FUSA KOMMUNE MØTEPROTOKOLL Arkivsak: 12/148 Løpenummer: 12/6586 Utval: Kommunestyret Møtestad: Kommunetunet Møtedato: 03.10.2012 Tid: 18:00 21:00 Innkalling til møtet vart gjort i samsvar med 32 i kommunelova. Sakslista vart sendt medlemene og varamedlemene i brev av 25.09.2012. Møtet vart kunngjort i ei avis, på heimesida og ved oppslag på kunngjeringsstadar i kommunen. Desse medlemene møtte: Atle Kvåle, Hans Ekeberg Ap Magne Djuvik, Kristine Hjartnes, Roger Hoel, Gunnar Hansen, Frp Steinar Skår, Aud May Boge, Steinar Berland, H Anne Martinsen, Asbjørn Heidal Krf Hans S. Vindenes, Margunn Y. Samnøy, Marianne Borge, Øyvind Nordbø, Haldor Tuft, Sp Birgitte H. O. Skibenes, SV Forfall og møtande varamedlemer: Stina K. Bergesen, Krf, hadde forfall. For henne møtte Jan Birger Landøy som vararepresentant. Anne-Grethe Gjerdevik, Ap, hadde forfall. For henne møtte Bergfrid Norheim som vararepresentant. Mikal Leigland, Sp, hadde forfall. For han møtte Herborg Nordtveit som vararepresentant. Gustav Folkestad, V, hadde forfall. For han møtte Arild Heggland som vararepresentant. Inhabilitet: Haldor Tuft, Sp, var ugild i sak 83/12. For han møtte Even Revne som vararepresentant. Andre som var tilstade på møtet: Rådmann Berit Fløisand Kommunalsjef Øyvind Haga Kontorsjef Gunn Sissel Teigen Økonomisjef Georg Espenes Brannsjef Gunnar Hatlelid Rådgjevar Anne Helen Helland
Merknader til innkalling og sakliste: Det var ingen merknad til innkalling og sakliste. Det var ingen merknad til at ekstrasak 87/12 handsama. Orientering: I samband med budsjettprosessen og at statsbudsjettet vert lagt fram 8.10.12 vert det ekstra møte i formannskapet onsdag 17.10.12 kl 19.00 i Kommunetunet. Ordførar Hans S. Vindenes, Sp, presiserte at representantane må melda frå om forfall og inhabilitet så tidleg som mogleg. Til dette møtet meldte representantar alt for seint ifrå; på formiddagen dagen før møtet og ikkje alle forfall var meldt. Det var eitt sjukdomsforfall. Dette fører til at vararepresentantar får for seint varsel og kan ikkje møta. For sein varsling medfører også mykje unødvendig ekstra arbeid for administrasjonen med å skaffa vararepresentantar. Forfall m/forfallsgrunn og inhabilitet skal meldast til postkasse@fusa.kommune.no eller 56580100. Ordføraren ba om at saka vert følgt opp i gruppene. Ordførar Hans S. Vindenes, Sp, presiserte elles at når politiske parti/grupper har møte i kommunale bygg, har ein ansvar for å rydda etter seg, lukka vindauga, sløkkja lys og låsa før ein forlet møterommet og bygget. Ordførar Hans S. Vindenes, Sp, presiserte at det er viktig at representantane raskt sjekkar at ein har motteke papira til møtet og at ein raskt gjev tilbakemelding til han eller administrasjonen dersom det manglar dokument. Ordførar Hans S. Vindenes, Sp, leia møtet. Evt. merknader til protokollen må sendast til Fusa kommune innan 14 dagar. Eikelandsosen 03.10.12 Hans S. Vindenes Ordførar Gunn Sissel Teigen Ansvarleg sekretær 2
