Gloppen kommune Utval Oppvekstutvalet Møtestad Nordstranda skule Dato 15.02.2017 Tid Kl. 08:30-10:45 Møtebok Følgjande medlemar møtte Bernt Reed Hege Lothe Venke Kollbotn Jostein Arne Røyrvik Frå SP SV KRF SP Forfall/møtte ikkje Frå Følgjande varamedlem møtte Frå Gunnvor Sunde SD Anne-Grete Hoddevik SD Svein-Ottar Sandal KRF Harald Jonfinn Aske KRF Jeffrey Elliott Thomas SP Sigrid Kristhin Støyva SP Andre som møtte Per Arne Strand, oppvekstsjef Møteleiar: Bernt Reed Underskrifter: Bernt Reed
Sakliste Sak nr. Sakstittel 001/17 Godkjenning av møteprotokoll, innkalling og sakliste 002/17 Referat og orienteringssaker 003/17 Planprogram for barnehage- og skulebruksplan 004/17 Oppretting av fleire barnehageplassar 005/17 Revisjon av kommunale barnehagevedtekter 006/17 Tilsetting av faste vikarar i helse og omsorg og oppvekst 007/17 Barnehagerute for kommunale barnehagar i Gloppen kommune barnehageåret 2017 2018 008/17 Skulerute for grunnskulane i Gloppen kommune 2017-2018 009/17 Akuttberedskap i barnevernet - samarbeid mellom Eid, Gloppen og Stryn Side 2
Gloppen kommune Arkiv: FE - 033 JournalpostID: 17/2495 Saksbehandlar: Jan Kåre Fure Saksnr. Utval Møtedato 001/17 Oppvekstutvalet 15.02.2017 Godkjenning av møteprotokoll, innkalling og sakliste Utvalsleiar si tilråding: 1. Oppvekstutvalet godkjenner møteprotokollen frå sitt møte den 19. desember 2016 2. Oppvekstutvalet godkjenner innkallinga og saklista til møtet den 15. februar 2016. Møteprotokollen frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. Oppvekstutvalet 15.02.2017 Behandling 001/17 Vedtak 1. Oppvekstutvalet godkjenner møteprotokollen frå sitt møte den 19. desember 2016 2. Oppvekstutvalet godkjenner innkallinga og saklista til møtet den 15. februar 2016. Vedtaket var samrøystes. Side 3
Gloppen kommune Arkiv: FE - 033 JournalpostID: 17/2496 Saksbehandlar: Jan Kåre Fure Saksnr. Utval Møtedato 002/17 Oppvekstutvalet 15.02.2017 Referat og orienteringssaker Rådmannen legg ikkje fram tilråding i saka. Referatsaker Avsendar/mottakar Foreldregruppa 6. klasse Sandane skule Tittel Krav om auka pedagogressurs i 6. klasse Orienteringssaker: Kort om status for arbeidet med "ny" Hyen skule Ordet fritt... Oppvekstutvalet 15.02.2017 Behandling Oppvekstsjefen orienterte om: Eksamensretta grunnskuleklasse i 2017/18 i samarbeid med Firda vgs. Søknad om midlar til "Grøn skule" i samarbeid med Firda vgs. Møte om barn og unge med nedsett funksjonsevne - brukarmedverknad i fase to av planen Evaluering av tverrsektorielt team - kjem som sak på april-møtet. Under ordet fritt... - Viktig å få med referat frå møta i samarbeidutvala som referatsaker. 002/17 Vedtak Det vart ikkje gjort vedtak i saka. Side 4
Gloppen kommune Arkiv: FA - A00, HIST - 15/1529 JournalpostID: 17/2093 Saksbehandlar: Åslaug Haugset Saksnr. Utval Møtedato 007/17 Rådet for menneske med nedsett funksjonsevne 13.02.2017 003/17 Oppvekstutvalet 15.02.2017 Planprogram for barnehage- og skulebruksplan Vedlegg i saka: 02.02.2017 Planprg barnehage- og skulebruksplan etter høyring Kort samandrag av saka Planprogrammet for «Barnehage- og skulebruksplan 2017-2030» vart lagt ut på høyring av oppvekstutvalet 19.12.16 med høyringsfrist 23.01.17. Det har kome inn ei høyringsuttale frå utdanningsforbundet, og den er tenke omsyn til i den utgåva av planprogrammet som vert lagt fram no. I tillegg er det gjort endringar som løfter barnehagane sin plass i planen, og framdriftsplanen er oppdatert. Rådmannen si tilråding Oppvekstutvalet vedtek rådmann sitt framlegg til planprogram for «Barnehage- og skulebruksplan 2017-2030» Saksutgreiing Bakgrunn for saka Oppvekstutvalet gjorde 10.11.15 vedtak om å setje i gang arbeidet med ein barnehage- og skulebruksplan. I «Kommunal planstrategi 2016-2020» som vart vedteken av kommunestyret 26.09.16 er denne planen definert som ein kommunedelplan. Etter plan- og bygningslova skal det då vedtakast eit planprogram. Dette har vore ute på høyring og skal no slutthandsamast. Fakta i saka Planprogrammet inneheld føremål med planen, organiseringa av planprosessen, opplegg for medverknad og ein framdriftsplan. Høyringsuttala frå Utdanningsforbundet gjekk på at dei tilsette bør få høve å medverke i planen gjennom fagorganisasjonane og ikkje berre gjennom rektorane og styrarane. Som svar på dette ligg det no inn eit punkt om medverknad frå tilsette i kap. 5.3. og i framdriftsplanen. Framtidsverkstadene i framdriftsplanen kjem litt seinare enn det som var skissert i høyringsutkastet, men dette påverkar ikkje kva tid høyringsutkastet til planen skal handsamast. I kap 4 er måla omskrive slik at fleire av dei no omfattar barnehagane, og ikkje berre skulane. Økonomiske konsekvensar for kommunen Planprogrammet har ingen økonomiske konsekvensar utover ressursbruk knytt til arbeidstida til dei tilsette som er involvert i planarbeidet. Rådmannen si vurdering Etter rådmannen sitt syn oppfyller planprogrammet forventingane i plan- og bygningslova, og det er realistisk å gjennomføre planprosessen i høve den justerte framdriftsplanen. Side 5
Rådet for menneske med nedsett funksjonsevne 13.02.2017 Behandling 007/17 Vedtak Rådet for menneske med nedsett funksjonsevne tar saka til orientering. Vedtaket var samrøystes. Oppvekstutvalet 15.02.2017 Behandling 003/17 Vedtak Oppvekstutvalet vedtek rådmann sitt framlegg til planprogram for «Barnehage- og skulebruksplan 2017-2030». Vedtaket var samrøystes. Side 6
