SLUTTRAPPORT REHABILITERINGSPROSJEKT 2009/03/0240 AKTIVITETSHAGE FOR DEMENTE OG ANDRE SØKJAR ORGANISASJON: NASJONALFORENINGEN FOR FOLKEHELSEN DEMENSFORENINGEN STORD FITJAR Fitjar, den 12. januar 2011 1
Forord Sluttrapporten skisserer opplegget for bakgrunn, gjennomføring og resultatvurdering av rehabiliteringsprosjekt 2009/03/0240 aktivitetshage for demente og andre. Søkjarorganisasjonen er Nasjonalforeningen for folkehelsen v/demensforeningen Stord Fitjar. Aktivitetshagen ved Fitjar bu og behandlingssenter (FBB) er gjennomfør med utesitteplassar, turstiar og fleire aktivitetsområde i tråd med søknad til EkstreStiftelsen Helse og Rehabilitering. Prosjektet er gjennomført i nært samarbeid med tilsette og pårørande ved FBB, og i samarbeid med Fitjar kommune. Prosjektleiar vil takka dei tilsette ved FBB som aktivt tok del i planlegginga av aktivitetshagen og dugnadsarbeidet, og takk til pårørande som tok del i dugnadsarbeidet. Stor takk og til Fitjar kommune som stilte seg svært positivt til prosjektet og løyvde midlar til opparbeiding av elvepromenade langs aktivitetshagen. Takk og til Fitjar kraftlag og Sunnhordland interkommunale miljøverk som sponsa prosjektet med utvendige lysmaster og kompostmold. Til slutt ei stor takk til EkstraStiftelsen Helse og Rehabilitering som hadde tru på prosjektet vårt og som støtta prosjektet med 150.000 kr. Utan denne støtta ville det truleg ikkje blitt opparbeidd aktivitetshage for demente og andre på lang tid. Fitjar, januar 2011 Kjell Nesbø prosjektleiar 2
Samandrag Bakgrunnen for prosjektet var ynskje om å få til ein aktivitetshage ved Fitjar Bu og Behandlingssenter (FBB) for demente og andre i eit samarbeid mellom demensforeningen Stord Fitjar og dei tilsette ved FBB. Målgruppa for prosjektet er dei demente og andre bebuarar som treng rehabilitering og aktivitet. Målet for prosjektet er at demente skal få auka livskvalitet og at bebuarane i avdelingane skal få eit betre tilbod. Målet er at utearealet skal stimulera sansar og minne til ulike årstider, og gi mulighet for fysisk aktivitet etter deira funksjonsnivå. Området skal vere trygt å opphalda seg i. Gjennomføringsfasen vart hektisk. Arbeida er gjennomført ved innleie av lokal entreprenør til grunnarbeida med stiar og opparbeiding av uteplassar, og dugnad frå demensforeningen og tilsette/pårørande ved FBB. Det er også leigd inn fagfolk til bygging av pergalo. Det er ikkje gjort endringar i målsetjinga eller planlagde delmål undervegs. Det er etablert store asfalterte utesitteplassar som er universelt utforma, mange flott asfalterte stiar også universelt utforma, utemøblar (bord og benker), gamaldags slipestein, frukthage, steinrøyser, pergalo, flytta drivhus, stakittgjerde langs elvepromenade. Eksisterande garasje vert gjort om til vedbod og reiskapshus. Gjennomføringa har gått etter planen og målsettinga om ein aktivitetshage for demente og andre som kan stimulera til aktivitet og minne er gjennomført innan for dei rammer og planar som var lagt til grunn for søknaden til Ekstrastiftelsen for Helse og rehabilitering i 2009. Pårørande, tilsette, demensforeningen og andre har gitt svært positive tilbakemeldingar på utforminga av aktivitetshagen. Prosjektet er gjennomført innanfor dei økonomiske rammene. Godt samarbeid med Fitjar kommune og dei tilsette ved FBB, også på økonomisida, gjorde at resultatet av prosjektet vart vellukka. Tildelte midlar frå Ekstrastiftinga på kr 150.000 er i sin heilhet nytta til opparbeiding av aktivitetshagen som opprinneleg planlagt i søknaden til Ekstrastiftinga. Prosjektet er også eit synleg bevis på at midlar frå EkstraStiftelsen Helse og Rehabilitering kjem til stor nytte i lokalsamfunnet. For medlemane i prosjektgruppa og dei tilsette ved FBB, har arbeidet vore nyttig, og erfaringane med dette prosjektet vil verta ført vidare ved gjennomføring av andre tiltak ved FBB. Stord Fitjar Demensforening vil inngå avtale med dei tilsette ved FBB om dugnadshjelp med drift og vedlikehald av aktivitetshagen. 3
