Busettingsprosjektet i Hordaland Fylkesmannens bidrag til å busette fleire flyktningar i kommunane Rapportering 1. tertial 2016 31.5.2016
1. Innholdsfortegnelse 1. Innleiing... 3 2. Særlege utfordringar i denne perioden...4 3. Informasjon og kunnskap om temaene busetting, kvalifisering og integrering 4 4. Utarbeiding elektronisk modell for berekning av tilskot..5 5. Tal busetting..6 6. Møteplassar/informasjon..6 7. Oppsummering/ vurdering 8 8. Vedlegg 9 2
1. Innleiing Vi viser til oppdragsbrev frå Barne- likestillings- og inkluderingsdepartementet av 17.12.2014 Forsøk på auka og raskare busetting av flyktningar i kommunane i Hordaland gjennom målretta innsats frå fylkes-mannsembetet, samt supplerande oppdragsbrev datert 27.1.2016. Vi har tidligare sendt rapport frå første, andre og tredje tertial i 2015, og levert ein årsrapport for det første året av prosjektet. For meir informasjon om organisering og prosjektplan, visar vi til desse rapportane. Rapporten frå første tertial 2016 følgjer under. I det nemnde oppdragbrevet til Fylkesmannen Hordaland, var det lagt til grunn at IMDi skulle overføre to sakshandsamarar til Fylkesmannen så lenge prosjektet varer. Etter forslag frå Fylkesmannen i Hordaland overførte IMDi ein sakshandsamar frå prosjektstart i januar 2015. Erfaringane våre frå perioden frå januar 2015 og fram til januar 2016, var at ein sakshandsamar frå IMDi var tilstrekkeleg. Ordninga sikra at Fylkesmannen fekk god kjennskap til IMDi sine arbeidsoppgåver og arbeidsmåtar i busettingsarbeidet, og at vi gjensidig fekk etablert gode rutinar for samarbeid. Fylkesmannen i Hordaland vil konkludere med at den ordninga der ein av IMDi sine medarbeidarar hadde sitt daglege arbeid i vår organisasjon, var avgjerande for korleis vi har klart å utvikle eit godt samarbeid på relativt kort tid. Då prosjektet gikk inn i sitt andre år, stilte vi spørsmål om det å disponere ein av IMDi sine medarbeidarar på full tid hos oss framleis var den beste bruken av ressursar. Fylkesmannen sin konklusjon er at vi framleis har behov for å få tilgang til data, statistikkar og å bli informert om IMDi sin kontakt med kommunane i fylket vårt. Busettingsarbeidet hos Fylkesmannen og i kommunane er vidare avhengig av at Fylkesmannen og IMDi er i nær dialog med kvarandre og samarbeider tett. Med det som utgangspunkt meinte vi det var tilstrekkeleg om Fylkesmannen hadde faste kontaktperson/kontaktpersonar i IMDi, og at det ikkje var avgjerande at ein sakshandsamar hadde fast kontorplass hos Fylkesmannen. Dialog og samarbeid med direktør og ass. direktør, i tillegg til aktuelle sakshandsamarar er viktig. På bakgrunn av dette har ikkje Fylkesmannen lengre ein IMDi medarbeidar plassert i eigen organisasjon, men vi hentar ut ressursar frå IMDi ved behov. Dette har så langt fungert svært bra. I denne perioden er det to tema som vi har arbeidd mykje med, og som vi særlige vil trekke fram i rapporten. Det eine er å imøtekome kommunane sitt auka behov for informasjon og kunnskap om temaet busetting, kvalifisering og integrering. Det andre er arbeidet med ein tilskotskalkulator til bruk i sektoren. 3
2. Særlege utfordringar i denne perioden Innleiingsvis vil vi peike på at det dei siste månadene er oppstått ein usikkerheit hos kommunane når det gjeld behovet for busetting og korleis dei skal planlegge ut frå rett behov. Vi har erfart at kommunane i Hordaland visar ein stor vilje til å busette flyktningar. Alle dei 33 kommunane i fylket seier ja til å busette flyktningar i 2016. Vi opplever at det er stor entusiasme i kommunane når det gjeld busetting av flyktningar. Dei har strekt seg langt for å møte oppmodinga frå desember i fjor. Mange stader har det ført til stort engasjement i lokalsamfunnet, og kommunane har lagt ned mykje arbeid for å finne gode løysingar både når det gjeld organisering, bustad, introduksjonsprogram og kvalifisering for arbeidslivet. Difor opplever kommunane det som problematisk at dei ikkje får tildelt flyktningar når dei er klare til å ta i mot