Gloppen kommune Arkiv: JournalpostID: 17/2383 Saksbehandlar: Per Arne Strand Saksnr. Utval Møtedato 004/17 Oppvekstutvalet 15.02.2017 Oppretting av fleire barnehageplassar Kort samandrag av saka Alle barnehagane i Gloppen har pr. no ingen ledige barnehageplassar. Det har vore ein viss pågang etter barnehageplassar både i høve tilflytting frå etnisk norske og i samband med busetjing av flyktningar. Spørsmålet er om kommunen skal søkje å etablere fleire barnehageplassar. Det vil ha både praktiske og økonomiske konsekvensar. Rådmannen si tilråding Oppvekstutvalet vil ikkje opprette fleire barnehageplassar før nytt barnehageår. Rådmannen får fullmakt til å gjere avtale med enkeltbarnehagar som kan få ledig kapasitet for å plassere flyktningbarn som det er knytt uro til for våren 2017. Oppvekstutvalet gjev rådmannen fullmakt til å gje dispensasjon for godkjende plassar i barnehagar barnehageåret 17/18 for å gje eit best mogeleg inntak. Saksutgreiing Bakgrunn for saka Gloppen buset flyktningar og har gjort det over fleire år. Måltalet for inneverande år er å busetje 30 flyktningar. Saman med familiegjenforeining vil det truleg bety busetjing av 40-50 personar. Av dei er det ofte fleire barn. Gloppen kommune har eit hovudopptak og eit suppleringsopptak i året. Elles tek vi inn barn etter kvart som det vert søkt, så sant vi har ledige plassar. Ei regel er og at vi ikkje tilbyr barnehageplass til barn som er under eit år, det vert i nokre tilfelle fråvike. Etter suppleringsinntaket ved nyttår er det ikkje ledige barnehageplassar i nokon av barnehagane i Gloppen. Fakta i saka Vi har no 3 flyktningbarn som treng barnehageplass. Ein av desse skal byrje på skulen og i den samanheng er det viktig å kunne byrje i barnehagen slik at sosialisering og vennskap kan byggast før skulestarten. Dei to andre er anbefalt frå IMDI og helsevesen at dei får byrje i barnehage av ulike årsaker. Det er i tillegg venta to flyktningbarn til i februar/mars. Kva som skjer vidare utover våren veit vi ikkje no, men det kan kome fleire. Vi har i tillegg 10 barn som det er søkt ordinær plass til som ynskjer å byrje i barnehage i løpet av våren. Skal det opprettast fleire barnehageplassar i Gloppen no må det skje ved at dei private barnehagane får dispensasjon frå godkjent barnetal og får tilsett kvalifisert personell. Det gjeld og Mona barnehage, der ei avdeling står ledig, men det må tilsetjast personell. Dei fleste barnehagane har tilgjengeleg godkjent areal, men manglar personell. Eit anna moment er at det frå hausten av vil vere ledige barnehageplassar tilgjengeleg utifrå prognoser på fødselstal i 2016 og barn som skal over i skulen. Gitt tilflytting og busetjing på linje med Side 7
dei siste åra. Økonomiske konsekvensar for kommunen Ein barnehageplass i privat barnehage kostar kommunen: For Mona barnehage vil kostnaden med å opne ei avdeling vere betydeleg høgare. Rådmannen si vurdering Gloppen ynskjer å vere ein tilflyttarkommune. I den samanheng vil det å ha barnehageplassar tilgjengeleg vere ei føremon. Det vil og alltid vere slik at det kjem barn flyttande til ein kommune som Gloppen utanom barnehageopptaka. Spørsmålet då vert om vi som kommune alltid skal ha ståande ledige barnehageplassar slik at vi kan fange opp slike svingingar. Det vil koste både i form av bemanning og lokaler, alternativt driftstilskot til dei private barnehagane. For flyktningar som kjem til Gloppen vil barnehageplass vere viktig for å kome raskt i gang med introduksjonsprogrammet og norskopplæring. For barna vil det bety mykje i forhold til språkutvikling, sosialisering og intergrering. Skal vi opprette fleire barnehageplassar no vil dei med all sansynlegheit vere midlertidige på bakgrunn av prognosar av fødselstal og avgang frå barnehagane som gjev tilstrekkeleg tal plassar frå hausten av. Det gjev utfordringar i å kunne rekruttere kvalifisert personell for ein midlertidig periode. Nygård barnehage AS ynskjer å bidra, men treng då å få utvida plasstalet sitt med 3 småbarn helst på permanent basis. Bakkelidgrenda barnehage vil få to plassar ledig frå Mai månad og har pr no både bemanning og areal til å kunne ta inn eit eller to barn ekstra om ein får dispensasjon. Rådmann meiner at vi ikkje skal opprette fleire plassar no før nytt barnehageår. Det vil koste litt som ikkje er budsjettert og vil vere av midlertidig art, utan at vi har garantiar for at barnehagane får tilsett kvalifisert personell. Det vil heller ikkje vere rett å prioritere flyktningbarn framfor andre barn som ikkje får barnehageplass før nytt barnehageår Det rådmann vil prøve å få til i høve flyktningbarn er ei avtale i høve Bakkelidgrenda sin ledige kapasitet frå mai, evt med dispensasjon for ein periode fram til mai. Andre midlertidige løysingar kan vere plass i ein barnehage Søknadsfrist for barnehageåret 17/18 er 1. mars. Kommunen skal ha opptaksmøte 6. mars og vil då ha god oversikt over situasjonen for komande barnehageår. Skulle opptaket syne behov for å gje dispensasjon frå godkjenninga til barnehagane vil oppvekstsjefen ha fullmakt med oppvekstutvalet til å kunne gjere det i samband med opptaket. Då vil vi kunne finne gode løysingar der og då og ikkje måtte vente på neste møte i oppvekstutvalet før vi kan gje svar på barnehageinntaket. Oppvekstutvalet vil bli orientert om opptaket og eventuelle økonomiske konsekvensar i neste møte. Oppvekstutvalet 15.02.2017 Behandling Framlegg frå Venke Kollbotn (Krf): Siste setning i rådmannen i tilråding går ut. Side 8
Framlegget vart samrøystes vedteke. 004/17 Vedtak Oppvekstutvalet vil ikkje opprette fleire barnehageplassar før nytt barnehageår. Rådmannen får fullmakt til å gjere avtale med enkeltbarnehagar som kan få ledig kapasitet for å plassere flyktningbarn som det er knytt uro til for våren 2017. Vedtaket var samrøystes. Side 9
