Saksbehandler, telefon Britt Solheim, tlf.nr.55572334 Vår dato 21.12.2016 Deres dato Vår referanse 2016/14618 Deres referanse Kristian Sivertsen Viknes Båt & Service AS Postboks 33 5321 Kleppestø Rapport frå inspeksjon ved Viknes Båt & Service AS 15. november 2016 Rapportnummer: 2016.071.I.FMHO Kontaktpersonar ved inspeksjonen: Frå verksemda: Kristian G. Sivertsen Andre deltakarar frå verksemda: Kenneth Gundersen, Malfred Solheim, Frode Stensrud, Jan Inge Sivertsen, Cecilie Hope, Helge Fosse og Silje Oda Solheimslid (frå COWI AS) Frå Fylkesmannen i Hordaland: Britt Solheim Andre deltakarar frå Fylkesmannen: Mari Katrine Berg Resultat frå inspeksjonen Denne rapporten omhandlar avvik og merknader frå tilsynet. Dersom vi ikkje får melding om faktiske feil i rapporten innan to veker etter at rapporten er mottatt, er rapporten endeleg. Fylkesmannen i Hordaland avdekka 2 avvik innan følgjande tema: og har gitt 1 merknad under inspeksjonen innan følgjande tema: internkontroll for ytre miljø avfallshandtering Avvik og merknad er nærare omtalt frå side 3 og utover i rapporten. Viknes Båt & Service AS må sende ei skriftleg stadfesting innan 1. mars 2017 på at avvika er retta. Oppfølginga etter inspeksjonen er nærare omtalt på side 2. Mari Katrine Berg overingeniør Britt Solheim senioringeniør Rapporten er godkjent elektronisk og har difor inga underskrift. Kopi til: Askøy kommune Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: fmhopostmottak@fylkesmannen.no Internett: www.fylkesmannen.no/hordaland
1. Informasjon om verksemda Navn: Viknes Båt & Service AS Kontrollklasse: 4 Besøksadresse: Bakarvågen 6, 5305 Florvåg Postadresse: Postboks 33, 5321 Kleppestø E-post: kristian@viknes.no Telefon: 92850193 Kommune: Askøy Organisasjonsnr.: 972702439 Bransjenr. (NACE-kode): 30.120 Eigar (org.nr.): 948126648 Førre tilsyn: 21. mars 2007 2. Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er ein del av ein nasjonal tilsynsaksjon med verksemder som produserer plast- og glasfibervarar. Aksjonen vart gjennomført i november 2016. Det har ikkje tidlegare vore gjennomført ein landsdekkande tilsynsaksjon retta mot denne bransjen. Følgjande hovudtema vart kontrollerte: handtering av kjemikal handtering av avfall, inkludert farleg avfall utslepp til omgjevnadene internkontroll, inkludert miljørisikovurdering og avviksbehandling 3. Oppfølging etter inspeksjonen Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 1. mars 2017 sende ei skriftleg tilbakemelding med dokumentasjon som viser korleis avvika er retta, gjerne med bildedokumentasjon. 4. Kontrollgebyr Fylkesmannen varsla i e-post 20. oktober 2016 at Viknes Båt & Service AS vil få eit gebyr på 12 100 kroner for tilsynet, jf. forureiningsforskrifta 39-7. Dette er gebyrsats 3. Faktura blir ettersendt frå Miljødirektoratet. De har rett til å klage på val av gebyrsats innan tre veker etter at de har fått denne rapporten, jf. forvaltningslova 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova. 2
6. Dokumentunderlag Lovgrunnlaget for tilsynet var: forureiningslova produktkontrollova forureiningsforskrifta avfallsforskrifta internkontrollforskrifta Informasjon om regelverket finn de på www.miljodirektoratet.no og www.regelhjelp.no Definisjonar Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 7. Avvik Vi avdekka følgjande avvik under tilsynet: Avvik 1: Verksemda har mangelfull internkontroll knytt til ytre miljø Avvik frå: internkontrollforskrifta 5 andre ledd, punkt 6 og 7 produktkontrollova 3a Kommentar til regelverket: Alle norske verksemder pliktar å ha internkontroll. Internkontrollen