Saksliste Sak nr. Sakstittel 077/12 GODKJENNING AV MØTEPROTOKOLL FRÅ MØTET 20.06.2012 078/12 2. TERTIALRAPPORT 2012 079/12 OMBYGGING AV IDRETTSANLEGG PÅ HOLDHUS - BRUK AV MVA-KOMPENSASJONSMIDLAR 080/12 TILSTANDSRAPPORT FOR GRUNNSKULEN I FUSA KOMMUNE 2012 081/12 PLANPROGRAM - KOMMUNEDELPLAN FOR IDRETT OG FYSISK AKTIVITET 2012-2019 082/12 FRAMLEGG TIL BEREDSKAPSPLAN FUSA KOMMUNE DEL 14 - ATOMBEREDSKAP 083/12 KLAGE PÅ KOMMUNESTYREVEDTAK - REGULERINGSPLAN FOR FV 122, KVÅLSHAUGEN / JORDMORSVINGEN I STRANDVIK 084/12 REGULERINGSPLAN FOR STEINUTTAK DALE, GNR 16 BNR 2, 3, 5 OG GNR 15 BNR 6 085/12 SØKNAD OM FRITAK FRÅ KOMMUNALE VERV - KRISTIANNA BERGET - SUPPLERINGSVAL 086/12 SØKNAD OM FRITAK FRÅ KOMMUNALE VERV - ÅSE KRISTIN UGLEHUS - EVT. SUPPLERINGSVAL 087/12 FORHANDLINGAR ETTER HOVUDTARIFFAVTALEN OPPNEMNING AV FORHANDLINGSUTVAL 3
077/12: GODKJENNING AV MØTEPROTOKOLL FRÅ MØTET 20.06.2012 RÅDMANNEN SITT FRAMLEGG TIL VEDTAK: Møtebok frå møte 20.06.2011 vert godkjend. Ordførar Hans S. Vindenes, Sp, orienterte om at han hadde fått spørsmål om møteprotokollen var riktig i sak nr 41/12. Ordførar Hans S. Vindenes orienterte om at han hadde undersøkt og at protokollen er i samsvar med forslaga som vart fremja i møtet og votering som vart gjort. Framlegget frå rådmannen vart samrøystes vedteke. KOM-077/12 VEDTAK: Møtebok frå møte 20.06.2011 vert godkjend. 078/12: 2. TERTIALRAPPORT 2012 RÅDMANNEN - NYTT FRAMLGG TIL VEDTAK 03.10.2012: Fusa kommune tek tertialrapporten til etterretning. Fusa kommune godkjenner bruk av disposisjonsfondet til å dekka følgjande meirutgifter til drift: - Godkjenner bruk av disposisjonsfondet til dekning av skuldige feieutgifter frå 2011 med inntil kr 489 247,-. - Fusa kommune gjer vedtak om dekning av skyldige meirutgifter til Jondal kommune i samband med klientsak med kr 288 000,-. I tillegg løyver Fusa kommune midler til følgende investeringsføremål: - Kr 125 000,- vert løyvd til dekning av skuldig meirutgift for erstatning til Kleppsvegen - Kr 200 000,- vert løyvd til dekning av meirutgift i samband med jordskredsaka på Vinnes/Skåtun. Med utgangspunkt i oppdatert økonomiplan som viser eit negativt avvik på 8,2 mill for 2013, er det svært viktig at alle einingane held budsjettet for 2012. Rådmannen må difor gjennomføra strakstiltak over for einingar som har overforbruk. Tiltak og rapport for budsjettutviklinga skal rapporterast til formannskapet i neste møte. Ny brannbil til Venjaneset brannstasjon må kjøpast inn snarast, med levering og 4
innarbeiding i budsjettet for 2013. Maks ramme vert sett til inntil kr. 2 mill. Total kostnadsramme for symjehallen vert auka med kr. 500.000 frå kr. 7.7 mill til kr. 8.2 mill. Kostnaden må innarbeidast i budsjettet for 2013. Ny saksutgreiing med framlegg til vedtak vart delt ut i møtet. Ved ein inkurie vart ein hjelpetekst med i ny saksutgreiing, den teksten vert teke ut. På vegne av Sp, Frp, og H fremja Magne Djuvik, Frp, følgjande forslag: Som rådmannen. Til ekstra formannskapsmøte i oktober 2012 skal rådmannen lag ein prioritert oversikt over akutte saker på bygningsvedlikehald. Asbjørn Heidal, Krf, fremja følgjande forslag: Som rådmannen sitt framlegg med fyljande tillegg: Opsalmarka kr 425.000. Løyvast over investeringsbudsjett 2013. Nore-Fusa reperasjon kr 300.000. Løyvast over driftsbudsjett 2013. Tilrådinga frå formannskapet vart samrøystes vedteke. Framlegg til tillegg fremja av rådmannen i møtet 03.10.12 vart samrøystes vedteke. Framlegg til tillegg fremja av Asbjørn Heidal fall mot 8 røyster. ( 3 Ap, 3 Krf, 1 SV, 1 