KVALITETSPLAN FOR VEVRING SKULE. Introduksjon. Skulen sin visjon og pedagogiske grunnsyn: «Rom for alle, blikk for den enkelte»

Transkript

1 KVALITETSPLAN FOR VEVRING SKULE Introduksjon Vevring skule ligg i Naustdal kommune og er ein fådelt skule med elevar på trinn. Skuleåret 2012/2013 er elevane samla i ei klassegruppe. Elevane er delt i mindre grupper i basisfaga. Frå og med hausten 2013 vert skulen todelt igjen og får 2 kontaktlærarar. Rektor ved Vevring skule har 54,5 % administrasjon i skulen og barnehagen. Resten av stillinga er undervisningsstilling. Ein av lærarane ved skulen er instruktør i Olweusprogrammet. Skulen sin visjon og pedagogiske grunnsyn: «Rom for alle, blikk for den enkelte» Tryggleik, trivsel, oppleving og glede er føresetnader for motivasjon og læring. Alle elevar er unike. Dei har ibuande ressursar og kunnskapar. Læring skjer i samhandling mellom lærar og elevar, lærar og den enkelte elev og mellom elevar. Samarbeid skule og heim er svært viktig for barnet si læring. Gjennom tilpassa opplæring tar lærarane utgangspunkt i den enkelte elev sine føresetnader Undervisninga skal vere variert, og elevane skal få høve til å nytte ulike læringsstrategiar. Lærarane skal stille klare krav/forventningar til åtferd, orden, arbeidsinnsats og fagleg framgang. Vi vil kvarandre vel og vil gjere kvarandre gode. Barna på Vevring skal kjenne seg trygge, verdsette og få utvikle evnene fagleg, sosialt og kulturelt. 1

2 Dei skal ha eit godt læringsmiljø med utfordringar, trivsel, ansvar, samarbeid, gode opplevingar og få utvikle kreativitet. Barna på Vevring skule skal ha omtanke for kvarandre. For lærarane er det viktig at alle elevane blir godt integrerte ut i frå eigne føresetnader og bakgrunn. Barna skal møte tydelege, venlege vaksne som gjer eit aktivt og systematisk arbeid for å fremje eit godt psykososialt miljø. Gjennom vårt arbeid med relasjonskompetanse har vi erfart at lærar elev relasjonen er sjølve kjernerelasjonen i skulen si verksemd. Vi meiner at det skal vere rom for elevane sine gode idear, drivkraft og allsidige evner og uttrykk. Det oppnår vi ved å gje elvane tryggleik og trivsel i eit godt læringsmiljø. Programerklæring Ved endringar i Opplæringslova 1.april 2003 blei det slått fast at alle elevar i grunnskulen har rett til eit godt fysisk og psykososialt miljø som fremjar helse, trivsel og læring jf Opplæringslova 9a-1. Det blir understreka at skulane aktivt og systematisk må arbeide for eit godt psykososialt miljø der den einskilde eleven kan oppleve tryggleik og sosial tilhørigheit jf Opplæringslova 9a-3 første ledd. Dette gir viktige føringar for korleis arbeidet på dette området skal gjennomførast på Vevring skule. Som rektor vil eg aktivt og systematisk arbeide for at Vevring skule skal vere ein skule der alle tilsette, elevar og foreldre skal samarbeide om å motverke mobbing og antisosial åtferd. Bodskapen til dei som held på med mobbing skal vere heilt klar: Vi aksepterer ikkje mobbing på Vevring skule, og vi vil arbeide for å førebygge og hindre at dette skal skje. Skulen jobbar for å auke bevisstheit og kunnskap om mobbeproblem. Vi vil fjerne myter om mobbing og årsaker til mobbing. Vi engasjerer oss aktivt og gjer det i samarbeid med heimane. Vi bruker dei fire reglane mot mobbing. Vi gir støtte til og effektiv beskyttelse av mobbeofferet. 2

