Sakshandsamar, innvalstelefon Eric Backer-Røed 5557 2278 Vår dato 21. november 2014 Dykkar dato Vår referanse Dykkar referanse FLO V ubåt seksjonen Postboks 34 Laksevåg 5947 BERGEN Rapport frå inspeksjon ved FLO Vedlikehold, Bergen UVB 6. november 2014 Rapportnummer: 2014.135.I.FMHO Kontaktpersonar ved inspeksjonen: Frå verksemda: Jarle Lygre Tom Liseth Frå Fylkesmannen i Hordaland: Eric Backer-Røed Sissel Storebø Britt Solheim Resultat frå inspeksjonen Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fann 2 avvik under inspeksjonen innan følgjande tema: internkontroll utsleppskontroll Avvika er nærare omtalt frå side 3 og utover i rapporten. FLO Vedlikehold, Bergen UVB må sende ei skriftleg stadfesting innan 2. februar 2015 på at avvika er retta. Oppfølginga etter inspeksjonen er nærare omtalt på side to. Sissel Storebø senioringeniør Eric Backer-Røed senioringeniør Rapporten er godkjent elektronisk og har derfor inga underskrift. Kopi til: Bergen kommune Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
1. Informasjon om verksemda Namn: FLO Vedlikehold, Bergen UVB Kontrollklasse: 3 Besøksadresse: Johan Berentsens veg 11 Postadresse: Postboks 34, Laksevåg Telefon: 03003 E-post: tliseth@mil.no Organisasjonsnr.: 988567388 Kommune: Bergen Eigar (org.nr.): 988517860 Bransjenr. (NACE-kode): 84.220 - forsvar Siste tilsyn: 2. Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er ein del av ein nasjonal kontrollaksjon med skipsverfta i landet. Aksjonen vert gjennomført i oktober/november 2014. Følgjande hovudtema vart kontrollert: Internkontroll, herunder risikovurdering og skriftlege rutinar Utslepp til sjø Utsleppskontroll Støy Handtering farleg avfall Lagring og håndtering av kjemikalier 3. Oppfølging etter kontrollen Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 2. februar 2015 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon. Vi ser alvorleg på avvika som vart funne under inspeksjonen. Gjennomføringa av tiltaka kan derfor bli følgt opp med nytt tilsyn utanom ordinær tilsynsfrekvens. Varsel om tvangsmulkt Dersom vi ikkje får tilbakemelding med dokumentasjon på at avvika er retta innan 2. februar 2015, vil Fylkesmannen vurdere å fatte vedtak om tvangsmulkt, jf. forureiningslova 73. I vedtaket om tvangsmulkt blir det sett ein ny frist for å sende inn dokumentasjon. Dersom denne fristen ikkje blir heldt, må verksemda betale tvangsmulkta. Ei eventuell tvangsmulkt vil vere på 50 000 kroner. Verksemda kan kommentere dette varselet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova 16. 2
4. Kontrollgebyr Fylkesmannen varsla i e-post 10. oktober 2014 at FLO Vedlikehold, Bergen UVB vil få eit gebyr på 15 200 kroner for inspeksjonen, jf. forureiningsforskrifta 39-7. Dette er gebyrsats 2. Gebyret skal dekkje kostnadar i samband med førebuing, gjennomføring og oppfølging av kontrollen. Faktura blir ettersendt frå Miljødirektoratet. De har rett til å klage på valet av gebyrsats innan tre veker etter at de har fått denne rapporten, jf. forvaltningslova 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova. 6. Dokumentunderlag forureiningslova produktkontrollova forureiningsforskrifta kapittel 39 avfallsforskrifta kapittel 11 om farleg avfall internkontrollforskrifta Informasjon om regelverket finn de på www.miljodirektoratet.no og www.regelhjelp.no. Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 7. Avvik Vi fann følgjande avvik under inspeksjonen: Avvik 1: Verksemda sin internkontroll for ytre miljø er ikkje dokumentert skriftleg Avvik frå: Internkontrollforskrifta 4 og 5 punkt 2, 4, 6 og 7 Kommentarar til regelverket: Internkontroll 5 Internkontrollforskrifta pålegg den som er ansvarleg for verksemda å sørgje for at det vert innført og utøvd internkontroll, jf. 4. Internkontrollen skal verne ytre miljø mot forureining 3
