VOSS KOMMUNE Rådmannen sin stab

Transkript

1 VOSS KOMMUNE Rådmannen sin stab Vår ref 12/ /13 Etat/ avd. STA Saksbeh KJ Ark. 044 Dykkar ref. Dato REGLEMENT FOR KOMMUNESTYRET Vedteke i Kommunestyret sak 86/95. Revidert KST sak 49/99 Oppdatert etter vedtak i KST sak 57/13 I. Arbeidsform 1. Møteprinsippet, Jfr. kommunelova 30 nr. 1, 32 nr.1 Kommunestyret tek sine avgjerder i møte. Ordinære møte i kommunestyret skal haldast i samsvar med møteplan. Ordførar eller minst 1/3 av kommunestyret kan kreve ekstramøte. 2. Spesielle møteformer A) Temamøte Temamøte kan nyttast når kommunestyret ønsker ein brei debatt om eit interesseområde eller fagområde. Ordførar, møteleiar, ei gruppe eller andre som kommunestyret utpeikar, skal til vanleg oppsummera resultatet av temamøtet i neste møte. B) Høyringar Høyringar kan vere opne for alle, eller avgrensa til bestemte grupper, lag eller organisasjonar som kommunestyret ønsker å høyre. II. Innkalling til møte. Jfr. kommunelova 23 nr. 3 og 32 nr. 2 og nr Ordførar har ansvar for innkalling til møte. Innkallinga skal innehalde tid og stad for møtet, oversyn over saker som skal handsamast, oversyn over sakspapir og anna dokumentasjon og opplysning om at saksdokumenta er lagde ut til offentleg ettersyn i sekretariatet, dersom saka ikkje er unnateken frå ålmenta. Innkalling og sakliste m/vedlegg skal sendast ut seinast ni dagar før møtet. Innkallinga og sakliste m/vedlegg skal sendast medlemene i kommunestyret, eit utval av varamedlemene, inntil tre sett til dei politiske partia etter førespurnad, administrasjonssjefen og dei administrativt ansvarlege. Arkivsaknr. 12/

2 Innkalling med sakliste og hovudutskrift frå førre møtet, vert i tillegg sendt til alle varamedlemene. Kunngjering av møte der økonomiplan og årsbudsjett skal slutthandsamast, skjer med minst 14 dagars varsel. Innkallinga vert kunngjort. 2. Forfall. Varamenn. Jfr. kommunelova 16 og 40 pkt. nr. 1, 2 og 4. Har ein representant lovleg grunn til fråvær, skal vedkomande snarast sende melding om det til det politiske sekretariatet, og nemna forfallsgrunnen. Sekretariatet kallar inn varamedlemene. Det same gjeld dersom ein representant må gå frå som ugild i ei sak. Må nokon på grunn av lovleg fråfall gå frå møtet under forhandlingane, skal vedkomande straks melde frå til møteleiar. Vararepresentant som er tilstades eller kan innkallast, går inn i plassen for vedkomande. Etter at saka er teken opp til røysting, kan ingen forlate salen. 3. Møterett for andre. Jfr. kommunelova 23 nr. 3 Administrasjonssjefen, personleg eller ved ein av sine underordna, har møte- og talerett i kommunestyret. Kommunestyret kan invitere utval, sakkunnige eller andre til kommunestyremøtet, og gje vedkomande talerett i bestemte saker. III. Opning av møte 1. Møtet skal haldast for opne dører, jfr. kommunelova 9 nr. 3, 31 nr. 1 og nr. 3, 32 nr. 4 og 33. Forsamlinga kan gjere vedtak om stengde dører når det føreligg lovleg teieplikt eller når særskilde grunnar tilseier det. Spørsmål om dette vert drøfta for stengde dører dersom møteleiar krev det, eller kommunestyret gjer vedtak om det. Ordføraren eller varaordføraren styrer møtet. Har dei båe forfall, vert det valt setjeordførar. Ved byrjinga av møtet syter møteleiar for namneopprop av representantar. Dersom det lovlege minste tal representantar er tilstades, vert møtet erklært for lovleg sett. Frå no av og til møtet sluttar kan ingen av dei som høyrer til kommunestyret, forlate møtet utan å melde frå til møteleiaren først. Representantane bør ikkje forlate salen uturvande. Dei som kjem etter oppropet, skal melde seg til møteleiaren før dei tek plass. 2. Ugildskap, jfr. kommunlova 40 nr. 3 og nr. 4. Den som vert vurdert å vera ugild i ei sak, skal ikkje vere med å drøfte spørsmålet om ugildskap. Når ein representant ser at han/ho kan vera ugild i ei sak, må det takast opp snarast med administrasjonen for å få avklara spørsmålet. 3. Endring av saklista. Førespurnader. Jfr. kommunelova 34 Kommunestyret kan vedta å utsetje ei sak. Det kan gjerast vedtak i ei sak som ikkje er oppførd på sakslista, dersom ikkje møteleiar eller 1/3 av dei møtande representantane motset seg dette. Arkivsaknr: 12/1351 Side 2

