MØTEPROTOKOLL FUSA KOMMUNE. Utval: Kommunestyret Møtestad: Kommunetunet Møtedato: Tid: 17:

Transkript

1 FUSA KOMMUNE MØTEPROTOKOLL Arkivsak: 13/299-2 Løpenummer:13/3751 Utval: Kommunestyret Møtestad: Kommunetunet Møtedato: Tid: 17: Innkalling til møtet vart gjort i samsvar med 32 i kommunelova. Sakslista vart sendt medlemene og varamedlemene i brev av Møtet vart kunngjort i ei avis, og på heimesida. Desse medlemene møtte: Hans Ekeberg, Egil Riise, Ap Magne Djuvik, Kristine Hjartnes, Frp Steinar Skår, Aud May Boge, Steinar Berland, H Anne Martinsen, Asbjørn Heidal, Stina Kvåle Bergesen, Krf Hans S. Vindenes, Marianne Borge, Margunn Y. Samnøy, Øyvind Nordbø, Haldor Tuft, Mikal Leigland, Sp Birgitte H. O. Skibenes, SV Gustav Folkestad, V Forfall og møtande varamedlemar: Atle Kvåle, Ap hadde forfall. For han møtte Janne Gjøen Gjernes som vararepresentant. Gunnar Hansen, Frp hadde forfall. For han møtte Ernst Ove Hjartnes som vararepresentant. Roger Hoel, Frp hadde forfall. For han møtte Arne Holmefjord som vararepresentant. Andre som var tilstade på møtet: Rådmann Berit Fløisand Kommunalsjef Øyvind Haga Økonomisjef Georg Espenes Ansvarleg sekretær Gunn Sissel Teigen Deloitte AS v/revisor Unni-Renate Moe i sak nr 35/13 Markering av EM-medaljar: Anni Skåtun og Camilla Straumsnes, som har hatt stor suksess i karate- EM, fekk velfortent heider i kommunestyremøtet etter å ha vunne sølvmedaljar i kata. Fusa kommune er svært stolt over prestasjonane deira sa ordførar Hans S. Vindenes! Dei er medlemer i Fusa karateklubb som har over 100 aktive medlemer frå 7 til 61 år. Ordførar Hans S. Vindenes takka også leiaren Rune Opheim for innsats og resultata! Kommunestyret fekk også ei kort oppvisning av dei to medaljevinnarane.

2 Spørsmål og svar: Før sak nr 39/13 vart handsama svara ordførar Hans S. Vindenes, Sp, på tre spørsmål frå Hans Ekeberg, Ap: Arbeiderpartiet v/gruppeleiar Hans Ekeberg Ap hadde i e-post av sendt inn følgjande spørsmål til kommunestyremøtet: 1.EIKHOVDAHEIMEN Er leiligheitene på Eikhovdaheimen tilrettelagt for tilknyting til internett/tv? 2. TRAFIKKSIKRING OPPSALMARKA Også til dette møtet i K-sak 35/13 kan me lesa at kommunen framleis ventar på detaljteikningar frå konsulent. Teikningane er blitt lova ferdig mange gonger denne våren utan at det har skjedd noko. Sidan saka gjeld trafikksikring og bustadbygging er det svært viktig å koma vidare. Kva vil kommunen no gjera for å få detaljplanane utarbeidde sidan kommunen sit med ansvaret for framdrifta? Er det aktuelt å setja anna konsulentfirma på saka? 3. KOMMUNALE/PRIVATE VEGAR - AD-HOCGRUPPE Ad-hocgruppe vart oppnemnd i K-sak 5/13. Sidan saka er eit av fleire innsparingstiltak for kommunen også for inneverande budsjettår, ber me om svar på fylgjande spørsmål: Kva innsparing (ca) ser Ad-hocgruppa for seg i 2013 og 2014? Svar frå ordførar Hans S. Vindenes, Sp: 1. Det er lagt fram fiberkabel til kvart husvære. Kommunen kostar tilkopling, leigebuar må betala øvrige abonnementskostnadar. Her kan leigebuar få IP-telefon, internett og TV på vanleg måte. Det er også vidareført eit gammalt antenneanlegg (rikstv). 2. Kommunen har fått nødvendig teikningsmateriell. Dette er til endeleg godkjenning hos vegvesenet. Sidan det har vore dialog mellom konsulent og vegvesenet undervegs i arbeidet er det forventa at godkjenning er på plass i nær framtid. 3. I budsjettvedtaket frå des er det skore ned kr på vegvedlikehald. Økonomiplanen forutset ytterlegare kr frå Innsparinga i inneverande år vil bli reelt vesentleg mindre sidan eit evt nedleggingsvedtak tidlegast kjem i første del av oktober. Forøvrig viser eg til adhoc-gruppa.

