. Ein ekstra utvendig tilkomst til smitterom er teikna inn frå vest. Ambulansetilkomst er frå underetasje / parkeringsnivået. 3.3.1 Løysing med illustrasjon 26

3.3.2 Prosjektkostnad Kalkylen er utført med grunnlag i planar på skissenivå. Det er nytta Norsk Prisbok (Calcus)som grunnlag for kalkylen. I tillegg er det nytta tilgjengelege erfaringstal frå sjukehusutbyggingar i Molde og ved St. Olavs Hospital. Det er også gjort vurderingar i forhold til byggstorleik og planprinsipp. 27

3.3.3 Økonomisk bæreevne og finansiering Investeringsbeløpet på 139 millionar er 105,5 millionar lågare enn det som er vedtatt i gjeldane langtidsbudsjett. Investeringa vil kunne gjennomførast innanfor Helse Førde sine investeringsrammer utan at det er behov for å ta opp lån. Driftskostnadane blir ved alternativ 1 noko lågare enn føresett i langtidsbudsjettet. Reduksjon av kostnader som følgje av meir effektiv drift vil også bli redusert i åra 2017 og utover. Samla sett vil driftskostnadane i langtidsbudsjettet ikkje bli vesentlig påverka av å endre planane for bygg aust lik alternativ 1. Avskrivingar og finanskostnader er ikkje rekna på i detalj, men vil truleg utgjere i overkant av seks millionar kroner mindre enn i det dyraste alternativet. 3.4 Alternativ 2 2 bygg 3+3 etasjer Dette er ei vidareutvikling av alternativ 1 med å bygge ein ekstra lameell slik at vi får 2 blokker i full lengde med 3 etasjar. Alternativ 2 gir full inndekking av det funksjonsprogrammet som ligger inne i prosjektet og prosjektet kan realiserast i samsvar med dei dialogar som har vore med brukargrupper i ide- og konseptfase. Dette alternativet er lik det alternativet som var utarbeidd i idefasen for prosjektet, men då hadde fylkeskommunen eit leigeareal på ca 1100 m2 og løysinga hadde forankring til samhandling med fylkeskommunen. Ledig/udefinert areal er på ca 1100 m2 Det er i det definerte arealprogrammet/funksjonsprogrammet ikkje definert behov for det arealet som då blir ledig. 28

Det er i den uarbeidde kalkylen lagt til grunn at begge blokkene skal gjennomførast parallelet som eit prosjekt. Dersom dette skal byggast som 2 byggetrinn må ein rekne med ein kostnadsauke på 10-15 mill i høve til tala i kalkylen Situasjonsplanen viser plassering av nytt bygg for Helse Førde med Interkommunal legevakt og generelle helsebyggfunksjonar. Bygga er planlagt med tre etasjar pluss U etg. for parkering. Tekniske rom er på nivå 4. Aksonometrien over viser den funksjonelle samanhengen mellom eksisterande og nytt. Interkommunal legevakt og LMS er plassert på plan 1, same nivå som første etasje i sentralsjukehuset. Begge har direkte tilkomst frå bakkeplanet. Interkommunal legevakt og eksisterande poliklinikkar ligg på same plan. Dei er forbundne internt med gangbru. Tilkomsten for pasientar til Interkommunal Legevakt er like ved hovudinngangen til sjukehuset og kan nåast med bil og buss. Ein ekstra utvendig tilkomst til smitterom er teikna inn frå vest. 3.4.1 Løysing med illustrasjon 29

3.4.2 Prosjektkostnad Kalkylen er utført med grunnlag i planar på skissenivå. Det er nytta Norsk Prisbok (Calcus)som grunnlag for kalkylen. I tillegg er det nytta tilgjengelege erfaringstal frå sjukehusutbyggingar i Molde og ved St. Olavs Hospital. Det er også gjort vurderingar i forhold til byggstorleik og planprinsipp. 30

3.4.3 Økonomisk bæreevne og finansiering Investeringsbeløpet på 265 millionar kroner er 22,5 millionar høgare enn det som er vedtatt i gjeldande langtidsbudsjett. For å gjennomføre alternativ 2 føreset det at Helse Førde kan lånefinansiere mellom 125 millionar og 200 millionar. Å vere avhengig av ekstern finansiering vil kunne skyve investeringa ut i tid. Driftskostnadane med nybygg er medtatt i langtidsbudsjettet, og ekstrakostnaden med renter og avskrivingar vil ein dekke innanfor den ordinære drifta. Helse Førde har pr no ikkje sikre leigetakarar som gir dei inntektene som var føresett i langtidsbudsjettet, og må i dette alternativet difor dekke bortfallet av budsjetterte leigeinntekter i den ordinære drifta. Alternativet skil seg frå dei alternativa ved at ein får auka driftskostnadar på 1100 m2 som ikkje blir leigd ut. Helse Førde vil etter 2020 kunne flytte frå leigde lokale og inn i det ledige arealet slik at denne kostnaden blir eliminert, men på kort sikt vil driftsbudsjetta bli belasta med ein auke på ca. kr 600 000 pr år. 3.5 Alternativ 3 To bygg 3+2 etasjar Alternativ 3 gir full inndekking av det funksjonsprogrammet som ligger inne i prosjektet og prosjektet kan realiserast i samsvar med dei dialogar som har vore med brukargrupper i ide- og konseptfase. Situasjonsplanen viser plassering av nytt bygg for Helse Førde med Interkommunal legevakt og generelle helsebyggfunksjonar. Bygget er planlagt med to bygg i tre etasjar og to etasjar pluss U etg for parkering. Tekniske rom er i U-etg. Aksonometrien over viser den funksjonelle samanhengen mellom eksisterande og nytt. Interkommunal legevakt og LMS er plassert på plan 1, same nivå som første etasje i sentralsjukehuset. Interkommunal legevakt og eksisterande poliklinikkar ligg på same plan. Dei er forbundne internt med gangbru. Tilkomsten for pasientar til Interkommunal Legevakt og er like ved hovudinngangen til sjukehuset og kan nåast med bil og buss. Denne løysinga har nokre særtrekk som bør nemnast: Ikkje like kostnadseffektivt som alternativ 2 pr arealenhet o Dyr fundamentering og berre 2 etasjar i eine blokka o Teknisk rom flytta ned i kjeller, dyrare løysing samstundes som verdfullt areal blir bandlagt Opnar opp for påbygging av begge blokkene på eit seinare tidspunkt, men dette må då leggast inn som designbasis (max 3 etasjar definert som føring i prosjektet pga. vernestatus og konsept i bygningsmassen) Seinare påbygg av ein etasje på den eine blokka blir vesentleg dyrare enn å gjennomføre det i eit byggetrinn som alternativ 2. 31