saksframlegg Dato: Referanse: Vår saksbehandlar: 25.04.2017 52397/2017 Eivind Vartdal Ryste Saksnr Utval Møtedato Regional- og næringsutvalet 08.05.2017 Tilskot til rekruttering og kompetanseheving i landbruket Bakgrunn Møre og Romsdal fylkeskommune har fått tildelt 1 480 000 kroner frå jordbruksavtalen til ordninga «Rekruttering og kompetanseheving i landbruket 2017». I tildelingsbrevet frå Landbruks- og matdepartementet frå 4. januar 2017 står det at det overordna målet er å bidra til rekruttering og kompetanseheving av næringsutøvarar som kan styrke og ivareta verdiskapinga i landbruket regionalt. Det står vidare at prioriterte område bør vere: Tiltak som bidrar til å styrke rekrutteringa til landbruks- og gartnarutdanninga, og til høgare utdanning innan landbruksfag Tilskot til kompetansehevande tiltak og støtte til etter- og vidareutdanningstilbod næringsutøvarar i landbruket. Tilskotsordninga har vore lyst ut, og innan fristen kom det følgjande 10 søknader: Søkjar Tiltak Totalkostnad Søknadsbeløp 1 4H Møre og Grøn framtid 2017-18 160 000 80 000 Romsdal 2 Landbruk Nordvest Landbruksrelaterte kurs 294 640 79 640 3 Landbruk Nordvest Kartlegging av 819 000 250 000 potensiale i grasdyrkinga 4 Midt-Norsk Grøn forsking år 2 og 3 5 950 000 400 000 samarbeidsråd 5 Midt-Norsk samarbeidsråd Levende landbruk midtnorsk landbrukskonferanse 300 000 40 000 6 Møre og Romsdal bonde- og småbrukarlag 7 Norsk Landbruksrådgiving Vest 8 Norsk senter for økologisk landbruk 9 Norsk senter for økologisk landbruk Deltaking på nasjonale og internasjonale ungdomsamlingar i landbruksorganisasjonar Strategisk nærings- og produksjonsutvikling 2017 Redusert klima- og miljøbelastning frå mjølkeproduksjonen Agroløft for skulehagane i Møre og Romsdal 84 000 52 000 400 000 160 000 190 000 95 000 140 000 85 000
10 TINE Rådgiving SA Utvikling av 775 480 350 000 mjølkeproduksjonen i Nesset SUM 8 710 120 1 591 640 Kort om søkjarane: Tine rådgiving SA er meierisamvirket sin rådgjevingsteneste retta mot mjølkeprodusentane. Dei tilbyr rådgjeving på mjølkekvalitet, fôring, bedriftsøkonomi, bygningstekniske løysingar m.m. Mjølkeprodusentane betaler for tenestene. 4H er ein landsdekkjande, ideell barne- og ungdomsorganisasjon. 4H skal utvikle aktiv og samfunnsengasjert ungdom med ansvarskjensle og respekt for natur og menneske (i følgje 4H.no). Landbruk Nordvest er ein samvirkeorganisasjon som tilbyr agronomisk rådgjeving og formidlar avløysartenester til bønder i Møre og Romsdal. Er ein del av Norsk landbruksrådgiving. Norsk senter for økologisk landbruk (NORSØK) held til på Tingvoll og er ei stifting som driv forsking og formidlar kunnskap om økologisk landbruk og matproduksjon, miljø og berekraft og fornybar energi. Midt-Norsk samarbeidsråd er ei samanslutning av landbruksorganisasjonar og landbrukssamvirke i Midt-Norge. Norsk landbruksrådgiving Vest SA er ein del av Norsk Landbruksrådgiving og tilbyr agronomisk rådgjeving til medlemmar og andre bønder. Dekkjer Sunnmøre saman med Sogn og Fjordane og Hordaland. Møre og Romsdal bonde- og småbrukarlag (småbrukarlaget) er ein av interesseorganisasjonane for bønder i Møre og Romsdal. 