Kvalitetsplan for Gaupne skule

Kvalitetsplan for Gaupne skule Olweus-programmet og Opplæringslovas kapittel 9a Gaupne skule er ein 1-7 skule som ligg i kommunesenteret i Luster kommune. Dette skuleåret har 132 elevar tilhaldsstad her Skulen sin visjon er «Saman mot framtida» Gaupne skule har eit uteområde som er særs godt eigna til leik, sosial kontakt og rekreasjon til alle årstider og i alle typar ver. Elevane har særs gode høve til å drive med ulike ballspel. Dei har mellom anna tre ulike fotballbaner, ei handballbane, ei basketballbane, ei sandvolleyballbane og ei bane som er oppmerka til slåball. I tillegg har ein ulike typar leikeapparat, store sandkasser og ei Tarzanløype. Nokre av trea kan framleis klatrast i, sjølv om flittig bruk har gått hardt ut over dei nedste greinene. Om vinteren vert dei to haugane på uteområdet nytta til aking. Det kommunale idrettsanlegget er næraste nabo. Her har elevane høve til å drive med ulike friidrettsøvingar, og det kan godt nyttast som langrennsarena når det er snø. Uteområdet Parken ligg like i nærleiken av skulen. Desse to områda er knytt saman med ein undergang under riksvegen. Dette er eit flott område som vert

mykje nytta i undervisinga. I tillegg har skulen eigen nøkkel til syklar, skilt og anna materiell som høyrer til på Tusenårsstaden. Aulaen som er plassert midt i skulen, er eit flott areal som vert mykje nytta til både leik, dans og motorisk trening. I tilknyting til 1.kl/SFO-avdelinga er det tre små og eitt stort grupperom som vert nytta til leik. Her har elevane høve til å leike i mindre grupper. I det store klasserommet er det plassert ei sofagruppe der elevane har høve til å slappe av dersom dei har behov for det. PEDAGOGISK PLATTFORM VED GAUPNE SKULE: - Elevane skal bli sett og ynskt velkomen kvar dag - Elevane skal vere saman med vekevenen sin kvar dag - Elevane skal oppleve tydelege vaksne med klare grenser og forventningar - Elevane skal få oppgåver som gjev dei meistring og utfordringar - Elevane skal vere fysisk aktive kvar dag - Lærarane skal i samarbeid med eleven setje faglege mål og stille krav til eleven sin eigeninnsats for å nå målet - Alle på skulen skal syne respekt og omtanke for kvarandre Programerklæring 1. april 2003 tredde dei nye endringane i Opplæringslova i kraft. I lova vert det psykososiale miljøet omtala spesielt. Der vert det slått fast at alle elevar i grunnskolen har rett til eit godt fysisk og psykososialt miljø som fremjar helse, trivsel og læring jf. Opplæringslovas 9a-1. Det vert vidare understreka at skulane aktivt og systematisk må arbeide for å fremje eit godt psykososialt miljø der den enkelte eleven kan oppleve tryggleik og sosial samkjensle jf Opplæringslovas 9a-3 første ledd. Dette gjev viktige føringar for korleis dette arbeidet vert gjennomført ved Gaupne skule. Som rektor vil eg arbeide aktivt og systematisk for at Gaupne skule skal vere ein skule der alle tilsette, elevar og føresette skal samarbeide om å motverke mobbing og antisosial åtferd. Bodskapen til dei som held på med mobbing skal vere heilt klårt: Me aksepterer ikkje mobbing på Gaupne skule, og vil arbeide for å førebyggje og hindre at det skal skje. Utgreiing om kvalitetssikringssystemet Gaupne skule er pålagt å ha internkontroll jf Opplæringslova 9a-4. Skulen har difor utvikla denne kvalitetsplanen som handlar om kvalitetssikring på det psykososiale området. Planen gjer greie for dei systematiske tiltaka som skal gjennomførast for å sikre kvalitet, ressursane som må vere tilstade og rekkefølgja av aktivitetane. Hovudfundamenta i dette arbeidet er Olweusprogrammet og System for kvalitetssikring av Olweus-programmet. Kvalitetssikringssystemet dekkjer alle punkta i Olweus-programmet mot mobbing og antisosial åtferd. I tillegg vert også krava i Opplæringslova kapittel 9a om det psykososiale miljøet dekte her.