dei. Dette har mange praktiske og økonomiske konsekvensar. Husvære har til dømes blitt ståande tomme fordi det ikkje er flyktningar å busette. Kommunane har den siste tida tatt kontakt med Fylkesmannen for å forsikre seg om at dei blir tildelt flyktningar før dei effektuerer vedtaka. Ei slik forsikring ligg sjølvsagt utanfor Fylkesmannen sin kompetanse. Vi vurderer det likevel som svært uheldig at det er i ferd med å spreie seg ein haldning om at behovet for busetting ikkje er så stort likevel, og at haustens oppmodingar var overdrivne. Vi trur at dette vil påverke kommunane sin evaluering av busettingsprosjektet sida vi i møte med kommunane har understreka at behovet er stort. Meir alvorleg er det likevel at vi fryktar at dette på sikt kan få konsekvensar neste gang det er naudsynt å mobilisere kommunane på dette området. 3. Informasjon og kunnskap om busetting, kvalifisering og integrering Vi erfarer at kommunane på dette tidspunktet har eit stort behov for informasjon og kunnskap om gode løysingar og kva reglar som gjeld på området. Det gjeld særleg områda einslege mindreårige, utdanning og kvalifisering. Sju kommunar busette einslege mindreårige i 2015. Alle desse kommunane har auka busettingsvolumet betrakteleg i 2016. I tillegg skal seks nye kommunar busette einslege mindreårige i år. Dette har utløyst eit stort behov informasjon. Dette er eit komplisert område både når det gjeld tilskot, regelverk og ansvarsforhold. Vi har difor halde fleire møte med kommunane saman med IMDi og Bufetat, der tema ikkje har vore å oppmode kommunane til å busette (slik som i 2015), men snarare drøfta korleis dei kan busette. Det er særleg dei nye busettingskommunane som har behov for konkret og praktisk informasjon på området. Skilnaden på organisering, krav og regelverk for busetting av dei under og over 15 år er eit område som mange ynsker kunnskap om. Konkretisering av ansvarsfordelinga mellom IMDi og Bufetat er eit anna område. I februar arrangerte vi i samarbeid med IMDi eit arbeidsseminar der målgruppa var kommunar som ynskjer å auke kompetansen sin på området einslege mindreårige flyktningar. Målsettinga med denne 4
konferansen var at kommunar som hadde busett einslege mindreårige skulle dele sine erfaringar med dei som var nye. Dette seminaret er og omtalt under kap. 6 Møteplassar. Program for samlinga er vedlagt (vedlegg 1) Spørsmåla rundt skule og utdanning har vore mange, både når det gjeld einslege mindreårige og andre flyktningar. Regelverket er komplisert, og særleg overgangen frå grunnskule til vidaregåande skule kan vere vanskeleg å ha oversyn over. Behovet for samarbeid mellom fylkeskommunen og kommunane er stort på dette området, og vi har arrangert eit møte der Fjell kommune og Hordaland fylkeskommune drøfta utfordringar og korleis dei kan samarbeide betre på området. Hordaland fylkeskommune samarbeider konkret med to kommunar (Askøy og Bergen) om det dei kallar kombinasjonsklasser - grunnskuleopplæring i vidaregåande skule. Målsettinga er å gi eit skuletilbod til nyankomne (både med og utan rett til vgo) som i størst mogleg grad tek omsyn til ungdommen sitt faktiske behov for språkleg og fagleg opplæring som grunnlag for å fullføre vidaregåande opplæring. Som ein del av busettingsprosjektet har Fylkesmannen knytt seg til idèen om kombinasjonsklassar og er no i eit samarbeid med fylkeskommunen og representantar for de øvrige kommunane i fylket om å få i stand tilsvarande tilbod i alle regionane. Vi har og arrangert samling om regelverket knytt til utdanning og flyktningar, sjå kap. 6 og vedlegg 2. Det har vore auka kontakt på telefon og e-post når det gjeld spørsmål knytt til busetting av flyktningar. Mange har konkrete faglege spørsmål som Fylkesmannen skal svare på, mens andre ber om råd om kven dei skal kontakte for å få svar på spørsmål. Vi ser at det er eit behov for ein koordinerande funksjon for på dette området, tilbakemeldingar frå kommunane er at dei opplever at det er uoversiktleg når det gjeld kva dei ulike etatane har som ansvarsområde. Fleire kommunar melder og at det er tidkrevjande å forholde seg til så mange ulike statlege aktørar på området. 