V) Framlegg til tilegg fremja av Magne Djuvik vart vedteke med 18 røyster. KOM-078/12 VEDTAK: Fusa kommune tek tertialrapporten til etterretning. Fusa kommune godkjenner bruk av disposisjonsfondet til å dekka følgjande meirutgifter til drift: - Godkjenner bruk av disposisjonsfondet til dekning av skuldige feieutgifter frå 2011 med inntil kr 489 247,-. - Fusa kommune gjer vedtak om dekning av skyldige meirutgifter til Jondal kommune i samband med klientsak med kr 288 000,-. I tillegg løyver Fusa kommune midler til følgende investeringsføremål: - Kr 125 000,- vert løyvd til dekning av skuldig meirutgift for erstatning til Kleppsvegen - Kr 200 000,- vert løyvd til dekning av meirutgift i samband med jordskredsaka på Vinnes/Skåtun. Med utgangspunkt i oppdatert økonomiplan som viser eit negativt avvik på 8,2 mill for 2013, er det svært viktig at alle einingane held budsjettet for 2012. Rådmannen må difor gjennomføra strakstiltak over for einingar som har overforbruk. Tiltak og rapport for budsjettutviklinga skal rapporterast til formannskapet i neste møte. Ny brannbil til Venjaneset brannstasjon må kjøpast inn snarast, med levering og innarbeiding i budsjettet for 2013. Maks ramme vert sett til inntil kr. 2 mill. Total kostnadsramme for symjehallen vert auka med kr. 500.000 frå kr. 7.7 mill til kr. 8.2 5
mill. Kostnaden må innarbeidast i budsjettet for 2013. Til ekstra formannskapsmøte i oktober 2012 skal rådmannen lag ein prioritert oversikt over akutte saker på bygningsvedlikehald. 079/12: OMBYGGING AV IDRETTSANLEGG PÅ HOLDHUS - BRUK AV MVA-KOMPENSASJONSMIDLAR FORMANNSKAPET SI TILRÅDING: Ombygging av del av rulleskiløype ved Holdhus oppvekstsenter vert gjennomført som kommunalt utbyggingsprosjekt i samarbeid med Hålandsdal idrettslag. Kommunen vert framleis ståande som eigar av heile anlegget. Kommunen sin del av kostnaden vert mvakostnaden på inntil kr 63.000, som vert finansiert ved bruk av mva-kompensasjonsmidlar. Øvrig finansiering er midlar frå idrettslaget og bygdeutvalet Tilrådinga frå formannskapet vart samrøystes vedteke. KOM-079/12 VEDTAK: Ombygging av del av rulleskiløype ved Holdhus oppvekstsenter vert gjennomført som kommunalt utbyggingsprosjekt i samarbeid med Hålandsdal idrettslag. Kommunen vert framleis ståande som eigar av heile anlegget. Kommunen sin del av kostnaden vert mvakostnaden på inntil kr 63.000, som vert finansiert ved bruk av mva-kompensasjonsmidlar. Øvrig finansiering er midlar frå idrettslaget og bygdeutvalet 080/12: TILSTANDSRAPPORT FOR GRUNNSKULEN I FUSA KOMMUNE 2012 FORMANNSKAPET SI TILRÅDING Tilstandsrapport for grunnskulen i Fusa kommune vert lagt fram til orientering og drøfting. Hans Ekeberg, Ap, fremja følgjande forslag: 6
Sidan timar til spesialundervisning i grunnskulen i Fusa er høgt, og særleg høgt (ca 20%) på ungdomstrinnet, vert rådmannen beden om straks å setja i verk konkrete pedagogiske tiltak slik at timeressursar i større grad går til tilpassa opplæring og ordinær undervisning i klasserommet med fokus på mellomtrinnet. Tiltaka ber ein om vert lagt fram som melding til kommunestyret seinast i fyrste møtet i 2013. Ordførar Hans S. Vindens, Sp, presiserte at framlegget frå formannskapet til vedtak må ha følgjande formulering: Tilstandsrapport for