Gloppen kommune Arkiv: JournalpostID: 17/2396 Saksbehandlar: Per Arne Strand Saksnr. Utval Møtedato 005/17 Oppvekstutvalet 15.02.2017 Revisjon av kommunale barnehagevedtekter Kort samandrag av saka I oppvekstutvalet sitt møte 13.04.16 vart det i sak 12/16 orientering etter barnehageopptaket våren 2016 og for oppstart august 16 gjort slikt vedtak: «Oppvekstutvalet tek opplysningane i saka til orientering og ber om at det vert sett i gang revisjon av dei kommunale barnehagevedtektene.» Bakgrunnen er utfordringar knytt til plassering og fordeling av flyktningbarn i barnehagane. Rådmannen si tilråding Oppvekstutvalet tek saka til orientering og endrar ikkje dei kommunale vedtektene, men oppmodar barnehagane om å sjå kva ein kan få til i opptaket for komande barnehageår. Gloppen kommune oppmodar dei private barnehagane til å prioritere flyktningbarn i sine vedtekter og ved opptak. Saksutgreiing Bakgrunn for saka Gloppen har dei seinare åra tek i mot og busett mange flyktningar med barn i tillegg til at vi har ei viss arbeidsinnvandringa som gjev minoritetsspråklege barn i barnehagane. Busetjinga har vore prioritert i Sandane området. Som følgje av det har dei aller fleste barna byrja i Mona barnehage som pr i dag har ca 36 % barn med minoritetsspråkleg bakgrunn. Av ca. 290 barn i barnehagane er det kring 35 barn som har minoritetsspråkleg bakgrunn. Det har vore ei utfordring å få spreidd barna på dei ulike barnehagane. Fakta i saka «I paragraf 3-1, om samordna opptak, i Gloppen kommune sine vedtekter, les vi: Alle godkjende barnehagar i Gloppen samarbeider om opptaket. Brukarane sine behov og ønskjer skal tilleggast stor vekt, men opptaket skal likevel styrast på ein slik måte at den samla barnehagekapasiteten i kommunen blir utnytta så godt som råd. Dei ikkje-kommunale barnehagane har eigne opptakskriterium som regulerer opptaket. Desse kjem fram av den enkelte barnehage sine vedtekter. Vidare er prioriteringane for opptak regulert slik i 3-3 for dei kommunale barnehagane: 3-3 Vilkår for opptak I den grad det må gjerast prioriteringar ved inntaket, skal dei gjennomførast slik: 1. Barn med nedsett funksjonsevne eller med vedtak etter barnevernslova, jf. 13 i barnehagelova 2. Barn med særlege behov for barnehageplass grunna sosiale, helsemessige eller andre spesielle forhold i heimen Side 10
3. Barn som er adoptert frå utlandet, og barn frå familiar der begge foreldra er tospråklege/framandspråklege 4. Barn som har plass i den aktuelle barnehagen og som ønskjer auka plass. Barn som fell utanom desse kriteria, skal takst inn etter alder, der dei eldste blir prioritert først. Når eit barn har fått barnehageplass, skal det prioriterast inn i same barnehage som søsken. Ved opptak skal tvillingar, trillingar o.s.v. behandlast likt (som ein søkjar). Foreldre/føresette som søkjer barnehageplass med tildeling etter spesielle kriterium, må dokumentere behovet med uttale frå lege, PP-tenesta, helsestasjonen, NAV, e.l. Dei private barnehagane sine vedtekter seier dette om prioriteringane som er i den einskilde barnehage: Nordstranda barnehage 5 Opptakskriteriar. Dersom det vert større søknad enn barnehagen har plassar til, skal det tildelast plass etter følgjande prioriteringar: 1. Auke plass for dei med redusert plass i barnehagen. 2. Barn med nedsett funksjonsevne jmf barnehagelova 13. 3. Barn som det er fatta vedtak om etter lov om barneverntjenester 4-12 og 4-4 4. Sysken til barn i barnehagen. 5. Utover dette får styret fullmakt til å prioritere ut frå kva som er mest hensiktsmessig for barnehagen sin heilskap. Rygg barnehage SA 9. OPPTAK AV BARN Opptak av barn skjer gjennom samordna opptak i Gloppen Kommune. Søknadsfrist er felles for alle barnehagane, 1. mars. Styrar lager innstillinga til opptak, opptaket blir godkjent av styret. Det kan bli tatt løpande opptak av barn ved ledige plasser gjennom året, men dette blir gjort i samråd med Gloppen Kommune. Ved tideling av plass skal det leggast vekt på disse kriterier: Barn med fortrinnsrett etter barnehagelovens 13. Søsken av barn som allereie har plass. Barn av einslege forsørgjer. Barn med minoritetsspråkleg bakgrunn. Barn med tilknyting til barnehagen gjennom nærmiljøet. Der hensynet til samansetninga av gruppa etter alder og kjønn teller inn, kan nemnde prinsipp blir fråvike. Austrheim barnehage 3. Søkjarar til ledige plassar søkjer via Gloppen Kommune sine heimesider. 3.1.Styret avgjer korleis ledige plassar skal fyllast og lysast ut. Alle som har plass i SAB skal skriftleg ha avtalefesta storleiken på plassen. 3.2.Når ein har fått plass i SAB, har ein rett på plassen fram til skulepliktig alder. 3.3.Avtale om plass skal gjevast av styret, eller av den som styret gjev fullmakt. 3.4.Er det fleire søkjarar enn ledige plassar, ser vi på alderen på barna. Dei eldste får plass fyrst. Ved lik prioritet vert det nytta loddtrekning. 3.5 Fyrsterett til plass har barn som kjem inn under 13 i barnehagelova. Barn som har redusert plass, har førerett til auka plass framfor nye søkjarar. Deretter har barn av tilsette og sysken av barn med Side 11
