SENTRALADMINISTRASJONEN Postadresse: Klepp kommune Postboks 25 4358 Kleppe SÆRUTSKRIFT AV MØTEBOK Behandla i: Møtedato: Sak nr: Hovudutval for skule og barnehage 21.01.2016 3/16 Formannskapet 25.01.2016 3/16 Saksbehandler: Trond Roy Pedersen Arkiv: B13 Arkivsak: 16/430-14 KAPASITETSUTFORDRINGAR BORE SKULE OG KLEPPE SKULE OG NY IDRETTSHALL Hovudutval for skule og barnehage gjorde slikt vedtak i sak i sak 19/15 den 28.5.2015 i sak om kapasitetsutfordringar Bore skule og Kleppe skule: Hovudutval for skule og barnehage ber kommunalsjefen gjera ei grundigare utgreiing av alternativ 2a, 2b, 3a og 3b, og koma tilbake til forslag til tomteval og krinsgrenser. Dette vedtaket blei stadfesta av formannskapet i sak 33/15 den 1.6.2015. Bakgrunnen for saka er attgitt i dei nemnde sakene. I hovudsak handlar det om at Bore skule vil ha behov for 28 klasserom, medan skulen har 19 vanlege klasserom og 2 klasserom på 40 m 2. Dei fysiske forholda på Bore skule er i dag svært vanskelege. Skulen har inneverande skuleår 23 klassar og nyttar derfor spesialrom for å få kabalen til å gå opp. Kleppe skule har også behov for 28 klasserom, og har i dag 25 klassar og 25 rom. I tillegg har Kleppe skule språkstasjonen. Kleppe skule har derfor tronge kår. Behovet for utbygging handlar både om elevtalsutvikling og målform. Om dette blir det vist til vedlagde sak og skulebruksplanen. I tillegg er det behov for oppgradering av fysisk lærings- og arbeidsmiljø ved Bore skule og Kleppe skule. I dei nemnde sakene til hovudutval og formannskap går det fram at rådmannen tilrådde å bygga på dei to skulane. Vedtaket nå handlar om å finna løysingar ved å vurdera å bygga ny barneskule eller ny ungdomsskule. Ny ungdomsskule vil handla om at Bore skule overtek lokala til Bore ungdomsskule. Idrettshall Då kommunestyret den 14. desember 2015 behandla handlingsplan 2016 19 blei det mellom anna gjort følgjande vedtak (pkt 11): Kommunestyret ber administrasjonen sjå arbeidet med ny framtidig idrettshall på Kleppe i samanheng med skuleutfordringa på Bore og Kleppe. Med utgangspunkt i dette har rådmannen teke med kostnader til idrettshall i alle skulealternativa. Rådmannen har lagt til grunn at idrettshallen skal løysa skulen sitt behov for rom til gymnastikk på dagtid og nyttast til frivillig idrettsaktivitet på kveldstid. Lokalisering av idrettshallen har ikkje påverka vurderinga av skuleløysinga, då idrettshallen kan realiserast i samanheng med alle dei vurderte alternativa. www.klepp.kommune.no E-post: postmottak@klepp.kommune.no Sentralbord: 51 42 98 00 Organisasjonsnummer: 00864969682 Barna vår framtid
Rådmannen har lagt til grunn at ein idrettshall i utgangspunktet bør lokaliserast der skuleutbygginga skal skje eller så nær skulen at den kan dekke skulen sitt behov på ein god måte. Perspektiv på løysingar: Det er viktig å ha med ulike perspektiv som grunnlag for løysingar: Elevane sitt læringsmiljø - standardar Dei tilsette sitt læringsmiljø og rekruttering Kapasitet på lang sikt Økonomi Elevane og dei tilsette. Løysingane må ha kriterium som: - Gode og varierte rom for læring ut der alle forskrifter må vera ivaretekne, som læreplan, Forskrift om miljøretta helsevern for born og unge, arbeidsmiljølova m fl. - Standard (jfr Tu skule) som gjer at Klepp rekrutterer lærarar framover. Kapasitet Løysingane må tilfredsstilla krav om langsiktig kapasitet. Langsiktig kapasitet bør vera inn mot 2040. Viser i så måte til forventa elevtalsauke utover 2030-talet. Økonomi Løysinga bør vera økonomisk forsvarleg ut frå ei samla vurdering av investeringskostnader og driftsutgifter. Summen av renter, avdrag og driftsutgifter til bygg og administrasjon bør vera lågast mogleg for å unngå reduksjon i tenestetilbodet. Løysingsalternativa For å få ein samla og samanliknande oversikt over alternativa, er t d løysing av idrettshall med i alle alternativa. Det same gjeld behov for rehabilitering av Bore skule (Sør-i-garden) og