grunnskulen i Fusa kommune vert teke orientering. Framlegg frå formannskapet om at tilstandsrapport for grunnskulen i Fusa kommune vert teke orientering fall mot 8 røyster. ( 4 Frp, 3 H, 1 Sp Haldor Tuft) Framlegget frå Hans Ekeberg, Ap, vart vedteke med 13 røyster. ( 3 Ap, 3 Krf, 5 Sp, 1 SV, 1 V) KOM-080/12 VEDTAK: Sidan timar til spesialundervisning i grunnskulen i Fusa er høgt, og særleg høgt (ca 20%) på ungdomstrinnet, vert rådmannen beden om straks å setja i verk konkrete pedagogiske tiltak slik at timeressursar i større grad går til tilpassa opplæring og ordinær undervisning i klasserommet med fokus på mellomtrinnet. Tiltaka ber ein om vert lagt fram som melding til kommunestyret seinast i fyrste møtet i 2013. 081/12: PLANPROGRAM - KOMMUNEDELPLAN FOR IDRETT OG FYSISK AKTIVITET 2012-2019 UTVAL FOR PLAN OG MILJØ SI TILRÅDING: Høyringsuttalane vert tekne til orientering og framlegg til planprogram vert godkjent slik det ligg føre i utkast per 23. mai 2012. Tittelen på planen vert endra til Kommunedelplan for idrett, friluftsliv og fysisk aktivitet 2012-2019. Vedlegg til saka vart ettersendt. Hans Ekeberg, Ap, fremja følgjande forslag til tillegg: Rapporten Folkehelse og levekår i Fusa 2012-2016 fylgjer saka som vedlegg. Tilrådinga frå utval for plan og miljø vart samrøystes vedteke. Framlegget frå Hans Ekeberg vart samrøystes vedteke. KOM-081/12 VEDTAK: Høyringsuttalane vert tekne til orientering og framlegg til planprogram vert godkjent slik det ligg føre i utkast per 23. mai 2012. Tittelen på planen vert endra til Kommunedelplan for idrett, friluftsliv og fysisk aktivitet 2012-2019. 7
Rapporten Folkehelse og levekår i Fusa 2012-2016 fylgjer saka som vedlegg. 082/12: FRAMLEGG TIL BEREDSKAPSPLAN FUSA KOMMUNE DEL 14 - ATOMBEREDSKAP UTVAL FOR PLAN OG MILJØ SI TILRÅDING: Fusa kommune vedtek Beredskapsplan for Fusa kommune del 14: Atomberedskapsplan, slik det framgår av vedlegg. Tilrådinga frå utval for plan og miljø vart samrøystes vedteke. KOM-082/12 VEDTAK: Fusa kommune vedtek Beredskapsplan for Fusa kommune del 14: Atomberedskapsplan, slik det framgår av vedlegg. 083/12: KLAGE PÅ KOMMUNESTYREVEDTAK - REGULERINGSPLAN FOR FV 122, KVÅLSHAUGEN / JORDMORSVINGEN I STRANDVIK UTVAL FOR PLAN OG MILJØ SI TILRÅDING: Dei klagene som er sett fram kom inn som merknader til planen når den låg ute til offentleg ettersyn. Ein kan ikkje sjå at det i klagene er kome fram nye moment i saka som ikkje er vurdert tidlegare. Det vert derfor rådd til at klagene ikkje vert tekne til følgje. Vedtaket er gjort i medhald av plan- og bygningslova 12-12 og 1-9. Haldor Tuft, Sp, spurte om han er ugild i saka og gjekk frå då han er nabo, jf. kommunelova 40 nr 3 jf. forvaltningslova 6 2. ledd. Even Revne, Sp, møtte som vararepresentant. 8
Kommunestyret vedtok samrøystes at Haldor Tuft er ugild. Tilrådinga frå utval for plan og miljø vart samrøystes vedteke. KOM-083/12 VEDTAK: Dei klagene som er sett fram kom inn som merknader til planen når den låg ute til offentleg ettersyn. Ein kan ikkje sjå at det i klagene er kome fram nye moment i saka som ikkje er vurdert tidlegare. Det vert derfor rådd til at klagene ikkje vert tekne til følgje. Vedtaket er gjort i medhald av plan- og bygningslova 12-12 og 1-9. 