Sakliste til møte i Vest-Telemarktinget 19. juni /2012 Godkjenning av innkalling og sakliste

Sakliste til møte i Vest-Telemarktinget 19. juni 2012 01/2012 Opprop 02/2012 Godkjenning av innkalling og sakliste 03/2012 Val av 1 person til å skrive under protokollen i lag med regionordførar 04/2012 Godkjenning av årsmelding og årsrekneskap for 2011 05/2012 Godkjenning av rapport arbeidsprogrammet 2012-2013 06/2012 Val av revisor 07/2012 Orientering om prosjekta i Strategisk Næringsplan, status for prosjekta, økonomi og vidare arbeid 08/2012 Omvisning/orientering ved Vest-Telemark Museum

Medlemer av Vest-Telemarktinget 2012-2015. (Pr. juni 2012) Fyresdal kommune: Ordførar Erik Skjervagen Anne Serine Nærum Varaordførar Siw Berve Olav Gisle Noraberg Bjørn Nome Tor Bendik Midtgarden Rådmann Ketil Kiland - Sektorsjef Kviteseid kommune: Ordførar Torstein Tveito - Tove Anette Gjølberg Varaordførar Gunnar Ruud - Halvor Nyland Heidi Åmot - Tarjei Gjelstad Rådmann Hans Bakke - Sektorleiarar Nissedal kommune: Ordførar Halvor Homme Runa Vee Tveit Varaordførar Øyvind Tveit Tori Fritland Tveit Anne Nora Oma Dahle Kari-Anne Nordbø Rådmann Sverre Sæter Seljord kommune: Ordførar Solveig S. Abrahamsen - Varaordførar Jon Svartdal - Aud Jonskås - Rådmann Per Dehli 1. vara: Ingunn Haugland 2. vara: Edvard Mæland 1. vara: Arvid Vala 2. vara: Borgny Tøfte 1. vara: Jorunn A. Hegni 2. vara: Trond Johnsen Tokke kommune: Ordførar Hilde Alice Vågslid - Varaordførar Marie Seltveit - Tor Arne Heggtveit Birgit Johanne Kovajord Olsnes Rådmann Therese Hauger - Vinje kommune: Ordførar Arne Vinje Oscar Garnes Varaordførar Jon Rikard Kleven Birgit Tveito Børre Rønningen - Gunn Seltveit Bøe Rådmann Hans Kr. Lehmann - Assisterande rådmann

Vest-Telemarkrådet Møte i Tinget 19. juni 2012 Sak 04/2012 Godkjenning av årsmelding og årsrekneskap for 2011 Forslag til årsmelding og årsrekneskap for 2011 vart vedteke i rådsmøte 22. mai og leggast no fram for Vest-Telemarktinget for endeleg handsaming. Forslag til vedtak: Vest-Telemarktinget godkjenner det framlagte forslaget til årsmelding og årsrekneskap 2011.

Årsmelding for Vest-Telemarkrådet 2011 Forslag til årsmelding for handsaming som sak 28/2012 i Vest-Telemarkrådet 22. mai 2012. Endeleg handsaming i Vest-Telemarktinget 19.06.2012 Skriven av Ole Dalen, Vest-Telemarkrådet Dato: 15.05.2012 Forslag til årsmelding for Vest-Telemarkrådet 2011 Kviteseid, 15.05.2012

Innhald Formål! 3 Øvste styringsorgan! 3 Økonomi! 3 Leiinga! 3 Ny regionordførar og regionvararordførar for perioden 2012-2013! 3 Møte i Tinget! 3 Arbeidsprogrammet har fylgjande visjon:! 3 Mål og tiltak i arbeidsprogrammet:! 4 Mål 1 Oppretthalde folketalet og busetnaden i heile Vest-Telemark! 4 Mål 2 Sterk regional samkjensle og styrka Vest-Telemarkidentitet! 4 Mål 3 Vidareutvikling og nyetablering av verksemder i Vest-Telemark! 4 Mål 4 Sikre god infrastruktur i og gjennom Vest-Telemark! 4 Frå arbeidet i Rådet i 2011! 5 Nokre viktige saker frå 2011! 5 Formalisering av Vest-Telemarkrådet som 27 selskap! 5 Strategisk Næringsplan 2011-2014 for Vest-Telemark! 5 Tiltaksretta handlingsplan for landbruket i Vest-Telemark 2011-2014! 5 Forholdet til Strategisk næringsplan for Vest-Telemark 2011-2014! 6 Utvida brannvernsamarbeid! 6 Ny politistruktur i Vest-Telemark! 6 Vidare organisering av regionsamarbeidet i Vest-Telemark! 6 Skjønnsmidlane! 7 Forslag til årsmelding for Vest-Telemarkrådet 2011 Kviteseid, 15.05.2012

Formål Vest-Telemarkrådet skal vere eit samarbeidsorgan for dei deltakande kommunane på alle område og alle plan, og skal vere eit organ for løysing av felles spørsmål og oppgåver for dei same kommunane. Øvste styringsorgan Tinget er det øvste styringsorganet og består av ordførar, varaordførar, eit anna kommunestyremedlem samt rådmann frå kvar av dei deltakande kommunane. Rådet, som består av ordførarane i dei 6 kommunane, står for den daglege drifta saman med dagleg leiar. Økonomi Årets underskot på 200.052,- kr takast av eigenkapitalen. Leiinga Ordførar i Nissedal kommune Anne-Nora Oma Dahle har vore regionordførar i Vest- Telemarkrådet i 2011, medan ordførar i Kviteseid kommune Torstein Tveito har vore regionvaraordførar. Ny regionordførar og regionvararordførar for perioden 2012-2013 På møte i Vest-Telemarktinget 13. desember 2011 vart ny regionordførar og regionvaraordførar vald: Som regionordførar for perioden 2012 2013 vert valt: Torstein Tveito Som regionvaraordførar for perioden 2012 2013 vert valt: Erik Skjervagen Møte i Tinget Det var halde tre møte i Tinget. Ein utsette møtet i desember 2010 til 29.03.2012 grunna handsaming av Strategisk Næringsplan for Vest-Telemark. Dei øvrige møta i Tinget var halden 21.06.2011 og 13.12.2011. Tinget vedtok i desember 2009 arbeidsprogram for 2010 2011. Arbeidsprogrammet syner retningen for regionrådet og gjeld i 2 år. Det er knytt tiltak til måla og måloppnåinga vert kontrollert av Tinget 2 gonger i året. Arbeidsprogrammet har fylgjande visjon: VISJON: VEST-TELEMARK - EIN LEVANDE REGION Vest-Telemark skal vera ein levande region der opparbeidd identitet og kultur vert vidareført saman med innovasjon og nyskaping. Gjennom samhandling over kommunegrenser skal vi gjere regionen attraktiv for busetnad, arbeid og oppleving. Forslag til årsmelding for Vest-Telemarkrådet 2011 Kviteseid, 15.05.2012