3 Merknader til innkalling og sakliste: Det var ingen merknad til innkalling og sakliste. Møtet vart samrøystes lukka då sak 39/13 vart handsama. Saka vart handsama for lukka dører, jf. 31 nr 5 i kommunelova. Handsaming og drøfting i saka - er unnateke frå offentleg innsyn, jf. kommunelova 31 nr 5, off.lova 23 og 13, 13 då det er ei strategisak. Vedtaket i sak 39/13 er offentleg. Ordførar Hans S. Vindeness, Sp, leia møtet. Varaordførar Atle Kvåle, Ap, hadde forfall til møtet. Ordførar Hans S. Vindenes, Sp, fremja forslag om at Hans Ekeberg, Ap, vert varamøteleiar. Framlegget frå Hans S. Vindenes vart samrøystes vedteke. Evt. merknader til protokollen må sendast til Fusa kommune innan 14 dagar. Eikelandsosen, Hans S. Vindenes Ordførar Gunn Sissel Teigen Ansvarleg sekretær

4 Saksliste Sak nr. Sakstittel 033/13 GODKJENNING AV MØTEPROTOKOLL FRÅ MØTET /13 ÅRSMELDING OG REKNESKAP FOR FUSA KOMMUNE 035/13 1. TERTIALRAPPORT /13 STARTLÅN KOMMUNALE RETNINGSLINER 037/13 BEREDSKAPSPLAN FUSA KOMMUNE DEL 8: SMITTEVERNPLAN 038/13 BEREDSKAPSPLAN FUSA KOMMUNE DEL 12: BEREDSKAP KOMMUNALE VASSVERK 039/13 KRAV OM REFUSJON FOR KOSTNADER VED FJERNING AV FARTØY I BERGEGREND Unnateke offentleg innsyn 13,13, 23.

5 033/13: GODKJENNING AV MØTEPROTOKOLL FRÅ MØTET Rådmannen sitt framlegg til vedtak: Møtebok etter møtet vert godkjend. Møteboka frå møtet vart samrøystes godkjend. KOM-033/13 VEDTAK: Møteboka frå møtet vart godkjend. 034/13: ÅRSMELDING OG REKNESKAP FOR FUSA KOMMUNE FRAMLEGG TIL VEDTAK: Fusa kommunestyre vil gje ros til administrasjonen for ei omfattande og innhaldsrik årsmelding. Kommunestyret vil òg takka alle tilsette for den gode jobben dei gjer, ein tenesteproduksjon som plasserer Fusa kommune heilt i toppen på kommunebarometeret for Årsmelding og rekneskap for 2012 vert godkjent slik den ligg føre med følgjande tillegg: Overskotet på kr vert overført til disposisjonsfond, driftsføremål. 1.Fusa kommune ynskjer fortsatt å vera ei god lærebedrift. Fusa kommunestyre ber om at det i framtidige årsmeldingar blir avsett eit eige kapittel som beskriv lærlingesituasjonen. 2.Fusa kommune ynskjer å fortsatt ha ein god kvalitet på undervisninga i skulen Fusa kommunestyre ber om at det er eit klart mål som seier at alle lærarar må ha formell kompetanse i dei fag dei underviser i ( min. 30 studiepoeng ) Når det gjeld Fusa Ungdomsskule må lærarar som underviser i basisfaga norsk, matematikk og engelsk minst ha 60 studiepoeng. 3.Framtidig kommunestruktur. Fusa kommunestyre oppfordrar Ordføraren til å ta kontakt med ordførarar i kommunar som det er aktuellt å samarbeida med vedr. framtidig endring av dagens kommunestruktur. Det kan f.eks. etablerast eit Ordførar / Rådmann fora som arbeider med dette for at Fusa kommune skal vera best mulig budd på slike endringar.