4. Utarbeiding elektronisk modell for berekning av tilskot Alle kommunane i fylket har trekt fram at det er krevjande å ha oversikt over inntektssida ved busetting. Dette kjem særleg til syne når kommunane skal følgje opp oppmodingane om busetting i saksframlegg til politisk handsaming. Fylkesmannen i Hordaland har difor fått utvikla ei elektronisk løysing der kommunane på ein enkel måte kan får oversikt over kva tilskott som følgjer med busetting. Kva tilskott som gjeld for vertskommunar med asylmottak er og del av modellen. Modellen gir vidare eit estimat på kva som vil vere endringar i rammetilskotet for innbyggjarar. Modellen ligg på nettsida til Fylkesmannen i Hordaland, under bannersaka «Busetting av flyktningar». Modellen er sjølvsagt til fri bruk for alle kommunar som ønskjer det, også dei utanfor Hordaland. Det er ikkje naudsynt med passord for å nytte modellen. 5
Løysinga er utarbeida i samarbeid med Deloitte, og vi har inngått ein avtale med desse om vedlikehald og oppdateringar. Sist oppdaterte versjon og dato for siste endringar vil ligge på Fylkesmannen i Hordaland sine nettsider. Om ein har lasta ned løysinga må ein difor kontrollere om det er lagt ut oppdaterte versjonar før bruk. Modellen er så langt blitt møtt med stor interesse frå sektoren, og vi har fått meldingar om at den blir opplevd som nyttig. Vi har og fått tilbakemelding frå kommunar andre stader i landet, som har opplyst at de har stor nytte av dette verktøyet. 5. Tal busetting Alle dei 33 kommunane i Hordaland har fatta vedtak om å busette flyktningar i 2016. Av desse seier om lag halvparten ja til heile oppmodinga (gjeld ikkje einslege mindreårige), mens dei resterande har vedteke eit lågare tal enn den totale oppmodinga. Oversyn vedtak i kommunane i Hordaland pr. 31. mai 2016 Oppmoda om Vedteke Totalt 1792 1608 Herav EM 452 309 Vi har brukt noko tid på å avklare vedtak om einslege mindreårige og om kommunen planleggjar å busette dei over eller under 15 år. I samarbeid med IMDi og Bufetat har vi gitt råd til kommunane om kva gruppe som passar kommunen best, og kor det er størst behov. Kommunevis oversikt over vedtaksplassar er vedlagt (vedlegg 3). 6. Møteplassar/informasjon Vi vil her trekke fram nokre møte, samlingar og informasjonspunkt som har blitt gjennomført i denne perioden. For eit komplett oversyn over aktivitetar, sjå vedlegg 4. Møte mellom kommunar og statsetatar Fylkesmannen har også i denne perioden halde fram med å arrangere møte mellom kommunane og statsetatane. Deltakarane på desse møta har i mindre grad enn tidlegare vore leiinga i statsetatane og i kommunane, og i større grad fagpersonar som har det praktiske ansvaret for busettinga. Vi har gjennomført møte med i alt ti kommunar i denne perioden. 6
Vi erfarer at kommunane no oftare tar kontakt med oss og ber om at vi arrangerer møte med dei statsetatane dei ynskjer å treffe. Vi opplever det som positivt at kommunane kan ha nytte av vår samordningskompetanse. Arbeidsseminar om einslege mindreårige flyktningar Talet på einslege mindreårige som skal bli busett auka mykje i 2016. Mange kommunar i Hordaland tar imot denne gruppa for fyrste gong. IMDi og Fylkesmannen arrangerte difor eit arbeidsseminar 23. februar der einslege mindreårige var tema. Bufetat og kommunar som hadde erfaring frå å busette denne gruppa var viktige bidragsytarar på seminaret. Det var påmeldt om lag 60 personar, og gruppa varierte frå rådmenn til tilsette i bufellesskap. Det var stort engasjement og mange nyttige diskusjonar og spørsmål på seminaret. Kurs om regelverk knytt til utdanning og flyktningar Fylkesmannen har i perioden arrangert eit kurs om regelverk knytt til utdanning og flyktningar. Skulesektoren i kommunane var målgruppe for kurset, og tidsramma var 3 timer. Interessa var svært stor, og vi planlegg difor fleire kurs for same målgruppe og med same tema til hausten. I mai