Årsmelding 2013 Suldal Elverk KF Postadresse : Kontoradresse : Telefon : 52 79 26 00 Postboks 134 Postvegen 9 Telefaks : 52 79 26 01 4231 Sand 4230 Sand Org.nr: 971 034 998
Innhald INNLEIING... 3 OM SULDAL ELVERK... 4 REVISJON... 4 STYRET SIN RAPPORT... 5 ØKONOMI... 5 NETTDRIFT... 6 KRAFTSAL... 7 KRAFTPRODUKSJON... 7 INVESTERINGSPROSJEKT... 7 PERSONALTILHØVE... 8 HELSE MILJØ OG SIKKERHET... 8 SAMFUNNSANSVAR... 9 INNKJØP... 9 DET LOKALE ELTILSYN (DLE)... 9 DRIFTS OG PLANAVDELINGA... 10 OVERSIKT OVER LEIDNINGSNETT VED UTGANGEN AV 2013... 12 RESULTAT OG BALANSE 2013... 13 2
INNLEIING Forsidebildet viser resultatet av stormen som ramma Suldal og resten av Vestlandet første helga i desember 2013. På det meste var 130.000 kundar i Noreg utan straum. I Suldal ramma stormen hardast i Økstrafjorden; her var om lag 15 kundar utan straum i over eit døgn. Ekstremværet gir oss ei ny påminning om verdien av god skogrydding, god lokal beredskap og å ha eit solid og godt vedlikehalde straumnett. Elverksbransjen har gått gjennom store endringar dei siste åra, og det er lite som tyder på at det vil bli færre endringar i åra som kjem. Trenden er at bransjen dreier fokus frå forvaltning til forretning, og at det blir strengare skilje mellom monopoldrift og forretningsdrift. Regjeringa har satt ned eit utval som skal sjå på framtidig organisering av straumnettet i Norge. Reiten-utvalet legg fram si innstilling innan 30.april. I arbeidet med strategiplanen vart vi einige om nokre verdiar som vi ønskjer skal kjenneteikne Suldal Elverk, både internt og eksternt. Våre verdiar er: PÅ vi leverer, er energiske og tenkjer framover. SOLIDE vi er trygge og gode, dugande og pålitelege, vi er fagfolk og vi gjer det vi lovar. LYDHØRE vi lyttar til kundane våre, er oppmerksame, vakne og interesserte. REDELEGE vi er ærlege og truverdige. Det største investeringsprosjektet i 2013 har vore høgspentomlegging i samband med Sandsfjord bru. Bruprosjektet er ikkje berre viktig som vegprosjekt, men vil og vere med å sikre straumforsyninga i Suldal i åra som kjem. Rekneskapen for 2013 syner eit overskot på 11,7 millionar, eit historisk godt resultat for Suldal Elverk. Totalt sjukefråver i 2013 var 1,8%. Sand 11.04.13 Egil Bakke 3
OM SULDAL ELVERK Suldal Elverk KF er lokalisert i Suldal kommune og er eit kommunalt føretak som er eigd av Suldal kommune. Selskapet vart skipa 16.9.1916 som Sand Kommunale Elektrisitetslag. I samband med kommunesamanslåinga i 1965 vart dei andre einingane: Jelsa og Erfjord Ellag, Suldal Kommunale Elektrisitetsverk og Røldal og Øvre Suldal Kraftlag innlemma i det som no er Suldal Elverk. Suldal Elverk KF skal stå for ei forretningsmessig rasjonell drift av straumforsyninga innafor konsesjonsområdet, i samsvar med rammer og retningsliner frå NVE, og anna lovgjeving og regelverk som regulerer verksemda, med det samfunnsmessige ansvar for kraftforsyninga som er nedfelt i lov og regelverk. Elverket driv i dag elverkstenester innanfor følgjande områder: - Nettdrift med forsyningsområde i Suldal og delar av Hjelmeland. - Kraftomsetning hovudsakleg til kundar i Suldal kommune. - Produksjon av kraft. - Utbygging og drift av breiband/fibernett. - Drift av veglys for Suldal kommune. STYRET FOR ELVERKET Styret har i alt sju medlemer. Av desse vert styreleiar, nestleiar og tre styremedlemer valt av kommunestyret. To styremedlemer veljast av og blant dei tilsette i verksemda. Elverkstyret hadde ved utgangen av året fyljande samansetning: Odd Hotvedt (leiar) Nina Østebø (nestleiar) Hans Eide Harald Halvorsen Løland Berit Vestersjø Terje Bråtveit Kristian Steine REVISJON Rogaland Revisjon IKS Lagårdsveien 78 4010 Stavanger 4
