Tenesteavtale 5 mellom Kvinnherad kommune og Helse Fonna HF ANSVARS- OG OPPGÅVEFORDELING VED OPPHALD I, OG UTSKRIVING AV PASIENTAR FRÅ SPESIALISTHELSETENESTA SOMATIKK 1
Partar Denne avtalen er inngått mellom Kvinnherad kommune og Helse Fonna HF (heretter HF). Bakgrunn Denne tenesteavtalen er vedlegg til overordna samarbeidsavtale mellom HF og Kvinnherad kommune. Avtalen erstattar tidlegare avtalar mellom helseføretaket og kommunane innanfor dette tenesteområdet. Føremål Føremålet med denne tenesteavtalen er å: Syte for at pasienten skal oppleve ei best mogleg samanhengande helseteneste. Konkretisere oppgåve- og ansvarsfordelinga mellom kommunen og helseføretaket gjennom heile pasientløpet, samt å etablere gode samarbeidsrutinar på sentrale samhandlingsområde. Avtalen skal medverke til at pasientar og brukarar får eit heilskapleg tilbod om helse- og omsorgstenester. Syte for eit godt og løysingsfokusert samarbeid om pasientar med eit forventa behov for kommunale tenester etter utskriving, slik at dei, utan forseinkingar, får eit godt tilbod på rett stad. Sikre effektiv, korrekt og sikker flyt av informasjon både mellom og innanfor behandlings- og omsorgsnivåa. Redusere risikoen for uheldige hendingar. 4. Lovgrunnlag Lov om spesialisthelsetenester m.m. Lov om kommunal helse- og omsorgsteneste Helsepersonelloven Loven om pasientrettar Forskrift om kommunal medfinansiering av SHT og kommunal betaling for utskrivingsklare pasientar HOD 18.11.11 (heretter kalla forskrifta) Andre forskrifter til nemnde lovar 5. Definisjon av utskrivingsklar pasient (jf. 9 i forskrifta) Ein pasient er utskrivingsklar når lege i spesialisthelsetenesta vurderer at det ikkje er behov for ytterlegare behandling i spesialisthelsetenesta. Avgjerda skal vere basert på ei individuell helsefagleg vurdering, og følgjande punkt skal vere vurderte og dokumenterte pasientjournalen: i Problemstillinga(ne) ved innlegginga, slik desse var formulerte av innleggjande lege, skal vere avklarte. Andre problemstillingar som er avdekte, skal vere avklarte. Dersom einskilde spørsmål ikkje blir avklarte, skal ein gjere greie for dette. 2
Det skal liggje føre eit klart standpunkt til diagnose(ar), samt vidare plan for oppfølging av pasienten. Pasienten sitt samla funksjonsnivå, endring frå før innlegginga og forventa framtidig utvikling skal vere vurdert. Kommunikasjon 6.1 Kommunikasjon mellom partane Partane skal etablere gode rutinar med fastsette kontaktpunkt i tenestene, som skal kvalitetssikre kommunikasjonen i samband med innlegging og utskriving. 6.2 Kommunikasjon med pasient/brukar og pårørande Helseføretaket er ansvarleg for kommunikasjonen med pasient og pårørande så lenge han/ho er innlagd i sjukehus / er sjukehuset sitt ansvar (inklusiv under pasienttransport). Kommunen er ansvarleg for kommunikasjonen med pasient og pårørande frå han/ho oppheld seg i eigen heim / er innlagd i institusjon i kommunen. Prosess utskrivings-/mottaksklare pasientar 7.1. Tidleg varsling (innan 24 timar) om innlagd pasient som kan ha hjelpebehov etter utskriving 7.1.1.0ppgåver og ansvar for helseføretaket 7.1.2. Snarast, og innan 24 timar etter innlegging, skal det vurderast om pasienten vil ha behov for kommunale helse- og omsorgstenester etter utskriving. 7.1.3. Dersom ein reknar med at det er behov for hjelp frå den kommunale helse- og omsorgstenesta, skal følgjande rutine følgjast: 7.1.3.1. Så snart som mogleg, og innan 24 timar etter innlegging, skal kommunen varslast om innlegginga. 