Mål og tiltak i arbeidsprogrammet: Mål 1 Oppretthalde folketalet og busetnaden i heile Vest-Telemark Tiltak: Auke dei unge si sjølvkjensle og tilknyting til distriktet, og stimulere til entreprenørskap Ha god tilgang til vidaregåande skule, samt etter- og vidareutdanning for innbyggjarane Auke tilgangen på attraktive bustader, opplevingar og uformelle møteplassar Stimulere til rekruttering av arbeidskraft Satse på auka tilflytting og ha fokus på gode integreringstiltak Nytte samhandlingsreformen til å få best mogleg helsetilbod i regionen Mål 2 Sterk regional samkjensle og styrka Vest-Telemarkidentitet Tiltak: Stø opp om kulturtiltak som fremjar kjennskap, identitet og samhandling Legge til rette for godt regionalt samarbeid, herunder elektronisk kommunikasjon og informasjonsflyt Drive aktiv marknadsføring av regionen Drive alliansebygging/lobbyverksemd og kome tidleg inn i dei ulike politiske endringsprosessane Mål 3 Vidareutvikling og nyetablering av verksemder i Vest-Telemark Tiltak: Styrke marknadsføringa av Vest-Telemark som reiselivsmål og vidareutvikle opplevingstilbodet i regionen Leggje til rette for næringsutvikling med grunnlag i lokale ressursar Leggje til rette for etablering av kompetanseverksemder og stimulere utviklinga i eksisterande verksemder Stimulere til vidareutvikling av næringsapparatet i regionen Arbeide for å betre rammevilkåra for landbruket i Vest-Telemark Mål 4 Sikre god infrastruktur i og gjennom Vest-Telemark Tiltak: Samarbeide med Haukelivegen AS, Arbeidsgruppa for E 134/Rv 36, Telemarksvegen Vest-Telemark Næringsforum og andre viktige grupperingar Arbeide mot sentrale styresmakter, spesielt i høve til Nasjonal Transportplan og aktuelle utbyggingsprosjekt Fremje tiltak for alternativ finansiering av sentrale investeringsprosjekt Arbeide for auka midlar til investeringar og vedlikehald av øvrige riks- og fylkesvegar Sikre full utbygging av siste generasjon breiband i regionen Arbeide for full dekning innan mobilsamband og digitalt bakkenett Arbeide for realisering av høgfartsbane over Haukelifjell Forslag til årsmelding for Vest-Telemarkrådet 2011 Kviteseid, 15.05.2012

Frå arbeidet i Rådet i 2011 Det er halde 9 møte i rådet og det vart handsama 78 saker. Møtekalender for 2011 vart vedteke på ekstra rådsmøte 1.03.2011. Etter ynskje frå Rådsmedlemmane har ein lagt opp til ein lågare møtefrekvens med møte annankvar månad. Møta i Rådet er åpne for allmennt innsyn, og saksdokument og protokoll frå møta er tilgjengeleg på nettstaden: www.vest-telemark.no Nokre viktige saker frå 2011 Formalisering av Vest-Telemarkrådet som 27 selskap På møtet i Tinget 13.12.2011 vart det handsamafylgjande: På bakgrunn av tidlegare vedtak i Vest-Telemarkrådet samt likelydande vedtak i dei 6 kommunane låg det føre forslag om formalisering av Vest-Telemarkrådet som 27-selskap. Vedtak: Vest-Telemarktinget vedtek at Vest-Telemarkrådet vert å formalisere som 27 selskap og godkjenner det framlagte forslaget til vedtekter. Strategisk Næringsplan 2011-2014 for Vest-Telemark Handsaming av planen etter høyring vart gjort på ekstra rådsmøte 29.03.2011. I møte 30. november 2010 handsama Vest-Telemarkrådet framlegg til Strategisk Næringsplan 2011-2014 for Vest-Telemark. Rådet vedtok at planen skulle sendast på høyring i kommunane og andre aktuelle høyringsinstansar med høyringsfrist 20. februar 2011. Arbeidsgruppa for planen har handsama høyringsuttalene og la fram ei tilråding. Etter dette vart planen samrøystes vedteken 29.03.2011. Tiltaksretta handlingsplan for landbruket i Vest-Telemark 2011-2014 I Vest-Telemark skal vi ha levande landbruk der opparbeidde verdiar vert vidareført for å skape meirverdi for samfunnet. Landbruket i Vest-Telemark skal i framtida vere aktivt og mangfaldig. Målet for planen er å oppretthalde altivt landbruk i Vest-Telemark. Forslag til årsmelding for Vest-Telemarkrådet 2011 Kviteseid, 15.05.2012

Forholdet til Strategisk næringsplan for Vest-Telemark 2011-2014 Den tiltaksretta landbruksplanen for Vest-Telemark (LP) er utforma samstundes med ny Strategisk Næringsplan for Vest-Telemark (SNP) og samla rundt fire hovudmål. Figuren syner tilhøvet mellom dei. Planane sjåast i samanhang for å sikre arbeidet innafor område som er viktige for Vest- Telemark regionen. I planane er det tiltak som er like når det gjeld tema og der arbeid med tiltaksområdet i LP er viktig for måloppnåing i SNP og motsett. Utvida brannvernsamarbeid Rapporten Utgreiing av utvida brannvernsamarbeid mellom kommunane Fyresdal, Kviteseid, Nissedal, Seljord, Tokke og Vinje peika på moglegheiten for å inkludere beredskapsarbeidet i det eksisterande brannvernsamarbeidet. Ei prosjektgruppe med representantar frå dei ulike kommunane har sytt for den nærare utgreiinga av saken. Rapporten konkluderer med å tilrå ei utviding av brannvernsamarbeidet til også å gjelde brannberedskapen i dei 6 kommunane, med ei 100 % stilling som beredskapsleiar. Rapporten foreslår ei vidareføring av vaktordningar og talet på brannmannskap inntil ei ny felles ROS-analyse er gjennomført. Kommunane skal sjølv eige sine brannstasjonar og dekke drift og vedlikehald av desse, medan fellesbrannvesenet dekker kostnadene til investering i køyretøy og anna materiell samt drift og vedlikehald av desse. Rapporten tilrår også modell for kostnadsfordeling. Ny politistruktur i Vest-Telemark Det har vore eit viktig tema omkring organiseringa av politiet i regionen. Regionordførar gjennomførte mellom anna møte med kommunalministeren som stør regionens syn. Vidare gikk prosessen til justisdepartementet, og det er Storting og Regjering som til sist avgjer lensmannsstrukturen i kommunane. Engasjementet i Vest-Telemarkrådet synest å ha vore eit godt bidrag for å behalde lendsmannskontor i kvar kommune. Vidare organisering av regionsamarbeidet i Vest-Telemark Sidan mars 2010 har det gått føre seg prosessar i høve til den vidare organiseringa av regionsamarbeidet. Målet for prosessen er å fastsette ein struktur med eigarskap og roller mellom eksisterande aktørar i regionsamarbeidet i Vest-Telemark, der Lov om ofentlig anskaffelser (LOA) og andre eksterne krav vert ivaretatt. Nytta av å byggje kompetansemiljø og eigarskap til Vest-Telemark Næringsutvikling as (VTNU) har vore blant dei mest krevjande områda i saka. Saka vart ikkje avslutta i 2011, og har vore særs krevjande for tilsette og ansvarlege i VTNU og Vest-Telemarkrådet (VTR) som utgjer dagens regionapparat. Forslag til årsmelding for Vest-Telemarkrådet 2011 Kviteseid, 15.05.2012

Vest-Telemarktinget Møte 19. juni 2012 Sak 05/2012 Godkjenning av rapport arbeidsprogrammet 2012 2013 Som rettesnor for regionsamarbeidet vart det i 2001 vedteke å utarbeide årlege arbeidsprogram for Vest-Telemarkrådet. I møte 12. desember 2005 vedtok Tinget at: Arbeidsprogrammet skal syne retningen og gjelde i 2 år. Det skal knytast tiltak til måla og tiltak skal korrigerast dersom ein finn det naudsynt for å nå måla så rask og effektivt som mogleg. Måloppnåinga kontrollerast av Vest- Telemarktinget 2 gonger i året. I møte 22. mai 2012 gjorde Vest-Telemarkrådet fylgjande vedtak: Vest-Telemarkrådet godkjenner det framlagte forslaget til rapport med endring at prosjektet "Liv i Vinje" takast ut. Rapporten leggast fram for Tinget 19. juni for endeleg godkjenning. Rådet tilrår også at rapporteringa vert redusert til ein gong kvart år med handsaming i desember. Forslag til vedtak: Vest-Telemarktinget godkjenner det framlagte forslaget til rapport arbeidsprogrammet 2012 2013. I høve til seinare rapportering vert denne redusert til ein gong årleg med handsaming i desember.