avtalefesta plass førerett til ledige plassar. Føreretten til sysken gjeld etter barn av tilsette sin førerett. Til slutt har barn frå Nordstranda krins som skal gå siste år før skulestart førerett til plass. Føreretten er avgrensa til ledige plassar på aktuell avdeling. Bakkelidgrenda barnehage Opptakskriterie I den grad det må gjerast prioriteringar ved inntaket, skal dei gjennomførast slik: 1. Barn som allereie har plass i barnehagen og som ønskjer å auke opp plassen sin 2. Syskjen til dei som allereie har plass. 3. Barn til personale i barnehagen. 4. Tidlegare brukarar av barnehagen har prioritet når dei søkjer in nye born. Barnegruppa si samansetting med omsyn til alder / kjønn blir teke med i vurderinga. Nygård barnehage AS Opptakskriterier Det er felles barnehageopptak i Gloppen kommune og alle søkjarar søkjer barnehage via Gloppen kommune sitt søknadsskjema. Foreldre som har plass i Nygård barnehage AS og som ynskjer auka plass har prioritet. Så sant det er praktisk mogeleg, ksla barn som har syskjen som alt går i barnehagen, få plass i den same barnehagen. Nye kriterier frå okt 2012, bestemt i samarbeids utvalet for Nygård barnehage: Tidlegare brukarar av barnehagen har prioritet når dei søkjer inn nye born. Personalet sine barn har prioritet. Økonomiske konsekvensar for kommunen Endring av vedtektene har ikkje noko direkte økonomisk konsekvens for kommunen. Indirekte konsekvensar her kan vere skyssutgifter ved plassering av barn i andre barnehagar enn der dei kan gå til, eller auka utgifter til busetjing av flyktningar utanom Sandane området. Rådmannen si vurdering Som det vart stilt spørsmål ved i sak 12/16 så handlar dette om kommunen kan prioritere plassering av flyktningbarn framfor prioriteringane i dei private barnehagane sine vedtekter på bakgrunn av formuleringa i dei kommunale vedtektene 3-1 «opptaket likevel skal styrast på ein slik måte at den samla barnehagekapasiteten i kommunen blir utnytta så godt som råd» gjev god nok heimel for å kunne prioritere plassering av flyktningbarn framfor prioriteringane i dei private barnehagane sine vedtekter. Bør vi vurdere om plassering av flyktningbarn kan kome inn som eit overordna prinsipp som går føre dei enkelte barnehagane sine vedtekter om inntak. Ei problemstilling aktualiserer dette, og ho dukkar opp att ofte, - flyktningane disponerer ikkje bil. Barna deira bør difor, om mogeleg, få plass i ein barnehage som ligg i gangavstand til der dei bur. Det handlar med andre ord i stor grad om kvar vi i Gloppen buset våre flyktningar. Får vi spreidd busetnad vil vi og få større mogelegheit til å fordele barna på fleire barnehagar. Det er i større grad kvar vi buset flyktningane våre enn vedtektene i barnehagane som set grenser for å få fordelt flyktningbarn på fleire barnehagar. Eller i barnehageplan samanheng, kvar har vi barnehagane våre plassert. I dag har vi f.eks ca 75 barnehageplassar på Vereide, noko som for dei aller fleste utløyser skyss med bil. Viljen til dei private barnehagane vert av oppvekstsjefen opplev som stor til å ta imot flyktningbarn. Det er og viktig at alle barn i Gloppen skal få mogelegheit til å forhalde seg til andre etnisitetar i barnehagedagen sin. Det vil vere ein ressurs for alle å kunne få erfaringar med minoritetsspråklege i ei verd der det er etnisk og kulturelt mangfald og ikkje berre møte det seinare på skule og kanskje ikkje før ungdomsskule. Det vil vere med å lette integreringa i Gloppen. Side 12
Oppvekstsjefen meiner at vi som kommune ikkje kan pålegge dei private barnehagane å ta inn barn som går utover barnehagen sine eigne prioriteringar. Utdanningsdirektoratet har i ein tolkingsuttale frå 13.04.2015 sagt: «Kommunen kan ikkje pålegge barnehagen andre prioriteringer enn det som følgjer av barnehagelovens 13». 13 seier noko om at barn med nedsett funksjonsevne og barn som det er fatta vedtak om etter barnevernsloven har rett till prioritet ved opptak i barnehage. Det vi kanskje må sjå på er om det er mogeleg å få til skyssordningar som kan stette noko av denne utfordringa. Det vil igjen skape nokre utfordingar med å skulle få til gode overgangar mot skule og verte kjende med dei ein skal gå på skule saman med. Rådmann vil difor ikkje tilrå at vi endrar dei kommunale vedtektene no, men vil kome tilbake til nokre av vurderingane i samband med barnehage- og skulebruksplan. Oppvekstutvalet 15.02.2017 Behandling 005/17 Vedtak Oppvekstutvalet tek saka til orientering og endrar ikkje dei kommunale vedtektene, men oppmodar barnehagane om å sjå kva ein kan få til i opptaket for komande barnehageår. Gloppen kommune oppmodar dei private barnehagane til å prioritere flyktningbarn i sine vedtekter og ved opptak. Vedtaket var samrøystes. Side 13
Gloppen kommune Arkiv: JournalpostID: 17/2399 Saksbehandlar: Rita Arlen Lilletvedt Saksnr. Utval Møtedato 008/17 Helse- og omsorgsutvalet 15.02.2017 006/17 Oppvekstutvalet 15.02.2017 003/17 Administrasjonsutvalet 16.02.2017 Kommunestyret Tilsetting av faste vikarar i helse og omsorg og oppvekst Kort samandrag av saka Rådmannen si tilråding Kommunestyret viser til rådmannen si saksutgreiing og godkjenner etablering av ordning med faste vikarar innanfor faggruppene som er omtala i saka. Saksutgreiing Bakgrunn for saka Innan helse og omsorg vart det i 2015 vedteke å starte eit prosjekt med tilsetting av 3 faste sjukepleievikarar i heimetenestene Sandane, Breim og Hyen. Bakgrunn for prosjektet var å sikre stabilitet, kontinuitet og fagleg kompetanse i einingane. Det var også eit viktig tiltak for å lette arbeidspress, redusere sjukefråvær og gjere det enklare for dei tilsette å stå lengre i stillingane sine. Stillingane vart finansiert ved omdisponering av vikarbudsjettet. Det er no eit ynskje om å få etablere ei tilsvarande ordning for helsefagarbeidarar, barne- og ungdomsarbeidarar, lærarar og barnehagelærarar, samt sjukepleiarar i andre einingar som ikkje var med i prosjektet. Fakta i saka Kommunen har eit kontinuerlig behov for vikarar innanfor dei store faggruppene som er nemnde innleiingsvis. Samtidig er det vanskeleg å få rekruttert inn personar med rett fagkompetanse til vikarstillingar då det generelt er kamp om arbeidskrafta inanfor desse faggruppene og også fordi det gjerne oppstår eit