REGLEMENT FOR EIDFJORD KOMMUNESTYRE ¹ ¹vedteke av Eidfjord kommunestyre i møte 18. desember 1995. 1. KOMMUNESTYRET SITT ARBEIDSOMRÅDE Kommunestyret er kommunen sitt øvste organ og gjer vedtak på kommunen sine vegne så langt ikkje noko anna følgjer av lov, eller vedtak om delegering av mynde til anna organ.¹ Kommunestyret kan delegere mynde til å gjere vedtak på kommunen sine vegne til faste utval, komitear, styre for verksemd, ordføraren eller rådmannen etter reglane i kommunelova.² ¹ KL 6 ² KL 10 nr 2, 10 nr 5, 11 nr 3, 9 nr 5 og 23 nr 4 2. SAKSFØREBUING FOR KOMMUNESTYRET Rådmannen har ansvar for at dei sakene som skal handsamast av kommunestyret er førebudde på forsvarleg vis i samsvar med lov, reglement eller anna bindande føresegn.¹ Formannskapet gjev tilråding til kommunestyret i alle saker som skal handsamast av kommunestyret, og som høyrer til formannskapet sitt arbeids- og ansvarsområde. Kommunestyret kan opprette sakskomitear³ for særskilde saker som innafor fastsett mandat gjev tilråding direkte til kommunestyret. Ved tvil avgjer ordføraren kva utval som skal gje tilråding til kommunestyret. Kommunestyret kan som ledd i sitt arbeid halde temamøte og opne høyringar. Det same kan sakskomiteane gjere om dei finn det føremålstenleg. Ordføraren har ansvar for at saksdokument vert sendt medlemmer og varamedlemmer i kommunestyret og elles dei som i kraft av stilling eller funksjon skal ha desse dokumenta. ¹ KL 23, nr 2 ² KL 8, nr 3, jfr 44, nr 4 og 45, nr 3 ³ KL 10, nr 5 3. INNKALLING TIL MØTE OG UTLEGGING AV SAKSDOKUMENT Kommunestyret held møte etter eiga eller ordføraren si avgjerd eller når fylkesmannen krev det.¹ Ordinære møte i kommunestyret, formannskapet og andre faste utval skal så langt det er råd samordnast i ein felles møteplan. Ordføraren kaller inn til møte i kommunestyret. Innkallinga skal innehalde opplysningar om tid og stad for møtet, oppgåve over dei sakene som skal handsamast og naudsynte saksdokument.² Leiaren kan avgjere at dokument som kan unnatakast frå offentleggjering, ikkje skal sendast medlemmene eller leggjast ut til ettersyn. Slike dokument skal medlemmene kunne gjere seg kjende med i administrasjonen.
Innkalling til møte skal kunngjerast på oppslagsstader og i lokalavisa. Innkalling og kunngjering skal som regel skje med ein frist på 7 dagar.³ Andre fristar i lov eller bindande føresegn går framom. ¹ KL 32, nr 1. ² KL 32, nr 2. ³ KL 32, nr 3 4. FORFALL OG INNKALLING AV VARAMEDLEMMER Medlem eller varamedlem som grunna lovleg forfall ikkje kan ta del i møtet, skal utan opphald melde frå til sekretariatet som straks kallar inn varamedlem på ordføraren sine vegne. Varamedlem skal og kallast inn når ordføraren er kjend med at nokon må forlate møtet som ugild i sak som skal handsamast. Må nokon grunna lovleg forfall forlate møtet, skal varamedlem om mogeleg kallast inn og overta plassen. Ingen kan gå frå møtet før sak som er teke opp til handsaming, er sluttført. Om medlem eller høgare nummerert varamedlem kjem til møtet etter at det har byrja, skal vedkomande ikkje tiltre før sak som er teke opp til handsaming er sluttført. Kva som er lovleg forfall etter denne paragrafen vert avgjort av forsamlinga sjølv. Omstende som fare for helse eller velferd, viktige forretningar eller pliktar i arbeidet er gyldig forfallsgrunn.¹ ¹ KL 40, nr 1 5. DELTAKING I MØTE FOR ANDRE ENN VALDE MEDLEMMER Rådmannen, eller representant for rådmannen, tek del i møta med tale- og framleggsrett.¹ Rådmannen kan kalle inn andre tilsette til møta når han finn det føremålstenleg for sakshandsaminga. Desse kan gje opplysningar og utgreiingar, men har elles ikkje høve til å ta del i drøftingane. Sekretæren tek del i møta med talerett for det som gjeld protokolleringa. Revisor tek del i møta med talerett i saker som kjem frå kontrollutvalet. Andre tek del i møta når særskild lovregel gjev dei rett til det, og då med dei rettar og pliktar lova fastset. Ordføraren eller kommunestyret kan kalle særlege sakkunnige, eller i samråd med rådmannen andre kommunalt tilsette, inn til møta. Desse kan gje opplysningar og utgreiingar, men har elles ikkje høve til å ta del i drøftingane. ¹ KL 23, nr 3. 6. MØTELEIAR Ordføraren leiar møta. Har han eller ho forfall, leiar varaordføraren møta. Har båe forfall, vert møteleiar vald ved fleirtalsval.¹
Om ordføraren eller annan møteleiar ønskjer å ta del i ordskiftet, skal han eller ho gje frå seg møteleiinga til varaordføraren eller annan møteleiar vald av kommunestyret. Ordføraren eller fungerande møteleiar skal sjå til at det er god orden i møtesalen og i naturleg nærleik elles. Vedkomande skal sjå til at talarane ikkje vert avbrotne eller uroa frå nokon kant. Om tilhøyrarar ved meiningsytringar eller på annan måte uroar drøftingane eller på anna vis gjer noko som strir mot god orden, kan møteleiaren vise desse ut. Teikningar, tabellar eller liknande kan berre nyttast under møta dersom møteleiaren eller kommunestyret samtykkjer. ¹ KL 32, nr 4 7. OPNE ELLER LUKKA DØRER Møtet vert halde for opne dørar om ikkje anna følgjer av lovbestemt teieplikt eller kommunestyret elles med heimel i lov eller føresegn gjer vedtak om det. Drøftingar om dette vert halde for stengde dørar om møteleiaren krev det eller kommunestyret gjer vedtak om det.¹ Tilhøyrarar, representantar frå media og andre som ikkje skal ta del i drøftingane, må forlate møtesalen straks møtet vert lukka. ¹ KL 31 8. TEIEPLIKT Dei som er til stades i lukka møte pliktar å teie med det som kjem fram i drøftingane eller vert vedteke, om ikkje utvalet vedtek noko anna eller grunnlaget for teieplikta fell bort. 9. OPNING AV MØTET Til den tid som er fastsett vert det halde opprop over dei medlemmer og varamedlemmer som skal vere til stades i møtet. Møteleiaren erklærer møtet for lovleg sett dersom nok representantar etter lova er møtt fram¹, og det elles ikkje vert reist avgjerande innvendingar mot at det vert gjort. Når møtet er lovleg sett kan ingen medlem eller møtande varamedlem forlate møtet for kortare eller lengre tid utan på førehand å ha fått godkjend permisjon frå ordføraren. Kjem nokon av dei innkalla medlemmene eller varamedlemmene etter at møtet er sett, skal dei melde seg for møteleiaren før dei tek sete. ¹ KL 33 10. SAKSHANDSAMINGA Vert det under oppropet eller starten av møtet reist innvendingar i samband med forfall eller frammøte av varamedlemmer eller om møtet elles er lovleg innkalla, skal dette handsamast først i møtet. Deretter vert dei sakene som er nemnde i innkallinga teke
