Møteinnkalling Utval: Møtestad: BK 220VIP Dato: 22.05.2013 Tid: 13:15 Strategisk studienemnd Forfall må meldast til utvalssekretæren snarast. Vararepresentantar møter etter nærare beskjed.
Sakliste Utvalsaksnr Innhold U.off. Arkivsaknr. SSN 14/2013 Godkjenning av innkalling og sakliste SSN 15/2013 Møteplan for Strategisk studienemnd hausten 2013 2013/165 SSN 16/2013 OS 1/2013 Orienteringssaker Studieplan faglærar i formgjeving, kunst og handverk FAKH101 Visuell kommunikasjon FAKH103 Kunst - Skaping og formidling FAKH104 Funksjonell design FAKH108 Pedagogikk og fagdidaktikk I FAKHPRA1 Praksis 1, 20 dagar 2013/160 OS 2/2013 KOH138 Fagdidaktikk, kunst- og formkultur - godkjenning OS3/2013 REP202 Ekstern medieproduksjon 2013/160
SSN14/2013Godkjenningavinnkallingogsakliste
Biblioteket Til: Strategisk studienemnd Frå: Biblioteket v/bibliotekleiar Bente Lien Dato: 5.5.2013 Emne: Kvalitetssikring av pensumlister Biblioteket var i fjor involvert i arbeidet med å lage retningslinjer for pensumlister (sjå vedlegg). Vi var opptekne av å betre pensumlistene på desse punkta: 1) Tilgjengelegheit og 2) Kvalitet. 1) Tilgjengelegheit Tidlegare låg pensumlistene inne i studieomtalen (i Nexus). Det var ikkje mogleg å skrive ut berre pensumlistene. No er dei tilgjengelege som pdf-filer, og på studentsidene er det lenke til snarveg til pensumlistene, der dei er sorterte alfabetisk: http://hivolda.studiehandbok.no/content/view/pensum/23562. Dette er eit stort framsteg, og vi på biblioteket har merka at det er enklare å hjelpe studentar med å finne fram pensumlitteratur. Er dei t.d. usikre på tittel på eller forfattar av ei pensumbok, kan vi raskt og enkelt finne fram rett pensumliste og hente informasjonen der. 2) Kvalitet Vi meiner at når ei pensumliste er utforma etter dei retningslinjene som vart vedtekne i fjor, er kvaliteten god. Kvalitativt gode pensumlister er ein føresetnad for at a) studentane finn litteraturen dei treng Vi oppmodar studentane til å vere sjølvstendige og søkje på eiga hand etter litteraturen dei treng. Ein del står fast og finn ikkje pensumlitteratur fordi forfattarnamn eller tittel er skrive feil. I den store samanheng er dette små feil, men det kan vere nok til at studentane ikkje finn fram sjølve. Når ein opplever slikt fleire gonger, er det irriterande for studenten. Vi har folk i skranken for å hjelpe studentar og tilsette, men vi vil helst prioritere å bruke tida på anna enn å rette opp andre sine feil. Brukar ein t.d. APA-stilen, som det blir vist til i retningslinjene, er ein sikker på at ein referanse på litteraturlista er eintydig og lett å inne fram. Her ser vi diverre mange ulike variantar, og når det ikkje er mogleg for studentane å vite om det er snakk om ein artikkel, eit kompendium eller ei bok, har pensumlisteprodusenten utan tvil ikkje gjort jobben sin godt nok. b) biblioteket har aktuell pensumlitteratur Bøker kan kome ut i mange utgåver, og det er viktig at både vi som kjøper inn bøker, og studentane veit om det er nyaste utgåve som skal brukast. Fagpersonalet bør halde seg orientert om det er kome nyare utgåver, ev. ta kontakt med biblioteket om ein er usikre. Vi opplever også at det er sett opp bøker på pensumlistene som ikkje er få kjøpt lenger. c) studentane lærer å lage litteraturlister Fagansvarlege er også førebilete for studentane. For at studentane skal lage gode og rette litteraturlister i eigne oppgåver, må dei få ei forståing av at dette er viktig. Kvifor skal dei eventuelt bry seg med kvalitet om ikkje dei som underviser, gjer det? Side 1 av 2
