Fyresdal kommune Møteinnkalling Utval: Kommunestyret Møtestad: Kommunestyresalen Kommunehuset Dato: 10.12.2015 Tid: 19:00 kommunestyremøte 15:00 17:00 og 18:00 19:00 Gruppemøte 17:00 Middag på Teisner Forfall meldast til sentralbordet på tlf. 35 06 71 00. Varamedlemmer møter bare etter nærare varsel. Overføring på www.fyresdal.kommune.no webtv frå kl 19:00 Saksliste Utvalssaksnr PS 103/15 PS 104/15 PS 105/15 Innhald Referatsaker Nedsetjing av arbeidsgruppe for gjennomgang av Personalpolitiske retningsliner 2016 Økonomiplan 2016-2019 og årsbudsjett 2016 for Fyresdal kommune Fyresdal 3. desember 2015 Erik Skjervagen ordførar Fellestenesta utvalssekretær
PS 103/15 Referatsaker RS 385/15 Referat frå Vest-Telemarkrådet RS 386/15 Orienteringar RS 387/15 Orientering om Heim=Fyresdal v/faun RS 388/15 Møteplan 2016
Fyresdal kommune Arkiv: Saksmappe: 2015/1829-1 Saksbeh.: Eva Greivstad Dato: 26.11.2015 Saksframlegg Nedsetjing av arbeidsgruppe for gjennomgang av Personalpolitiske retningsliner 2016 Utval Utvalssak Møtedato Kommunestyret 104/15 10.12.2015 Endeleg vedtaksrett i saka har: Kommunestyret Dokument i saka: Personalpolitiske retningsliner Kommunestyresak 51/15 Budsjettinnsparingar Bakgrunn for saka: I kommunestyresak 51/15 budsjettinnsparingar kom den nedsette arbeidsgruppa med fyljande innspel: - Endringar i Personalpolitiske retningslinjer (PPR) når det gjeld: o Reduksjon av ekstra fridagar for arbeidstakerar som er over 62 og 64 år. o Fjerne stillingsvern for arbeidstakerar etter eit års sjukemeldingsperiode. Vidare er det bestemt at retningslinene skal rullerast ein gong i kvar valperiode. Seist rullering var i september 2013. Vurdering: Spørsmålet/saka er vurdert ut frå følgjande mål i økonomiplanen for 2015 2018 - Vi legg til rette for tilsette i alle livsfasar Når ein skal inn og vurdere endringar i delar av PPR, slik ein vedtok i budsjettinnsparingssaka, er det fornuftig å samtidig ta ein rullering av heile PPR, det skal likevel gjerast i løpet av valperioden. For rullering av PPR bør det setjast ned ei arbeidsgruppe samansett av politikarar, arbeidsgjevarrepresentantar og tillitsvalde / verneombod. Politikerane i arbeidsgruppa bør ikkje vere tilsette i Fyresdal kommune. Saka blei nemnt i AMU møte 30.11.15 og dei tillitsvalde i AMU meiner at det bør vere to tillitsvalde og eit verneombod i arbeidsgruppa. Konklusjon: Administrasjonen foreslår at arbeidsgruppa blir sett saman av dei politiske representantane i Administrasjonsutvalet, ein tillitsvald, eit verneombod og to frå rådmannens leiargruppe.
