HORDALAND FYLKESKOMMUNE MØTEBOK Fylkeseldrerådet i Hordaland Dato: 30. januar 2013 Kl.: 10.15-16.00 Stad: Fylkeshuset Bergen Agnes Mowinkelsgt. 5 Møterom 523, 5 et. Saknr.: 1/13-5/13 MØTELEIAR Margot Bertheussen DESSE MØTTE Bertheussen, Margot (PF) Ystanes, Kåre (PF) Reigstad, Monrad (PF) Davidsen, Anne-Karin (LOP) Trædal, Arne Gunnar (FSF) Hansen, Jette Lunemann (A) Vik, Dagfinn (FRP) FORFALL Linde, Ingri Agathe (LOP) DESSUTAN MØTTE Rådgjevar Dagmar R. Hillestad Møtesekretær Dianne Kilvær MERKNADER TIL INNKALLINGA Det var ingen merknader til innkallinga. GODKJENNING AV SAKLISTA Det var ingen merknader til sakslista. GODKJENNING AV MØTEBOKA 20.11.12 Det var ingen merknader til møtebok av 20.11.12. 1
YMSE Møte vart innleia med eit minutt stillhet for avdøydde leiar i rådet Sigmund Olsnes. Endra møtedato for fylkeseldrerådet februar 2013 Tidlegare tillyst rådsmøte 19. februar går ut, og ny møtedato vert torsdag 21. februar. OPEN POST Informasjon og oppfølging av saker vert også framlagt som sak 5/13 Forprosjekt - kollektivstrategi for Hordaland Representanten frå fylkeseldrerådet, Jette Lunemann Hansen, informerte om at møtedato er sett til 14. februar kl. 0930-1230. Orientering v/margot Bertheussen Etter bortfall av Sigmund Olsnes trer Margot Bertheussen inn som fungerande leiar og Kåre Ystanes går inn som nestleiar inntil ny konstituering av fylkeseldrerådet i møte 11. april. Suppleringsval til fylkeseldrerådet skal først opp i fylkestinget 12. 13. mars. Monrad Reigstad som er varamedlem for Sigmund Olsnes og Anne-Karin Davidsen som er varamedlem for Ingri A. Linde presenterte seg i møte. Ingri A. Linde har meldt at ho ynskjer å trekkje seg frå rådet på grunn av eiga helse. Landslaget for offentlege pensjonistar, LOP Bergen og omland, vil sende skriftleg melding om dette. Brukarutvalet i Helse Vest Dagfinn Vik er representant frå råda for eldre i vestlandsfylka i Regionalt brukarutval i Helse Vest. Han orienterte frå møte 1. og 29. november og viste til referat som vart utdelt i møte. Sekretariatet sender desse referata til råda for eldre i Rogaland og Sogn og Fjordane. Brukarutvalet i Helse Bergen Margot Bertheussen er vara i Brukarutvalet i Helse Bergen. Ho orienterte frå møte 14. januar og syntes det var interessant å få innblikk i psykiatrien og informasjon om eit nyoppretta lågterskeltilbod ved Sandviken Sykehus for ungdom 18-30 år. For å nytta dette tilbodet treng ein ikkje henvisning frå lege. Ventelisteproblematikk og økonomi er gjentakande tema. Eit anna tema er språkopplæring i helsevesenet. Det er viktig å merka seg den opplæringa som Sverige har lagt opp til. Referat vert å senda sekretariatet. Brukarutvalet i Helse Fonna Margot Bertheussen er representant frå fylkeseldrerådet i Brukarutvalet i Helse Fonna. Ho orienterte frå møte i januar der direktøren for helseføretaket var til stades og informerte om Valen sjukehus og svara på spørsmål. Referatet vert å senda sekretariatet. Brukarutvalet ved Haraldsplass Diakonale Sjukehus Arne Gunnar Trædal er representant i Brukarutvalet ved Haraldsplass Diakonale Sjukehus. Nytt brukarutval vart oppretta i desember 2012. Trædal har enno ikkje motteke innkalling til møte. 2
Det er viktig at alle referat frå brukarutvalsmøtene vert sendt sekretariatet, slik at dei kan leggjast fram som melding i saksdokumenta til rådsmøta. Konferanse om medverknad i arbeid med universell utforming etter plan- og bygningslova Margot Bertheussen, Dagfinn Vik, Arne Gunnar Trædal, Monrad Reigstad og Dagmar Reutz Hillestad var deltakarar på konferansen på Scandic Bergen Airport Hotel på Kokstad 28. 