Sak 05/2012 Rapport pr juni 2012. - Arbeidsprogram 2012 2013. VISJON: VEST-TELEMARK - EIN LEVANDE REGION Vest-Telemark skal vera ein levande region der opparbeidd identitet og kultur vert vidareført saman med innovasjon og nyskaping. Gjennom samhandling over kommunegrenser skal vi gjere regionen attraktiv for busetnad, arbeid og oppleving. Mål 1 Oppretthalde og auke folketalet og busetnaden i heile Vest-Telemark Tiltak: Auke dei unge si sjølvkjensle og tilknyting til distriktet, og stimulere til entreprenørskap Vidareføre arbeidet med utvikling av regionens attraksjonskraft og bulyst. Vidareutvikle Vest-Telemark som ein attraktiv arbeidsmarknadsregion. Stimulere til rekruttering av arbeidskraft Nytte samhandlingsreformen til å få best mogleg helsetilbod i regionen Etablere eit Vest-Telemark Ungdomsråd Mål 2 Sterk regional samkjensle og styrka Vest-Telemarkidentitet Tiltak: Stø opp om kulturtiltak som fremjar kjennskap, identitet og samhandling Vidareutvikle samhandling kring marknadsføringstiltak som fremjar kjennskap til regionens kultur og identitet. Legge til rette for godt regionalt samarbeid, herunder elektronisk kommunikasjon og informasjonsflyt Stimulere til utvikling av nye offensive informasjonsformer tilpassa prioriterte målgrupper. Mål 3 Vidareutvikling og nyetablering av verksemder i Vest-Telemark Tiltak: Vidareutvikle samhandling kring marknadsføringstiltak som fremjar kjennskap til regionens kultur og identitet. Leggje til rette for næringsutvikling med grunnlag i lokale ressursar Gjennomføre strategisk næringsplan og landbruksplanen for regionen Auke tilgangen på risikokapital og offentlege verkemiddel til regionen Styrke og utvikle nærings- og rådgjevingsapparatet i Vest-Telemark Tilrettelegging og utvikling av samhandlingstiltak og næringsklynger, med formål å styrke eksisterande næringsliv og stimulere til knoppskyting, nyetablering og innovasjon. Oppretthalde og utvikle kompetansemiljø i regionen. Mål 4 Sikre god infrastruktur i og gjennom Vest-Telemark Tiltak: Vidareutvikle felles strategiar for vegutbygging og skape alliansar for desse. Synleggjere regionens transport- og infrastrukturbehov gjennom faktaoppbygging og formidling. Arbeide for høgfartsbane over Haukeli Utvikling av regionens breibandsstruktur og mobilsamband.

2 Rapport: Mål 1 Oppretthalde folketalet og busetnaden i heile Vest-Telemark. Auke dei unge si sjølvkjensle og tilknyting til distriktet, og stimulere til entreprenørskap. Ansvaret for entrepenørskap i skulen ligg no til den einskilte kommune. Bakgrunnen for satsinga har vore ynsket om å skape ein kultur for innovasjon og entreprenørskap, der dei unge ser moglegheiter, viser pågangsmot og utviklar gründerkompetanse gjennom ulike tiltak i og utanfor skulen. Telemark fylkeskommune har eit auka fokus på entreprenørskap og Ungt Entreprenørskap Telemark er engasjert som Telemark sin operatør innafor satsinga på entreprenørskap i utdanninga. Kommunar, regionar, organisasjonar og privat sektor er invitert til å delta i denne satsinga. Fylkeskommunen og Innovasjon Noreg har fastsett at etablerarkontora i Telemark skal nytte om lag 10% av ressursane til entrepenørskap i skulen. Det kan sjå ut til at entrepenørskapssatsinga i Vest-Telemarkkommunane ikkje har fått det omfanget som var forventa. Ein foreslår at Vest-Telemarkrådet tek entreprenørskapsarbeid opp til nærare drøfting med tanke på vidareføring av dette viktige arbeidet. Vidareføre arbeidet med utvikling av regionens attraksjonskraft og bulyst På bakgrunn av erfaringar gjort i prosjektet Vi snur vinden fleire folk til Vest-Telemark og andre rekrutterings- og bygdeutviklingsprosjekt, held Bygdelivsmeklaren fram arbeidet med prosjektet Bulyst gje det vidare!. Med dette prosjektet ynskjer ein å skape ein region som er attraktiv å bu i og flytte til, utvikle trygge bærekraftige bustadmiljø, og gjennom dette oppnå befolkningsauke. I prosjektet Bulyst gje det vidare! vil ein vere spesielt opptekne av bebuarane si rolle og deira ansvar i høve til utfordringane med fråflytting frå regionen. Ein ser verdien av å bevisstgjere og gje ansvar til dei som allereie bur her. Ein har difor stort fokus på vertskapsfunksjonen i kommunane. Eit anna satsingsområde er bustad, med Prøvebustadsprosjektet høgt prioritert. VTNU AS har prosjektleiinga og prosjektleiar har opparbeidd eit stort nettverk i regionen. Prosjektet er i rute i høve til prosjektplanen. Prøvebustader i Vest-Telemark Vest-Telemark Næringsutvikling AS har avslutta arbeidet med skisseprosjekt gjeldande moglege prøvebustader i kommunane i Vest-Telemark. Det ligg no føre skisser til bustader i Kviteseid, Seljord, Hjartdalsbygda og Tuddal. Ein prøvebustad er eit tilbod til folk som ynskjer å flytte til regionen og som såleis får høve til å leige denne i ein periode for å sjå om dei trivest. Den fyrste prøvebustaden står ferdig bygd i Øyfjell, og ein familie på 5 har flytt inn. Prosjektet er godt motteke i kommunane og mykje omtalt i ulike media. Seljord fekk i mars 2012 den hyggelege meldinga frå kommunal- og regionaldepartementet at kommunen er valt som ein av tolv kommunar innafor satsinga Bustadetablering i distrikta ; I pressemeldinga frå KRD står det om Seljord: "Seljord kommune har positiv næringsutvikling med mykje innpendling. Fleire bustader er viktig for å sikre berekraftig næringsutvikling, rekruttering og auka folketal. Kommunen driv eit godt bustadpolitisk arbeid. Rekrutteringsbehova til både næringslivet og kommunen er viktig i dette arbeidet. Kommunen ønskjer også å etablere prøvebustader i Flatdal."