3 A) Spørsmål til ordføraren. Jfr. kommunelova 34 nr. 2 Utanom dei sakene som står på innkallinga til kommunestyret, kan representantane stille spørsmål til ordføraren. Spørsmål som ein ventar svar på i møtet skal vere skriftlege, og skal vere levert til ordføraren seinast tre arbeidsdagar før kommunestyremøtet. Spørsmål skal takast opp som siste punkt på dagsorden. Handsaming av spørsmål: Ved handsaming av spørsmål, kan spørjar og ordførar/ den som svarer på vegne av ordførar, få ordet for å stille spørsmålet og gje svaret. Taletida skal avgrensast til tre minutt. Kvar av dei kan i tillegg få ordet ein gong med taletid på inntil to minutt. Andre medlemer av kommunestyret kan få ordet ein gong med taletid på to minutt. Svar frå ordføraren på førespurnader frå representantar skal vera skrifteleg og lagde til protokollen. B) Bruk av saksordførar I samsvar med reglement for utvala, er hovudregelen at sakene vert lagde fram med saksordførar. 4. Handsaming av sakene på sakslista Møteleiar ser til at sakene vert handsama i den rekkjefølgja som er vedteken, og gjer greie for sakene så langt møteleiar finn det påkrevd. Møteleiar gjer særleg merksam på dokument som er komne til etter at det er gjeve innstilling i saka. Møteleiar skal spørje om nokon ønsker ordet, og gjev ordet i den rekkjefølgja dei ber om det. 5. Reglar for deltakarane under debatten Møtedeltakar som ønskjer å delta i debatten, skal be om ordet ved å vise teikn, og skal framføra innlegget frå talarstolen når møteleiar gjev vedkomande ordet. Talaren skal retta innlegget til møteleiar. Talaren skal halde seg til saka, og ikkje seie noko eller bruke uttrykk som kan krenkje forsamlinga eller einskildpersonar i forsamlinga. Det er høve til kort replikk til siste talar. Det er ikkje høve til replikk til replikken. Det er ikkje tillate å lage støy eller uro under møtet eller gje uttrykk for bifall eller misnøye. Ved gjenteke brot på reglementet, kan møteleiar vise bort vedkomande frå møtet under handsaming av gjeldane sak eller for resten av møtet. Møteleiar si avgjerd om dette skal førast i protokollen. 6. Stoda til møtestyraren i ordskiftet. Dersom møtestyrar ønskjer å ta del i debatten, skal varaordførar overta møteleiinga. 7. Reglar for tilhøyrarane under møtet. Tilhøyrarane skal halde seg rolege under heile møtet. Det er ikkje tillate å gje uttrykk for bifall eller mishag. Dersom det vert gjort, skal møteleiaren straks bryte av forhandlingane og åtvara tilhøyrarane om at dei vil verte vist vekk frå møtet om det gjentek seg. Arkivsaknr: 12/1351 Side 3