akutt behov som krev tilsetting straks. Vi må då ofte tilsette ufaglært arbeidskraft i desse mellombelse vikarstillingane. Vikariata blir gjerne forlenga, og det dukkar opp andre akutte vikariat som den mellombels tilsette går inn i. Dette får etter kvart konsekvensar i form av krav om fast tilsetting. Regelverket med omsyn til krav om fast stilling er innskjerpa, slik at tidlegare 4-års regel no i praksis er blitt ein 3-års regel. Dette betyr at dei fleste mellombels tilsette i kommunen har krav på fast tilsetting etter 3 år. I tillegg til krav etter 3- og 4-årsreglane har kommunen også fått mange krav om auka fast stilling tilsvarande faktisk arbeidstid dei siste 12 månadene etter nye reglear i arbeidsmiljølova. Med bakgrunn i desse regelane er det mange ufaglærte som får fast tilsetting og går inn i stillingar der det i utgangspunktet er krav om fagkompetanse. Akutte kortsiktige bemanningsbehov i samband med fråvær vil også i stor grad medføre meirarbeid, overtid og forskyvd arbeidstid for faste tilsette. Dette gir ein belastande og uforutsigbar arbeidssituasjon som har konsekvensar for både sjukefråvær, moglegheit for forlenga yrkesaktivitet og for arbeidsmiljøet generelt. Side 14
Oversikt over kostnadar til vikarbruk 2016: Som det framgår av tabellen er det eit betydeleg omfang av vikarbruk i einingane det her er snakk om, og det vil såleis vere liten risiko med å tilsette nokre faste vikarar som kan brukast på tvers av einingane. Økonomiske konsekvensar for kommunen Faste vikarstillingar vil bli finansiert gjennom omdisponering av vikarbudsjetta, slik at det totalt sett ikkje skal medføre ekstra kostnader for kommunen. Rådmannen si vurdering Tilbakemeldingane frå prosjektet i helse og omsorg har vore udelt positive. Leiarane har fått ein betydeleg betre kvardag, det har vorte mindre belastning på andre faste tilsette, det har sikra tilstrekkeleg fagleg kompetanse og det har også gitt betre kvalitet og kontinuitet for brukarane. Prosjektet har ikkje medført auka kostnader totalt sett for kommunen. Med å etablere ei tilsvarande ordning også for nemnde faggrupper vil vi i større grad sikre tilsetting av riktig fagleg kompetanse sidan vi då kan lyse ut faste stillingar. Vi vil også ha betre kontroll med stillingsheimlane og kven som blir tilsett i faste stillingar. Slik regelverket er no vil mellombels tilsette som går utover fristane i regelverket vere å sjå på som fast tilsette. Med bakgrunn i erfaringane som er gjort i prosektet i helse og omsorg tilråd rådmannen å etablere ei tilsvarande ordnining for faggruppene som er omtala i saka. Oppvekstutvalet 15.02.2017 Behandling Framlegg frå Venke Kollbotn (Krf): Tillegg til rådmannen si tilråding: Kommunestyret skal godkjenne talet på vikarstillingar innan dei enkelte stillingskategoriane. Framlegget var vedteke med fire røyster. 006/17 Vedtak Oppvekstutvalet er samd i tilrådinga, med slikt tillegg: Kommunestyret skal godkjenne talet på vikarstillingar innan dei enkelte stillingskategoriane. Tilegget vart vedteke med fire røyster. Side 15
Gloppen kommune Arkiv: JournalpostID: 17/2388 Saksbehandlar: Per Arne Strand Saksnr. Utval Møtedato 007/17 Oppvekstutvalet 15.02.2017 Barnehagerute for kommunale barnehagar i Gloppen kommune barnehageåret 2017 2018 Kort samandrag av saka Oppvekstutvalet vedtek årleg barnehagerute for komande barnehageår. Mønsteret ligg forholdsvis fast, men nokre forhold vil vere aktuelle for vurdering. Rådmannen si tilråding Oppvekstutvalet vedtek at barnehageruta for dei kommunale barnehagane vert slik for barnehageåret 2017 2018: Tysdag 15. august 2017 Måndag 9. oktober 2017 Tysdag 10. oktober 2017 Fredag 26. januar 2018 Fredag 11. mai 2018 Kommunale barnehagar er feriestengde i vekene 29 og 30 i 2018. Hyen skule og barnehage held i tillegg stengt i veke 31. Oppvekstutvalet oppmodar dei private barnehagane til i størst mogeleg grad å følgje same barnehageruta som dei kommunale barnehagane. Saksutgreiing Bakgrunn for saka Vedtektene til dei kommunale barnehagane i kommunen fastset at dei kan halde stengt 5 dagar i året for å avvikle kurs- og planleggingsdagar. Oppvekstutvalet har tidlegare vedteke at dei kommunale barnehagane skal vere stengde i 2 veker i ferien. Det skaper minst uro dersom dei to vekene er felles for alle barnehagane. Fakta i saka Rådmannen har etter drøftingar med barnehagane følgjande framlegg til planleggingsdagar då dei kommunale barnehagane er stengde barnehageåret 2017 2018. Dette vil og gjelde dei private barnehagane. Tysdag 15. august 2017 Måndag 9. oktober 2017 Tysdag 10. oktober 2017 Fredag 26. januar 2018 Fredag 11. mai 2018 Felles feriestenging vil vere i veke 29 og 30. Side 16
Økonomiske konsekvensar for kommunen Ingen. Rådmannen si vurdering Framlegget som er kome i stand etter drøftingar mellom alle barnehagane i Gloppen er langt på veg i tråd med tidlegare tradisjon. 15. august er første dag i nytt barnehage år og høver godt til planlegging og førebuing. Skulane startar med sin første dag 21. august så det er ingen kollisjon her. 9. og 10 oktober er dei to første dagane i haustferien og er i tråd med tidlegare år. 26. januar er litt seinare enn det som har vore vanleg. Den er lagt til ein fredag for å variere litt kva vekedag som vert nytta til planlegging. Fredag 11. mai er ein inneklemd fredag etter Kristi Himmelfartsdag, ein dag der mange barn likevel er vekke frå barnehagen. Avvikling av felles feriestenging i barnehagane er det blitt tradisjon på at vert lagt til dei to siste vekene i juli. Det gjev det lettare å planlegge. Det er i veke 29 og 30. Oppvekstutvalet 15.02.2017 Behandling 007/17 Vedtak Oppvekstutvalet vedtek at barnehageruta for dei kommunale barnehagane vert slik for barnehageåret 2017 2018: Tysdag 15. august 2017 Måndag 9. oktober 2017 Tysdag 10. oktober 2017 Fredag 26. januar 2018 Fredag 11. mai 2018 Kommunale barnehagar er feriestengde i vekene 29 og 30 i 2018. Hyen skule og barnehage held i tillegg stengt i veke 31. Oppvekstutvalet oppmodar dei private barnehagane til i størst mogeleg grad å følgje same barnehageruta som dei kommunale barnehagane. Vedtaket var samrøystes. Side 17
