SANDE KOMMUNE LØNSPOLITISK PLAN Vedteken av kommunestyret den 24.06.2008, sak K-52/08. Saksnr 2008/384 Revidert av kommunestyret den 06.09.11, sak K-40/11. Saksnr 2010/107 1
Forord Sande kommune sin første lønspolitiske plan vart utarbeidd og vedteken i år 2000, for perioden 2000 2003. I 2005 vart pkt 5.2 i planen- Organisering av forhandlingsansvaret endra i k.sak 24/05. I 2008 vart heile planen gjennomgått på nytt. Det vart lagt vekt på forenkling og nødvendige justeringar i forhold til endringar i avtaleverket. I tillegg vart seniorpolitiske tiltak innarbeidd i planen. Seniortiltak hadde då vore etterlyst i lengre tid. Pkt 13 i planen slo fast at første gongs revisjon skulle skje etter eitt år, innan 01.07.09. M.a. av di det var ein del usikre faktorar knytt til framtidig pensjonsordning. I tillegg ville ein då ha ei viss erfaring med seniortiltaka og dermed ha grunnlag for å vurdera eventuelle endringar. Verdidokument for Sande kommune skal framleis vera basis for Lønspolitisk plan. Hovudstrukturen i planen er uendra i forhold til 2008- versjonen, men det er teke inn eit nytt punkt i planen Vurdering av kompetanse pkt 9. 2
INNHALD 1. Innleiing 2. Målsetting 3. Rammevilkår 4. Omfang 5. Lønsstruktur 6. Lønsfastsetjing 7. Organisering av forhandlingsansvar 8. Lokal lønspolitikk og lønskriterier 9. Vurdering av kompetanse 10. Seniortiltak 11. Særlege lønspolitiske tiltak 12. Prosedyre ved lokale forhandlingar 13. Årsoversikt 14. Rullering av planen Vedlegg: 1. Verdidokument for Sande kommune 2. Særlege lønspolitiske tiltak - oversikt 3
1. INNLEIING Kommunen sin arbeidsgjevarpolitikk, dvs dei verdiar, haldningar og praksis som arbeidsgjevar både på politisk og administrativt nivå legg til grunn og står for i forhold til sine medarbeidarar kjem til uttrykk i Verdidokument for Sande kommune, vedteke av kommunestyret den 29.06.2004. Lønspolitikken er ein del av den samla arbeidsgjevarpolitikken og planen er utarbeidd med basis i Verdidokumentet. Dei seinare års endringar i tariffavtalen med stadig større rammepreg aukar behovet for oppdaterte planar på lønsområdet. Partane sentralt vil ikkje ha muligheit til å treffa behova og utfordringane som finst lokalt. Lønssystemet føreset difor ein lokal lønspolitikk, som må gjerast kjent for alle tilsette. Leiarane er ansvarlege for å gjera lønspolitikken kjent for alle medarbeidarar på alle nivå i organisasjonen. Dei tillitsvalde skal støtta opp om dette arbeidet. 2. MÅLSETTING Verdidokumentet seier følgjande om kommunen sin lønspolitikk: Sande kommune sin lønspolitikk skal stimulera til initiativ, auka ansvar, kompetanseoppbygging og god bruk av ressursar. Belønnings- og lønspolitikken skal vera eit aktivt middel for å halda på og rekruttera gode medarbeidarar og leiarar i kommunen. Løn er eitt av fleire strategiske verkemiddel for å rekruttera, halda på og utvikla dyktige medarbeidarar i heile organisasjonen. Målet er å sikra god kvalitet på tenesteproduksjonen gjennom motiverte medarbeidarar med riktig kompetanse. Planen definerer lønspolitiske kriterier og prinsipp for individuell lønsfastsetjing, og beskriv prosessane for lønsfastsetjing. Den slår også fast kven som har mynde og ansvar i samband med lønsfastsetjing og forhandlingar. 3. RAMMEVILKÅR Sande kommune sin lønspolitikk skal samsvara med gjeldande lov og avtaleverk. Likestilling Dei lokale forhandlingane skal medverka til likestilling mellom kvinner og menn. Uorganiserte arbeidstakarar Uorganiserte arbeidstakarar har ikkje forhandlingsrett, men kommunen må som ansvarleg arbeidsgjevar vurdera lønsvilkåra for alle sine tilsette, også uorganiserte. 4
