REGULERINGSPLAN Reguleringsføresegner og kart Prosjekt: Parsell: Fv. 7 Lussandberget Hp. 12 Lussand - Beggevik TEKNISKE DATA Granvin herad Vedteken 24.04.2013 Fra profil: Dimensjoneringsklasse: Fartsgrense: Trafikkgrunnlag (ÅDT): 0-2430 H1 80 km/t 1 200 år 2035 Region vest Bergen kontorstad Dato: 30.11.2012
2. FELLESFØRESEGNER 2.1 Generelt Desse føresegnene gjeld innafor ramma av Plan- og bygningslova med tilhøyrande føresegner for Granvin herad. 1. GENERELT GRANVIN HERAD REGULERINGSPLAN FV 7 LUSSANDBERGET Nasjonal arealplan-id 12342011003 Reguleringsføresegner Planen skal legge til rette for ny tunnel forbi Lussandberget ved Hardangerfjorden i Granvin herad. Kryss til dagens veg ved Lussand og Beggevik, i tillegg til snuhammar for større køyretøy er med i planområdet. Reguleringsplanen består av plankart, føresegner og teikningshefte datert 30.11.2012. Planforslaget er fremja i 4 vertikalnivå. Nivå 1 under grunnen, nivå 2 på grunnen, nivå 3 over grunnen og nivå 4 på botnen. I samsvar med 12-5 i Plan- og bygningslova er areal regulert til følgjande føremål. Samferdselsanlegg og teknisk infrastruktur (PBL. 12-5, nr. 2): 1. Køyreveg (2011) 2. Fortau (2012) 3. Anna veggrunn tekniske anlegg (2018) 4. Anna veggrunn grøntareal (2019) 5. Parkering (2080) Landbruks-, natur- og friluftsområder og reindrift (PBL. 12-5, nr. 5): 1. Landbruksformål (5110) Bruk og vern av sjø og vassdrag (PBL. 12-5, nr. 6): 1. Bruk og vern av sjø og vassdrag med tilhøyrande strandsone (6001) Omsynssoner (PBL. 12-6): 1. Andre sikringssoner (190) Føresegnområde (PBL. 12-7): 1. Mellombelse anlegg- og riggområde (91) Mindre avvik i skråningsutslag innafor område Samferdselsanlegg og teknisk infrastruktur (PBL. 12-5, nr. 2), vil kunne skje som følgje av uventa tilhøve, som t.d. grunnforhold eller manglar i kartgrunnlaget. Det kan medføre at areal som skal disponerast til vegføremål vil fråvika noko frå det som går fram av føremålsgrensene i planen. Areal som ikkje vert disponert til vegføremål er føresett brukt som tilstøytande føremål. Ved større avvik frå føremålsgrensene som vist i planen vil det vere behov for å søke om løyve etter planog bygningslova 20-1 bokstav m) og eventuelt dispensasjon, eller gjennomføre mindre endring av reguleringsplanen etter plan- og bygningslova 12-14 andre ledd. Om fråviket frå reguleringsplanen er så betydelig at det krev løyve etter 20-1 bokstav m eller mindre endring av reguleringsplan avgjerast av kommunen. Kommunen kan, når særlege grunnar talar for det, tillate mindre endringar i reguleringsplanen og/eller desse reguleringsføresegnene. Etter at reguleringsplanen, med tilhøyrande reguleringsføresegner er stadfesta, er det ikkje høve til å inngå privatrettslege avtalar som er i strid med reguleringsplanen og reguleringsføresegnene. Før anlegg vert sett i verk, skal det liggje føre byggeplan etter Statens vegvesen sin standard. 2.2 Støy Miljøverndepartementet sine retningsliner om vegtrafikkstøy ved planlegging etter plan- og bygningslova, jf. Rundskriv T-1442, skal leggast til grunn for gjennomføring av reguleringsplanen. Anbefalingane i T- 1442 ( Retningslinje for behandling av støy i arealplanlegging ) og rettleiaren til denne (TA-2115), skal, så langt det er teknisk mogeleg og økonomisk forsvarleg etter kost/nytte-vurderingar, overhaldast. 2.3 Universell utforming Prinsipp for universell utforming skal liggje til grunn ved prosjektering av veganlegget. 2.4 Terrengbehandling estetiske krav Omsynet til landskapet skal sikrast gjennom utarbeiding av byggeplan og gjennom gjennomføring av anlegget. Ulike prinsipp for utforming av sideareal, revegetering og utforming av tekniske anlegg, skal gå fram av planane. Alle inngrep som blir gjort i samband med veganlegget skal utførast mest mogeleg forsiktig og med omtanke for terreng og utsjånad. Noverande vegetasjon skal så langt råd er takast vare på. Terrenghandsaming skal gjerast ferdig samtidig med resten av anlegget. Eksisterande bru med tilhøyrande vegar over Stølselvi skal fjernast og arealet tilpassast omkringliggande terreng. 2.5 Sikring av kulturminne Dersom det i samband med anleggsarbeid kjem fram kulturhistoriske funn, må arbeidet straks stansast og Hordaland Fylkeskommune v/fylkeskonservatoren få melding for ei nærare gransking på staden, jf. Kulturminnelova 8.2 ledd.