Forord... 2 Samandrag... 3 Kap 1. Bakgrunn for prosjektet/målsetting... 5 Kap 2. Prosjektgjennomføring/metode... 6 Kap 3. Resultat og resultatvurderingar... 7 Kap 4. Oppsummering/konklusjon/vidare planar... 7 Referansar/litteratur... 8 Vedlegg... 8 4
Kap 1. Bakgrunn for prosjektet/målsetting Bakgrunn for prosjektet er at det vart gjort flytting av demensavdelinga ved Fitjar Bu og Behandlingssenter (FBB), og dei tilsette ynskte å utbetra og utvida utområdet for bebuarane knytt til den nye lokaliseringa. Demensforeningen Stord Fitjar var kjent med denne problemstillinga og ynskja frå dei tilsette, og det vart i 2009 søkt om midlar frå EkstraStiftelsen Helse og Rehabilitering. Rehabiliteringsprosjektet aktivitetshage for demente og andre fekk tildelt 150.000 kr til prosjektet med ein samla kostnad på 450.000 kr. Budsjettet var sett opp slik: Ekstra midlar Eigne midlar Andre inntekter Sum inntekter 150.000 kr 90.000 kr 210.000 kr 450.000 kr Utgiftene var fordelt slik: Innkjøp av tenester Materiale/utstyr Andre utgifter Sum utgifter 92.000 kr 148.000 kr 210.000 kr 450.000 kr Målgruppa for prosjektet er dei demente på avdelingane og andre bebuarar som treng rehabilitering og aktivitet. Målet for prosjektet er at demente skal få auka livskvalitet og at bebuarane i avdelingane skal få eit betre tilbod. Målet er at utearealet skal stimulera sansar og minne til ulike årstider, og gi mulighet for fysisk aktivitet etter deira funksjonsnivå. Området skal vere trygt å opphalda seg i. 5
Kap 2. Prosjektgjennomføring/metode Ved oppstart av prosjektet vart det kalla inn til møte med dei tilsette og pårørande til bebuarane ved Fitjar Bu og Behandlingssenter. I tillegg var representantar frå andre lag og organisasjonar og pressa invitert til møtet. Lokalpressa Fitjarposten laga ein reportasje frå oppstartsmøtet som vart leia av prosjektleiar. Det vart oppretta ei prosjektgruppe med desse medlemane: Kjell Nesbø, leiar Hilde Tufteland, kontaktperson FBB Gunn Marit Søreide, FBB Inger Træet, FBB Reidun Johansen, FBB Else Marie Kristiansen, FBB Kontaktperson i Fitjar kommune var avdelingsleiar Tore Nesbø. Etter skriftleg henvendelse til Fitjar kommune om eventuell deltaking i prosjektet, løyvde formannskap i Fitjar 160.000 kr til opparbeiding av elvepromenade. Denne løyvinga var svært positivt for økonomien i prosjektet. Med dugnadsinnsats var då prosjektet fullfinansiert. Ettersom mykje av arbeida måtte gjerast utanom vintersesongen, kom ikkje prosjektet i gong før mai 2010, mot opphavleg planlagt januar 2010. Dette var med andre ord ca eit halvt år seinare enn planlagt. Gjennomføringsfasen vart difor hektisk. Arbeida vart gjennomført ved innleie av lokal entreprenør til grunnarbeida med stiar og opparbeiding av uteplassar, og dugnad frå demensforeningen og tilsette/pårørande ved FBB. Det er også leigd inn fagfolk til bygging av pergalo. Det er ikkje gjort endringar i målsetjinga eller planlegde delmål undervegs. I aktivitetshagen er det gjort mindre rokkeringar/endringar av aktivitetsflater, noko som har gjort aktivitetshagen endå meir attraktiv. Det er etablert store asfalterte utesitteplassar som er universelt utforma, mange flott asfalterte stiar også universelt utforma, utemøblar (bord og benker), gamaldags slipestein, frukthage, steinrøyser, pergalo, flytta drivhus, stakittgjerde langs elvepromenade. Eksisterande garasje vert gjort om til vedbod og reiskapshus. 6
