ULSTEIN KOMMUNE MØTEPROTOKOLL. Utval: Ulstein kommunestyre Møtestad: Kommunestyresalen, Ulstein rådhus Dato: Tid: 18:00 22:50

ULSTEIN KOMMUNE MØTEPROTOKOLL Utval: Ulstein kommunestyre Møtestad: Kommunestyresalen, Ulstein rådhus Dato: 26.10.2017 Tid: 18:00 22:50 Faste medlemmer som møtte: Namn Funksjon Representerer Knut Erik Engh Ordførar FRP Alf Johan Antonsen Medlem FRP Einar Nevstad Medlem FRP Mariette Gjerde Medlem FRP Svein Børre Dimmen Medlem FRP Heidi Strand Medlem H Tor Meinseth Medlem H Kari Warholm Medlem H Knut Kleiven Medlem H Egil Ulfstein Medlem H Magne Grimstad jr. Medlem AP Hanne Notøy Medlem AP Marianne Breivik Medlem AP Ottar Kaldhol Medlem AP Steinar Torvik Varaordførar KRF Trond Berg Medlem KRF Odd Arne Vikebakk Medlem KRF Pål Grødahl Medlem V Eldar Knotten Medlem V Lisa Mari Breivik Anderson Medlem SP Oddvar Gjerde Medlem SP Faste medlemmer som ikkje møtte: Namn Funksjon Representerer Morten Feiring MEDL SV Renathe Rossi-Kaldhol MEDL AP Hannelore Måseide MEDL V Jon Åge Eidem MEDL FRP Varamedlemmer som møtte: Namn Møtte for Representerer Nils Einar Garnes Jon Åge Eidem FRP Magne Gurskevik Renathe Rossi-Kaldhol AP Håkon Waage Hannelore Måseide V Kersti Hasund Morten Feiring SV 1

Ellen Kvalsund* Ivar Mork** V AP * Frå kl. 21.50. Kvalsund tok del i handsaminga av sakene PS 17/71 74 og PS 17/76. ** Frå kl. 22.30. Mork tok del i handsaminga av sakene PS 17/74 og PS 17/76. Frå administrasjonen møtte: Namn Verner Larsen Arne Runar Vik Gry Osnes Nordal Anita Sundnes Marit Botnen Steinar Nummedal Ingunn Hestnes Svein Arne Orvik Stilling Konstituert rådmann Konstituert assisterande rådmann Kommunalsjef oppvekst Konstituert kommunalsjef teknisk Kommunalsjef helse og omsorg Økonomileiar Jurist Politisk sekretær Elles møtte Nav-leiar Anders Hammer. Permisjonar Eldar Knotten fekk permisjon kl. 20.52, undervegs i handsaminga av sak PS 17/75. Magne Grimstad fekk permisjon kl. 22.30, før handsaminga av sakene PS 17/74 og PS 17/76. 2

SAKLISTE Saksnr Tittel Arkivsaknr SPØRJETIME / OPEN TALARSTOL PS 17/68 GODKJENNING AV INNKALLING OG SAKLISTE PS 17/69 GODKJENNING AV PROTOKOLL FRÅ SISTE MØTE PS 17/70 MELDINGSSAKER RS 17/34 UL 04-17 SAK 35-17 FORSIKRINGSRÅDGIVINGSTENESTE - 2017/817 UTSKRIFT TIL ORDFØRAR OG RÅDMANN RS 17/35 2. TERTIALRAPPORT BARNEVERN 2017 2017/637 RS 17/36 OVERSENDINGSFRAMLEGG FRÅ SENTERPARTIET OM 2017/1010 BEVARING OG BRUK AV GRINDLØE RS 17/37 INNSATSTID VED NY BRANNSTASJON 2017/711 RS 17/38 PLASSERING AV NY BRANNSTASJON - INNSATSTID 2017/711 RS 17/39 OPPMODING OM NY HANDSAMING AV SAK OM 2017/711 BRANNSTASJONSTOMT FRÅ MANNSKAPSGRUPPA I ULSTEIN BRANNVESEN PS 17/71 TERTIALRAPPORT 2.TERTIAL 2017 2017/773 PS 17/72 FINANSRAPPORT 2.TERTIAL 2017 2017/1333 PS 17/73 NYTT DELEGERINGSREGLEMENT FOR ULSTEIN 2017/255 KOMMUNE PS 17/74 OREIGNING, DELAR AV GNR. 6, BNR. 6,12, 25 OG 126 PÅ SKEIDE, TAKST NR. 10 2017/10 PS 17/75 VERTSKOMMUNEAVTALE OM FELLES NAV KONTOR FOR 2017/2083 KOMMUNANE HAREID OG ULSTEIN PS 17/76 UTBYGGING TURVEG BREIFJELLET - ÅRDALEN 2017/358 ORIENTERINGAR: Om protokollane frå kontrollutvalet som vart lagde fram i kommunestyremøtet 21.9.2017 ved utvalsleiar Ivar Mork og Jostein Støylen frå Vest Kontroll Status og planar for Rovdefjordsambandet ved Magne Løvoll og Tor Inge Nygård SPØRJETIME: Spørsmål frå Håkon Waage: Etter 2-3a i skulelova har elevar og føresette rett til å krevje fritak frå undervisninga ut frå visse omsyn til religion eller livssyn. For elevar som er yngre enn 15 år er det dei føresette som utøver retten. Elevar som har fylt 15 år utøver retten sjølve. Ein må rekne med at 15-åringar vil ha behov for særleg tilrettelagt opplegg for å kunne forstå kva retten inneber og korleis den skal nyttast. Det er faktisk eit viktig element i demokratiopplæringa. Det er kanskje den første retten du får, at du blir religiøst myndig. Og kva inneber dette? 3