4. OMFANG Lønspolitisk plan omfattar alle tilsette i Sande kommune. 5. LØNSSTRUKTUR 5.1 Hovedtariffavtalen (HTA) 3 pkt 3.4.1 Toppleiargruppa Toppleiargruppa i Sande kommune består av rådmann og to kommunalleiarar. Denne gruppa får fastsett sine lønsvilkår utelukkande lokalt. Lønsforhandlingar skjer ein gong årleg. 5.2 HTA kap 3 pkt 3.4.2- Andre leiarar Einingsleiarane er plassert i denne gruppa. Etter forhandlingsheimelen i HTA skal det forhandlast for denne gruppa ein gong i året, innan 01.10. 5.3 HTA kap 4 punkt 4.A.1 Andre tilsette Tilsette som ikkje er leiarar (pkt 3.4.1 og 3.4.2) og som ikkje kjem inn under bestemmelsane i i HTA kap 5, får løna si fastsett etter HTA kap 4 pkt 4 A1. Kap 4 er inndelt i to grupper: 4 B - tilsette som ikkje er i undervisningsstillingar. Gruppa består av 5 stillingsgrupper med sentralt fastsett minstelønsnivå basert på stillinga sitt kompetansekrav og lønsansiennitet. 4C - tilsette i undervisningsstillingar. Gruppa er inndelt i 5 stillingsgrupper basert på kompetansekrav og lønsansiennitet. Tilsette i PPT skal innplasserast i samsvar med HTA kap 4C. Grunnlaget for lønsfastsetjinga i kap 4 er ei sentral fastsett minsteløn, sentralt bestemte generelle tillegg og lønspott avsett i det sentrale lønsoppgjeret til lokale forhandlingar. Skal andre vilkår nyttast må dette gå fram av protokoll eller vedtak. 5. 4 HTA kap 5 pkt 5.2 Tilsette i HTA kap 5 får all løn fastsett lokalt. Dvs dei har inga tariffesta minsteløn. I Sande kommune er pr dato følgjande stillingsgrupper/stillingar i kap 5: Ingeniørar (NITO), jordmor (DNJ), legar (DNLF), biblioteksjef (Bibliotekarforbundet). I tillegg er nokre av stillingsinnehavarane i kap 5 organisert i Utdanningsforbundet, Delta og Naturviterne. 5
6. LØNSFASTSETJING Lønsfastsetjing skjer Administrativt ved tilsetjing For stillingar som har minsteløn skal lønsplasseringa som hovudregel vera minsteløn for stillinga. Unntak: stillingar med særskilte lønsvedtak, jfr kap 10. Avvik frå minsteløn skal avgjerast av rådmannen og hans forhandlingsutval For stillingar som ikkje har minstelønsplassering skal rådmannen gjera ei konkret vurdering i kvart enkelt tilfelle Lønsendringar skjer gjennom 1. Sentrale tariffoppgjer, eller 2. Lokale forhandlingar heimla i Hovudtariffavtalen. 7. ORGANISERING AV FORHANDLINGSANSVAR 7.1 Politisk forhandlingsutval Eit politisk forhandlingsutval som består av 3 frå formannskapet vurderer og fastset lønsvilkåra for toppleiargruppa, dvs rådmann og to kommunalleiarar (HTA kap 3.4.1) 7.2 Rådmannen Rådmannen har forhandlingsansvar for einingsleiarane (HTA kap 3.4.2) og øvrige tilsette (HTA kap 4 og 5). Forhandlingane skjer i samsvar med sentrale og lokale føringar. For einingsleiarane vert den årlege medarbeidarsamtalen ein del av vurderingsgrunnlaget i lokale forhandlingar. I tillegg skal ei årleg vurdering av leiaravtalane liggja til grunn. Rådmannen sitt forhandlingsutval er samansett av rådmann, kommunalleiarar og personalrådgjevar. Formannskapet fastset økonomisk ramme for forhandlingane etter kap 3 og5. Rapport vert lagt fram for formannskapet umiddelbart etter at forhandlingane er avslutta. 7.3 Einingsleiarane si rolle I samband med lokale forhandlingar skal einingsleiarane gje skriftlege innspel til rådmannen om lønsmessige utfordringar og prioriteringar. Einingsleiarane er også ansvarlege for gjennomføring av medarbeidarsamtalar for sine tilsette. 6