Gloppen kommune Arkiv: FA - B06, HIST - 16/1032 JournalpostID: 17/2392 Saksbehandlar: Per Arne Strand Saksnr. Utval Møtedato 008/17 Oppvekstutvalet 15.02.2017 Skulerute for grunnskulane i Gloppen kommune 2017-2018 Vedlegg i saka: 08.02.2017 Samordna skulerute SFj 2017-2018 vedtak 25 august 2016 Kort samandrag av saka Kommunen skal vedta skulerute for grunnskulen i Gloppen kommune for skuleåret 2017 2018. Skuleruta byggjer på framlegg frå skuleutvalet i Sogn og fjordane. Rådmannen si tilråding Med heimel i opplæringslova 2-2 vedtek oppvekstutvalet forskrift om skulerute for grunnskulen i Gloppen kommune skuleåret 2017 2018. Forskrifta er i samsvar med samordna framlegg frå skuleutvalet i Sogn og Fjordane med fyrste skuledag måndag 21. august 2017 og siste skuledag fredag 22. juni 2018. Skulane har høve til lokale tilpassingar til skuleruta under føresetnad av at dette ikkje fører til auka utgifter for kommunen. Saksutgreiing Bakgrunn for saka Skuleutvalet i Sogn og Fjordane har sendt ut samordna framlegg til skulerute for 2017-2018. Framlegget er samordna med fylkeskommunen og vidaregåande skule sine ynskje. Fakta i saka Vedtak om skuleruta er formelt ei forskrift, og skal følgje kravet til sakshandsaming for forskrifter og soleis vere i samsvar med forvaltingslova 37 og 38. Rådmann har sendt ut framlegget til skulerute identisk med til skulane. Det har ikkje kome merknader til framlegget. Første skuledag er måndag 21. august og siste skuledag er fredag 22. juni. Økonomiske konsekvensar for kommunen Endringar i framlegget vil ut ifrå gjeldande praksis påføre kommunen meirkostander til skuleskyss. Rådmannen si vurdering Det er etter opplæringslova med forskrifter kommunen som vedtek forskrift for organisering av skuleruta og dermed skuleåret for grunnskulen. I ein kommune som Gloppen der ein stor del av elevane har skuleskyss er det i praksis vanskeleg å endre på skuleruta utan at det får store økonomiske konsekvensar for kommunen. Det vil og vere vanskeleg å få til samarbeid på tvers av skulane og mellom dei ulike kommunane. Side 18
Det er slik rådmannen ser det lite som talar for å skulle endre på den framlagde skuleruta. Det må likevel vere rom for lokal tilpassingar for den einskilde skule så lenge det ikkje fører til meirkostnad for kommunen. Med det som bakgrunn fremjar rådmannen vedlagde framlegg til skulerute for grunnskulen i Gloppen kommune 2017-2018. Oppvekstutvalet 15.02.2017 Behandling 008/17 Vedtak Med heimel i opplæringslova 2-2 vedtek oppvekstutvalet forskrift om skulerute for grunnskulen i Gloppen kommune skuleåret 2017 2018. Forskrifta er i samsvar med samordna framlegg frå skuleutvalet i Sogn og Fjordane med fyrste skuledag måndag 21. august 2017 og siste skuledag fredag 22. juni 2018. Skulane har høve til lokale tilpassingar til skuleruta under føresetnad av at dette ikkje fører til auka utgifter for kommunen. Vedtaket var samrøystes. Side 19
Gloppen kommune Arkiv: FE - 026, HIST - 16/772 JournalpostID: 17/2394 Saksbehandlar: Per Arne Strand Saksnr. Utval Møtedato 009/17 Oppvekstutvalet 15.02.2017 Kommunestyret 005/17 Administrasjonsutvalet 16.02.2017 Akuttberedskap i barnevernet - samarbeid mellom Eid, Gloppen og Stryn Kort samandrag av saka Saka omhandlar kravet som er kome til kommunane om å ein tilfredstillande akuttberedskap i barnevernet utanom kontortid. I den samanheng har kommunane Eid, Stryn og Gloppen gått saman og laga eit framlegg til løysing. Rådmannen si tilråding 1. Gloppen kommune inngår ein avtale med Eid og og Stryn om felles beredskapsvakt i barnevernet i tråd med saksframstillinga 2. Eid kommune blir vertskommune for ordninga 3. Iverksetting bør skje snarast råd ettersom vaktberedskap allereie er eit vilkår for å innfri kravet i lov om barneverntenester om eit forsvarleg barnevern 4. Samarbeidet skal takast opp til ny vurdering dersom kommunereforma gjer at ein av kommunane slår seg saman med andre 5. Det skal inngåast ein skriftleg samarbeidsavtale mellom kommunane om organisering av tiltaket. Oppvekstutvalet får fullmakt til å godkjenne avtalen for Gloppen sin del 6. Den interkommunale beredskapsordninga skal evaluerast innan utgangen av kvart kalenderår og har ei gjensidig oppseiingstid på 12 månader. Saksutgreiing Bakgrunn for saka Barne-, ungdoms- og familiedirektoratet (Bufdir) har i brev til kommunane, 11.06.16, klargjort at kommunane skal ha ei formell organisering av barnevernet som sikrar ei forsvarleg teneste også utanom kontortid. Sentrale krav er tilgjenge og rett kompetanse. I tillegg har Bufdir følgjande formulering som seier noko om kravet til tilgjenge: «En bakvaktsordning må være formalisert slik at noen har ansvar for å bidra med barnevernstjenestens kompetanse, og samarbeide med andre hjelpeinstanser dersom det oppstår en alvorlig situasjon utenfor kontortid. En ordning som baserer seg på at barnevernsledere eller ansatte i varierende grad kan kontaktes på private telefonnummer i krisesituasjoner er ikke en forsvarlig organisering av barnevernstjenestens akuttberedskap.» Krav om døgnkontinuerleg tilgjengeleg barnevern er òg føreslege teke direkte inn i lovteksten i forslag til ny barnevernslov. Forslaget innebær òg at påtalemakta ikkje lenger skal kunne fatte hastevedtak. Samstundes er det gjort framlegg om at det berre er leiar for barnevernstenesta og den Side 20