1 4H: Grøn framtid 2017-18 Kort Grøn framtid er eit opplegg der ein samlar ungdommar for å vise beskrivelse fram moglegheitene i landbruksnæringa, med mål om å auke rekrutteringa til næringa. Tiltaket skal arrangerer 5 helgesamlingar for 10 deltakarar i alderen 14-18 år. Samlingane skal vere på besøk på landbruksbedrifter rundt i fylket, der målet er å vise eit tverrsnitt av landbruksnæringa i Møre og Romsdal. Opplegget vert avslutta med deltaking på 4H Møre og Romsdal sin fylkesleir. Tiltaket vert gjennomført i samarbeid med Skogselskapet i Møre og Romsdal og Gjermundnes VGS. 4H Møre og Romsdal fekk støtte til ein pilot på dette i 2016 og 2017. Den vert avslutta i junu 2017, men 4H har allereie konkludert med at dette er noko dei ynskjer å vidareføre. Tiltaket er konkret, og treff måla for denne tilskotsordninga. Vi har tru på at dette er ein effektiv måte å vise fram dei allsidige
muligheitene i landbruksnæringa, og å marknadsføre naturbruksutdanninga i fylket. Når denne andre runda av tiltaket er gjennomført, bør 4H Møre og Romsdal ha ein plan for korleis tiltaket kan driftast vidare utan støtte frå denne ordninga. 4H Møre og Romsdal får tilskot på inntil 80 000 kroner til Grøn framtid 2017-18, avgrensa til 50 prosent av totalkostnad. 2 Landbruk Nordvest SA: Landbruksrelaterte kurs Kort Søknaden gjeld gjennomføring av fire kursopplegg som skal heve beskrivelse kompetansenivået for gardbrukarar og avløysarar. Tiltaket skal også heve interessa for å ta vidare landbruksutdanning. Avløysarkurs for nybyrjarar skal kvalifisere fleire til jobb som avløysar på gardsbruk. Det er stadig behov for nye kvalifiserte avløysarar i landbruket. Det skal arrangerast 3 kurs rundt i fylket, med ein kombinasjon av teori og praksis. Nybyrjarkurs for flyktningar: Same opplegg som avløysarkurs, men tilpassa målgruppa innvandrarar Motorsagkurset er for at bønder og avløysarar skal kunne handtere motorsag på ein trygg og effektiv måte. Tre like kurs på ulike stader i fylket. Kurs i kusignal og brunst skal gjere gardbrukarar betre i stand til å tolke dyra sine signal på velferd, med særleg vekt på brunst. Tre todagers kurs spreidd rundt i fylket. Det er stadig eit behov for kompetanseheving i landbruket. Desse tiltaka er praktisk retta, har ein konkret nytteverdi og treff difor måla med tilskotsordninga. Kursa er finansiert som eit spleiselag, der både eigeninnsats, kursavgift og tilskot frå andre inngår. Landbruk Nordvest får tilskot på inntil 80 000 kroner til gjennomføring av landbruksrelaterte kurs. Tilskotet er avgrensa til 27 prosent av totalkostnad.