Hovudkomponentane i System for kvalitetssikring System for kvalitetssikring av Olweus-programmet har to hovudfundament: Olweusprogrammet mot mobbing og antisosial åtferd og Olweus standard. Det inneheld også ei aktivitetskjerne med ei kvalitetssløyfe og ein kvalitetsplan. Det er utvikla prosedyrar for kritiske situasjonar der mobbing skjer eller der det er mistanke om mobbing. I tillegg er skulen sine planlagde og systematiske kvalitetssikringsaktivitetar delt inn i sjekklister, referat, skjema og prosedyrar. Det som vert praktisert i samband med kvalitetssikringa, vil verta skriftleg dokumentert. For handtering av avvik er det klare og eintydige rutinar, og det vert dokumentert kva som vert gjort for å følgje opp avvik. Kvart år vil det verte føreteke ein gjennomgang av heile kvalitetssikringssystemet for å fastslå om aktivitetane og praksis stemmer overeins med det som er planlagt. Denne kvalitetsrevisjonen dannar grunnlaget for vår sertifisering som Olweus-skule. Gjennomføring av kvalitetssikringssystemet Med utgangspunkt i sine primæroppgåver, er det lagt opp til at skulen sitt kvalitetssikringssystem skal ha hovudfokus på rapportering, oppfølging, evaluering og utvikling. Det vert lagt opp til rutinar som er meiningsfulle for involverte partar og som stimulerer til forbetring og utvikling. Ansvarsforholda i kvalitetssikringssystemet kan oppsummerast i følgjande punkt: Skuleeigar har gjennom 13 10 i Opplæringslova ansvar for å sikre at krava i kapittel 9a vert ivareteke på kvar skule. har hovudansvaret for kvalitetssikringsarbeidet ved jf Opplæringslova 9a-4 har ansvar for ein forvaltningspraksis ved å registrere saker og fatte enkeltvedtak slik lova krev. Sakene vert registrert i kommunen sitt saksbehandlingssystem. har ansvar for å rapportere om kvalitetssikringsarbeidet til skulemiljøutvalet Skulemiljøutvalet har ein rådgjevande funksjon ovanfor rektor i alt skulemiljøarbeid. Alle i personalet har plikt til å undersøke og rapportere til rektor ved mistanke om mobbing, og å gripe inn og stoppe når mobbing skjer, jf Opplæringslova 9a-3 Kontaktlærar er hovudansvarleg for å rapportere til rektor og setja i verk planlagde førebyggjande tiltak Elevane skal delta som samarbeidspartnerar i kvalitetsarbeidet jf Opplæringslova 9a-5

Oversyn over rapporteringsansvar Aktivitet Ansvar for Tidspunkt rapportering Sjekkliste rektor Ved skuleslutt Sjekkliste kontaktlærar Kontaktlærar Desember og april Referat Olweus Kontaktlærar Sjekkliste personal haust Sjekklist personal vår Referat samtalegrupper Nøkkelperson Introduksjonskurs Instruktør kurs Referat introduksjonskurs Instruktør kurs Sjekkliste elevråd Kontaktlærar for Etter gjennomført elevrådet Referat i elevråd Kontaktlærar for Etter gjennomført elevrådet Melding om avvik Den som oppdagar Umiddelbart avviket Avviksbehandling Kontinuerleg Saksbehandling kapittel 9a Kontinuerleg Gaupne skule var tidleg ute med å opprette Skulemiljøutval, jf. Opplæringslova 11-1a. Eit velfungerande skulemiljøutval er viktig for at arbeidet med å skape eit godt arbeidsmiljø for elevane skal lukkast. Det skal bidra til å skape ryddigheit i tilhøvet mellom skule og heim ved at det vert oppretta klare linjer for samarbeidet. Det er eit mål at Skulemiljøutvalet skal utøve innflytelse gjennom å vere ein utviklingspartnar i skulemiljøarbeidet og kvalitetssikre rutinar og prosedyrar. Skulemiljøutvalet ved Gaupne skule tek utgangspunkt i samarbeidsutvalet, og elevar, foreldre, pedagogisk personale, andre tilsette, skuleleiar og skuleeigar (politisk vald representant) er representert. Det er sett saman slik at representantane frå elevar og føresette er i fleirtal. Elevane er den primære gruppa i skulen, og deira læringsutbytte er avhengig av eit godt læringsmiljø. Elevrådet vel tre representantar til Skulemiljøutvalet. Elevane vert tekne med i planlegging og gjennomføring av det systematiske arbeidet ved skulen jf. 9a-5 om elevdeltaking i skulemiljøutvalet. Som elevrepresentantar i Skulemiljøarbeidet, skal elevane ha høve til å påverke og bidra i dette arbeidet. Gaupne skule er forplikta av forvaltningslova, og har rutinar for å kvalitetssikre at alle henstillingar på dette området vert handsama etter bestemmingane om einskildvedtak. Henstillingane vert registrert på eige skjema, og førebels svar vert gitt dersom ein ikkje har høve til å handsame henstillinga i løpet av ein

månad etter at den er motteken. Skulen skal fatte einskildvedtak i samsvar med forvaltningslova. Einskildvedtaket kan påklagast til Fylkesmannen. Linda Øvregard Røhme