MØTEBOK Side 1 av 6 Sak nr : S -40-/-16 V / 16 HANDLINGSPROGRAM 2017 INNLEIING Handlingsprogrammet har vore til høyring i eigarkommunane og hjå partnarane i samsvar med vedtektenes 3, med høyringsfrist 25. november. Ikkje alle høyringssvara er sendt frå kommunane enno, dagleg leiar vil måtte vurdere dei svara som kjem frå eigarane fram mot Valdresrådets handsaming av saka. Budsjettets høyringsforslag er utarbeida med grunnlag i uendra økonomiske rammar. Etter at dokumentet vart utarbeida er daglig leiar gjort kjent med at Oppland fylkeskommune har fått foreslått kutt i sine rammar på regionalmidlane (KMD 13.50). Fylkesrådmannens budsjettforslag inneber eit forslag til rammekutt for oss på kr. 250 000,- om det blir delt likt mellom regionane. Men som assisterande fylkesrådmann skriv i sin mail til oss, dette er ikkje politisk behandla enno, det er eit forslag. Vidar er heller ikkje statsbudsjettet vedteke. Vi er kjent med at partiet Venstre gjennom sine forhandlingar foreslår endringar på fleire felt som kan ha positiv betydning for oss. Opposisjon i stortinget har og andre budsjettforlag her, men dei kjem vel truleg ikkje i posisjon til å få vedteke dei. Daglig leiars tilråding er derfor at om vi må effektuere disse kutta i budsjettet må styret få fullmakt til å foreta denne justeringa i januar 2017. Vi vil då måtte sjå på dei ulike samarbeida vi har og legge fram forslag til kutt. Desse kutta vil væra utfordrande, men det er sjølvsagt mulig å få det til. Endeleg vedtak i økonomiplan må gjeras av regionstyret, dei som stiller dei økonomiske rammene til disposisjon. HØYRINGSSVARA Samarbeidspartane sine høyringssvar a) Valdresmusea, eit godt og konstruktivt innspel. Valdresmusea er einige i spissinga me gjer på kulturfeltet. Dei foreslår tre ny punkt i handlingsprogrammet samt mindre redaksjonelle endringar.
MØTEBOK Side 2 av 6 Under reiseliv s. 8 foreslår dei : Kulturbasert reiseliv; greie ut korleis kulturminne og kulturarv (materiell og immateriell kan spele ei endå viktigare rolle for at Valdres skal bli Norges sterkaste merkevare. Under folkemusikk s. 10 foreslår dei endra målformulering til: Mål Auke rekrutteringa til folkemusikk og folkedansen i Valdres Under kulturminne s.10 foreslår dei: Støtte Valdresmusea i arbeidet med utstilling om kongevegen over Filefjell Under Kompestanse s.11 foreslår dei: Støtte kunnskapsinstitusjonar(valdresmusea) som samarbeider med fagskulane, høgskulane og universiteta. b) Visit Valdres (VV) Først generell ros til dokumentet, men og fleire konstruktive innspel. Dei tek opp korleis ein kan måle innsatsen som blir gjort. Og dei ynskjer forsterka synlegheit av VV sitt operative arbeid. Konkrete endringsforslag er: Under samferdsel s. 4. eit eige punkt om busshaldeplassar. Dei ynskjer og at me skal arbeide for to nye strekningar inn i nasjonale turistvegar, det gjeld vegen til Eidsbugarden og gamlevegen Tyin-Årdal Dei stiller spørsmål om korleis næringsstudien er brukt og dei meiner at fyrste kulepunktet under næring er for stort mål for næringslivet åleine. Dei ynskjer eit punkt der kommunane må legge til rette i større grad for næring, vise evne og vilje skriv dei. Dei ynskjer eit nytt punkt om at VNK skal inngå avtale med ungt entreprenørskap Dei ynskjer fortgang i distribusjonsløsningen for lokalmat Dei ynskjer tydlegare mål for landbruksdagen Dei ynskjer heilårs besøksgard Dei omtalar kva VNKs rolle i høve til reiselivet må vera:»bidra til best mulige rammevilkår for dem som selger varme senger» Dei omtalar hytteprosjektet, løypelag og hytteeigaren som ressurs Dei ynskjer sterkare engasjement for marknadsføring av relevante liner på vidaregåande skule og dei menar at Valdres storhall bør inn som «mulighetenes arena» i handlingsplan