Erfaringar frå studieåret 2012/13 Som nemnt under pkt. 1), har grepet med å legge ut pensumlistene i pdf-format gjort arbeidet vårt enklare, og eg vil tru at det på same måten har gjort studiekvardagen enklare for studentane. Vi har internt diskutert erfaringane våre med pensumlistearbeid, og dei kan oppsummerast slik: - Variabel kvalitet: Ein del eldre utgåver på listene sjølv om nye er i sal. Likevel kan det vere gode grunnar til at desse vert nytta, men då bør dette kome tydeleg fram. - Mangelfulle opplysingar: På nokre pensumlister er det ikkje lett å sjå kva som er kompendium eller artikkel dette bør kome klart fram, jf. retningslinjene. - E-ressursar: Kan til tider vere vanskeleg å sjå korleis ein kan få tilgang. - Har opplevd at det står at pensum kan bli endra ved studiestart. Dette meiner vi er uakseptabelt. - Kommuniserer med fagansvarlege, stort sett på e-post, når ein oppdagar «feil», t.d. at det finst nyare utgåver eller bøker ikkje lenger er til sals. Det varierer litt om ein får tilbakemelding. - Til tider vanskeleg for bibliotekpersonalet å vite kvar ein skal legge lista for å seie frå om feil. Når det er snakk om detaljar i APA-stilen, vel ein stort sett å oversjå det. Viktigare å melde frå om feil som kan føre til vanskar med å finne fram til pensumlitteraturen. Dette er også eit kapasitetsspørsmål sidan det er mange fagemne med tilhøyrande pensumlister å gå gjennom. - Bibliotekpersonalet er positive til å hjelpe fagansvarlege som treng råd og rettleiing, og dei kan gjerne ta direkte kontakt. - Sein frist: Viss storparten av pensumlistene først er ferdige fram mot 1. juli, kan det vere vanskeleg både for bibliotek og bokhandel å skaffe all litteratur til semesterstart. Det er mange pensumlister som skal gjennomgåast samtidig som det er ferieavvikling. Side 2 av 2
Vedlegg Retningslinjer for pensumlister Pensumlister skal merkast med emnekode, studieprogram, semester, år og samla sidetal øvst. Ferdig pensumliste skal leverast som pdf og med filnamn EMNEKODE_SEMESTERÅR.pdf. Døme: FLUPED1_H2012.pdf, MUS103_V2013.pdf Tilrådd oppsett av pensumliste Det er viktig at pensumlista har med vesentleg informasjon og er sett opp slik at både studentar, bibliotek og bokhandel enkelt kan finne fram til pensumlitteraturen. Døma nedanfor er sett opp etter APA-standard, som biblioteket nyttar i rettleiing om kjeldebruk for studentar. Meir om APA og fleire døme her: http://www.hivolda.no/nyn/hivolda/biblioteket/oppgaveskriving/apa_standarden Bøker: Imsen, G. (2005). Elevens verden: Innføring i pedagogisk psykologi (4. utg.). Oslo: Universitetsforlaget. Tidsskriftartikkel: Bele, I. (2008). The teacher's voice: Vocal training in teacher education. Scandinavian Journal of Educational Research, 52(1), 41 57. Artikkel i redigert bok: Heggen, K. (2008). Profesjon og identitet. I: A. Molander & L. I. Terum (Red.), Profesjonsstudier (s. 321 332). Oslo: Universitetsforlaget. Elektroniske ressursar: Kunnskapsdepartementet. (2008). Sett under ett: Ny struktur i høyere utdanning. (NOU 2008:3). Henta frå http://www.regjeringen.no/nb/dep/kd/dok/nouer/2008/nou-2008-3.html?id=497182 EndNote som hjelpemiddel EndNote kan også brukast til å lage pensumliste. Meir informasjon om korleis dette kan gjerast, finst her: http://www.hivolda.no/nyn/hivolda/biblioteket/endnote Digitalt pensum Biblioteket kjøper inn mykje digital litteratur, og ein del av det som blir trykt opp i kompendium (t.d. tidskriftartiklar), kan vere tilgjengeleg digitalt i biblioteket. Både studentar og institusjon kan spare pengar om ein brukar digitale ressursar biblioteket allereie har betalt for, i staden for å trykke det opp i kompendium. Mange norske tidsskrift har vi digital tilgang til gjennom Idunn (www.idunn.no). Ta kontakt med biblioteket om du er usikker på kva som finst av andre digitale ressursar. Kompendium Det er lettare for studentane å finne fram i pensumlista dersom ein skil ut alt som er samla i kompendium, og markerer dette tydeleg. Det same bør ein gjere for tilleggslitteratur. Siste sjekk av pensumlista - Alfabetisk sortering - Ny utgåve av boka? Tips: Søk i Bibsys Ask. - For eldre bøker: Er desse framleis til sals? - Rett forfattarnamn og tittel - Referansestil (t.d. APA) Godkjent av høgskuledirektøren 31.05.2012
Arkiv: 012 Arkivsaknr.: 2013/165-5 Sakhandsamar: Gunn Marit Lid Saksframlegg Utval Utvalsaksnr. Møtedato Strategisk studienemnd 16/2013 22.05.2013 Møteplan for Strategisk studienemnd hausten 2013 Rektor foreslår følgjande møtetidspunkt for nemnda: Måndag 16. september kl. 13.15 Onsdag 30. oktober kl. 13.15 Onsdag 11. desember kl. 13.15 Framlegg til vedtak Møteplan for Strategisk studienemnd hausten 2013 er vedteken etter oppsett plan.