29. januar 2013. Tema for rådsmøter våren 2013 21. februar: fylkeseldrerådet inviterer den nye fylkerådmannen Rune Haugsdal 11. april: rådet inviterer Skyss - markedssjef Målfrid Vik Sønstabø Planleggingsmøte 21. februar I samband med rådsmøte 21. februar vert det planlegging av Aktivitetsdagen 10. mai og Den internasjonale eldredagen 1. oktober. Sekretariatet kallar inn representantar frå Bergen Eldreråd, Bergen Turlag, tannhelseavdelinga, idrettskontoret og folkehelsekoordinator i fylkeskommunen til å møta. Økonomioversikt Fylkeseldrerådet i Hordaland fekk framlagt økonomioversikt over nytta budsjettmidlar for 2012 i møte 30. januar. Rådet har tidlegare gjort ved vedtak når det gjeld utbetaling av tapt arbeidsforteneste ved deltaking på kurs og konferansar. Økonomi vert sett på sakskartet til neste rådsmøte 21. februar. Sekretariatet lagar ein oversikt over forventa kostnader når det gjeld rådsmøter, konferansar og liknande. Landskonferanse 28. 30. mai Nord-Trøndelag fylkeskommune v/rådet for eldre har invitert til landskonferanse, og fylkeseldrerådet vil i rådsmøte 21.februar avgjera kven som skal delta frå rådet. Vestlandskonferansen 2013 Rogaland fylkeskommune v/rådet for eldre vil stå som arrangør for vestlandssamlinga i 2013. Det har kome inn forslag til aktuelle datoar for når ei slik samling kan haldast, og rådet ber sekretariatet melde inn høvelege datoar for Hordaland. Informasjon v/fylkeskultursjef Anna Elisa Tryti Fylkeskultursjef Anna Elisa Tryti frå Kultur- og idrettsavdelinga i fylkeskommunen informerte om Planprogram for regional kulturplan 2014-2004. Ho gjekk gjennom dei fire hovudtema og peika på kvar fylkeseldrerådet kan medverka i planen. Tryti vil om ein månad sende sine reviderte foilar til sekretariatet for vidaresending til rådsmedlemane. Sekretariatet syter for å sende e-postadresse på leiar og sekretariat til Tryti. Fylkeskultursjefen vil sørgje for at eldrerådet blir med i referansegruppe og som høyringsinstans, og valde Jette Lunemann Hansen som rådet sin representant til referansegruppa. 3
MELDINGAR Periode: 21. november 2012-30. januar 2013 Nr. Arkivsak Referatsakstittel 1/13 201112604-89 Behov for styrket geriatrisk kompetanse ved Haukeland Universitetssykehus. 2/13 201112604-90 Fylkeseldrerådet i Hordaland - uttale til "Årsbudsjett 2013/Økonomiplan 2013-2016" 3/13 200802624-14 Brukarar av TT-ordninga - oversendingsforslag i fylkestinget Kommentar: Samferdselsutvalet har bedt administrasjonen legg fram sak om ordninga i løpet av våren 2013. Fylkeseldrerådet ber om å få framlagt saka til orientering. 4
SAKNR. 1/13 FYLKESELDRERÅDET SIN REPRESENTASJON TIL BRUKARUTVALET I HELSE BERGEN Saka vart utsett til neste møte, men Fylkeseldrerådet i Hordaland har oppnemnd Monrad Reigstad som midlertidig representant som vara til Brukarutvalet i Helse Bergen i perioden 01.01 11.04.13. 2/13 ELDRERÅDSKONFERANSEN FOR KOMMUNALE ELDRERÅD I 2013 Fylkeseldrerådet i Hordaland fylgjer opp Handlingsprogram for perioden 2013-2015 med omsyn til å arrangera årlege konferansar for dei kommunale eldreråda i fylket. Rådet har valt Grand Hotel Terminus som konferansestad og tid for ei slik samling er sett til 23.-24. oktober 2013. Rådet godkjenner arbeidsutvalet sitt forslag til program med fylgjande tema: - Folkehelse - Den kulturelle spaserstokken - Universell utforming - «Trygg hjemme» - bl.a. prosjektet i Lindås kommune - K5-programmet - Deltasenteret Rådet gjev arbeidsutvalet og sekretariatet fullmakt til å arbeide vidare med å førebu konferansen, og ber om å bli halden orientert om det vidare arbeidet i komande rådsmøter. 3/13 OPPFØLGING SAMHANDLINGSREFORMA Fylkeseldrerådet i Hordaland fylgjer opp vedtak i Handlingsprogram 2013-2015 som omhandlar samhandlingsreforma. Rådet tek informasjon frå Margot Bertheussen til orientering, og avgjer at det framlagde forslaget til skriv vert å senda dei kommunale eldreråda i fylket. 4/13 LYTTEVENER I GRUNNSKULEN - OPPFØLGING AV SAK Fylkeseldrerådet i Hordaland har i sitt Handlingsprogram 2013-2015 vedteke å fylgje opp dei kommunale eldreråda som ynskjer å iverksetje lytteven-prosjektet i kommunen. Rådet vil også fylgje opp vedtaket i sak 22/12 frå 20. november 2012 med omsyn til skrivet som skal sendast dei kommunale eldreråda i fylket. 5
5/13 ARBEIDSOPPGÅVER I RÅDET - INFORMASJON OG OPPFØLGING AV SAKER Fylkeseldrerådet i Hordaland tek sak til orientering. Dianne Kilvær 6