MØTEREGLEMENT FOR FAGUTVALA

Transkript

1 Side 1 av 9 MØTEREGLEMENT FOR FAGUTVALA Innhald 1. Val og samansetting 2. Mynde og oppgåver 3. Rådgjevande funksjon 4. Høyringsinstans 5. Førebuing av saker 6. Innstillingsrett 7. Innkalling 8. Forfall 9. Møteleiar 10. Ugildskap 11. Møtet vert sett 12. Utsetjing av saker 13. Replikk 14. Merknadar til dagsorden 15. Møteleiaren si stilling under ordskiftet 16. Forslag 17. Prøverøysting 18. Endeleg røysting 19. Røystemåten 20. Spørsmål i møtet 21. Anke 22. Orden i salen og bygningen 23. Møteboka 24. Protokolltilførsel 25. Enkeltvedtak 26. Rapportering 27. Underutval 28. Iverksetjing Vedtatt: Vedtatt av kommunestyret (Ksak 26/08). - FAGUTVAL FOR KULTUR, NÆRING OG MILJØ - FAGUTVAL FOR OPPVEKST - FAGUTVAL FOR HELSE OG SOSIAL - FAGUTVAL FOR PROSJEKTERING, BYGG OG DRIFT

2 Side 2 av 9 1. VAL OG SAMANSETJING a. Fagutvala er oppretta etter kommunelova 10. b. Kvart fagutval har 7 medlemer med varamedlemer. Kjønnsfordelinga skal vere i samsvar med 36 pkt. 2 i kommunelova. c. Medlemene i fagutvala vert valde av kommunestyret for 4 år. Så langt som råd bør minst 2 av medlemene inkl. leiar vere frå kommunestyret, og av desse bør minst ein vere frå formannskapet. d. Kommunestyret vel leiar og nestleiar blant medlemene i utvalet. Valet vert gjort for 4 år. 2. MYNDE OG OPPGÅVER a. Fagutvala pliktar å gjere heilskaplege politiske vurderingar og har totalansvar for forvalting og drift innanfor sitt ansvarsområde. Fagutvala handsamar dei sakene innanfor sitt arbeidsområde som det ikkje ligg til kommunestyret sjølv eller formannskapet å avgjere. Saker av overordna, prinsipiell og økonomisk karakter, m.a. spørsmål om tilleggsløyvingar, skal via formannskapet. Arbeidsområdet til fagutvala er regulert i delegasjonsreglementet vedteke av kommunestyret i K-sak 26/2008. b. Fagutvala har direkte innstillingsrett overfor kommunestyret i saker innanfor sitt arbeidsområde. c. Kommunestyret opprettar og oppnemnar eventuelle faste utval som skal liggje under eit fagutval. Fagutvalet kan sjølv, i saker som ligg innanfor sitt arbeidsområde og er avgrensa i tid og/eller omfang, oppnemne særskilte arbeidsgrupper (saksutval) og fastsetje mandat for desse. 3. RÅDGJEVANDE FUNKSJON Fagutvala er rådgjevande i følgjande saker. - Økonomiplan, årsbudsjett og andre plansaker innanfor arbeidsområdet sitt. - Andre saker som vedkjem arbeidsområdet, men der andre har vedtaksmynde.

3 Side 3 av 9 4. HØYRINGSINSTANS Fagutvala er høyringsinstans i saker som er tverrfaglege, og som vedkjem utvalet sitt arbeidsområde. 5. FØREBUING AV SAKER Sakførebuinga i Sula kommune skal byggje på prinsippet om fullført sakshandsaming. Etter kommunelova 23, nr 2, er det rådmannen sitt ansvar å sjå til at sakene som vert framlagt for folkevalde organ er tilfredstillande utgreidd. Forslag til vedtak skal fremjast av det organet som har innstillingsrett. Kommunalsjef og leiar av fagutval tar avgjerd om kva for saker som kan handsamast administrativt og kva for saker som må handsamast politisk i fagutvalet i tråd med dette reglementet. Meldingar om slike vedtak kan sendast til kommunestyret. 6. INNSTILLINGSRETT - MØTERETT a. Rådmannen har innstillingsrett. Innstillingsretten kan delegerast til underordna leiar av forvaltningsområde i saksområde som ligg innanfor fagutvalet sitt avgjerdsområde. b. Ordførar har møte- og talerett i utvalet, enten personleg eller ved ein annan medlem frå kommunestyret c. Rådmannen har møte- og talerett i utvala og forslagsrett, jf. delegasjonsvedtak, enten personleg eller ved ein av sine underordna. 7. INNKALLING - SAKLISTE - KUNNGJERING a. Det enkelte fagutval held møte etter fastsett møteplan. I tillegg kan det haldast møte når utvalsleiaren eller minst 1/3 av medlemene krev det. b. Utvalsleiaren set opp sakliste og kallar saman til møte. c. Innkallinga skal innehalde opplysningar om tid og stad for møtet, spesifisert oppgåve over dei sakene som skal drøftast og opplysning om kvar saksdokumenta er tilgjengelege. d. Møteinnkalling, sakliste og saksdokument skal til vanleg sendast medlemene og innkalla varamedlemer med minst 5 dagars varsel.