som fungere som leiar som skal ha denne fullmakta, framleis utan høve til å delegere denne til andre. (NOU 2016:16). Det må leggast til grunn at framlegget om å ikkje kunne delegere vedtakskompetanse, ikkje blir vedteke slik det no ligg føre. Bakgrunnen for dette er at ei slik ordning vil føre til at interkommunalt samarbeid ikkje er gjennomførbart og føre til ei vaktordning berre med barnevernsleiar og den som kan fungere som barnevernsleiar. I dette framlegget til organisering er det defor teke utgangspunkt i dagens lovverk, som uansett vil gjelde i ein lang periode framover. Fakta i saka Organisering av ei bakvaktsordning vil innehalde fleire praktiske og organisatoriske problemstillingar som må løysast. Tilgjenge: For å unngå for stor vaktbelasting bør det vere minimum 6-delt turnus med vaktlengde på 7 dagar. Vakta må vere knytt til eit fast offentleg telefonnummer som kan koblast vidare til den som til ei kvar tid er i beredskap. Det er eit krav at alle, ikkje berre naudetatane, skal kunne ringe beredskapstelefonen dersom dei har kjennskap til ei akuttsak. Det aktuelle telefonnummeret må derfor vere offentleg kjent. Oppgåver: Beredskapsvakta tek i mot og sorterer hendvendingar og gjer ei fyrste vurdering med tanke på nærare undersøkingar og evt. tiltak. Beordring av personell som ikkje er i beredskap: Ved evt. behov for iverksetting av tiltak eller umiddelbar undersøking utover det som kan gjerast pr. telefon, vil ikkje ei telefonvakt vere tilstrekkeleg bemanning. Å handtere ei akuttplassering, f.eks. etter lov om barneverntjenester 4-6, 2. ledd, vil krevje minimum to tilsette i aktivitet. Den som har vaktberedskap må derfor ha fullmakt til å beordre ut tilgjengeleg personell som ikkje er i beredskap. Om det ikkje er tilgjengeleg personell i den kommunen barnet bur ( ved kommunesamarbeid), må vedkomanbde ha fullmakt til å hente personell frå dei andre samarbeidande kommunane. Personell som kan beordrast står ikkje vaktberedskap og har ikkje plikt til å vere tilgjengeleg. Dei som vert beordra på oppdrag skal sjølvsagt lønnast for dette etter gjeldande regelverk. Kompetanse: Dei som inngår i beredskapsordninga må ha tilstrekkeleg kompetanse m.a. i høve barnevernslova sin reglar om akuttvedtak og sakshandsaming kring desse. Det vert stilt store krav til skriftleg saksframstilling og dokumentasjon. Vedkomande må vere fagleg trygg og kunne samarbeide med t.d. politi, legevakt og Bufetat sitt akuttapparat i svært kaotiske situasjonar. Vedkomande må og kunne handtere born/ungdomar og foreldre i krise og vere i stand til å kartlegge og vurdere om det er ressursar i nettverket som kan avhjelpe ein akuttsituasjon. Ved evt. interkommunalt samarbeid om beredskap må kompetansen vere vurdert som tilnærma lik/samkøyrt uansett kva kommune som til ei kvar tid har akuttberedskapen. Samarbeid med påtalemakta om heimel til å fatte akuttvedtak: Fullmakta til å fatte akuttvedtak kan, etter dagens regelverk, ikkje delegerast til andre enn barnevernsleiar/den som fungerer som barnvernsleiar. Fullmakta kan heller ikkje overførast til barnevernsleiar i ein annan kommune. Det er derfor påtalemakta som formelt må fatte vedtak dersom lokal barnevernsleiar/ den som fungerer som barnvernsleiar ikkje er involvert i den akutte situasjonen. Den som har beredskapsvakta må sakshandsame akuttvedtaket og ha dialog med jourhavande jurist hjå påtalemakta undervegs. Juridisk ansvar for saka ved kommunesamarbeid: Den kommunen barnet bur i vil vere juridisk og økonomisk ansvarleg for alle vurderingar og tiltak som er sett i verk i regi av ei beredskapsvakt (og for den saks skuld: som ikkje er sett i verk). Side 21
Avgrensing i høve ordinære arbeidsoppgåver: Vedkomande som har vakt må vere i stand til å avvise henvendingar som ikkje er akutte i lov om barnevernstenester sin forstand. Dette er viktig slik at det ikkje vert etablert ei «generell utvida opningstid». Slike avvisingar må òg dokumenterast. Vertskommune: Ved interkommunalt samarbeid som er avgrensa til å gjelde felles beredskapsvakt, må det vere ei vertskommune som er ansvarleg for organisering, faglig innhald, rutinar osv. Behovet for akuttberedskap: Det reelle behovet kan vurderast på fleire måtar: Talet på akuttplasseringar Talet på henvendingar utanom kontortid, uavhengig av om dette vert vurdert som akutt eller ikkje Døgnkontinuerleg tilgjenge for fosterforeldre er eit gode i seg sjølv og ei forventning frå Bufetat/Bufdir/Departementet Ivaretaking av barnevernsleiar som pr. no i realiteten har kontinuerlig vaktberedskap. Uavhengig av reelt behov/bruk er det no eit krav at kommunane skal ha ein formalisert beredskap. Vidare avklaring av rutinar m.m: Når det er bestemt korleis beredskapen skal organiserast, må det jobbast vidare med meir detaljerte rutinar som t.d. oversikt over lokalt hjelpeapparat, samarbeid med påtalemakta, kva personellressursar som kan beordrast på jobb i akutte situasjonar og kva system som skal gjelde for journalføring og skriving av vedtak i fagprogram. Og vidare: kva vaktfrekevensen skal vere, kor mange denne skal fordelast på, korleis desse skal veljast ut, oppdatering av kompetanse o.s.v. Eit spørsmål er også om dei som inngår i vaktberedskap må skjermast frå beordring i friperiodar. Økonomiske konsekvensar for kommunen I følgje hovudtariffavtalen skal passiv beredskap avlønnast med minimum 1/7. Det vil seie at kvar 7. time med passiv vakt skal avlønnast som ein ordinær arbeidstime. Det