Føremålet med denne retten i skulelova er å sikre at Noreg respekterer grunnleggjande menneskerettar. Kommunen er skuleeigar og som det er vi pålagt eit særleg ansvar for å oppfylle dette føremålet. Det heiter soleis i eit eige punkt i paragrafen at: "Skoleeigaren skal årleg informere elevane og foreldra til elevar under 15 år om reglane for fritak og om innhaldet i opplæringa." Er dette gjennomført i år i dei skular som Ulstein kommune eig? Om svaret er ja: Når vart det gjort og på kva måte vart det gjort? Om svaret er nei det er eit par månadar igjen av året: Vil det bli gjort? Når vil det eventuelt bli gjort og på kva måte? Vidare, vert det gjort eller er det planlagt å gjere, særskilde tiltak for å sikre at elevar som nyleg er fylt 15 år forstår retten og korleis den skal nyttast? Svar frå ordføraren: Administrasjonen har laga eit svar som eg skal sitere. Skulane i Ulstein informerer årleg om høve til fritak frå gudstenester i skuletida, og det er laga eigne rutinar for slike gudstenester. Skrivet «Brev heim» vert sendt til heimane i god tid før skulegudstenesta. Vi har ikkje ei felles kommunal ordning som godt nok sikrar: "Skoleeigaren skal årleg informere elevane og foreldra til elevar under 15 år om reglane for fritak og om innhaldet i opplæringa." Dette kjem av at det er gjort ei vurdering i høve innhaldet i opplæringa, og at skulegudstenesta er vurdert til å vere den einaste aktiviteten som løyser ut denne retten til fritak. Vi ser at rutinane bør betrast, slik at informasjon om muleg fritak som lovparagrafen opnar for vert gitt også ved skulestart. Slik informasjon skal gjerast tilgjengeleg også på skulane/kommunen si heimeside. Både foreldre og elevar skal få informasjon om høve til fritak. Elevar som har fylt 15 år vert informert om at dei sjølve kan melde frå om fritak. Det er ikkje planlagt særskilde tiltak utover dette for å sikre at dei som nyleg har fylt 15 år forstår retten og korleis den skal nyttast. Foreldre må ta medansvar for at informasjon om retten vert forstått av eleven. Spørsmål frå Ottar Kaldhol: Mitt spørsmål er relativt enkelt: Har Ulstein eit demokratiproblem? Eg må innrømme for kommunestyret at eg vart noko sokken då eg las lokalavisa, der det stod at Ulstein kommune har eit demokratiproblem. Ikkje minst når det var ein av kommunestyret sine eigne representantar, formannskapsmedlem og ein gruppeleiar, som ikkje berre stilte spørsmålet om Ulstein kommune har eit demokratiproblem, men konstaterte og svarte ja, det har kommunen. Han forsterka faktisk svaret sitt med å peike på at også i førre periode hadde Ulstein kommune eit demokratiproblem. Han utdjupa det også vidare med å seie at han trudde at når det vart ein Frpordførar, så skulle det verte betre enn med ein Høgre-ordførar. No skal eg la det ligge, ordførar, for eg har såpass stor respekt for Jan Berset og dagens ordførar, som gjer så godt han kan, at eg skal ikkje ta opp det som tema. Men berre konstatere at representanten seier