4 8. Taletid og avgrensing i debatten av ei sak. Ordføraren kan for det einskilde møtet eller for ei einskild sak, avgjera kor lang taletid som skal gjevast. 9. Framlegg Berre kommunestyrerepresentantane som er tilstades, kan gjere framlegg. Framlegg skal leverast skriftleg til møteleiar, og skal vere underteikna av den/dei som fremjar framlegget. Møteleiar skal referere framlegget. Framlegg som omhandlar: * Alternativt namn i tilsetjing eller valsak * Oversending av ei sak til anna kommunalt organ * At eit framlegg ikkje skal vedtakast kan fremjast munnleg. 10. Når ei sak vert teken opp til røysting. Jfr. kommunelova 40 nr. 2 Når møteleiar ser ei sak for ferdig drøfta, set møteleiar strek for teikning av nye talarar på talarlista. Møteleiaren skal på førehand opplyse møtedeltakarane om dette og gje ein frist for å teikne seg på talarlista. Når det er sett strek, kan ingen få ordet til debatt om saka, og ingen kan gje nye framlegg i saka. Når alle på talarlista har hatt ordet, opplyser møteleiar om at saka er teken opp til votering. Berre representantar om er til stades i salen i den augneblinken saka vert teke opp til røysting, kan ta del i røystinga. Representantane kan ikkje forlate salen etter at saka er teken opp til røysting. Er saka delt opp, eller det skal røystast over fleire framlegg til vedtak, set møteleiar fram framlegg om rekkjefølgja i røystinga. Framlegg om utsetjing av saka, skal takast opp til røysting før det vert røysta over ulike alternative framlegg i saka. Debatt om røystemåten gjev ikkje rett til å fremje nye framlegg eller ta opp debatten om innhald i saka. 11. Prøverøysting Før endeleg avgjerd i ei sak, kan kommunestyret vedta at det skal gjennomførast ei prøverøysting som ikkje er bindane. Prøverøystinga skal ikkje protokollerast. 12. Røystemåten Røysting skal gjennomførast på ein av følgjande måtar som skal godkjennast av kommunestyret etter framlegg frå møteleiar: A) Stillteiande godkjenning Røystinga skjer ved at møteleiar fremjar framlegget, og gjev klart utrykk for at framlegget vert sett som vedteke dersom det ikkje kjem motseiingar. Når møteleiar gjev melding om at det ikkje er registrert motseiingar, vert framlegget rekna som vedteke. B) Røysteteikn Røystinga skjer ved handsopprekking eller ved å reise seg. Kontrarøysting kan nyttast. Arkivsaknr: 12/1351 Side 4

5 C) Namneopprop Røystinga går føre seg ved at møtedeltakarane klart svarer ja eller nei når møteleiaren ropar opp namna til møtedeltakarane. D) Skriftleg røysting. Jfr. kommunelova 35 nr 5, 36 nr. 1, 40 nr. 2 Skriftleg røysting kan berre nyttast ved val og tilsetjing. Kvart medlem kan ved val og tilsetjing krevje skriftleg røysting. Ved høvesval skal røystinga vere skriftleg og hemmeleg. Ved val og tilsetjing er det høve til å røyste blankt. Røystinga skjer ved at møtedeltakarene skriv sitt standpunkt på ein blank røysteseddel utan underskrift. Røystesedlane vert samla inn av to personar som møteleiar peikar ut, og som tel opp røystene og informerer møteleiar om resultatet. IV. Møtebok, jfr. kommunelova 30 nr. 3 Kommunestyret skal føre protokoll over sine møte, som viser gangen i møtet. Møteprotokollen skal innehalde opplysningar om: A) Tid og stad for møtet B) Representantar som har forfall og vararepresentantar som møtte, og representantar som ikkje møtte. C) Oversyn over kven som har delteke i handsaminga av sakene D) Sakene skal bokførast i rekkjefølgje for kalenderåret, og såleis at ein kan sjå kva saka gjeld. E) Framlegg som er fremja i møtet og kven som har fremja dei F) Vedtak G) Protokolltilførsel i møteboka etter krav frå einskildmedlemer. Protokolltilførsel skal vere kort og gjelde saka. H) Ved ugildskap skal heimelen førast i møteboka. Det same gjeld dersom kommunestyret vedtek å lukka dørene. Møteleiar og to andre representantar som har delteke i heile møtet skal skrive under møteprotokollen i neste møte. Kopi av møteprotokollen vert send alle kommunestyrerepresentantane og alle vararepresentantane. I tillegg skal hovudutskrift sendast til følgjande: Revisor Medlemene i kontrollutvalet Biblioteket Arkivsaknr: 12/1351 Side 5

6 V. Gjennopptaking av ei sak Ordførar kan avvise eit framlegg om å ta opp att ei sak som er lovleg vedteken av kommunestyret, når framlegget vert fremja før det er gått tre månader etter at vedtaket er gjort. Denne regelen gjeld ikkje krav om ny handsaming som vert fremja av fylkesmannen eller eit departement. Ordføraren skal gje melding om slik avgjerd i det første etterfølgjande kommunestyret. VI. Dette reglementet gjeld for alle andre utval så langt det høver. Arkivsaknr: 12/1351 Side 6