6 Uttale frå kontrollutvalet m/vedlegg vedk. rekneskapet var delt ut på gruppemøte og i møtet som vedlegg til saka. Ordførar Hans S. Vindenes, Sp,fremja følgjande forslag: Som tilråding frå formannskapet med unntak av forslaga fremja av varaordførar Atle Kvåle, Ap. Tilrådinga frå formannskapet fekk 7 røyster ( 3 Ap, 3 Krf, 1 SV) og fall. Framlegget frå Hans S. Vindenes vart vedteke med 14 røyster. KOM-034/13 VEDTAK: Fusa kommunestyre vil gje ros til administrasjonen for ei omfattande og innhaldsrik årsmelding. Kommunestyret vil òg takka alle tilsette for den gode jobben dei gjer, ein tenesteproduksjon som plasserer Fusa kommune heilt i toppen på kommunebarometeret for Årsmelding og rekneskap for 2012 vert godkjent slik den ligg føre med følgjande tillegg: Overskotet på kr vert overført til disposisjonsfond, driftsføremål. 035/13: 1. TERTIALRAPPORT 2013 FRAMLEGG TIL VEDTAK: Tertialrapporten vert teken til etterretning. Uttale frå senior og råd for menneske med nedsett funksjonsevne var delt ut på gruppemøte og i møtet som vedlegg til saka. Magne Djuvik, Frp, fremja følgjande felles framlegg fråframstegspartiet, Senterpartiet og Høgre: Som framlegg frå formannskapet med følgjande tillegg: Fusa Kommune har ein utfordrande økonomisk situasjon som berre kan løysast gjennom godt samarbeid mellom kommunestyret, tilsette og innbyggarar i fellesskap. Kommunestyret har som mål at kommunen: 1) Kommunen skal ha overskot i rekneskap kvart år. 2) Fusa kommune skal framleis vera blant dei beste kommunane når det gjeld tenesteproduksjon 3) Folketalet skal auka.

7 For å nå desse måla ber kommunestyret rådmannen om å innhenta ekstern kompetanse som skal vurdera: 1) Kva reduksjonar kan gjennomførast utan at det betyr redusert kvalitet på tenestene. 2) Kva er lurt å gjera /ikkje gjera for å nå mål nr 3 - auke i folketalet. 3) Forslag til reduksjonar på minst 15 mill med konsekvensvurdering. Rapporten skal handsamast i kommunestyret innan utgangen av mars Kostnaden vert dekka av disposisjonsfond. Formannskapet får fullmakt til å godkjenna dei endelege økonomiske rammene for oppdraget. Asbjørn Heidal, Krf, fremja følgjande framlegg: 1. Viser til søknad frå soknerådet. Soknerådet får dekka auka pensjonskostnader med kr ,-. Dekka av driftsfond. 2. Det skal fremjast eige sak vedrørande sikring av historiske gravminne i Fusa kommune i samband med kommunebudsjettet for Hans Ekeberg, Ap, fremja følgjande framlegg: Som framlegg frå formannskapet med fylgjande fellestillegg frå Ap, Krf, V og SV: Med bakgrunn i den økonomiske situasjonen totalt sett i Fusa kommune, gjer me framlegg om at den totale tenesteproduksjonen i Fusa kommune skal vurderast av eit eksternt konsulentfirma så snart det er praktisk mogeleg. Kostnadsdekning frå disposisjonsfond driftsføremål. Mandatet vert å vurdera tenesteproduksjonen i lys av lover og føresegner (lovpålagde oppgåver og prognosar)innanfor kommunen sine økonomiske rammer slik at ein når kommunen sine 3 hovudsatsingsområde henta frå samfunnsdelen til kommuneplanen,» Fusa midt i blinken»: Berekraftig lokalsamfunn Treffsikre kommunale tenester Samhandling og samarbeid og når det overordna målet: Fleire fusingar Vidare har kommunen som mål at det skal vera overskot i rekneskapen kvart år kommunen framleis skal vera mellom dei beste når det gjeld kvalitet i tenesteproduksjonen I vurderinga av helse- og omsorgstenestene skal det takast omsyn til samhandlingsreforma, prognosar for alderssamansetjing i kommunen, avstandar i kommunen kommunikasjon, vedlikehald brukarane sine behov I vurderinga av oppvekstsektoren (skule- og barnehage) skal konsulentfirma vurdera organisering av den kommunale barnehage- og skulestrukturen, pedagogiske og sosiale moment i samband med ulike strukturmodellar