tilbygg Kleppe skule. Det er vurdert 4 alternativ: 1 Påbygg Bore skule og Kleppe skule og idrettshall i Verdalen 2 Barneskule (3 alternative plasseringar) med idrettshall i tilknyting til skulen 3 Ny ungdomsskule i Verdalen med idrettshall i tilknyting til skulen 4 Tilbygg Klepp ungdomsskule som også rommar Bore ungdomsskule og idrettshall på Kleppe. Løysing 2 med ny barneskule vil medføra ekstra driftskostnader p g a ekstra administrasjon og leiing. Løysing 4 vil spara administrasjon og leiing. Vasshus skule er ikkje teke med i alternativa. Men i alle løysingane kan elevane frå Vasshus skule få plass på Bore skule. 2
Oversikt over løysingsalternativa Påbygg Barneskular U skule Påbygg Bore/ Kleppe Kleppelunden Nord Braut Ved Sirkelen Verdalen Klepp u Bygg 123 000 150 000 150 000 150 000 157 000 96 000 Tomt/uteområde 2 500 15 000 25 000 27 000 15 000 10 000 Inventar 6 500 10 000 10 000 10 000 10 000 7 000 Opparb 20 000 20 000 18 000 20 000 5 000 Bygg Kleppe sk 40 000 17 000 17 000 17 000 40 000 40 000 Rehab Bore sk 17 000 17 000 17 000 17 000 17 000 17 000 Idrettshall Kleppe 45 000 45 000 45 000 45 000 Idrettshall Bore 45 000 45 000 - Kostnad 234 000 274 000 284 000 284 000 304 000 220 000 Avvik fra øk plan 80 000 120 000 130 000 130 000 150 000 66 000 Driftskonsekvensar 1 000 1 000 1 000-1 000 Kan stå klar 2 018 Usikkert Usikkert Usikkert 2019 2018 Alternativ 1 Påbygg Bore skule og Kleppe skule. Alternativ 1 er tilrådinga i saka til hovudutval 28.5.15 og formannskapet 1.6.15. Alternativ 2: Ny barneskule Det blir vist 3 alternative stadval for ny barneskule; ved Kleppelunden (BMX-banen), Nord Braut og ved Sirkelen. Ved desse alternativa må det også byggast idrettshall i tilknyting til skulen. Og rehabilitering av Sør-i-garden Bore skule og påbygg Kleppe skule må vera med. Det blir tilrådd å bygga ein skule på nye Tu skule sin storleik ca 5000 m 2 med ein kapasitet til 350 elevar. Bore skule vil då ha 19 klasserom (+ 2 rom på 40 m 2 ) og vil kunna romma over 400 elevar, medan Kleppe skule vil ha 25 klasserom og vil kunna romma over 500 elevar. Denne løysinga vil også ha rom for Horpestad skule, og i tilfelle frigje Horpestad skule til barnehage. Om stadval og krinsgrenser: Alternativet ved Kleppelunden er det beste i forhold til å få til nye krinsgrenser. Det vil vera behov for ein skule til 350 elevar (som Tu skule). Ca 150 vil koma frå Bore skule, og tilsvarande frå Kleppe skule. Krinsgrensa for Kleppe vil vera vanskelegast å fastsetja. Tomta ligg i område vist som LNF-føremål i kommuneplanen, og på landbrukssida av langsiktig jordverngrense. Det vil derfor vera uvisst både om og evt når denne kan bli frigitt. Alternativet på Nord Braut gjer at Kleppe skulekrins må kløyvast, og det må lagast krinsgrense slik at dei nemnde 150 elevane frå Bore skule får Kleppe skule som heimeskule. Området er vist som LNFområde i kommuneplanen, men ligg på bysida av langsiktig jordverngrense. Regulering og kjøp av området til skule gjer at det vil vera uvisst når prosjektet kan vera klart. Alternativet ved Sirkelen ligg mest bakvendt til i forhold til å få til god krinsregulering mellom dei tre skulane. I praksis må elevane rundt Kleppe skule få den nye skulen som sin heimeskule. Aktuell tomt er delvis LNF og delvis offentlege føremål i kommuneplanen, men ligg på bysida av jordverngrensa. Kommunen eig delar av aktuell tomt. 3
