Kvinnherad kommune MØTEINNKALLING Utval Komite for helse, omsorg, miljø Møtedato Tysdag 01.02.2011 Møtestad Kommunestyresalen, Rådhuset Møtetid 10:00 - Orienteringar og drøfting: Ny lov om folkehelse orientering v/kommunelegen Folkehelsearbeidet i Kvinnherad status v/folkehelsekoordinator Utgreiing Frisklivsentral drøfting av mandat. Sjå vedlegg s.7-8 Legetenesta i Kvinnherad framtidsperspektiv. Funksjonsfordeling innan pleie og omsorg drøfting av mandat. Sjå vedlegg s.9-10 Ny lov om kommunehelselov og sosialtenester høyringsuttale. Sjå vedlegg s.11-16 Nasjonale mål og prioriterte områder 2011. Sjå vedlegg s.17-40 Sandvikfondet grunnlag for tildeling av midlar. Forfall skal meldast til telefon 53 48 31 00 eller e-post: post@kvinnherad.kommune.no Vararepresentantane møter kun etter nærare avtale.
SAKLISTE Saksnr Innhald Side PS 2011/1 Sjølvbyggarprosjekt - Kvinnherad kommune - 2011 3-6
Saksframlegg Kvinnherad kommune Saksmappe Saksbehandlar 2011/222-1 Anne Guri Kildal Saksgang Saksnr Utval Møtedato 2011/1 Komite for helse, omsorg, miljø 01.02.2011 Sjølvbyggarprosjekt - Kvinnherad kommune - 2011 Innstilling frå rådmannen: 1. Komite for helse, omsorg og miljø sluttar seg til forslaget om å etablere ein modell med sjølvbygging av bustader til vanskelegstilte etter mønster frå Melandsmodellen. 2. Komite for helse, omsorg og miljø ber administrasjonen utarbeide prosjektplan der organisering, planlegging, finansiering og gjennomføring vert omtala nærare og lagt fram for endeleg godkjenning i kommunestyret. Saksutgreiing: Trongen for kommunale bustader er aukande. Dette er kartlagt og dokumentert gjennom den bustadsosiale handlingsplanen for Kvinnherad kommune, 2006. Inn under kommunens lovpålagte oppgåver, er det ei rekkje ulike befolkningsgrupper, omsyn og prioriteringar som dekkjast under benevninga vanskelegstilt på bustadmarknaden. Dette prosjektet er meint som eit av fleire tiltak for å betre tilgangen til bustader for vanskelegstilte i kommunen. Kjernepunkt i Melandsmodellen. Inspirasjonen til prosjektet er henta frå Melandsmodellen. Det vert synt til sluttrapporten (som er svært detaljert og ligg på Husbanken sine heimesider). Modellen rettar seg mot å skaffe vanskelegstilte bustad, men ein får med mykje meir på kjøpet. Kjernepunkta i Melandsmodellen: - Ein byggjer menneskje. - Ein byggjer tenester. - Ein byggjer bustader. Alt dette heng saman. Dette er ein trinnvis modell der heilskap og totaltenking omkring brukar står sentralt. Brukaren skal ikkje vera passiv mottakar, men ein aktiv medspelar. Målet er at den vanskelegstilte både kan få arbeidserfaring og arbeid, samstundes som han/ho vert sjølvbyggar til eige/leigd bustad. Dette skjer i ein kontinuerleg prosess mellom brukar og hjelpeapparatet. Kven er målgruppa?
Det kan vera rusavhengige, menneskje som har gjort ferdig soning og står utan bustad, unge med dårleg økonomi, einslege forsørgjarar, menneskje med psykiatriske lidelsar, flyktningar m.fl. Kva bør kommunen gjera? Skal ein lukkast, er desse kjernepunkta vesentlege: Politisk forankring og vilje til handling på høgaste nivå. Avsette aktuelle rehabiliteringsobjekt -/bustader til prosjektet. Klare mål for kva ein vil oppnå med prosjektet. Avsetting av ressursar og politisk prioritering. Konkret gjennomføring av prosjektleiing og prosjektplan. Evne og vilje til nytenking - på alle plan. Administrativ vilje til naudsynt organisering. Vi må finna vår veg og tola feila. Halde vedvarande fokus, visa tolmod og uthaldenhet. Det skal leggjast stor vekt på dokumentasjon under heile prosjektfasen med tanke på både løpande og endeleg vurdering. Husbanken kan gje tilskot (kompetansemidlar) etter søknad for gjennomføring av eit slikt type prosjekt. Vurdering: Melandsmodellen med sjølvbyggjarlaget representerar ein anna måte å tenka og handla på enn den tradisjonelle klient/behandlartradisjonen. Kvinnherad har noko erfaring med tilsvarande prosjekt, oppbygging av Aktivitetshuset- Undarheim gamle skule. Erfaringar frå det prosjektet var svært positive, og viste at brukarane fungerte betre når dei hadde eit tilbod å gå til og var i aktivitet. For å få dette til administrativt, må eit større organisatorisk apparat på plass. Dei ulike tenesteområda som t.d. NAV, TRV, TT, legetenesta, politi m.fl. Fageiningane må arbeida på ein samordna måte, tilpassa brukarane sine behov. Samstundes må det tilførast ressursar. Evalueringa av Melandsmodellen syner at det vart spart store samfunnskostnader med denne metoden. Dette er såleis ei vinn-vinn - sak for alle partar. Kommunen vil faktisk tena inn att innsatsen og få redusert framtidige utgifter. Men viktigast av alt er at brukarane vert gjeve verdigheit og tru på ei framtid der ein kan greia seg sjølv. Målet er altså å gjera brukarane sjølvhjelpen på dei fleste livsarenaer. Dette er ei ambisiøs målsetjing som krev ny tenking, offer, sjølvransaking, løysingorientering og evne og vilje til å endra på tidlegare fastlagte arbeidsformer. Uttale frå Eldrerådet: Vert eventuelt lagt fram på møtet. Uttale frå Rådet for dei funksjonshemma: Vert eventuelt lagt fram på møtet. Økonomisk konsekvens: Vil bli utgreia i hovudprosjektet. side 2 Miljømessig konsekvens: Kvinnherad kommune
For det enkelte individ, stor konsekvens. Kvinnherad kommune side 3