3 Seljord har vore med i prøvebustad-prosjektet, og det er dette forprosjektet som vart lagt til grunn for søknaden frå Seljord kommune. Forprosjektet har resultert i ferdige skisser av bustadene, og forslag til utvikling av tomteområde med føringar for hovudprosjekt/detaljprosjektering. Prøvebustader er planlagt bygd i Flatdal; på Sundbøhaugen. Vidareutvikle Vest-Telemark som ein attraktiv arbeidsmarknadsregion Stimulere til rekruttering av arbeidskraft. Rekrutteringsprosjektet i regi av strategisk næringsplan er no avslutta etter 3 års arbeid. Prosjektet har vore leia av Vest-Telemark Næringsforum og hovudmålet med prosjektet har vore å fremje Vest-Telemark som ein bu- og arbeidsmarknadsregion. Tiltaket vart sett i verk med utgangspunkt i at mange verksemder og kommunar har vanskar med å skaffe tilstrekkeleg kvalifisert arbeidskraft. NAV har hatt ei nøkkelrolle i prosjektet. Det vart etablert faste møtepunkt med marknadsnettverket til NAV i Vest-Telemark, der ein 6-8 gonger årleg i prosjektperioden gjekk gjennom arbeidskraftbehovet til 50-60 nøkkelverksemder i regionen. I tillegg fekk alle registrerte verksemder brev om prosjektet med tilbod om bistand. For å synleggjere arbeidsmarknaden i regionen er det dei siste åra etablert eit samarbeid med Yrkesmessa på Vest-Telemark Vidaregåande skule. I samarbeid med Bygdelivsmeklaren har prosjektet vore arrangør av Vest-Telemark treff i Oslo, som er arrangert 4 gonger. Fokus for treffa er å vise moglegheitene for arbeid i regionen. Dette, saman med eit innhaldsrikt sceneprogram, dannar grunnlaget for ei offensiv marknadsføring av regionens arbeidsmarknad for potensielle heimflyttarar. Prosjektet har og arbeidd fram nettsida Telejobb.no der interesserte kan knyte kontakt med verksemder i regionen med sikte på rekruttering av arbeidskraft på kort og lang sikt. Det siste året har ein i langt større grad blitt klar over utfordringane som ligg i alderssamansettinga blant arbeidstakarane i Vest-Telemark. Store etterkrigskull er på veg ut av arbeidslivet med pensjon. Innan både privat og offentleg sektor er det eit stort behov for arbeidskraft i tida som kjem, og dette skaper store utfordringar for regionen. Her vil ein måtte halde fram med arbeidet som er gjort for å synleggjere Vest-Telemark som ein felles arbeidsmarknad. Nytte samhandlingsreformen til å få best mogleg helsetilbod i regionen. Som fylgje av samhandlingsreformen har kommunane i Vest-Telemark og Sykehuset Telemark tilsett samhandlingskoordinator i 100% stilling. Koordinatoren har som oppgåve er å legge til rette for gode samhandlingsløysingar for Vest-Telemark kommunane og sjukehuset, og såleis gje heilskaplege og gode helsetilbod nærast mogleg der folk bur. Sissel Bitustøyl er tilsett i stillinga og har kontorstad i Vinje. Etablere eit Vest-Telemark Ungdomsråd Det er så langt ikkje teke vidare initiativ for å få etablert eit ungdomsråd i regionen.

4 Mål 2 Sterk regional samkjensle og styrka Vest-Telemarkidentitet Stø opp om kulturtiltak som fremjar kjennskap, identitet og samhandling. Vest-Telemarkkonferansen er ein samlingsplass for politikarar, privat næringsliv, offentleg tilsette og organisasjonar og har vore eit årvisst innslag dei 9 siste åra. Tema til no har vore: Regionalt samarbeid eller kommunesamanslåing, Regional næringsutvikling, Ny energi til Vest-Telemark, Vest-Telemark som merkevare, Kor skal byen ligge?, Er skulen i Vest-Telemark konkurransedyktig?, Nye arbeidsplassar i eksisterande bedrifter - utnyttar vi potensialet?, «Innovasjon i Vest-Telemark» og «Næringsutvikling og offentleg sektor» Konferansen i 2013 vil vera den 10. i rekka og ein ynskjer innspel til program. Sogelandet vart etablert i 2005 og er namnet på ei rekkje kulturarrangement i kommunane Fyresdal, Hjartdal, Kviteseid, Nissedal, Seljord, Tinn, Tokke og Vinje. Det er løyvd midlar til prosjektet frå Telemark fylkeskommune og frå Fellesfondet over ein periode på 3 år. Sogelandet er frå 2008 organisert som eit samvirke. Stiftinga Vest-Telemark Museum vart oppretta i 2002 med det føremål å stå for drift og vedlikehald av museum i Vest Telemark. Musea finn ein i fem kommunar og dei ulike einingane er: Vinjestoga, Myllarheimen, Knut Skinnarland samlinga, Dyre Vaa samlingane, Vinje Biletgalleri, Øyfjell Bygdemuseum, Fyresdal Bygdemuseum, Kviteseid Bygdetun, Åmdals Verk Gruver, VTM Eidsborg, Norsk Skieventyr. Vest Telemark har ein rik tradisjon innan folkekunst og skihistorie og Vest-Telemark Museum formidlar denne flotte kulturarven ved hjelp av utstillingar, aktivitetar og ved arrangement. Utbygginga av det nye flotte museumsbygget er gjennomført og utgjer eit kjempeløft for heile Telemark. Praktbygget vert offisielt opna 1. juni 2012. Politikar 2020 Politikar 2020 har i utgangspunktet vore eit tre-delt prosjekt, med eit overordna siktemål å auke rekrutteringa til politisk engasjement i Telemark: Politikarveka, Politikarskulen og Rollemodellprogram. Politikarveka vart gjennomført i august 2011 etter modell frå Almedalsveckan og samla ei rekkje personar ikkje minst frå dei politiska partia. Ein må i ettertid konstatere at interessa eit for tilsvarande arrangement i 2012 ikkje er tilstades. Politikarskulen vert realisert som eit heilt nytt studietilbod ved Høgskulen i Telemark, avd. Bø frå komande haust. Politikarskulen er eit deltidsstudium basert på ein kombinasjon av nettbasert og samlingsbasert undervisning. Studiet gjev 15 studiepoeng og tek mellom anna for seg viktige tema som: politisk debatt og vedtak, kommunanes rolle, politisk historie, media, etikk og moral osb. Vidareutvikle samhandling kring marknadsføringstiltak som fremjar kjennskap til regionens kultur og identitet Tiltak 2-2 i Strategisk Næringsplan heiter felles reiselivsprogram for Vest-Telemark med dei reiselivsansvarlege i kommunane som utførar for tiltaket. Desse møtest regelmessig, og det er utarbeidd ein forstudie for tiltaket med målsetjing å avklare organisering og ressursbehov. I tillegg er det utarbeidd eit forstudium Felles reiselivskoordinering i Vest- Telemark. Rapporten låg føre i slutten av februar 2012.