Innstilling frå rådmannen: For rullering av Personalpolitiske retningsliner blir det nedsett ei arbeidsgruppe med dei politiske representantane i Administrasjonsutvalet, ein tillitsvald, eit verneombod og to frå rådmannens leiargruppe. Ketil O. Kiland rådmann Eva Greivstad personalkonsulent
Fyresdal kommune Arkiv: 150 Saksmappe: 2015/1442-16 Saksbeh.: Kjersti Bergland Dato: 13.11.2015 Saksframlegg Økonomiplan 2016-2019 og årsbudsjett 2016 for Fyresdal kommune Utval Utvalssak Møtedato Formannskap 70/15 17.11.2015 Arbeidsmiljøutvalet 14/15 30.11.2015 Administrasjonsutvalet 21/15 02.12.2015 Råd for eldre og menneske med nedsett funksjonsevne 17/15 07.12.2015 Kommunestyret 105/15 10.12.2015 Endeleg vedtaksrett i saka har: Kommunestyret Dokument i saka: Formannskapet sitt framlegg til økonomiplan 2015 2018 og årsbudsjett 2015 Bakgrunn for saka: Etter 44 og 45 i kommunelova skal kommunestyret kvart år vedtake årsbudsjett for neste kalenderår og økonomiplan for dei neste fire åra. Grunnlaget for neste års budsjett er inneverande års opprinnelege budsjett og dei langtidsmåla som ligg i samfunnsdelen av kommuneplanen. Vurdering: Saka er vurdert ut frå følgjande mål i økonomiplanen for 2015 2018:.vi opprettheld og brukar det økonomiske handlingsrommet. Budsjettarbeidet har i år vore gjennomført på fylgjande måte: - Rådmannen si leiargruppe har vore med i heile prosessen. - Tillitsvalde har vore informert gjennom heile prosessen. - Formannskapet har også kome med signal om kva ein skal prioritere. - Formannskapet legg fram si innstilling i november. - Innstillinga skal handsamast i ulike organ. - Kommunestyret gjer endeleg vedtak i desember. Generelle føresetnader for budsjett 2016 og økonomiplan 2016 2019: - Kommunestyret vedtek nettorammer for kvar sektor - Hovudutvala vedtek deretter avdelingsvise nettorammer og administrasjonen utarbeider detaljbudsjett. - Langsiktig del av kommuneplanen og mål for økonomiplanperioden har lege til grunn - Det skal ikkje vere auk i faste stillingar
- Det må utvisast stor respekt for budsjettrammene av den enkelte sektor Driftsbudsjettet: - Godtgjersle til folkevalde fylgjer reglement men med reduksjon på 2% til kommunestyrerepresentantar - Pensjonspremie for ansatte er budsjettera med 14% - Auke i diverse kontigentar - Rekneskapsføring for VTR frå 01.01.2016 - Auka utgifter til økonomisk sosialhjelp og hjelpetiltak i barnevernet - Supsidiera fotpleie for eldre vert avvikla - Oppretting av stilling som personleg brukarstyrt assistent - Oppretting av dagtilbud for demente - Vidareføring av jordmorsamarbeidet i Vest-Telemark - Innføre egenandel på trygghetsalarmar - Prisjustering av kulturskulesatsar og SFO-betaling. - Barnehagesatsar som vedteke frå 1. august 2015 - Prosjekt "Gimle i utvikling" vert dekt av bundne fondsmidlar - Ekstramidlar til spesialundervisning/integreringsarbeid i skulen - Sommaraktivitetar for ungdom vert avvikla - Oppretthalde dagens tenestenivå i alle sektorar - Auke i driftsmidlar til nødnett og til brannutstyr - Auk i husleige tilsvarande auk i kommunale avgifter og konsumprisindeks - 10 % auk i vassavgifter - 3 % auk i kloakkavgifter - 25 % auk i slamavgifter - Ingen auk i renovasjonsavgifter - Ingen auk i feieavgift - Vurdere innføring av eigedomsskatt for alle eigedomar Investeringar 2016: - Ferdigstille barnehagen - Oppstart av trafikksikkerhetstiltak/gateljos - Aksjekjøp i FN Eigedom AS - UV-anlegg Fyresdal vassverk Det er viktig å merke seg at nye investeringar også krev auke i driftsutgiftene når byggeperioden er over. Økonomiplan 2017-2019: - Oppretthalde driftsnivået i heile perioden - Lågt investeringsnivå grunna lite tilgang på eigne midlar Konklusjon: Det er nedgang i hovudinntektene frå staten og kraft, noko som gjer at ein må tilpasse utgiftene deretter. Kommunestyret sitt vedtak om permanente inndragingar av rammene i haust har blitt lagt inn i neste års budsjett. Desse inndragingane var på ca 3 millionar kroner. Det var lagt ned eit godt stykke arbeid, både frå tilsette, tillitsvalde og politikarar i dette arbeidet som ein nå haustar fruktene av. MEN ein ser likevel at neste års budsjett har klart avgrensa midlar til drift og at ein har nådd ei smertegrense for når ein må starte å kutte direkte på tiltak og tenestetilbodet. Når det gjeld inntekter som tidlegare har blitt bruka til investeringar har desse nå delvis forsvunne og delvis blitt bruka inn i drifta slik at investeringar i åra framover må enten haldast på eit minimum eller lånefinansierast. Noko som igjen påverkar drifta. Ein har difor sett på moglege måtar for å finne nye inntekter og har sett i gang eit utgreiingsarbeid for om mogleg å innføre eigedomsskatt for alle eigedomar frå 2017.