3 Landbruk Nordvest SA: Kartlegging av potensiale i grasdyrkinga Kort Målet med prosjektet er å forbetre lønsemda i grovforproduksjonen beskrivelse gjennom større avlingar, betre kvalitet, og reduserte kostnader. Tiltaket er eit kursopplegg, seks kurs på fire dagar kvar, fordelt rundt i fylket. Deltakarane må registrere avlingsmengde, kvalitet og kostnader på eige bruk, og dette blir grunnlaget for innhaldet i kurset. Gjennom å lære av kvarandre og få felles kompetanseheving er målet at alle deltakarane skal forbetre sine eigne resultat. Kurset byggjer på erfaringar frå opplegget «Best på fôr» som er gjennomført tidlegare, men er noko forenkla. Kursinnhaldet er konkret, og tek utgangspunkt i den enkelte deltakar sine resultat, med individuelle mål om forbetringar. Tiltaket ligg klart innanfor målet for denne tilskotsordninga. Finansieringa er delt mellom eigeninnsats, kursavgift og tilskot. Landbruk Nordvest får tilskot på inntil 250 000 kroner til gjennomføring av kurset «Kartlegging av potensiale i grasdyrkinga». Tilskotet er avgrensa til 30 prosent av totalkostnad. 4 Midtnorsk samarbeidsråd: Grøn forsking år 2 og 3 Kort Grøn forsking har som mål å kople landbruksnæringa med beskrivelse forskingsinstitusjonane slik at det vert forska meir på problemstillingar som er relevante for landbruket i Midt-Norge. Det er også eit mål å lage ei plattform for formidling av forskingsresultat til praktisk nytte for næringa. Prosjektet er inne i si tredje periode. Dei tidlegare prosjekta har hatt god måloppnåing. Landbruket i Møre og Romsdal har god nytte av å delta i eit midtnorsk samarbeid på dette området. Prosjektet har god kontakt med vårt viktigaste miljø for landbruksforsking Norsøk og Nibio på Tingvoll. Midt-Norsk samarbeidsråd får tilskot på inntil 400 000 kroner til år 2 og 3 av prosjektet Grøn forsking i Midt-Norge. Tilskotet er avgrensa til 6,7 prosent av totalkostnaden. 5 Midtnorsk samarbeidsråd: Levende landbruk midtnorsk landbrukskonferanse Kort Levende landbruk er ein konferanse, som blir kombinert med at beskrivelse landbrukssamvirke og bondeorganisasjonane i Midt-Norge arrangerer tillitsvaldkurs og leiarmøter. Konferansen er arrangert to gonger tidlegare, i 2015 og 2016. Søknaden gjeld konferanse hausten 2017. Midtnorsk samarbeidsråd har søkt støtte til tilsvarande konferansar tidlegare, og fått avslag frå denne ordninga. Vi har lagt oss på ein
praksis der vi ikkje gjev støtte til enkeltståande næringskonferansar av denne typen, men heller prioriterer meir målretta kompetansehevingstiltak. Vi ser ingen grunn til å gjere det noko annleis i dette tilfellet. Avslag 6 Møre og Romsdal bonde- og småbrukarlag: Deltaking i nasjonale og internasjonale ungdomssamlingar i landbruksorganisasjonar Kort beskrivelse Småbrukarlaget ynskjer å delta i ei ungdomssatsing som småbrukarlaget sentralt og den internasjonale organisasjonen La Via Campesina har sett i verk. Dei søkjer støtte til å kunne sende til saman 8 ungdommar på nasjonale samlingar og 4 deltakarar på internasjonale samlingar. Tiltaket treff ungdom som målgruppe og kan bidra til auka interesse for, og rekruttering til landbruket. Vi bør bidra til meir kontakt og utveksling over fylkes- og landegrensene i landbruket. Kostnadsoverslaget er nøkternt, men tilskot må avgrensast til halvparten av kostnadsoverslaget. Møre og Romsdal bonde- og småbrukarlag får tilskot på inntil 42 000 kroner til deltaking på nasjonale og internasjonale ungdomssamlingar. Tilskotet er avgrensa til 50 prosent av totalkostnad. 