1 Rapport konferanse og tilhørande studietur til Hamamatsu, Japan - 2010.ar 29.oktober til 07.november 2010 Bakgrunn Stord kommune har vore pilotkommune for universell utforming frå 2005 til 2008, og frå 2009 er kommunen ressurskommune. Underteikna har vore prosjektleiar for Stord kommune fra 2005 til januar2010. Under en samling for prosjektleiarar januar 2010, vart det orientert om konferansen i Hamamatsu, Japan oktober/november 2010. Nokre av oss deltakarane bestemte oss for å sende inn ein artikkel om det me hadde delteke i som ressurskommunar, me var samde i at det var eit nasjonalt prosjekt og "Iøft" for universell utforming som var verd å fortelje til andre nasjonar som jobbar aktivt med temaet. Ei lita komité var etablert, og underteikna tok ansvar for framdrift for artikkelen. Kort fortalt blei artikkelen godtatt, og me vart spurd om å halde eit foredrag på maks 15 minuttar under den internasjonale konferansen. Miljøverndepartementet tok ansvar for å lage ein studietur i samband med konferansen. Mange ulike instansar blei invitert med på studieturen, noko som gjorde at den blei sers interessant og lærerik for alle. Konferanse The 3rd International Conference for Universal Design blei halden i Hamamatsu i tida 30.oktober til 3.november 2010. Foredraga var delt mellom opningsforedrag, plenumsforedrag og spesielle tema der det var mange ulike
2 parallellsesjonar å velje mellom. Onny Eikhaug som er prosjektleiar for universell utforming, Norsk Designråd, haldt hovudforedraget frå Noreg. Fleire andre frå Noreg haldt foredrag under ulike temasesjonar, m.a. under tema regional planlegging, lovarbeid og filosofi. Vårt foredrag om "Integration of Accessibility Issues in Municipal Planning" var under tema regional planlegging, og underteikna var foredragshaldar. Det var ei oppleving å få halde foredrag på ei stor internasjonal konferanse, sjølv om det ikkje var så mange tilstades under kvart foredrag på parallellsesjonane. Mange ulike tema vart belyst på konferansen, nokre var for spesielt interesserte, mens ein god del var nyttige for mange. Det var og ei stor utstilling under konferansen, men mange ulike nyttige og unyttige produkt under tema universell utforming. I løpet av dagane i Hamamatsu tok mange turar ut i byen for å sjå universell utforming i praksis. Nokon av oss utforska universell utforming av bussentral og på busser, og korleis betalingssystema fungerte. Samtaler med andre som jobbar med universell utforming frå Noreg og andre land var verdifulle, og gav mange gode innspel og idear til arbeid i eiga kommune og som ressurskommune. Studietur Studieturen var lagt opp av Miljøverndepartementet med god hjelp frå Husbanken og frå "Japanspesialist" Åge Vallestad frå Bergen. Sistnemnde har vore mange gonger i Japan og kjenner landet, folket og kulturen godt. Tema for studieturen var: Universell utforming og samferdsel Urban kultur og bebyggelse i det moderne Japan Universell utforming i arkitektur og landskapsarkitektur, også historisk Erfaringsutveksling og utdyping av konferansen I løpet av studieturen besøkte me Kyoto, Nara, Tokyo og Yokohama. Me såg templar, eit slott, parkar og ferjeterminal. I tillegg budde me på ulike hotell, besøkte kafear, restaurantar og barar - og overalt kor me ferdast hadde me "uu" briller på. Me forflytta oss mellom byar med hurtigtog, Shinkansen, og så på universell utforming av tog og togstasjoner. Togstasjonane var til dels særs godt tilrettelagt, som til dømes togstasjonen i Hamamatsu.
3 Frå togstasjonen i Hamamatsu Det blei mange og gode samtaler og diskusjonar undervegs om det me såg og om relevans til arbeidet med å gjere Noreg universelt utforma. Me såg at i dei store byane hadde alle fortau ledelinjer i form av breie gule stripar, mogleg effektivt, men ikkje særleg vakkert utforma. I dei store byane var det i det heile godt tilrettelagt for svaksynte og blinde og for ein stor del for forflytningshemma. Alle templar me besøkte hadde alternative inngangsramper, men ikkje alltid der hovudinngangen var. Eit eksempel er verdens største trebygning, Todai-ji, der uu tilpassinga til tempelet ikkje var ein del av hovudløysinga, men likevel akseptabel, bl.a. med en stor dør og stor rampe som ble brukt på dagar med store folkemengder. Der rampe til bygning ikkje var ein del av hovudinngangen til tempelet var skiltingen ofte god og tydeleg, også for oss utan kunnskap om japansk skriftspråk, som vist på dette biletet.
4 --1111 1bria Eksempel på inngang til tempel Ferjeterminalen i Yokohama var ein oppleving, eit flott arkitektonisk bygg og det at den var universelt utforma gjorde inntrykk. Ferjeterrninal i Yokohama
5 Parkane me besøkte var store, flotte og for ein del universelt utforma. Men der som her heime var det ein del "logisk brist" i kva som var tilrettelagt og kva som ikkje var det. Ein kunne oppleve å gå på ein tilrettelagt gangveg som førte til ein bru som ein person med forflytningsvanskar ikkje kunne bruke, men måtte gå ein lang veg tilbake for å gå rundt vatn for å komme til andre sia. Universelt utforma overgang park. Oppsummering Konferanse og studietur i Japan var ei stor oppleving, og gav stort utbytte for kunnskap og forståing av problematikken rundt universell utforming. Samvær og samtaler med folk frå andre land på konferansen var gav lærdom. På studieturen var det med folk frå kommunar, frå høgskolar og universitet, frå helsedepartementet og kommunal- og regionaldepartementet, frå fylkeskommunar og frå Husbanken, det var folk med lang erfaring innan universell utforming og dei som var nett begynt å arbeide med temaet. Spennvidda gjorde det interessant og kjekt, og gav mange aha opplevingar og utfordra tenkemåtar, haldningar og meiningar. Eg er takksam for at eg fekk delta på turen. Stord 25.01.2011 Astrid Larsen