opp, og i den rekkjefølgja som der går fram. Eventuelle førespurnader vert teke opp til slutt i møtet. Kommunestyret kan vedta ei anna rekkjefølgje. Er handsaminga av ei sak teke til, kan møtet ikkje avsluttast før saka er avgjort med røysting eller det vert vedteke å utsetje ho. Sak som ikkje er nemnd i innkallinga, kan handsamast dersom ikkje møteleiaren eller minst 6 av dei frammøtte representantane er mot dette.¹ Om handsaming av sak på dette viset vert avvist, skal ho takast med på sakslista til neste ordinære møte om ikkje kommunestyret vedtek noko anna. ¹ KL 34, nr. 1 11. UGILDSKAP Forvaltningslova¹ og kommunelova² sine særreglar om ugildskap gjeld for møta i kommunestyret. Er nokon ugild etter desse reglane, skal dei sjølv seie frå om det, om mogeleg i så god tid at varamedlem kan kallast inn. Den som er ugild, tek ikkje del i møtet under handsaminga av den aktuelle saka. Kommunestyret kan frita eit medlem frå å ta del i handsaminga av ei sak når vedkomande ber om det og vektige personlege grunnar talar for det. ¹ lov av 10. februar 1967 om behandlingsmåten i forvaltningssaker, kap II. ² KL 40, nr. 2 og 3. 12. MØTELEIAREN SI ORIENTERING OM SAK TIL HANDSAMING Møteleiaren les det namnet saka har fått i innkallinga. Deretter refererer han eller ho det framlegget til vedtak som ligg føre frå innstillande utval og seier frå om dei dokument som har kome inn etter tilrådinga vart gjeve. Møteleiaren orienterer elles om innhaldet i saka så langt vedkomande sjølv eller medlemmene i kommunestyret finn det turvande. 13. ORDSKIFTET OG REKKJEFØLGJA MELLOM TALARANE Møteleiaren spør om nokon vil ha ordet i saka. Talarane får så ordet i den rekkjefølgje dei ber om det. Ber fleire om ordet samstundes, avgjer møteleiaren rekkjefølgja mellom dei. Ved replikkordskifte får den som ber om replikk ordet før møteleiaren held fram på den ordinære talarlista. Talarar retter orda sine til møteleiaren, ikkje til forsamlinga. Møteleiaren skal sjå til at vedkomande held seg nøye til den saka ordskiftet gjeld. Det må ikkje seiast noko som kan krenke andre. Det er heller ikkje lov å laga uro eller anna ståk som uttrykk for misnøye, semje eller usemje med noko som vert sagt eller som skjer under møtet. Brot på ordensreglane skal møteleiaren påtale, om turvande to gonger. Om det ikkje hjelper, kan møteleiaren avbryte vedkomande sitt innlegg eller ved røysting la kommunestyret avgjere om vedkomande skal stengast ute frå del eller resten av møtet. Møteleiaren må ikkje avbryte nokon som har ordet, om det ikkje skjer for å gjennomføre det som går fram i reglementet eller for å klargjere mistydingar i det som vert sagt av talaren.
14. AVGRENSING OG AVSLUTNING AV ORDSKIFTET Før ordskiftet i ei sak er teke til og under ordskiftet, kan kommunestyret vedta at taletida skal avgrensast til eit bestemt tal minutt for kvart innlegg. Unnatak kan gjerast for rådmannen, for kvar gruppeleiar eller for den som er vald til leiar for anna gruppering som vert skipa i særskild sak når møteleiaren har fått melding om at vedkomande er vald på førehand. Møteleiaren avsluttar ordskiftet i ei sak når vedkomande meiner ho er drøfta nok. Kommunestyret kan elles sjølv vedta å avslutte ordskiftet eller lengje det etter at møteleiaren har teke til orde for å avslutte det. Ved ordskifte om avkorting av taletida eller om å avslutte realitetsordskiftet kan kvar talar berre få ordet ein gong og med høgst 2 minutt taletid. 15. FRAMLEGG Framlegg kan berre reisast av dei som er med i kommunestyret som valde medlemmer eller innkalla varamedlemmer og av rådmannen eller denne sin representant, om ikkje regel i lov seier noko anna. Framlegg skal, etter at det er reist, leverast skriftleg og underskrive til møteleiaren. Framlegg kan likevel setjast fram munnleg dersom det gjeld namn i val- eller tilsetjingssak, utsetjing av sak som er oppe til handsaming, oversending av sak til anna kommunalt organ eller går ut på at framlegg skal vrakast. 16. RØYSTING Når ordskiftet er slutt, seier møteleiaren frå om at saka er teke opp til røysting. Om det er uklårt kva framlegg som er komne inn, skal dei alle refererast før røystinga tek til. Frå dette tidspunktet og til røystinga er ferdig skal det ikkje vere meir realitetsordskifte om saka eller gjerast nye framlegg. Heller ikkje er det i tidsrommet for røystinga høve til å ta opp noko anna sak til handsaming. Vert det reist utsetjingsframlegg skal realitetsordskiftet straks avsluttast og framlegget røystast over, om forsamlinga ikkje vedtek noko anna. Rett til å røyste har berre dei som er kalla inn til møtet som medlem eller varamedlem og som er til stades når saka vert teke opp til røysting. Ingen kan gå frå møtet før røystinga er slutt. Alle har røysteplikt. Blank røyst kan gjevast ved val og tilsetjing.¹ Er saka oppdelt, eller skal det røystast over fleire framlegg, avgjer møteleiaren rekkjefølgja i røystingane om ikkje kommunestyret vedtek ei anna rekkjefølgje. Ved ordskifte om dette, skal møteleiaren sjå til at talarane heldt seg strengt til røystingsspørsmålet. Røystinga skal elles som hovudregel leggjast opp slik at kvar representant får vist sitt prinsipale syn i røystinga. ¹ KL 40, nr 2.