at den manglande demokratinissen vart med på lasset frå førre periode og over til dagens periode. For meg er dette eit relativt alvorleg spørsmål som eg ikkje kunne la ligge. Så om eg var sokken når eg las det, så kan det hende det går fram av innlegget mitt, i grunngivinga av spørsmålet mitt til ordføraren, eg har kome meg oppatt på igjen. Så eg er kanskje der eg bør vere. For det eg er opptatt av, det er dokumentasjonen, som også var gjengitt i lokalavisa, der det vart vist til den såkalla Knotten- 4

saka, som eg vil kalle den. Og eg vil reise spørsmålet til kommunestyret og ordføraren: Var den saka udemokratisk handsama? Det var vist i lokalavisa at ein av grunngivingane var raude saker, altså saker som er behandla i Ulstein kommune som er unnateke offentleg innsyn, eller bak lukka dører, som representanten beskreiv det som. Ja, den saka kan enkelt belysast ved å gå inn i protokollane frå alle møte som blir halde i Ulstein kommune, så viser det korfor det vart behandla raude saker, og kva grunngivinga var for at ein hadde slike saker. Då vil ein sjå: Er det mange fleire i år, så langt i år, eller fleire enn det var i fjor, for eksempel. Dette kan dokumenterast. Og så er det eit spørsmål: Er det eit demokratisk problem at innbyggarane sine interesser og omsyn blir ivaretekne ved at ein lukkar møtet? At kommunen sine økonomiske interesser blir tekne omsyn til ved at møtet blir lukka? Ja, vi har jo spurt Fylkesmannen om det. Og han gav jo også kommunen omsyn til det. Eg synest, ordførar, at vi skal vere romslege, også i ei slik alvorleg sak som dette. Eg oppfattar det som ei alvorleg sak. Takk for at eg framleis har ordet. Det som også er mitt poeng i denne saka, som eg anser for å vere rimeleg alvorleg, det er at kanskje kontrollutvalet ville vere det rette organet for å avklare om Ulstein kommune har eit demokratiproblem. Eg anser det for å vere vanskeleg for lokalavisa å svare på eit slikt spørsmål. Men eg er glad for at vi har moglegheit til å ta det opp. Eg vil faktisk oppmode formannskapet om å vurdere om dette er ei sak som høyrer heime i kontrollutvalet. I dette intervjuet, i grunngivinga for at kommunen har eit demokratiproblem, var det også peikt på den økonomiske situasjonen til kommunen. Ja, korleis skal ein tolke det? Den utfordrande situasjonen som kommunen no har kome i, er den framkomen gjennom vedtak som det kan reisast prinsipielle spørsmål til, knytte til demokrati eller ikkje-demokrati? Det var vidare peikt på at politikarane har vanskeleg for å få innsyn. Ja, av kven? Kven er det som nektar politikarane innsyn og i kva situasjonar? Mitt spørsmål og mi grunngiving for spørsmålet, er sjølvsagt knytt til lokalavisa, og eg må ta atterhald om at det som stod der er rett. Sidan dette stod for fleire dagar sidan og det ikkje har kome noka retting eller avkrefting, så må eg gå ut frå at det er rett, det som står der. Derfor vil eg stille spørsmålet, ordførar: Har vi eit demokratisk problem i Ulstein i dag, som gir oss grunn til å be om at kontrollutvalet ser på saka? Svar frå ordføraren: Det grunnleggande i eit demokrati er innbyggarane si moglegheit til å påverke politiske beslutningar. Dette gis i første rekke gjennom allmenn stemmerett og retten til å stille til val. At veljarane vel sine representantar til å ta avgjersler på vegne av folket er det vi kallar det representative demokratiet og det er dette som er grunnlovsfesta i