8. LOKAL LØNSPOLITIKK OG LØNSKRITERIER Løn vert fastsett ut frå stillinga sitt ansvars- og funksjonsområde og arbeidstakaren sin kompetanse, innsats, prestasjon og resultatoppnåing. Følgjande individkriterium skal vektleggjast ved lønsfastsetjing: Ansvar: Evne og vilje til å ta på seg nye oppgåver innanfor ansvars- og funksjonsområdet for stillinga Ansvar for fagleg og personleg eigenutvikling innanfor dei rammer og ressursar arbeidsgjevar gir Kompetanse Vidare- og etterutdanning i samsvar med arbeidsgjevar sine prioriterte tiltak i kommunen sin kompetanseutviklingsplan og dei tilsette sine eigne initiativ til relevant kompetanseoppbygging, skal gje uttelling i lokale forhandlingar. Arbeidsinnsats Nyttiggjering av eigen kompetanse og erfaring Sjølvstendig og målretta innsats Effektiv utnytting av arbeidstida Oppnådde resultat i høve til mål Initiativ og omstilling Initiativ til forenkling og effektivisering av eksisterande rutiner og arbeidsoperasjonar Evne til omstilling, fleksibilitet og nytenking Samarbeidsevne Evne til samarbeid uavhengig av personlege oppfatningar og haldningar Evne til å dela kunnskap med kollegaer og andre Lojalitet Følgjer lover, retningsliner og avtalar Rettar seg etter og følgjer opp politiske vedtak og administrative avgjerder Melder frå til overordna om evt vesentlege endringar i føresetnadene for å yta gode og effektive tenester Leiarar I tillegg til dei generelle lønskriteria som gjeld for alle arbeidstakarar, vert det stilt spesielle krav til leiarane. Resultatoppnåing i høve til kriteria i leiaravtalane skal vera ein del av lønsvurderinga. Leiarar må kunna motivera, stilla krav til, gi støtte, rettleiing og tilbakemelding til sine medarbeidarar 7
organisera og fordela arbeidsoppgåver rasjonelt og kostnadseffektivt utvikla samarbeid bygd på openheit, tillit og medverknad skapa eit godt og inkluderande arbeidsmiljø opptre synleg og truverdig som representant for arbeidsgjevar, og visa forståing for politiske prosessar og vedtak ha god dialog med tillitsvalde bidra til å styrkje vi-kjensla og gjera laget sterkare 9. VURDERING AV KOMPETANSE Rådgjevande tabell for tilleggsløn skal leggjast til grunn ved lokale lønsforhandlingar og gjeld ut tariffperioden (til 30.04.2012). Sjå tabellen under. Tillegga skal flyta oppå ny minsteløn på lønsramme, innanfor tariffperioden( til 30.04.12). Føresetnader: Utdanninga samsvarer med kommunen sitt noverande og framtidige kompetansebehov Utdanninga skal vera relevant i forhold til funksjon og nyttiggjort i stillinga Utdanninga er gjennomført, godkjent og dokumentert. Dokumentasjonen skal registrerast i kommunen sin kompetansemodul. Anna utdanning/kurs enn den som gir uttelling i form av studiepoeng må verta del av realkompetansevurdering. Rådgjevande tabell skal nyttast som grunnlag ved lokale lønsforhandlingar: Studiepoeng Tillegg 15 + 5 000 30 + 10 000 45 + 15 000 60 + 20 000 10. SENIORTILTAK Mål: Stimulera flest muleg av kommunen sine tilsette til å stå i arbeid lengst muleg. I Sande kommune vert arbeidstakar definert som senior frå fylte 55 år. Tiltak frå fylte 55 I den årlege medarbeidarsamtalen vert seniorperspektivet vektlagt, med utgangspunkt i fastlagt mal. Ansvarleg: Einingsleiar 8
informasjon om kommunen sin seniorpolitikk drøfta evt behov for tilrettelegging i arbeidet drøfta evt behov for tilrettelagt arbeidstid Årleg informasjonsmøte om seniortiltak og pensjonsrettar. Ansvarleg: Rådmann Alternative tiltak frå fylte 62 67 Tiltaka er inga rettigheit for den enkelte, men kan nyttast som verkemiddel ved behov i det enkelte tilfelle etter drøfting og semje mellom den tilsette og vedkomande sin leiar. Ved semje vert det skrive senioravtale (fastlagt skjema) for eitt år om gongen. Redusert arbeidstid med full løn, inntil 10 % i form av redusert dagleg eller vekentleg arbeidstid, eller som fridagar fordelt over arbeidsåret. Intensjonen med tiltaket er redusert arbeidsbelastning. Kontantutbetaling/bonus på 15 000 årleg for dei som er i jobb frå 62 67. Seniortiltaka frå fylte 62 år er alternativ til å ta ut heil eller delvis AFP. Dette er alternative tiltak, dvs ein kan ikkje velja fleire tiltak samstundes. Tiltaka er basert på stillingsstorleik på 100 % stilling, for lavare delstilling vert det ein forholdsmessig reduksjon. Tillegg knytt til seniorløn skal ikkje belastast potten ved lokale forhandlingar, kostnaden vert å innarbeida i lønsbudsjettet. 