4 Side 4 av 9 e. Kopi av saksdokumenta skal vere tilgjengelege for publikum i tida frå møtet er kunngjort og fram til møtedagen. Dette gjeld ikkje for dokument som i medhald av reglane i offentleglova er unnateke offentleg innsyn. f. Utvalsleiaren kan i medhald av 30 i kommunelova avgjere at ei sak skal takast opp til handsaming ved fjernmøte eller skriftleg sakshandsaming. 8. FORFALL - VARAMEDLEMER a. Forfall skal meldast snarast til utvalsleiaren ved sekretariatet med opplysning om forfallsgrunn. Varamedlem skal kallast inn straks etter reglane i 16 nr. 1 i kommunelova. Det same skal gjerast når det vert kjent at nokon må gå frå møtet som ugild i sak som skal handsamast. Medlemene skal melde frå på førehand der det er grunn til å rekne med at ein kan vere ugild ved handsaming av ei sak. b. Når det gjeld rettar og plikter for medlem/varamedlem som kjem til eller går frå møtet gjeld same reglar som i reglementet for kommunestyret, jf. pkt. 6 i nemnde reglement. 9. MØTELEIAR - OPNE ELLER STENGDE DØRER - TEIEPLIKT a. Møta ver leia av leiaren eller nestleiaren i utvalet når leiaren har forfall. Har båe forfall, skal det veljast ein særskilt møteleiar. b. Møta vert haldne for opne dører dersom ikkje anna følgjer av lovmessig teieplikt, eller utvalet vedtek å handsame ei sak for stengde dører i medhald av 31 i kommunelova. Vedtak om å handsame ei sak for stengde dører kan skje når omsynet til personvern eller andre tungtvegande private eller offentlege interesser tilseier dette. Debatt om dette skal gå føre seg for stengde dører dersom møteleiaren krev dette, eller utvalet vedtek det. c. Vert det vedteke å handsame ei sak for stengde dører, pliktar medlemene og dei kommunale tenestemenn som er til stades, å teie om drøftingane og om dei vedtak som vert gjorde. d. Teieplikta varer til noko anna vert vedteke, eller til grunnane for stengde dører har falle bort. Er det andre personar til stades, skal møteleiaren krevje teieplikt av dei. 10. UGILDSKAP a. Den som etter kommunelova 40 nr. 3 (jf. 6 i forvaltningslova) er ugild, eller som etter nr. 4 i same paragraf vert friteken, tek ikkje del i handsaminga av vedkomande sak.