7.1.3.2. Varslinga skal vere skriftleg (telefaks / elektronisk melding) til aktuell eining i kommunen. Melding/varsel skal vere avidentifisert og skal sendast på standard dokument som inneheld: tidspunkt for innlegging, pasientstatus, forventa forløp og forventa tidspunkt for utskriving. Mottakar har ansvar for å kontakte aktuell eining for ytterlegare informasjon om pasienten. 7.1.3.3. I tilfelle der den første vurderinga tilseier at pasienten ikkje har behov for hjelp i kommunen etter utskriving, men dette endrar seg i løpet av sjukehusopphaldet, vil 24-timarsfristen starte frå det tidspunktet det blir klart at eit slikt behov ligg føre. 7.1.3.4. Dersom ein går ut frå at det er behov for omfattande eller langvarig behandling i Helse Fonna HF, og det ikkje er råd å gjere vurderingane, skal vurderingane gjerast og kommunane varslast så snart det lèt seg gjere. 7.1.4.0ppgåver og ansvar for kommunen 7.1.5. Når kommunen tek imot varsel, jf. pkt. 7.1.3.2, pliktar kommunen å kontakte aktuell eining for ytterlegare informasjon om pasienten. 3
7.2. Vidare planlegging av kommunale helse- og omsorgstenester etter utskriving frå sjukehus 7.2.1. Oppgåver og ansvar for Helse Fonna HF 7.2.1.1. Skal hjelpe pasienten ved søknad om kommunale tenester og naudsynte behandlingshjelpemiddel, samt gje supplerande opplysningar i søknadsskjemaet. Helseføretaket skal berre informere om kva hjelpebehov det kan søkjast om bistand til. Kommunen vurderer og bestemmer kva tiltak pasienten/brukaren skal få tilbod om, og i kva omfang. 7.2.1.2. Skal vurdere om det er behov for nettverksmøte mellom kommune og spesialisthelsetenesta. nettverksmøtet. Sjukehuset har ansvar for å kalle inn til det første 7.2.1.3. Skal medverke til at planlegging av kommunale tiltak startar opp snarast mogleg m.a. delta i naudsynte nettverksmøte, ev. ansvarsgruppe, og delta i arbeidet med å utarbeide individuell plan samt bidra i kartleggingsarbeidet. 7.2.1.4. Skal varsle om forventa behov for tekniske hjelpemiddel frå kommunen eller NAV så tidleg som mogleg. 7.2.1.5. Skal dokumentere i pasienten sin journal om gjennomført varslingsprosedyre og vurdering av om pasienten er utskrivingsklar. 7.2.2.0ppgåver og ansvar for kommunen 7.2.2.1. Kommunen skal førebu og setje i verk naudsynte tiltak for å kunne ta imot pasienten når HF har varsla om at pasienten har behov for kommunale helseog omsorgstenester. 7.2.2.2. Kommunen skal behandle søknad frå pasienten fortløpande og fatte vedtak i samsvar med gjeldande lovar og reglar. 7.2.2.3. Kommunen avgjer kva tenester pasienten skal ha ut frå kommunen sitt tenestetilbod, krav til kva som er fagleg forsvarleg og eiga vurdering. 7.2.2.4. Kommunen skal ved behov kalle inn til nettverksmøte/ansvarsgruppemøte i det vidare planleggingsarbeidet. 7.2.2.5. Kommunen skal oppnemne koordinator og leie arbeidet med å utarbeide individuell plan ved behov. 7.2.2.6. Kommunen har ansvar for å leggje til rette for at pasienten kan overførast til kommunen når han/ho er utskrivingsklar. 