084/12: REGULERINGSPLAN FOR STEINUTTAK DALE, GNR 16 BNR 2, 3, 5 OG GNR 15 BNR 6 UTVAL FOR PLAN OG MILJØ SI TILRÅDING: Reguleringsplan m/føresegner datert 18.06.2012 og planbeskrivelse (utgreiing) datert 19.01.2012 saman med konsekvensutgreiing m/ ROS-analyse vert godkjent. Vedtaket er gjort i medhald av plan- og bygningslova 12-12. Tilrådinga frå utval for plan og miljø vart samrøystes vedteke. KOM-084/12 VEDTAK: Reguleringsplan m/føresegner datert 18.06.2012 og planbeskrivelse (utgreiing) datert 19.01.2012 saman med konsekvensutgreiing m/ ROS-analyse vert godkjent. Vedtaket er gjort i medhald av plan- og bygningslova 12-12. 085/12: SØKNAD OM FRITAK FRÅ KOMMUNALE VERV - KRISTIANNA BERGET - SUPPLERINGSVAL FORMANNSKAPET SI TILRÅDING: Søknad om fritak vert imøtekomen. Til kommunestyremøtet kjem Fusa Høgre med forslag om nytt medlem i kontrollutvalet 9
Steinar Skår, H, fremja følgjande forslag: Fusa Høgre foreslår Rannveig Næss som nytt medlem av kontrollutvalet for perioden 2011-2015. Tilrådinga frå formannskapet vart samrøystes vedteke. Kommunestyret vedtok samrøystes at Rannveig Næss vert nytt medlem av kontrollutvalet for perioden 2011-2015. KOM-085/12 VEDTAK: Søknad om fritak vert imøtekomen. Rannveig Næss vert nytt medlem av kontrollutvalet for perioden 2011-2015. 086/12: SØKNAD OM FRITAK FRÅ KOMMUNALE VERV - ÅSE KRISTIN UGLEHUS - EVT. SUPPLERINGSVAL FORMANNSKAPET SI TILRÅDING: Søknad om fritak vert imøtekomen. Til kommunestyremøtet kjem Fusa Ap med forslag om nytt medlem i ungdomsrådet. Ordførar Hans S. Vindenes, Sp, opplyste at Åse Kristin Uglehus også er 1. vararepresentant i si gruppe i plan og miljøutvalet. Hans Ekeberg, Ap, fremja følgjande forslag: Fusa Arbeidarparti foreslår Bergfrid Norheim som nytt medlem av ungdomsrådet og vararepresentant i utval for plan og miljø for perioden 2012-2015. Tilrådinga frå formannskapet vart samrøystes vedteke. Kommunestyret vedtok samrøystes at Bergfrid Norheim vert nytt medlem av ungdomsrådet og vararepresentant i utval for plan og miljø for perioden 2012-2015. KOM-086/12 VEDTAK: Søknad om fritak vert imøtekomen. Bergfrid Norheim vert nytt medlem av ungdomsrådet og vararepresentant i utval for plan og 10
miljø for perioden 2012-2015. 11
087/12: FORHANDLINGAR ETTER HOVUDTARIFFAVTALEN OPPNEMNING AV FORHANDLINGSUTVAL ORDFØRAR SITT FRAMLEGG TIL VEDTAK: Saka vart teke inn opp i møtet. Ordførar Hans S. Vindenes, Sp, orienterte om at det har vore eit forhandlingsutval som har vore samansett av 3 personar frå formannskapet Ordførar Hans S. Vindenes, Sp, fremja følgjande framlegg til vedtak: Ordførar Hans S. Vindenes, Sp, leiar i administrasjonsutvalet Atle Kvåle Ap og Magne Djuvik Frp, vert oppnemnt som forhandlingsutval. Dei skal gjennomføra lønsforhandlingar med rådmann. Ordførar kallar saman til første møte. Forhandlingsutvalet har mandat til å vedta forhandlingsprotokollen. Ordførar Hans S. Vindenes, Sp, sitt framlegg til vedtak vart samrøystes vedteke. KOM-087/12 VEDTAK: Ordførar Hans S. Vindenes, Sp, leiar i administrasjonsutvalet Atle Kvåle Ap og Magne Djuvik Frp, vert oppnemnt som forhandlingsutval. Dei skal gjennomføra lønsforhandlingar med rådmann. Ordførar kallar saman til første møte. Forhandlingsutvalet har mandat til å vedta forhandlingsprotokollen. 12