Norge. I tillegg har vi det vi kallar direkte demokrati som handlar om å gis anledning til å aktiv i å påverke beslutningar i enkeltsaker. Eg vil våge å påstå at det aldri har vore betre moglegheit til å gjere dette enn no. Krav og forventningar til medverknad er noko som vert vektlagt i større og større grad, og som myndigheitene har stort fokus på. Slik er det også i Ulstein. Eg opplever at det er brei politisk einigheit i Ulstein at ein skal jobbe med demokratiutvikling, og det prøvar eg som ordførar å følgje opp så godt eg kan. Eg opplever også at administrasjonen er positivt innstilt til dette, og har vore flinke til å legge til rette for og delta i ulike tiltak som aukar medverknaden frå innbyggarane. Vi har innført ei rekke ulike tiltak som skal auke demokratiet, og eg kan nemne nokre eksempel: - Årlege krinsvise folkemøte opphaveleg eit forslag frå SV der ein etterlyste møte med grendalaga kvart år. Dette gode forslaget har vi endra til å verte årlege krinsvise folkemøter der aktuelle tema skal drøftast. I denne perioden har det vore halde 11 slike folkemøter med 5-600 deltakarar totalt sett. Mange av innspela har vorte tekne med vidare. 5

- Ideverkstadar vi har nytta kreative ideverkstadar til å utforme ny politikk som er godt forankra. Det har mellom anna vore ideverkstad knytt til samfunnsdelen av kommuneplanen både innanfor temaet «det nye vi mangfald og integrering» og i arbeidet med å utvikle sentrum i «Ulsteinvik 2046». Her har vi invitert både folk innanfor kommuneorganisasjonen og utanfor for å kome med bidrag til å finne gode løysingar. Slik har vi også jobba i andre saker som t.d «Teknologiskulen» der næringslivet har vore viktige bidragsytarar til å gi oss retning og innhald. - Demokratiprosjektet i Ulstein kommunestyret har løyvd 50 000 kr til å jobbe fram konkrete tiltak for å auke demokratiet gjennom nye løysingar. Mellom anna ser dei no på ein modell med eit fast innbyggarpanel slik Malmø kommune har gjort. Dei ser også på andre løysingar. - Demokratiprosjektet til Sunnmøre Regionråd alle partia i Ulstein har fått høve til å velje sine representantar til å sende deltakarar til dette prosjektet (5 faste og 2 vara). Også dette er eit bidrag til å auke kunnskapen og sjå moglegheitene som kan nyttast for å involvere fleire og for å betre forstå den moderne rolla som folkevald. - Betre innsyn overføring av kommunestyremøter, kortversjonar på saksutgreiingane, veileder på nettsida på korleis ein kan påverke (denne fekk forresten gullstjerne for beste praksis i kommunekompasset), meir aktiv bruk av Facebook, publisering av saklister og protokollar på nettet er eksempel på tiltak som vi har gjort for å auke innbyggarane sin kunnskap og innflytelse. - Felles stand opphaveleg eit forslag frå Sp som går på at ein nokre gonger i året held felles stand under kommunens logo der ein møter innbyggarane som eit kollegium, og dermed forhåpentlegvis senkar terskelen for å ta kontakt. - Brukarundersøkingar vår kommune har vore flinke til å gjennomføre jamlege undersøkingar, og vi har brukt funna til å forbetre oss. Vi har offentleggjort både ris og ros, for eksempel i årsrapportane dei 2 siste åra. Eg kunne nemnd fleire eksempel, men poenget mitt er vi har ein har ein rekke dokumenterte eksempel på at ein jobbar aktivt med auke det direkte demokratiet. Verda endrar seg, og sosiale medium tek i større grad over rolla som dei tradisjonelle