og sikre ein betre handtering av avfall i den form og det omfang som er naudsynt og på bakgrunn av verksemda si art, aktivitetar, risikotilhøve og storleik, jf. 5. Miljømål 5.4 For at internkontrollen skal fungere som eit verktøy for verksemda, til å bli betre på ytre miljø, er det viktig å setje seg konkrete mål for arbeidet. Det bør også utarbeidast ein handlingsplan med tiltak for å nå måla. Måla skal dokumenterast skriftlig. Når tiltaka er utførte skal leiinga vurdere om mål/delmål er nådd, eller om drifta må justerast for å nå måla. Opplæring 5.2 Verksemda skal sørgje for at arbeidstakarane har tilstrekkelege kunnskapar og ferdigheter i det systematiske HMS-arbeidet. Risikovurdering 5.6 Ei risikovurdering skal kartlegge problem og farar for utslepp til ytre miljø og innehalde planar og tiltak for å redusere risikoen. Risikovurderinga skal omfatte alle aktiviteter som kan føre til forureining av vatn, grunn og luft. Risikovurderinga og handlingsplanen skal vere skriftleg. Rutinar og avvikshandtering 5.7 Verksemda skal ha skriftlege rutinar for å avdekke, rette opp og førebyggje brot fastsatt i eller i medhald av lov eller forskrift. Verksemda skal ha eit system for å registrere hendingar som kan medføre forureinande utslepp, feil handtering av avfall og kjemikaliar mv., inkludert naboklagar. Hendingane skal handsamast og følgjast opp. Avviket er basert på følgjande observasjonar: Internkontroll Internkontroll/miljøstyringssystemet til verksemda er felles for heile FLO Vedlikehold. Denne var lite kjent for dei tilsette hjå FLO Vedlikehold, Bergen UVB og i liten grad implementert i verksemda. Miljømål Verksemda har ikkje fastsett og dokumentert mål for ytre miljø i internkontrollen. Det er mellom anna ikkje fastsett mål for å redusere utslepp til vatn, avfallsmengde og støy. Opplæring Verksemda har ikkje eit opplæringsprogram som sikrar gode nok kunnskapar og ferdigheter hos tilsette i arbeidet med ytre miljø. Det var for eksempel ikkje gjennomført opplæring i avfallsforskrifta kapittel 11 om farleg avfall. Risikovurdering Det er utarbeida ein overordna risiko vurdering for FLO Vedlikehold Bergen. Denne er generell og tar ikkje for seg miljøutfordringane ved ubåtseksjonen. Rutinar Det blir utført arbeidsoperasjonar som det ikkje er skriftlege rutinar for. Arbeidsrutinar må 4
dokumenterast og systematiserast slik at dei kan inngå i internkontrollen. Dette gjelder blant anna skriftlege rutinar for å avdekke, rette opp og førebyggje brot på forureiningsregelverket. Avvik Verksemda har etablert eit system for avvikshandtering. Det vart opplyst at systemet er lite i bruk og at det ikkje er ført avvik på ytre miljø i 2014. Avvik er ikkje definert i internkontrollen til verksemda. Avvik 2: Utsleppskontrollen er ikkje tilfredsstillande Avvik frå: Forureiningsforskrifta 29-9 Kommentarar til regelverket: Verksemda skal iverksetje eit måleprogram for kontrollmåling av utslepp til vatn og støy som skal inngå i verksemda sin internkontroll. Føremålet med målingane er å dokumentere at krav gitt i 29-6, 29-7 og 29-8 vert overheldt. Verksemda skal innan eit år etter at kapittel 29 vart gjeldande gjennomføre måling/utrekning av støy ved næraste nabo. Avviket er basert på følgjande observasjonar: Verksemda har ikkje utarbeida måleprogram for utsleppsmålingar til vatn eller støy. Utslepp til vatn Det er ikkje tatt representativ prøver av avlaupsvatn for å dokumentere at dette ikkje fører til forureining, som følgje av utslepp av miljøskadelege stoffer. Prøvene skal vere representativ for verksemda sin aktivitet. Det må takast prøver på ein slik måte at analysane fangar opp variasjonane i utsleppsmengdene. Støy Verksemda har ikkje gjennomført måling/utrekning av støy ved mest støyutsette nabo. 8. Andre tilhøve Ved tilsynet vart vi fortalt at verksemda og driv med kjemisk overflatebehandling av metall. Det vil seie at forureiningsforskrifta kapittel 28 kan gjelde for verksemda. Eksisterande verksemder som drive med kjemisk overflatebehandling har krav om å sende inn meldeskjema til Fylkesmannen. Vi skal etter avtale med verksemda ettersende informasjon om regelverket og meldeskjema. 5