gjev reglar om kva arbeidet med HMS skal innehalde, og kva som må dokumenterast skriftleg. Under tilsynet blei det avdekka manglar ved verksemdas internkontroll med omsyn på ytre miljø, gitt i punkta under: Risikovurdering Det går fram av internkontrollforskrifta 5 andre ledd punkt 6 at risiko skal vurderast på bakgrunn av farar og problem som kan oppstå i verksemda. Risikovurderinga skal òg omfatte ytre miljø og risiko både ved normal drift og ved akutte hendingar. Risikovurderinga skal dokumenterast skriftleg. Tilhøyrande tiltaksplanar skal utarbeidast for å redusere risikotilhøva. Tema som bør vere med i risikovurderinga for ytre miljø er mellom anna forureining og skade ved akuttutslepp, utslepp til vatn, til dømes ved vask og spyling, handtering og lagring av farleg avfall, og bruk og lagring av kjemikal. Rutinar, prosedyrar og avvikssystem Internkontrollforskrifta 5 andre ledd punkt 7 har krav om at rutinar skal setjast i verk for å avdekke, rette opp og førebyggje brot på krav fastsett i eller i medhald av helse,- miljø- og tryggleiksregelverket. 3
Substitusjonsplikt Ei verksemd er sjølv ansvarleg for aktivt å vurdere dei kjemikala som blir brukt. Mindre skadelege alternativ skal veljast dersom dette kan gjerast utan urimeleg kostnad og ulempe. Substitusjonsvurderinga skal vere skriftleg dokumentert. Avviket er basert på følgjande: Risikovurdering Verksemda har ikkje utarbeidd risikovurdering for ytre miljø. Til dømes var tanken for oppsamling av spillolje plassert rett innanfor ein port. Ved uhell, kan spill renne ut på golvet og bli ført vidare utanfor bygget. Plasseringa var ikkje risikovurdert. Rutinar, prosedyrar og avvikssystem Verksemda manglar skriftlege prosedyrar for fjerning, levering og deklarering av sandfangsmassar frå kaianlegget. Verksemda har eit dokumentert avviksbehandlingssystem som omfattar ytre miljø, men dette var ikkje i tatt i bruk ved tilsynet. Substitusjonsplikt Verksemda har tidlegare gjennomført substitusjon av helse- og miljøfarlege kjemikal. Andre reinsemiddel er forsøkt brukt. Substitusjon kunne likevel ikkje gjennomførast, fordi resultatet ikkje blei godt nok. Verksemda har utarbeidd skjema for substitusjonsprosessen, men sjølve substitusjonsvurderinga er ikkje skriftleg dokumentert i verksemdas internkontroll. Avvik 2: Verksemdas handtering av avfall er mangelfull Avvik frå: avfallsforskrifta 11-5 og 11-8 Kommentarar til regelverket: Farleg avfall skal handterast forsvarleg. Alle som oppbevarer, transporterer eller handterer farleg avfall, skal gjere det som er naudsynt for å unngå fare for forureining eller skade på menneskje eller dyr. Farleg avfall skal ikkje blandast med anna avfall. Ulike typar farleg avfall skal ikkje blandast saman dersom dette kan føre til fare for forureining, eller skape problem for den vidare handteringa av avfallet. Behaldarar for farleg avfall skal vere merka med innhaldet. Farleg avfall skal leverast til godkjent mottak minst ein gong i året når mengda overskrid 1 kilo. Spillolje, bilbatteri, produktrestar/kjemikalia, sprayboksar er eksempel på farleg avfall. Avviket er basert på følgende observasjoner. Umerka behaldarar Det er plassert fleire behaldarar rundt om på verksemda for mellomlagring av farleg avfall, som til dømes filler med aceton. Nokre av desse behaldarane var ikkje merka med innhald. Dei umerka behaldarane var plassert der utstyr blei installert i båtane. 4