mediehusa har hatt, og då må vi endre oss i lag med dette. Sjølv om vi heilt sikkert har forbetringspotensiale på mange områder (kanskje spesielt på det formelle) meiner eg vi jobbar godt på området. Då er det etter mi meining svært uheldig at ein av våre mest sentrale folkevalde nærast einsidig slår fast at vi er dårlege på demokrati i kommunen. Dette eignar berre til skada omdøme og kan ikkje kallast konstruktivt. ---------------- Ulsteinvik, 26.10.2017 Knut Erik Engh ordførar Svein Arne Orvik møtesekretær Lisa Mari Breivik Anderson Egil Ulfstein 6

PS 17/68 GODKJENNING AV INNKALLING OG SAKLISTE Innkallinga og saklista vert godkjende. PS 17/69 GODKJENNING AV PROTOKOLL FRÅ SISTE MØTE Protokollen frå møtet 21.9.2017 vert godkjent med ei retting: Under «Spørjetime / open talarstol» manglar spørsmålet Trond Berg stilte om turisme m.m. Det vert tatt med her: Spørsmål frå Trond Berg: Vi fekk ei flott innleiing med Destinasjon Ålesund og Sunnmøre. Det kom ein del eksempel på kva vi har vore gjennom det siste året. Vi har fått nokre enorme opplevingar, blant anna vi som har fått sitte tett på Karsten Warholm. Vi har opplevd ein mediestorm som ingen av oss som har vore med dei siste åra i idrett på høgt plan, har opplevd maken til. Og det, saman med «Heimebane» og anna, gir oss så mykje gratisreklame, at eg er litt nervøs for kor mange som eigentleg kjem hit til slutt. Så får vi håpe at det ikkje blir altfor godt vere heile tida, for då flyttar vel snart alle til Sunnmøre. Spøk til sides: Det som er alvoret, og som er positivt alvor, det er: Kva gjer vi no på kort sikt? Eg trur det ligg ein god del langsiktige planar, i det vi no har lagt inn i kommuneplanen om turisme. Vi er med som ein del av Destinasjon Ålesund og Sunnmøre. Men kva gjer vi for å samle dei gode kreftene som kommune, og for å ta med dei private? Så eg oppfordrar administrasjonen, med hjelp av oss politikarar, til å samle ressurspersonar i reiselivet, og tilbydarar, no ganske raskt, der vi lager ein kort plan saman, utan å måtte gjere store investeringar. Fordi eg trur den boosten vi no ser, og dei henvendelsane vi no får, er noko vi kan leve på og ta imot, viss vi gjer det på rett måte. Kanskje skal vi tenke litt ut av boksen? Kanskje skal vi servere gratis turistvertar i Ulstein kommune, som ein fin gest i 2018? Kanskje skal vi bruke det som ein del av integreringa, der vi tilbyr at nokon av våre nye landsmenn kan vere gratis turistvertar? Lat oss tenke litt ut av boksen utan at vi treng å bruke pengar. Eg oppfordra administrasjonen og politikarane til å ta ein liten stopp på det. Svar frå ordføraren: Vi gjer mykje i Ulstein i dag. Hanne Notøy var innom i stad, då vi hadde Tom Anker Skrede (frå Destinasjon Ålesund og Sunnmøre) på besøk, at vi kanskje ikkje er godt nok budde. Og det er vi nok ikkje. Men vi er medvitne om at vi ikkje er godt nok budde. Så vi gjer faktisk ein del ting i desse dagar. I Ulstein kommune er det stort sett kulturkontoret som har fått jobben med å koordinere ting. Vi veit at kulturkontoret forvaltar sjølve ein stor del av det som skal drage turistar hit, både gjennom kulturprogram og ikkje minst Arena. Dei har eit tett og godt samarbeid med Quality Ulstein Hotel, som sjølve seier at dei vil satse meir på turisme, fordi dei ser at dei treng den foten å stå på. Og dei har merka seg at idrettsarrangementa vi har hatt, har gitt dei veldig godt belegg og gode inntekter i litt trongare tider. Så har vi oppretta Ulstein næringslag. Ei oppmoding til alle næringsdrivande er å melde seg inn i næringslaget, og bli med dugnaden med å lyfte Ulstein vidare. Kulturkontoret har også vore kontaktleddet mellom NRK 7