17. PRØVERØYSTING Før endeleg røysting i ei sak kan kommunestyret halde prøverøystingar som ikkje er bindande. Er tilrådinga eller framlegget som det skal røystast over delt i fleire punkt eller paragrafar, bør det til vanleg røystast førebels over kvart punkt eller kvar paragraf, og så, eventuelt etter ny prøverøysting, over heile tilrådinga eller framlegget under eitt. 18. RØYSTEMÅTEN Røysting vert gjennomført på ein av desse måtane: a. Ved stillteiande godkjenning, når ingen gjev uttrykk for usemje med ein slik røystemåte når møteleiaren ber dei som er usamde gje uttrykk for det. b. Ved at møteleiaren ber dei som er mot eit framlegg vise det med røysteteikn, anten ved å reise seg eller rekkje opp ei hand. Når møteleiaren avgjer det, eller nokon i forsamlinga krev det, skal det haldast kontrarøysting ved at dei som er for framlegget viser røysteteikn på same måten. c. Ved namneopprop med ja eller nei som svar når møteleiaren roper opp namna på dei som møter. Det vert avgjort ved loddtrekning kva namn som skal ropast opp først. Deretter held ein fram i alfabetisk orden. Eit medlem utpeika av møteleiaren skal kontrollere røystegjevinga ved å merke av på medlemsoversynet etter kvart som kvar enkelt røyster. d. Namneopprop skal nyttast når møteleiaren avgjer det, eller når eit medlem krev det og får tilslutning frå minst 4 av kommunestyret sine medlemmer. Likeeins skal det røystast med namneopprop når møteleiaren eller 4 av medlemmene i kommunestyret meiner at utfallet av ei røysting etter reglane i denne paragrafen sitt punkt b (med motrøyste) ikkje kan finnast ut med full visse. Røysting over spørsmålet om namneopprop skal nyttast vert halde utan ordskifte først, og elles i samsvar med reglane i denne paragrafen sitt punkt b. e. Ved røystesetlar utan underskrift. To medlemmer som møteleiaren peiker ut, fungerer som teljekorps. Røystesetlar kan berre nyttast ved val og tilsetjing og skal nyttast når nokon medlem krev det.¹ Møteleiaren si røystegjeving er avgjerande ved likt røystetal, unnateke ved val der loddtrekning avgjer utfallet.² ¹ KL 35, nr 5 ² KL 38, nr 1 19. FØRESPURNADER (INTERPELLASJONAR) Utanom dei sakene som står i innkallinga til møtet, kan kvar av dei som er kalla inn til møtet kome med førespurnader til møteleiaren.¹ Desse bør vere leverte inn skriftleg seinast 4 dagar før møtet. For kvar førespurnad kan det haldast ordskifte i inntil 30
minutt. Innlegg vert avgrensa til eitt for kvar talar og til 5 minutt med unnatak for spørjaren og svararen. Realitetsframlegg som vert sette fram i ordskiftet, skal handsamast etter dette reglementet på same viset som saker som ikkje er nemnd i innkallinga.² ¹ KL 34, nr. 1 ² sjå dette reglement 10, jfr. KL 34, nr. 1 20. DEPUTASJONAR Utsendingar eller grupper som vil møte for kommunestyret og uttale seg om ei sak, skal melde frå om dette til ordføraren seinast dagen før møtet. Kommunestyret avgjer sjølv om utsendingane skal takast i mot. Skjer det, møter dei utanfor møtesalen for eit utval vald av og mellom dei frammøtte medlemmene i kommunestyret. Om mogeleg bør alle grupperingane i kommunestyret vere representerte i utvalet. Er ordføraren eller den som fungerer som møteleiar med i utvalet skal han vere leiar for det; elles vel utvalet sjølv leiar. Etter å ha høyrt på det utsendingane har å seie og eventuelt teke i mot ei skriftleg utgreiing frå dei, orienterer utvalsleiaren kommunestyret om det som er kome fram i møtet. Gjeld det ei sak på sakslista, vert orienteringa gjeve i tilknytning til saka. Om ikkje, vert orienteringa gjeve til slutt i møtet. Eventuelle realitetsframlegg som vert reiste i tilknytning til denne orienteringa, skal handsamast etter dette reglementet på same viset som saker som ikkje er nemnd i innkallinga.¹ ¹ sjå dette reglement 10, jfr. KL 34, nr. 1 21. PROTOKOLLFØRING Det skal førast protokoll frå møta.¹ Møteleiaren ser til at dette vert gjort. I møteboka skal førast inn: a. eventuelle protestar mot innkalling og sakliste b. møtetid og -stad c. dato og måte for innkalling d. fråverande medlemmer e. møtande varamedlemmer f. namn på medlemmer og varamedlemmer som kjem eller går under møtet og med oppgåve over når i møtet dette skjedde g. oversyn over kven som møter frå administrasjonen h. saker nummererte i rekkjefølgje for året i. kort nemning for kvar sak om kva ho gjeld j. det som trengst for å vise gangen i handsaminga k. for kvar sak dei framlegg som vert reiste l. det som trengst for å vise at vedtak vert gjort etter rett framgangsmåte m. kva vedtak som er gjorde og kva røystingar som er haldne
Møteleiaren, eller eventuelt kommunestyret ved protest mot møteleiaren si avgjerd, tek stode til om protokolltilførsel skal tillatast. Protokolltilførsel som gjeld påståtte formelle feil skal normalt godtakast. Protokollen skal underskrivast av møteleiaren og to andre medlemmer som vert valde i møtet. ¹ KL 30, nr 3 22. EVENTUELL NY HANDSAMING AV AVGJORT SAK Det utvalet som ei sak sorterer under kan avslå oppmodning om å ta opp att sak til ny handsaming som er lovleg avgjort av det same kommunestyret, dersom oppmodinga kjem før det er gått tre månader frå den dagen kommunestyret gjorde endeleg vedtak i saka. Kommunestyret kan sjølv ta opp att avgjort sak til ny handsaming utan omsyn til nokon slik frist. 23. VEDTAK OM REGLEMENTET Dette reglementet, som berre kan endrast av kommunestyret, tek til å gjelde frå 18. desember 1995.
REGLEMENT FOR FORMANNSKAPET¹ ¹vedteke av Eidfjord kommunestyre i møte 18. desember 1995. 1. VAL OG SAMANSETJING Formannskapet skal ha 5 medlemmer vald av kommunestyret etter reglane i kommunelova.¹ Kommunestyret kan setje ned faste underutval med mynde til å ta avgjerd i saker av ikkje prinsippiell karakter som høyrer under formannskapet sitt arbeids- og ansvarsområde. Kommunestyret kan likeeins setje ned eigne komitear til å gjere planog utgreiingsarbeid på saksområde som høyrer under formannskapet sitt arbeids- og ansvarsområde. ¹ KL 8, nr 1, jfr. 35, nr 4 2. ARBEIDS- OG ANSVARSOMRÅDE Formannskapet har ansvar for alle saker som gjeld kommunen sin drift og forvaltning og som kommunestyret ikkje har lagt til anna organ. Formannskapet har ansvar for å utarbeide framlegg til årsbudsjett og økonomiplan samt kommuneplan med langsiktig del og handlingsprogram. Formannskapet er valstyre, jfr. valglova 15. Formannskapet er fondsstyre etter vedtekter for kraftfond. Formannskapet er fast utval for plansaker etter plan og bygningslova 9-1 (lov av 14. juni 1985) og valstyre etter 15 i lov av 1. mars 1985 om stortingsvalg, fylkestingsvalg og kommunestyrevalg. Formannskapet er klagenemnd etter lov av 10. februar 1967 om behandlings-måten i forvaltningssaker, 28, 2. ledd. For formannskapet sine eigne vedtak er kommunestyret klagenemnd. 3. AVGJERDSMYNDE OG MINDRETALSANKE Formannskapet sin mynde går fram av særskilt delegeringsreglement vedteke av Eidfjord kommunestyre. Vedtak i formannskapet kan leggjast fram for kommunestyret dersom 2 av medlemmene krev det. Slikt krav må setjast fram før møtet er slutt. Ordføraren eller rådmannen kan elles krevje at vedtak i formannskapet vert lagt fram for kommunestyret dersom dei finn at vedtaket er i strid med vedtak gjort av overordna organ eller dersom det ligg føre andre særlege grunnar.
