HORDALAND FYLKESKOMMUNE Opplæringsavdelinga Arkivsak 201112362-125 Arkivnr. 522 Saksh. Landro, Adeline Saksgang Møtedato Hordaland fagskulestyre 19.03.2013 SENTRALISERING AV FAGSKOLANE I HORDALAND TIL TO FAGSKULAR SAMANDRAG Hordaland fagskulestyre vedtok i møte den 12.02.13 følgjande: «Hordaland fagskolestyre ber om å få fremlagt en sak som beskriver hvilke deler av administrasjonen ved de ulike skolene som er tiltenkt og samles til en felles administrasjon». Det er to hovudutfordringar som gjer at administrasjonen meiner det er naudsynt å sentralisera Fagskulane i Hordaland til to fagskular. Begge utfordringane vert sett i samanheng med den økonomiske ramma for fagskulane og omhandlar fleksibilitet i tilbodsstrukturen for å nå ut i regionen med etterspurt kompetanseheving og investering i naudsynt utstyr som er kostnadskrevjande. Med ei sentralisering av Fagskolane i Hordaland til to fagskular ser administrasjonen for seg at følgjande oppgåver vert samla: - Personalansvar for fagleg personell - Rapportering av studentdata til DBH og Vigo - Fagskuleopptaket - NOKUT-godkjenningar - Kvalitetssystemet Oppgåver som kan verte lagt til studiestadene: - Administrering av eigna lokale - Føring i skuleadministrativt system
FORSLAG TIL VEDTAK Hordaland fagskulestyre støttar administrasjonen sitt forslag om å sentralisera Fagskolane i Hordaland til to fagskular. Svein Heggheim opplæringsdirektør Birthe Haugen seksjonsleiar 2
FYLKESRÅDMANNEN, 28.02.2013: Hordaland fagskulestyre vedtok i møte den 12.02.13 følgjande: «Hordaland fagskolestyre ber om å få fremlagt en sak som beskriver hvilke deler av administrasjonen ved de ulike skolene som er tiltenkt og samles til en felles administrasjon». Bakgrunnen for vedtaket er administrasjonen sitt forslag om å sentralisera Fagskulane i Hordaland til to fagskular i sak 6/13 Hordaland fagskulestyre si tilråding av ny fagskulestruktur i samband med skulebruksplanen. I saka er det foreslått å slå saman Bergen tekniske fagskole og Bergen maritime fagskole til èin fagskule innan tekniske og maritime fagområde. Vidare er det foreslått å sentralisera helsefagskuletilboda til Fusa fagskule. I denne samanhengen meiner ein då sentralisering som å samla det administrative og det overordna faglege ansvaret til to fagskular, men med tilbod også andre stadar i Hordalandsregionen. Bakgrunn for å sentralisere Fagskulane i Hordaland til to skular Det er to hovudutfordringar som gjer at administrasjonen meiner det er naudsynt å sentralisera Fagskulane i Hordaland til to fagskular. Den eine utfordringa er at den økonomiske ramma for dei tekniske og maritime fagskulane ikkje har vakse i takt med utviklinga av tilbod og vekst i studenttal. Ramma og studenttalet gjev årleg grunnlag for kor høg studentsatsen per heiltidsekvivalent vert for fagskulane, og satsen vert soleis lågare når studenttalet veks. I høve til dagens situasjon vil det ikkje vere rom for å etablere nye tilbod utan at andre tilbod vert lagt ned. Dagens skule- og tilbodsstruktur gjev soleis ikkje særleg rom for å veksle mellom tilboda, og nå ut til fleire stader i Hordaland. Enten må ein velje å leggje ned tilbod ved dei store fagskulane som har svært gode søkjartal og god størrelse på klassar, eller så må ein leggje ned små klassar som ligg til dei mindre fagskulane. Det første alternativet er ikkje ønskjeleg av di ein då legg ned tilbod som er ettertrakta blant både studentar og næringa. Det siste alternativet vert også vanskeleg fordi ein i praksis legg ned den aktuelle fagskulen ved å leggje ned eit tilbod. Grunnen til dette er at dei lærarkreftene som høyrer til fagskulen, vil verte overflødige om tilbodet vert lagt ned for eitt eller to år. Den andre utfordringa er også knytt til økonomi og handlar om behovet for å gjere naudsynte investeringar i framtida. Av di ramma er knapp er det vanskeleg for fagskulane å planleggje framtidige investeringar. Til dømes er det på sikt eit stort investeringsbehov knytt til naudsynte simulatorar ved dei maritime utdanningane. Simulatorane er naudsynte på grunn av krav i STCW-konvensjonen. Administrasjonen kan ikkje sjå at det er mogleg å investera i slikt utstyr ved to skular. Samtidig er det behov for investeringar i utstyr ved Bergen tekniske fagskole, og på sikt er det tenkt at skulen skal flytte inn i nytt bygg i Haugeveien. I høve til helsefagskulane er det i dag ei anna økonomisk ramme som for dei tekniske og maritime fagskulane. Helsefagskuletilboda vert finansiert med øyremerka tilskot frå Helsedirektoratet. Helsefagskulane har tidlegare slitt med å rekruttera studentar, og helsefagskulane har operert med til tider svært små klassar. Tilboda har då i praksis vorte delfinansiert av helsefagskulane sine eigne fondsmidlar frå den vidaregåande drifta. Dette er ikkje ein praksis