STYRET SIN RAPPORT ØKONOMI Resultatet for 2013 viser eit overskot på 11,7 millionar mot budsjett 6,7 mill. Tabellen under viser nøkkeltall frå årets rekneskap: Nøkkeltall Rekneskap 2013 Budsjett 2013 Rekneskap 2012 Kraftomsetning totalt 136 GWh 137 GWh 138 GWh Kraftomsetning lokalt 98,8 GWh 100 GWh 98,1 GWh Kraftproduksjon SEV 12,9 GWh 14,0 GWh 14,9 GWh Snitt spotpris 29,0 øre 27,0 øre 21,8 Øre KILE kostnad 1,4 mill. 1,5 mill. 1,9 mill. Nettleige 32,5 øre 29,5 øre 29,5 Øre Nettramme 39,2 mill. 31,6 mill. 31,1 mill. Meir/Mindreinntekt 2,2 mill. 3,7 mill. 2,5 mill. Forslag til utbytte 4,0 mill. 0 mill. 0 mill. Konsesjonskraft til SK 21,3 mill. 22,1 mill. 14,0 mill. Tabellen under viser driftsresultat for kvart enkelt forretningsområde: Område Resultat 2013 Budsjett 2013 Resultat 2012 Kraftomsetning 1 049 1 118 2 520 Produksjon 1 735 1 483 780 Nettdrift 7 684 3 989 292 Breiband 1 011 422 819 Arbeid for andre 1 748 565 434 Driftsresultat 11 205 6 733 2 623 Styret foreslår at det vert avsett 4,0 mill. til utbytte til eigar, og at resten av overskotet vert tillagt eigenkapitalen til Suldal Elverk. Forslaget til utbytte er i samsvar med Suldal Kommune sin økonomiplan for 2014-2017. Årsrekneskapen er avgitt under forutsetning av fortsatt drift. 5
NETTDRIFT Nettdrifta utgjer hovudtyngda av aktiviteten i Suldal Elverk. Resultatet for 2013 enda på 7,6 mill. som er 3,7 mill. høgare enn budsjettert. Grunnen er i hovudsak avvik mellom budsjettert inntektsramme og endelig inntektsramme tildelt frå NVE. Nettdrifta er ei regulert monopolverksemd kor vi kvart år får tildelt ei inntektsramme frå NVE. Denne avgjer kor mykje vi kan ta inn i nettleige. Ramma vert rekna ut frå det linjenettet vi har, og dei geografiske tilhøva. I budsjettet for 2013 var inntektsramma på 31,6 mill. I januar 2014 fikk vi vite endelig innteksramme på 39,2 mill. Grunnen til den store auken i inntektsramme er auka pensjonskostnader i bransjen, auka refereranserente og høgt kostnadsnivå i bransjen i 2011. NVE har signalisert at inntektsramma vil synke dei næraste åra. Foreløpig ramme for 2014 er på 36,8 mill. År: 2007 2008 2009 2010 2011 2012 2013 Inntektsramme 25,3 26,6 29,5 34,4 32,9 31,1 39,6 *Alle tall i millionar kr. I 2013 har vi teke inn 2,2 mill mindre frå kundane enn det inntektsramma tilseier. I samsvar med regelverket er dette bokført som ei mindreinntekt, og vert lagt til tidlegare opparbeid mindreinntekt. Akkumulert mindreinntekt er i 2013 auka frå 4,9 mill. til 7,1 mill. Vi transporterte i 2013 ei kraftmengde på totalt 98,8 GWh, som er på same nivå som i 2012. Ved utgangen av året hadde elverket 3828 nettkundar. Dette er ein auke på 74 frå året før. Tabellen syner korleis utviklinga i distribuert kraftmengde har vore i dei siste åra: År: 2007 2008 2009 2010 2011 2012 2013 Kraftmengde 82,1 82,9 85,5 95,1 98,2 98,1 98,8 *Alle tall i GWh Ved utgangen av 2013 er det i alt 32 småkraftverk i drift i vårt konsesjonsområde. I desse vart det i 2013 produsert 106 GWh. I 2012 var totalproduksjonen 125 GWh. Det er framleis fleire småkraftverk i ulike stadier av planlegging og førebuing. Dette gjev mykje aktivitet for elverket i form av tilknyting til linjenettet vårt, og omfattande vurderingar og berekning av nye flaskehalsar. 6