MØTEBOK Side 3 av 6 Kommunane sine høyringssvar Generell ros om ryddig og spissa dokument. Vang og Nord Aurdal hadde ingen endringsforslag. a) Etnedal kommune Dei peikar på den utfordrande økonomien og ber oss vurdere ytterligare driftskutt. Dei oppmodar oss om forklare kva ulke forkortingar betyr. Ved kommunestyrehandsaminga foreslår dei eit nytt kulepunkt under landbruk s 7. VNK skal medvirke til at landbruket i Valdres opprettholder volumet av produserte landbruksprodukter (mjølk, kjøtt, fisk, skinn, tømmer med mer) og 20 % økning i matproduksjon slik sist landbruksmelding uttrykte. VURDERING. Generelle innspel Det er gode attendemeldingar som kjem. Det kan diskuterast kor stor detaljgraden skal vera på ulike punkt. Og me må diskutera kor mange nye oppgåver det er plass til å løyse i 2017. VV er opptekne av måling av resultat. Det er eit område styret bør diskutere vidare, måling er vanskeleg. Dagleg leiar har i dokumentet ikkje funne plass til dei store eksterne målingane. Dette er omtala i høyringsdokumentet s. 13. Så er det alltid slik at formuleringar kan bli betre og meir pressise, det er gjort ein ryddejobb frå i fjor til i år, men ein er aldri i mål. Dagleg leiar meiner at ting må målast over tid. Blant anna vil det vera konkrete resultat som kan kvantifiserast etter at hytteprosjektet er avslutta. Gjennom næringsstudien vart det gjort eit godt stykke arbeid. Les ein dei fem strategiane for næringsutvikling i Valdres vil ein finne fleire av desse inne i årets handlingsprogram. Studien er grunnlaget for mange av dei vegvala som er gjort i årets handlingsprogram. Rulleringa av Charteret, den langsiktige planen vår er ikkje i mål, det er berre Vang kommune så langt som har sagt at dette arbeidet er godt. Dette er eit arbeid som bør fullførast i 2017 og integrasjon av næringsstudien vil vera ein del av dette.
MØTEBOK Side 4 av 6 Konkrete forslag Valdresmusea Dagleg leiar er skeptisk til store nye utredingsoppgåver i 2017, og tilrår derfor ikkje det punktet innteke. Til dei andre formuleringane foreslår dagleg leiar fyljande: Under kultur, delmål: Søke samarbeid med Valdresmusea om tiltak og formidling knytt til Den Bergenske kongevegen og andre gamle vegfar i gjennim Valdres. I lag med museet bidra til å søke ekstern finansiering til dette. Under folkemusikk (endring) Auke rekrutteringa til folkemusikk og folkedansen i Valdres Under kompetanse, delmål Utviklinga i Valdres skal være kunnskapsbasert Bidra til å styrke kompetansemiljø i Valdres som samarbeider med fagskulane, høgskulane og universiteta Visit Valdres. Dagleg leiarsynes det er flott at VV so tydleg ynskjer å vera med å vera operatør for VNKs strategiar. Busshaldeplassar meiner dagleg leiar ligg inne i kulepunkt. 3 under Samferdsel s. 4. når det gjeld fleire turistvegar so deler dagleg leiar oppfatninga om at dette er gode forslag, dagleg leiar er likevel i tvil om dette er resultatmål be bør dette opp for 2017, dette er eit langsiktig arbeid. Når det gjeld Ungt Entreprenørskap er Sør Aurdal kommune og Oppland fylkeskommune med. Det er kommunane sjølve som bør ha det medlemsskapet. Me har bidrege til møter mellom organisasjonen og ordførarane, dagleg leiar er i tvil om formulering i handlingsprogrammet på dette punktet. Når det gjeld lokalmat og distribusjon er dette arbeidet i gang. Selskapet mat frå Valdres er stifta. Ynskja som er fremma tek me med oss i arbeidet. Tydleg mål for landbruksdagen. Landbruksdagen er ein eigen organisasjon, dei må fylle måla i vår festivalstrategi for å få medfinansiering frå oss.