4. TILRÅDING Rådmannen gjev tilråding i alle saker som vert handsama i formannskapet. Formannskapet gjev tilråding til kommunestyret i alle saker som høyrer til formannskapet sitt arbeids- og ansvarsområde og der kommunestyret sjølv skal ta avgjerd. 5. INNKALLING TIL MØTE OG UTLEGGING AV SAKSDOKUMENT Formannskapet held møte etter eiga eller ordføraren si avgjerd eller når andre med heimel i lov eller bindande føresegn krev det.¹ Møteplan for formannskapet skal så langt det er råd samordnast med møteplanen for kommunestyret med omsyn på flyt i saksgang og avgjerdsprosess. Ordføraren kaller inn til møte i formannskapet. Innkallinga skal innehalde opplysningar om tid og stad for møtet, oppgåve over dei sakene som skal handsamast og naudsynte saksdokument.² Ordføraren kan avgjere at dokument som kan unnatakast frå offentleggjering, ikkje skal sendast medlemmene eller leggjast ut til ettersyn. Slike dokument skal medlemmene kunne gjere seg kjende med i administrasjonen. Innkalling til møte skal kunngjerast på oppslagsstader og i lokalavisa. Innkalling og kunngjering skal som regel skje med ein frist på 5 dagar.³ Andre fristar i lov eller bindande føresegn går framom. ¹ KL 32, nr 1. ² KL 32, nr 2. ³ KL 32, nr 3 6. FORFALL OG INNKALLING AV VARAMEDLEMMER Medlem eller varamedlem som grunna lovleg forfall ikkje kan ta del i møtet, skal utan opphald melde frå til fellestenesta som straks kallar inn varamann på ordføraren sine vegne. Varamedlem skal og kallast inn når ordføraren er kjend med at nokon må forlate møtet som ugild i sak som skal handsamast. Må nokon grunna lovleg forfall forlate møtet, skal varamedlem om mogeleg kallast inn og overta plassen. Ingen kan gå frå møtet før sak som er teke opp til handsaming, er sluttført. Om medlem eller høgare nummerert varamedlem kjem til møtet etter at det har byrja, skal vedkomande ikkje tiltre før sak som er teke opp til handsaming er sluttført. 7. DELTAKING I MØTE FOR ANDRE ENN VALDE MEDLEMMER Rådmannen, eller representant for rådmannen, tek del i møta med tale- og framleggsrett.² Rådmannen kan kalle inn andre tilsette til møta når han finn det føremålstenleg for sakshandsaminga. Desse kan gje opplysningar og utgreiingar, men har elles ikkje høve til å ta del i drøftingane. Rådmannen, eller den han peiker ut, har sekretariatfunksjonen for utvalet. Sekretæren tek del i møta med talerett for det som gjeld protokolleringa.
Andre tek del i møta når særskild lovregel gjev dei rett til det og då med dei rettar og pliktar lova fastset. Ordføraren eller formannskapet sjølv kan kalle særlege sakkunninge, eller i samråd med rådmannen andre kommunalt tilsette, inn til møta. Desse kan gje opplysningar og utgreiingar, men har elles ikkje høve til å ta del i drøftingane. ¹ KL 9, nr 4. ² KL 23, nr 3. 8. MØTELEIAR Ordføraren leiar møta. Har han eller ho forfall, leiar varaordføraren møta. Har båe forfall, vert møteleiar vald ved fleirtalsval.¹ Ordføraren eller fungerande møteleiar skal sjå til at det er god orden i møtesalen og i naturleg nærleik elles. Vedkomande skal sjå til at talarane ikkje vert avbrotne eller uroa frå nokon kant. Om tilhøyrarar ved meiningsytringar eller på annan måte uroar drøftingane eller på anna vis gjer noko som strir mot god orden, kan møteleiaren vise desse ut. Teikningar, tabellar eller liknande kan berre nyttast under møta dersom møteleiaren eller formannskapet samtykkjer. ¹ KL 32, nr 4 9. OPNE ELLER LUKKA DØRER Møtet vert halde for opne dørar om ikkje anna følgjer av lovbestemt teieplikt eller formannskapet elles med heimel i lov eller føresegn gjer vedtak om det. Drøftingar om dette vert halde for stengde dørar om møteleiaren krev det eller formannskapet gjer vedtak om det.¹ Tilhøyrarar, representantar frå media og andre som ikkje skal ta del i drøftingane, må forlate møtesalen straks møtet vert lukka. ¹ KL 31 10. TEIEPLIKT Dei som er til stades i lukka møte pliktar å teie med det som kjem fram i drøftingane eller vert vedteke, om ikkje formannskapet vedtek noko anna eller grunnlaget for teieplikta fell bort. 11. OPNING AV MØTET Til den tid som er fastsett vert det halde opprop over dei medlemmer og varamedlemmer som skal vere til stades i møtet. Møteleiaren erklærer møtet for lovleg sett dersom nok representantar etter lova er møtt fram¹ og det elles ikkje vert reist avgjerande innvendingar mot at det vert gjort. Når møtet er lovleg sett kan ingen medlem eller møtande varamedlem forlate møtet for kortare eller lengre tid utan på førehand å ha fått godkjend permisjon frå ordføraren.
Kjem nokon av dei innkalla medlemmene eller varamedlemmene etter at møtet er sett, skal dei melde seg for møteleiaren før dei tek sete. ¹ KL 33 12. SAKSHANDSAMINGA Vert det under oppropet eller starten av møtet reist innvendingar i samband med forfall eller frammøte av varamedlemmer eller om møtet elles er lovleg innkalla, skal dette handsamast først i møtet. Deretter vert dei sakene som er nemnde i inkallinga teke opp, og i den rekkjefølgja som der går fram. Eventuelle førespurnader vert teke opp til slutt i møtet. Formannskapet kan vedta ei anna rekkjefølgje. Er handsaminga av ei sak teke til, kan møtet ikkje avsluttast før saka er avgjort med røysting eller det vert vedteke å utsetje ho. Sak som ikkje er nemnd i innkallinga, kan handsamast dersom ikkje møteleiaren eller minst 2 av dei frammøtte representantane er mot dette.¹ Om handsaming av sak på dette viset vert avvist, skal ho takast med på sakslista til neste ordinære møte om ikkje formannskapet vedtek noko anna. ¹ KL 34, nr. 1 13. UGILDSKAP Forvaltningslova¹ og kommunelova² sine særreglar om ugildskap gjeld for møta i formannskapet. Er nokon ugild etter desse reglane, skal dei sjølv seie frå om det, om mogeleg i så god tid at varamedlem kan kallast inn. Den som er ugild, tek ikkje del i møtet under handsaminga av den aktuelle saka. Formannskapet kan frita eit medlem frå å ta del i handsaminga av ei sak når vedkomande ber om det og vektige personlege grunnar talar for det. ¹ lov av 10. februar 1967 om behandlingsmåten i forvaltningssaker, kap II. ² KL 40, nr. 2 og 3. 14. MØTELEIAREN SI ORIENTERING OM SAK TIL HANDSAMING Møteleiaren les det namnet saka har fått i innkallinga. Deretter refererer han eller ho det framlegget til vedtak som ligg føre frå rådmannen og seier frå om dei dokument som har kome etter tilrådinga vart gjeve. Møteleiaren orienterer elles om innhaldet i saka så langt vedkomande sjølv eller medlemmene i formannskapet finn det turvande. 15. ORDSKIFTET OG REKKJEFØLGJA MELLOM TALARANE Møtestyraren spør så om nokon vil ha ordet i saka. Talarane får ordet i den rekkjefølgje dei ber om det. Ber fleire om ordet samstundes, avgjer møteleiaren rekkjefølgja mellom dei. Ved replikkordskifte får den som ber om replikk ordet før møteleiaren held fram på den ordinære talarlista. Talarar retter orda sine til møteleiaren, ikkje til forsamlinga. Møteleiaren skal sjå til at vedkomande held seg nøye til den saka ordskiftet gjeld.