3 Systematiske tiltak 1. Kollegiet har samtalegrupper ein gong i månaden. 2. Personalmøte for alle tilsette to gonger i året. 3. Det skal haldast innføringskurs som omhandlar Olweus-programmet for nytilsette. 4. Olweus-spørjeundersøking om mobbing vert gjennomført i mai/juni kvart år. 5. Inspeksjonsplanen vert gjennomgått i oktober kvart år. 6. Lærarane og anna personale gjer aktiv bruk av dei fire skulereglane mot mobbing og handhever dei så konsekvent som mogeleg. 7. Kontaktlærarane held minimum 2 Olweus-møte i elevgruppene pr. månad om mobbing og beslekta tema. 8. Elevrådet har mobbing som tema i minst 2 møte pr. år. 9. Haust og vår har ein gjennomgang av Olweus- reglane og definisjon på mobbing. 10. Mobbing skal vere eit fast tema i elevsamtalene og konferansemøte. 11. Fast tema på foreldremøte om hausten der ein går gjennom prosedyrar for mobbing. 12. Personalet går gjennom prosedyrar i arbeid med mobbesaker 1-2 gonger om året i klassane. 13. Skulen samarbeider med bussjåførane om miljøet på skulebussen. 3

4 KVALITETSSIKRINGSSYSTEMET Vevring skule er pålagt å ha internkontrollsystem jf Opplæringslova 9a-4. Skulen har difor utvikla denne kvalitetsplanen som skildrar skulen sitt si kvalitetssikring på det psykososiale området. Planen beskriv dei systematiske tiltaka som skal gjennomførast for å sikre kvalitet, dei ressursane som må vere tilstade og rekkjefølgja av aktivitetane. Hovudfundamenta i dette arbeidet er Olweusprogrammet og System for kvalitetssikring av Olweusprogrammet. Kvalitetssikringssystemet dekkjer alle punkta i Olweusprogrammet mot mobbing og antisosial åtferd. I tillegg dekkjer det krava i Opplæringslova kap. 9a om det psykososiale miljøet. Hovudkomponentane i System for kvalitetssikring System for Kvalitetssikring av Olweusprogrammet har to hovudfundament: Olweusprogrammet mot mobbing og antisosial åtferd og Olweus-standard. Det inneheld også aktivitetskjerne med ein aktivitetssløyfe og ein kvalitetsplan. Det er utvikla prosedyrar for kritiske situasjonar der mobbing skjer eller der det er mistanke om mobbing. I tillegg er skulen sine planlagde og systematiske kvalitessikringsaktivitetar delt inn i sjekklister, referat, skjema og prosedyrar, Det som vert praktisert i samband med kvalitetssikringa, vert skriftleg dokumentert. For handtering av avvik er det klare og eintydige rutinar, og det blir dokumentert kva som vert gjort for å følgje opp avvik. Kvart år vil det bli gjennomført gjennomgang av heile kvalitetssikringssystemet for å fastslå om aktivitetane og praksis stemmer med det som er planlagt. Denne kvalitetsrevisjonen dannar grunnlag for vår verifisering som Olweus-skule. Systemet skal og liggje som elektronisk dokument med hyperkolping til rutinar og hjelpemiddel som inngår. GJENNOMFØRING AV KVALITETSSIKRINGSSYSTEMET Med utgangspunkt i Vevring skule sine primæroppgåver, er det lagt opp til at skulen sitt kvalitetssikringssystem skal ha hovudfokus på rapportering, oppfølging, evaluering og utvikling. Det vert lagt opp til rutinar som er meiningsfulle for involverte partar og som stimulerer til forbetring og utvikling. Ansvarsforholda i kvalitetssikringssystemet kan oppsummerast i følgjande punkt: Skuleeigar har gjennomgang i opplæringslova ansvar for å sikre krava i kapittel 9a vert ivaretekne på den enkelte skule. Rektor har hovudansvaret for kvalitetssikringsarbeidet ved Vevring skule jf. Opplæringslova 9a-4 4