5 Felles turistbrosjyre for kommunane Fyresdal, Kviteseid, Nissedal, Seljord, Tokke og Vinje er gjeve ut årleg dei seinare åra. God informasjon om Vest-Telemark bidreg til at turistane oppheld seg lenger i regionen og deltek i ulike aktivitetar på tvers av kommunegrensene. Legge til rette for godt regionalt samarbeid, herunder elektronisk kommunikasjon og informasjonsflyt. Vest-Telemarkrådet er regionråd oppretta etter kommuneloven 27 for kommunane: Fyresdal, Kviteseid, Nissedal, Seljord, Tokke og Vinje. Regionrådet er eit samarbeidsorgan for dei deltakande kommunane på alle område og alle plan og skal løyse felles spørsmål og oppgåver for desse. Tinget er det øvste organet og er samansett av ordførar, varaordførar, eitt anna kommunestyremedlem og rådmannen i dei deltakande kommunane. Ordførarane i kommunane utgjer Rådet og står for den daglege drifta i lag med sekretariatet. Vest-Telemark Næringsbygg AS (VTN) med kontor i Kviteseid, har som føremål, i samråd med andre aktørar, å styrke og vidareutvikle næringslivet i Vest-Telemark, Drangedal og Hjartdal. Dette skal skje ved å ta del i ulike typer næringsbygg, selskap og verksemder. Viktig fokus er å legge til rette for næringsetablering gjennom å tilby rimelege og attraktive utleigebygg. Selskapet eig i dag 10 bygg i 5 kommunar. Vest-Telemark Næringsutvikling AS (VTNU) har kontor i Kviteseid, og har som føremål å styrke og vidareutvikle næringslivet i Vest-Telemark. I tett samarbeid med næringsliv og kommunar vil VTNU medverke til å skape ein open, energisk og nyskapande region. Viktig fokus er lønsamt næringsliv og kommunar med attraktive bumiljø. Ein ynskjer å profilere Vest-Telemark som ein bu og arbeidsregion med tilbod til folk i alle aldrar. Vidare ynskjer ein å medverke til aktivt samarbeid og positiv utvikling i regionen. Det er knytt 8 medarbeidarar til selskapet. Av praktiske oppgåver som har prega arbeidet i 2011 kan nemnast fylgjande: Drift av etablerarkontoret for Vest-Telemark Kommunevis fordeling med etablerarsaker er slik: 2002 2003 2004 2005 2006 2007 2008 2009 2010 2011 Fyresdal 12 3 10 9 12 13 10 10 8 8 Kviteseid 21 19 21 27 17 13 13 10 13 13 Nissedal 2 5 10 10 10 12 8 7 11 12 Seljord 29 33 40 27 21 25 23 21 19 20 Tokke 4 8 2 5 7 9 3 4 8 8 Vinje 13 17 19 20 19 16 18 24 28 24 Sum 81 85 102 98 86 88 75 76 87 85

6 Av brukarane til etablerartenestene i 2011 er det 48 % kvinner og 52 % menn. Andel kvinner har gått monaleg opp i 2011 i høve til tidlegare år, og i 2011 har 41 kvinner nytta etablerarkontoret i Vest-Telemark. 60% av etablerarkundane har registrert verksemda i Brønnøysund. Etablerarkontoret har tilgang på kompetansen til alle medarbeidarane ved VTNU AS. Dette inneber ein robust og kompetent fyrstelineteneste som gjev etablerarane i Vest-Telemark ei serleg god rådgjeving. Den regionale etablerartenesta i Vest-Telemark blir finansiert av Telemark fylkeskommune/innovasjon Noreg, Vest-Telemarkrådet og NAV. Administrativ rapportering går via Innovasjon Noreg. I tillegg til Etablerarkontoret for Vest-Telemark har fleire av kommunane rådgjeving til etablerarar lokalt. Dei fem regionale etablerarkontora i Telemark har eit tett samarbeid om ein felles webportal www.etablererkontoret.no. Etablerarkontora møtest fleire gonger i året for erfaringsutveksling, felles kompetanseheving og samarbeid om ulike tiltak retta mot etablerarar og verksemder i fylket. Rådgjeving i høve til bedrifter Her har regionen ei ordning som tilbyr bedriftene inntil 15 timar gratis rådgjeving. Denne kostnaden vert finansiert av Vest-Telemarkrådet. Rådgjeving utover 15 timar må verksemdene sjølve koste. Bedriftsrådgjevingstenesten har vore stabil dei siste åra og også her har ein tilgang på kompetansen til alle medarbeidarane i VTNU AS. Profilering av Vest-Telemark gjennom Vest-Telemark Portalen. Vest-Telemarkportalen framstår no i ny drakt - ei felles nettløysing med fleire aktørar. Det er Vest-Telemark Næringsutvikling som har ansvaret for drifta av Vest-Telemarkportalen i dag. Vest-telemark.no vender seg mot potensielle tilflyttarar og heimattflyttarar. I tillegg vil me at folk som bur i Vest-Telemark fylgjer med på heimesidene. Dette er portalen der me kan få vise oss fram for omverda og fortelje om regionens kvalitetar og tilbod. Sida skal famne heile Vest-Telemark. I tillegg til VTNU har Vest-Telemarkrådet fått si eiga side og Vest-Telemark Næringsbygg. Prosjektet Telejobb som vert drive av Vest-Telemark Næringsforum har og si eiga side o.s.b. Slik har me samla drift av mange sider til ei ny smart løysing. Innkjøpssamarbeidet for 8 kommunar i Midt- og Vest-Telemark Dette er eit innkjøpssamarbeid som vart starta i 1990 og har til føremål å redusere deltakarkommunane sine utgifter til innkjøp av varer og tenester. VTNU AS er sekretariat for samarbeidet og det er etablert ei eiga nettside. Frå 2012 omfattar samarbeidet 7 kommunar. Felleskommunale utviklingsprosjekt VTNU AS har gjennom mange år koordinert felleskommunale samarbeidsprosjekt. Det er prosjekt Vest-Telemark kommunane går saman om for å betre tenesteproduksjonen. Ein kan nemne:

7 Profil. Nytt IT-system for pleie/omsorg IT-systemet er teke delvis i bruk i alle 6 Vest-Telemark kommunane. Eit omfattande opplæringsprogram er sett i verk innan sjukeheimar og heimetenestene. I vidare arbeid har styringsgruppa no prioritert innføring av ny teknologi i heimesjukepleia, med bruk av små datamaskinar for kommunikasjon og dataregistrering (såkalla PDA-ar). Turnusplanlegging er eit samarbeidsprosjekt for 6 kommunar. Målet er betre oversikt og god ressursutnytting. I fyrste omgang blir systemet teke i bruk innafor pleie/omsorg, men systemet kan også nyttast innanfor andre område i kommunane der ein har vaktordningar. Prosjektet er i hovudsak ferdig gjennomført innafor pleie/omsorg. Vidare plan er å bruke systemet aktivt i budsjettprosessen i kommunane (sikrare grunnlagsdata), og å introdusere systemet og bruken i høve til andre område enn pleie/omsorg. Dataflyt - Digitalisering av reguleringsplanar Gab- og kartsamarbeidet inneber at det lovpålagte vedlikehaldet av GAB-data no skjer regelmessig via felles server. Kartløysinga er elles ei generell løysing i fyrste rekke for at publikum (innbyggjarar og hyttefolk) kan ha tilgang til detaljerte, lokale kart. Samarbeidet har no gått inn i ei ny fase med vekt på god integrasjon og dataflyt mellom dei ulike systema i kommunen, noko som gjer det mulig med sikrare og meir effektivt arbeid både for eigne tilsette og andre som er brukarar av kartdata. IKT Strategi Saman med eksterne tilbydarar vert det utarbeidd ein plan som gjev kommunane god kostnadstyring av IT- utgiftene og maksimalt utbytte i høve til investeringar og drift av IT. Bydelivsmeklaren/Bulyst gje det vidare. Prosjektet Vi snur vinden fleire folk til Vest-Telemark er avslutta. På bakgrunn av erfaringar gjort i dette og andre rekrutterings- og bygdeutviklingsprosjekt held Bygdelivsmeklaren fram arbeidet med prosjektet Bulyst gje det vidare!. Med dette prosjektet ynskjer ein å skape ein region som er attraktiv å bu i og flytte til, utvikle trygge bærekraftige bustadmiljø, og gjennom dette oppnå befolkningsauke. I prosjektet Bulyst gje det vidare! vil ein vere spesielt opptekne av bebuarane si rolle og deira ansvar i høve til utfordringane med fråflytting frå regionen. Vest-Telemark Treffet. Her har bygdelivsmeklaren saman med VTNF for 4. året arrangera det årlege treffet i Oslo. Prøvebustader i Vest-Telemark. Vest-Telemark Næringsutvikling AS har arbeidd med eit skisseprosjekt til ev. prøvebustader i kommunane i Vest-Telemark. Ein prøvebustad er eit tilbod til folk som ynskjer å flytte til regionen og som såleis får høve til å leige denne i ein periode for å sjå om dei trivest. Arbeid for utbygging av fibernett/breiband/mobilnett i Vest-Telemark. Breibandutbygging har i mange år vore ei prioritert og vellukka oppgåve for VTNU AS. Ein arbeider no med fiberutbygging til husstandane i Vest-Telemark i samarbeid med kraftlaga i regionen. Når det gjeld mobilnettet har vi fått delfinansiering frå fylkeskommunale midlar og noko frå breibandutbygginga. Vest-Telemark har fått tildelt vesentlege midlar til dette føremålet, noko som har ført til monaleg betre mobildekning.

8 Interaktive Telemark. Vest-Telemark Næringsutvikling As har prosjektleiinga av prosjektet Interaktive Telemark. Her samarbeidar vi med andre regionar i Telemark og Telemarkreiser om å få til digital infrastruktur som skal sikre god oppdatering av opplevingstilbod i Telemark. Bl.a er det etablert eit Tellusforum som kvalitetssikrar informasjon inn til ein nasjonal Reiselivsdatabase og prøver ut Informasjonskioskar på ulike stader i regionen. Vandreregionen. Prosjektet Vandreregionen er etablert som eit samarbeid mellom dei 6 Vest-Telemark kommunane, Hjartdal og Tinn. Prosjektet er planlagt å gå føre seg i perioden 2010-2012 og har økonomisk støtte frå Fellesfondet og Telemark Fylkeskommune. Målsettinga er å auke kommunane sitt omdøme som bu og opplevingsregion gjennom gode tilbod for vandring. For å få dette til er ein viktig del av arbeidet å fokusere på roller i friluftslivsarbeidet i kommunen, avtaler, samt drift og vedlikehald av turvegane. Dette skjer ved at kommunane samarbeidar med næringsaktørar og frivillige om å kvalitetssikre to attraktive turvegar i kvar kommune med avtaler, merking, skilting og avtaler om drift og vedlikehald. For å profilere tilboda vert det utarbeidd miniguidar og felles presentasjonar med kart og naturinformasjon og ei statisk nettside. Presentasjon av 15 turvegar er no klare. Det er søkt midlar til å vidareføre samarbeidet omkring Vandreregionen i 3 nye år, noko ein vonleg vil få svar på i løpet av våren 2012. Vandreregionen i framtida. Med fokus på friluftsliv( vandring), reiseliv og regional utvikling har VTNU saman med tre institutt på Høgskulen i Telemark gjennomført eit kvalifiseringsprosjekt innan reiseliv, opplevelsesnæring og attraksjonskraft. Målet med forprosjektet var å finne strategiar for korleis vandreregionen skal satse for å auke attraksjonskrafta gjennom tilrettelegging for naturbaserte opplevingar. Felles reiselivsprogram for Vest-Telemark. Dette er eit av tiltaka i strategisk Næringsplan for Vest-Telemark 2011 2014. I dette tiltaket har VTNU AS gjennomført to forstudier som vert ferdig vinteren 2012. Dette gjeld Ulike oppdrag innan samferdsel og vegutbygging. VTNU AS har i åras løp hatt ulike oppdrag knytt til samferdsel og vegutbygging. Eit fersk døme er prosjektet Høgfartsbane over Haukeli der prosjektleiinga er lagt til VTNU. Målsettinga er å etablere eit Jernbaneforum med tanke på å realisering av Vestlandsbanen over Haukeli. Stimulere til utvikling av nye offensive informasjonsformer tilpassa prioriterte målgrupper Gjennom Vest-Telemarkportalen har ein no 628 som likar Vest-Telemark på facebook. Det syner at det er viktig å ta i bruk dei nye medine for å få kontakt med dei yngre målgruppene.

9 Mål 3 Vidareutvikling og nyetablering av verksemder i Vest-Telemark. Legge til rette for næringsutvikling med grunnlag i lokale ressursar Dyrskun Arrangement AS er ein av seks SIVA inkubatorar for mat og naturbasert næring i Noreg. Inkubatorprogrammet har ambisjon om å bidra til fleire vekstbedrifter innan mat- og naturbasert næring innan 2014. Målet skal nåast ved å gje potensielle vekstbedrifter innan mat- og naturbasert næring individuell oppfølging i eit innovasjonsmiljø med spisskompetanse på kommersialisering og tilgang til eit bredt nettverk. Øystein A. Løvlie er leiar av inkubatorarbeidet. Gjennomføre strategisk næringsplan og landbruksplanen for regionen Strategisk næringsplan for Vest-Telemark 2011 2014. VTNU AS har vore sekretariat i samband med utarbeidinga av den nye strategiske næringsplane som vart vedteke i Vest-Telemarktinget 29.mars 2011. Vest-Telemarkrådet har arbeidd med å få finansiert tiltaka i planen. Dette har vore ei krevande oppgåve og det ligg no inne søknader for 5 prosjekt i fylkeskommunen/tuf. Tiltaksretta handlingsplan for landbruk i Vest-Telemark. Den tiltaksretta handlingsplanen for Vest-Telemark vart vedteke i Vest-Telemarktinget 29.mars 2011. Det vidare arbeidet med gjennomføringa av planen er lagt til rådmannsutvalet i regionen med Vinje kommune som ansvarleg. Auke tilgangen på risikokapital og offentlege virkemiddel til regionen. Vest-Telemark Næringsbygg AS har etablert selskapet Vest-Telemark Invest AS og stilt 15 mill. kroner til disposisjon for etablering av eit såkornfond. Det er ein føresetnad at ein får inn ytterlegare15 mill. kroner, noko som så langt har vist seg å vera krevande Styrke og utvikle nærings- og rådgjevingsapparatet i Vest-Telemark. Eitt av tiltaka i forrige næringsplan gjekk ut på å vitalisere av næringsapparatet i regionen. Telemarkforsking utarbeidde ein rapport om korleis dette kunne vitaliserast og korleis ein kunne styrke samarbeidet mellom lokalt og regionalt næringsapparat. Rapporten vart handsama i Vest-Telemarkrådet og i kommunane. Konklusjonen frå kommunehøyringa var at ein ikkje ynskte overføring av kommunale personalressursar til regionalt nivå, men at ein ynskte eit sterkare samarbeid innan regionen. I samband med utarbeiding av ny Strategisk Næringsplan var næringsansvarleg i kvar kommune med i arbeidsgruppa som laga planen. Vest-Telemarkrådet vedtok i samband med planen fylgjande: Permanent regional næringsgruppe Det vert etablert ei permanent regional næringsgruppe som består av næringsansvarlege i kvar kommune og ein representant frå Vest- Telemark Næringsforum. Næringsgruppa får mandat til å konstituere seg sjølv og velje leiar. Sekretariat for Vest-Telemarkrådet er ansvarleg for å informere leiar i næringsgruppa fortløpande om næringssaker, samt vere sekretær for gruppa. Regionordførar vert invitert til møta som observatør. Det same gjeld representant frå Telemark fylkeskommune. Mandatet for næringsgruppa er å vera rådgjevingsgruppe for Vest-Telemarkrådet, samt å få ei meir koordinert og fagleg god rådgjevingsteneste, med tett samarbeid mellom kommunane. I tillegg skal gruppa legge til rette for målsetjinga om å få gjennomført regionale tiltak/prosjekt i tråd med strategisk næringsplan. Det er og etablert regional gruppe for reiselivsansvarlege. Denne gruppa har prosjektansvaret for Felles reiselivsprogram i Strategisk Næringsplan.