Det må ikkje seiast noko som kan krenke andre. Det er heller ikkje lov å laga uro eller anna ståk som uttrykk for misnøye, semje eller usemje med noko som vert sagt eller som skjer under møtet. Brot på ordensreglane skal møteleiaren påtale, om turvande to gonger. Om det ikkje hjelper, kan møteleiaren avbryte vedkomande sitt innlegg eller ved røysting la formannskapet avgjere om vedkomande skal stengast ute frå del eller resten av møtet. Møteleiaren må ikkje avbryte nokon som har ordet, om det ikkje skjer for å gjennomføre det som går fram i reglementet eller for å klargjere mistydingar i det som vert sagt av talaren. 16. AVGRENSING OG AVSLUTNING AV ORDSKIFTET Før ordskiftet i ei sak er teke til og under ordskiftet, kan formannskapet vedta at taletida skal avgrensast til eit bestemt tal minutt for kvart innlegg. Unnatak kan gjerast for rådmannen, for kvar gruppeleiar eller for den som er vald til leiar for anna gruppering som vert skipa i særskild sak når møteleiaren har fått melding om at vedkomande er vald på førehand. Møteleiaren avsluttar ordskiftet i ei sak når vedkomande meiner ho er drøfta nok. Formannskapet kan elles sjølv vedta å avslutte ordskiftet eller lengje det etter at møteleiaren har teke til orde for å avslutte det. Ved ordskifte om avkorting av taletida eller om å avslutte realitetsordskiftet kan kvar talar berre få ordet ein gong og med høgst 2 minutt taletid. 17. FRAMLEGG Framlegg kan berre reisast av dei som er med i møtet som valde medlemmer eller innkalla varamedlemmer og av rådmannen eller denne sin representant, om ikkje regel i lov seier noko anna. Framlegg skal, etter at det er reist, leverast skriftleg og underskrive til møteleiaren. Framlegg kan likevel setjast fram munnleg dersom det gjeld namn i val- eller tilsetjingssak, utsetjing av sak som er oppe til handsaming, oversending av sak til anna kommunalt organ eller det går ut på at framlegg skal vrakast. 18. RØYSTING Når ordskiftet er slutt, seier møteleiaren frå om at saka er teke opp til røysting. Om det er uklårt kva framlegg som er komne inn, skal dei alle refererast før røystinga tek til. Frå dette tidspunktet og til røystinga er ferdig skal det ikkje vere meir realitetsordskifte om saka eller gjerast nye framlegg. Heller ikkje er det i tidsrommet for røystinga høve til å ta opp noko anna sak til handsaming. Vert det reist utsetjingsframlegg skal realitetsordskiftet straks avsluttast og framlegget røystast over, om forsamlinga ikkje vedtek noko anna.
Rett til å røyste har berre dei som er kalla inn til møtet som medlem eller varamedlem og som er til stades når saka vert teke opp til røysting. Ingen kan gå frå møtet før røystinga er slutt. Alle har røysteplikt. Blank røyst kan gjevast ved val og tilsetjing ¹ Er saka oppdelt, eller skal det røystast over fleire framlegg, avgjer møteleiaren rekkjefølgja i røystingane om ikkje utvalet vedtek ei anna rekkjefølgje. Ved ordskifte om dette, skal møteleiaren sjå til at talarane heldt seg strengt til røystingsspørsmålet. Røystinga skal elles som hovudregel leggjast opp slik at kvar representant får vist sitt prinsipale syn i røystinga. ¹ KL 40, nr 2. 19. PRØVERØYSTING Før endeleg røysting i ei sak kan utvalet halde prøverøystingar som ikkje er bindande. Er tilrådinga eller framlegget som det skal røystast over delt i fleire punkt eller paragrafar, bør det til vanleg røystast førebels over kvart punkt eller kvar paragraf, og så, eventuelt etter ny prøverøysting, over heile tilrådinga eller framlegget under eitt. 20. RØYSTEMÅTEN Røysting vert gjennomført på ein av desse måtane: a. Ved stillteiande godkjenning, når ingen gjev uttrykk for usemje med ein slik røystemåte når møteleiaren ber dei som er usamde gje uttrykk for det. b. Ved at møteleiaren ber dei som er mot eit framlegg vise det med røysteteikn, anten ved å reise seg eller rekkje opp ei hand. Når møteleiaren avgjer det, eller nokon i utvalet krev det, skal det haldast kontrarøysting ved at dei som er for framlegget viser røysteteikn på same måten. c. Ved namneopprop med ja eller nei som svar når møteleiaren roper opp namna på dei som møter. Det vert avgjort ved loddtrekning kva namn som skal ropast opp først. Deretter held ein fram i alfabetisk orden. Eit medlem utpeika av møteleiaren skal kontrollere røystegjevinga ved å merke av på medlemsoversynet etter kvart som kvar enkelt røyster. d. Namneopprop skal nyttast når møteleiaren avgjer det, eller når eit medlem krev det og får tilslutning frå minst 2 av medlemmene av utvalet. Likeeins skal det røystast med namneopprop når møteleiaren eller 2 av medlemmene i utvalet meiner at utfallet av ei røysting etter reglane i denne paragrafen sitt punkt b (med motrøyste) ikkje kan finnast ut med full visse. Røysting overspørsmålet om namneopprop skal nyttast vert halde utan ordskifte først, og elles i samsvar med reglane i denne paragrafen sitt punkt b. e. Ved røystesetlar utan underskrift. To medlemmer som møteleiaren peiker ut, fungerer som teljekorps. Røystesetlar kan berre nyttast ved val og tilsetjing og skal nyttast når nokon medlem krev det.¹
Møteleiaren si røystegjeving er avgjerande ved likt røystetal, unnateke ved val der loddtrekning avgjer utfallet.² ¹ KL 35, nr 5 ² KL 38, nr 1 21. FØRESPURNADER (INTERPELLASJONAR) Utanom dei sakene som står i innkallinga til møtet, kan kvar av dei som er kalla inn til møtet kome med førespurnader til møteleiaren.¹ Desse bør vere leverte inn skriftleg seinast 4 dagar før møtet For kvar førespurnad kan det haldast ordskifte i inntil 30 minutt. Innlegg vert avgrensa til eitt for kvar talar og til 5 minutt med unnatak for spørjaren og svararen. Realitetsframlegg som vert sette fram i ordskiftet, skal handsamast etter dette reglementet på same viset som saker som ikkje er nemnd i innkallinga.² ¹ KL 34, nr. 1 ² sjå dette reglement 13, jfr. KL 34, nr. 1 22. PROTOKOLLFØRING Det skal førast protokoll frå møta.¹ Møteleiaren ser til at dette vert gjort. I møteboka skal førast inn: a. eventuelle protestar mot innkalling og sakliste b. møtetid og -stad c. dato og måte for innkalling d. fråverande medlemmer e. møtande varamedlemmer f. namn på medlemmer og varamedlemmer som kjem eller går under møtet med oppgåve når i møtet dette skjedde g. oversyn over kven som møter frå administrasjonen h. saker nummererte i rekkjefølgje for året i. kort nemning for kvar sak om kva ho gjeld j. det som trengst for å vise gangen i handsaminga k. for kvar sak dei framlegg som vert reiste l. det som trengst for å vise at vedtak vert gjort etter rett fremgangsmåte m. kva vedtak som er gjorde og kva røystingar som er haldne Møteleiaren, eller eventuelt formannskapet ved protest mot møteleiaren si avgjerd, tek stode til om protokolltilførsel skal tillatast. Protokolltilførsel som gjeld påståtte formelle feil skal normalt godtakast. Protokollen skal underskrivast av møteleiaren og to andre medlemmer som vert valde i møtet. ¹ KL 30, nr 3 23. EVENTUELL NY HANDSAMING AV AVGJORT SAK
Det utvalet som ei sak sorterer under kan avslå oppmodning om å ta opp att sak til ny handsaming som er lovleg avgjort av det same kommunestyret, dersom oppmodinga kjem før det er gått tre månader frå den dagen kommunestyret gjorde endeleg vedtak i saka. Kommunestyret kan sjølv ta opp att avgjort sak til ny handsaming utan omsyn til nokon slik frist. 24. VEDTAK OM REGLEMENTET Dette reglementet kan berre endrast av kommunestyret sjølv.