8 dei pedagogiske og økonomiske konsekvensane, medrekna vedlikehald, av å behalda dagens barnehage- og skulestruktur, praktiske SFO-løysingar avstandar i kommunen Tenestene i andre sektorar og i sentraladministrasjonen må vurderast med mål om å få: effektiv organisering brukarretta bemanning slik at lovpålagte oppgåver kan utførast i rimeleg tid politiske vedtak fylgt opp innan dei fristar som vert fastsett. Konsulentfirmaet får og i oppdrag å vurdera strategiar for auka tilflytting til Fusa kommune. Frist: februar 2014 Prøverøysting: Tilrådinga frå formannskapet fekk 0 røyster. Framlegget frå Asbjørn Heidal fekk 21 røyster. Framlegget frå Hans Ekeberg fekk 8 røyster (3 Ap, 3 Krf, 1 SV, 1 V) Framlegget frå Magne Djuvik fekk 13 røyster. (3 Fp, 3 H, 6 Sp) Endeleg røysting: Det vart røysta subsidiært. Tilrådinga frå formannskapet fekk 0 røyster og fall. Framlegget frå Asbjørn Heidal vart samrøystes vedteke. Framlegget frå Hans Ekeberg fekk 8 røyster (3 Ap, 3 Krf, 1 SV, 1 V) og fall. Framlegget frå Magne Djuvik vart vedteke med 13 røyster. (3 Fp, 3 H, 6 Sp) KOM-035/13 VEDTAK: Tertialrapporten vert teken til etterretning med følgjande tillegg: A) Viser til søknad frå soknerådet. Soknerådet får dekka auka pensjonskostnader med kr ,-. Dekka av driftsfond. Det skal fremjast eige sak vedrørande sikring av historiske gravminne i Fusa kommune i samband med kommunebudsjettet for B) Fusa Kommune har ein utfordrande økonomisk situasjon som berre kan løysast gjennom godt samarbeid mellom kommunestyret, tilsette og innbyggarar i fellesskap. Kommunestyret har som mål at kommunen: 1. Kommunen skal ha overskot i rekneskap kvart år. 2. Fusa kommune skal framleis vera blant dei beste kommunane når det gjeld tenesteproduksjon 3. Folketalet skal auka.

9 For å nå desse måla ber kommunestyret rådmannen om å innhenta ekstern kompetanse som skal vurdera: 4) Kva reduksjonar kan gjennomførast utan at det betyr redusert kvalitet på tenestene. 5) Kva er lurt å gjera /ikkje gjera for å nå mål nr 3 - auke i folketalet. 6) Forslag til reduksjonar på minst 15 mill med konsekvensvurdering. Rapporten skal handsamast i kommunestyret innan utgangen av mars Kostnaden vert dekka av disposisjonsfond. Formannskapet får fullmakt til å godkjenna dei endelege økonomiske rammene for oppdraget. 036/13: STARTLÅN KOMMUNALE RETNINGSLINER FRAMLEGG TIL VEDTAK: Fusa kommune vedtek retningsliner for startlån for Fusa kommune med verknad frå Tilrådinga frå formannskapet vart samrøystes vedteken. KOM-036/13 VEDTAK: Fusa kommune vedtek retningsliner for startlån for Fusa kommune med verknad frå /13: BEREDSKAPSPLAN FUSA KOMMUNE DEL 8: SMITTEVERNPLAN FRAMLEGG TIL VEDTAK: Fusa kommune vedtek Beredskapsplan for Fusa kommune del 8: Smittevernplan, slik det framgår av vedlegg. Tilrådinga frå formannskapet vart samrøystes vedteken. KOM-037/13 VEDTAK: Fusa kommune vedtek Beredskapsplan for Fusa kommune del 8: Smittevernplan, slik det framgår av vedlegg

10 038/13: BEREDSKAPSPLAN FUSA KOMMUNE DEL 12: BEREDSKAP KOMMUNALE VASSVERK FRAMLEGG TIL VEDTAK: Fusa kommune vedtek beredskapsplan for Fusa kommune del 12: Beredskapsplan for kommunale vassverk, slik den framgår av vedlegg. Tilrådinga frå formannskapet vart samrøystes vedteken. KOM-038/13 VEDTAK: Fusa kommune vedtek beredskapsplan for Fusa kommune del 12: Beredskapsplan for kommunale vassverk, slik den framgår av vedlegg. 039/13: KRAV OM REFUSJON FOR KOSTNADER VED FJERNING AV FARTØY I BERGEGREND Unnateke offentleg innsyn 13,13, 23. Vedtaket er offentleg. Saka vart handsama for lukka dører, jf. 31 nr 5 i kommunelova. Handsaming og drøfting i saka -er unnateke frå offentleg innsyn, jf. kommunelova 31 nr 5, off.lova 23 og 13, 13 då det er ei strategisak. Vedtaket i sak 39/13 er offentleg. KOM-039/13 VEDTAK: Saka vert ikkje anka. Rådmannen vert beden om å følgja opp innkrevjinga av kravet