10 Tilrettelegging og utvikling av samhandlingstiltak og næringsklynger, med formål å styrke eksisterande næringsliv og stimulere til knoppskyting, nyetablering og innovasjon. Næringscluster. Vest-Telemark Næringsforum har gjennomføringsansvaret for prosjektet Næringscluster som inngår i i Strategisk Næringsplan for Vest-Telemark. Vi siterer frå VTNF si årsmelding for 2011: Klyngeutvikling, utvikling av samhandlingsarenaer for næringsliv, er rekna for å vere eit viktig tiltak for vekst, innovasjon og utvikling. I Vest-Telemark har vi eit fragmentert næringsliv, med ein næringsstruktur som er prega av mange små verksemder. Målet for prosjektet Næringscluster er: Identifisere, motivere og utvikle ulike næringsklyngemiljø med utgangspunkt i etablerte bedriftsnettverk i Vest-Telemark. Gjennom samarbeid og utvikling av næringsklynger/bedriftsnettverk/møteplassar, skape grunnlag for lønnsam vekst, utvikling og nyetablering. Tanken bak prosjektet er å ta utgangspunkt i det bedriftsnettverket VTNF representerar, og ut frå dette utvikle næringsklyngemiljø som kan skape grunnlag for utvikling. VTNF har arbeidd med prosjektet gjennom 2011. Uavklart finansiering har likevel medført ein begrensa aktivitet, sjølv om ein del prosessar er sett i gang. Endeleg avklaring kring finansiering og vidare framdrift skal kome på plass innan fyrste halvår i 2012. Etablering av SIVA Næringshage i Telemark. Vest-Telemarkrådet vedtok i april 2011 å sende søknad om to næringshagemiljø i Vest- Telemark, eitt i Fyresdal og eitt i Kviteseid. VTNF vart engasjert i arbeidsgruppa for SIVA satsinga i regionen og vart i tillegg engasjert i å lage søknad for miljøet i Fyresdal. Dette har vore separate prosjekt i 2011. Etter handsaming i SIVA og TFK er resultatet at Kviteseid sin hage er tatt opp i Næringshageprogrammet, medan søknaden frå Fyresdal ikkje kom med i denne runden. Miljøet i Fyresdal er oppmoda om å revidere sin søknad og har fått økonomisk stønad til å gjennomføre dette. Vedtaket om etablering av SIVA Næringshage i Kviteseid er både gledeleg og viktig for den regionale utviklinga i Vest-Telemark, og viser at gode næringsmiljø i regionen skaper grunnlag for utvikling og gjev grunnlag for eksterne utviklingsmidlar. Lean-forum i Vest-Telemark. Prosjektet har i samarbeid med Midt Telemark Næringsutvikling arrangert LEAN game, der 4 verksemder frå Vest-Telemark fekk delta. Kurset vart arrangert 19. januar 2012, og ein vil vurdere ei vidareføring av samarbeidet med mål å etablere eit LEAN forum for produksjonsbedrifter i regionen. Innkjøpssamarbeid/leverandørutvikling. I samarbeid med Telemark Fylkeskommune og Litt Mitt (NorConsult/Hauglid), er ein i ferd med å gjennomføre eit forstudie for å etablere ein innkjøpsportal for regionen. Denne skal i tillegg danne utgangspunkt for tilbydar- og leverandørutvikling. Ein har førebels hatt eit innleiande møte med Direktoratet for forvaltning og IKT (DIFI) som forvaltar DOFFIN. Målet er å etablere eit tilbydar-cluster av verksemder i regionen. Det er også innleia samarbeid med NHO som skal gjennomføre eige leverandørutviklingsprogram i Telemark i 2012.

11 Mål 4 Sikre god infrastruktur i og gjennom Vest-Telemark Vidareutvikle felles strategiar for vegutbygging og skape alliansar for desse. Vest-Telemarkrådet samarbeider med ei rekkje grupperingar når det gjeld infrastruktur: AS Haukelivegen er ein interesseorganisasjon som arbeider for utbygging og standardheving av E 134 og viktige sidegreiner til denne. I styret for selskapet sit representantar frå kommunane langs vegen samt frå 3 av fylkeskommunane. Selskapet spelar ei aktiv rolle i høve til planlegging og påverknad på så vel politisk som administrativt plan. Arbeidsgruppa for E 134/Rv 36 er samansett mellom anna av representantar frå regionane og Telemark fylkeskommune. Gruppa vart danna i 2000 og har som føremål å påverke planlegging og finansiering av konkrete utbyggingsprosjekt på E 134 og Rv 36 i Telemark. Arbeidsgruppa har mellom anna arbeidd aktivt for å få til utbygging av delstrekningar på E 134 og Rv 36 ved hjelp av bompengefinansiering. Rv 41 Telemarksvegen er eit samarbeid mellom dei 6 kommunane langs Rv 4. Viktige arbeidsoppgåverfor gruppa er å legge til rette for Rv 41 som opplevingsveg. I samband med regionreformen har Rv 41 fått riksvegstatus og vil såleis fortsatt vera staten sitt ansvar. Det er nyleg valt ei arbeidsgruppe i vår region som skal organisere tiltak på Rv 41 for å utvikle denne som korridor mot sør og kontinentet. Vest-Telemark Næringsforum er ei næringspolitisk medlemsforeining og ein møteplass for å fremje kompetanse og nettverksbygging mellom dei private verksemdene i Vest-Telemark. Foreininga har i dag omlag 100 medlemmer innan enkeltmannsføretak, verksemder/selskap, rådgjevingsmiljø, forskning, bankar og organisasjonar i Vest-Telemark. Verksemda fungerar som talerøyr for næringslivet i regionen, og har mellom anna engasjert seg i å styrkje samarbeidet i regionen, samferdselsspørsmål, kapitaltilgang m.m. Arbeide for høgfartsbane over Haukeli Jernbaneverket er ferdig med utgreiinga av Høgfartsbane i Noreg. Utgreiinga konluderar med at høgfartsbane er mogleg i Noreg. Utgreiinga som Norsk Bane AS har fått frå Deutsche Bahn slår fast at høgfartsbane over Haukelifjell har større samfunnsnytte enn tidlegare påvist og at denne har best lønsemd av dei alternativa som er utgreidd. Arbeidet med realisering av Høgfartsbane over Haukeli er tiltak 4-4 i Strategisk Næringsplan og målet er at dersom det vert bygd Høgfartsbane i Noreg, skal den fyrste gå over Haukeli. Ein arbeider med å etablere eit Jernbaneforum for Haukelibanen som skal gje eit auka politisk trykk for realisering av Haukelibanen.