MØTEBOK Side 5 av 6 «Næringslivet skal gjera Valdres til landets sterkaste merkevare «Daglig leiar einig i at ein modifikasjon er rett her, -vera med på å- bør takast inn. Det er ingen tvil om at sterke merkevarebrukarar er med på å bygge merkevara Valdres. Me har fleire gode eksempel på dette. Ikkje alle i næringslivet ynskjer dette, ingen organisasjon kan bygge merkevara Valdres åleine. Men om tilstrekkeleg mange nok blir med i partnarskap for å vera merkevareberarar vil det hjelpe. Når det gjeld kommunane viser dagleg leiar til kulepunkt under mål og til tredje kulepunkt under tiltak (VNH). Fleire av kommunane tek næringsstudien inn som grunnlag for sitt arbeid. Heilårs besøksgard må etablerast, ja gjerne. Kunsta her er å finne ei form på dette som gjev inntening til den som opnar garden sin. VNK har ei aktivitetsramme som er stor og nesten for stor i 2017. Dagleg leiar er i tvil om dette er ei oppgåve me bør ta inn resultatmål på i 2017. Arbeidet me legg ned på landbruk for 2017 vil vera meir omfattande enn det me gjorde i 2016. I 2017 er plan å vitalisere Valdres landbruksforum, då med VNK som sekretariat. Både nettverket for Gard og støl og landbruksforum kan ta opp dette temaet. Nøkkelen er inntening for den som opnar garden sin. Det hadde vore nyttig med ei marknadsanalyse fr VV her før enn ein set opp dette som eit resultatmål. Løypelag og hytteigarane som ressurs. Løypelaga støttas med giroinnstikk i hyttemagasinet i februar. Me har samarbeidsavtale med Valdres Hytteforum og dei vil bli trekt tettare inn i delar av hytteprosjektet. Når det gjeld arbeidet for rammevilkår til reiselivet og varme senger kan absolutt regionen bidra her. I det fylkeskommunale arbeidet med Leirin som Charterflyplass bidreg me der med arbeid. Om det er konkrete lobbyoppdrag eller anna er det naturleg at VNK bidreg. Her foreslår dagleg leiar eit nytt punkt under tiltak s. 6. Arbeide for best mogelege rammevilkår for næringslivet Når det gjeld utdanning siste punktet til VV, vil dette vera punkt det er naturleg å ta med seg til Kompetanseforum, jfr. kulepunkt 3 side 11. Valdres Storhall, det er rett at Valdres Storhall er ei stor muligheit, dagleg leiar er likevel i tvil om me skal nemne eit anlegg spesielt. Kommunane Etnedal kommune ynskjer eit nytt kulepunkt. Dagleg leiar meiner det er eit godt forslag. Det er naturleg å utfordre Valdres landbruksforum (der VNK er sekretariat), til å seta fokus på ressursgrunnlaget i Valdres med siktemål å oppretthalde volumet av produserte landbruksprodukt og vidare søkje å auke matproduksjonen med 20 % slik landbruksmeldinga gjev mål om. Forslag til nytt pkt:
MØTEBOK Side 6 av 6 Utfordre Valdres landbruksforum til å seta fokus på ressursgrunnlaget i Valdres med siktemål å oppretthalde volumet av produserte landbruksprodukt og vidare søkje å auke matproduksjonen med 20 % slik landbruksmeldinga gjev mål om FORSLAG TIL VEDTAK: i VNK gjev dagleg leiar fullmakt til å innarbeide ettersendte forslag frå kommunane i dokumentet. Ved større endringsforslag rådfører dagleg leiar seg med styreleiar. STYRET INNSTILLER FOR VALDRESRÅDET FYLJANDE FORSLAG TIL VEDTAK: Valdresrådet vedtek det framlagte budsjettet. Dersom fylkeskommunens budsjettvedtak krev justeringar av ramma blir det gjeve fullmakt til styret til å foreta denne tilpassinga. Endeleg vedtak om budsjettreduksjon må fattast av Regionstyret.