og dei næringsdrivande i Ulsteinvik. Når NRK har spelt inn serien her, så har det faktisk gitt veldig store ringverknader, ikkje berre på overnatting, men også på handel i daglegvare, stillasutleigarar og veldig mange. Og vi har eit tett samarbeid opp mot Destinasjon Ålesund og Sunnmøre, naturlegvis, med tanke på det som kan kome av turisme i kjølvatnet av «Heimbane». Elles jobbar ein med bubilparkering og turkart, slik at ein gir den informasjonen som Tom Anker Skrede etterlyste. Og vi prøver å tenke regionalt. Og så vil eg seie at i samfunnsdelen i kommuneplanen, har vi lagt ganske høge ambisjonar på å satse meir på turisme. Det er bra. No rullerer vi kommuneplanens arealdel, og då er det viktig at vi som folkevalde også fyller opp der, med å legge til rette for meir fritidsbustader, rorbuer osv. Den oppgåva trur eg vi tek på alvor. Vi er ikkje heilt der vi kan vere, men eg trur vi er veldig bevisste på at vi er på veg. Det er ein dugnad for alle. PS 17/70 MELDINGSSAKER Ulstein kommunestyre viser til utale frå DSB om innsatstid og ber administrasjonen legge fram saka på nytt der følgjande er utgreia: Kostnadar knytt til kompenserande tiltak grunna forlenga innsatstid. Konkret forskjell i gjennomsnittleg utrykkingstid til sjukeheimen for dei ulike alternativa, og kva alternativ som ligg innanfor og utanfor akseptabel responstid. Grunnlaget for rekruttering av deltidsmannskap for dei ulike alternativa. Kommunestyret tek dei andre meldingane til vitende. Handsaming: Framlegg frå Frp, KrF, Ap og SV: Ulstein kommunestyre viser til utale frå DSB om innsatstid og ber administrasjonen legge fram saka på nytt der følgjande er utgreia: Kostnadar knytt til kompenserande tiltak grunna forlenga innsatstid. Konkret forskjell i gjennomsnittleg utrykkingstid til sjukeheimen for dei ulike alternativa, og kva alternativ som ligg innanfor og utanfor akseptabel responstid. Grunnlaget for rekruttering av deltidsmannskap for dei ulike alternativa. Framlegg frå ordføraren: Kommunestyret tek dei andre meldingane til vitende. Røysting: Framlegget frå Frp, KrF, Ap og SV vart vedteke med 17 mot 8 røyster. Framlegget frå ordføraren vart vedteke med 25 mot 0 røyster. RS 17/34 UL 04-17 SAK 35-17 FORSIKRINGSRÅDGIVINGSTENESTE - UTSKRIFT TIL ORDFØRAR OG RÅDMANN 8

RS 17/35 2. TERTIALRAPPORT BARNEVERN 2017 RS 17/36 OVERSENDINGSFRAMLEGG FRÅ SENTERPARTIET OM BEVARING OG BRUK AV GRINDLØE RS 17/37 INNSATSTID VED NY BRANNSTASJON RS 17/38 PLASSERING AV NY BRANNSTASJON - INNSATSTID RS 17/39 OPPMODING OM NY HANDSAMING AV SAK OM BRANNSTASJONSTOMT FRÅ MANNSKAPSGRUPPA I ULSTEIN BRANNVESEN 9

PS 17/71 TERTIALRAPPORT 2.TERTIAL 2017 1. Ulstein kommunestyre godkjenner tertialrapport for 2. tertial 2017. 2. Rådmannen vert pålagt å treffe tiltak for å redusere driftsunderskotet for 2017 så mykje som råd. 3. Rådmannen rapporterer vidare utvikling til formannskapet ut 2017. Handsaming: Tilrådinga frå formannskapet vart vedteken med 25 mot 0 røyster. PS 17/72 FINANSRAPPORT 2.TERTIAL 2017 Finansrapport for 2. tertial 2017 vert teken til vitende. Handsaming: Tilrådinga frå formannskapet vart vedteken med 25 mot 0 røyster. PS 17/73 NYTT DELEGERINGSREGLEMENT FOR ULSTEIN KOMMUNE 1. Ulstein kommunestyret godkjenner framlegg til nytt «Delegeringsreglement for Ulstein kommune», slik det går fram av vedlegg 1. 