2.6 Jordressursar Før utbygging skal det gjerast greie for handtering av jordressursane. 2.7 Ytre miljøplan Før anlegget startar skal det utarbeidast plan for ytre miljø, YM-plan. YM-planen skal ta utgangspunkt i vurderingar og innspel til avbøtande tiltak som inngår i eigen tabell i konsekvensutgreiinga. 2.8 Marksikringsplan Før anlegget startar skal det utarbeidast plan for sikring av enkelttrær og enkeltelement i landskapet. 3. SAMFERDSELSANLEGG OG VIKTIG INFRASTRUKTUR (PBL. 12-5, nr.2): 3.1 Køyreveg Området omfattar areal for fylkesveg. Anlegget skal utførast i samsvar med gjeldande statlege vegnormer avhengig av vegklasse. KV1 Privat avkøyrsle til eigedom gnr/bnr 132/8. Eigedomane 132/20, 132/8/1 og 132/8/2 skal ha gangrett gjennom avkøyrsla. KV2 Felles køyreveg for eigedomane gnr/bnr 133/1, 133/1/1 og 133/1/2. 3.2 Fortau Fortau omfattar areal ved for venteområde ved busshaldeplassar. 3.3 Anna veggrunn tekniske anlegg Anna veggrunn omfattar areal til trafo-stasjon og avkøyrsle til denne. 3.4 Anna veggrunn grøntareal Anna veggrunn omfattar sideareal med murar, skjeringar, fyllingar, grøfter, støyvollar, tunnelmunningar, stabiliserande tiltak og liknande. Områda skal opparbeidast på ein estetisk god måte, i samsvar med byggeplan, jf. 2.4. 3.5 Parkering Arealet P1 er avsett til offentleg parkering med totalt 5 parkeringsplassar. 2 av parkeringsplassane på dette arealet skal vere reservert gnr/bnr 132/20 som erstatning for tapt parkeringsmoglegheit ved dagens fv. 7 4. LANDBRUKS-, NATUR- OG FRILUFTSOMRÅDE OG REINDRIFT (LNFR) (PBL. 12-5, nr. 5): 4.1 Landbruksformål Området skal nyttast til tradisjonell landbruksdrift. I anleggsfasen kan områda òg nyttast til vegføremål. Tilkomsten til eksisterande gangveg (ved gnr/bnr 132/3), nord for framtidig kryss til Lussand, skal oppretthaldast. LNFRL6 vil tene som mellombels riggområde og tilkomst til massedeponi i sjø. LNFRL8 skal sikre tilkomst til traktorvegen på nordsida av framtidig hovudveg. 5. BRUK OG VERN AV SJØ OG VASSDRAG (PBL. 12-5, nr. 6): 5.1 Inngrep i sjø og vassdrag skal gjennomførast slik at det når arbeidet er avslutta, ikkje er skjemmande spor på overflata etter inngrepa. På sidene av elva skal det settast av ein buffer på 5 m til vegetasjonsbelte. Brua over Stølselvi skal dimensjonerast for minimum 20 % auka flaumvassføring. Regulert utfyllingsområde i sjø skal fyllast ut i tråd med reguleringsplanen. 6. OMSYNSSONER (PBL. 12-6): 6.1 Andre sikringssoner I ein avstand på 20 m til kvar side for tunnellaupet er det lagt restriksjonar på bruk av areal i høve til tunnellaupet. Tilsvarande er det lagt inn restriksjonar med sikringssoner over og under tunnellaupet, på 20 m, jf. teikningsforklaring. 7. FØRESEGNOMRÅDE (PBL. 12-7): 7.1 Anlegg- og riggområde I samband med utviding av eksisterande fylkesveg, med tilhøyrande tilkomstvegar, kan områda nyttast som anleggsområde så lenge anleggsarbeida er i gang. Desse områda kan nyttast som mellombelse omkjøringsvegar, anleggsområde inkl. riggplass, anleggsvegar og mellombels lagerplass for bygningsmateriell, maskiner og brakker så lenge anleggsarbeida er i gang. Etter avslutta anleggsperiode og seinast våren etter vegopning skal området vere tilbakeført og tilplanta eller tilsådd, i samsvar med byggeplan. Areala skal så godt som råd er attendeførast til tilsvarande stand som områda hadde før anleggsstart. Det skal sikrast ein forsvarleg handtering av overflatevatn. Bruk av deponiområde i strandsona og anleggsveg etter veganlegget er ferdigstilt vert lagt fast i byggeplan i samarbeid med Granvin herad og grunneigar. Etter avslutta anleggsarbeid skal resultat frå gjennomføring og overvaking av anleggsarbeidet samanstillast og erfaringa av arbeidet oppsummerast i ein rapport. Eventuelle uønska hendingar skal også skildrast i rapporten. Rapporten skal leverast til Fylkesmannen i Hordaland og Granvin herad innan 6 veker etter anleggs slutt. Rapporten skal innehalde følgjande informasjon: a) Tidsrom for gjennomføring b) Stad for utfylling, inkludert kart og koordinatar c) Totalt volum, oppgitt i m3 d) Type masser: berg/fjellblokk, pukk og grove masser, sand/grus e) Skildring av utstyret og teknologien som er nytta f) Eventuelle avvik frå planen eller interne rutinar g) Evaluering av arbeidet Granvin, 30.11.2012 (revidert 24.04.2013)