hadde Fylkesmannen ei samling med tilsvarande tema for representantar og verjer. Dette er ei svært viktig gruppe, sidan dei skal gi råd og ta avgjerder om skule for dei einsleg mindreårige flyktningane. Det er difor viktig at dei er godt kjente med regelverket og rettane som gjeld for gruppa dei representerer. Internseminar Fjell kommune Vi har tidlegare trekt fram det store engasjementet som er vist i Fjell kommune når det gjeld busetting av flyktningar. I januar arrangerte dei eit to-dagars internseminar for tilsette ved alle avdelingane i Fjell kommune som arbeidar med flyktningar. Også representantar med noverande eller tidlegare flyktningestatus, frivillige og samarbeidspartnare var inviterte til samlinga. I alt deltok om lag 100 personar. Seminaret vart halde på eit hotell, med interne og eksterne forelesarar og god tid til drøfting. Kommunen understrekar med dette seminaret at busetting av flyktningar er ein oppgåve som gjeld dei fleste som arbeider i kommunen, og sikrar at dei ulike avdelingane kan samarbeide ut frå eit tilnærma likt kunnskapsgrunnlag. Fylkesmannen var til stade og hadde eit kort innlegg på samlinga. Informasjon Fylkesmannen brukar framleis heimesidene for å informere om spørsmål kring busetting av flyktningar. Vi har ei eiga fane, ei såkalla bannersak, som heiter «busetting av flyktningar». Her er målet å leggje ut ny informasjon minst kvar andre veke. Dette målet har vi nådd også i denne perioden, med ni saker frå og med januar til og med april. Vi kan sjå at talet «klikk» har auka etter at vi la ut tilskotkalkulatoren, og vi vil i tida framover følgje med kor mykje den blir brukt. 7
7. Oppsummering/vurdering Busettingsprosjektet er no godt inne i sitt andre år. Flyktningsituasjonen har endra seg mykje frå vi skrev prosjektplanen, og det har difor vore naudsynt å gjere fleire tilpassingar under vegs. Hensikta med prosjektet var å prøve ut om Fylkesmannen sin organisasjon var eigna til å bidra i busettingsarbeidet. Vi meiner framleis at Fylkesmannen sine samla ansvarsområde legg til rette for å følgje opp kommunane sitt busettingsarbeid på ein fleksibel måte, både i fasar der det er trong for å auke busettingsplassar, eller i fasar som no der integrering og kvalifisering har mest merksemd. Busettingsarbeidet er eit område med raske endringar som det er krevjande å planleggje for. Frå statleg hald er det difor viktig å ha god forståing for kva slike endringar kan bety for kommunane sine samla oppgåver og tenestetilbod. Vår erfaring så langt er at Fylkesmannen har eit godt utgangspunkt for å vere ein nyttig samtalepartnar med, og rettleiar for, kommunane i slike spørsmål. Då vi starta tidleg i 2015 venta om lag 5000 asylsøkjarar med positive vedtak på å bli busette. Dette var informasjon som var viktig å få ut til kommunane. Vi opplevde at kommunane var lydhøre for behovet for fleire busettingsplassar, og viljen til å ta imot flyktningar vaks i samsvar med at flyktningsituasjonen i verda eskalerte. Dei politiske vedtaka hausten 2015 viste at kommunane i Hordaland ynskte å bidra. Så langt har 2016 vore prega av at det har kome få nye asylsøkjarar til Noreg. Samstundes tar det tid å få behandla søknadane til dei som i dag er i asylmottaka. Dette har gjort at fleire kommunar i Hordaland meldar at dei ikkje har fått flyktningar når dei er klare til å ta imot dei. Dette har spreidd usikkerhet i kommunane om kor stort behov det vil vere for busetting i tida framover. Fylkesmannen ser det som ein viktig oppgåve å vere i dialog med kommunane om korleis dei best kan planleggje for eit varierande busettingsbehov. Det er etter vår vurdering av stor betydning at statsetatane er tilgjengelege og aktive også i periodar med mindre busetting, slik at kommunane ikkje opplever at dei blir overlate til seg sjølv med desse utfordringane. Det blir viktig å finne gode løysningar som gjer at dei i minst mulig grad vil tape på at det i periodar kan gå noe tid før dei får på plass flyktningar. For kommunar som har asylmottak vil det f eks