7.3. Retningsliner for utskriving og mottak av pasient 7.3.1.0ppgåver og ansvar for helseføretaket 7.3.1.1. Varslinga skal vere skriftleg (telefaks / elektronisk melding) til aktuell eining i kommunen. Melding/varsel via telefaks skal vere avidentifisert og skal sendast på standard dokument. Mottakar har ansvar for å kontakte aktuell eining for ytterlegare informasjon om pasienten. Varsel om utskrivingsklar pasient kan ein gje heile døgnet alle dagar for kjende pasientar med uendra bistandsbehov. Ved nytt/auka hjelpebehov skal slikt varsel så langt som råd gjevast før kl. 12 og seinast kl. 15. 7.3.1.2. Utskriving av pasient skal skje så tidleg som mogleg på dagen. Pasienten må sendast så tidleg på dagen at han/ho kan takast imot i kommunen seinast kl. 21. 7.3.1.3. Ved endra utskrivingsplan (hjelpebehov/utskrivingstidspunkt) eller ved dødsfall skal kommunen informerast umiddelbart. Endring i utskrivingsklar dato skal registrerast i pasientjournalen. vere grunngjeven. 4 Ei utsetjing av varsla utskriving må
7.3.1.4. Ved utskriving skal epikrise følgje pasienten, og i tillegg skal epikrise sendast elektronisk til fastlege, tilvisar og instansen som har ansvar for oppfølging. Det skal kome fram opplysningar om utgreiingar, kartlegging, diagnosar, oppdatert medikamentliste og behandling, samt tilstrekkeleg behandlingsplan for vidare oppfølging. Epikrise skal fortrinnsvis sendast elektronisk. 7.3.1.5. Helse Fonna HF kan ikkje sende ein utskrivingsklar pasient tilbake til kommunen før kommunen har gjeve beskjed om at eit kommunalt tilbod til vedkommande pasient er klart. 7.3.1.6. Ved utskriving skal HF sende med pasienten resept på nye medikament som er starta opp under opphaldet, samt sende med medikament og anna utstyr til og med første yrkedag etter utskriving. Kva som skal sendast med pasienten, skal avklarast med mottakande helsepersonell i kommunen. 7.3.1.7. Rekvirere pasienttransport tilpassa pasienten sin situasjon. 7.3.1.8. Behandlande lege vurderer om det er medisinsk nødvendig med følgje under transport. 7.3.2.0ppgåver og ansvar for kommunen 7.3.2.1. Kommunen skal etter å ha fått varsel om utskrivingsklar pasient gje tilbakemelding i standard dokument (telefaks / elektronisk melding) til HF straks, og seinast innan to timar, etter å ha fått melding om utskrivingsklar pasient om kommunen kan ta imot pasienten. 7.3.2.2. Varsel om utskrivingsklar pasient kan takast imot heile døgnet alle dagar for kjende pasientar med uendra hjelpebehov. Ved nytt/auka hjelpebehov skal slikt varsel så langt som råd gjevast av helseføretaket før kl. 12 og seinast kl. 15. Elektronisk meldingsutveksling Tenester som sjukehuset distribuerer elektronisk, får ein via Norsk Helsenett. Når elektronisk kommunikasjonsløysing for samhandling mellom kommunen og helseføretaket er innført, skal denne nyttast. Der det er utvikla eigne fagspesifikke malar for meldingsutveksling, skal desse nyttast. Avvik Det blir vist til overordna samarbeidsavtale mellom HF og kommunane pkt. 9 når det gjeld meldingar om uønskte samhandlingshendingar. Iverksetjing, revisjon og oppseiing Avtalen blir sett i verk 31.01.2012. Avtalen skal evaluerast årleg i tråd med det som er fastsett i overordna avtale om evaluering av avtalane. Avtalen kan gjensidig seiast opp med 12 månaders varsel. Om avtalen blir sagt opp, er partane forplikta til å inngå ny avtale innan denne avtalen går ut. 5
Usemje og tvist Usemje og tvist etter denne avtalen skal løysast etter det som er fastsett i overordna samarbeidsavtale mellom XX kommune og HF. Dato og underskrift Stad og dato: Stad og dato: For Kvinnherad kommune: For Helse Fonna: