STORD KOMMUNE Føresegner jf. plan- og bygningslovens (PBL) 12-7 for: DETALJREGULERING FOR RUNDKØYRING TVEITAKRYSSET OG SYKKELVEG MED FORTAU HEIANE VABAKKJEN PlanID: 201407 Dato: 07.11.2016 Rev: 12.06.2017 1 GENERELLE FØRESEGNER Desse føresegnene gjeld for det området på plankartet som er merka med plangrense. Området er regulert for følgjande føremål, jf. PBLs 12-5: BYGG OG ANLEGG (PBL 12-5 nr. 1) - Angitt bebyggelse og andre anleggsformål kombinert med andre angitte hovudformål (BAA) SAMFERDSELSANLEGG OG TEKNISK INFRASTRUKTUR (PBL 12-5 nr. 2) - Veg(SV) - Køyreveg(SKV) - Fortau (SF) - Gang-/sykkelveg (SGS) - Gangveg/gangareal/gågate (SGG) - Sykkelveg/-felt (SS) - Anna veggrunn, grøntareal (SVG) - Leskur/Plattformtak (SP) - Parkeringsplassar (SPA) LANDBRUKS-, NATUR OG FRILUFTSFORMÅL OG REINDRIFT (PBL 12-5 Nr.3) - Naturformål av LNFR (LL) - Landsbruksformål (L) Side 1 av 6
BRUK OG VERN AV SJØ OG VASSDRAG (PBL 12-5 Nr. 5) - Naturområde i sjø og vassdrag (VNV) OMSYNSSONER (PBLs 12-6) - Frisikt (H140) - Faresone - Høgspenningsanlegg (H370) - Faresone - anna fare (H390) FØRESEGNSOMRÅDE (PBLs 12-7) - Anlegg- og riggområde (#1) - Vilkår for bruk av areal, bygningar og anlegg (#2 - #3) - Automatisk freda kulturminne (#4) 2 FELLES FØRESEGNER 2.1 Støy Tilrådingane i «Retningslinje for behandling av støy i arealplanlegging, T-1442/2012» skal leggjast til grunn for dimensjonering av støytiltak i reguleringsplanen. Det er gjennomført støyberekningar, og rapport med støysonekart ligg som vedlegg til reguleringsplanen. Støytiltak for den enkelte bustad som vert råka av planen, blir fastlagt i byggeplan. Støytiltak som er naudsynt skal gjennomførast samtidig som investeringsprosjektet. 2.2 Kulturminne Om ein under anleggsarbeidet skulle avdekke ukjende kulturminne, skal arbeidet stoppast med ein gong, og rette mynde kontaktast, jamfør undersøkingsplikta i Kulturminnelova 8.2. Omliggande kulturmiljø skal vera førande for materialval og utforming av anlegget. I nyare kulturminne som steingardar, rydningsrøyser og vegfar skal ein unngå inngrep som ikkje er heilt naudsynte for tiltaket. 2.3 Planting av sideareal Skråningar, fyllingar og anna areal som vert råka i anleggsperioden skal i størst mogleg grad tilbakeførast til opphaveleg stand, om ikkje anna er ynskja av kommune, veghaldar eller grunneigar. Dette skal avklarast i byggeplanperioden og ligge til grunn for utforming av landskapsplan. Areal mot dyrka mark skal sikrast mot utgliding og prosjekterast på eit slikt sett at det toler maskinell drift. Det skal revegeterast med opphavlege massar og plantast til med frø lik omliggande marker så fort som råd er. Det skal følgjast særleg opp over ein periode på 3 år for å unngå spreiing av aggressive ugrasartar. Oppfølgingsplan for skjøtsel av sideareal over ein periode på 3 år frå ferdigstilt anlegg skal inngå som ein del av entreprenør sitt tilbod. 2.4 Framande artar Om framande artar vert oppdaga innanfor anleggsområdet i anleggsperioden, skal infiserte massar handterast etter Statens Vegvesen sin regionale handlingsplan mot framande, skadelege artar. Side 2 av 6
3 UTFYLLANDE PLANAR OG DOKUMENTASJON 3.1 Ytre miljøplan Det skal lagast Ytre miljøplan (YM-plan) for prosjektet, som skal ha fokus på forureining, og plan for avbøtande tiltak. Det er sett rekkefølgjekrav til utarbeiding av planen, sjå 10.1. 3.2 Landskapsplan Det skal utarbeidast landskapsplan for tiltaket, som skal vere eit førande dokument for oppbygging og ferdigstilling av planområdet. Landskapsplanen skal utarbeidast med utgangspunkt i retningsliner skildra i planomtalen. Det er sett rekkefølgjekrav til utarbeiding av planen, sjå 10.1. 3.3 Sikkerhet, helse og arbeidsmiljøplan (SHA) Byggherren skal utarbeide SHA-plan. Tiltak mot arbeidsulukker og ulukker med mjuke trafikantar i samband med anleggsarbeid, skal sikrast gjennom denne. Som ein del av SHA-plan skal det utarbeidast eigen plan for midlertidig løysing for skulebarn, samt trygg tilkomst til friluftsområde. 4 BYGG OG ANLEGG (PBL 12-5 nr. 1) 4.1 Angitt byggje- og anleggsføremål kombinert med andre angitte hovudføremål Områda skal nyttast til midlertidige anlegg og riggområde. 5 SAMFERDSELSANLEGG OG TEKNISK INFRASTRUKTUR (PBL 12-5 nr. 2) 5.1 Veganlegget Vegane skal opparbeidast med den linjeføring, breidde, høgde og normalprofil som går fram av plankartet og planomtalen. Gang- og sykkelanlegg opparbeidast i samsvar med plankart og vedlegg. Eksisterande tilsluttande gang- sykkelvegar og fortau som er synte på plankartet skal ha minimum same breidde og standard som i dag. Busslommer skal opparbeidast i samsvar med V123- Kollektivhåndboka 5.2 Tilkomstvegar og avkøyrsler (SV) Fellesveg f_sv2 er felles for dei eigedomane han naturleg går til. o_sv1 vil vera kommunal, og går til parkeringsplass for turområdet med Skiphaugen. Forlenging av kulvert ved Skiphaugen skal ha same frihøgde som eksisterande undergang. Side 3 av 6
5.3 Anna veggrunn (SVG) Anna veggrunn grøntareal er offentleg. Innanfor områda tillét ein etablering av naudsynte skjeringar og fyllingar, samt naudsynte tekniske installasjonar og liknande. Dette gjeld og støyvollen som er markert på plankartet. Støyrapporten som er vedlagt reguleringsplanen inneheld støysonekart der utforminga på denne vollen ligg til grunn for utrekningane og vurderingane. 5.4 Frisikt for sykkelvegen Ved bygging av sykkelvegen skal det vera frisikt i alle kryss med tilsluttande gang- /sykkelvegar og fortau i samsvar med handbok N100 Veg- og gateutforming og handbok V122 Sykkelhåndboka. 6 LANDBRUKS-, NATUR OG FRILUFTSFORMÅL OG REINDRIFT (PBL 12-5 nr. 5) 6.1 Landbruksformål (L) Det er regulert jordbrukstilkomst for eksisterande undergang under E39. Denne skal kunne nyttast som undergang for buskap etter anleggsperioden. Den skal opparbeidast til minimum same stand som før anleggsarbeidet startar. 6.2 LNF-areal (LL) Der anlegg- og riggområde overlappar LNF-føremål i kommuneplanen, skal kommuneplanen sin arealdel med føresegner framleis gjelde. 7 BRUK OG VERN AV SJØ OG VASSDRAG (PBL 12-5 nr.6) 7.1 Naturområde i sjø og vassdrag (VNV) Omlegging av bekkeløp skal utførast i tråd med føringar lagt i Ytre Miljø-plan. 8 OMSYNSSONER, FARESONER (PBL 12-6) 8.1 Frisiktsone (H140) Det kan ikkje førast opp konstruksjonar eller element i frisiktsonene som hindrar fri sikt etter veglovens føresegner. Det skal vere fritt for sikthindringar høgare enn 0,5 meter over tilhøyrande vegs/avkøyrsels nivå. Så lenge krav til tryggleikssone er ivaretatt kan enkeltståande tre, stolpar og liknande stå i frisiktsonene. 8.2 Omsynssone ( H370 og H390) Faresone H370 omfattar eksisterande høgspent og H390 eksisterande gassrøyr. Alt arbeid innanfor desse områda må varslast leidningseigar på førehand. Leidningseigar må godkjenne endringar på Side 4 av 6
terrenghøgder innanfor faresona. Entreprenør må fylgje krav frå linjeeigar når det gjeld høgde og rekkevidde på anleggsmaskiner. 9 FØRESEGNSOMRÅDE (PBL 12-7) 9.1 Midlertidig anlegg- og riggområde (#1) Områda avsett til anlegg- og riggområde kombinert med andre gitte hovudføremål, og samstundes vist i plankart med symbol #1, kan nyttast til anleggsområde så lenge anleggsarbeida på går. Områda kan nyttast til riggplass, anleggsvegar, omkøyringsvegar og lagerplass for bygningsmateriell og maskiner. Etter avslutta anleggsperiode, og innan 3 månader, skal medgått areal for opparbeiding av strekninga Heiane-Vabakkjen og tilgrensande og erverva anna veggrunn målast inn. Deretter skal plangrensa justerast i samsvar med nye eigedomsgrenser, og anlegg og riggområde med underliggande føremål fjernast frå plankart. Opplista planar vert deretter tilbakeført. Område Gjeldande planar BAA1 PLANID: R-225-000, Fv. 59 og del av Langelandsvegen. 16.10.2003 PLANID: R-035-000, Trodlahaugen, Eldøy Kårevik. 17.06.1986 BAA2 Kommuneplanen BAA3 PLANID: R-003-000, Vabakkjen. 15.05.1981 PLANID: R-254-000, E39 Rv 544, Vabakkjenkrysset. 17.06.2010 PLANID: R-214-000, Vikahaugane. 13.03.2003 Område nytta til anlegg og riggområde skal settast i stand etter nærare avtale med grunneigar. 9.2 Vilkår for bruk av areal, bygningar og anlegg (#2 - #3) Innanfor føresegnsområde #2 skal det opparbeidast ein snarveg tilpassa terrenget. Snarvegen kan utarbeidast med trapp, bratt sti eller på annan måte. Innanfor føresegnsområde #3 skal det etablerast støyskjermande tiltak i form av jordvoll. 9.3 Automatisk freda kulturminne (#4) Det råka kulturminnet, id 227320, som er markert som Føresegnsområde #4 i plankartet kan fjernast utan ytterlegare arkeologiske undersøkingar. 10 REKKEFØLGJEKRAV (PBL 12-7 nr. 10) 10.1 Krav til utarbeiding av utfyllande planar Ytre miljøplan (YM-plan) og landskapsplan skal utarbeidast som ein del av prosjekteringa. 10.2 Andre rekkefølgjekrav Før anleggstart skal det utarbeidast planar som syner korleis ein skal sikre framkomme for mjuke trafikantar i anleggsperioden, sjå 3.3. Side 5 av 6