HORDALAND FYLKESKOMMUNE Opplæringsavdelinga Arkivsak 201209024-1 Arkivnr. 5 Saksh. Haugen, Birthe Saksgang Møtedato Opplærings- og helseutvalet 13.11.2012-14.11.2012 OPPNEMNING AV STYREREPRESENTANTAR VED PRIVATE SKOLAR SAMANDRAG Fylkeskommunen sin rett til å vere representert i styra ved dei private skolane er heimla i Privatskolelova 5-1 a). Ein representant oppnemnd av vertsfylket er gjeven rett til å vere til stades på møte i styret, til å seie meininga si og få denne tilført protokollen. Styret sine oppgåver er regulert i privatskolelova 5-2. I delegasjonsreglementet til Hordaland fylkeskommune er fullmakta til å nemne opp ein representant til styret når det gjeld skular som er godkjende etter privatskolelova 2-1 bokstavane a-d (vidaregåande skolar), lagt til Opplærings- og helseutvalet. Med utgangspunkt i fylkeskommunen sitt ansvar som skoleeigar og plikter og rettar som det medfører overfor privatskolane, meiner opplæringsdirektøren at det er viktig at fylkeskommunen nemner opp styremedlemmer og følgjer opp ansvaret sitt i styret. Hausten 2012 har opplæringsdirektøren motteke innkalling til styremøte ved fem av dei private skolane. Ved mottak av innkalling har opplæringsdirektøren oppnemnt fylkeskommunale styremedlemmer og orientert skolane om oppnemninga. Dette er ei fullmakt som i delegasjonsreglementet er lagt til Opplærings- og helseutvalet og ikkje til opplæringsdirektøren. Opplæringsdirektøren seier seg lei for dette. FORSLAG TIL VEDTAK Som styremedlem ved dei private vidaregåande skolane i Hordaland fylke vert følgjande oppnemnt: 1. Rektor ved Øystese gymnas Ingebjørg Bakke vert oppnemnt som fylkeskommunal styremedlem ved Framnes kristne vidaregåande skule.
2. Rektor ved Bergen Handelsgymnasium Rune Dolvik vert oppnemnt som fylkeskommunalt styremedlem ved Danielsen videregående skole. 3. Rektor ved Bergen Handelsgymnasium Rune Dolvik vert oppnemnt som fylkeskommunalt styremedlem ved Danielsen intensivgymnas 4. Rektor ved Os gymnas Trond Eikeland vert oppnemnt som fylkeskommunalt styremedlem ved Krokeide videregående skole. 5. Konstituert seksjonsleiar ved opplæringsavdelinga Birthe Haugen vert oppnemnt som fylkeskommunalt styremedlem ved Rudolf Steinerskolen i Bergen (avd. vgs) 6. vert oppnemnt som fylkeskommunalt styremedlem ved Akademiet. 7. vert oppnemnt som fylkeskommunalt styremedlem ved Bergen Private gymnas 8. vert oppnemnt som fylkeskommunalt styremedlem ved Sonans. 9. vert oppnemnt som fylkeskommunalt styremedlem ved Kongshaug musikkgymnas. 10. vert oppnemnt som fylkeskommunalt styremedlem ved Hop videregående skole. 11. vert oppnemnt som fylkeskommunalt styremedlem ved St. Paul videregående skole. Paul M. Nilsen fylkesrådmann Svein Heggheim Opplæringsdirektør 2
FYLKESRÅDMANNEN, 27.10.2012: Bakgrunn for saka: Fylkeskommunen sin rett til å vere representert i styra ved dei private skolane er heimla i Privatskolelova 5-1 a). Ein representant oppnemnd av vertsfylket er gjeven rett til å vere til stades på møte i styret, til å seie meininga si og få denne tilført protokollen. Styret sine oppgåver er regulert i privatskolelova 5-2. «Styret sine oppgåver Styret har den øvste leiinga av skolen og skal sjå til at skolen blir driven i samsvar med gjeldande lover og forskrifter. Styret skal: a) sjå til at elevar i opplæringspliktig alder som blir tekne inn ved skolen, får