2. Verknadsdato frå 1. november 2017. 3. Følgjande delegeringsreglement vert oppheva: a. Delegasjonsreglement for Ulstein kommune, vedteke av Ulstein kommunestyre 20. september 2012 b. Administrativt delegasjonsreglement rådmannen, vedteke av rådmannen 15.11.2013 og individuelle vedtak om delegasjonar frå kommunalsjefar og leiarar stabsfunksjon gjort i medhald av dette delegasjonsreglementet. 4. Der det er motstrid mellom delegasjonar gjort i vedtak etter verknadsdato for det nye delegeringsreglementet, gjeld det nye delegeringsreglementet. 5. Rådmannen syter for tenlege oppdateringsrutinar, og bør årleg gå igjennom og oppdatere reglementet. Rådmannen får mynde til å gjennomføre oppdateringar av reglementet som følgjer av politiske vedtak som til dømes t.d. vertskommuneavtaler. 10

6. Formannskapet får mynde til å vedta endringar i reglementet, som ikkje er prinsipielle, når dette er naudsynt på grunn av lovendringar. 7. Når det gjeld formannskapet sitt mynde etter kommunelova 8 nr. 3, vert beløpsgrensa for sal, avhending, makeskifte, pantsetting av fast eigedom, samt avståing av, eller bortfeste av rett i fast eigedom heva frå dagens 2 millionar til 3 millionar kroner. Når det gjeld tvistelova 2-1 om partsevne, får formannskapet mynde til å reise sivile søksmål i alle saker. Handsaming: Tilrådinga frå formannskapet vart vedteken med 25 mot 0 røyster. PS 17/74 OREIGNING, DELAR AV GNR. 6, BNR. 6,12, 25 OG 126 PÅ SKEIDE, TAKST NR. 10 Ulstein kommune går til oreigning for del av eigedom med gnr. 6, bnr. 6, 12, 25 og 126 på Skeide slik det går fram av takstblad datert 6.9.2016. Heimel for vedtaket er reguleringsplan for Skeide vedteken av kommunestyret den 17.12.2015, sist revidert 15.12.2016, planid 20070011, jf. plan- og bygningslova 16-2. Det vert og søkt fylkesmannen om rett til å ta grunnen i bruk etter oreigningslova 25 (forhåndstiltredelse). Kommunestyret viser til dei drøftingar som har vore med parten og føreset at tingingar om overtaking av aktuelt areal vert forsøkt tekne opp igjen basert på avtaleframlegget frå september 2017 som ligg ved saka, jf. også takstblad datert 4.7.2017. Siste frist for frivillig avtale er 1. desember. Handsaming: Tilråding frå formannskapet: Ulstein kommune går til oreigning for del av eigedom med gnr. 6, bnr. 6, 12, 25 og 126 på Skeide slik det går fram av takstblad datert 6.9.2016. Heimel for vedtaket er reguleringsplan for Skeide vedteken av kommunestyret den 17.12.2015, sist revidert 15.12.2016, planid 20070011, jf. plan- og bygningslova 16-2. Det vert og søkt fylkesmannen om rett til å ta grunnen i bruk etter oreigningslova 25 (forhåndstiltredelse). Kommunestyret viser til dei drøftingar som har vore med parten og føreset at tingingar om overtaking av aktuelt areal vert forsøkt tekne opp igjen basert på avtaleframlegget frå september 2017 som ligg ved saka, jf. også takstblad datert 4.7.2017. Siste frist for frivillig avtale er 1. desember. Framlegg frå Venstre: 11