REGLEMENT FOR ADMINISTRASJONSUTVALET¹ ¹vedteke av Eidfjord kommunestyre i møte 18. desember 1995. 1. VAL OG SAMANSETJING Administrasjonsutvalet skal ha 7 medlemmer. Formannskapet sine 5 medlemmer er kommunen sine representantar i utvalet. Arbeidstakarorganisasjonane skal ha 2 medlemmar som vert peika ut etter høvestalsprinsipet. Ordføraren er leiar og varaordføraren er nestleiar i utvalet. 2. ARBEIDS- OG ANSVARSOMRÅDE Administrasjonsutvalet har ansvaret for handsaminga av saker som gjeld tilhøvet mellom kommunen som arbeidsgjevar og dei tilsette. ¹ ¹ KL 25 3. SAKER DER ADMINISTRASJONSUTVALET HAR AVGJERDSMYNDE Administrasjonsutvalet gjer vedtak innafor budsjettrammene og etter dei retningsliner som er fastsette i lov, heimla i lov eller vedtekne av kommunestyret eller formannskapet, mellom anna: Føreta tilsetjing i stillingar der tilsetjingsmynde ikkje er lagt til andre. Avgjere søknader om permisjon m.v. der slik mynde er lagt til administrasjonsutvalet. Avgjere saker om oppseiing eller avskjed for stillingar der slik avgjerdsmynde er lagt til administrasjonsutvalet. Avgjere tvistespørsmål om tolking og praktisering av avtalar, reglement og andre føresegner som gjeld tilsetjings- og arbeidsvilkåra til arbeidstakarane. Andre saker som gjeld tilhøvet mellom Eidfjord kommune som arbeidsgjevar og dei tilsette, og som kommunestyret delegerer til administrasjonsutvalet å ta avgjerd i. 4. SAKER DER ADMINISTRASJONSUTVALET HAR YTRINGSRETT Administrasjonsutvalet har ytringsrett i desse sakene: Tilsetjing i stillingar der kommunestyret eller formannskapet er tilsetjingsinstans. Nye organisasjons- eller personalplanar. Framlegg til effektiviseringstiltak. Saker som gjeld personalpolitiske retningsliner for Eidfjord kommune.
Retningsliner for delegering avvgjerdsmynde til rådmannen i saker som er nemnde under 3. Andre saker som gjeld tilhøvet mellom Eidfjord kommune som arbeidsgjevar og dei tilsette, og som kommunestyret ber administrasjonsutvalet å gje uttale om. 5. TILRÅDING Rådmannen gjev tilråding i alle saker som vert handsama i utvalet. 6. DELTAKING I MØTE FOR ANDRE ENN VALDE MEDLEMMER Rådmannen, eller representant for rådmannen, tek del i møta med tale- og framleggsrett. ¹ Rådmannen kan kalle inn andre tilsette til møta når han finn det føremålstenleg for sakshandsaminga. Desse kan gje opplysningar og utgreiingar, men har elles ikkje høve til å ta del i drøftingane. Rådmannen, eller den han peiker ut, har sekretariatfunksjonen for utvalet. Sekretæren tek del i møta med talerett for det som gjeld protokolleringa. Andre tek del i møta når særskild lovregel gjev dei rett til det og då med dei rettar og pliktar lova fastset. Leiaren eller utvalet sjølv kan kalle særlege sakkunninge, eller i samråd med rådmannen andre kommunalt tilsette, inn til møta. Desse kan gje opplysningar og utgreiingar, men har elles ikkje høve til å ta del i drøftingane. ¹ KL 23, nr 3. 7. ARBEIDSTAKARREPRESENTANTANE - KOMPETANSE Representantane for dei tilsette er medlemmer av utvalet med dei same rettane og pliktane som dei politisk valde. Representantane for dei tilsette kan likevel ikkje veljast til, eller vere med i, spesielt nedsette tingingsutval eller ved førebuing av tingingssaker. 8. UGILDSKAP Forvaltningslova¹ og kommunelova² sine særreglar om ugildskap gjeld for møta i utvalet. Er nokon ugild etter desse reglane, skal dei sjølvv seie frå om det, om mogeleg i så god tid at varamedlem kan kallast inn. Den som er ugild, tek ikkje del i møtet under handsaminga av den aktuelle saka. Utvalet kan frita eit medlem frå å ta del i handsaminga av ei sak når vedkomande ber om det og vektige personlege grunnar talar for det. ¹ lov av 10. februar 1967 om behandlingsmåten i forvaltningssaker, kap II. ² KL 40, nr. 2 og 3.
9. SAKSHANDSAMINGSREGLAR Reglement for sentrale utval i Eidfjord kommune, 5 og 6, 8-12 og 14-23, gjeld tilsvarande for administrasjonsutvalet. 10. VEDTAK OM REGLEMENTET Dette reglementet, som berre kan endrast av kommunestyret, tek til å gjelde frå 18. desember 1995.
