RETNINGSLINJE FOR BISTAND FRÅ KOMMUNALT PERSONELL FOR PERSONAR MED SPESIELLE OPPFØLGINGSBEHOV VED INNLEGGING I HELSE MØRE OG ROMSDAL HF 1. FORMÅL OG RETTSLEG GRUNNLAG Formålet med retningslinja er å avklare ansvarsforhold, organisering og finansiering dersom det ved innlegging i Helse Møre og Romsdal HF er behov for at kjent ledsager, tilsett i kommunen, skal yte bistand. 2. OMFANG Retningslinja gjeld alle avdelingar ved Helse Møre og Romsdal HF og alle kommunane i opptaksområdet som Helse Møre og Romsdal HF har samhandlingsavtale med både ved planlagde og akutte innleggingar. 3. DEFINISJONAR Ledsager: personell tilsett i kommunen som skal yte bistand for person med spesielle behov som er innlagt ved Helse Møre og Romsdal HF. Pasient med spesielle behov: omfattar sterkt funksjonshemma, utviklingshemma og andre personar med spesielle utfordringar. Det gjeld også pasientar med stor grad av uro/angst og/eller utagerande adferd. I teksten brukast pasient synonymt med pasient/brukar. Pasient under 18 år og innlagt ved barne- og ungdomsavdelinga: Barn har rett til å ha minst ein av foreldra hos seg under institusjonsopphaldet. Med foreldre meinast også fosterforeldre eller andre offentlege institusjonar som opptrer på vegne av foreldra, jmf forskrift om barns opphald i helseinstitusjon (2001: 3,6). 4. BEHOVSAVKLARING Helse Møre og Romsdal HF skal i samarbeid med kommunen vurdere om det er behov for særskilt tilrettelegging for å kunne ivareta pasienten ved innlegging. Pasienten eller den som representerer pasienten skal gis mogelegheit til å uttale seg. Når behovet for tilrettelegging er avklart, avgjer Helse Møre og Romsdal HF om dei sjølve kan ivareta pasienten sitt behov for tilrettelegging, eller om pasienten har behov for å ha med kjent ledsager under sjukehusopphaldet. Pasientar med brukarstyrt personleg assistanse (BPA) som er arbeidsleiar for sine tilsette, kommuniserer direkte med Helse Møre og Romsdal HF om bruk av BPA ved sjukehusinnlegging. Dersom det er kommunen som er arbeidsgjevar, foregår kommunikasjonen via kommunen. 1
For pasientar der det forventast re-innleggingar, vil det kunne vere hensiktsmessig å utarbeide ein individuell samarbeidsavtale (enkeltavtale, som blant anna beskriv korleis bistanden spesifikt skal løysast ved innlegging og fordeling av økonomisk ansvar). Slike avtalar skal dokumenterast i pasientens elektroniske journal under kritisk informasjon og som vedlegg til eventuell individuell plan/kriseplan. 5. FRAMGANGSMÅTE For pasientar med eit sannsynleg behov for ledager ved innlegging på sjukehus, bør følgje av ledsager som hovudregel vere avklart på førehand. Dersom dette ikkje er avklart ved innlegging og Helse Møre og Romsdal HF meiner det er behov for kommunal ledsager mens pasienten er innlagt, må helseføretaket straks sende førespurnad til kommunen om dette. Kommunen skal i den grad det er mulig sørgje for at pasienten får følgje av ein kjent person. 5.1 Planlagt innlegging Aktuell kommune ved ansvarlig leiar kontaktar Helse Møre og Romsdal HF ved seksjonsleiar ved aktuell sengepost og drøftar om pasienten har behov for ledsager og omfanget av behovet under sjukehusopphaldet. Dersom det fastslås at det føreligg eit behov for ledsager, skal skjemaet «Avtale om ledsager frå kommune» fyllast ut. Nytt skjema må fyllast ut for kvar innlegging med mindre det er inngått enkeltavtale på namngitt pasient. 5.2 Akutt innlegging Aktuell kommune ved ansvarlig leiar kontaktar Helse Møre og Romsdal HF ved ansvarleg sjukepleiar ved aktuell sengepost. Kommunen og aktuell sengepost avklarar bistandsbehov og inngår avtale som er skildra i punktet over: På kveld/natt/helg/høgtid: Ansvarleg sjukepleiar ved aktuell sengepost inngår avtale med ansvarleg på vakt i kommunen snarast råd. Ansvarleg sjukepleiar/ansvarsvakt eller tilsvarande har deretter ansvar for å overlevere avtale til seksjonsleiar/avdelingsleiar som vurderer omfanget av inngått avtale. Man-Fre: Det tas direkte kontakt med seksjonsleiar/avdelingsleiar 6. MEIR OM DEN KOMMUNALE BISTANDEN Kommunen sitt personale skal yte dei same tenestene som pasienten får i kommunen. Om nødvendig kan oppgåvene til ledsager spesifiserast i skjemaet «Avtale om ledsager frå kommune». Ledsager utfører bistanden i samarbeid med ansvarleg sjukepleiar ved aktuell sengepost i helseføretaket. 2