som kan verte oppretthaldast over tid. Ved å sentralisera helsefagskuletilboda til ein fagskule, vil ein klare å styrka både det administrative og faglege miljøet og gjere fagskulen mindre sårbar i høve til fråfall og økonomi. Administrasjonen meiner også at færre og større fagskulemiljø vil bidra til å styrke fagskuleslaget som ein eigen utdanningsveg på tertiærnivå. Tradisjonelt sett har fagskulane vorte definert som noko i mellom vidaregåande utdanning og høgare utdanning, sjølv om skuleslaget i aller høgste grad kan stå på eigne bein. I marknadsføringssamanheng vil dette også vere gunstig. Kva vil verte sentralisert Administrasjonen ser for seg at dei to fagskulane vil ha det overordna administrative og faglege ansvaret for fagskuleutdanningane innan sitt område. Den nye fagskulen (Bergen tekniske og Bergen maritime) vil ha ansvar for dei tekniske, maritime, grøne og marine fagretningane, i tillegg til 3
eventuelle nye fagretningar i framtida, medan Fusa fagskule vil ha overordna administrativt og fagleg ansvar for helsefagskuletilboda. Dei vidaregåande skulane som i dag har fagskuletilbod vil verte studiestader underlagt den fagskulen som har ansvar for det aktuelle fagområdet. Til dømes vil Voss vidaregåande skule verte studiestad for den nye fagskulen og Fitjar vidaregåande skule vil verte studiestad for Fusa fagskule. Oppgåver knytt til dei sentraliserte fagskulane: - Personalansvar for fagleg personell - Rapportering av studentdata til DBH og Vigo - Fagskuleopptaket - NOKUT-godkjenningar - Kvalitetssystemet Oppgåver som kan verte lagt til studiestadene: - Administrering av lokale - Føring i skuleadministrativt system Personalansvaret for lærarane ved dei desentraliserte studiestadene vil vere lagt til dei sentraliserte fagskulane i høve til undervisning i fagskulesamanheng. Dette betyr at den sentraliserte fagskulen kan tilsetje midlertidige lærekrefter, slik som Bergen tekniske fagskole har gjort på Stord, eller ha fast tilsette som underviser ved ein eller fleire studiestader. Studiestadene vil kunne ha ulik status og arbeidsoppgåver knytt til tilboda ut i frå om dei er meir faste studiestader, eller om dei er studiestader som ikkje er faste. Til dømes vil det vere naturleg at ein vidaregåande skule som er studiestad med eit fagområde kor skulen har ein særeigen kompetanse og kjennskap til næringslivet, vil vere ein fast studiestad som også har medansvar for føring i det skuleadminstrative systemet og marknadsføring av tilbodet. Døme på slike fagområde kan vere Arborist og Akvakultur. Fagområde som Fusa fagskule eller den nye fagskulen sjølv har fagleg kompetanse på, vil kunne verte lagt til ulike studiestader. Til dømes kan Anlegg verte lagt til Voss eit år, og til ein annan vidaregåande skule i Hordaland eit anna år. Eventuelt kan tilbodet verte oppretta berre annakvart år. Det er denne fleksibiliteten i tilbodsstrukturen administrasjonen ønskjer å oppnå ved å sentralisera fagskulane til to fagskular. Fleksibilitet i tilbodsstrukturen kan også opne for å opprette to maskinistklassar i staden for to nautikkklassar innan maritim utdanning. I dag har vi to klassar på nautikk årleg, medan næringa har stort behov for fleire maskinistar. Ved å leggje personalansvar for det faglege personalet til dei sentraliserte fagskulane vil det vere mogleg å leggje ned tilbod eit år utan at ein skule sit med overflødige lærekrefter. Det vil også vere økonomisk hensiktsmessig at det ikkje vert oppretta tilbod med færre enn 20 studentar, med mindre det er tilbod som er fulltalig med færre, som til dømes helsefagskuletilboda og Arborist. Som nemnt tidlegare er det ikkje rom for å investera i simulatorutstyr ved fleire stader, og investeringar i nytt utstyr vil verte gjort ved den nye fagskulen. Austevoll maritime fagskule, som då vert ein studiestad for den nye fagskulen, vil kunne gje tilbod om nautikk, men må nytta simulatorutstyr ved den nye fagskulen i Bergen. Hordaland fagskulestyre si rolle Hordaland fagskulestyre vil framleis vere øvste styringsorgan, og dette er også nedfelt i fagskulelova. Hordaland fagskulestyre er mellom anna ansvarleg for økonomi, drift og kvaliteten i utdanninga, og når ein fagskule søkjer NOKUT om godkjenning for ei utdanning, er det på vegne av fagskulestyret. Administrasjonen meiner at ei sentralisering av fagskulane til to fagskular vil betre tilhøva fagskulestyret har til å: - Leggje føringar for kva tilbod som skal prioriterast - Prioritera kva regionar som skal ha lokale tilbod etter behov 4
- Oppretta nye tilbod i høve til kompetansebehov - Leggje ned tilbod med låge søkjartal Omsyn til slike prioriteringar gjer at Hordaland fylkeskommune og Hordaland fagskulestyre kan følgja opp målsettinga i fagskulelova om å imøtekome kompetansebehov lokalt, regionalt og nasjonalt. 5