DELEGASJONSREGLEMENT FOR EIDFJORD KOMMUNE VEDTAK OM REGLEMENT Dette reglementet kan berre endrast av kommunestyret sjølv. PRINSIPP FOR DELEGASJON Vedtak skal treffast på lågast mogeleg nivå. Kommunestyret sjølv gjer vedtak om delegering av mynde til faste kommunale utval, til styre eller råd for kommunal verksemd eller til styre for interkommunal verksemd som er sett til å løyse kommunale oppgåver. Kommunestyret sjølv gjer vedtak om delegering av mynde til rådmannen. Når kommunestyret har delegert mynde til eit utval, er utvalet underinstans etter forvaltningslova 33. Når kommunestyret har delegert mynde til rådmannen, er rådmannen underinstans etter same regelen. Kommunestyret kan på fritt grunnlag ta opp til handsaming og avgjerd saker som er delegerte til andre når saka reiser viktige prinsippielle spørsmål, eller av andre grunnar er særleg viktig for kommunen. RUTINAR FOR ATTENDEMELDING AV DELEGERTE SAKER Saker som er avgjorde etter delegert fullmakt, skal leggjast fram for vedkomande folkevalde organ som melding. DEL 1. KOMMUNESTYRET 1.1 OVERORDNA MYNDE Kommunestyret er kommunen sitt øvste politiske organ med overordna ansvar for heile kommunen si verksemd. Kommunestyret skal på grunnlag av prinsipp- og temadebattar velje satsingsområde, prioritere tiltak og gje retningsliner for dei politiske utvala og administrasjonen sitt arbeid. 1 1 jfr. kommunelova 6 Kommunestyret tek avgjerd i alle saker som ikkje er delegerte til faste utval, komitear, styre for verksemd, ordføraren eller rådmannen. 1.2 SAKER KOMMUNESTYRET AVGJER SJØLV Kommunestyret tek sjølv avgjerd i desse sakene: 1. Saker der kommunestyret etter lova skal gjere vedtak:
a. Saker om vesentlege nye tiltak eller vesentlege endringar i eksisterande tiltak, når desse går ut over vedtekne økonomiske rammer, overordna planar eller prinsipp. b. Saker om å ta opp lån ut over det som er føresett i vedteke budsjett, og storleiken på lånet. c. Saker om å garantere for andre sine økonomiske plikter. d. Saker om val av kontrollutval og ordning av revisjonen. Saker om godkjenning av rekneskapen. e. Tilsetjing av rådmann og revisor. f. Saker om val til faste kommunale utval, og elles andre utval når mynde til dette ikkje er lagt til andre. g. Saker om å fastsetje salstariffar og prisar for ytingar frå kommunale avdelingar, verksemder eller selskap. h. Endeleg vedtak om kommuneplanen sin langsiktige del med handlingsprogram, herunder økonomiplan, og elles årsbudsjett med skattevedtak samt endringar i årsbudsjett når mynde til dette ikkje er lagt til andre. i. Saker om arbeidsvilkår og godtgjersle for kommunale tillitsverv. 2. Saker der kommunestyret sjølv har valgt å gjere vedtak: a. Sakar om å kjøpe, selje, makeskifte eller pantsetje fast eigedom og saker om å gje frå seg eller hefte bort nokon rett i fast eigedom når eigedomen eller retten har ein verdi på kr 400.000 eller meir. b. Sakar om konsesjonar eller avtalar om leveransar, bruksrettar eller særlege råderettar som anten bind kommunen for meir enn 4 år og/eller når verdien det er tale om er høgare enn kr 300.000 pr. år. c. Kommunestyret gjer sjølv vedtak om kommunale reglement. Kommunestyret kan i einskildsaker likevel leggje slik mynde til eit fast uval. d. Saker om mottaking av rekneskapsutgreiingar og utgreiingar om drifta (t.d. tertialrapportar, årsmeldingar m.v.) e. Andre saker der saka sin art gjer det naturleg at kommunestyret sjølv tek avgjerd. DEL 2. FORMANNSKAPET arbeids- og ansvarsområde Formannskapet har ansvar for alle saker som gjeld kommunen sin drift og forvaltning og som kommunestyret ikkje har lagt til anna organ. Formannskapet har ansvar for å utarbeide framlegg til årsbudsjett og økonomiplan samt kommuneplan med langsiktig del og handlingsprogram. prinsippielle saker Formannskapet skal som hovudregel handsame saker av prinsippiell eller politisk karakter innafor sitt arbeidsområde. tvil om rett utval Ordføraren tek avgjerd ved tvil om kva som er rett utval for handsaming og avgjerd i ei sak.
saker utanom arbeids- og ansvarsområdet I saker av slik karakter at dei og kan høyre inn under arbeids- og ansvarsområdet til andre utval, bør desse utvala få høve til å kome med uttale før det vert teke avgjerd i saka. Formannskapet kan på eige initiativ drøfte saker som ligg til eit anna utval sitt arbeidsog ansvarsområde. I slike høve har eventuelle vedtak i formannskapet berre status som meiningsytring. vidaredelegering av utvala sitt mynde Formannskapet har ikkje høve til, som ei alminneleg ordning, å delegere vidare mynde det har fått av kommunestyret. I einskildsaker kan formannskapet likevel gje rådmannen fullmakt til å gjere dei vedtaka som er naudsynte for at ei sak kan verte ferdighandsama. hovudregel Formannskapet har mynde til å ta avgjerd på kommunen sine vegne i alle saker som ligg til formannskapet sitt arbeids- og ansvarsområde¹ og som kommunestyret ikkje har delegert til andre eller har teke unna rett til sjølv å avgjere. Det same gjeld vedtak som vert gjort med heimel i særlov dersom lova opnar for delegering til anna organ enn kommunestyret sjølv og lova ikkje har andre reglar som går framom. ¹ KL 13 sakskomitear Formannskapet kan setje ned sakskomitear¹ for særskilde saker innafor sitt arbeids- og ansvarsområde. Slike komitear skal innafor fastsett mandat gje tilråding til formannskapet. Formannskapet, og eventuelle komitear nedsett av formannskapet, kan som ledd i arbeidet sitt halde temamøte og opne høyringar. ¹ KL 10, nr 5 mindretalsanke Vedtak i formannskapet skal leggjast fram for kommunestyret til avgjerd dersom minst 1/3 av dei møtande medlemmane krev det, likevel slik at det alltid må vere minst 2 medlemmar som står bak anken. Slikt krav må alltid setjast fram før møtet er slutt. Ordføraren eller rådmannen kan elles krevje at vedtak i formannskapet vert lagt fram for kommunestyret dersom dei finn at vedtaket er i strid med vedtak gjort av overordna organ eller dersom det ligg føre andre særlege grunnar. delegering til formannskapet i budsjettsaker Formannskapet har fullmakt til å fastsetje detaljert budsjett for alle føremål. Detaljert budsjett skal fastsetjast seinast i januar månad i budsjettåret, og vere i samsvar med kommunestyret sitt budsjettvedtak. Detaljert budsjett skal fastsetjast i samsvar med dei til ei kvar tid gjeldande retningsliner for spesifikasjon av rekneskapen, og vert å sende kommunen sin revisor til orientering. Formannskapet får fullmakt til å overføre beløp i driftsbudsjettet frå ein konto til styrking av andre konti i driftsbudsjettet (utanom lønskonti) innafor kvart ansvarsområde når slik fullmakt ikkje er lagt til andre.