7 Norsk Landbruksrådgiving Vest SA: Strategisk nærings- og produksjonsutvikling Kort Dette er eit kurs under utvikling, der deltakarane skal få hjelp til å beskrivelse utvikle sin eigen forretningside og lage forretningsplan. Kursopplegget skal starte med individuelle avklaringssamtalar med deltakarane. Vidare er det planlagt fem kurssamlingar på to-tre dagar kvar. Tema vil vere visjon, forretningside, marknad, økonomi og sal. Kurset vil ha kapasitet til 10-12 deltakarar. Tanken er god, men innhaldet er nøyaktig det tilbodet som hoppid.no leverer i fylket. Etablerarrettleiinga hoppid.no, som er eit samarbeid mellom fylkeskommunen, fylkesmannen, Innovasjon Norge og kommunane, skal tilby slike tenester til gründerar i alle bransjar. Vi ser difor ingen grunn til å bidra til å bygge opp eit slik tilbod som er særskilt for landbruket. Bønder med ein ny forretningside kan nytte hoppid.no på lik line med alle andre næringsdrivande som vil utvikle nye idear. Avslag
8 Norsk senter for økologisk landbruk: Redusert klima- og miljøbelastning frå mjølkeproduksjonen Kort NORSØK har gjennomført prosjektet Redusert klima- og beskrivelse miljøbelastning i mjølkeproduksjonen på oppdrag frå Landbruksdirektoratet. Dette har vore eit gardsstudie-prosjekt, der ein har kartlagt og prøvd ut løysingar for å minske klima- og miljøverknadane på seks gardsbruk, av desse to i Møre og Romsdal. No ynskjer NORSØK å formidle resultat frå dette arbeidet på ein ny måte, nemleg ved å produsere 3 korte filmar, som kan distribuerast på nett, delast på sosiale media og brukast i mange samanhengar. Denne søknaden var også sendt inn i 2016, og fekk då avslag. Det vart grunngjeve med at formidlinga av prosjektet allereie var finansiert. No viser det seg at det ikkje var tilfelle, filmproduksjon var ikkje inkludert i finansiering frå Landbruksdirektoratet. Vi må tenkje nytt når det gjeld formidling av ny kunnskap frå forskinga. Dette kan vere eit nyttig forsøk i så måte. Norsk senter for økologisk landbruk får eit tilskot på 95 000 kroner til produksjon av tre korte filmar med resultat frå prosjektet «Redusert klima- og miljøbelastning frå mjølkeproduksjonen». Tilskotet er avgrensa til 50 prosent av totalkostnad. 9 Norsk senter for økologisk landbruk: Agroløft for skulehagane i Møre og Romsdal Kort Fylkesmannen Møre og Romsdal har tidlegare gitt støtte til utvikling beskrivelse av skulehagar rundt i fylket. På grunn av mindre tildelte midlar prioriterer ikkje fylkesmannen dette lenger. NORSØK ynskjer i dette tiltaket å kartlegge status for skulehageaktiviteten i fylket, og deretter tilby kurs for å heve kompetansen om praktisk dyrking i skulehagane. Målgruppa for kurs vil vere lærarar på skular med opplegg for skulehage. Ein skulehage gjev born og unge praktisk innsikt i korleis maten vår blir til. Det kan auke interessa for matproduksjon generelt, og på lengre sikt bidra til at ungdom vel yrkesvegar innan matproduksjon. Det er avgjerande at lærarane har god nok kompetanse til å drive skulehage, og det vil dette tiltaket bidra til. Tiltaket er innanfor formålet for denne tilskotsordninga. Det vert søkt om tilskot på meir enn halvparten av totalkostnaden. Løyvinga er tilpassa reglane for ordninga, og difor noko mindre enn omsøkt. Norsk senter for økologisk landbruk får eit tilskot på inntil 70 000 kroner til kartlegging og kurs i drift av skulehage. Tilskotet er avgrensa til 50 prosent av totalkostnaden.