KRAFTSAL Suldal Elverk har i dag eit straumprodukt: «Marknadskraft». Prisen på dette vert berekna ut i frå SPOT-prisen pluss eit påslag på 2,8 øre og eit fastbeløp på 30 kr pr. månad. Påslaget inkluderer kostnaden for elsertifikat. Tabellen under viser Suldal Elverk sin marknadsandel på straumsal. Marknadsandel 2007 2008 2009 2010 2011 2012 2013 Kundar % 96,2 96,1 96,0 95,2 93,8 92,7 91,5 Volum % 92,4 92,4 93,0 92,1 88,9 69,7 85,9 I 2013 har marknadsprisane på straum vore noko høgare enn året før. Gjennomsnittleg kraftpris på kraftbørsen NordPool var 29,0 øre pr. kwh eks. mva. Overskotet på straumsalet i 2013 vert 1,0 mill. mot budsjett 1,2. Suldal Elverk handterer salet av Suldal Kommune si konsesjonskraft. Prisen på konsesjonskraft var dette året 10,86 øre pr. kwh. (opp frå 10,79 året før). KRAFTPRODUKSJON Årsproduksjonen på Sand Kraftstasjon vart 12,9 GWh (14,9 året før). Resultatet frå kraftproduksjonen viser eit overskot på 1,7 mill. Dette er 0,3 mill. betre enn budsjettert. Avviket skuldast noko høgare pris og noko lågare driftskostnader enn budsjettert. I tillegg til vår eigen kraftstasjon eig vi 70% av aksjane i Steine Kraft AS. Steine Kraftverk hadde i 2013 ein produksjon på 4,5 GWh (5,5 GWh i 2012). Rekneskapen syner eit overskot på 58 000. Det vart ikkje utbetalt utbytte. I januar 2014 overtok Suldal Elverk 100% av aksjane i Økstra Kraft AS. Avtalen vart gjort i 2013. Kraftverket har ein normalproduksjon på 2,1 GWh. INVESTERINGSPROSJEKT Også i 2013 har vi hatt fleire store investeringsprosjekt. Totalt er det investert 19,9 mill. kr. Av dette er 13,5 mill. knytt til opprusting av straumnettet og 6,4 mill til breibandutbygging. 3,8 mill. av investeringane vert dekka inn med anleggstilskot frå kundar. Prosjekta er stort sett gjennomført i samsvar med budsjett for 2013. 7
Dei største investeringsprosjekta har vore: Høgspentomlegging i samband med Sandsfjord bru Høgspentomlegging i Kvildal Fiberutbygging på Ropeidhalvøya Fiberutbygging på strekninga Sand Kraftstasjon Suldalsosen Fiberutbygging Kvildal BREIBANDTENESTER Breibandutbygginga held fram med mål om 90% fiberdekning innan utgangen av 2015. I 2013 har hovudaktiviteten vore utbygging på Ropeidhalvøya, strekninga frå Sand Kraftstasjon til Suldalsosen og i Kvildalsområdet. Rekneskapen for 2013 viser eit underskot på 1,0 mill. for breibandavdelinga, som er 0,6 mill. større enn budsjettert. Grunnen er høgare personalkostnader enn budsjettert. Styret er bekymra for at ein til no ikkje har lukkast i å få ei god nok reserveløysing (redundans) for for fibernettet. PERSONALTILHØVE Ved utgangen av året utgjer samla arbeidskraft 27,3 årsverk, fordelt på 28 tilsette (inkl. to lærlingar); av desse er 3 kvinner. Selskapet har ei bevisst haldning til likestillingsspørsmål, både ved rekruttering og ved vurdering av løn. 2007 2008 2009 2010 2011 2012 2013 Personalkostnader 14,0 15,2 17,7 17,4 19,1 19,3 18,5 *Alle tall i millionar kroner Elverket har ein velkvalifisert og stabil arbeidsstokk, som utfører sine oppgåver på ein god måte. Trass i ein stram arbeidsmarknad for våre fag, har vi hittil greidd å rekruttere gode folk som vil kunne oppretthalde kompetansenivået i bedrifta. HELSE MILJØ OG SIKKERHET Elverket driv i ein bransje kor aktivitetane er forbunde med forholdsvis høg grad av risiko. Tryggleiksarbeid er difor svært viktig, og bedrifta prioriterer vernearbeidet høgt. Verneombod er valt for to år, med varamann. I tillegg er det satt ned eit HMS-utval som består av representantar frå leiinga, fagforeining og verneombod. 8