5 Side 5 av 9 b. Spørsmål om ugildskap skal avklarast før sjølve saka vert handsama. Medlem som spørsmålet om ugildskap gjeld, skal ikkje ta del i handsaminga av dette spørsmålet. c. Det er forsamlinga sjølv som avgjer ugildskapspørsmålet med vanleg fleirtal. Einkvar pliktar å seie ifrå om tilhøve som kan føre til ugildskap. Før vedkomande fråtrer, og forsamlinga drøfter og avgjer ugildskapspørsmålet, kan han/ho få uttale seg kort til dette. 11. MØTET VERT SETT a. Utvalet er vedtaksført når minst halvparten av medlemene er til stades. b. Dersom nokon må gå frå møtet, skal dette meldast til møteleiaren før møtet tek til. 12. UTSETJING AV EI SAK - VEDTAK I SAK SOM IKKJE ER FØRT OPP PÅ SAKLISTA a. Utvalet kan med vanleg fleirtal vedta å utsetje realitetshandsaming av ei sak som står på den utsende saklista. b. Eit utsetjingsframlegg skal handsamast straks. Vert framlegget ikkje vedteke, held debatten fram etter den opphavlege talarlista. c. Utvalet kan gjere vedtak i sak som ikkje er oppført på saklista dersom ikkje møteleiaren eller 1/3 av medlemene set seg imot det. 13. REPLIKK Ein representant kan be om replikk til ein talar sitt innlegg ved å markere dette med 2 fingrar i veret. Han/ho skal då få ordet før neste på talarlista. Ein replikk skal vere kort og ein direkte kommentar til talaren sitt innlegg. Talaren kan få svare kort på replikken. 14. MERKNADAR TIL DAGSORDEN Ein representant kan be om ordet til dagsorden og får då ordet utanom den oppsette talarlista. Dette kan gjelde forslag om å setje strek i talarlista, innføre avgrensa taletid, innvending til måten å behandle saka på, røystemåte, møteavviklinga m.v. Det er ikkje lov til å kome inn på realitetane i nokon sak. Innlegg under "til dagsorden" skal vere korte.

6 Side 6 av MØTELEIAREN SI STILLING UNDER ORDSKIFTET Møteleiaren må ikkje avbryte nokon som har ordet, med mindre det skjer for å oppretthalde dei reglar som er gitt i reglementet eller for å rette mistyding o.l. frå talaren si side. 16. FORSLAG a. Forslag skal vere skriftleg og underteikna av den som fremjar forslaget. Forslaget skal leverast til møteleiaren. Forslag kan gjevast munnleg dersom det gjeld val eller om ei sak skal realitetshandsamast eller utsetjast. Det skal røystast over alle forslag som ikkje vert trekt. At eit forslag vert trekt er ikkje til hinder for at same forslaget vert fremja av ein annan medlem. b. Det er høve til å setje fram og trekkje forslag etter ei prøverøysting. Etter prøverøysting kan utvalet gjere vedtak om oppheving av streksetjing og opne for vidare debatt. 17. PRØVERØYSTING Før endeleg røysting i ei sak kan det haldast prøverøysting. 18. ENDELEG RØYSTING a. Når møteleiaren har teke opp ei sak til endeleg røysting, er det ikkje lenger høve til meir ordskifte om saka, eller til å setje fram eller trekkje forslag. b. Møteleiaren skal fremje forslag om korleis røystinga skal gjennomførast. Dersom ein medlem krev det, kan utvalet vedta røystemåten. 19. RØYSTEMÅTEN a. Medlemene har plikt til å røyste i alle saker. b. Røysting skjer ved open røysting med stillteiande godkjenning når ingen seier mot eit framlegg som møteleiaren set fram/refererer. c. Vedtak vert gjort med vanleg fleirtal. Ved likt røystetal er møteleiaren si røyst avgjerande. 20. SPØRSMÅL I MØTET a. Kvar medlem kan rette spørsmål til møteleiaren i byrjinga av møtet, også om saker som ikkje står på saklista. Møteleiaren eller ein annan etter samråd med møte-

7 Side 7 av 9 leiaren, kan svare på spørsmålet. Møteleiaren kan avgjere at svar på spørsmålet skal gjevast på neste møte. b. Det er ikkje høve til debatt eller til å kome med framlegg i samband med slike spørsmål. 21. ANKE a. Minst to representantar i utvalet kan i saker der utvalet har avgjerdsmynde anke saka opp til endeleg avgjerd i kommunestyret. Anken skal framsetjast i møtet og protokollerast. b. Ordføraren eller rådmannen kan også anke vedtak i utvalet til kommunestyret. Slik anke må gjerast skriftleg innan 2 dagar etter at hovudutskrift frå møteboka er lagt fram for dei. 22. ORDEN I SALEN OG BYGNINGEN a. Møteleiaren skal syte for å halde ro og orden i møtesalen og i bygningen elles under møtet. Han/ho skal såleis sjå til at talarane ikkje blir avbrotne eller blir forstyrra frå nokon kant. Dersom tilhøyrarane kjem med meiningsytringar eller på anna måte forstyrrar forhandlingane, eller har ei åtferd som strir mot god orden, kan møteleiaren vise dei ut. b. Plakatar, teikningar, tabellar o.l. må ikkje vere plassert eller plasserast i salen under møta, utan møteleiaren evt. fagutvala sitt samtykke. c. Ingen må dele ut skriftleg materiell til medlemene utan at dette er avtalt med møteleiaren. 23. MØTEBOKA a. Utvalet fører bok over møta sine. I møteboka skal det førast opplysningar om tid og stad for møtet, innkallingsmåte, fråverande medlemer og møtande varamedlemer. Går nokon frå eller kjem nokon til under møtet, skal det gå fram av møteboka kven som har teke del i handsaminga av kvar sak. b. Det skal gå fram av møteboka kva saker som har vore handsama, alle forslag som det har vore røysta over, og røystingsresultatet i kvar einskild sak. c. Møteleiaren og to andre medlemer som utvalet oppnemnar, skal skrive under møteboka. Møteleiaren har ansvaret for at møteboka er rett ført. d. Etter møtet skal utskrift av møteboka sendast alle medlemene og dei varamedlemene som var til stades i møtet.