Utvikling av regionens breibandstruktur og mobilsamband Det er investert meir enn 30 millionar kroner i breibandutbygging i regionen dei siste åra i form av RDA-midlar og innsats frå dei ulike kraftlaga. I tillegg har ein fått 2,5 millionar kroner i HØYKOM-midlar frå Staten. Desse midlane er no nytta som planlagt og ein er i hovudsak ferdig med arbeidet. Sluttføring av denne fasen i breibandutbygginga skjer samordna i regi av Telemark fylkeskommune. Det har kome ny løyving frå HØYKOM og frå KRD med føresetnad at ein får på plass også den lokale finansieringa. I samarbeid med andre kommunar i Telemark og Telemark fylkeskommune har Vest-Telemark Næringsutvikling AS kartlagt område med dårleg mobildekning. Det viser seg å vera lita kommersiell interesse for slik utbygging, og ein må såleis foreta utbygging delvis ved hjelp av offentlege midlar. 12

Vest-Telemarkrådet Møte i Tinget 19. juni 2012 Sak 06/2012 Val av revisor. Vest-Telemarkrådet har hatt Vest-Telemark kommunerevisjon, seinare Telemark kommunerevisjon IKS som revisjonsselskap i ei årrekkje. Slik også for rekneskapsåret 2011. Revisjonsarbeidet vert utført etter rekning og det ligg ikkje føre spesielle grunnar for å velje annan revisor. Forslag til vedtak. Vest-Telemarkrådet vel Telemark kommunerevisjon IKS som revisor for 2012.

Vest-Telemarkrådet Møte i Tinget 19. juni 2012 Sak 07/2012 Orientering om prosjekta i Strategisk Næringsplan, status for prosjekta, økonomi og vidare arbeid. Strategisk Næringsplan 2011 2014 vart vedteke av Vest-Telemarktinget i møte 29. mars 2011. Til grunn for planen ligg Vest-Telemarkrådets visjon: Vest-Telemark ein levande region, og dei 4 måla: Mål 1 Oppretthalde folketalet og busetnaden i heile Vest-Telemark Mål 2 Sterk regional samkjensle og styrka Vest-Telemarkidentitet Mål 3 Vidareutvikling og nyetablering av verksemder i Vest-Telemark Mål 4 Sikre god infrastruktur i og gjennom Vest-Telemark På møte 19. juni vil Vest-Telemarktinget få ei nærare orientering om status for prosjekta, økonomi og vidare arbeid.

Vest-Telemark STRATEGISK NÆRINGSPLAN 2011 2014 FOR VEST-TELEMARK Vedteke i Vest-Telemarktinget: 29.03.2011

Mandat Til grunn for ny næringsplan ligg Vest-Telemark rådets visjon og fire mål: VISJON: VEST-TELEMARK - EIN LEVANDE REGION Vest-Telemark skal vera ein levande region der opparbeidd identitet og kultur vert vidareført saman med innovasjon og nyskaping. Gjennom samhandling over kommunegrenser skal vi gjere regionen attraktiv for busetnad, arbeid og oppleving. Mål 1 Oppretthalde folketalet og busetnaden i heile Vest-Telemark Mål 2 Sterk regional samkjensle og styrka Vest-Telemarkidentitet Mål 3 Vidareutvikling og nyetablering av verksemder i Vest-Telemark Mål 4 Sikre god infrastruktur i og gjennom Vest-Telemark Målsetting og satsingsområde: Ein vil legge til grunn Vest-Telemark Tinget sin handlingsplan og konsentrere næringsarbeidet i Vest-Telemark om desse fire målsettingane. I oversikta under er det med utgangspunkt i handlingsplanen sine mål sett opp forslag til strategiske satsingsområde. Satsingsområda vil danne grunnlag for utarbeiding av ulike tiltak, eit arbeid som skal sluttførast innan utgangen av 2010. MÅL 1 1. OPPRETTHALDE OG AUKE FOLKETALET OG BUSETNADEN I HEILE VEST-TELEMARK Satsingsområde: Vidareføre arbeidet med utvikling av regionens attraksjonskraft og bulyst. Gjennom samhandling og alliansar gjera Vest- Telemark til ein attraktiv region å bu og arbeide i. Vidareutvikle Vest- Telemark som ein attraktiv arbeidsmarknadsregion. Styrke regionens samla arbeidsmarknad, med synleggjering av moglegheitane i eigen og tilgrensande regionar. Tiltak: Tiltaksnamn Utførar 1-1 BULYST VTNU 1-2 TELEJOBB VTNF 2

MÅL 2 2. STERK REGIONAL SAMKJENSLE OG STYRKA VEST- TELEMARKIDENTITET Satsingsområde: Vidareutvikle samhandling kring marknadsføringstiltak som fremjar kjennskap til regionens kultur og identitet. Stimulere til utvikling av nye offensive informasjonsformer tilpassa prioriterte målgrupper. TTiltak: Tiltak: Utførar: 2-1 DIGITALE FELLESSATSINGAR I VEST-TELEMARK VTNU 2-2 FELLES REISELIVSPROGRAM FOR VEST- TELEMARK Reiselivsansvarlege i kommunane 2-3 VANDREREGIONEN VTNU MÅL 3 3. VIDAREUTVIKLING OG NYETABLERING AV VERKSEMDER I VEST- TELEMARK Satsingsområde: Auke tilgangen på risikokapital og offentlege verkemiddel til regionen Styrke og utvikle rådgjevingsapparatet i Vest-Telemark Tilrettelegging og utvikling av samhandlingstiltak og næringsklynger, med formål å styrke eksisterande næringsliv og stimulere til knoppskyting, nyetablering og innovasjon. Oppretthalde og utvikle kompetansemiljø i regionen. Tiltak: Tiltaksnamn Utførar 3-1 VEST-TELEMARK INVEST AS VTN 3-2 UNG BEDRIFT VTNU 3-3 NÆRINGSCLUSTER - VEST-TELEMARK VTNF/VTNU 3-4 SIVA NÆRINGSHAGE Seljord kommune 3

MÅL 4 4. SIKRE GOD INFRASTRUKTUR I OG GJENNOM VEST- TELEMARK Satsingsområde: Vidareutvikle felles strategiar for vegutbygging og skape alliansar for desse. Synleggjere regionens transport- og infrastrukturbehov gjennom faktaoppbygging og formidling. Arbeide for høgfartsbane over Haukeli Utvikling av regionens breibandsstruktur og mobilsamband. Tiltak: Tiltaksnamn Utførar 4-1 BREIBAND VTNU 4-2 MOBILNETTET VTNU 4-3 VEGEN I VEST-TELEMARK VTNU/VTNF 4-4 HØGFARTSBANE OVER HAUKELI VTNU 4