11. SÆRLEGE LØNSPOLITISKE TILTAK Vanskar med å rekruttera fagkompetanse kan gje grunnlag for å vurdera særlege lønsvilkår. Følgjande prosedyre vil gjelda i slike saker: Dei lokale partane drøftar rekrutteringssituasjonen og behovet for særlege lønspolititiske tiltak i eit drøftingsmøte i februar/mars, jfr Hovedtariffavtalen kap 3.2.1. På grunnlag av drøftinga tek rådmannen avgjerd om kva særlege lønspolitiske tiltak som skal gjelda til eikvar tid. Oversikt over stillingar/grupper med særskilte lønsvilkår i Sande kommune pr i dag følgjer som vedlegg 2 til planen. 9
12. PROSEDYRE VED LOKALE FORHANDLINGAR 12.1 Lønskrav Lønskrav skal fremjast via arbeidstakarorganisasjonane og stilast til Sande kommune v/rådmannen. Fastlagt skjema skal nyttast. Dei største av organisasjonane har tilgang til forhandlingsmodulen EDB Lønn og Personal, og legg krava inn direkte. Uorganiserte har ikkje forhandlingsrett, men kan senda søknad om lønsjustering. Heimel for lønskravet skal gå klart fram. 12.2 Avgrensing Som hovudregel skal ingen tilsette vurderast lokalt for lønsopprykk i same stilling meir enn ein gong pr år. 12.2 Teieplikt Deltakarane i forhandlingane har teieplikt i forhold til informasjon gitt under forhandlingar. Lønsrapportar som vert utdelt til forhandlarane skal i samsvar med god forhandlings-skikk ikkje spreiast eller gjerast kjent for uvedkomande. 12.3 Protokoll Det skal setjast opp protokoll frå forhandlingsmøta. Forhandlingane er reelt og formelt avslutta når enigheitsprotokoll er underteikna av partane. Ved uenigheitsprotokoll og anke vil den aktuelle ankebestemmelsen avgjera vidare prosedyre. 13. ÅRSOVERSIKT Januar april Februar mars Mai/juni Gjennomføring av medarbeidarsamtalar. Drøftingsmøte arbeidsgjevar arbeidstakarorganisasjonane Gjennomgang av det sentrale tariffoppgjeret. Dei lokale partane søkjer å identifisera lokale lønspolitiske utfordringar som følge av det sentrale tariffoppgjeret. August Lønspolitisk drøftingsmøte innan 01.09. 10
September/oktober Forhandlingar for kap 3, 4 og kap 5 November Evaluering av lønsforhandlingane 14. RULLERING AV PLANEN Ny gjennomgang av planen skal skje innan 4 år, neste gong i løpet av 1. halvår 2014, eller tidlegare om behovet skulle tilseia det. Behovet for særskilte lønspolitiske tiltak skal vurderast ein gong pr år i samsvar med prosedyren som er skissert i pkt 11. Oversikt over gjeldande tiltak følgjer som vedlegg 2 til planen. Vedlegg: 1. Verdidokument for Sande kommune 2. Særskilte lønspolitiske tiltak 11
VEDLEGG 2 Lønspolitisk plan SÆRSKILTE LØNSPOLITISKE TILTAK Følgjande stillingar/grupper har særskilte lønsvilkår i Sande kommune: Sjukepleiar og vernepleiar Sjukepleiar st.kode 7174 og vernepleiar st.kode 6455 får inntil 8 års antesipert lønsansiennitet ved fast tilsetjing i Sande kommune. Formannskapsvedtak sak 34/99. Sjukepleiarstudentar/ vernepleiarstudentar Sjukepleiarstudentar/vernepleiarstudentar som arbeider som vikararar: 1. årsstudentar: minsteløn som fagarbeidar/tilsvarande m/0 års lønsansiennitet 2. årsstudentar: minsteløn som fagarbeidar/tilsvarande m/4 års lønsansiennitet 3. årsstudentar: minsteløn som fagarbeidar/tilsvarande m/8 års lønsansiennitet Ordinære lønsvilkår (etter Hovedtariffavtalen) gjeld frå det tidspunkt autorisasjon vert framlagt. Pedagogisk leiar Tilsette i st.kode 7637 Pedagogisk leiar skal lokalt lønast kr 20 000 over sentralt fastsett minsteløn for førskulelærar st.kode 6709. Gjeldande frå 01.08.2011. Delegasjonsvedtak sak 22/11. Arkivsak 2011/293. 12
13