8 Side 8 av 9 e. Rådmannen syter for oppbevaring av møteboka til utvalet i kommunen sitt arkiv i samsvar med kommunelova 39, nr 2 og reglar for offentlege arkiv. f. Møteboka skal leggast fram til godkjenning i første møte. 24. PROTOKOLLTILFØRSEL Dersom ein medlem eller rådmannen ønskjer protokolltilførsel etter at røysting er gjort, skal dette i regelen imøtekomast. Protokolltilførsel skal berre avvisast når det ligg føre særlege omsyn. Vert det usemje, kan kommunestyret ved røysting avgjere om protokolltilførsel skal takast inn i protokollen eller ikkje. Protokolltilførsel skal vere skriftleg. 25. ENKELTVEDTAK - GRUNNGJEVINGSPLIKT OG KLAGE PÅ VEDTAK/KLAGEHANDSAMING Når eit fagutval gjer enkeltvedtak skal det gjevast grunngjeving i samsvar med kap. 5 i forvaltningslova. Partar i ei sak skal samstundes med melding om vedtaket verte informert om sine rettar/høve til å påklage eit vedtak. Klagehandsaminga skal skje innanfor dei reglar og fristar som gjeld i forvaltningslova, kommunelova og særlover. 26. RAPPORTERING Utvalet har rapporteringsplikt til kommunestyret. 27. UNDERUTVAL a. Det blir oppretta følgjande underutval: - Klagenemnd/klientutval - under fagutvalet for helse og sosial - Klagenemnd - under fagutvalet for oppvekst b. Val og samansetjing - Klagenemnd/klientutval (under fagutvalet for helse og sosial). Underutvalet har 5 medlemer. Medlemene og dei 2 første varamedlemene blir valde av kommunestyret blant fagutvalet for helse og sosial sine medlemer. Valet vert gjort for 4 år. Leiaren og nestleiaren i fagutvalet for helse og sosial er høvesvis leiar/nestleiar i underutvalet.

9 Side 9 av 9 - Klagenemnd (under fagutvalet for oppvekst). Underutvalet har 3 medlemer. Medlemene og dei 4 første varamedlemene blir valde av kommunestyret blant fagutvalet for oppvekst sine medlemer. Valet vert gjort for 4 år. Kommunestyret vel leiar og nestleiar. Når leiaren og/eller nestleiaren i fagutvalet for oppvekst er medlem i underutvalet, er dei høvesvis leiar og nestleiar. c. Ansvarsområde Arbeidsområda til underutvala er regulert i delegasjonsreglementet vedteke av kommunestyret i K-sak 26/08. Underutvala gjer vedtak innanfor dei rammer og etter dei retningsliner som er fastsett i lov, avtaleverk og vedtak i overordna fagutval, formannskap eller kommunestyre. d. Mindretalsanke, møter etc. Her gjeld det som er sagt ovanfor for overordna fagutval, så langt det høver. Når det gjeld evt. mindretalsanke er det vedkomande utval som underutvalet sorterer under, som er "ankeorgan". e. Reglement Reglement for fagutval gjeld også for underutval så langt det passer. 28. IVERKSETJING a. Dette reglementet er vedteke av Sula kommunestyre i møte , K- sak 26/08 og gjeld frå Samstundes vert alle tidlegare møtereglement oppheva. b. Endring av dette reglementet kan berre gjerast av kommunestyret.