På grunn av at vinteren kom ekstra tidleg til Vestlandet/Fitjar hausten 2010, er det nokre tiltak i planen som ikkje vart fullført. Det gjaldt ferdigstilling av vassflate/springvatn/vannpumpe, og montering av parkbelysning. Lysmastene og trekkerøyr er på plass. Mesteparten av grunnarbeidet er gjort, og montering av utstyr i vassflate står att. Desse arbeida vil verta sluttført av dei tilsette i samråd med demensforeningen våren 2011. Kap 3. Resultat og resultatvurderingar Målet med prosjektet om å få til eit uteareal som stimulerer til aktivitet og minne er nådd. Pårørande, tilsette, demensforeningen og andre har gitt svært positive tilbakemeldingar på utforminga av aktivitetshagen. Prosjektet er gjennomført innanfor dei økonomiske rammene. Godt samarbeid med Fitjar kommune og dei tilsette ved FBB, også på økonomisida, gjorde at resultatet av prosjektet vart vellukka. Tildelte midlar frå Ekstrastiftinga på kr 150.000 er i sin heilhet nytta til opparbeiding av aktivitetshagen som opprinneleg planlagt. Prosjektgruppa etterlyste større engasjement frå dei pårørande ved FBB, denne innsatsen kunne vore betre. Mykje av dugnadsarbeidet fall på prosjektleiar og prosjektgruppa. For søkjarorganisasjonen Nasjonalforeninigen for folkehelsen ved demensforeningen Stord Fitjar har prosjektet medført auka publisitet, og tiltaket har fått positiv omtale som Nasjonalforeningen vil dra nytte av i framtida. Prosjektet er også eit synleg bevis på at midlar frå EkstraStiftelsen Helse og Rehabilitering kjem til stor nytte i lokalsamfunnet. For medlemane i prosjektgruppa har arbeidet vore nyttig, og erfaringane med dette prosjektet vil verta ført vidare ved gjennomføring av andre tiltak ved FBB. Kap 4. Oppsummering/konklusjon/vidare planar Prosjektet er gjennomført stort sett som planlagt, og innanfor fastsett tidsramme og økonomisk ramme. På grunn av stor aktivitet blant dei lokale entreprenørane, kom ein litt seint i gong med opparbeiding av uteplassar og stiar som krov maskinarbeide. Dette førte med seg at gjennomføringsfasen vart hektisk. På tross av dette, og på grunn av god planlegging og prioritering av prosjektgruppa vart målsettinga med prosjektet nådd, og aktivitetshagen ved FBB har fått ein flott og attraktiv utforming til beste for demente og andre som skal bruka hagen. Kombinasjonen med dugnad og bruk av lokale entreprenørar/fagfolk har fungert flott. Når telen er gått ut av jorda utpå våren 2011 overfor nemnte restarbeid verta sluttført. 7
Demensforeningen vil, sjølv om prosjektet er rapportert inn som avslutta, ta del i sluttarbeida, og inngå avtale med dei tilsette ved FBB om dugnadshjelp med drift og vedlikehald av aktivitetshagen. Som tidlegare nemnt kunne deltaking frå dei pårørande vore noko betre, og prosjektgruppa kunne vore meir aktiv og knytt til seg andre organisasjonar som pensjonistforeningen, frivillighetssentralen, kvinnelaget og andre lokale foreiningar. Konklusjon.: Gjennomføringa har gått etter planen og målsettinga om ein aktivitetshage for demente og andre som kan stimulera til aktivitet og minne er gjennomført innan for dei rammer og planar som var lagt til grunn for søknaden til Ekstrastiftelsen for Helse og rehabilitering i 2009. Referansar/litteratur Reportasje i Fitjarposten Vedlegg Kartutsnitt av aktivitetshagen 8