5 Rektor har ansvar for ein forsvarleg forvaltningspraksis ved å registrere saker og fatte enketvedtak slik lova krev. Sakene skal registrerast i kommunen sitt sakshandsamingsarkiv. Rektor har ansvar for å rapportere kvalitessikringsarbeidet til skulemiljøutvalet. Skulemiljøutvalet har ein rådgjevane funksjon overfor rektor i alt skulemiljøarbeidet. Alle i personalet har plikt til å undersøke og rapportere til skulen sin leiar ved mistanke om mobbing, og å gripe inn og stoppe når mobbing skjer jf. Opplæringslova 9a-3. Kontaktlærar er hovudansvarleg for å rapportere til rektor og å iverksetje planlagde førebyggande tiltak. Elevane skal delta som samarbeidspartnarar i kvalitetssikringsarbeidet jf. Opplæringslova 9a-5. Oversikt over rapporteringsansvar og beslutningsnivå Aktivitet Ansvar for Tidspunkt rapportering Sjekkliste rektor Rektor Ved slutten av skuleåret Sjekkliste kontaktlærar Kontaktlærar Desember og april Referat Olweusmøte Kontaktlærar Rett etter gjennomførte møte Sjekklister personalmøte haust Rektor Rett etter gjennomførte møte Sjekklister personalmøte vår Rektor Rett etter gjennomførte møte Referat samtalegruppe Nøkkelperson/teaml Etter gjennomførte møte Introduksjonskurs Instruktør Rett etter gjennomførte kurs Referat introduksjons kurs Instruktør Rett etter gjennomførte kurs Sjekkliste elevråd Kontaktlærar elevr. Etter gjennomførte møte Referat møte i elevråd Kontaktlærar elevr. Etter gjennomførte møte Melding om avvik Den som oppdagar Umiddelbart avviket Avvikshandsaming Rektor Kontinuerleg Sakshandsamar kap. 9a Rektor Kontinuerleg 5

6 Ved Vevring skule er det oppretta skulemiljøutval jf. Opplæringslova 11-1a. Eit vel fungerande skulemiljøutval er viktig for at arbeidet med å skape eit godt arbeidsmiljø for elevane lukkast. Det skal bidra til å skape ryddigheit i forholdet mellom skule og heim ved at det opprettast klåre linjer for samarbeidet. Det er eit mål at skulemiljøutvalet skal ha medverknad gjennom å vere ein utviklingspartnar i skulemiljøarbeidet og kvalitetssikre rutinar og prosedyrar. I skulemiljøutvalet ved Vevring skule var elevane (fram til skuleåret 12/13, årssteg), foreldra dei tilsette og skulen representerte. Frå og med skuleåret 12/13 fekk foreldra fleire representantar i skulemiljøutvalet slik at dei er i fleirtal. Elevane er den primære gruppa i skulen si verksemd, og deira læringsutbytte er avhengig av eit godt læringsmiljø. Elevane blir tekne med i planlegging og gjennomføring av det systematiske arbeidet ved skulen jf. 9a-5 om elevdeltaking i skulemiljøarbeidet. Det er svært viktig å sikre trygg sakshandsaming. Vevring skule har rutinar for å kvalitetssikre alle henvendingar på dette området, og dei vert handsama etter reglane for einskildvedtak i forvaltningslova. Henstilling blir registrert på eige skjema, førebels svar blir gitt dersom ei henvending ikkje kan besvarast i løpet av ein månad etter den er motteken og einskildvedtak blir fatta i tråd med forvaltningslova sine reglar. Einskildvedtak om elevane sitt skulemiljø kan påklagast Fylkesmannen. Alle sakene journalførast i kommunen sit sakshandsamingsprogram. 6