oppfylt retten til grunnskoleopplæring, og melde frå til foreldra og heimkommunen til elevar som over lengre tid ikkje møter fram til undervisninga utan lovleg grunn, b) fastsetje storleiken på skolepengane, c) vedta budsjett og rekneskap for skolen, d) fastsetje inntaks- og ordensreglement for skolen, e) fremje saker om flytting etter 3-3 første ledd og bortvising etter 3-10 andre ledd, f) ha ansvar for at skolen har ei forsvarleg økonomi- og rekneskapsforvaltning, g) sjå til at offentlege tilskot og skolepengar kjem elevane til gode, h) sjå til at offentlege krav og føresetnader for verksemda blir oppfylte. i) sørgje for å ha rett og nødvendig kompetanse i verksemda. Styret skal ha eit system som gir undervisningspersonale, skoleleiarar og personale med særoppgåver ved skolen høve til nødvendig kompetanseutvikling, med sikte på å fornye og utvide den faglege og pedagogiske kunnskapen og å halde seg orienterte om og vere på høgd med utviklinga i skolen og samfunnet. j) tilsetje dagleg leiar. k) drøfte den årlege rapporten om tilstanden i skolen som er utarbeidd etter tredje ledd. Styret skal ha eit forsvarleg system for vurdering av om krava i gjeldande lover og forskrifter, og føresetnadene for godkjenninga blir oppfylte. Styret skal ha eit forsvarleg system for å følgje opp resultata frå desse vurderingane og nasjonale kvalitetsvurderingar som departementet gjennomfører med heimel i 7-2 tredje ledd. Som ein del av oppfølgingsansvaret skal det utarbeidast ein årleg rapport om tilstanden i skolen knytt til læringsresultat, fråfall og læringsmiljø. I andre saker enn dei som følgjer av andre og tredje ledd, kan styret med 2/3 fleirtal delegere avgjerdsretten» I delegasjonsreglementet til Hordaland fylkeskommune er fullmakta til å nemne opp ein representant til styret når det gjeld skular som er godkjente etter privatskolelova 2-1 bokstavane a-d (vidaregåande skolar), lagt til Opplærings- og helseutvalet. I Hordaland fylke er det elleve private vidaregåande skolar. Framnes Kristne Vidaregåande Skule Framnes tilbyr utdanningsprogramma studiespesialiserande og idrettsfag. Det er Indremisjonsforbundet og Indremisjonssamskipnaden som driv skolen. Skolen ligg i Norheimsund i Hardanger. Skolen er godkjent etter privatskolelova 2-1a) og skal drive verksemda si på religiøst grunnlag. Steinerskolen i Bergen Steinerskolen sitt vidaregåande trinn gjev studiekompetanse tilsvarande dei studieførebuande utdanningsprogramma. Elevane får i tillegg til generell studiekompetanse læring og utvikling i 3
musikk, kunst, handverk og friluftsliv. Skolen ligg på Storetveit i Bergen. Rudolf Steinerskolen i Bergen driv verksemda på grunnlag av ei anerkjent pedagogisk retning, jf. privatskolelova 2.1 andre ledd bokstav b). Danielsen videregående skole Danielsen videregående skole tilbyr utdanningsprogramma studiespesialisering og helse- og oppvekstfag. Ein kan også ta påbygg til generell studiekompetanse ved skolen. Skolen er godkjent etter privatskolelova 2-1a) og skal drive verksemda si på religiøst grunnlag. Skolen held til i Bergen sentrum. Danielsen intensivgymnas Danielsen Intensivgymnas er godkjent etter privatskolelova som gir skolen eksamensrett. Skolen tilbyr kurs der elevane får standpunktkarakter. Krokeide videregående skole Krokeide videregående skole ligg i Bergen ca 2,5 mil frå sentrum. Skolen