vil seie at i løpet av ei ordinær veke er det 130,5 timar som skal dekkast opp med beredskapsvakt. Dette betyr at den som har vaktberedskap skal lønnast med 18,6 timar kvar veke ein er i passiv beredskap. Her lyt vi sikre at vi gjer det likt i dei kommunane som inngår i akuttberedskapen i samarbeid med dei tilsette sine organisasjonar. Med utgangspunkt i ei gjennomsnittutrekning av lønn for aktuelle tilsette som skal gå i beredskap, vil totale lønnskostnader, inkl. sosiale kostnader og kvelds- og helgetillegg, beløpe seg til kr 525.000,- fordelt på dei samarbeidande kommunane. Dersom same kostnadsfordeling som ved andre interkommunale samarbeid skal leggast til grunn får vi denne fordelinga: Folketal pr. 01.01.16 % 25% likt 75% Sum Kostnad 9/12 år Gloppen 5784 30,5 43.750 120.093,75 163.843,75 122 883 Eid 6015 31,7 43.750 124.818,75 168568,75 124 177 Stryn 7168 37,8 43.750 148.873,50 192623,50 144 468 Sum 18967 100 131.250 393.750,00 525.036,00 391 528 Eit alternativ til slik kostnadsfordeling vil vere å dele beredskapskostnaden likt på alle kommunar eller at kvar kommune tek kostnaden ved å lønne sine to tilsette som inngår i beredskapen. Kostnader ved utrykking og beordring av personell er ikkje med i reknestykket, då dette er kostnader som kommunen må dekke i dag også. Evt. kostnader til utstyr er heller ikkje med. Desse vil uansett vere svært avgrensa. Side 22
Gloppen kommune har budsjettert med sin del av utgiftene i budsjettet for 2017. Rådmannen si vurdering Det er for tida mange uavklarte spørsmål med tanke på korleis kommunestruktur og samarbeidsretningar vil sjå ut i nær framtid. Dette gjer at det kan vere krevjande å avgjere kva kommunar det er fornuftig å inngå samarbeid med. Samstundes kan vi ikkje vente på endeleg avgjerd om framtidig kommunestruktur sidan kravet til forsvarleg barnevern skal innfriiast her og no. Uansett kva løysing vi vel, må vi ta høgde for at ordninga kan vere mellombels dersom nokon av dei samarbeidande kommunane vert slegne saman med andre. Kva er alternativa? Eigen beredskap i kvar kommune Det er fullt mogleg å organisere ein slik beredskap i kvar kommune etter same modell som er skissert ovanfor. Fordelen ved ei slik organisering vil vere at god lokalkunnskap gjer samarbeid med lokalt hjelpeapparat enklare. I tillegg vil det vere lettare å finne og organisere ressursar i familien sitt nettverk der alternativet er akuttplassering. Det siste vil kunne vegast opp ved at vi har høve til å beordre ut personell frå den aktuelle kommunen dersom plassering er eit alternativ. Ulempen ved eigen beredskap i kvar kommune er høg kostnad og at det vert høg vaktbelastning på få personar. Felles beredskap i heile Nordfjord Det er også mogleg å organisere ein felles beredskap i heile Nordfjord etter modellen som er skissert. Fordelen vil vere lågare kostnad for kvar kommune og at vi har fleire tilsette både som kan vere aktuelle til å inngå i formell beredskap og fleire som potensielt kan beordrast på jobb i krisesituasjonar. Det er mogleg å organisere beredskapen som ei ordinær barnevernsvakt med aktiv bemanning viss vi snakkar om eit så stort område som heile Nordfjord. Dette vil bli svært kostnadsdrivande i høve til det reelle behovet. Vi kan også tenkje oss kombinasjonar mellom aktiv og passiv vaktberedskap. Ulempene ved å inkludere sju kommunar i ei felles vaktordning er at kvar og ein som inngår i beredskapen må halde seg oppdatert på korleis hjelpeapparatet er organisert i mange kommunar. Store avstandar vil kunne gjere det vanskeleg for den som er i beredskap å fysisk møte opp i aktuell kommune. Å skulle innarbeide felles rutinar og sikre felles forståing av oppgåver til mange tilsette som har lite kontakt med kvarandre i kvardagen, vil vere utfordrande. --- Konklusjonen blir då felles beredskap i kommunane Gloppen, Eid og Stryn Felles beredskap i tre kommunar er fullt mogleg å få til etter modellen som er skissert innleiingsvis. Fordelen er at kostnaden ved eit slikt samarbeid vert relativt låg og at vi får tilstrekkeleg mange å dele vaktberedskapen på. Beredskapen er også i eit avgrensa geografisk område som gjer det mogleg for den som har vakt å møte opp i den aktuelle kommunen innan rimeleg tid, dersom dette er nødvendig. Det er òg ein fordel at dei tre kommunane allereie samarbeider om tiltaksstillingar i dag. Desse stillingane kan inngå i den personellgruppa som beordrast på jobb i krisesituasjonar. Det bør også vere overkomeleg å halde seg oppdatert på lokalt hjelpeapparat som er aktuelt å samarbeide med i kvar kommune. Ulempene ved samarbeid mellom tre kommunar kan vere at noko lokalkunnskap forsvinn og at det Side 23
er vanskeleg å halde oversikt over og organisere ressursar i familien sitt nettverk som kan nyttast i ein akutt situasjon. Det siste vil kunne vegast opp ved at vi har høve til å beordre ut personell frå den aktuelle kommunen dersom plassering er eit alternativ. Barnevernsleiarane i Gloppen, Eid og Stryn tilrår at beredskapen vert organisert som eit samarbeid mellom dei tre kommuname og at ein av kommunane vert oppnemnt som vertskommune for ordninga. Grunngjevinga for dette er at ei slik organisering er det som balanserer best dilemmane knytt til geografi, kostnad, styringskontroll, oversikt over aktuelt hjelpeapparat og forsvarleg vaktbelastning. Det er mogleg å søkje Fylkesmannen om prosjektmidlar til interkommunalt samarbeid om akuttberedskap. Fristen for slik søknad er 1. mars i år. Tiltaket må starte opp før og uavhengig av svar på slik søknad. Oppvekstutvalet 15.02.2017 Behandling 009/17 Vedtak Oppvekstutvalet er samd i tilrådinga. Vedtaket var samrøystes. Side 24