Spillolje Ved tilsynet ble det opplyst at spillolje hadde vært lagra på ein tank i sju år. Olje som kan leverast inn for å få refundert avgift, skal heller ikkje lagrast lenger enn i eitt år, dersom refusjon skal kunne krevjast. Sprayboksar Sprayboksar blir punktert for å fjerne drivgassen. Boksane blir deretter levert som restavfall etter avtale med avfallselskapet Franzefoss Gjenvinning AS. Det finns mange typar sprayboksar. Det er innhaldet og kva for drivgass som er nytta som avgjer om dei er farleg avfall eller ikkje. Dersom ein av desse har farlege eigenskapar, er den kasserte boksen farleg avfall. Sprayboksar blir aldri tomme, og vil alltid innehalde litt drivgass. Dersom gassen er karakterisert som helse- og miljøskadeleg, skal boksen deklarerast som farleg avfall med avfallstoffnummer: 7055 og EAL-kode: 160504. Når verksemda punkterer alle sprayboksane, vil mest sannsynleg også sprayboksar med farleg innhald bli levert som restavfall og ikkje som farleg avfall. Avfallsforskrifta 11-2 legg til grunn om avfallet er farleg avfall eller ikkje. Avfall deklarert som ilandført avfall frå oljeboring-/produksjon Ved Fylkesmannen sitt søk i databasen www.avfallsdeklarering.no 14. november 2016, avdekka vi at Viknes Båt og Service AS har deklarert avfall registrert som oljebasert borevæske, avfall ilandført frå oljeboring-/produksjon (deklarasjonsnummer 300154826 og 22200290, høvesvis 17 kolli og 1957 liter, og 1 kolli og 1300 kilo). Verksemda kunne ikkje gjere greie for dette avfallet under tilsynet. 8. Merknader Vi har gitt følgjande merknader under tilsynet: Merknad 1: Mange tomme IBC-tankar er lagra utandørs på verksemdas område. Kommentarar: Mange IBC-tankar var lagra ute på kaiområdet. Mesteparten var tomme, mens fleire var fylt med stein og blei brukt som stengsel for å hindre at utstyr gjekk på sjøen i uvær. Det syntest som om verksemda ikkje hadde oversikt over kor mange tomme tankar som var lagra på området. 9. Andre forhold Verksemda støyper skrog, monterer komponentar i skrog og driv med pussing og sliping av skrog til plastbåtar. Det blir nytta Gelcoat-polyester. Arbeidet førar ikkje til utslepp av prosessavløpsvatn. Eit hus ligg nær verksemda, og elles er det eit bustadfelt på andre sida av fylkesvegen. Produksjonen skjer heile året bortsett frå 4 veker. Driftstida er hovudsakleg frå kl. 07.00 til 15.00. All produksjon skjer innandørs og verksemda har i 65 tilsette. Sal og service av båtar 5
skjer heile året. Verksemda har også ein plass for båtopplag, der private båteigarar kan lagre båtane sine om vinteren. Her er det etablert tett tank for sandfang. Avfallet derifrå blir levert som farleg avfall. Utherding skjer innandørs i 20 liters dunkar. Franzefoss AS hentar utherda avfall. Før transport blir det tatt boreprøver om det er tvil om at utherdinga er god nok. Verksemda har selt bilbatteri som skrap til Stena Recycling AS. Verksemda leverar plastavfall til Industriplast AS for gjenbruk. COWI AS var representert ved inspeksjonen ved Silja Oda Solheimslid. COWI AS er konsulent for verksemda i samband med fjerning av forureina massar i grunnen. Forureina grunn var ikkje tema ved dette tilsynet. 10. Informasjon til verksemda Aktuelle brosjyrar og faktaark for aksjonen: Faktaark M-629 2016 Miljøkrav for produksjon av plastbaserte produkter Faktaark M-550 2016 Har virksomheten din farlig avfall? Faktaark M-421 2015 Avfallsdeklarering.no Faktaark M-297 2015 Gebyr ved kontroll Faktaark M-284 2014 Håndtering av farlig avfall Faktaark M-123 2014 Lister over svært skadelige kjemiske stoffer Faktaark M-104 2014 Substitusjonsplikten Nettsak Korleis handsame avfall frå oljeutskillarar? Brosjyre Det er bedre å lære av en feil enn å gjenta den Brosjyre Kontroll med risiko gir gevinst 6