vere viktig å tenkje samanheng og samordning mellom kommunen som vertskommune og busetting av flyktningar. Alternative løysingar for bruk av bustader som står ledig i periodar vil vere eit anna område som må drøftast med kommunane. Samstundes kan situasjonen på området endre seg raskt, slik som vi har sett tidlegare. Dette gjeld både mogelegheita for raskare behandling av søknadar om opphald og nye asylstaumar til landet. Da er det avgjerande at kommunane har bevart vilje til å busette flyktningar og at de har teke vare på den kompetansen dei har på området. I denne samanheng ser Fylkesmannen det som sin oppgåve å gi hurtig og oppdatert informasjon til kommunane i samarbeid med dei andre statsetatane. I tillegg ynskjer vi å være ein drøftingspartner når det gjeld planlegging og tilrettelegging av tilbodet til flyktningar i dei ulike kommunale etatane. Vi kjem til å prioritere dette arbeidet i tida som kjem. 8
8. Vedlegg 9
Vedlegg 1 10
Vedlegg 2 11
Vedlegg 3 Bosettingsvedtak Hordaland pr. 30.5.2016 Kommune Anmodningtall 2016 totalt Herv anmodningstall 2016 EM Vedtak - totalt Herav EM 1201 Bergen 720 160 720 160 1211 Etne 20 5 20 0 1216 Sveio 25 8 25 8 1219 Bømlo 50 15 50 8 1221 Stord 60 20 42 0 1222 Fitjar 25 7 16 0 1223 Tysnes 14 4 14 0 1224 Kvinnherad 50 15 50 15 1227 Jondal 15 15 0 1228 Odda 40 10 20 0 1231 Ullensvang 30 8 15 0 1232 Eidfjord 15 15 0 1233 Ulvik 20 2 13 0 1234 Granvin 15 10 0 1235 Voss 60 18 60 18 1238 Kvam 40 10 30 0 1241 Fusa 30 7 30 7 1242 Samnanger 25 5 20 0 1243 Os (Hordaland) 65 20 45 0 1244 Austevoll 25 7 20 0 1245 Sund 35 10 15 0 1246 Fjell 75 30 53 15 1247 Askøy 80 30 80 30 1251 Vaksdal 25 5 25 5 1252 Modalen 12 12 0 1253 Osterøy 28 8 28 8 1256 Meland 35 10 30 0 1259 Øygarden 35 10 20 10 1260 Radøy 25 7 25 0 1263 Lindås 55 20 55 20 1264 Austrheim 12 3 10 5 1265 Fedje 12 10 0 1266 Masfjorden 19 15 0 Hordaland 1 792 452 1 608 309 12
Vedlegg 4 Måned Dato Hvem FM Møte med Andre deltakere Formål Januar 06.01.2016 Fylkesmann Lars Sponheim, prosjektgruppa, prosjektansvarlig, rep. aktuelle avdelinger FM Austrheim, Fitjar og Kvinnherad IMDi, Bufetat Diskutere bosetting generelt og EM spesielt Januar 13.01.2016 Representantar leiargruppa Regionale kompetansesentre og kommunenivå RKBU, RVTS og Bergen kommune Samordning av opplæringstilbud når det gjelder mottak og bosetting av flyktninger Januar 25.01.1900 Svege NIBR Resten av referansegruppen Medlem referansegruppe evaluering bosettingsprosjekt Januar 26.01.2016 Svege Internkonferanse Fjell kommune 80 kommunale ledere m.fl Bidrag på konferanse Januar 27.01.2016 Prosjektgruppen, rep. aktuelle avdelinger FM Februar 03.02.2016 Prosjektgruppa og prosjektansvarlig Osterøy kommune KS Bufetat, etatsledere i kommunen m.fl KS lokalt og sentralt Informasjon og diskusjon om bosetting EM Orientere om fremdrift prosjektet Februar 16.02.2016 Fylkesmann Lars Sponheim, prosjektgruppa, og rep. fra aktuelle avdelinger hos FM Kommuneledelse i Lindås kommune IMDi, Husbanken, NAV, Bufetat Diskutere bosetting generelt Februar 23.02.2016 Prosjektgruppa, prosjektansvarleg Mars 04.03.2016 Prosjektansvarlig, prosjektgruppa, rep. fra aktuelle avdelinger FM Kommunene i Hordaland Ledelse i Fjell kommune IMDi, bufetat IMDi, bufetat, NAV, Husbanken, Hordaland fylkeskommune Arbeidsseminar for nye bosettingskommuner EM Avtalt halvårig møte mellom Fjell kommune og regional stat om busetting av flyktningar Mars 08.03.2016 Prosjektansvarlig, prosjektgruppa, rep. fra aktuelle avdelinger FM Sund kommune Fjell kommune, IMDi, Husbanken, NAV, Bufetat Diskutere bosetting EM April 06.04.2016 Prosjektgruppe, rep. fra aktuelle avdelinger hos FM Radøy, Meland, Austrheim IMDI, Husbanken Bufetat diskutere bosetting EM på saksbehandlernivå April 14.04.2016 Prosjektgruppe IMDi, NAV Samarbeid om felles konferanse: flyktninger, kvalifisering for arbeid April 21.04.2016 Prosjektansvarlig, prosjektgruppe IMDi, UDI, Bufetat Oppsummering av samarbeidet så langt og om hvordan vi sikrer fortsatt godt samarbeid i fremtiden 13