Med retten til å velja målform er krinsgrenseutfordringane store. Ein vil stå overfor vekslande elevtal i dei tre krinsane (jamfør vedlegg). I tillegg vil val av målform skapa stor uvisse for 3 skular. Alternativ 3 Ny ungdomsskule i Verdalen. Aktuell plassering kan vera på Åna-Grude-feltet. Her eig kommunen eit stort areal, men det er krav om omregulering. Alternativet vil frigjera ungdomsskulen til å gje rom for 31 klassar ved Bore skule. Vedlagde oversikt over utviklinga av elevtal og klassetal viser at skulen kan koma opp i 31 klassar. Prognosen bygger på erfaringstal når det gjeld val av bokmål og nynorsk. Ved denne løysinga må ein likevel bygga tilbygg ved Kleppe skule. Vel ein denne løysinga, bør den framtidige idrettshallen ligga ved nye Bore ungdomsskule. Denne løysinga vil vera det mest kostnadskrevjande alternativet. Fordelen er at ein slepp ny administrasjon. Alternativ 4 Tilbygg Klepp ungdomsskule som også rommar Bore ungdomsskule. Dette alternativet vil også gje rom for Bore skule på ungdomsskulen slik som i alt 3. Når Vardheia ungdomsskule står klar, vil ca 140 elevar frå Tu-krinsen ta til der. Det vil gje rom for ein felles ungdomsskule for Klepp og Bore ungdomsskulekrinsar som vil få følgande elevtal ut frå dei kjende elev- og fødselstala. Sum Bore u og Klepp u 8 trinn 9. trinn 10. trinn Sum 2020/21 193 195 162 550 2021/22 199 193 195 587 2022/23 219 199 193 611 2023/24 210 219 199 628 2024/25 175 210 219 604 2025/26 202 175 210 587 2026/27 197 202 175 574 2027/28 173 197 202 572 Elevtala varierer mellom 550 og 630. Ut frå prognosane for felles ungdomsskule, blir det tilrådd å bygga på med 9 klasserom og nødvendige spesialrom. Dette alternativet bli likevel ein del gunstigare enn ny ungdomsskule sidan det ikkje er behov for rom til administrasjon og alle spesialromma i full skala. Påbygget vil bli på ca 3 200 m 2. Det har vore debatt om storleik på skular, og regjeringa har i ei høyring tilrådd at bør -grensa på 450 elevar blir tatt bort. Det er lagt ved oversikt over erfaringar med skular på denne storleiken. I framtida vil truleg Orstad få ei så stor utbygging at det vil bli behov for ein ungdomsskule der. Kommunen eig tomt avsett til ny ungdomsskule på Orstad. Ved at elevane frå Engelsvoll skule går til Orstad på ungdomsskule, kan Bore-/Klepp-ungdomsskulekrins ha kapasitet over lang tid. Idrettshall kan løysast i samarbeid med Klepp IL, anten på tomta ved turnhallen eller ved Klepp stadion. Alle alternativa vil gje dekning for behovet vist i vedlagde oppsett. 4
Oppsummerte fordelar og ulemper ved alternativa: Tilbodet til elevane Påbygg Bore/Kleppe Godt, men mange elevar samla på Bore b og u Barneskular Ungdomsskule Påbygg Klepp ungdomsskule God framtids- Godt. Godt, men høgt løysing. elevtal. Vanskelegare krinsgrenseløysing Tilbodet til Godt Godt Godt Godt tilsette Framtidsløysing Tilfredsstillande God God God Økonomi Tilfredsstillande Dårleg, ein adm meir Dårleg Plassering idrettshall Bore Ved ny barneskule Ved ny ungdomsskule Bore Tilrettelagt tomt Ja Nei Tilfredsstillande Ja God, rimelegaste investering og ein adm mindre Kleppe Vurdering Rådmannen si vurdering er at det første tilrådde alternativet med å bygga på Bore skule og Kleppe skule framleis er eit godt alternativ ved at ein ikkje treng rokka ved krinsgrensene og ikkje treng å få alle kostnader ved ein ny skule (særleg administrasjons- og leiingskostnader). Ved dette alternativet vil ein også ha tomta klar, men ein må finna ny løysing på parkeringstilhøva. Løysinga er relativt rimeleg. Konsekvensen vil bli at ein får idrettshall på Bore. Det blir mange elevar samla på ein stad når ein både skal ha ungdomsskule og barneskule i lag i Verdalen. Barneskulealternativet har høge kostnader både til investering og drift, og det vil vera usikkert når ny skule kan stå klar. Dette alternativet vil gje god kapasitet også på lengre sikt. Det same gjeld for ny ungdomsskule i Verdalen. I tillegg vil ny barneskule gje store utfordringar når det gjeld krinsgrenser. Rådmannen tilrår å bygga nytt bygg på Klepp ungdomsskule slik at Klepp ungdomsskule og Bore ungdomsskule blir ein skule. Det blir ein stor skule, men fleire skular blir bygde med ein slik storleik, og det er henta inn gode erfaringar frå desse. Skulen vil ligga til rette for gode pedagogiske og praktiske løysingar. Dette er også den mest gunstige løysinga både i forhold til drifts- og investeringskostnader. Løysinga vil gje kapasitet for fleire år framover. Tomt og skuleområdet ligg til