tilbyr yrkesretta attføring for vaksne. Skolen er ein del av Krokeidesenteret, som er eigd av LHL (Landsforeningen for hjerte- og lungesyke). Utdanningstilboda er yrkesretta, for vaksne som har trong for vidare utdanning eller omskolering. Skolen er godkjend etter privatskolelova 2.1 andre ledd bokstav f). Akademiet i Bergen Skolen tilbyr følgjande utdanningsprogram: studiespesialisering, media og kommunikasjon, service og samferdsel og påbygging til generell studiekompetanse. Skolen har lokale i Bergen sentrum. Skolen er godkjent etter privatskolelova tidlegare friskolelova. Bergen Private Gymnas Skolen tilbyr utdanningsprogramma media og kommunikasjon, musikk, dans og drama og studiespesialisering. Skolen har lokale i Bergen sentrum. Skolen er godkjent etter privatskolelova tidlegare friskolelova. Sonans videregående skole Skolen tilbyr utdanningsprogrammet studiespesialisering. Skolen har lokale i Bergen sentrum.skolen er godkjent etter privatskolelova tidlegare friskolelova. Kongshaug Musikkgymnas Kongshaug Musikkgymnas er ein kristen vidaregåande skole med utdanningstilbod i musikk under utdanningsprogrammet musikk, dans, drama. Skolen har internat. Skolen held til på Lepsøy i Os kommune. Skolen er godkjent etter privatskolelova tidlegare friskolelova. Hop videregående skole Hop videregående skole på Askøy utanfor Bergen tilbyr eit særskilt tilrettelagt opplæringstilbod på Vg1 Teknikk og industriell produksjon, Vg1 Design og handverk og Vg2 Industriteknologi. Skolen er eigd av Blåkors og driv sin verksemd på religiøst grunnlag, Skolen er godkjent etter privatskolelova 2.1 andre ledd bokstav a). 4
St. Paul videregående skole Skolen vart etablert hausten 2012 og tilbyr studiespesialiserande utdanningsporgram. Skolen held til i Bergen sentrum. Skolen er godkjent etter privatskolelova 2-1a) og skal drive verksemda si på religiøst grunnlag. Oppnemning av fylkeskommunale styremedlemmer. Med utgangspunkt i fylkeskommunen sitt ansvar som skoleeigar og plikter og rettar som det medfører overfor privatskolane, meiner opplæringsdirektøren at det er viktig at fylkeskommunen nemner opp styremedlemmer og følgjer opp ansvaret sitt i styret. Hausten 2012 har opplæringsdirektøren motteke innkalling til styremøte frå fem av dei private skolane. Ved mottak av innkalling har opplæringsdirektøren nemnt opp fylkeskommunale styremedlemmer og orientert skolane om oppnemninga. Dette er ei fullmakt som i delegasjonsreglementet er lagt til Opplærings- og helseutvalet og ikkje til opplæringsdirektøren. Opplæringsdirektøren seier seg lei for dette. Følgjande personar er oppnemnt som styremedlemmer: Rektor ved Øystese gymnas Ingebjørg Bakke er oppnemnt som fylkeskommunen sin styremedlem ved Framnes kristne vidaregåande skule. Rektor ved Bergen Handelsgymnasium Rune Dolvik er oppnemnt som fylkeskommunen sin styremedlem ved Danielsen videregående skole og Danielsen intensivgymnas.. Rektor ved Os gymnas Trond Eikeland er oppnemnt som fylkeskommunen sin styremedlem ved Krokeide videregående skole. Konstituert seksjonsleiar ved opplæringsavdelinga Birthe Haugen er oppnemnt som fylkeskommunen sin styremedlem ved Rudolf Steinerskolen i Bergen (avd. vgs). Opplæringsavdelinga har ikkje motteke innkalling til styremøte frå dei seks andre private skolane og har heller ikkje nemnt opp styremedlemmer til desse. 5