Formannskapet får fullmakt innafor kvart ansvarsområde til å styrke postar i driftsbudsjettet ved bruk av inntekter ut over det budsjetterte når dette er nødvendig, og når slik fullmakt ikkje er lagt til andre. Formannskapet får fullmakt til å styrke ein post i kapitalbudsjettet ved tilsvarande reduksjon i ein annan post i kapitalbudsjettet når slik fullmakt ikkje er lagt til andre. Føresetnaden for slik overføring er at finansieringsplanen for dei to postane, sett under eitt, ikkje vert endra. Formannskapet får fullmakt til å vedta tilbod og/eller setje i gong arbeid på kommunen sine vegne så lenge det er dekning for tilbodet/arbeidet innafor kommunestyret sitt budsjettvedtak, og retten ikkje er lagt til andre. Formannskapet får fullmakt til å disponere over dei løyvingane som er førde opp på teneste 1809 i det vedtekne budsjettet (til rådvelde for tilleggsløyvingar). Fullmakta likevel avgrensa til inntil kr 200.000 i den einskilde sak. Formannskapet får fullmakt til å føreta strykingar i samband med årsavsluttinga. Formannskapet får fullmakt til å gjere vedtak om fondsavsetjingar av budsjetterte midlar som ikkje er nytta, dersom det ligg føre særskilde grunnar for avsetjing til neste år, og slik fullmakt ikkje er lagt til rådmannen. Føresetnaden er at det er dekning innafor ansvarsområdet og at det ikkje oppstår underskot i kommunerekneskapen. Formannskapet får fullmakt til å nytte midlar som er avsette til fond (drift og kapital) innafor sitt ansvarsområde. Bruken skal samsvare med dei premissar som kommunestyret har gjeve for føremålet. delegering etter 10 i kommunelova Saker om å kjøpe, selje, makeskifte eller pantsetje fast eigedom og saker om å gje frå seg eller hefte bort nokon rett i fast eigedom når eigedomen eller retten har ein verdi på mindre enn kr 400.000 1. Når kommunestyret sjølv har vedteke at ein bestemt eigedom skal kjøpast, avhendast eller heftast bort og ikkje sjølv har fastsett prisen, er myndet til å gjere det delegert til formannskapet. Mynde til å kjøpe, avhende eller feste bort eigedom og til å fastsetje prisen har og formannskapet når det gjeld gjennomføring av vedtak kommunestyret har gjort. 1 gjeld ikkje tomter i regulerte bustadfelt Om ikkje anna går fram av kommunestyrevedtaket, har formannskapet mynde til å avtale eller godkjenne vilkår for lån som kommunestyret har vedteke å ta opp. Det same myndet har formannskapet for lån innafor vedteke budsjett. Saker om konsesjonar eller avtalar om leveransar, bruksrettar eller særlege råderettar som enten bind kommunen for meir enn 4 år og/eller når verdien det er tale om er lågare enn kr 300.000 pr. år. Formannskapet har fullmakt til å nytte rentemidlar frå fiskefondet for Veig og fiskefondet frå Bjoreio. Bruk av fondskapitalen krev godkjenning i kommunestyret etter samtykke frå Direktoratet for Naturforvaltning.
Formannskapet har fullmakt til å ta avgjerd i saker om utleige av næringsbygg og grunnareal til næringsføremål. Formannskapet har fullmakt til å tildele kulturpris etter fastsett reglement. Formannskapet har fullmakt til å tildele tilskot til kulturarbeid etter fastsette retningsliner. Formannskapet har fullmakt til å tildele kulturstipend etter fastsette retningsliner. Formannskapet har fullmakt til å tildele tilskot til kulturvern etter fastsette retningsliner. delegering etter 13 i kommunelova Formannskapet har mynde til å gjere vedtak i saker som skulle vore handsama av kommunestyret¹ eller anna politisk utval når vedtak må gjerast så raskt at det ikkje er tid å kalla inn det utvalet som saka sorterer under. Melding om vedtak etter denne regelen skal leggjast fram som melding for vedkomande utval på første ordinære møte. ¹ KL 13 delegering til formannskapet etter særlov Kommunen sine oppgåver og avgjerdsmynde etter aktuell særlover innafor formannskapet sitt ansvarsområde vert delegert til formannskapet med følgjande unntak: a. saker som kommunestyret sjølv eller andre organskal avgjere etter vedkomande lov. b. saker som rådmannen eller andre har fått avgjerdsmynde i. Med nemnde unntak har formannskapet avgjerdsmynde etter desse særlovene (dei mest aktuelle/sentrale særlovene vert nemnde i dette reglementet): plan- og bygningslova av 14. juni 1985 nr.77. Formannskapet er fast utval for plansaker etter 9-1 i lova. Formannskapet får også delegert kommunen sitt tilsynsansvar for plan- og bygningslovgjevinga etter 10-1. veglova av 21. juni 1963 nr.23. Formannskapet er vegstyresmakt etter 9 h Havnelova av 8.juni 1984 nr.51. Formannskapet er havnestyre etter 12, 1.ledd. vergemålslova av 22.april 1927 nr.3. Formannskapet får fullmakt til å velje overformyndar etter 20 i lova. lov av 1.mars 1985 nr.3 om stortingsvalg, fylkestingsvalg og kommunestyrevalg. Formannskapet er valstyre etter 15 i lova.
forskrift av 10. desember 2004 om valg til sametinget. Formannskapet er valstyre etter 17 i forskriften. lov av 10.februar 1967 om behandlingsmåten i forvaltningssaker. Formannskapet er klagenemnd etter, 28, 2. ledd i lova. For formannskapet sine eigne vedtak er kommunestyret klagenemnd. skattebetalingslova av 21.november1952, nr 2 Kommunestyret si fullmakt etter 42 i samband med ettergjeving og nedsetjing av skatt som gjeld beløp på inntil kr 200.000,- vert delegert til formannskapet. lov om konsesjon ved erverv av fast eiendom (konsesjonsloven) mv. av 28.november 2003 nr 98 Konsesjon etter 2. For landbrukseigedomar med over 30 daa fulldyrka jord og 200 daa totalareal skal konsesjon avgjerast av kommunestyrett. lemping på eller fritak frå bu- og driveplikta etter 5 tredje ledd lemping på konsesjonsvilkår etter 11 tilbaketrekking av konsesjon og fastsetting av frist for sal etter 16 andre og tredje ledd frist for panthavar til å bringa tvangsbruk som er i strid med konsesjonslova 3 andre ledd til opphør eller frist for ervervar til å sørgje for omgjøring av overdraging eller overdraging til nokon som kan få eller ikkje treng konsesjon ( 3 andre ledd). Frist for å ordne forholdet når konsesjon ikkje er gitt ( 18) Lov om jord (jordlova) av 12 mai 1995 nr 23 pålegg om tiltak for dyrka jord (vanhevd) etter 8 tredje og fjerde ledd omdisponering etter 9 andre ledd fjerning av anlegg eller byggverk etter 9 femte ledd deling etter 12 andre ledd omdisponering og frådeling av enkelttomter ikkje over 2 daa som det ikkje er bygd på skal handsamast av formannskapet i dei tilfella der føremålet ikkje er i tråd med vedteken arealdel i kommuneplanen ( 9 og 12). fordeling av eigedomar som staten har tatt over ved frivillig sal eller ekspropriasjon, jfr 8 femte ledd og 12 forskrift om tilskot til spesielle miljøtiltak i jordbruket (SMIL), 3 og 18 forskrift om tilskot til nærings- og miljøtiltak i skogbruket kap. 3. Tilskot til vegbygging etter 3 og 18