Innstilling frå formannskapet: Økonomiplan 2016 2019 og årsbudsjett 2016 for Fyresdal kommune vert vedteke slik det ligg føre. Nettorammene for kvar sektor i driftsbudsjettet vert som fylgjer: Sektor Utgift Inntekt Netto Fellestenesta 19.582.000 3.197.000 16.385.000 Helse og omsorg 52.778.000 13.572.000 39.206.000 Kultur og oppvekst 36.909.000 3.781.000 33.128.000 Plan og teknikk 25.239.000 13.908.000 11.331.000 Finans 19.812.000 119.862.000-100.050.000 Handsaming i Arbeidsmiljøutvalet - 30.11.2015 Rådmannen gjekk gjennom budsjett 2016 og orienterte om endringar som har kome fram etter at saka vart skriven - Reduksjon i inntekt pga nedlegging av "fangeleiren", usikkert kor fort det går o Fengselshelseteneste kr. 500.000,- o Bibliotekteneste i leiren ca. kr. 200.000,- - Reduksjon i politikargodtgjering slår ikkje ut i innsparing som forutsett AMU var samrøystets om å ta Økonomiplan 2016 2019 og årsbudsjett 2016 til vitande Vedtak i Arbeidsmiljøutvalet - 30.11.2015 AMU tek Økonomiplan 2016 2019 og årsbudsjett 2016 til vitande. Handsaming i Administrasjonsutvalet - 02.12.2015 Rådmannen gjekk gjennom budsjettsaka og orienterte om endringar som har kome etter saka vart skriven; - Reduksjon i inntekt pga nedlegging av "fangeleiren" o Fengselshelseteneste kr. 500.000,- o Bibliotekteneste i leiren ca. kr. 200.000,- - Reduksjon i politikargodtgjering slår ikkje ut i innsparing som forutsett Admu var samrøystets om å ta Økonomiplan 2016 2019 og årsbudsjett 2016 til vitande. Vedtak i Administrasjonsutvalet - 02.12.2015 Administrasjonsutvalet tek Økonomiplan 2016 2019 og årsbudsjett 2016 til vitande. Vedtak frå Fyresdal Ungdomsråd 25.11.15: 26/2015 Uttale til budsjett 2016 og økonomiplan 2016-2019 "Fyresdal Ungdomsråd er svært skuffa over at Fleirbrukshallen ikkje lenger er prioritert. Både dei politiske partia sa under valkampen at dette var topp prioritet. Vi synes det er rart at det ikkje no skal prioriterast. Ungdomsrådet ynskjer ikkje at det skal nyttast folkehelsemidlar til alternative tiltak i skule og barnehage når det er så lite pengar til andre ting". Uttale/vedtak frå samarbeidsutvalet for kultur og oppvekst(samu), og frå råd for eldre og menneske med nedsett funksjonsevne(remnf), blir sende ut så snart dei er klare.
Ketil O. Kiland rådmann Kjersti Bergland kommunalsjef økonomi og fellestenester