rette for dette. For dette alternativet vil ein idrettshall dekka behovet både for den utvida ungdomsskulen og Kleppe skule. Plassering bør avklarast i eigen sak. Behandling av saka Rundskriv Udir-2-2012 gir retningsliner ved behandling om skulenedlegging og krinsgrenser. Her går det fram i p 2 Regelverk: Verken opplæringsloven eller annet regelverk har innholdsmessige regler for endring av skolestruktur, det vil si regler for når det er lovlig eller ulovlig å legge ned eller opprette en skole. Avgjørelser knyttet til skolestruktur ligger i kjerneområdet av den kommunale handlefriheten. En avgjørelse må bygge på et kommestyres økonomiske, politiske og samfunnmessige prioriteringer. Og vidare: Kommunale vedtak om endring av skolestrukturen, for eksempel om nedleggelse av en skole, er ikke enkeltvedtak etter forvaltningsloven. Det er ikke et vedtak som gjelder rettigheter eller plikter for en eller flere bestemte personer. I p 3 Saksbehandlingen går det fram at kommunestyret skal ha rimeleg kjennskap til synspunkta til dei som blir berørte av vedtak om skulestruktur. Og det blir tilrådd 2 mnd høyringsfrist. 5
Rådmannen vil derfor tilrå at saka med dei ulike alternativa blir lagt ut til høyring med frist til 1.4.2016. Høyringsinstansar blir samarbeidsutval og driftsstyre ved barnehagar og skular, fagforeiningar og lag og organisasjonar, samt Rogaland fylkeskommune. Den vidare saksbehandlinga kan då bli slik: Hovudutval for skule og barnehage 21.4., formannskapet 27.4. (tillyst møte 25.4. er utsett) og kommunestyret 9.5. Vedlegg: Utskrift av møtebok frå hovudutval for skule og barnehage 28.5. og formannskapet 1.6.15 Elevtals- og klassetalsprognosar Orientering om målform Romprogram for dei ulike alternativa Erfaringar med store skular Innstilling: Rådmannen tilrår at saka går til hovudutval for skule og barnehage og formannskapet med slik tilråding: Som ein følgje av at framlegga til skuleløysingar inneheld framlegg om eventuell nedlegging av Bore ungdomsskule eller endring av krinsgrenser for barneskulane, blir alternative løysingar av kapasitetsutfordringane for Bore skule og Kleppe skule lagt ut til høyring med frist 1.4.2016. Hovudutval for skule og barnehage den 21.01.2016 sak 3/16 Behandling: Dokument utsendt på e-post før møtet: Notat frå kommunalsjef Kåre Strand. Svar på mail frå Kurt Thomassen om grunnlaget for kostnadsoppsettet i saka, datert 21.01.16 E-post frå kommunalsjef Trond Roy Pedersen. Svar på spørsmål frå Olav Røysland om manglande utgreiing av alternativ 2 b, datert 19.01.16 Ove Horpestad -h var inhabil og gjekk frå under behandling av saka. Frode Salte -h var med på behandlinga. Forslag frå Bernt Thomas Falkum -frp Klepp frp foreslår å sette til side høyring og vil gå for alternativ 3 og ny ungdomsskule i Verdalen med fleirbrukshall tilknytta skulen. Votering: Forslaget frå Bernt Thomas Falkum fekk 1 stemme. Bernt Thomas Falkum -frp Innstillinga fekk 8 stemmer. 6
Hovudutval for skule og barnehage den 21.01.16 sak 3/16 Fleirtalet (8) TILRÅR: Som ein følgje av at framlegga til skuleløysingar inneheld framlegg om eventuell nedlegging av Bore ungdomsskule eller endring av krinsgrenser for barneskulane, blir alternative løysingar av kapasitetsutfordringane for Bore skule og Kleppe skule lagt ut til høyring med frist 1.4.2016. Mindretalet (1) Bernt Thomas Falkum -frp TILRÅR: Klepp frp foreslår å sette til side høyring og vil gå for alternativ 3 og ny ungdomsskule i Verdalen med fleirbrukshall tilknytta skulen. Formannskapet den 25.01.2016 sak 3/16 Einstemmig VEDTAK: Som ein følgje av at framlegga til skuleløysingar inneheld framlegg om eventuell nedlegging av Bore ungdomsskule eller endring av krinsgrenser for barneskulane, blir alternative løysingar av kapasitetsutfordringane for Bore skule og Kleppe skule lagt ut til høyring med frist 1.4.2016. Rett utskrift, 29.01.2016 Wigdis B. Detlie formannskapssekr. Utskrift til: Etat for skule og barnehage 7