Ulstein kommunestyre utset saka om oreigning til etter siste frist for frivillig avtale: 1. desember. Røysting: Det vart først røysta over utsettingsframlegget frå Venstre. Det fekk 3 røyster og fall. Tilrådinga frå formannskapet vart vedteken med 22 mot 3 røyster. PS 17/75 VERTSKOMMUNEAVTALE OM FELLES NAV KONTOR FOR KOMMUNANE HAREID OG ULSTEIN Vertskommuneavtale om felles NAV-kontor mellom Hareid og Ulstein kommunar vert godkjent som den ligg føre og med verknad frå 1. januar 2018. Ulstein kommunestyre delegerer til rådmannen i Ulstein mynde etter punkt 4.1. i vertskommuneavtalen. Rådmannen delegerer dette vidare til rådmannen i vertskommunen. Kommunestyret vil be NAV om å sikre at menneske som ikkje brukar digitale tenester til ei kvar tid får dei tenestene dei har bruk for. Kommunestyret ber om at NAV må legge til rette for spesialavtalar ved behov, for brukarar som har utfordringar med å reise til det nye kontoret på Hareid. Handsaming: Saka vart handsama som den første av PS-sakene, rett etter RS-sakene. Eitt dokument i saka var ettersendt før møtet: Uttale frå Ulstein pensjonistlag om flytting av Nav-kontor (løpenr. 14720/2017). Tilråding frå formannskapet: Vertskommuneavtale om felles NAV-kontor mellom Hareid og Ulstein kommunar vert godkjent som den ligg føre og med verknad frå 1. januar 2018. Ulstein kommunestyre delegerer til rådmannen i Ulstein mynde etter punkt 4.1. i vertskommuneavtalen. Rådmannen delegerer dette vidare til rådmannen i vertskommunen. Kommunestyret vil be NAV om å sikre at menneske som ikkje brukar digitale tenester til ei kvar tid får dei tenestene dei har bruk for. Framlegg frå Høgre: Ulstein kommune går i mot at Hareid kommune blir vertskommune for felles NAV-kontor. Ny vertskommuneavtale framforhandla med Ulstein kommune som vertskommune. Framlegg frå Venstre: 12

Kommunestyret vil ikkje godkjenne vertskommuneavtalen slik den no ligg føre. Kommunestyret ser positivt på samarbeidsordningar som kan styrke viktige offentlege tenester, men det må vere eit ufråvikeleg krav at brukarane i praksis får like god eller betre tilgang og kvalitet på tenestene. Inntil vidare vil kommunestyret derfor oppretthalde dagens Navorganisering. Framlegg frå Senterpartiet: [Tillegg til tilrådinga:] Kommunestyret ber om at NAV må legge til rette for spesialavtalar ved behov, for brukarar som har utfordringar med å reise til det nye kontoret på Hareid. Røysting: Framlegget frå Høgre fekk 7 røyster og fall. Framlegget frå Venstre fekk 8 røyster og fall. Tilrådinga frå formannskapet vart vedteken med 16 mot 8 røyster. Framlegget frå Senterpartiet vart vedteke med 24 mot 0 røyster. PS 17/76 UTBYGGING TURVEG BREIFJELLET - ÅRDALEN Tiltaket vert å sjå i samanheng med budsjett- og økonomiplanarbeidet for 2018 2021. Handsaming: Tilråding frå formannskapet: Tiltaket vert å sjå i samanheng med budsjett- og økonomiplanarbeidet for 2018 2021. Framlegg frå Trond Berg: Under føresetnad av at tiltaket vert gjennomført i 2017 vil Ulstein kommunestyre godkjenne ei investeringsramme på 300 000 kroner til bygging av turveg mellom Breifjellet og Årdalen. Anlegget vert finansiert med 150 000 kroner i gåve/tilskott og 150 000 kroner i spelemidlar. Ulstein kommune forskotterer spelemidlar fram til dei vert utbetalte. Røysting: Framlegget frå Trond Berg og tilrådinga frå formannskapet vart sette opp mot kvarandre. Tilrådinga frå formannskapet vart vedteken med 17 mot 8 røyster. --------------- o0o -------------- 13

Lenke vert sendt til: 1. Formannskapet 2. Rådmannen 3. Ass. rådmann 4. Kommunalsjefane 5. Mellomleiarane 6. Servicetorget 7. Kommunerevisoren 8. Vest Kontroll 9. Kontrollutvalet m/vara Ulstein kommune, politisk sekretariat 27.10.2017 Svein Arne Orvik 14