10 TINE Rådgiving SA: Styrka mjølkeproduksjon i Nesset Kort Fylkeskommunen har tidlegare støtta eit tilsvarande prosjekt i beskrivelse Molde og Rauma frå denne ordninga. No ynskjer mjølkeprodusentane i Nesset at same opplegg blir gjennomført der. Innhaldet i prosjektet er å tilby alle mjølkeprodusentane eit gratis besøk av ein rådgivar frå TINE. Poenget med besøket er å avklare vidare planer for mjølkeproduksjonen, og avdekkje behov for hjelp til utvikling. Der det er aktuelt vil prosjektet gjennomføre strategisamtalar og planlegge ein utviklingsprosess. Deretter er det opp til den enkelte produsent å kjøpe seg dei tenestene som trengst for å gjennomføre utviklingsprosessen. TINE har med offentleg støtte gjennomført slike prosjekt i mange kommunar i Møre og Romsdal. Resultata har vore gode, mange gardbrukarar har på denne måten fått det «sparket bak» som trengst for å kome i gang med strategiprosessar. Resultatet for den enkelte kan vere alt frå store investeringar til nedlegging, men det viktigaste er at mjølkeprodusenten sjølv analyserer eigen situasjon, og tek strategiske val. Det kan innvendast at ein burde vere varsam med å bruke offentlege midlar på støtte til TINE, som er den dominerande leverandøren av betalte rådgjevingstenester til mjølkeprodusentane. Men i realiteten er dette støtte til mjølkeprodusentane, som i prosjektet får lettare tilgang på nødvendig kompetanse, og hjelp til strategiprosessar. Å utvikle verdiskapinga i landbruket er avgjerande for næringsutvikling og arbeidsplassar i Nesset kommune. I søknaden er det ført opp tilskot på 350 000 kroner frå fylkesmannen og 100 000 kroner frå fylkeskommunen. Dette er etter avtale med fylkesmannen bytta om, slik at fylkeskommunen tek den største delen av finansieringa. TINE Rådgiving SA får eit tilskot på 350 000 kroner til «Styrket mjølkeproduksjon i Nesset». Tilskotet er avgrensa til 45 prosent av totalkostnad.
Forslag til vedtak: 1. Møre og Romsdal fylkeskommune løyver tilskot frå ordninga rekruttering og kompetanseheving i landbruket til følgjande tiltak: Søkjar Tiltak Tilskot, inntil Maks støtteandel 1 4H Møre og Grøn framtid 2017-18 80 000 50 % Romsdal 2 Landbruk Nordvest Landbruksrelaterte kurs 80 000 27 % 3 Landbruk Nordvest Kartlegging av potensiale i 250 000 30 % grasdyrkinga 4 Midt-Norsk Grøn forsking år 2 og 3 400 000 6,7 % samarbeidsråd 6 Møre og Romsdal bonde- og småbrukarlag Deltaking på nasjonale og internasjonale ungdomsamlingar i landbruksorganisasjonar 42 000 50 % 8 Norsk senter for økologisk landbruk Redusert klima- og miljøbelastning frå mjølkeproduksjonen Agroløft for skulehagane i Møre og Romsdal 95 000 50 % 9 Norsk senter for økologisk landbruk 70 000 50 % 10 TINE Rådgiving SA Utvikling av 350 000 45 % mjølkeproduksjonen i Nesset SUM 1 367 000 2. Møre og Romsdal fylkeskommune gjev avslag på følgjande søknader om tilskot frå ordninga rekruttering og kompetanseheving i landbruket: Søkjar Tiltak 5 Midt-Norsk samarbeidsråd Levende landbruk midtnorsk landbrukskonferanse 7 Norsk Landbruksrådgiving Vest Strategisk nærings- og produksjonsutvikling 2017 Ottar Brage Guttelvik fylkesrådmann Bergljot Landstad regional- og næringssjef Vedlegg 1 4H - Grøn framtid 2017-18 2 Landbruk Nordvest - Landbruksrelaterte kurs 3 Landbruk Nordvest - Kartlegging av potensiale i grasdyrkinga 4 Midtnorsk samarbeidsråd - Grøn forsking i Midt-Norge 5 Midtnorsk samarbeidsråd - Levende landbruk 6 Møre og Romsdal bonde- og småbrukarlag - Deltaking på ungdomssamlingar i landbruksorganisasjonar 7 Norsk landbruksrådgiving Vest - Strategisk nærings- og produksjonsutvikling 8 NORSØK - Redusert klima- og miljøbelastning frå mjølkeproduksjonen 9 NORSØK - Agroløft for skolehagene i Møre og Romsdal 10 TINE Rådgiving - Styrka mjølkeproduksjon i Nesset