SSN17/2013Orienteringssaker
Studieadministrasjonen Aud Folkestad Vår dato: 16.04.2013 Vår ref.: 2013/160 Dykkar dato: Dykkar ref.: Sakshandsamar:GML SVAR PÅ SØKNAD OM GODKJENNING AV STUDIE- OG EMNEPLANAR Vi viser til dykkar søknad om godkjenning av studie- og emneplanar for faglærarutdanning i formgjeving, kunst og handverk. Etablering av studiet er frå før godkjent av høgskulestyret i sak 65/2012. I styresak 46/2012 vart det hausten 2012 bestemt at høgskuleleiinga får fullmakt til å godkjenne emne/program til og med 30 studiepoeng og til å godkjenne planar for studium som er vedtatt etablert. Studieplanen for faglærarutdanning i formgjeving, kunst og handverk, samt emna FAKH101 Visuell kommunikasjon, FAKH103 Kunst - Skaping og formidling, FAKH104 Funksjonell design, FAKH108 Pedagogikk og fagdidaktikk I og FAKHPRA1 Praksis 1, 20 dagar er no vurderte og endeleg godkjende. Kopi av dette vedtaket vert sendt til Strategisk studienemd til orientering. Med vennleg helsing Per Halse rektor Jacob Kjøde jr. høgskuledirektør Kopi til: Studieprogramansvarleg Karen Brænne Emneansvarleg Janne Heggvoll Emneansvarleg Åshild Sævik Emneansvarleg Britt Loven Ølnes Dekan Arne Myklebust Side 1 av 2
Studieadministrasjonen Side 2 av 2
Studieadministrasjonen Aud Folkestad Vår dato: 16.04.2013 Vår ref.: 2013/160 Dykkar dato: Dykkar ref.: Sakshandsamar:GML SVAR PÅ SØKNAD OM GODKJENNING AV EMNEPLAN I KOH138 Vi viser til dykkar søknad om etablering av emnet KOH138 Fagdidaktikk, kunst- og formkultur i bachelorstudiet for kunst og handverk. I styresak 46/2012 vart det hausten 2012 bestemt at høgskuleleiinga får fullmakt til å godkjenne emne/program til og med 30 studiepoeng og til å godkjenne planar for studium som er vedtatt etablert. Emneplanen er no vurdert og endeleg godkjend. Kopi av dette vedtaket vert sendt til Strategisk studienemd til orientering. Med vennleg helsing Per Halse rektor Jacob Kjøde jr. høgskuledirektør Kopi: Emneansvarleg Janne Heggvoll Studieprogramansvarleg Karen Brænne Studieadministrasjonen Side 1 av 1
Studieadministrasjonen Ingvar Elgesem Vår dato: 17.04.2013 Vår ref.: 2013/161 Dykkar dato: 17.04.2013 Dykkar ref.: Sakshandsamar:GML SVAR PÅ SØKNAD OM GODKJENNING AV EMNET EKSTERN MEDIEPRODUKSJON Vi viser til dykkar søknad om etablering av det nye emnet ekstern medieproduksjon (5 studiepoeng). I styresak 46/2012 vart det hausten 2012 bestemt at høgskuleleiinga får fullmakt til å godkjenne emne/program til og med 30 studiepoeng og til å godkjenne planar for studium som er vedtatt etablert. Emneplanen er no vurdert og endeleg godkjend. Ta kontakt med FS-koordinator for å avtale emnekode og tilknytning til studieprogram. Kopi av dette vedtaket vert sendt til Strategisk studienemd til orientering. Med vennleg helsing Per Halse rektor Jacob Kjøde jr. høgskuledirektør Kopi: Emneansvarleg Jan Ytrehorn Studieadministrasjonen Side 1 av 1