Ved lengre planlagde innleggingar bør det utarbeidast ein eigen arbeidsplan/turnus etter avtaleverk i kommunen, for korleis bemanningssituasjonen skal løysast. Ved innlegging i Helse Møre og Romsdal HF gjeld rutine for elektronisk informasjonsutveksling ved bruk av pleie- og omsorgsmeldingar. Kommunen må sørgje for at innleggingsrapport sendast elektronisk innan 4 timer etter at sjukehuset har meldt pasienten innlagt til kommunen. Innhaldet i innleggingsrapporten må vere oppdatert og innehalde nødvendig informasjon som sjukepleieopplysningar, oppdatert medikamentliste, informasjon om hjelpemidlar pasienten bruker og som sjukehuset treng kjennskap til, eventuelt oppdatert individuell plan der dette er relevant og etter samtykke frå pasienten. (Delavtale 3a til Samhandlingsavtalen, 2015). Dersom pasienten har ledsager må det kome fram i innleggingsrapporten. Ledsager fyller ut «logg for registrering ved bruk av ledsager frå kommunen» som grunnlag for kommunens refusjonskrav. Ansvarleg sjukepleiar ved den sengeposten pasienten er innlagt i, attesterer på skjemaet. Ved vaktstart skal ansvarleg sjukepleiar ved aktuell sengepost i samarbeid med kommunal ledsager, sette opp ein plan for avløysing og matpauser. Ledsager skal ha informasjon/opplæring i nye/endra prosedyrer og informasjon om interne rutinar, for eksempel innan smittevern, branninstruks og namn på pasientansvarleg sjukepleiar/eventuelle andre kontaktpersonar. Ved innlegging skal Helse Møre og Romsdal HF tilby pasienten koordinator jamfør lov om spesialisthelsetenester og forskrift om habilitering og rehabilitering, individuell plan og koordinator (2011). Under sjukehusopphaldet og før utskriving skal Helse Møre og Romsdal HF sørgje for at prosedyre for elektronisk informasjonsutveksling ved bruk av pleieog omsorgsmeldingar følgast opp. Oppdaterte helseopplysningar om pasienten sitt forventa hjelpebehov og funksjonsnivå etter utskriving, skal formidlast til kommunen seinast 24 timer før utskriving (Delavtale 5a til samhandlingsavtalen, 2015). Utskrivingsrapport til sjukepleietenesta i kommunen må innehalde namn på koordinator/kontaktperson i Helse Møre og Romsdal HF. Epikrise/tilsvarande legedokumentasjon med oppdatert legemiddelliste skal sendast elektronisk til oppfølgande instansar i kommunen, seinast ved utskrivingstidspunkt jamfør delavtale 5a til samhandlingsavtalen (2015) 3
7. ØKONOMISK ANSVAR Dokumenterte meirutgifter for kommunen til bistanden skal dekkast av Helse Møre og Romsdal HF. Utgangspunktet for vurderinga vil vere vedtak pasienten har om tenester frå kommunen. Meirutgifter er kostnader kommunen får ved å yte tenester ut over pasienten sitt vedtak om tildelte tenester/ressursar i kommunen. Dette betyr at kommunen sjølv dekker det dei har av ordinære utgifter til pasienten som om pasienten er heime. 8. FAKTURERING Krav om dekning av dokumenterte meirutgifter må fremmast av kommunen og dokumenterast ved avtale og loggskjema. Fakturering skal skje med utgangspunkt i gjeldande lønn for aktuelt følgjepersonell. Helse Møre og Romsdal HF dekker ikkje overtid/forskjøve arbeidstid med mindre dette er avtalt og klarert på førehand med seksjonsleiar/ansvarleg sjukepleiar ved Helse Møre og Romsdal HF. Kommunen utbetalar løn på vanleg måte til eigne tilsette, og forskutterar transportutgifter. Utgifter til reise for ledsager dekkast etter statens satsar. I arbeidstida inkluderast eventuell meirreisetid som følgje av oppdraget. 9. HANDTERING AV UEINIGHEIT Eventuelle tvister og ueinigheit løysast på lavast mulig administrative nivå. Dersom partane ikkje vert samde, vert føringar om behandling av tvister jamfør vedteken samhandlingsavtale mellom kommunane i Møre og Romsdal og Helse Møre og Romsdal HF gjeldande (2015:punkt 8). 10. EVALUERING OG REVISJON Retningslinja evaluerast etter behov. Overordna samhandlingsutval i Møre og Romsdal har ansvar for å gjennomføre evalueringane og eventuelt revidere retningslinja. 11. VEDLEGG 1. Skjema: Logg for registrering ved bruk av ledsager frå kommunen 2. Skjema: Avtale om ledsager frå kommunen 4
12. REFERANSAR Helse- og omsorgsdepartementet.(2000): Forskrift om barns opphold i helseinstitusjon https://lovdata.no/dokument/sf/forskrift/2000-12-01-1217 Helse og omsorgsdepartementet.(2011): Forskrift om habilitering og rehabilitering, individuell plan og koordinator. https://lovdata.no/dokument/sf/forskrift/2011-12-16-1256 Helse Møre og Romsdal HF.(2015): Samhandlingsavtale mellom kommunene i Møre og Romsdal og Helse Møre og Romsdal HF https://helse-mr.no/documents/samhandlingsavtale%202015%20.pdf LOV - 1999-07-02-61 Lov om spesialisthelsetjenesten m.m. https://lovdata.no/dokument/nl/lov/1999-07-02-61 5