Bedrifta er knytt til bedriftshelseteneste gjennom Haugaland HMS. Bedrifta deltek i ordninga med inkluderande arbeidsliv, med hovudfokus på å halde sjukefråveret nede, og å halde folk i arbeid lengst råd, m.a. ved å unngå belastningsskader. HMS-system er etablert, og rapportering og oppfølging av uønska hendingar fungerer godt, og vert teke alvorleg på alle nivå i organisasjonen. Det har ikkje vore alvorlege skader i løpet av året. Det ytre miljø vert ikkje forureina av bedrifta, og ingen spesielle tiltak er iverksett i 2013. Det totale sjukefråveret var i 2013 1,8 %. Av dette var eigenmeldt sjukefråvær 1,0%; dette inkluderer fråvær ved barns sjukdom. SAMFUNNSANSVAR Suldal Elverk er ein aktiv bidragsytar til lokalsamfunnet. I 2013 støtta vi mellom anna opp om aktivitetar innan fotball, sykkel, langrenn, volleyball, Røde kors og Ryfylkedagane. Årets kulturstipend vart tildelt Siri Bråtveit som studerer film ved høgskulen på Lillehammer. Målet er at tilsette, kundar, eigarar og innbyggarar skal ha eit positivt syn på Suldal Elverk som ein ansvarleg samfunnsaktør. INNKJØP Elverket kjem inn under lovverket for offentleg innkjøp. Gjennom medlemskap i Kjøpekraft Vest har vi rammeavtalar innan dei fleste aktuelle innkjøpsområda. I 2013 har vi mellom anna inngått nye rammeavtalar på nettstasjonar, mobiltelefoni og drivstoff. DET LOKALE ELTILSYN (DLE) Elverket er pålagt å drive eit utstrakt kontrollarbeid for å oppfylle krava i Tilsynslova. DLE sine hovudoppgåver er godkjenning av nyanlegg, kontroll av anlegg som er i drift, og å drive elsikkerhet-informasjon. I tillegg vert system for internkontroll i næringsverksemder og institusjonar gjennomgått. Avdelinga utfører og måling av energisalet til våre kundar, endringar av målarar og drift av vårt system for fjernavlesing. Andre oppgåver er opplysning om enøk, brann-etterforsking og rapportering til myndigheitene. 9
Større aktivitetar som vart utførde i 2013 (2012): Bustader/hytter/andre 193 kontrollerte (139) Næringsverksemder 38 kontrollerte ( 55) Driftsbygningar/gardsbruk: 18 kontrollerte. ( 45) Når det gjeld kontrollarbeidet, har vi oppfylt krava frå Direktoratet for samfunnssikkerhet og beredskap. DRIFTS- OG PLANAVDELINGA Driftsavdelinga er ansvarleg for drift, vedlikehald og utbygging av elverket sitt fordelingsnett. Etter avtale med Suldal kommune står elverket for drift og vedlikehald av det offentlege veglysnettet i Suldal kommune. Suldal elverk si heimevaktordning vert administrert av driftsavdelinga, gjennom vaktlag samansett av ein eller to montørar og ei overordna ingeniørvakt. Vaktlaga har vakt ei veke om gongen. Planavdelinga er ansvarleg for planlegging av utbyggingsprosjekt, inkl. utrekning og fakturering av anleggstilskot, og i tillegg m.a. ajourføring av kartverk, og registrering av feil og avbrot. Det vart i 2013 planlagt 102 større og mindre prosjekt noko som er ein kraftig auke frå i fjor. Auken skuldast i hovudsak at også fiberprosjekt i stor grad blir handtert av planavdelinga. Straumforsyning til hytter/hyttefelt og småkrafttilknytingar er dei største og mest arbeidskrevjande delane av aktiviteten. 10
OVERSIKT OVER LEIDNINGSNETT VED UTGANGEN AV 2013 Regionalnett 66 kv (nettnivå 1 og 2) Luftleidning (nettnivå 1): Jordkabel: 41,9 km 0,4 km Transformatorstasjonar (nettnivå 2) Mo transformatorstasjon, 30 MVA transformator 66/22 kv Tysingvatn transformatorstasjon, 30 MVA transformator 66/22 kv Distribusjonsnettet (nettnivå 3, 4 og 5) Lokalt høgspenningsnett 21 kv (nettnivå 3) Luftleidning : 245,0 km (246,5) Jord- og sjøkablar : 91,6 km (89,9) Totalt : 336,6 km (336,4) Lågspentnett (nettnivå 5) Kabelnett : Luftnett : samla lengde 272,3 km Samla lengde 224,1 km Transformatorar (nettnivå 4) Totalt antall pr. 31.12.2013 330 stk 82 907 kva 12